عهديه
لذكرى ولادة قائم آل بيت محمد الأمام الحجة أبن الحسن عجل الله فرجه 
......................
رايه يالمهدي ألك شدينه
أو عالسواتر مولدك سوينه
بسمك أنترجم غرام
يا أبن خير الأنام
أو عالسواتر مولدك سوينه
....................
أحنه عشاك المنايا جيش يالمهدي أو حشد
الكل رصاصه أتثور ضدنه أنهلهل أو ننثر ورد
والشهيد الطاح منه بي نقدملك جرد
جابت الفتوه ثمرها أو صحنه يالسستاني أعد
فتوة السيد وسام
شال توقيع الامام
وبوسام الغانمه أتعلينه
......................
من أبو فاضل ورثنه الغيره من زينب صبر
أو للعهد شدينه رايه لو شهاده لو نصر
أو مارضع من درة أمه الكال أسف وعتذر
الهاي صفينه النوايا الهاي دكينه الصدر
مولد أبئرض الحرام
بيه نتحده اللئام
والعهد وياك ما خلينه
....................
ألف مبروك أو تهاني أبمولدك مية هله
أمنالحشد والجيش بوسه نطبع أبخد كربله
أو يا عطر كل المحافل بينه أو بينك صله
شيعة الكرار أحنه ونته أبن عقد الوله
المهدي ياسامي المقام
ألك تعظيم السلام
والله تستاهل أذا أدينه
...........
نحسب اليمته ترانا أوبدرك الليله أكتمل
فدوه يالمهدي أبو صالح العجل ثم العجل
نورس أعيون اليتامه يوم ميلادك وصل
وحنه يم شاطي أمانك نشتل البسمه أمل
ياأمل موعد أمام
أهلالك الليله تمام
وبحلاة أوصافك أمضوينه
....................
عالسواتر هاي ليله تشبه أهوايه أكيد
ليلة أنصار الأمامه النصرو حسين الشهيد
وحنه أنصارك نعاهد نبصم أبدم الوريد
الذله هيهات أو نعاهد مانقر قر العبيد
دولة أولاد الحرام
أبزودنه تصبح ركام
أو مدد ياحيدر علي أتنخينه
.........................
خادم أهل البيت
الشاعر : أسماعيل الجوراني
الخميس : 18/4/2019


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة (كالو تحب من) في الإمام المهدي عج :

گـالو تحــبمَن يلله جـاوِب..عاشگ
شَوصافه هذه البيه ذايب..عاشگ
گلتلهم أغـله من الحـبايب..عاشگ
بگليبي بس عن عيني غايب..عاشگ

شايل أسم..مهدي
بي ملــتزم..مهدي
احله حلِـم..مهدي
هوه المهم..مهدي

غالي.. وعطره بأنفاسي
حبّه.. اتمــلَّك أحساسي
أَحنــي.. من يمر راسي
مجهول.. بالحب مقياسي

( محبوبي المهدي وماعوفه)
__________
أنساهه روحي وتصفُن العين..عنده
جسمي بمكاني وروحي چا وين..عنده
شايل من العباس چفــين..عنده
وبخدّه شامه بخد الحسين..عنده

أغله عـشگ..مهدي
ينعد صـدگ..مهدي
ما نفتــــرگ..مهدي
نبض ويدگ..مهدي

عاشگ.. أنه وعشـاگه
يمــته.. وياه اتــــلاگه
غالي.. يذبحني افراگه
ساحر.. گلبي بأشواگه

( مجنون بحبّه يسموني)
__________
بخمسطعش شعبان سارِح..غالي
ما نِزَح عني وعــاش نازِح..غالي
بميـــلاده گلبي لگلبه رايح..غالي
ناديت أحــبك يبو صـــالح..غالي

عشگــه نـِمَه..مهدي
روح و دمـه..مهدي
بي مُغـــرمه..مهدي
أرض وسمه..مهدي

يظهر.. مهدينـه انشوفه
كلـهه.. العشاگ اطـــوفه
نهتف.. بأسمه وبحروفه
جنه .. لو شفنه چفوفه

( عباس وشايل چفينه )
_________
من عـلي وارثهه الشَمـايل..شايل
صورة محمد وجهه حامل..شايل
كافل الدنيّــه و عمّه كافل..شايل
يگولون يشــبه أبو فاضل..شايل

نبض الزمـن . مهدي
محي السنن . مهدي
شبل الحسن . مهدي
عشگه وطن . مهدي

غايـب.. شيعه اشتاگينه
صحنه.. وينك رد ليـــنه
كلمن.. شـابحـــلك عينه
يمتـه.. بجــيتك مهدينه

(بالطف انزور انته ويانه)

الشاعر حاتم صبري الكاظمي



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ياشيعه ابعطر الورد طشولــه:
المهدي اشموع الفرح ظوولــه:
..........................
لبسو بيــاض اخمس طعش شعبانه:
خــل نفــرح وكلــمن يطوي احزانه:
لبــن الحــسن نرفــع ورد بغــصانه:
ونــبــارك بــهــذا الشــهر مـــولانه:
وهوا اليطيب كل نفــس مــعلولــه:
..........1..........
روحي ويحياتــي والنفــس البيــه:
افيديــه للمــهدي وحياتـه اشريــه:
ومنتظــره يطــلع والعــلل يــشفيه:
قصــطآ وعــدلآ لــو حــظر يــمــليه:
وعــن المصايــب والهظــم كــلولــه:
.........2...........
بــي يستچــن دلالــي هــل يـنتظره:
وهوا اليطمنه بــكل وكـت ويـصبره:
وشايله حب مــا ينوصف عـن كبره:
وكـل جمــعه اتئمـل يفـوح عــطره:
وبل ندبه ادعي كون اشوفن طولــه:
..........3............
العشـره شـمع اشــعلهــن لمــهدينــه:
وكلــساع اكــررهــن لــگــد اســنينه:
وبـاجــر تــراهو مـن نشــب يطفينه:
چي لــنه ابــيوم الــحشر يــحمينه:
وكــل التظــده بالحــشر مــذلــولــه:
........4..........
كــل بســمه وفرحــه اطشهه ابــعيده:
هــوا الگلــب هــوا النبـض ووريده:
وهــوا امــلنــه وكلــشي يــرجع بيده:
الحــبــه احــبه والــيضــد مــا اريده:
هوا امامي وخــالــي مــن كــل لولــه:
..........5...........

مجيد گيطان الصالحي


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده لمولد منقذ البشريه روحي وارواح العالمين
لتراب مقدمه الفداء الامام المهدي المنتضر عج
السلام عليك ياحبيبي وسيدي ومرتجاي
🌺🌺🌺🌺🌺🌺

بمـولـد القـائم دعـينه. يمـته تضهـر ياولـينه
الدنيه من نورك يهل. تنملي قسط وعدل
يابوصـالح. يابوصـالح

🌺🌺🌺🌺🌺🌺🌺🌺🌺🌺
1
يمـته تضـهـر يابوصـالـح گـلـبي هـايـم بالحـنـين
وتـمـلي هـالـدنـيـه بـضـهـورك يامـلاذ الحـائـريـن
شـوكـت يامـولاي تخـلص هـالعجـاف من السنين
ونحيي مولدوانته حاضر بصحن مولانه الحسين

وتكمل الفرحه بوجودك. واحنه انصاروجنودك
عـالـعـهـد لامـانـزل. تنـملـي قـسـط وعـدل
يابوصـالح. يابوصـالح

🌺🌺🌺🌺🌺🌺🌺🌺🌺🌺
2
مــولــدك يـبـن الأئـمــه هـــل عـلــيـنـه ابـنـوره
وخـلــه كــل الـجـعـفـريه بـهـالـخـبـر مـسـروره
ربـي بـالـطـلــعـــه الـبــهـــيـه نـور الـمـعــمــوره
الـمـهــدي بالـعـدل الاهــي يـحـكـم ابـدسـتـوره

بالدعـاء ابعـث سـلامي. ياحـبيـبي ياامـامي
ساعه النورك يطل. تنملي قسط وعـدل
يابوصـالح. يابوصـالح

🌺🌺🌺🌺🌺🌺🌺🌺🌺🌺
3
حرت شكتب بالقـصـيده بيش امليها السطور
شلون اعبر عن فرحتي ابمولدك يحله السـرور
حـبي الـك اعـظـم تجـاره وادري بيهـا مـاتبـور
جـنـي اشـوفـك يامـلاذي وين مـاعـينـي تدور

ادعي للطـلعـه البهـيه. كل صباح وكل مسيه
من نتضـارك مـاامـل. تنملي قسط وعـدل
يابوصـالح. يابوصـالح

🌺🌺🌺🌺🌺🌺🌺🌺🌺🌺
4
ادعـي بـالـلـهــم عـجـل رافـع ايـدي لـلـسـمـاء
يـم ابـوالـسجـاد ادري يكـون مـقـبول الـدعـاء
من ضريحه ابعث سلامي وادعي ياربي اللقاء
ياطـبـيـب اجـروح گــلــبي انـتـه لـلـعـلـه دواء

يامشـافي ويامعافي. لشوكت يبقى التجافي
شوكت يلتم الشمل. وتنملي قسط وعـدل
يابوصـالح. يابوصـالح

🌺🌺🌺🌺🌺🌺🌺🌺🌺🌺
5
بـالـولاده الـمـهـدويه نشـعـل شـمـوع الـفــرح
مقـدم القـربان نحـري بنضـره مـنك لـو تصـح
ياهوه الي ابريتي ساكن بدونك اتنفـس جـرح
اعـتـبـر عـمـري خـســاره بـس ولايـتـكـم ربـح

امنيتي اشـوفك بالزياره. طولك بعـلو المناره
نـــور لـلـتـايـه يـدل. تنملي قسط وعـدل
يابوصـالح. يابوصـالح

🌺🌺🌺🌺🌺🌺🌺🌺🌺🌺

تمت بعون الله تعالى
بتأريخ 2019/4/18. م
كلمات الشاعروالرادود الحسيني
عقيل حسين الگـرعاوي



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات للمهدي
… .
هليله الولاده وفرحت العشاگ
يالمهدي دليلي الشوفتك مشتاگ
ارسل من بعد يالمهدي الك اشواگ
ننتضرك وانته ابميلادك
…… .
تهاني الفرحه نرسل بيها لهفتنه
وعله مودك يمهدي هاي جمعتته
تتنطر خبر هليله لمتنه
ومبارك جيتك مولانه
…… .
يالمهدي وحگ الصار بغيابك
فرحانه اعله مودك حضرت احبابك
يم بابك نثرن الورد يم بابك
والموعد جيتك تانينه
… ..
بخبر جيتك يغالي الدنيه فرحانه
فرحنه واليودنه يفرح ويانه
نزل جبريل ابجناحه تلگانه
ويرفرف فطرس بجناحه
… ..
وحگ يوم الولاده البيه تهنينه
بخبارك تهاني الحب تغطينه
هلا ويامرحبا ابجيتك يمهدينه
هلهوله اطگ ابهلهوله
… ..
علي الحاج الصبيحاوي


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

        تدري يتراوالي  بمولدك يالغالي
           طلعتك بالكي قريبه قريبه
         والمحب ينضر حبيبه حبيبه
         تدري يتراوالي بمولدك يالغالي
       ❁ ❁ ❁ ❁ ❁ ❁ ❁ ❁ ❁
تـدري اتمـنه بحياتي احضه مره بشوفتك
ياحبيـبي تـحـن عـليه مـروة الله مـروتـك
الخـلك ملـت يغـايب سرهه انـته بطلعتك
وانـه نـاذره حـياتي كلـهه فـدوه بخدمتك

            بدمعي ابجي لحالي
             بــمـولـدك يالغـالي
       والـحـزن انـته طبـيبه طبـيبه
      والمـحب ينـضر حبيـبه حبيـبه
      ❁ ❁ ❁ ❁ ❁ ❁ ❁ ❁ ❁
روحي منتضره وتتاني لشوفتك يبن الحسن
بطلعـتك الدنـيه تفـرح وينتهي وياك الحـزن
انتـه هيج الروحي صاير مثل اشـراع السفن
تبـدي كل افراحـي يمك وتنـمحي كل المحن

                 ضـل يـدك دلالي
                 بـمـولـدك يالغالي
        كلبي عاشكك تدريبه تدريبه
       والمحب ينضر حبيبه حبيبه
      ❁ ❁ ❁ ❁ ❁ ❁ ❁ ❁ ❁
عشكي انـته وبـيك افـخـر ياحبـيبي وروحي
الساني بسمك دوم يالهج وبيك بخفت نوحي
انه صـدك مـن اذكـرك اطيـب كـل اجــروحي
انته كـل امنـيه عنـدي وانـته كـل اطمــوحي

              والعــشك يحــلالي
              بـمـــولدك يالـغـالي
         روحي من بعدك نحيبه نحيبه
         والمـحب ينـضر حبيبه حبييه
        ❁ ❁ ❁ ❁ ❁ ❁ ❁ ❁ ❁
الـيـوم فرحــانه الشـيعـه بمــولــدك زاد الفـرح
حـجـة الله بأرضـه انـتـه وانـي بـحـبك صـرح
دواي انته وكل جروحي ضماد انته لكل جرح
ادعـي مـن الله اشـوفك حتـه صـدري ينشرح

                    امنيــتي وامــالــي
                    بمــولـدك يالـغــالي
             ادعي من الله يجيبه يجيبه
              والمحب ينضر حبيبه حبيبه
             ❁ ❁ ❁ ❁ ❁ ❁ ❁ ❁ ❁
الــورد خـضـر الـيله بحـب امـام المـنتضـر
بعيني يحله اليوم كلشي كحل عيون النضر
ياخـليـفـه ال احـمـد ياأبـــن فــارس مـضـر
حتـه جـبريـل بعـضـمته اليوم بالمولد حضر

              افــدي حــالي ومــالي
              بـــمـــولدك يالــغــالي
         اليله احسنها عجيبه عجيبه
        والمحب ينضر حبيبه حبيبه
       ❁ ❁ ❁ ❁ ❁ ❁ ❁ ❁ ❁
                الخادم الحسيني
            محمد رحيم المشعلاوي



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

صلاوات
..............
ولادة الأمام الحجه عجل الله فرجه الشريف ...................
صلاوات صلاوات
مهدينه أشرق نوره
صلاوات صلاوات
ضوه عله المعموره
صلاوات صلاوات
فرحتنه صوت أوصوره
صلاوات صلاوات
شيعة علي منصوره
صلاوات صلاوات
صلاوات صلاوات
....................
هاليله ليله أمنالعمر محلاها
بـ 15 شعبان يوم الجاها
فرحانه كل شيعة علي أبمولاها
اوداعي السعاده ورد أبمحياها

صلاوات صلاوات
كلمن حسب مكدوره
صلاوات صلاوات
شمعه شعل وبخوره
صلاوات صلاوات
صلاوات صلاوات
..................
هاليله مهدينه بدت أمجاده
والكون كله عيد أبميلاده
صوت الموالي يابو صالح ناده
الشيعه تبقه أبصايتك وَلاده
صلاوات صلاوات
بيعة وفه مشكوره
صلاوات صلاوات
تبقه عمر مذكوره
صلاوات صلاوات
صلاوات صلاوات
..................
يامحلا ميلاده أوحلاة أنواره
نبتهل للباري العلي أبتاره
ثاراته ياخذ وحنه ناخذ ثاره
يامرنه مولانه أونشن الغاره
صلاوات صلاوات
راية نصر منشوره
صلاوات صلاوات
منها العدا مذعوره
صلاوات صلاوات
صلاوات صلاوات
..................
للقائم الليله تشد الرايه
تحلفله بلعباس تمشي أبرايه
شيعة علي الهذا العهد وفايه
تنطي عمرها أوماتخون الغايه
صلاوات صلاوات
تبقه الحُسين أتزوره
صلاوات صلاوات
وتزور حامي الجوره
صلاوات صلاوات
صلاوات صلاوات
....................
أسمى التهاني للنبي هاديها
ترفعها وتهني علي واليها
أو فاطمه البضعه الطاهره أتهنيها
والحسن وحسين أبشغف داعيها
صلاوات صلاوات
من الكلب مسروره
صلاوات صلاوات
عجل يرب أظهوره
صلاوات صلاوات
صلاوات صلاوات
.................
خادم أهل البيت
الشاعر: أسماعيل الجوراني
الأحد : 7/5/2017

الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات للامام المهدي عجل الله تعالى فرجه الشريف :

گالو بالعـشگ متــفوق اعله الـناس 

كُتلَه من المشاعر مُفرط الاحساس

بسبب مولد المهدي اليشبه العباس


( و بهذه و هـذه يلـوموني )

( بالمهدي و عباس جنوني )

________________

أنـي و گـلبي سافرنه و قوافينــه

رحنله لكربله و لـ حسـين هَنيــنه

بولادة يوسف الزهـــراء مَــهدينه


(و الشيعة اتهني و فرحانه)

(عبــاس يــهــوس ويــــانه)

________________

هلا بغيرة الباري و مُـنقذ إسلامه

أنولد و الشيعه كلها رافعه الهامه

گمر يا ناس و بخَـد الگــمر شامه


(چم يوسف شايل بعيونه)

(الله و أمـلاكه يعشــگونه)



الشاعر حاتم صبري الكاظمي

الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات جنوبيه
لذكرى ولادة وموالاة قائم آل بيت محمد الأمام الحجة أبن الحسن عجل الله فرجه الشريف
...................
يا أبن حيدر علي حامي الدخيل
الليله دمع أفراحنه عالخد سبيل
أو لو نسبل أعيونه أبحقك قليل
ها ها
يالمهدي أندكلك ثايه
للموت أنظل وفايه
وبيوم أترفلك رايه
هاها  ( هبينه )
تلكانه الثارك هبينه
....................
ما دام الجسد بي روح يالمهدي يبو الرايه
أنشدلك راية العباس نبقه أوياك وفايه
أو ولو مكروه طاري الموت بيه أنكيف أهوايه
ها ها
وين أتريد أتودينه
صار أنكلك مهدينه
والموت أنظل شارينه
ها ها ( عزه أو هيبه )
ياموت الحك عزه أو هيبه
..................
أبيوم 15 شعبان كيف حيل داعينه
أوحكه أيكيف الدلال في ميلاد مهدينه
يوسف فاطمه الموعود بس هوه الينجينه
ها ها
أبن الزهره المرضيه
فدوه أنروح الطاريه
يارب عجله الجيه
ها ها ( لو جانه )
يعدل كل مايل لو جانه
....................
يا أخر محمد بالحمد محمود
ياسيدي الحجه المهدي الموعد
أمجدي أباب جودك ونته راعي الجود
ها ها
يالساكن كلبي أوبالي
رايد منك يالغالي
دنيه أو محشر تبرالي
ها ها  ( عيديه )
رايد من جودك عيديه
...................
خادم أهل البيت
الشاعر : أسماعيل الجوراني
الجمعه : 19/4/2019


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

اليلة نور صافح أعنان السمة
المهدي صار ذبي حزنج فاطمة
أفرح علي الكرار أنولد راعي الثار
* * * * * * * * * * * * * * * * *
هاليلة نور ونولد مهدينا
بهجة وسرور والفرح غاطينا
ظلمة الدهور مهدي شع اعلينا
جانة الفرح خطار أنولد راعي الثار
** * * * * * * * * * * * * * * *
بنص الشهر جت للحسين بشارة
شع عالبشر إبنة إلي ياخذ ثارة
ضاج الكفر جي منولد صكارة
خالتشرد الكفار أنولد راعي الثار
* * * * * * * * * * * * * * * * *
نجل الحسن أهو اليصول وينتفض
من الفتن سيفة يصفيهة الأرض
راعي الزمن طاعته من الله فرض
يصفيهة بالبتار أنولد راعي الثار
* * * * * * * * * * * * * * * * *
يمتى الفرج يمتى يطر ذاك الفجر
حتى المهج تعبها مولاي الهجر
بسمك لهج صوت الموالي يابدر
أبن النبي المختار أنولد راعي الثار
* * * * * * * * * * * * * * * * *
طالت ترة كلش يمهدي غيبتك
شوف الجرة انهض ولحك شيعتك
يا مكثرة الظيم الغطانة بغيبتك
نتانيك يامغوار أنولد راعي الثار
* * * * * * * * * * * * * * * * * كلمات الشاعر والرادود عدي البصراوي



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مولود سيده رقيه عليها السلام 🙏
يالعندك قظيه.. بس اندب رقيه
هذه بت حسين
… .
يلي ظلت حاجتك ماعدها حلال
اگصد المرقد رقيه وهيه تنشال
هاي موطفله وتحسبوها وي الاطفال
هاي حلالت مشاكل حلت اشكال
اتوجه بالمسيه.. بس اندب رقيه
هذه بت الحسين
… .
اگصد المرقد رقيه وگلها بحماچ
مدي عالجرح الچبير الترفه يمناچ
انتي بت حسين وانه حگي انخاچ
يا عزيزة گلب ابوها كلبي يرجاچ
تنحل كل قظييه.بس اندب رقيه
هذه بت الحسين
… ..
هاي متروسه كرامه وتنطي المراد
هاي من بيت النبوه الكلهم اجواد
ذوله ورثوها الكرامه من الاجداد
الينطي منهم من تحلفه يكرم وزاد
وين اهل الحميه…بس اندب رقيه
هذه بت الحسين
……
انوي وسلم عليها وگلها محتاج
لوسجين بسجن اظلم تطلع افراج
لو الف حراس وگفوا فوك الابراج
لو غريق وينخه بيها يركب امواج
يالواصل منيه.. بس اندب رقيه
هذه بت الحسين
……
اتوكل واگصد عليها تجلي الهموم
لاتروح الصيدليه وتمشي وتگوم
خلي خالص كل دعائك هذا مفهوم
انخه واتلاگي رقيه ابصفك اتحوم
تعيشك رغد هنيه. بس اندب برقيه
هذه بت الحسين
…… .
علي الحاج الصبيحاوي


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

.
كـلـمــات الـشـاعــر
عــلــــي ابـو سـمــا الـديـوانــــي


(ميلاد الامام الحسن ع)


ابـعــث سـلامــــي ابـعــث سـلامــــي
الـشـبــر امــامـــي الـشـبــر امــامـــي
يــامـولاي يــامـولاي يــامـولاي يــامـولاي
* **** * ** *
بـنـصف رمـضان الـولاده ضـوت الـدنـيا سعـاده
نـــــور بـــاهـــرنـــه ابـجـمــالـــه
والـيـحـبــه اعــلـــن وداده
نـــاسـك الـمـبـهــوره
بـمـــولــدك مـسروره
وجـهـك الـشـع نـوره
لوحه واجمـل صوره
يــامـولاي يــامـولاي يــامـولاي يــامـولاي
* **** * * **
ازهــر ونــوره تــلالــه نـور مـن رب الـجـلالـه
هـيـئــتــه هــيــئــه عـجــيــبــه
حَـيــر الـكـــون بـجـمــالــه
يـاجـمــال اعــيـونــه
كـلـهـا بـيـه مـفـتونـه
نــاس الـيـلــومـونــه
الـغـالــي لتحسدونـه
يــامـولاي يــامـولاي يــامـولاي يــامـولاي
** * * ** **
ردد اسمه بهالـمحافل صيح احبـه ولا تجامل
نـبــضــك أيــــدﮒ ابـمـحـبــتـــه
صحـي كلـمـن عـنـه غـافل
يـاﮔـمــرنـه الـعــالــي
بـالـمــهـد واتــلالـــي
غـالـي دومك غـالـي
سـاكـــن ابــدلالــــي
يــامـولاي يــامـولاي يــامـولاي يــامـولاي
* **** * ** *
رحـب الـلـيلـه ابقدومه هذا امامك محله يومه
لــلــكـــرم فـــارش چـفــوفـــــه
طـشت اخـبـاره وعـلـومـه
حـگنــه لـو بــاهـيـنـه
بــالـحـسن والــيـنــه
بــاچــر أيـنـجــيــنـه
بـالـشـدد يحـمــيـنـه
يــامـولاي يــامـولاي يــامـولاي يــامـولاي
.

الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات مولد الحسن (ع)
* * *

بميلاد الحسن فرحانه هاي الناس
تطش بكل محافلهه ورود وياس
تهني حسين هاي الليلة والعباس
وإتهني الخـــوّة ... بــهالـلـيـــلة
* * *
الحسن بحر الكرم إيـــده الشريفه
هدْمو كَبره بس عامر مضيفه
رغم اهل الحقد وأهل السقيفه
والجود اتنومس ... بجفوفه
* * *
الحشد فرحان والساتر يطش بسمات
نور المجتبى شافوه بالصولات
ينطيهم عزيمه و زود بالشــدّات
يكرم بالحيل ... يـكَـــوّيـــهه
* * *


الحسن بحر الكرم والطيب والجود
النصر ويّـــا هالأيــــام مـــولـود
و يا محله الفرح لو بسمه معقود
وفرحانه الشيعه ... ومنصوره
* * *
النصرهذا النصر بس للعراق يلوكَـ
الحشد والجيش بالفلوجة شكَـ حلوكَـ
كَالو باكَـ ؟ مارحنه ودخلنه نبوكَـ
بـاكَـــــوهه ... واحـنـه الـجـبـنــاهه
* * *
الفخر بس للشهيد بهاي الافراح
رفع راس العراق بدمّه من راح
طاح اعله السمه مـوعـالأرض طاح
و أمــلاك الـشـالـت .. جـثـمـــانه
* * ***
ونسألكم الدعاء
حسام الناصري


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

صلوات صلوات هل الليله ميلاد الحسن
والاكوان والاكوان من نــــور بن طه ضون
*************************************************************************************************
هاليله شع رابع نـــــــــور للعتره
ابميلاده احنه نحتـــــــفل عالفطره
واجب على الشيعي يجي ويحضره
والشموع والشموع يعلكها لجل الوالي
والاملاك والاملاك ويانه خل يحتــفلن
*************************************************************************************************
ابن الطهر بــين هلاله اعلينه
ابميلاده نفحات العطر شمينه
فرحتنه تحله بـــــــي ياوالينه
والاصوات والاصوات دوت الحد سابع سمه
والنجوم والنجوم لاجـــــله ياعالم ينحنن
*************************************************************************************************
امبارك ابميلاده نكل للساده
جدكم يساده هو وانتو احفاده
محله الفرح هاليوم محله اعياده
والانوار والانوار نورها من انواره
والورود والورود من الحسن يترون
*************************************************************************************************
مولاي ياحــــجة الباري القائم
نظره يبن حيــــدر وانت العالم
بالحفل كل واحد البيهم خادم
للاقمار للاقــمار ساددة العالم كله
والاسماء والاسماء نص دفترك سجلهن
*************************************************************************************************
خادم اهل البيت / ابومحمد العاشور



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مبارك يالحسن ميلادك مبارك لهلك بالولاده الليله نتبارك
****************************
مبارك بالولاده يبن داحي الباب سوتلك الليله محفل الاحباب
تريد الاجر منــــكم طيب الانساب بمولدكم اجت ياسيدي تبارك
************************
يبن سيد الرسل يالمجتبى الغالي بزغ نورك الليله بالسمه العالي
وعلى كل الخلك ظل يضوي ويلالي واملاك السمه ملتمه يم دارك
******************************
اليجيلك مايرد خالي وعلي شافوك ولا حاتم وغيره بالكرم وصلوك
كريم ال النبي اهل الوصف وصفوك لان ربنه الكريم الباري مختارك
************************
نور بن الزجيه اليـــــوم ضوانه فرحنه والخـــــــلك ويانه فرحانه
اليحب المجتبــــى خل يجي ويانه يحصل الغانمه كل من اجه يشارك
******************************
تهاني الحضرة القــــائم نوديها اليحضر بالولاده ويانه يحييها
واله انواع الزهور الليله نهديها ويسجل من يجي بالمحفل يشارك
****************************************************
((نسأكم الدعاء ))
خادم اهل البيت
ابومحمد العاشور


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بعطر الورد صار الهوه
وشع الضوه شع الضوه
ابخد الحسن طه رتوه
وشع الضوه وشع الضوه
~~~~~~~~~~~~~~~~~~~~~~~~~~~
النبي صلى عله النبي فرحان ويقبل علي
يگله ابشر يالوالي جانه الأبي جانه الأبي

وكل الورد ينثر ورد
ينشد قصائد و يرد
وبسم الحسن يقرأ الورد
وشع الضوه وشع الضوه
~~~~~~~~~~~~~~~~~~~~~~~~~
فرحانه بنت المختار نور الحسن ضوه الدار
وحيدر علي الكرار وزع نذر الأخر جار
وكل هلا تصحب هلا
ياهلا بالجانه وغلا
للحسن تحله المسالة
وشع الضوه و شع الضوه

~~~~~~~~~~~~~~~~~~~~~~~~~
و نتشرت انجوم السمه تهني كلها فاطمة
فرحانه وي حامي الحمه بالحسن نبع المكرمه
فرحنه حتى الاصلاب
الخير اجه ودك الباب
الحسن للحگ طلاب
وشع الضوه وشع الضوه
~~~~~~~~~~~~~~~~~~~~~~~~~
نزلت مواكب املاك وزينت كل الفلاك
ياعلي مبروك الجاك هذا الخليفة اليتلاك
ورفرفت ابجنحانه
لبست خضر بالوانه
اليوم الفرح عنوانه
وشع الضوه وشع الضوه
~~~~~~~~~'~~~~~~~~~~~~~~~~
والشيعة هاليله أجت وللحسن كلها بايعت
كبرت بسمه وهلالت وگد الفرح لجله بجت
نصبت موكب افراح
وبلحسن همهه انزاح
وقره القاري وصاح
شع الضوه شع الضوه
~~~~~~~~~~~~~~~~~~~~~~~~~
خادم الزهراءع /ابواحمد الطائي



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مولد
لذكرى ولادة الأمام الحسن المجتبى عليه السلام
............
محلاها التهاني الليله محلاها
أبميلاد الحسن سبط النبي طه
...............
أبميلاد الحسن نترس صوانينه
بشموع الفرح ونعلك الزينه
ونهني نفسنه أومن يهنينه
بوسات السعاده أبخده يلكاها
...............
ابيوم 15 رمضان فرحتنه
ماألهه حدود أوسر سعادتنه
أنوار الحسن هليله ضوتنه
ونوار الولايه هلت أوياها
...............
علفطره أجتمعنه الليله علفطره
علنعمه حمدنه الباري ونشكره
مقضيه الحوايج لاحت البشره
أوهيهات الحسن حاجتنه ينساها
..............
أنفاس النبي والمرتضى أويانه
والزهره الزجيه حاضره أهنانه
ريانه المعاني أوحكها ريانه
هليله نسيم العصمه غطاها
..............
مناقب للحسن تنطينه شخصيته
كريم أوبلكرم مليانه صينيته
الشجاعه أتلوكله وتصير جنسيته
أوميدان الحرب بفعاله يتباها
.............
الكهوه للحسن مرجعهه والدله
والزار المدينه أمضيفه يندله
فنجانه أوسفرته أيجمعن المله
وبزاده العلل تتهاوه بلواها
...............
نتباشر نظل للدوم هلنيه
حضره بلبقيع أنشوف مبنيه
منارتها الشرف والغيره عربيه
وبكل الطوايف تزهي معناها
.............
خادم أهل البيت
الشاعر : أسماعيل الجوراني
السبت : 26/5/2018


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

{{ ومضة للحسن (ع) }}

كـريــم وبـالـكــرم حـــارو يـوصـفـــوك
كــرم چـفــّك يـخـلـي الـريـج يـنـشــف

يـمـن جــودك يـغـرگ الـضيـف لو جـاك
ونـهـر گـهـوة مـضيفـك يـجري ما جـف

لـيمـتـه أنـشــوف گـبـرك مـبنـي مـولاي
ومـنـايـر مـن ذهـب نـبـنـيـهـا بـالـچــف

ومـثـل حـسـيـن نـزحـف ألك ونـطـوف
والـمـا عـنـده رجـل بـچـفـوفــه يزحـف

ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ
الـشـاعـر
سـيــد عــلاء الـحـيّــدري


https://tttttt.me/joinchat/AAAAAEFVSMd2pvMFlLPXYg

مـولـد سـبـط يـاسيـن مـولـد حـسنّـه
هل وأنـتشـر بـالكـون لجلـه أنـجمعنـه
ــــ ــــ ــــ ــــ ــــ ــــ ــــ ــــ ــــ ــــ

بــ 15 رمـضــان فـرحـــه وأمـانـــي
مـولـد شـبل ضـرغـام فـقـه ومـعـانـي
لـطـه وعـلـي الـكـرار زفّـو الـتـهـانـي
لـجـل الـسبـط هـلّيـوم سايـل دمـعـنـه

ــــ ــــ ــــ ــــ ــــ ــــ ــــ ــــ ــــ ــــ

هـذا الـسـراط الـبيـه جـنّـه وسـلامــه
يـتبـاهـه بـيـه الـكـون حـتـى الإمـامـه
يـوم الـهـتـف يـاسـيـن واضـح كـلامـه
گـال الـحسـن إمـام نـهجـه أنـتـهجـنـه

ــــ ــــ ــــ ــــ ــــ ــــ ــــ ــــ ــــ ــــ

عـدل وكـرم وأحـسـان هـايـه صـفـاتـه
والـعصّمـه ربـه أنـطـاه حـلمـه وأنـاتـه
وأللـي نكـر هـاللـيـث شـلّـه بـصـلاتـه
يـوم الـحشـر والـضـيـج يـتـبـرّه مـنّـه

ــــ ــــ ــــ ــــ ــــ ــــ ــــ ــــ ــــ ــــ

حـبـك طـبـع بـالـروح يـا سـلـوة الـروح
عـنـي تـزيـل أهـمـوم تـتـنـاثـر أتـروح
حمـل الـمحـب ويّـاك ما يـبقـه مـطروح
بحر الـشفـاعـه هنـاك منّـه أغـتـرفـنـه

ــــ ــــ ــــ ــــ ــــ ــــ ــــ ــــ ــــ ــــ

شُـبّـر نـزل جـبريل بـيـه بـشّـر الـديـن
أسـمك حـسن للـنـاس رددّهـه يـاسـيـن
يبن الـكـرم والـطيـب يـبـن الـميـامـيـن
بـسمـك عـلى الـظـلام رفـرف عـلمـّنـه

ــــ ــــ ــــ ــــ ــــ ــــ ــــ ــــ ــــ ــــ

شـيعـة علي الـكـرار عـلـّگـت شـمعهـه
فـرحـانــه بـالـمـيـلاد هـلـّت دمـعـهــه
تـاج الـشهـامـه الـيـوم هـو الـجـمعـّنـه
سـبـط الـنبـي الـمختـار لـجلـه كـتبّـنـه

ــــ ــــ ــــ ــــ ــــ ــــ ــــ ــــ ــــ ـــ

يـوم الـقيـامـه تـصيـر يـذنـوبك أجـبـال
لا تــنـفـــع الأولاد لا يـنـفــع الـمــال
حـب الحسـن موصوف بس تـنخـه بالحال
يـحـضـر يـزيـل الـنـار لـن حُـبّـه جـنّـه

ــــ ــــ ــــ ــــ ــــ ــــ ــــ ــــ ــــ ـــ ـــ
الـشـاعـر
سـيــد عــلاء الـحـيّــدري


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات جنوبيه
لذكرى ولادة كريم آل بيت محمد الأمام الحسن المجتبى عليه السلام
......................
من تحل بيك الشدايد أنطي وجهك للحسن
أوحلفه بالزهره الزجيه أوشوفها أشلون المحن
كلها تتلاشه أبدقيقه أو ينصح أوياك الزمن
ها ها
أبن الزهره المرضيه
صاحب غيره أوحنيه
كل حاجاتك مكظيه
ها ها  ( أو خليها )
بس ذبها أعليه أو خليها
.....................
الليله ميلاد المكارم يالتريد المكرمه
للحسن صفي النوايا أو كله يابو الغانمه
جيتك أوطالب طلبتي أبجاه أمك فاطمه
ها ها
هذا المارد خطاره
شعت عالكون أنواره
أطلب وتمنه أبشاره
ها ها ( ينطيها )
كل طلبه أبجفك ينطيها
.....................
يا سبط طه محمد ياأبن عقد الوله
يا أبو النفس الزكيه يالحسن باب الهلا
أبشاربك هاليله كلها العنده عله أو مشكله
ها ها
تتعايد كلها أبعيدك
أودكت بابك وتريدك
تنطيها أمراد أبئايدك
ها ها  ( داعيها )
يتنومس بسمك داعيها
.....................
خادم أهل البيت
الشاعر : أسماعيل الجوراني
الجمعه : 17/5/2019


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747