قصيده بحق تتويج الامام المهدي (عج)

اجيت اوصف فرحتي وحضرتها الروح
وگلت اوصف حبيبي بيه مابيه

شلت بيدي قلم بس الحبر دمعات
وكتبت اني قصيده وطلعت اشويه

خمس اسنين عمره شلون اوصفه شلون
صعب كلش صعب ينجاب طاريه

توضيت اشكثر وكتبت عنه هواي
مو بس مره وحده اكتبت يوميه

خمس اسنين عمره وتوجوه بتاج
وطلع تاج الولايه ميه بالميه

من نورك محمد چان اخر نور
والگبله بشرف انوار قدسيه

الباري كرمه بتاج وعرش هاليوم
و ملك اصبح ملك عالكره الارضيه

ثواب هذه الكلمات هو لتعجيل فرج مولاي صاحب العصر والزمان (عج)



الشاعر السيد رياض الرسل الجابري


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#تنصيب_الإمام_المهدي (عج)

حـتّـى مـتـىٰ الـمهديُّ يـبقى غـائباً
و عـيـونُـنا تــرنـو لــصَـوْبِ المـوْعِدِ

يــا مــن تــروم الـيـومَ يـومَ ظـهوره
إدعــــو الإلٰهَ بــحـســـرةٍ و تَـهَـجُّـدِ

وبــذكـرِ آلِ الـمُـصطفىٰ قُــلْ ربّـنــا
صَـلّـي عـلـى خـيـر الأنـامِ مـحـمّـدِ


#جابر_الكاظمي



https://tttttt.me/joinchat/AAAAAEFVSMd2pvMFlLPXYg

أهلا ً يراعي الغانمه ( لولادة الحبيب المصطفى صلى الله عليه وآله )
----------------------
جبريل هَنـّاها السِمَه === أهلا ً يراعي الغانِمَه
فرحان وإيْنادي
أجمل تهانـــي الفاطِمَه === والحيدره حامي الحِمَه
وإبمولد الهادي
-----------------
صـَلـّوا على أشرف نبي إو صَلـّوا على آله
خلـّوا التهاني إبْمولده بالكون تِتـْعاله
هذا البشير إبْحكمته سيل الجهل زاله
هنيال كُلْ مَنْ سانـِدَه محظوظ هِنـْياله
هذا الرسول المِعـْتِلي === بيه الجهاله تِنـْجـِلي
سَيـْد البَشـَر حادي
أجمل تهانـــي الفاطِمَه === والحيدره حامي الحِمَه
وإبمولد الهـــــادي
ــــــــــ
صَلـّوا عليه إبكل وكت صَلـّوا على العتره
سور إو أمان إمن اللظه أحمد أبو الزهره
خيره يفيض إبكل زمن ما ﻳﻧﮔطع نهره
إسمه شفاء الكل مرض طيب إو دُوَه ذكره
هـُوّ العظيم إبسيرته === إمـّه الحبيبه نادته
بيك إعـْتِلـَه إمرادي
أجمل تهانـــــي الفاطِمَه === والحيدره حامي الحِمَه
وإبمولــــــد الهادي
ــــــــ
إيوان كُسرى إنهدم وإنـْهدّت أركانه
نار المجوس الماطـُفـَت طـَفـّاها مولانه
يوم إنولد أجمل صبي أنواره عنوانه
رافع إديه إو للسمه يـِتـْجـَلـّه إيمانه
الله الوسيعــــه نِعْمِتـَه === أنعم عليه إبْرحمِتـَه
يـُشكـُر ﺑـُﮔــَه شادي
أجمل تهانـــي الفاطِمَه === والحيدره حامي الحِمَه
وإبمولد الهــــــادي
ــــــــــ
نور الشفيع المصطفه هَل إو زهـَه إعلينه
إختاره الله إمن البشر للخير يحدينه
حلو الشمايل خالقه سبحان بارينه
أهلا ً وسهلا ً بالكرم والجود نادينه
أنواره أحمـــــد ساطِعـَه === نعمه ﭽبيره إو واسِعَه
خيره النبي بادي
أجمل تهانـــي الفاطِمَه === والحيدره حامي الحِمَه
وإبمولد الهــادي
ــــــ
ما أعظم أخلاقه النبي والباري مَجـَدّها
الله ذكرها إو خـَلـّدَه قرآنه رَدّدها
بَلـّغ شريعه واضحه ما ينوصف حَدْها
مافارﮒ الدعوه العدل والخير قايـِدْها
والمؤمن إينال الجـِزَه === والجنـّه هِيـّه الجايـِزَه
وإبْرأفـَة الفادي
أجمل تهانـــي الفاطِمَه === والحيدره حامـــي الحِمَه
وإبمولد الهادي
-------
هـَنـّوا الجليله بـِت أسد هـَنـّوا أبو طالب
فرحان عَمـّه إبْمولده يحميه وإيـْصاحب
وإيجاهد إعداه إبعزم يدري النبي الغالب
وإبْموقفه الدين إنتصر وإنهان كـُل خايب
ما قـَصـّر إبزوده الوَلي === هذا أبو الحامي عـَلي
وإبـْأسمه إنشادي
أجمل تهانـــي الفاطِمَه === والحيدره حامي الحِمَه
وإبمولد الهــادي
------------------
شاعر أهل البيت / جابر النجفي


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بسم الهادي
* * *
نِطِش ورْد ونفاخِر ... عَلَه الدنيه ونكابر
فرحنه بهل المسيّه ... بِسِم هادي البريّه
ونِعَظّم هالشعاير ونعظّم هالشعاير
* * *
نِهِنّي العالم أجمع محمد هل علينه
بدر بأنواره شعشع وجِه طاها نبينه
الشمس مكسوفة تطلع تِصِد طلعة جبينه
إجه بنور الرسالة ... قِلَع جذر الضلالة
وتموت الجاهليّه ... بِسِم هادي البريّه
صَحَت بيه الضماير ونعظّم هالشعاير
* * *
رسالة سيْد الأمّة نبع رحمة وهدايه
خِتَم بارينه حُكْمه بَعَث هادي البرايه
بشير الجنّة إسمه نذير لكل غوايه
طَلَب منّه جزيته ... مودّة آل بيته
علي وولد الزجيّه ... بسم هادي البريه
ونردّد عالمنابر نعظّم هالشعاير
* * *
يَـمَـن تحضر حفلنه محافلنه مدارس
نريد إنلّم شملنه السراير والهواجس
نحقّق كل أملنه نجي بلهفة ونجالس
نِمِد إيد التسامح ... بِسِم طاها نصافح
ونبيد الطائفيّه .. بسم هادي البريه
ونذوب بهالمشاعر ونعظّم هالشعاير
* * *
إذا غركَان بالهَمْ وبحر أظلم حياتك
رسول الباري الأعظم عليه كثّر صلاتك
وأهل بيته وذكرهم يمن رايد نجاتك
الصلاة إلهم شفيعه ... علي ووْلْد الوديعه
وشفاعتهم نجيّه ... بسم هادي البريه
لَوَن كَطْطَوْ مناحر ونعظّم هالشعاير
* * *
ونسألكم الدعاء
خادم الرسول (ص)
حسام الناصري


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ولادة الرسول (ص)



لمـن نزل جـبـريل يوم اولادته
أعـلـن بعـام الفيـل يوم اولادته
أعلن بهذا العام والكـون أبـتـشر
سيد محمد صار وأصبح عالبشر
بنوره يشع قنديل يوم اولادته

لمن نـزل جـبـريـل شايـل فـرحـتــه
أعـلـن محمـد هــذا يــوم أولادتــــه
خصه الجليل الباري رحمه لأمتـــه
والناس شع بنوره كلها وشـافـتـــه
نـور ويـشـع بــنور يوم اولادته
والشافه ظل مسرور يوم اولادته

لمـن نـزل جـبـريــل راد أيـشـرفــه
هــذا الخـبـر والجاه من المصطفى
يدري الصفات أتجمعـن بي والوفه
وبنوره يدري النور باقي وماطفـه
وأنـعـرف نــور الله يوم اولادته
وبجاهه حامل جـاه يوم اولادته


لمـن نـزل جـبـريـل يـدري أمئـيـده
رب العـرش والكـون هـو أمـسدده
ويدري بمحـمد راح يصبح سـيـده
راد بشرف عـالكـون يعـلن مولـده
أعـلن بهيبه وصاح يوم اولادته
نور العرش بي لاح يوم اولادته


لمن نــزل جـبـريـل أعـلـنـهـا وگـف
الـلـيـلـه مـيـلاد الكـرامه والـشـرف
مثـلـه بجميع الناس محـد منوصف
والكون كله بهل خبر يدري وعرف
والباري نـوره أختار يوم اولادته
موجبهه تزهي أنوار يوم اولادته





ثواب هذه القصيده هو لتعجيل فرج صاحب الزمان (عج)



الشاعر السيد رياض الرسل الجابري



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الليلة كتاب الله ابتشر ويردد أحمد
وكل سورة باسمه ترتلت تهتف محمد
السبع المثاني // تبعث تهاني
*********
الليلة السماوات تهني المجرات والكل سعيده
مسروره الأملاك وتردد اهواك وغنت نشيده
كل كلمه ترتيل بميلاده جبريل يقره بقصيده
اسمع صدى من أبعد مدى يهتف ولينه
مولد محمد ياخلك ضوه المدينه
حور الجناني // تبعث تهاني
***********
منتظره قرآن والجيته عطشان ويحسب ثواني
كل سورة بحساس تقدم اله الياس واسمه التهاني
مسروره الآيات مليانه ضحكات وشوك واماني
تحمل تعابير العشك وأجمل مشاعر
وكلمات عاشك تمتزج بحساس شاعر
وتحمل معاني // تبعث تهاني
************
يا اغله الأحباب الليله المحب ذاب بشواكه حاضر
الكل يصفك الأيد ويقره الأناشيد بإسمه نفاخر
وكلمات الوعود يقراها رادود بذيج المشاعر
بليل الفرح يحله السهر بهاي الولاده
وكلمن اجه الليله وفرح ياخذ مراده
اورود الأماني // تبعث تهاني
**********
كل نجمه بسماي فرحانه وياي هاي المسيه
وكل كوكب اليوم لم حوله النجوم ونجم الثريه
الهادي انولد صاح وشع ضي الإصلاح وسيد البريه
بسمه الكواكب رتلت وتغني كامت
بمولده الدنيه اتنورت كل نجمه صاحت
بنوره اعتناني // تبعث تهاني
******
معذوره الأحباب من تبدي العتاب بعيده المسافه
شيطوي المسافات خاف العمر فات ويخلص حسافه
شايلك أشواك ولو طال الافراك تموت الترافه
ماتوصل ابحور العشك روحي بعشكها
وتسابك بحبك غدت محد سبكها
تعد الثواني // تبعث تهاني
***********
تمت
ميثم العمري


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

اهازيج لولادة النبي محمد صلى الله عليه واله وسلم

زهت هليوم دنيانه
محمد بالفرح جانه
محمد يامحمد محمد يامحمد

----------1----------

الشمس خجلانه ماتطلع
لان نور النبي يسطع
لجيته عيونه تدمع
وكل شيعته فرحانه
محمد يامحمد محمد يامحمد

----------2----------

الطيور عالشجر غردت
الازهار من النبي تعطرت
الاملاك البالسمه تهنتة
نسة المحزون احزانه
محمد يامحمد محمد يامحمد

----------3----------

اصنام الكفر طاحت
وعطور النبي فاحت
واملاك السمه صاحت
بجيته الهادي سرانه
محمد يامحمد محمد يامحمد

---------4----------

نبارك فاطمه الزهره
بمولد سيد العتره
جبريل الملك سره
ونفصل جديد خلانه
محمد يامحمد محمد يامحمد

----------5---------

خديجه فرحت الليله
بمحمد صاحب العيله
والحاربه ياويله
يدخل سقر بحزانه
محمد يامحمد محمد يامحمد

---- تمت بعون الله --------
بقلم خادمة الزهراء منى البصراويه
20 / 11/2018

الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مولديه : صفكات
لذكرى ولادة منقذ البشريه النبي الأكرم أبا القاسم محمد عليه أفضل الصلاة وأتم التسليم
...............
يا محلا دنيانه .. هليله مزدانه
مولد رسول الله  .. بلفرحه لمانه
...............
رحمه أللاهيه .. أنوار قدسيه
يانور أبو الزهراء .. ماكو مثل ضيه
ضي النبي طه .. دنيانه ضواها
فرحتنه معناها .. الحاجه مكضيه

أبميلاد مولانه .. شدتنه خلصانه
مولد رسول الله  .. بلفرحه لمانه
..................
هليله خطاره .. نتنطر أبشاره
للكعبه بيت الله .. نتوجه أو داره
بل الصوت والصوره .. نتبارك أبنوره
أوقرئان دستوره .. ننهل من أنواره


آيات قرئانه .. نسمعهه بلسانه
مولد رسول الله .. بلفرحه لمانه
....................
الزهره نرضيهه .. أبميلاد غاليهه
ميت ألف علخير ..  تهنئه نهديهه
يازهرة المختار .. شيعة علي الكرار
شمع الفرح يندار .. صار أبصوانيهه

الشيعه فرحانه .. والفرح عنوانه
مولد رسول الله  .. بلفرحه لمانه
..................
أبميلاد غالينه .. مسرور داعينه
ياربنه هذا اليوم .. حقق أمانينه
أبجاه اللحبيته .. أوحبيبي سميته
وبجاه أهل بيته .. نرفع أيادينه

أتشافي مرضانه .. أوترزقنه رضوانه
مولد رسول الله  .. بلفرحه لمانه
.......................
هليله شاهدهه .. بيعه نجددهه
بسم النبي العدنان .. المهدي قائدهه
للمهدي الرايه .. للبيعه وفايه
والحكمه من هايه .. ثاراته ننشدهه

أنضحي بدمانه .. ونعلي سلطانه
مولد رسول الله  .. بلفرحه لمانه
...................
خادم أهل البيت
الشاعر : أسماعيل الجوراني
الأربعاء : 21/11/2018

الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هليوم اجاكم مولود ياشاعر ويارادود
اسمه محمد اسمه محمد

----------1----------

ايوان كسره تهدم
بمولده الكون تنعم
والماي يجري بزمزم
اسمه محمد اسمه محمد

----------2----------
اكتب اكتب كلش زين
هذا شفيع الدارين
وجد الحسن ويه حسين
اسمه محمد اسمه محمد

----------3----------

اليوم عيد وافراح
نور النبي طل ولاح
والمحب قلبه مرتاح
بمولد محمد بمولد محمد

----------4----------

والشمس غنت بالحان
بسم النبي العدنان
والطير زغرد نشوان
بسم محمد بسم محمد

---------5----------

بربيع الاول مولود
و17 منه سعود
مولد نبينه المشهود
وصادق الامجد وصادق الامجد

----------6----------

ميلاده ويه الرسول
الصادق بن البتول
مقصر بحقه شاكول
الجده محمد الجده محمد

----------7----------

عوده ياربي عالناس
بجاه الوصي والعباس
اسمك يضل رفعة راس
طه محمد طه محمد

-----تمت بعون الله -----
بقلم خادمة الزهراء منى البصراويه


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

صلوات
لذكرى ولادة الرسول الأكرم أبا القاسم محمد
عليه أفضل الصلاة وأتم التسليم
..................
 جينه هذا اليوم جينه
أبذكرى ميلاد الرسول
للفرح نعلن محافل
نرتجي أمنلله القبول
أو صوت فرحتنه نوصله
يم علي فحل الفحول
أوعله أبو القاسم محمد
صلي ياسامع نكول
..................
يامحمد يانبينه
أبذكره ميلادك أجينه
أنهني الزهره الزجيه
انهني أبو اليمه علينه
والحسن وحسين أخيه
أنهني هليله نوينه
اونبتهل لله أبئدينه
كون يرزقنه الزياره
اونوصلك لرض المدينه
ابعطرك أنزكي نفسنه
أوبلصلا نختم حجينه
..............
خادم أهل البيت
الشاعر : أسماعيل الجوراني
الثلاثاء : 20/11/2018


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ياطيــور الليلــة للهــادي خذينــي
عاشك أعله جناحج للنبي ودينــي


1
ياطيـــور الليلــــة للمـدينــة خذينـي
قلبي فاض أشواكـه عالجنح خلينـي
هــذا عيـد الهـادي هـو كحـل عينـي
ضامي وبميلاده المصطفى يروينـي

والنبـــي بهـــل ليلــة أدري يوافينـي

2
آنـه زاير آنـه والحجـي أعلـه لساني
رايد أعله جناحج أدعي حـك أخواني
لمـن أوصــل قبـره وروحــه تتلكاني
أنـدعـــي لحبـابــي ولهلــي وجيراني

مـن حنانـة وعطفـه بجفـوفــه يملينـي


3
خـادم وبالخـدمـة مـا اعــوفـــن دوري
مــن محمــد زودي وأفتخـــر يطيوري
وي مــلائـك ربـــي والنســاء الحوري
بالحفــــل أتعـنــه بجفــي وردة جوري

بالحشـــر يحضرنـــي هـــــو وينجينـــي

4
ياطيـور بقلبـي وروحـي تسعــر جمرة
أمنيـة كــل عمــري يمتـه أزورن قبره
أزحف أعلـه عتابه يمته وأشتم عطرة
روحي إلك مشتاكة شلون يابو الزهرة

بالــزيــارة أرزقنــــي مـــولاي وافينــي


5
ياطيــور ودمعـي بخدي ينـزل شاجــر
أرد ازور اليمـــه كافــي اظلـن حايـــر
الحسـن أشبـك قبـره بالدليـل الصابــر
وفاطمــة أحضــرهــا والإمــام الباقــر

ولعلـــي يطيـــــوري أنـــــت التودينــي

6
لشوكـت متهــدم يبقــى قبــر الصادق
هذا أبـن الهـادي وديـن ربنـه الناطق
مــن يهـل مهدينــه يكطـع أيد المارق
ومايعيـش بحكمــة كــل لئيـم وفاسق

باجــر بـــأذن الله يطلــع نظـــر عينــي

بغداد
امجـــد صاحــــب الشطـــــري


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مجموعة هوسات لولادة الامام الصادق علیه افضل السلام🌹




یا هله إبمحیی الشریعه البصدق ماله مثیل

ثبت إلدین أبعلوما وثبت إلحگ إبدلیل

إلصادق إشما ردنه وصفه راح هم یطلع قلیل


((قرآن و یصعب تفسیره))

🌹🌹

ما هو بس لشیعی جعفر ألکل شخص قدوا و فخر

درس أنواع الدیانه إمن آدم إلآخر دهر

راجع إعلوما و تشاهد إشلون بلعالم کبر


((کل صعبه إحتلت یم بابه))

🌹🌹

حمل کل علم إلرساله من نبینه إلمصطفی

وبلشجاعه إبقدرت ألله چنه جده المرتضی

و بلکرم مفتوح بابه حمل جود إلمجتبی


((و أحسین البلحگ عنوانه))

🌹🌹🌹🌹🌹🌹

یلا هنّو إبهل ولاده إلمصطفی و قیمو الحفل

إبمولد إلصادق فرحنه للنبی خل یکتمل

بلخلگ نعلن فرحنه و گلب کل عاذل نِعّل


((وإلشیعه إتضل هیبه إلشیعه))

🌹🌹
عباس زرگانی...الفلاحیه



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#ميلاد_الإمام_العسكري
#موال
#زهيري
———————

يا دنيتي بســألچ نور الحســن هل هل ؟ ( سؤال )
لاني أشوف الگمــر في هالوگــت هلاهــل ( الظهور)
و أسمع صدى بالسما چنه العرش هلاهل ( التهليل)

قالت اجا العسكري في هالوگت جنه ( المجي )
هذا اللي حبه فرض لاهل الارض جُنه ( الوقاية )
ولهل السما مجلسه لا شك يُعد جنه ( الجنة )

و كل الخلگ تبتشر جن و ملك وأنسه (البشر )
للعسكــري هالحفـل دام الفرح أُنسـه ( السرور )
وحاشا بمرور الزمن هذا الحدث أنسى ( النسيان )

*هذا الإمام الذي ابكل شهر هلاهل*

🖋 عبد مُحمد وآل مٌحمد / #مفضل_حبيب

03 – ربيع الثاني -1440

-------
الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ميلاد السيده زينب ع
.
.
.

الأميرة الخـدر .. متحير الشـعر
ابميلادها ابميلادها
زينــب

_________

چان راس السمه امفرع لچن لابد بالسحاب
وزينـب ابيـوم الولاده للـسـمه جـابت حجاب
هــيه مـن گــد ماكـريـمه وزعـت مــنه ثـواب
اتحجبت بحجـاب زينب حتى ايات الكتاب

حجاب ام الستر .. امن الجنه بي عطر
ابميلادها ابميلادها
زينــب

_________

الرايد ايـوصف خدرها وَحـي رايـدله وسـور
( أنــا انـزلـنـاهـا ) عــفـه زيـنب الـكـل الـبـشر
ماتوصفـها القصيده الـشـعر لـو ظـهره انكسر
النبي بس يعرف قدرها وفاطمه وفارس مظر

شعرنا لو يجف .. أبد ماتنوصف
ابميلادها ابميلادها
زينــب

_________

الله كاتـب بيـده زيـنب كـون كـلـنه نـفـتهم
ولو سمعنه احـنه اسـمها انگول الله للاسم
للــعـلم مــحـد قـراهـا هالقـصــيده للــعــلم
والوحـيد الــي عـرفـها ابـو فاضل والنــعم

عرفها ومن عرف .. أميـره للــشـرف
ابميلادها ابميلادها
زينــب
_________

يالله يامـريـم أنـزلـي البيـت فاطـم حـافيه
(واخلعي نعليكي) يمكن هسه زينب غافيه
(أنتي في البيـت المقدس) لاتفـز الصافيه
اقري يمها انجيل عيسى كون بـس ابقافيه

على وزن السمه .. هـديه الـفاطمه
ابميلادها ابميلادها
زينــب

_________

لازم اليـذكــر اسمــها كــون يتــبع مــايــلي
ايسمي بسم الزهره امهالو بسم حيدر علي
الكـون كله تحـت امـرها والهـا گـال اتدللي
ابيـوم مـيلاد الاميره الفـرح صـوته يعتلي

الفرح صوته اعتله .. هله ابزينـب هله
ابميلادها ابميلادها
زينــب

_________

امن الفرح هاللـيله حـتى الحور ضلت ساهره
امن السماء اصفوف اجت ابابها ولزمت سره
انشوف زينـب اسمـح الـنه امروتك ياحيدره
حقـك وخـايف علـيها جـوهره وبـت جوهره

يحق لـك يا اسد .. تضمها امن الحسد
ابميلادها ابميلادها
زينــب
_________
حيدر تركي الكربلائي



الناشر عباس التميمي:
قصائد حسينيه مكتوبه لمجموعة من الشعراء اضغط هنا 👇👇👇👇👇
https://telegram.me/aabas78
تريد كروب للقصائد الحسينيه وألحان منبريه مختلط اضغط هنا 👇👇👇
https://tttttt.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇
@Abas747

يامولاتي يازينب يامولاتي
يامولاتي يازينب يامولاتي
..............
بميلاد الأمــــاني
يتــكحل زمــاني
بلون الارجـواني..لوُن الابتسامة
ثوب الضحكة لابس
دگ لحن النـــواقس
وتنغــــني النوارس..كل طيربغرامه
يتـــــرنم....بالســعادة
بأنغـــامة...بهالـــولادة
قلب الحب...نبضه نادة
لزينب بالافــراح
بيچ الدنية تتحجّب..يامولاتي
يامولاتي يازينــــب..يامولاتي
....................
نور الــــــله نديمة
لحــجاب العظيمة
والأية الكريمـــــة...للعصمة خدرهه
سبـحان الله سوّة
من صُـــلب النبوّة
زينب ثاني حـــوّة...سر الباري سرهه
صورتهه....من نبيهه
لزهــــرة....ال شَبيهه
عصمتهه....من عَليهه
سبحان الخلاق
نسخة الثانية من الأب..يامولاتي
يامــــــــولاتي يا زينب..يمولاتي
....................
دنيــــانه منــيــرة
بأنــوار القــــديرة
بــمـيلاد الأميـــرة... انطاهه الله عفافه
سـتر الله ستــرهه
من فاطم خـدرهه
زينب من زغــرهه...محد ظلهه شافه
سلطانه...للحــرايـر
نادتـهـه...هالضماير
نبعثلچ...هالبــشائر
لشـــام وهالـشام
لو ما أنتي ما تنحب..يامولاتي
يامـــــولاتي يازينب..يامولاتي
....................
شَقْ منــهه شمايل
مازجهه بخــــمائل
سوة الله بو فاضل...حارس للجليلة
من نورة وجــمالة
صــممله خــــياله
سلطان الكــــفالة....عــباس العقيلة
چانت لل....الفــــاطمية
مــــن الله....هالـــهـدية
ليوم أسمه.....الغاضرية
(أعطينا العباس)
كافل زينب املَقّب..يامولاتي
يامولاتي يازيــنب..يامولاتي


حاتم صبري الكاظمي


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

زيـنـب عـالمـــــه ومحــد       علمّها
عفيفه وطاهــره طلعــت       علمها
يظل شامخ تـــره ترفرف       علمها
رغم خشم الدعي وبن الدعيه
          ……………… ..
بنـت حيــدر علـي البـاري    سمّاها
خذت مـــن فاطمه الزهره   سماها
صبــــرها كالجبــل تشهــد   سماها
كذلك تشهد ارض الغاضريه
          ……………… ..
عظيمــه وشامخه زينــب     وصلهه
صبــرها والمجـــد محـــد    وصلهه
زيـاتــــــهه انــــا اتــمنّــه      وصلهه
اريدن يا خلك گبل المنيه
         ………………
فضلهــا من فضـــل حيــدر    أباها
أبيـه من الگُمـــر أخـــــذت    إباها
انا بــزينب تـــــره دومـــن     اباهي
ملائكه السمه واهل الوطيه
           ……………… .
سعيـها واضــح الحُــرّه وجِدها
عـزيزه عــد علـي وامها  وجَدها
أكيد اللـي طلـب حاجـه  وجدها
وبد ما يرجع وايده خليه
         …………… ..
بقلم : أبو دريد الشبـــــــكي



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات لولادة عقيلة كربلاء السيده زينب الحوراء عليها السلام
...................
تره ميلاد زينب يبقه عنوانه
ملايين الحوايج كلهه خلصانه
أم عون أونعم موجوده ويانه
ها ها 
( والمحفل يتنومس بيها )
......................
أبفجر خامس جمادي طلكت الزهره
جابت حره ولدت من بطن حره
الله السمه أسمها أوبيها حط سره
ها ها
( من علم الغيب اشكد بيها )
...................
جبل من الصبر أخت البطل عباس
خلت كربله الهليوم فوك الراس
البيها أمن المكارم بحر ما ينقاس
ها ها
( من هاي أوقيس أشمعناها )
....................
الدنيه أبنور زينب زاهيه أبكل عين
لنها أخت البطل عباس وخت حسين
ما يعرف كدرها بس آللاه البين
ها ها
( أوسر أمها الزهره انحط بيها )
....................
خادم أهل البيت
الشاعر  : أسماعيل الجوراني
الجمعه : 11/1/2019


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات جنوبيه
لذكرى ولادة فخر المخدرات زينب عليها السلام
.................
نور زينب عالبسيطه الليله شعشع بالضوه
أوغير الدنيه أبكبرها أوحته نسمات الهوه
صاير أعذيبي عطرها أو لخت شيال اللوه
ها ها
الله أمسخر أفلاكه
أو أنسا أوجنه أوأملاكه
أويوم الميعاد أهناكه
أويوم الميعاد أهناكه
ها ها ( تشفعله )
هنياله الزينب تشفعله
....................
اليوم جدآ مو طبيعي من بزغ خيط الفجر
ثاري ميلاد العقيله جاينه أبيرغ نصر
شايله جف أبو صالح سيدي مولا العصر
ها ها
أبسيفه أوقوة أيمانه
يكسر شوكة عدوانه
ويظل عامر ديوانه
ويظل عامر ديوانه
ها ها  ( نوماسه )
من زينب ماخذ نوماسه
..................
ميلاد العقيله عمة الساده
عاده ألنه تظل ونعاود العاده
ولف هنياله كلمن حصل أمراده
ها ها
هاي الباري السماها
زينب وهداها الطاها
أو حجه أعله الكل خلاها
أو حجه أعله الكل خلاها
ها ها  ( العاداها )
يا ويله أبحشره العاداها
..................
خادم أهل البيت
الشاعر : أسماعيل الجوراني
السبت 12/1/2019


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات ولائيه لميلاد سيدتي ومولاتي فاطمة الزهراء سلام الله عليها
......................

ابتر گال عن ياسين ولا عيناه مرتاحه
مايدري النبي موعود بالزهراا الفواحه
الله انطاه مو من طين بل من اصل تفاحه

ها . ها . ها .
كوثر سماها ابقرآنه ...

🌺🌺🌺🌺🌺🌺🌺🌺🌺🌺

الله خالق الجنات بالقدره يسوّيها
وفد مره نضرها وراد بعد اكثر يحليها
خلق بضعة محمد گال : تحليها وتضويها

ها . ها . ها .
مصباح الجنّه ايسموها ...

🌺🌺🌺🌺🌺🌺🌺🌺🌺

لمن الله لمحمد راد يبين منزله وقدره
ولكي يعرف جميع الكون محد حبّه ابكثره
قدمله هدية وگال اقبل فاطمه الزهره

ها .ها. ها .
ريحانه امسويها ابيدي ...

🌺🌺🌺🌺🌺🌺🌺🌺🌺

شعت والبدر خجلان نوره ضايع ابسدها
شعت والشمس من نور الي بخدها تحسدها
الزهره انولدت ابهاليوم ونور الكون من عدها
ها . ها . ها
ورده وع الكوكب فواحه

🌺🌺🌺🌺🌺🌺🌺🌺🌺🌺

يهلهل بالسمه اسرافيل مو بالصور بلسانه
وأعلن عيد جبرائيل يشمل هاي دنيانه
ابمولد فاطمه الزهراء كل الرسل فرحانه

ها . ها . ها
راحو للهادي يهوسوله


🌺🌺🌺🌺🌺🌺🌺🌺🌺🌺

الف مبروك يالهادي وتهانينه لعلي تعله
ابوها انت وبعلهايصير حيدرنه علي الموله
الزهره لغيركم هيهات ما ترهم ولا تحله

ها .ها . ها
تفصال اعليكم مخلوقه ....

🌺🌺🌺🌺🌺🌺🌺🌺🌺🌺

ابو فاطمة الطائي




الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ميلاد_فاطمة_الزهراء
----------

گوم أذّن يا "بلال" صوتك يهز الجبال
فاطمة خير العمل
فاطمة خير العمل
------
(١)
يا " بلال" أصعد لعالي المأذنه
و بأذانك أسم فاطم أعلنه
هالذكر لازم تحفظه الألسنه
فاطمه خير العمل معنونه

هيّه فصل من الأذان واجبه بطول الزمان
فاطمة خير العمل
فاطمة خير العمل

------
(٢)
للأذان أحكام أفعال و شروط
و مو خمس مرات للزهره نحوط
أفضل الأعمال تتعدى الخطوط
هيّه والأنفاس بصعود و هبوط

هالنفَس باب الرجاء بيها ما يرد الدعاء
فاطمة خير العمل
فاطمة خير العمل


------
(٣)
من تكبر أسم فاطم أرفعه
خلي أملاك السما هم تسمعه
هذي دعوه امن النبي متوزعه
يا سعد كل من إلى الزهره سعى

تخدمه حور الجنان تقصده في كل مكان
فاطمة خير العمل
فاطمة خير العمل

-----
(٤)
للزجية واجب نأدي الفرض
يا "بلال" و يستمع أهل الأرض
فاطمه هيّه القطب طول وعرض
و لو تمر عالميت تحيي له النبض

هالأسم يحيي العظام حتى لو كانت ركام
فاطمة خير العمل
فاطمة خير العمل
-------
(٥)
بالإقامة يكتمل فرض الصلاه
والثواب يكون ما يُحصى عطاه
واللي ينكر حُجة الأرض او سماه
ما تفيده كل صلاه حجّه او زكاه

حُبها الفضل الكبير دُونها سوء المصير

فاطمة خير العمل
فاطمة خير العمل
------
(٦)
هالذكر للموت نفخر ننشده
بالگلب محفوظ غصبن عالعدا
حي عالزهراء دوم انردده
و يدوي هذا الصوت كل الأصعده

للفرض دوى النداء ** واجب إعلينا الولاء
فاطمة خير العمل
فاطمة خير العمل


🖋 عبد_مُحمدوآل_مٌحمد / #مفضل_حبيب



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747