منهاج ولادة سيدي ومولاي أمير المؤمنين علي بن أبي طالب عليهما السلام

أهازيج ولائية حيدرية

طلگت كعبة الله هواي اتخيّل والجدار إنطر
يقيناً ما أغالي بهاي أسولف وإنته تتصور
حيدر ما تحده احدود وهيّه التطلگ بحيدر

والبيت اتباهه بمولوده

.............

بقاموس البطوله نشوف معنى الإسم واحروفه
حرف العين عون الدين علي وموحد اصفوفه
حرف اللام لامت زود تزرع بالخصم خوفه

والياء يا ويله اليدناهه

..............................

بعده بالمهد حيدر وأبو طالب يشوف اضواه
خط اعله السمه جبريل إسمه ووضح المعناه
يبوسه والده بلهفه من يمناه ومن يسراه

ميزان الحق زوج اچفوفه

.................


خادم الإمام الحسين عليه السلام
عمار هليل الواسطي
رجب الأصب/ ١٤٤٥ هجري


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

افراح

.      أنتباه  ..   خـبـر عـاجل بالسمه
       أنتباه  ..   الليله فرحت فاطمه

             لـيـلـة أفـراح وسـرور
             والأرض شع بيهه نور

                        🌷---------------🌷--------------🌷

       خبر عـاجل واسـتـمـع هـذا الخبر
       ٣ شـعـبـان الـفـرح عــــم الـبـشـر
       حـسـيـن للدنيه أجه ونوره انتشر
       وغـنـت اطيور السعد فوك الشجر

              فـاحـت أنـوار وعـطـور

                        🌷---------------🌷--------------🌷

       الليله نور حسين ضوّه ومـزدهـر
       الـظـلام الـلـيـلـه ماكـو بس فجر
       امسح الدمعه بـعـد شـنـهـو العذر
       أنـولـد سـبـط الـنـبـي البي نفتخر

              الـلـيلـه فـرحانه الطيور

                        🌷---------------🌷--------------🌷

       اليوم فـرحـه ونـمـسـح اثار الدمع
       انهني طه المصطفى ونشعل شمع
       نـوّر الـكـون الـسـبط نوره اليـشـع
       خيمـه صـار بـمـولـده وبـي ننجمع

              أنـقـدم الـيـاس وزهــور

                        🌷---------------🌷--------------🌷

       أتعجبت حته الشمس مـن الضـوه
       ومـن جماله اتغار نـسـمـات الـهـوه
       حـسـيـن هـذا وللگلب أسـمـه دوه
       بمولده واجـب نجي ونـفـرح سوه

              لـلـمـحـب أجـمل شعور

                        🌷---------------🌷--------------🌷

       سمع فـطرس بالسمه بـهـذا الـولـد
       دعـــه ربـــه أيـنـزلـه ايـهـز الـمـهـد
       الله شـافـاه وجـبـر جنحه وصـعـد
       مـن دعــه بـسـم الحـسـيـن بمعتقد

              عـجـزت أشـعـار وبحور

                        🌷---------------🌷--------------🌷

خادم الحسين ع
✍الشاعر رعد الجريخي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

لولادة الامام الحسين واخيه
العباس عليهما السلام

اوگف ياموالي   وشوف الانوار
مابين الشمس     والگمر  تحتار
نمشي بين جنتين   يم عباس وحسين
اوگف ياموالي   وشوف الانوار
★★★★★
اهناه الله وضع  كل الدساتير
وثَبَّت كل اصول  النعمه والخير
هناه راد الحياة  أمباركه أتصير
وللثورات   عنوان     وتفاسير

هنا ضد الظلم  نقطة بدايات
تتغير جذور   وتبدي غايات
وتتوضح مضامين       يم عباس وحسين
★★★★★
هنا تبدي حقوق   وباطل ايزول
وعلثورات دم حسين مسئول
اذاوجه الله بيها ونهج مقبول
بسم عباس جيش الظلم مذلول

كل ثوره  نصرها   ايكون  مرسوم
ويصير الظلم   بالفشل  محسوم
يم نور الميامين   يم عباس وحسين
★★★★★
هناه خطوات   تكتبلك عبارات
بيها تعرف الايمان     والذات
هناه  هيهات  تطلع منها ثورات
ومسافه تختصر كل المسافات

تزَوَّدَك لو ضعف  لحظات الايمان
تلگه العزم  حتما    صار برهان
تلكه هناك نورين    يم عباس وحسين
★★★★★
هنا مضمون دين الباري معناه
وضمان الاخره    للراد  مسعاه
هنا من راد   كل الخير يلگاه
وي حسين   ابو فاضل  تلكّاه

مابين الورود   وبين الانسام
نحس ارواحنه  بجنات الاحلام
بحلم لواحنه صاحين   يم عباس وحسين
★★★★★
هنا تبدي ابرحيل وتمشي الهموم
وننسه وي الزمان العتب واللوم
محطات النفس يمهم تضل دوم
محبتهم  نفس    ماينگطع يوم

يمهم ياموالي  محله الاعياد
تلگه غايتك    وتنال  المراد
اساس العلم والدين   يم عباس وحسين

الشاعر حسن لعيبي الحريشاوي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

ميلاد سيدي ومولاي ابي عبد الله الحسين عليه السلام
❤️❤️❤️❤️
هاليله.ميلاد الهدئ ومصباحه
هاليله وگلوب التحب مرتاحه
تهانينه. تهانينه.
تهانينه تهانينه
              🌸🌹🌸🌹🌸🌹🌸
الليله مولد هالفرح. صدري بالفرحه انشرح
طابت اعياده
حسين للزهره انولد. ولعلي ثاني ولد
هذا ميلاده
نزلت املاك السمه. اجوا هنوا فاطمه
بسيد الساده

هاليله فطرس هم يردله اجناحه
هاليله وگلوب التحب مرتاحه
تهانينه. تهانينه
              🌸🌹🌸🌹🌸🌹🌸
كصد جبريل ونزل. ضيف عد خير العمل
للوصي هنه
وفطرس هواي فرح. بمهد ابو اليمه مسح
جنحه بالجنه
امبارك بهذا الولد. مسح جنحه بالمهد
قدم الحنه

هاليله طه يعلن بافراحه
هاليله وگلوب التحب مرتاحه
تهانينه. تهانينه
              🌸🌹🌸🌹🌸🌹🌸
لبو العتره هالفرح كل ملك يمه انشرح
حامل اشواكه
السمه زينها بورد يروح جبريل ويرد
روحه مشتاكه
من جنان الله حمل فرح وورود وامل
بعلي يتلاكه

هاليله بس صوت الفرح صداحه
هاليله وگلوب التحب مرتاحه
تهانينه. تهانينه
              🌸🌹🌸🌹🌸🌹🌸
فرحت الزهره اشكبر. فرحه من هذا العمر
بيها فرحتها
حسين نَوّرْ عالارض وجب فرحتها وفرض
فخر عزتها
مريم العذره اجت. لفاطمه حين اوصلت
شكثر هنتها

هاليله يهجر كل محب اجراحه
هاليله وگلوب التحب مرتاحه
تهانينه. تهانينه
              🌸🌹🌸🌹🌸🌹🌸
الحزن نهجر مانريد عيد هاليله سعيد
عيد مولانه
فرح گلب اللي يحب. الكاع فرحت والعذب
دنيا فرحانه
الليله فرحانه المُهجْ. هذا ميلاد الحجج
البسمه عنوانه

هاليله رايات الفخر لواحه
هاليله وگلوب التحب مرتاحه
تهانينه. تهانينه
              🌸🌹🌸🌹🌸🌹🌸
✍ علي النائلي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

🌹أزهيري🌹
للأمام السجاد (ع)


منـهـل يضـل لـلـبـشـر مـحـد وصل    منهله
وارث أخـلاق وعِــلــم سـجــادكــم     منهله
بميلاده يحله الـفـرح ودمـع الحـزن    منهله

🌹--------------------🌹-----------------🌹

يـتـكـحـل بـشـوفـتـه حـتى الـنـظـر    وده
الليله بأسمه الـمـحـب صـاح وعـلـن    وده
ياطير هـاك الـگـلـب والـطـيـبــه ألـه   وده

بـشـعـبـان مـيّـة هـلـه وبـمـولـده منـهـلـه

🌹----------------------🌹----------------🌹


✍خـادم الـسـجـاد  (ع)
الشاعر رعد الجريخي

نسألكم الدعاء


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

منهاج ذكرى ولادة سيدي ومولاي قمر العشيرة أبي الفضل العباس عليه السلام للعام الهجري ١٤٤٥ الموافق ٢٠٢٤ ميلادي

قصيدة { هلا بعباسنه الغالي }


عشاگ ويبقى المعشوگ ... عباس عباس

للكافل فرحتــنــه اتلوگ ... عباس عباس

الشمس أخذت ضواهه من جبينه

هلا بعــبــــاس أبـو الروح الحنينه
...........................................................................

بحضن أم البنين وسطع بدره

والحيدر علي زفّت البشرى

صار الليل كل الليل گمره

من مهده ونذر لحسين عمره

فرحانه الليله الأملاك ... عباس عباس

واتبشرت گاع وأفلاك ... عباس عباس

وبهاي العـــبـــاره إحنه بدينه

هلا بعباس أبو الروح الحنينه
...........................................................................

يعجز كل وصف ما تكفي الحروف

مثل عباس أبد ما صار موصوف

يطلع اچفوفه من اگماطه ويشوف

يجي حيدر بنفسه يبوس الچفوف

يعرفهن ذني الچفين ... عباس عباس

ينذرهن بالطف لحسين ... عباس عباس

الرايه اشراع وحسين السفينه

هلا بعــبــــاس أبـو الروح الحنينه
...........................................................................

أبو الغيره ومحبته تدگ بالگلوب

هيچ امن الله عند الناس محبوب

صگار الزلم ساعات الحروب

كل الدنيه صوب وخزرته صوب

يتراجف يبقى الميدان ... عباس عباس

من يدخل هيبة عدنان ... عباس عباس

يگلبه الجيش بيساره ويمينه

هلا بعــبــــاس أبـو الروح الحنينه
...........................................................................

أخو زينب كفو من يدگ صدره

وفي عد كلمته لو ينطي عمره

إصبعه يساوي من الزلم عشره

لأن طبع الشجاعه بروحه فطره

نسخه امن الوالي الكرار ... عباس عباس

واليفرق بس ذو الفقار ... عباس عباس

بضوه وجهه يشع نور المدينه

هلا بعــبــــاس أبـو الروح الحنينه
...........................................................................

تاريخ الولادة أحلى عنوان

هلا بيوم أربعة من شهر شعبان

هلا بمولد الغيره گمر عدنان

الليله كل غيور ونشمي فرحان

عشاگ الكافل للموت ... عباس عباس

خل كلنه نصيح بفد صوت ... عباس عباس

بأمان بفضل أخو زينب بقينه

هلا بعــبــــاس أبـو الروح الحنينه
...........................................................................

بقلم / خادم الإمام الحسين عليه السلام
عمار هليل الواسطي
شعبان / ١٤٤٥ هجري
شباط / ٢٠٢٤ ميلادي

https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

(مولد الاقمار )

شـــعت انوار الولايه الولايه
انولدت اقمار الهدايه الهدايه
***

بهذا شهر المكرمـه وشهر الهـــيام
انولدت اقمار الهدايــــه والســــلام
زاحت وكشفت مساحات الظــــلام
الله فرحنه ونطانـــــه اشـــجم امام
فرحت اكلوب البرايه البرايه
شعت انــوار الولايه الولايه
***

تلاثه شعبان انولد وجــه الرحيم
وارث آدم وارث آيــــات الكليم
رحمة الله بكلبـه واحسان العليم
أبن ابوه الصـــار للجنـــه قسيم
حسين اصله امن البدايه البدايه
شعت انـــــوار الولايه الولايه
***

رابع ايام الســــــــــعد يوم الكـفيل
صاغه ربنه وابدعه بخلقــه الجليل
كمر وجه وصـــــــار للتــايه دليل
من ظهر حيدر علي حامي الدخيل
جفـــه شايل دوم رايـه رايـــه
شعت انــوار الولايه الولايه
***
خامس اعلوم الفرح زين العـــباد
كوثر العز والفخر باب المـــــراد
زارع الحب والتسـامح والــــوداد
اصله طيب زاهد وحـر وجـــــواد
وارث اعلوم وسجايه سجايه
شعت انــوار الولايه الولايه
***
واهدعش من هالشهر يبزغ نجم
بوجه يتلالــــه الجــمال ومبتسم
علي الاكبر اسمه يانعــــم الأسم
سبع صنديد وكلف والله وشهم
اشكد فرحنه بهالروايه الروايه
شعت انـــوار الولايه الولايه
***


ابو علي الركابي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هوسات لولادة   ابا الفضل العباس سلام الله عليه

يَمكَمَّل من الله  ماكمل وصفي
ابحقك ياگمر ياچلمة التوّفي
ياگاع التشيل الفرح وتكفي

( ياهيبة حيدر وافعاله  )
★★★★★
من المهد حد الموت مضمونك
اخو حسين وفديت حسين بعيونك
اعداك بخوف حگهم من يهابونك

( عباس علومك معروفه  )
★★★★★
ياجود وكرم ياطيب يانوماس
على الخوه الصدگ علمت هاي الناس
جينه بمولدك بالفرح  ياعباس

( كل ظلمه انوارك تمحيها  )
★★★★★
بطلت الحزن لمن عرفت اليوم
گمر نّور بليلي وزاح عني اهموم
ابوفاضل الثبّت للعلوم  اعلوم

((  من يثبت  لوحرّك  سيفه    ))

الشاعر حسن لعيبي الحريشاوي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

مولد علي الاكبر ع

انبارك للحسين .. هاي المسيه
ميلاد الاكبر .. هاي المسيه
مُحمد ابجماله
عليٌ ابفعاله
****
كلها فرحانه ابمجيئه الساده
لبّسه القرءان ابوه اگلاده
خل يجي الرايد ينول امراده
بس علي الشايل خصال اجداده

الله يشهد .. چنه احمد .. خده شايل شامه
يزهي بدره .. بهذا عمره .. اعليه تلوگ اعمامه

هادينه مسرور .. هاي المسيه
للدنيا شع نور .. هاي المسيه
مُحمد ابجماله
عليٌ ابفعاله
****
لون حيدر هذا الاكبر لونه
بثوب ما يقبلهم ايگمطونه
ابمهده سيف المرتضى ايبيتونه
وضحكن ابوجه الحسين عيونه

هذا الاكبر .. چنه حيدر .. وفتهمنه الغايه
بي شجاعه .. وبي براعه .. اگماطه بس الرايه

بالرايه لفوه .. هاي المسيه
وبچفه فقار .. هاي المسيه
مُحمد ابجماله
عليٌ ابفعاله
****
ابمهده ساعه ورفع لكبر راسه
عطر نخوه وغيره شم بانفاسه
ابزغره والطف عايش ابحساسه
ظل يلوليله البطل عباسه

حلو اسمه .. اتباها عمه .. ابگصته لنه ايبوسه
شاله بيده ..يم عضيده .. العلي تحلى الهوسه

تتلاگه الابطال .. هاي المسيه
هوسه يريدون .. هاي المسيه
مُحمد ابجماله
عليٌ ابفعاله
****

الشاعر اياد الديراوي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

جبرائيل هز مهده ويلوليله
واسرافيل يضحكله ويناغيله
وفطرسهم ابثوب احسين شد حيله
وابنور الجنه امكمطينه
....
هله براعي النعم والخير والرحمه
هله بمولد الفزعه ومولد الخدمه
هله وميت هله بجيتك يبواليمه
يومك يحسين امتانينه
...
اليزرع بالورد يحتاج أمور اهواي
يحتاج الضوه ويحتاج للسقاي
ومايطلع ورد اله نرشه بماي
وعباس الماي يوصفونه
...
يربي ابداعت العدهه تسع اولاد
اريد الهوسه هاي اتفرح السجاد
وابارك للحسين بزينة العباد

وافرح بالغالي ابن الغالي
...
وأما لابوصالح خل ادنگ الراس
وامسح ذنبي كون ابراية العباس
يوم اخمسعطش آنه وجميع الناس
بيبان احسين انحنينهه
....
الشاعر محمد الجماسي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

بحق الامام المهدي((عج)) افراح


قـل اعـوذُ مـن  🌹 عـيـن الـحـسـد
جابـت اهـلال  🌹 نرجـس لـو ولـد
🌷---------------🌷-------------🌷

نـرجـس الليـلـة بـفـرح مـسـروره
بين اديـهـه اهـلال يـسـطـع نـوره
بـنـور وجـهـه اتـضـوت المعمـوره
يـشـبـه الـعـمـه الـگـمـر بالـصـوره

چـنـه عـبـاس سبحانه الـخـلـق
واحـد الـنـور  بـثـنـيـن  انـفلـق
🌷--------------🌷-------------🌷

قُـل اعـوذُ ربــي مــن حـســاده
هـذا مـولـود الــفـخــر لـلـسـاده
بجيتـه جابنه الـفـرح واعـيـاده
اسمـه يحلالة الشـعـر وانـشـاده

احلـه مولـود اسمه المنتظر
يا موالين صـار بـهـل شـهر
🌷---------------🌷---------------🌷

انسحرت املاك الـعـرش بعيونه
بحجر نرجس كوكب ايشوفونه
ايـة واصـحـاب الـذِكر  يقـرونـه
اسمـه سـر وحـارو بـمـضمـونـه

اليصد لـيـه  بالحب ينـفـتـن
يفرح بشوگ ويعوف الحزن
🌷---------------🌷----------------🌷

لـلـرسـول انـزف تـهـانـي أوآلـه
حُـجـة الله الـيـوم هـل اهـلالـه
رفـرف وطـيـر الـسـعـد غـنّـالـه
واليشوفه النـور يـشـغـل بـالـه

نـوره بالكون  للـعـالـم  سطـع
نجمة اسهيل خجلت من طلع
🌷----------------🌷--------------🌷

المهدي هـذا الـبـالعـدل يمليهه
الليلـة دنيانـه الـفـرح غاطيهه
احـلى ايـام  انـتـعـايـد بـيهـه
نـجـدد الـبـيـعـه بذكـر راعيهـه

اجمل ايام واجمل كل زمن
بيهه مولود حجة  للحسن

🌷----------------🌷---------------🌷
✍خادم الأمام المنتظر عج
الشاعر رعد الجريخي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

ولادة الامام المهدي (عج)
١٥ شعبان



انته يامحبوبي محبوبي محبوبي
شمعه تضوي ادروبي بدروبي بدروبي
المهدي شوگي الغالي
سلوتي وآمالي
انته يامحبوبي محبوبي محبوبي
١

يادنيه بالولاده انشوفه
يادنيه كعبه واحنه انطوفه
يادنيه بروحنه الملهوفه
يادنيه المهدي لا منعوفه

والعشگ رباني رباني رباني
منذهل خلاني خلاني خلاني

اول انته وتالي
سلوتي وآمالي
انته يامحبوبي محبوبي محبوبي
٢

ياروحي حبك السواني
ياروحي واصبحت عنواني
ياروحي گمر شفتك أني
ياروحي وعايش بوجداني

عالوعد تانيتك تانيتك تانيتك
عاشگ وحبيتك حبيتك حبيتك

ساكن بدلالي
سلوتي وآمالي
انته يامحبوبي محبوبي محبوبي
٣

يامهدي عشت بين عيوني
يامهدي الوادم ايشوفوني
يامهدي حگهم ايلوموني
يامهدي خادم ايسموني

خادمك عنواني عنواني عنواني
اسمك السواني سواني سواني

أبد لا مابالي
سلوتي وآمالي
انته يامحبوبي محبوبي محبوبي
٤

خليني شلت سحر عيونك
خليني ارتجي وممنونك
خليني من أگول شلونك
خليني عاشگ ومجنونك

ذايب بحنيتك حنيتك حنيتك
بالحلم لاگيتك لاگيتك لاگيتك

صحت ياعذالي
سلوتي وآمالي
انته يامحبوبي محبوبي محبوبي
٥

بالمحفل جبت عمري ويايه
بالمحفل وابصمت بدمايه
بالمحفل بس رضاك الغايه
بالمحفل آيه حبك آيه

ياحلم بعيوني بعيوني بعيوني
احتفل خلوني خلوني خلوني

المهدي عاش أبالي
سلوتي وآمالي
انته يامحبوبي محبوبي محبوبي





لاتنسون والدي ووالدتي وأبني عباس من الرحمه والغفران
خادمكم رياض الرسل الجابري


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

صفكه وهلاهل وفرح كل البشر مسروره ..
الليله الامام المنتظر يسطع علينه بنوره ..
هلال الفرح شع وبان ..
بخمسطعش من شعبان ..
الليله الامام المنتظر يسطع علينه بنوره ..
.............................
نحتفل نملي الصواني ياس وبخور و شمع ..
الليله للعتره الشريفه ينولد آخر فرع ..
تضوي دنيانه زهيه نور أبو صالح  يشع ..
يزرع بأيده أبتسامه وعنه يمسح كل دمع ..
عم الفرح أنس وجان ..
بخمسطعش من شعبان ..
بهذا الحفل خل تبتهج وتشارك المعموره ..
الليله الأمام المنتظر يسطع علينه بنوره ..
.............................
كل موالي الليله يشعر ينفتح للجنه باب ..
نودع أيام المواجع والمدامع والعذاب ..
بكل فخر جبريل باسه وخله يم راسه الكتاب ..
القسط والعدل بيده وكل دعائه مستجاب ..
رتّل حروف القرآن ..
بخمسطعش من شعبان ..
نرجس تعاين عالمهد بيه شافت أحلى أسطوره ..
الليله الامام المنتظر يسطع علينه بنوره ..
.............................
أستبشر الكون بحفلنه ورفرف بجنحه الحمام ..
ونزف أيات التهاني للنبي خير الانام ..
المهدي نور الله بجبينه يمحي أيام الظلام ..
الليله لأنوار الهدايه ينولد مسك الختام ..
ب قّرة جبينه الأيمان ..
بخمسطعش من شعبان ..
البلمهد أبن العسكري مولود بأجمل صوره ..
الليله الامام المنتظر يسطع علينه بنوره ..
................................
زينه وأفراح ومشاعل يحتفل هذا الحضور ..
ويفرح بهاي الولاده كلب كل شيعي غيور ..
احنه للأعمه بصيره واجب نوضح الامور ..
االارض يمليهه عدلا باجر بعصر الظهور ..
قسط وعدل بالميزان ..
بخمسطعش من شعبان ..
بماي الذهب خلي الزمن يكتبهه بين سطوره ..
الليله الامام المنتظر يسطع علينه بنوره ..
.................................
الليله بحساسي وشعوري وياه يلتم الشمل ..
بمولد الحجه أمامي تحله صفكات  الحفل ..
باجر بايدك يمهدي كل صعب يصبح سهل ..
بعد جور وظلم تملي هالارض قسط وعدل ..
وتكسر خشم كل طغيان ..
بخمسطعش من شعبان ..
كل الخواطر لو طلع وي طلعته مجبوره ..
الليله الامام المنتظر يسطع علينه بنوره ..
................................
حيدر مطر العبادي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

مولد المهدي عج (عيد الاعياد)

عيد الأعياد فـــــــرج مهدينه
عيد الأعياد فـــــــرج مهدينه
***

انزاحت اهموم الكلب هذا المسه
وعطر ياس امهــــــيل النتنفسـه
وبلسم انوار العـــــــــدل نتلمسه
واشرق البيت الشـريف ومقدسه
شعت انوار وجه والينه عيد الاعياد فرج مهدينه
***

شعت انوار القداسه الناصـــعه
بوجه دستور الآلــه وجامــعه
نوره اشرق للســـماء السابــعه
أبو صالح رحمـة الله الواسـعه
رحمة الله وهديته اعلينه عيد الاعياد فرج مهدينه
***

الخلائق والمــــــــــلائك ســبحن
الحور للمهدي وجمالـــــه كبرن
نثرن اورد الجنــــان وهللــــن
هله ابميلاد الإمـام أبن الحســن
صاحن اليوم ورد طشينه عيد الاعياد فرج مهدينه
***

ماكو واحد بالخـــــــــلائق مافرح
واليحبه هالمســــــــه كلبه انشرح
هذا هو اللي يضمـــــــدنه الجرح
هوه يجلي الظلمه ويجيب الصبح
للدعه اجفوف طلب مدينه عيد الاعياد فرج مهدينه
***
هوه عيد الله الجبـــــــير المنتظر
انطالع الجيته يشـــــع مثل الكمر
دوم ندعي كون نســــمع هالخبر
اليوم مهديكم يأحبابه ظهر
يومه نتناه بجمر حنينه عيد الاعياد فرج مهدينه
***

ابو علي الركابي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

سيد الكـــــــون انولد هليله
بالفرج كلنه اليـــوم ندعيله
هلا بالمهدي هلا
ــــــــــــــــــ***ــــــــــــــ
هلا ياصاحب زماني
تحققت كل الاماني
ونورك اليله غزاني - هلا يامهدينه

نور الدنيه ابوجوده
اليله ماكو قطعه سوده
نكشخ اليله اعله موده - بلكت يمر بينه

الدنيه اذا ضاكـت بيك تشكيله
بالفـــــــرج كلنه اليـــوم ندعيله
هلا بالمهدي هلا
ــــــــــــــــــــ***ــــــــــــــــــــ
اليوم عيد المهدي عيدي
بالفرح يادنـــــــيه زيدي
امبايــــع او رافعله ايدي - بجيته نتبارك

الفرح ضيف اليله عدنه
ياهــــلا بجيت عشگـنه
بطلعتك يكمل فرحـــنه - نصير من أنصارك

من عمرنه ياناس نطيله
بالفرج كلنه اليوم ندعيله
هلا بالمهدي هلا
ــــــــــــــــــــ***ــــــــــــــــــ
ياهـلا بفرحـة الزهــره
الانتشر بالدنيه عطـره
والارض سواها خظره - من شرف غالينه

فرحـت اليله النــــوارس
فرح عدنه وعدنه واهس
من الفـرح بيض الملابس - من انولد والينه

مولد يعــم بفــــراح نحيله
وبالفرج كلنه اليوم ندعيله
هلا بالمهدي هلا
ـــــــــــــــــــ***ــــــــــــــــ
طلعتك بالكـي قـريبه
يوسف يرد من مغيبه
عاشگ ايلاگي حبيبه - وشوك بينه ازياده

نحسب نريدك تجينه
تلمنه بيديك الحنينه
وتعطف بعطفك علينه - ياحنين الساده

بنص الاگلوب البيت نبنيله
وبالفرج كلنه اليوم ندعيله
هلا بالمهدي هلا
ـــــــــــــــــــ***ـــــــــــــــــ
محمد المشعلاوي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هالليله افراح او سهر هالليله
مولد امامي المنتظر  هالليله
صلاوات صلاوات على الامام المنتظر
__

خير العمل         ميلاده حل
اهلا وسهلا مرحبا نادينه

حب او فرح       گلبي انشرح
هنيالي بيك ابهل مسه مهدينه

مهدي الامم      بيه انرسم
لوحة امل والها ابشغف تانينه

كحلة مقل        من الازل
سواه ربي من عدن . مو طينه

ميلاده فرحة كل محب ميلاده
اعياده تغفر كل ذنب اعياده
حملناه حملناه اسمه حرز من الخطر
صلاوات صلاوات على الامام المنتظر
__

ابدلالي اله.     كاتب هله
ناقشها بضلوعي نقش هل كلمه

يوم انولد.         كلشي انسعد
ارض او سمه شمس او گمر والنجمه

حسنه ترف        ما ينوصف
حور العيون اتصد اله او مبتسمه

هسه او قبل.      ماله مثل
سبحان ربي الصوره ابهل رسمه

مو مثله يوسف بالحسن مو مثله
هو احله من جنة عدن هو احله
عطر فاح. عطر فاح  ميلاده والله اجمل خبر
صلاوات صلاوات على الامام المنتظر
__

ابشعبان اجه        هل مرتجه
بخمسطعش شعت علينه انواره

يا هيبته.       يا طلعته
سبحان ربي البي جعل اسراره

كل الورد.       يمه يرد
ويگله اهلا يا اعز ابشاره

اهلا يمن.         جنة عدن
نزلت على مهده او غدت خطاره

تتبارك ابهز المهد تتبارك
امبارك تگله يا سند متبارك
تناغيه تناغيه يا محله وياك السهر
صلاوات صلاوات على الامام المنتظر
__

عيد الله هل      جاب الامل
او عترة محمد اصبحت مسروره

ابفرحه او هنه         الوحي اعتنه
الدار الرساله جايب الها انذوره

املاك اجت          بسمه الهجت
افواجا او كلها تريد اتزوره

شي قبّله.       شي يحمله
شي شايل ازهاره او يناطر دوره

ايهنون جده المصطفى ايهنونه
بعيونه نور الله صفه بعيونه
تسابيح تسابيح كل ملك يم مهده ذكر
صلاوات صلاوات على الامام المنتظر
__

وجناته دُر           بيهن سحر
كل القصائد نوخت يم بابه

كل قافيه.         مو كافيه
توصف جماله لا وحگ اكتابه

رب السمه             بيده ارسمه
خله الوجود ابكل كيانه ايهابه

الكل شرع         هو الدرع
قرآن الله قد لبس جلبابه

بل مهدي دين الله احتمه بالمهدي
بي يبدي بيه الخاتمه بي يبدي

الايات الايات بي لاذت او كلها فخر
صلاوات صلاوات على الامام المنتظر
__

ربي اسالك              واتوسلك
فرحتنه بل مهدي يرب كملها

عجل اله             او طف كربله
خل تبرد اجروحه او يصح طب الها

ابشوفته            خل شيعته 
اتعيد او تسهر للصبح  اي خلها

تنسه الهظم       اوذاك الظلم
واتعيش ويه ابن الحسن قائدها

اتشوفه صبح او بالمسيه اتشوفه
اطوفه يا گبر الزچيه اتطوفه
يمولاي يمولاي عجل بعد ما ضل صبر
صلاوات صلاوات على الامام المنتظر
__

ابو فاطمة الطائي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

يمن اسمك سهم چتال… بعداك
شوكت ترجع مرار الريگ.. بعداك
اذا تنتظر امر باريك.. بعدك
المحب مل الصبر يبن الزچية
&&&&&
مو منه بمصالح.. باع دينه
وكلمن شاذ نهجه.. باعدينه
والك يالمهدي بيعه.. باع ادينه
رفعناها يبن حامي الحمية
&&&&&&&&
محمدالعبّودي


https://tttttt.me/joinchat/AAAAAEFVSMd2pvMFlLPXYg

هوسات للمهدي المنتظر عج
¤¤¤¤¤¤¤¤¤¤¤¤¤¤¤¤¤¤
يا محلى الفرح  نرسمهه  بالزينه
هاي ارواحنه وشوف الوفه البينه
هاك اخذ النبض مكتوب مهدينه

ونهني احسين ابميلاده
●●●●●●●●●●●●●●●●●●●●●
عجيبه لساني صاير يلهج بأسمك
اتوضه  واسولف  سيدي ابرسمك
نحلفك  يا بوصالح بالظلع  وامك

يالمهدي ابسيفك صفيهه
●●●●●●●●●●●●●●●●●●●●●●
من وجهه الكريم يبين الاحساس
يانبع الحياة  اشكد يروي  الناس
شفت بالغيره صاير يشبه العباس

واگماطه انفل  ابترتيله
●●●●●●●●●●●●●●●●●●●●●●
يوسف الفتلاوي

https://tttttt.me/joinchat/AAAAAEFVSMd2pvMFlLPXYg

مولودللامام الحسن {ع} ابو ادم الحلي
مِيلادَك إِمبارَك /////////////////// فَرحانَه أنصارَك
يَالمُجتبَه يَالمُجتبَه يَالمُجتبَه
يافَرحة أهل البيت/إبمولدك لَمَن جيت /الأكـلوب مِنسَرَه
مَسرور هـــــادينه /وحيـــــدَرَه والينه / والطاهره الحُرَه
جبريل حيــــــــاهُم /هَاليوم هَنــــــــاهُم /يامَحله هَالبُشرَه
يــــاأول الأنــــــــوار/من حيدر الكرار/ ومن فاطمه الزهرَه
من جَـدَك أنوارَك /////////////////// فَرحانَه أنصارَك
يالمجتبه يالمجتبه يالمجتبه
أحبابك إجتمعَت /بالمولــــــد وفُـرحَت /وتِعلن الفَرحتها
تعلنها للأفراح /والجوري والقـــــــداح / يَالحسن نِـثرَتها
نِثــرتَها للأوراد /والشمعَة الميــــــــــلاد /بالفَرح عِلكــتها
وهَنَت الحامي الجار / وللمُصطفه المُختار /للزهره هَنتها
إمعيدَه أحبابَك //////////////// فَرحانه أنصارك
يالمجتبه يالمجتبه يالمجتبه
طِيبِتَك من أُمَـــــــك /عِــــزِتَك من جَدَك /تِحمِل عَزِم حيدر
مِنهو الذي إيوصفَك /مِن يوصَل الحَدَك /ياشاعر اليكـــــدَر
هَيبَة مُحمَد بيك /وإنته الذي إمعـــليك /الخالِق الأكبر
يَالبِالكَرَم مَوصوف /بين الخَلـك معروف/مـــايوم تـِتعَذَر
معروف بأحسانك //////////////////فرحانه انصارك
يالمجتبه يالمجتبه يالمجتبه
جَفَك بَحَر للخير /واليكصِدَك مَيحير /لو بابك إيـــدكها
يَالتكضي للحاجات /والشِدَه والكلفات /إنتَ الذي إتفلها
ياسيدي الشِدات /يالحسن والصعبات /يــَـمْ عِتبِتَك حَلها
عَلَمَك داحي الباب /للضيف تِفتَح باب /وبابَك فَـلاتسدها
باب الفَرَج بابك ///////////////// فرحانه انصارك
يالمجتبه يالمجتبه يالمجتبه
وبمولــــِدك جينَه /إحنه يَواليــــــنَه /بابك نــِـــــــدك إحنَه
إنمدلَك الأيدين /وبجاه أخوك إحسين /الحاجات تكضي إلنه
هَالحاجه بالمَولِد /نِطلُب يـــــَــبو إمحمد /خــِـــــــدام تِـقـبـلنَه
لَن نِدري بِالمَحشَر/ وَيْ أُمــَـــــك الكوثَر/إهناك تِحضرنـَـه
ومَتعوف خِدامَك /////////////// فَرحانه أنصارك
يالمجتبه يالمجتبه يالمجتبه
خادم الحسين {ع} ابو ادم الحلي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هلا ابمولد امامي سيد الساده
هلا ابمولد امامي سيد الساده
___


يوم اخمسطعش رمضان شع النه
تجلّي رحمة الرحمن والمِنّه
عطر وجهه يشابه ريحة الجنه
الله انطاه جلال او بالحُسُن زاده

هلا ابمولد امامي سيد الساده
___

تشبگه فاطمه مستبشره ابشوفه
ابحضنها والعباة اعليه ملفوفه
ساعه اتشم رگبته ساعه بچفوفه
وادموع الفرح عل وجنه تتهاده

هلا ابمولد امامي سيد الساده
___

حيدر هل مسيه ابتشرن ارسومه
ميلاد الحسن عنّه جله اهمومه
كواكب هل سمه واشموسه وانجومه
فرحانه او تغني يوم ميلاده

هلا ابمولد امامي سيد الساده
___

علي اتعنه النبي والحسن بيمينه
او شمّه والد الزهراء بجبينه
رفع چفه ابدعاء او ناجه بارينه
يگلي الحيدره سمي انت ويلاده

هلا ابمولد امامي سيد الساده
___

نزل وحي السمه او جايب ريحانيه
يگلي احنه _ الحسن _ هل ولد سمينه
نطيناه المهابه او شِيخه منطينه
وقائد الله راده ايصير عل قاده

هلا ابمولد امامي سيد الساده
___

ابو فاطمة الطائي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة