اهازيج لولادة امير المؤمنين علي عليه السلام

هليوم مولد حيدره صلوات
والدنيا كلها منوره صلوات

----------1----------

فرحانه فاطم بت اسد صلوات
بالكعبه هليوم نولد صلوات
محله جماله هالولد صلوات
سبحان رب الصوره صلوات

----------2----------

علكو شموع الغالي صلوات
بالظلمه وجهه يلالي صلوات
اليوم الفرح يحلالي صلوات
نندبه بوكت المحن صلوات

----------3----------

اسمه نزل من السمه صلوات
زوج البتول العالمه صلوات
هلهوله الحماي الحمه صلوات
من عطره ضيوفه معطره صلوات

----------4----------

نوره يشع مثل الكمر صلوات
للنبي حزامه والظهر صلوات
معجزه هوه للبشر صلوات
وللدين هوه سوره صلوات

----------5----------

ياربي عوده علينه صلوات
مولد علي والينه صلوات
يعجل فرج مهدينه صلوات
والقلب هوه والهوى صلوات

----------6----------

فقار سيفه والنعم صلوات
بتاره حطم كل صنم صلوات
بالمعركه ماينهزم صلوات
اورايته منصوره صلوات

-----تمت بعون الله -----
بقلم خادمة الزهراء
20 / 3/ 2019


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ياحيدر انته الغالي الغالي
باسمك هتف دلالي دلالي
ياعلي ياعلي ياعلي
======================
حبك علي من المهد عرفته عرفته
واسمك علي بنص الكلب كتبته كتبته
ماعوف حبك للابد لزمته لزمته
و الما يحبك خاسر وكرهته كرهته

كل لحظة انته ابالي ابالي
باسمك هتف دلالي دلالي
=====================
وكت الشدد باسمك علي انادي انادي
عن معرفه حبك سكن فؤادي فؤادي
ميهمني عني شكالت الاعادي اعادي
حصراً ألك يا بالحسن ودادي ودادي

ميهم حجي عذالي عذالي
باسمك هتف دلالي دلالي
=======================
بهاي الولاده ياعلي هتفنه هتفنه
نهجك نجاة محبتك شرفنه شرفنه
انته الشفيع البل حشر عرفنه عرفنه
من كبتك تزهي صفت نجفنه نجفنه

مثل الكمر واتلالي واتلالي
باسمك هتف دلالي دلالي
======================
بالكعبة نورك من بزغ يحيدر يحيدر
كون الله من ضيك علي تنور تنور
كل ملك يالغالي الك تبشر تبشر
مسرور كون الله الك تعطر تعطر

كلها بفرح يالوالي يالوالي
باسمك هتف دلالي دلالي
======================
نهني الرسول بمولدك المختار المختار
نزف التهاني الفاطمة و الاطهار و الاطهار
عاهدنه منخون العهد يكرار يكرار
انته الامير وما تهمنه الاشرار الاشرار

نهجك يظل العالي العالي
باسمك هتف دلالي دلالي
=====================
حسن بشير السوداني


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

سهرانه سهرانه
كل نجمه ويانه
منتظره ميلاده
كل نجمه ويانه
...
دنيانه ملهوفه اله اتناغيله
واهل السمه واملاكهه تصليله
نجمه اعله نجمه مناطره وتدعيله
يارب فرحنه بضواه الليله
موعدنه والفرحه
بثالث عشر صبحه
هللت بسمانه
كل نجمه ويانه
..
مستبشر بمولده وفرحان الكون
فجر الولايه البيه گرة العيون
حگ لو يمر اسمه الجميع يصلون
وحگ من يهل ميلاده كل يحتفلون
ميلاد ابو الحسنين
للعين گرة عين
فرحانه فرحانه
كل نجمه ويانه
..
رابع أصل بعد العدل والتوحيد
بين النبوه والمعاد الترديد
مبارك على التشهيد ثالث تشهيد
دنيانه من گد الفرح لبست عيد
گد ما سعيده الروح
مابيهه ظل جروح
من مرهه عنوانه
كل نجمه ويانه
..
أزكى التهاني والمبارك هاليوم
نرفعها للمعصوم تلو المعصوم
أولهم المختار طه ومعلوم
أخرهم الموعود واللبي مختوم
وبجاه داحي الباب
سبب لنا الاسباب
وتشوف مولانه
كل نجمه ويانه

...الشاعرة نسيم كربلاء


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بمناسبة يوم المبعث
ـــــــــــــــــ
بالمبعث احنه نهنّي هادينه
وتحله الزياره العلي والينه
——
يا مبعث المختار هالليله
فوّح عطرنه وفاح كل هيله
بهل ليله ربنه الباري ندعيله
مهدينه والله يفرّجه اعلينه
—---
كل سنه بهذا اليوم نتحظّر
نزور الامام المرتضى حيدر
الماحب علينه بالحشر يخسر
بحيدر علينه وصّى بارينه
—----
يامبعث الهادي فخر النه
بيه الاله الباري اكرمنه
بالجائزه ريت الله يشملنه
بدفتر علينه نلگه اسامينه
—---
هذا الفرح والشيعه فرحانه
وهل يوم لبست عيد دنيانه
كل الملائك هسه ويّانه
وبكل مكان اتعلّگ الزينه
—---
نادينه يل مختار يالهادي
انت وعترتك فرحة اعيادي
رغم النواصب بسمك انّادي
يلّي بمحبّتكم تعلّينه
—---
الشاعر محمد حسن ضيغم



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مولد
لذكرى المبعث النبوي الشريف
....................
طه النبي أبنوره .. وحكام دستوره
مبعوث رحمه للخلك .. صلي يمعموره
................
باخر رجب رب العلا أختار هادينه
وسما قوانين العدل صارت قوانينه
نور أوعله أمه أنبعث بانت نياشينه
من حكه يشعر بالفرح هاليله داعينه

أبمهجه مسروره .. ترجمه للصوره
مبعوث رحمه للخلك .. صلي يمعموره
...................
رباني حسنه والذي بالحسن رباني
تتباها تحضن صورته حيطان ديواني
أويافاطمه أوحيدر علي من يندب ألساني
طه محمد غايتي بالشده يرعاني

أبدمعات منثوره .. النيه منذوره
مبعوث رحمه للخلك .. صلي يمعموره
......................
طه الأمين المصطفى من داعي وجدانه
ما نطق مره عن هوى فد كلمه بالسانه
شاهد كلام التزكيه دستور أيمانه
قرئان منصف للبشر والعدل ميزانه

أيوصي بالجوره .. كلماته مأثوره
مبعوث رحمه للخلك ..صلي يمعموره
.......................
بالغار من جاه الوحي وتلالت أنواره
رد  لهله من كد الفزع تتراجف أكتاره
أو من ورقه أبن نوفل تلكه الهادي البشاره
أنته نبي الأمه الذي رب العلا أختاره
بالعلم وبحوره .. أصنام مدثوره
مبعوث رحمه للخلك .. صلي يمعموره
.....................
سلطان حب المصطفى ماخذ شذى أبعاده
ولذكره نلهج بالصلا ونخلد أمجاده
أبحب النبي أو آل النبي الشيعه ولاده
أو كالعاده بالمبعث نجي ونجدد العاده

والذاته مقهوره .. الشيعه منصوره
مبعوث رحمه للخلك .. صلي يمعموره
....................
خادم أهل البيت
الشاعر : أسماعيل الجوراني
الأثنين : 1/4/2019


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة (و جعلناك )

بَعَثناكَ نبيّـــــا..ولنورِ سميّا
منَ العرشِ إلى الغار
جعلناك عليا
..............
بمــشيئة قادر بحكمة وارادة
خبر توقيته في غارك معادة
رســــول لمبعثك زَيَّن وهادة
أَمر ربك يتــــوجك بالسعادة

نَبيّاً وبَشيرا...وللحقِّ نَذيرا
مَقاماً فيكَ قدْ صار
جعلناك عليا
.............
مـــــــــــُحمد اقرأ أيات القداسة
الك كلــشي لنبوتك حاني راسة
مـــــقامك عالي صار ابين ناسه
ونطاك اعله انبيائه الله الرئاسة

فأعطاكَ مزايا...على كلِّ البرايا
وعِندَ اللهِ مُختار
جعلناك عليا
...........
محمد اقره باسم الرب الاحمد
العلـــيم ابعلمه وبقوله المُسدد
بآســـــمه الباري سمّاك المُـؤيد
ومن أحلـــه الاسامي يامحـمد

لهُ كنتَ مُجيبا..فآسْماكَ الحَبيبا
وصارتْ فيكَ اسرار
جعلناك عليا
............
قلــــيلاً يارسول الله اليفرحون
بنبوتك بُشره عمت سائر الكون
تبـــشرهم لگومك من يسمعون
ولاتــــــــهتم اذا نادوك مجنون

فهذا الصوتُ مُبعد...فصبراً يامحمد
فآنتَ الحقُ في الدار
جعلناك عليا

(كلمات حاتم صبري الكاظمي)


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

(هوسات العباس عليه السلام)

القوافي تنحني العباس بعتابه
وابحور الشعر من هيبته تهابه
وتتنومس بزوده وغيرته احبابه
ولعيونه املاك اتهوس
*************************
الفواطم حيدر تكفلهه بالهجره
والعباس بالطف كافل الحره
يعني ابو فاضل حيدر بزغره
ايوصفونه حيدرنه الثاني
************************************
تمت بعون الله وتوفيقه والحمدلله رب العالمين وصلى الله على محمدٍوآله الطاهرين

حيدركريم جارالله الكربلائي


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ياولينه تهانينه
نزفهه الفاطمة الزهرة
*****************************
هله بشعبان من جانه فرحنه بهلة هلالة
هلاهل شعيتك حيدر غدت بالفرحة تتعاله
انولد سبط النبي الهادي حبيب المصطفى واله
يصعب ننظر النورة اذا صعبة انصد أخياله
سطع نورة ورسم صورة
تجسد سيد العترة
******************************************
أنولد عباس ابو الغيرة وعلينه شعّت أنواره
زغير وقدّم الزينب شموع أيمينه ويساره
زغير ومن يصد زينب تظل أدموعه تتجارة
لبس غيرة علي أهدومة وكتب بفراشة تذاكره
رفض يغفه صعب وصفه
أبوه بحالته أدره
******************************************
وعلي السجاد ياشمعة علي حامي الحمه انشوفة
أنولد مابطّل السجده بسجوده عجّز أجفوفة
الصحيفة ابّابه تتشكر عليهه جبير معروفة
شوك الطيفة ماعنده العيونه اشتاكت اطيوفة
فلا مثله ولاقبلة
يشوف العالم بأسره
******************************************
وبعد شعبان بيه فرحة ضيائك ياعلي الأكبر
شبية المصطفى الهادي يوصفك شخص ما يكدر
كمروجهك علي يسطع ومنّه العالم اتنور
الكوم بطبتك الحومة علي الكرار تتصور
علي وزوده وكبر جوده
تجسّد بيك بالمرة
******************************************
يوم 15 شعبان نور المهدي ميلاده
حين اتعنّه للسجده السمة صارتله سجاده
الفرج يم بابه يتوسد يريد يحصّل امراده
وبهالمولد الأطهر ختم شعبان أعياده
ضوة الحجة صبح حجة
على الي والوا الزمره
******************************************
وبهاليوم ياشيعة نريد يصير دعوانه
يحفظ هالبلد ربنه يزيح اغيوم عدوانه
خل ايرد عذبهن ماي مودم تجري نهرانه
عراق حسين ياربي عراق وهذا عنوانه
علينه أعطف علينه الطف
يرب ياصاحب القدرة
*************************
محمد حسن ضيغم



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يعباس مجنونك يبو فاضل
ينبراس مجنونك يبو فاضل
على الماي شع نورك يبو فاضل
اشم هاي اعطورك يبو فاضل
ـــــــــــــ
راعي الغيره حبيبي ... وبكل حيره طبيبي
گلبك ديره يضمنه ... انت مسكّن نحيبي
يمهيوب يالوالي يبوفاضل
يمحبوب يالغالي يبو فاضل
تمنيت انزورك يبو فاضل
اشم هاي اعطورك يبو فاصل
-----
لتلوموني احبه ... بدمع عيوني اكتبه
لا ماعوفه بحياتي ... منّه اعرفت المحبه
ينبضي بدلالي يبو فاضل
حله بيك موالي يبو فاضل
اناشيد بسطورك يبو فاضل
اشم هاي اعطورك يبو فاضل
------
وبميلادك فرحنه ... تملي اعيادك صبحنه
كافل زينب نعرفك ... انت اتضمّد جرحنه
والافراح والزينه يبو فاضل
وبالگلوب نادينه يبو فاضل
يحماي وبسورك يبو فاضل
اشم هاي اعطورك يبو فاضل
-----
مشفي جروحي بيمينك ... لهفة روحي الحنينك
هايم ابقه الضريحك ....عبدك آنه ورهينك
بالكوان ميلادك يبو فاضل
الفرح دام بعيادك يبو فاضل
شيع دوم ضل دورك يبو فاضل
اشم هاي اعطورك يبوفاضل
----
باب الحاجه يكافل ... بسمك نسمع هلاهل
وصوت حسينك ينادي ... اهله بجيتك بو فاضل

يمذخور للشده يبو فاضل
اخيّك مو وحده يبو فاضل
يتانيك عاشورك يبو فاضل
اشم هاي اعطورك يبو فاضل
ــــــــــــــــــــــــــــ
الشاعر محمد حسن ضيغم



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#ميلاد_أبطال_كربلاء
#(٣-٤-٥)_شعبان
#أبوذيات
------
(١)

أسايل عن شهر شعبان .. هل هل ؟ ( سؤال )
وكم بدر بسماه اليوم .. هلهل ( البزوغ )
اناظر بالسما جبريل .. هلهل ( الزغردة )
*و يزف البشرى للجنة العليه* ...

-----
(٢)

يمن أمره دحا هالارض ... وأبسط ( التسوية )
أنشدك والأمر بيكون .. أبسط ( أسهل )
كلنا انروح عند احسين .. ابسط ( الفرح)
*وعلى ابساط السحب خذنا سوية*

----
(٣)
يبو اليمة الك محد ... وهاني ( الضعف )
نذر عمري مثل عابس .. وهاني ( هاني بن عروه )
أنا باچر نعم فايز ... وهاني ( الهناء )
*لاني بيوم زرتك يالشفيه*

------
(٤)

وحق اللي چتل بن ود .. وعتبه. ( عتبه )
اخر وسجد لعند بابك .. وعتبه ( الأعتاب )
يبو فاضل طلب عندي .. وعتبه ( العتاب)
*حوايجنا تُقضى هالمسيه*

---
(٥)
إمامي يا ابن طه يسجاد ( الإمام )
فرش روحي لك فرشة وسجاد ( السجادة )
واظل راكع لجل ذكرك و سجاد ( السجود )
*أشكر ربي قدم هالهدية*

🖋 عبد مُحمد وآل مٌحمد / #مُفضل_حبيب



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مولد
لذكرى ولادة أبا الأحرار الأمام الحسين عليه السلام
.................
يبو السجاد يالطاهر حليبه
يريحانة رسول الله أوحبيبه
حب الحد الجنون
أحبك وانه ممنون
يريحانة رسول الله أوحبيبه
...................
يسبط المصطفى سيد البريه
أويضنوة حيدره حامي الحميه
أبعطر أولادتك هاي المسيه
أزف جيت التهاني للزجيه
أمبارك يم الحسين
ببنج كرة العين
صكار الزلم وكت الحريبه
....................
نور أشرق عله كل البرايه
باجر للمجد تعلاله رايه
خالد ذكره حد اللا نهايه
وبيوم الحشر بيه الكفايه
وكت العازه نوماس
شافع يحضر الناس
كعبه للعشك بالسر عجيبه
....................
بشاير مولدك كحلت عيني
أويقيني أيزود ما ينقص يقيني
ألي كل الشرف خادم حسيني
أويساري أبخدمتك باهت يميني
أتسجل أسمه أمك
كل خادم يخدمك
وانه هالشرف أتمنه أجيبه
......................
تراني أمعيد الليله تراني
أبشمع وبخور زينت الصواني
شوصف بالفرح يعجز لساني
أبمحمد ياعلي تحلا التهاني
كل (3 ) شعبان
أشعر أني سلطان
لأني أبخدمتك ألكالي هيبه
...................
سر حبك عجيبه عالعجايب
تعدت شوط يا أغله الحبايب
أحس أبعافيه ونسه النوايب
أبيقيني أبفطرتي ألكاني ذايب
يبن الزهره مولاي
أبدنيا أبحشري رجواي
تحضر شدتي أوتجلا المصيبه
.....................
خادم أهل البيت
الشاعر : أسماعيل الجوراني
الثلاثاء : 2/4/2019


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ها وتطيح اعله المهد

هوسات الأكبر ع
*******
بوصافك يالاكبر حارت الأفكار
ومن شدت جمالك حته يوسف غار
الليله بمولدك تتغازل الأقمار
والحور بحبك ولهانه
*****
شع نور الهداية والنجم أزهر
ومثل هيبة محمد هيبه الأكبر
الورد من شاف حسنه صفن وتحير
ومن نوره شمس الله انخلقت
*******
بطاقه للسجاد ع
*******
كلبي يالسجاد ضل ينشد عليك
وروحي من كثر العلل متمرمره
انه شايلك عشك فاق الخيال
والحنان البي ما تتصوره
انته كبرك جنه وايشافي العليل
والمريض ايطيب لو شافك تره


هوسات للسجاد ع
********
شهر شعبان اجانه وهلت الأعياد
وغمرتنه السعاده بمولد السجاد
اجت حته الطير اتريد منه امراد
ولو ضاكت بيك اتعناله
********
بده عكلي يعالم بالعشك يسرح
وللسجاد كلبي اشلون ما يفرح
الكمر بثياب عيده ايريد يتوشح
وتغازل بالكمره عيونه
****
انته نور الله الذي بي يستضاء
وانته يالمهدي الوتر والبسمله
بيك شمرت حيدر وزعل الكفيل
وبيك يالموعود كل المرجله
اتكطع اكماطك جنت لو كمطوك
يمكن اشتميت ريحه كربله

هوسات للمهدي ع
*******
هليله الفرح لهل المكارم حان
والكون ابتهج بخمس طعش شعبان
انولد هليله راعي الغيره والايمان
والناس امعيده ووفرحانه
***
انه خيري جثير وتدري متبدي
وضل طول العمر متمسك بعهدي
افدي منحري وما عوفن المهدي
واليته وجددت البيعه
********
تمت
تحسين الخفاجي



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مواويل وهوسات للشعبانيه
*****
بطاقه للعباس ع
***
انه يا عباس احبك من زمان
وكلبي بمحبتك يبو الغيره ارتوه
والهوه الما جاب ريحه أمن الضريح
هذا يا عباس ما سمي هوه
ومن كثر ما شايل امروه وثكيل
يابو فاضل عالجرح تنحط دوه

هوسات للعباس ع
*
اريد افرح وعيد طش بيدي الياس
واقره أجمل قصيده بمولد العباس
هذا الهد رسنها وطكها رأس براس
ودخيلك صاحتله الحومه
******
نزل ليها أبو فاضل والحرب صفنت
وسره اعله الموت خلالها الزلم لزمت
ويله النيته صاح بكربله اختلفت
واليحجي اليوم اسحك راسه
******
بطاقه للحسين ع
*****
انه عاشك والعشك خلاني اهيم
وبالغرام المركز الأول خذت
حسين مدرسه الوفه وسر الحياة
وأنه من عنده الأصول اتعلمت
امي صاحت يا علي بوكت الطلوك
ويا حسين انه بعلو صوتي صحت


هوسات للحسين ع
*****
يحسين الملائك كلهم اتعنوك
وضل حته الفراش امكابل الكاروك
وسليمان كلالك الف مبروك
وامعيد جبريل الليله
****
يحسين انته غالي واغله من غالي
وبسمك ضل يدك كل ساعه دلالي
ويحلالي السهر هليله يحلالي
والدنيه اليوم امضويها
********
بطاقه للاكبر ع
******
بمولد الأكبر سرح تدري الخيال
وكام يخفك عالمهد طير السعد
زينب اتكمطه وتصلي اعله الرسول
وكل وكت تقره الفلق عن الحسد
والله لو نسوت مصر موجوده جان
ينغمي اعليها وتطيح اعله المهد

هوسات الأكبر ع
*******
بوصافك يالاكبر حارت الأفكار
ومن شدت جمالك حته يوسف غار
الليله بمولدك تتغازل الأقمار
والحور بحبك ولهانه
*****
شع نور الهداية والنجم أزهر
ومثل هيبة محمد هيبه الأكبر
الورد من شاف حسنه صفن وتحير
ومن نوره شمس الله انخلقت
*******
بطاقه للسجاد ع
*******
كلبي يالسجاد ضل ينشد عليك
وروحي من كثر العلل متمرمره
انه شايلك عشك فاق الخيال
والحنان البي ما تتصوره
انته كبرك جنه وايشافي العليل
والمريض ايطيب لو شافك تره


هوسات للسجاد ع
********
شهر شعبان اجانه وهلت الأعياد
وغمرتنه السعاده بمولد السجاد
اجت حته الطير اتريد منه امراد
ولو ضاكت بيك اتعناله
********
بده عكلي يعالم بالعشك يسرح
وللسجاد كلبي اشلون ما يفرح
الكمر بثياب عيده ايريد يتوشح
وتغازل بالكمره عيونه
****
انته نور الله الذي بي يستضاء
وانته يالمهدي الوتر والبسمله
بيك شمرت حيدر وزعل الكفيل
وبيك يالموعود كل المرجله
اتكطع اكماطك جنت لو كمطوك
يمكن اشتميت ريحه كربله

هوسات للمهدي ع
*******
هليله الفرح لهل المكارم حان
والكون ابتهج بخمس طعش شعبان
انولد هليله راعي الغيره والايمان
والناس امعيده ووفرحانه
***
انه خيري جثير وتدري متبدي
وضل طول العمر متمسك بعهدي
افدي منحري وما عوفن المهدي
واليته وجددت البيعه
********
تمت
تحسين الخفاجي



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات لشهر شعبان 2 أمه من تكمطه ظلت ابحيره
يفل أكماطه عنه وخزرته جيبره
مالفته الكطعة لفته الغيره
بكماطة مامره اتكمّط
****************
من يوم الولاده عيونه تربي احسين
يم حسين يزحف يرفع الجفين
ويكتب سيدي بدموعة على الخدين
يتباهة لو شال اجفوفة
***************
الطفل اول جلمته بساعة الينحب
مامه يصيح صوتة وواقع مجرب
بس عباس صوته يصيح يازينب
يدريهه سلوة دلالة
***************
وابنص الشهر ندري الكمر يكمل
بس عباس عنده الواقع اتبدّل
يوم الرابع بشعبان بان وهل
بعجازة قانون اتغير
*************
محمد حسن ضيغم



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هــَلــَه إبشعبـان
-------------------
هـَلـَه إبشعبان ياميـّة هـَلـَه بيه === ننتظره الفرح إحنـَه إو نتانيه
نريدك ياولينـه === تشاركنه إو تجينه
ننتظره الفرح إحنـَه إو نتانيه
-----------------
نريدك تحضر إويانه الفرح وإتزيل إلهموم == وإتزيل الهموم
يمهدينه الحزن ما ينتهي إو راﻓﮔنه للدوم == راﻓﮔنه للدوم
ولادة جــدّك إحسين السبط فرحتنه هاليـوم == فرحتنه هاليوم
نهنــّيك إبأمل يوم الفرج إيحل يجيـدوم == إيحل يجيدوم
تصير إبكـُل وطن أعياد وأفراح === نشم عـُطر الورد وإيفوح قـدّاح
نعيم إيهل علينه === تشاركنه إو تجينه
ننتظره الفرح إحنه إو نتانيه
ــــ
نهنـّي المـُصطفه طه النبي وإنسرها عينـاه == وإنسرها عيناه
نهنّي المـُرتضه حيدر علي والزهره ويــّاه == والزهره ويـّاه
ننادي إحسين ذوّبنـــَه اﻠﻌﺷﮓ وإنموت لولاه == وإنمـوت لولاه
نحبــّك سيدي والحب عذب وإشلون ننساه == وإشلون ننساه
ننادي المـُنتظر وإﻧﮔلــّه ياثار === تعال إو شوف فرحتنه يمغوار
إلــَك نرفع إدينه === تشاركنه إو تجينه
ننتظره الفرح إحنه إو نتانيه
ـــ
فرحانه الوفيـّه الطاهره هـَل عدها عبـّاس == هـَل عدها عبــّاس
زينب باسمه يوم إنولد عدها أجمل إحسـاس == عدها أجمل إحساس
تدري بيه يكفلها الشهم مــَيــْدﻧـــّﮓ الـــــــــراس == مــَيــْدﻧـــّﮓ الراس
نهنــّيها العليمه بت علي وإنصير حـــــــرّاس == وإنصيــــر حرّاس
ياموعود وينك يا أملنه === تعال اليوم شاركنه حفلنه
نحلفك بالأمينه === تشاركنه إو تجينه
ننتظره الفرح إحنه إو نتانيه
ـــــــ
هـَلـَه إبزين العباد إو مولده عيد إو أماني == عيد إو أماني
أهنــّي إحسين بالساجد علي زهرة زماني == زهـرة زماني
أهنـّي فاطمه والمـُرتضه بأحلى التهانــــــي == أحلى التهاني
أنال الجايزه من سيدي آني عساني == آني عساني
ونادي ياإمامي اليوم إحضر === هذا الناصبي ملعون كــَفــّر
نجاهد هالمشينه === تشاركنه إو تجينه
ننتظره الفرح إحنه إو نتانيه
-------------
شاعر أهل البيت / جابر النجفي



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

(قصيدة بمناسبة ولادة علي الاكبر ع)

ياعلي. ياعلي. حيا الله الاكبر
ياعلي. ياعلي. حيا الله الاكبر

..........

الف عالخير يبو الاكبر اعله الاكبر
مولد الخير يبو الخير سلالة حيدر
بكل نفس منه هالدنيه خل تتعطر
ياجمال الله صار اعله وجهه ونوّر


فرحانه بهاليله املاك السمه
وحور العين تبارك امك فاطمه
جبرائيل ايهزّ بمهده وكلّمه
اتمنه بخدمتكم حسن الخاتمه

ياعلي. ياعلي. حيا الله الاكبر
ياعلي. ياعلي. حيا الله الاكبر

...........

الله خالق جماله واخذ من حسنه
وخله ربنه بوجه يوسف شوي منه
حسين ابوك بدعائه شطلب وتمنه
الله خلاك شبيه لحبيبه وجنه

يلماخذ من عطرك كل عطره الورد
لحسادك تقرالك امك بالحمد
وكل شيعي بشريانه حبك منعكد
من نزورك مانشبع ونروح ونرد

ياعلي. ياعلي. حيا الله الاكبر
ياعلي. ياعلي. حيا الله الاكبر


..........

يبقه حبك نبض عايش بدلالي
يبن الحسين يغالي ويأبن الغالي
صرح حبك انه بكلبي كلش عالي
فالق الجيش لهسه انته تتراوالي

يالمثلك ماجابت بالدنيه مره
يا ليث الطف انته وانته القسوره
يلزودك يالاكبر نص من حيدره
وشفنه النص الثاني لسبع الكنطره

ياعلي. ياعلي. حيا الله الاكبر
ياعلي. ياعلي. حيا الله الاكبر

......

ويه عمك نزلتو الحرب وبغايه
وكلك اثنينه عباس يعمي هوايه
وحدك يابعد عمك انته كفايه
وانه حصتي اجيب الفرات ومايه

بالحومه انته وعمك طبيتو بزعل
ودكو بوق الشرده وشردو بالعجل
سيفك طاح اعليهم چن طيحة جبل
كل فارس لو شافه من مهره نزل

ياعلي. ياعلي. حيا الله الاكبر
ياعلي. ياعلي. حيا الله الاكبر

.......

كل امانينه جبناهه وندك بابك
ياشبيه النبي نظرتك لاحبابك
11 شعبان للحسين نكله مبارك
بمولدك ياعلي الاكبر ونتشارك

بهلمحفل نتجمع نعلكلك شمع
نتمنه بالجنه وياكم نجتمع
والاحله من الجنه صوتك نستمع
وبچفك كل خادم چفه ينطبع

ياعلي. ياعلي. حيا الله الاكبر
ياعلي. ياعلي. حيا الله الاكبر


........
نسألكم الدعاء
حسين صادق العقابي


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فرح فوگ الفرح واعياد فوگ اعياد
يا شيعة علي لهذا الوكت تنراد
اريد اسمع الصفگه بمولد السجاد
وفرحانه دنيانه بيومه

الحضر ويانه فاز وابد ما يخسر
وكلبه هناك يفرح والله بالمحشر
يهنياله اليبارك لام علي الاكبر
ويطش جكليت بميلاده

شريد احجي وشوصف عن ابو النوماس
شكتب لو شهوس ابد ما ينقاس
راح اكتفي باسمك والله ياعباس
تعرفونه قاضي الحاجات

يبعد الروح ها يلروح والعين
شكلك وانته ربنه ايوصفك دين
اليوم يهل علينه بنوره الحسين
والجنه انطبهه بانفاسه

اللهي بحق محمد اول واخر
تعجل بالظهور وكلبي هالناطر
يمهدي المنتظر كون الفرج باجر
بس انته التعدل كل ميله

رعد الفريجي
2019

الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصائد شهر شعبان
ابوذيات بمناسبه ولاده الامام علي الاكبر (ع)
============================
شهر شعبـان والله اليـوم منهل
بيــه ابـن الحسن انــولــد منهل
الخبر طش وانتشر بالكون منهل
شـهـر شعبـان والأكبر هديه
=============================
الفرح هاليوم ياهالناس يكبر
بــميــلادك يهالمــولــود يكبر
الفرح هاليوم كل لحظه يكبر
بميلادك علي هاي المسيه
============================
فرحــانه السـمـه والارض نور
نـــورك ياعــلي هالـيـــوم نور
بوجــودك بيـت ابوك اليوم نور
وميلادګ علينه اليوم شع ضيه
=============================
الشـاعـــر عـمـاد الـــدراجـــي
الجــمـعـه 2017/5/5


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هلا بشعبان وأيامه الجميله
كل ليله تعادل ميت ليله
بيه أطهر ولادة~~~ياشهر السعاده
★★★★★★★★★★★
شهر شعبان يحمل أجمل أخبار
بيه أستشرقت من طه أقمار
چم نور أنولد من هاي الأطهار
حسين أول ولادة بهاي الأنوار

وعباس أنولد من بعد أخيه
زين العابدين أيلالي ضيه
نولد زينة عباده~~~ياشهر السعاده
★★★★
ثالث يوم من شهره المعظم
أبو اليمه نولد والكل تبسم
أسمع يالتحبه ويلي تخدم
باچر كلنه يم حسين نلتم

بالمحشر أبو اليمه يجينه
من بين البشر يسطع جبينه
نشهدله الشهاده~~~ياشهر السعاده
★★★★
رابع يوم أجمل يوم نلگاه
سبحان الذي العباس سواه
علي الكرار بچفوفه تلگاه
وبأجمل إسم ياناس سماه

بني هاشم صبح هوه گمرهم
أسد من الزغر أصبح بدرهم
تحلاله القيادة~~~ياشهر السعاده
★★★★
خامس يوم الله أشو لاده
لحسين أنولد زينة عباده
مابين السمه جبريل ناده
هاليوم أنولد بدر السعاده

أملاك السمه نزلت تشوفه
صلت عالنبي وباست چفوفه
والحصل مراده~~~ياشهر السعاده
★★★★
أهدعش شعبان دار حسين يسطع
نولد الأكبر علي ونوره تشعشع
مثل الماس وسط المهد يلمع
جمال المصطفى وأوصافه جّمع

سبحان الذي جّمع حسنهن
من طه علي الأكبر جمعهن
حسين الليله نادة~~~ياشهر السعاده
★★★★
شعبان التميزة بين الشهور
وسط أيامه فرحه تشفي الصدور
المقامه الكربله نتعنه ونزور
وندعي الخالق يعجله الظهور

يايوم ونصلي كلنه خلفه
والله بظهوره الدنيا تصفه
نتئمل معاده~~~ياشهر السعاده
★★★★★★★★★★★
الشاعر (أسعد قاسم الكريعاوي)

الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات للعباس ع


دخيلك ياعلي يمخلف العباس
من ظهرك لحد ما انته كبرته
وامه بنهر يمكن من تنسّت بيه
والغيره بحر مو كطره البكصته
صغته انته صياغه والمثل صح كال
الصياغه الحلوه من الصايغ لبته

كلشي العد حيدر بحسابه
من خلف للحگ طلّابه
بدويه الطبت من بابه
للخدمه تشد العصابه
ويلوك لزينب بس واحد
بخدر اخته اموصيه الوالد

وبچف زينب محبس خوه

.........

كضه عباس عمره ويه اخوه حسين
بس الصار خويه ولا ابد ماكال
ابو اليمه يكله لكربله ماشين
دك صدره لخيه وصاح انه الكفال
لچن حسين ظل محتار بس براي
منين يجيب مهره تكفي هالخيال

من زغره امحير الخياطه
تخيّط ويكطّع بكماطه
من زغره يسمعون زماطه
تتخورس يمه النغاطه
شاب وحيدر دور مهره
مايرهم بس ظهر الشگره

بس مهرة حيدر كفتله



.......

صفك عباس ادي من سكنه رادت ماي
وصاح لفاضل ابنه وليدي وين لواي
وشبخ فوك الكحيله وصاح انه الوفاي
زعل والساتر الله براسه شنهو الراي

صارت بالحومه الكباره
والروس الصارت طشاره
واحمر من الدم بتاره
وترف الرايه اويه الغاره
بالجود الشط شاله وداره


يايمه يصيح توافينه

.......

يمرخص الزلم كل خزره ميه اطيح
ظلت لانفس لابيهه حيل اتصيح
يم المشرعه چم نحر ظل يسيح
مثل الورگ صارو وبمهب الريح

مو واحد شافوك هوايه
ورجفو مثل قماش الرايه
يودولك رادو مشايه
ودو خالك عدهم غايه
يحصل منك عود حچايه

ويدردم خالك رديته

.....
نسألكم الدعاء
حسين صادق العقابي



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747