🌷 مولد الإمام المهدي🌷
🌷 عليه السلام 🌷



حل الفرح بينا بميلاد مهدينا
حل الفرح بينا بميلاد مهدينا

🌺🌺 🌺🌺 🌺🌺

نكتب عبارات الفرح واشعاره
هلا هلا هلا هلا
ونرحب بشعبان طش انواره
هلا هلا هلا هلا
ب ١٥ جابلنا احلى ابشاره
هلا هلا هلا هلا
مولد المهدي بعالمه واسراره
هلا هلا هلا هلا

تحقق أمانينا بميلاد مهدينا
حل الفرح بينا بميلاد مهدينا
🌺🌺 🌺🌺 🌺🌺

يا فرحة المظلوم هاي الليله
بالمنتظر بالمنتظر
كل الظلم لو ظهر بيه يزيله
بالمنتظر بالمنتظر
صوت العدل فوك الأرض ترتيله
بالمنتظر بالمنتظر
الكون كله يهلل يحييله
بالمنتظر بالمنتظر

تشرق أراضينا بميلاد مهدينا
حل الفرح بينا بميلاد مهدينا
🌺🌺 🌺🌺 🌺🌺

شمس العداله ونور المعموره
ابن الحسن ابن الحسن
كل خير بيها منه ياخذ نوره
ابن الحسن ابن الحسن
ينزال بيده كل ظلام وجوره
ابن الحسن ابن الحسن
يمليها قسطا والعدل دستوره
ابن الحسن ابن الحسن

الفرج حل بينا بميلاد مهدينا
حل الفرح بينا بميلاد مهدينا
🌺🌺 🌺🌺 🌺🌺

خير وفرح لمن يحل ميلاده
لهل الأرض لهل الأرض
سيد الرسل جده وسليل الساده
لهل الأرض لهل الأرض
المهدي نور اتوزع من أجداده
لهل الأرض لهل الأرض
النبي القائد واله خير القاده
لهل الأرض لهل الأرض

ويرف علم دينه بميلاد مهدينا
حل الفرح بينا بميلاد مهدينا
🌺🌺 🌺🌺 🌺🌺

كل الأمم تنتظر يرفع رايه
بيها الفرج بيها الفرج
وبمولده تحققت هاي الغايه
بيها الفرج بيها الفرج
راية محمد راية الوفايه
بيها الفرج بيها الفرج
مكتوب بيها النصر والحق أيه
بيها الفرج بيها الفرج

تضوي ليالينا بميلاد مهدينا
حل الفرح بينا بميلاد مهدينا
🌺🌺 🌺🌺 🌺🌺


محمد دعبل النوري



https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

الليله المهدي ميلاده
وفرحة كلها بعياده
***
من سامره وصلت هاي البشاره
انولد فجر الهدايه وشعت انواره
فرحة نرجس وتقراله الزياره
والليله الحسن تزهي أصبحت داره

ويامية هله ناده
وفرحة كلها بعياده
***
يا شيعه الشموع الليله اعلوكها
وللمهدي الهلاهل يله علوها
شدوه القصيده يله شدوها
وام المهدي بالمولود هنوها

رفت راية الساده
وفرحة كلها بعياده
*
من حسنه وجماله غارت الكمره
عشكته أمن البدايه وعشكي عالفطره
بنفاسه عطر من فاطمه الزهره
وبوجها صفن يوسف الف مره

جنه الكمر وزاياده
وفرحة كلها بعياده
****
هليله الامام العسكري فرحان
مهدينه انولد بخمس طعش شعبان
اذا عيسى نطق واحتارت الرهبان
المهدي بالمهد ويرتل القران

هذا سيد القاده
وفرحة كلها بعياده
**
تمت
تحسين الخفاجي



https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

چان الحسن باب الكرم والناس تطرق بابه
مولاي مولاي
فاتح مضيفه بكل وكت ملتمه يمه احبابه.
مولاي مولاي
،،،،،،،،،،،،،،،،،،،،١،،،،،،،،،،،،،،،،،،،،،،،،،،

ورده بكبر شمس الظهر. الخطار يشتمهه ويمر.
هم شايف بعمرك ورد. ايوزع لخطاره العطر.
..
الوادم تزوره وتندعي. ولامايرد طلابه.
مولاي مولاي
فاتح مضيفه بكل وكت ملتمه يمه احبابه.
،،،،،،،،،،،،،،،،،،،،،،،،٢،،،،،،،،،،،،،،،،،،،،،،،،،

محد يجوع بدولته. بكل وكت تنمد سفرته
المحتاج يتحول غني. لمن يمر بحضرته.
..
كلماته تفتح كل رزق. والسمه يزيح حجابه
مولاي مولاي
فاتح مضيفه بكل وكت ملتمه يمه احبابه.
،،،،،،،،،،،،،،،،،،٣،،،،،،،،،،،،،،،،،،،،،،،،،،،،

ابميلاده محتفله الارض. وترتل أيات الحفظ.
سيد شباب الجنه اجه. والگلب بسمه ايدگ نبض.
..
الأملاك فزعت والنجم. ينزل يبوس اترابه.
مولاي مولاي
فاتح مضيفه بكل وكت ملتمه يمه احبابه.
،،،،،،،،،،،،،،،،،،،،،،،،٤،،،،،،،،،،،،،،،،،،

فارس بزوده لو حمل. يشبه علي ابنه البطل.
تشهدله ساحات الحرب. برمحه طعن ذاك الجمل
..
بسيفه الحسن زال الفتن. مثل الأسد بالغابه.
مولاي مولاي
فاتح مضيفه بكل وكت ملتمه يمه احبابه.
،،،،،،،،،،،،،،،،،،،،،،،٥،،،،،،،،،،،،،،،،،،،،،،،،،،،


ابفن السياسه ينتصر. رغم الخديعه والغدر
محد ينصره للأسف. والأمة شتحضر عذر.
..
خسرانه ناس العافته. وتفوز كل اصحابه.
مولاي مولاي
فاتح مضيفه بكل وكت ملتمه يمه احبابه.

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

حيدر موسى الرميثي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

.

ميـلاد الإمـام الحسـن المجتبـى (ع)


كـلـمــات الـشـاعــر
عـلــي ابـوسـمـا الـديـوانــي


مـبــروك مـبــروك يـخـدام الـحـسـن
مـولــد عـظـيــم الــشــان
بـخـمـسطـعـش رمـضـان
………………………………………..

يـتـسـمــه هـذا الــيـوم عــيــد الـرافــضـه
بـيـه انـولــد والــيـنــه شـبــل الـمـرتـضــه
نـفـرح علـى اعـنــاد الــرضــه والـمـارضـه
صـــار الــفــــرح عــنـــوان
بـخـمـسطـعــش رمـضــان
……………………………………….

سلـيـمـه الـتـطـمـه الـمـافـرح وي فـاطـمـه
نـزلــت تـهـنــي ابـمـولــده أمــلاك الـسـمـه
هــيـبــه ومـثل عـبــاس راعــي الـغـانـمــه
يـشــبــه ﮔــمـــر عــدنـــان
بـخـمـسطـعــش رمـضــان
………………………………………

عـطـر الـحسـن فـواح طـش أعلـه الأرض
وأسـم الـحسـن دگـاتـه صـارت بالـنـبـض
بس الـحـسن والـعـتـره والـبـاقـي رفـض
والـمـــاقــبــــل خــســـران
بـخـمـسطـعــش رمـضــان
………………………………………..

عـوف الـحـزن ياشيعـي وأفـرح وي عـلـي
وگــل الـحـبـيـبــك والله غـيــرك مــاإلـــي
وأبـأسـم إمـامـك خـلـي صوتــك يـعـتـلـي
فـرحـانــه أنـــس وجــــان
بـخـمـسطـعــش رمـضــان
………………………………………..

جـائـزه يـاخـذ من عـلـــي الـيـفـرح إلـــه
وبـالـجــنــه أم حـســيـن هــيـه اتــدلـلــه
كـل الـيـحـبـه أيـنــول أعـظــم مـنـزلــــه
وأعـمـالـــــه بـالــمــيـــزان
بـخـمـسطـعــش رمـضــان


كـلـمــات الـشـاعــر
عـلــي ابـوسـمـا الـديـوانــي
.

https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

ابوذيات ولادة الامام الحسن (ع)


بنصف رمضان نوره هل علينه
بحبه لـلـثـريــه احــنــه عـــلينه
بميلاد الحسن هــنــو عــلــيــنه
وهنو فاطمه الزهره الزچيه


بميلاد الحسن محتار وصفـــــه
ذهب من الذهب أي بعد وصفه
محد مايشبه اضن وصفـــــــه
بس حسين مثله لن اخيه



شاعر اهل البيت (ع)
رياض الرسل الجابري


https://tttttt.me/joinchat/AAAAAEFVSMd2pvMFlLPXYg

مولد

لذكرى ولادة كريم أهل البيت
الأمام الحسن المجتبى عليه السلام
..............
فدوه أروحلك حبيبي الغالي
يا عشك عذري أو سكن دلالي

مولاي الحسن
مولاي الحسن
.............
يا سبط طه النبي خير البشر
يا أبن حيدر علي فارس مضر
يا وناسة فاطمه أباأفضل شهر
يا عضيد حسين وعضيد الكمر

أبدنيتي أو حشري أحب تبرالي
أو حاشا تنساني أو تخيب آمالي

مولاي الحسن
مولاي الحسن
............
أبذكرى ميلادك يبن خير العمل
كلبي من كد الفرح بيك أحتفل
وين أكو مثلك غني أو يلبس سمل
أو خيره عاالأيتام والفقره بذل

أنه جيتك ودري ما رد خالي
حاجتي مكضيه ألف هنيالي

مولاي الحسن
مولاي الحسن
..............
أبيوم ميلادك أجيت أبدمعتي
جفي ألك مديت رايد طلبتي
يالحسن مولاي حقق رغبتي
أذنوب عندي أهواي سوده كنيتي

بالحشر لمن تسوء أحوالي
أعمالي سوده فدوه بيض أعمالي

مولاي الحسن
مولاي الحسن
............
يا أبو محمد كريم أهل الكرم
خادمك دون الخدم ظل محترم
أحساسي غير أحساس والشوك أحتدم
فرحه صوت أو صوره عالواقع رسم

الماله أول ماله أكيدآ تالي
الغوث يابو الغوث أعشم حالي

مولاي الحسن
مولاي الحسن
............
يا وجيهآ عد مليك البالسمه
وجهت وجهي ألك ولفاطمه
أمك الزهره الزجيه العالمه
أبجالكم خاتمتي حسن الخاتمه

الخاتمه الحسنى الحسن كفالي
ثوب طهري البيه أشد ترحالي

مولاي الحسن
مولاي الحسن
............
أبنص شهر رمضان كالعاده عدت
أحيي ألك محفل أوبيك أتمسكت
أنطيتني كلشي ولا مني خذت
كون أحج قبرك فقط هايه ردت

بالبقيع أو هسه كونه أكبالي
قبرك أودمعات عيني أتلالي

مولاي الحسن
مولاي الحسن
............
خادم أهل البيت
الشاعر : أسماعيل الجوراني
الأحد : 10/4/2022


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

شعت انوار المجتبى والعالم اتنور
ــــــــــــــــــــــــــــــــــــــــــــــــــــــــ

بالحفــل نادينـــه يـــاعشكنـــــه الأولـي
يالحسـن والينـه والــــدك حيــــدر علـي


1

ياسنـــدنـه ويافخــرنــه ياشمــس دنيانـه
أشرقـــت والليلــة نــورك محتفـل ويانـه
عالعرش مكتـوب أسمك بالذهب ريحانـه
أنـت رحمــة وبالقيامـة ندري ماتنسـانـه

بكاســك أتروينــه هل الأمر واضح جلـي
يالحســن والينــه والـــدك حيــــدر علـي


2
مــن قلبنـه مـــن عشكنـــه يالحسـن نادينه
يـاهــــــلا بهيبـــة محمـد يــاهـــــلا بوالينه
شيـــب وأطفـــال وشبـاب أبكل وفه أتعنينه
يـــوم المبـــارك عليـــك وعـالنبــي صلينه

بالــورد والزينــه هــل المحافــل تمتلـي
يالحسـن والينـــه والـــدك حيـــدر علـي

3
حلـــوه لمتنـــه ووجـــودك هــــو المحليهـا
ليلــــة الأعيــــاد بانـــت بالعشـــك نبــديهـا
هل الشباب بهل المجالس كل سنة نوصيها
بالخـــدامــة وبكــرامـــة جفــــك أيجازيهـا

واحنه إلك وفينـه ويبقــه حبنا الأزلـي
يالحسـن والينـــه والـــدك حيـــدر علـي


4
خمسطعش رمضان ليلة ليلة وأجمل ليلة
يالحسن واليـــوم يومـك والــورد نهديله
كـل طيـور الكون عيـدك حضـرت اتغنيله
وناس يم حسين راحـت بالصحن تدعليه

حسيـن ماناسينـه هو روحي وكـل هلـي
يالحسـن والينـــه والـــدك حيـــدر علـي

5
عدنه همه وعدنه غِيرة وعدنه صرخة عابس
مـن يمــر ميــلاد نـورك يبــدي بينــه الواهس
أيصيــر وآحـدنــه بخدمتــك بالمجالـس فارس
يوكــف وبيــــده شمعتــه وبخــدمتـــه أينافس

حبك بنص عينــه صاح غيره منهو إلـي
يالحسـن والينـــه والــــدك حيـــدر علـي


6
سيــدي بجــاه الزجيــة جفـوف إلك مدينه
يالحســن شنهـو النريــده سيــدي تنطينه
ياكريـــم البيــت بـاجــــر بالحشـــر نجينه
من نصير أكبال ربنه صيـر خيمـة أعلينه

بجانبـــك خلينـــه بالقيــــامـــــة يـاولـي
يالحسـن والينـــه والـــدك حيـــدر علـي

شطرة
امجد صاحـــب الشطـــــري



https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هوستات بمولود الإمام الحسن (ع)
*** إنسه كل جرح ماذيك هلـَّليله عسه الرايد أذيتك ينهدم حيله وتبقه ذمته للدوم مشكوله
ها..ها.. ها..أخوتي ..ها
بس فضل المولد يبريها
*** ابمولد الإمام الحسن فرحتنه ڇبيره هواي فوڴ النجم خلتنه وألي ما يصدڴ خل يظل يمنه
ها..ها..ها. أخوتي ..ها
ويشوف الـَّليله إشنحڇيله
*** ياعين التنام ويا ڴلب يهجع هلـَّليله جميله والوجوه أروع
وألي ما يهوس ڴله خل يسمع
ها..ها..ها..أخوتي ..ها
المهدي يشوفك هلـَّليله
*** غزه ڴلبي السرور وما عرف حدَّه مثل رشڴ المطر وآنهد فرد هدَّه يدڴ ڴلبي سريع ومدري اشعنده
ها..ها..ها..أخوتي ..ها
فرحان ابمولد محبوبه
*** مولود الحسن والدنيا كلهه أنوار بيهه أنزف تهاني الوالده الكرار ولأمه الزڇيه موطن الأسرار
ها..ها. ها.. أخوتي..ها
أسرار الدنيه وتاليهه
***
الشاعر عبد الستار جابر


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

حبيبي يالحسن
*
يباب الله الوسيع وسيد الاسياد
كلها الناس منك تاخذ امراد
اعيادك تختلف عن كل العياد
علكنه اشموعك وسوينه ميلاد

بسمك عكلي جن
حبيبي يالحسن
****
جفك سيد اتصدق عله الغير
وبصينيته ينزل ياكل الطير
امخلي الناس كلها عاشت بخير
وحته اهل الكرم يم بابك اتحير

يالكلبك وطن
حبيبي يالحسن
*
انته بكل وكت عامر مضيفك
والجوعان ياكل من رغيفك
ما سديت باب بوجه ضيفك
تتفايض هله وشوكك حليفك

ادلالك ما طفن
حبيبي يالحسن
*
يلي بصايته اتلوذ المساكين
وللخطار فاتح كلبه والعين
وطبعك جان يشبه طبع الحسين
واليمك اجه ما كتله بعدين

يا شيخ الزمن
حبيبي يالحسن
***
تمت
تحسين الخفاجي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

ابوذيات ولادة الامام الحسن (ع)


بنصف رمضان نوره هل علينه
بحبه لـلـثـريــه احــنــه عـــلينه
بميلاد الحسن هــنــو عــلــيــنه
وهنو فاطمه الزهره الزچيه


بميلاد الحسن محتار وصفـــــه
ذهب من الذهب أي بعد وصفه
محد مايشبه اضن وصفـــــــه
بس حسين مثله لن اخيه



شاعر اهل البيت (ع)
رياض الرسل الجابري


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هوسات ولادة الامام الحسن ع


الهوسه اعله الحسن جن هوسه عالعباس
حماسيه واشوفن بيهه رفعة راس
كرم عنده ابقدر ماسيفه ماينقاس
ها..
واثنين ايعلن من زوده
......
اذا عن الحسن نحجي
نحط عالجلمه كون اوزان
وبالرباط كون اجتاف
توكَع ساعة الميدان
غالي وصيته يملي الكون
واصبح للكرم عنوان
ها..
واجفوف العوز املاويهه
......
شايل خبزه للجوعان مره ابليل من مرهم
سمع ينشتم حيدر جان بس الحسن ماغثهم
ابكثر مايشتمونه الحيد هوه ابخبزته اشبهم
ها...
والخبزه اتسولف تاريخه
...
لو بيده الحسن ينولد اول يوم
بس حكمة الباري ابنص حياة الصوم
كفتين الشهر وانولد زاح اهموم
ها.. ميزان اتوسط رمضانه

الشاعر ياسر العارضي


https://tttttt.me/joinchat/AAAAAEFVSMd2pvMFlLPXYg

هوسات لميلاد السبط المجتبى صلوات ربي عليه

___

ابطرب هليله وابفراح تدور الكره الارضيه
عبن بيها الحسن مولود ذو الهيبه السماويه
حيّر كل عقول الناس باوصافه الألهيه
ها ها ها
تخجل شمس الله امن انواره

___

عليك امبارك الميلاد ياسبط النبي الاول
يمن حُسنك مثل قرآن نازل كامل امكمل
الوادم حگهم ايحسدوك منته امن الجمال اجمل

ها ها ها
خي عونه الشافك واتهنه
___

ليل اخمسطعش رمضان بدرين اصبحن عدنه
بدر وسط السمه موجود بي كل شغل ما النه
او بدر في محجر الزهراء امضوي الارض والجنه

ها ها ها
اتغار الحور امن اعيونه
___

الف عل خير ميلادك او عسنّه امبارك او أسعد
يل امحير عقول الناس وانت امن الخيال ابعد
اجيت او روحي تتأمل عسن من شيعتك تنعد

ها ها ها
ياعيدي او بهجة دلالي

___

گصدت المحفلك فرحان هايج هل عشگ بيه
الحسن بس انت بالدلال وانت الهوه بل ريه
ماعوف الحفل هليوم بايت بالحسينيه

ها ها ها
تستاهل يا ضي اعيوني
___

ابو فاطمة الطائي


https://tttttt.me/joinchat/AAAAAEFVSMd2pvMFlLPXYg

أزهيري


هـاك اخذ هـذا الحچي الكل البشر وصله
گـلـلـهـم الـمـجـتبـى نـبـع الـكـرم وصـلـه
وحبل الوصل بالحسن بالـك تـهـد وصلـه

🌷----------------------*----------------🌷

وارث علي المرتضى ونفس الصفه يده
ما خـلـه سـائـل أبـد بـمـاي الـوجـه يـده
تحله الـفضـائـل ألـه الـطـه الـنـبـي يـده

ابروحي احس الحسن ومن الگلب وصِله

*------------------------*--------------------*

✍خادم الأمام الحسن ع
الشاعر رعد الجريخي


https://tttttt.me/joinchat/AAAAAEFVSMd2pvMFlLPXYg

مولد الحسن ع
......
مولد الخير اجانه الليله
مولد الخير اجانه الليله
****
نور الاحسان تضــــــوي انواره
آية الله وعلـــــــــــته واســـراره
ربنه من نور العـــــرش مختاره
الكريم واسمه راعـــــــي الشاره
وحتى جبريل صبح تهليله مولد الخير اجانه الليله
****
علي فرحان اويهنــــــي الزهره
هذا شـــــــيخ الهاشــــم وللعتره
وفاطمه بوجه الحســـن مبتشره
اتعاين اعيونــه وتلامس شعره
بين اديهه الزجيه اتشيله مولد الخير اجانه الليله
***
ياجماله ويحــــــلاة اعـــــيونه
واسعه وغافي الحِسن بجفــونه
ابخور فايح ريحته ايشـــــمونه
بخده يتلاله الضــــوه ايشوفونه
ابد ماراد ضوه ايضويله مولد الخير اجانه الليله

***
ياجماله وياحـــــلاة ارســومه
كمر واندارت علــــيه انجومه
عطرهيل اويه المسج بهدومه
هيبه والله واضـــحات اعلومه
يحمد الله غده بترتيله مولد الخير اجانه الليله
***

عيـد صار 15 رمضــــــانه
والملائك بالســــــمه فرحانه
هذا عدل الله وجـيزل احسانه
للنبي الهادي انولــــد ريحانه
الكوثر اليوم صبح تأويله مولد الخير اجانه الليله
****

الحور صلت تحمـــد الباريهه
هله براعي المكرمه وساريهه
النعمه بجوف الحسن منطيهه
والجلاله ابشــــــوفته امخليهه
الله كل زين ويحب منطيله مولد الخير اجانه الليله
***

أبو علي الركابي



https://tttttt.me/joinchat/AAAAAEFVSMd2pvMFlLPXYg

جاء امرُ اللهِ جاءْ * اشرقت منه السماءْ
زوج النور المبين * من امير المؤمنين
جاء امر الله جاء
**
هبط الوحي بهيجا ببلاغ عاجل
انه امرٌ عظيم للنبي الفاضل
انشئ البيت المثالي في الزمان القابل
زوج النورين واسعد بالعطاء الحافل
زوج الطهر البتول * من به الفخر يطول
انه الحبل المتين * من امير المؤمنين
جاء امر الله جاء
****
زوج الزهراء كفواً ما له اي نظير
فهو في الدين عميد وبها خير جدير
شد للاسلام ازراً انه نعم الوزير
سيد الابطال طولا في وغى اليوم الخطير
هكذا جبريل قال * ليس في الامر جدال
يا حبيب المرسلين * من امير المؤمنين
جاء امر الله جاء
****
ايها المختار طه ايها الحق الهمام
في السموات ضياءٌ شع من خير مقام
ومليك العرش نادت بتراتيل السلام
محفل كل سماء بجميل الذكر قام
ومن الحور الحسان * زُيِّنت كل الجنان
ذلك الفضل المبين * من امير المؤمنين
جاء امر الله جاء
****
بيت زهراك وحيدر المثال الاولي
كل من رام هناء يتعلم من علي
ومن الزهراء للنسوة نعم الموئلي
نعم اجر العاملين الزاهدين الفُضّلِ
مهبط الوحي الجليل * معدن العلم الاصيل
رغم حقد الحاقدين * من امير المؤمنين
جاء امر الله جاء
****
زوج النورين واجعل سنة في ذا الزواج
واشرب الماء فراتا لاعاديك الاجاج
بعد كبر الهم تلقى لاسى الهم انفراج
بعلي يامحمد قام للحق اعوجاج
منهما خير الثمار * طاب للحق مدار
سادة للمسلمين * من امير المؤمنين
جاء امر الله جاء
****
ناظم الفضلي الكربلائي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

اهازيج كتبت على عجاله بمناسبة زواج النورين علي وفاطمه عليهم السلام

الليله النــور مــنّ النــور تتمم عقد قرٱنه
مو عالگاع لا بالكون والأمـــلاك فرحـانه
أنبياء الله گصدت ليه تشارك فرح مولانه

( وتنادي أمبارك مولانه )

*
مبـــارك يـــا علــي الكرار هاليله يبو العتــــره
اقترن نورك يبو الحملات وي الطاهره الزهره
ومـــنْ انطبگن النورين من عدهم اجت عتره

( ضوّت عرش الله ودنيانه )

*

السما السابع فرح موجود هليله لعلي الكـرار
وبأمـــر الله لمحمد گـــال زوج هـــذه الأنـوار
آية من الله هل النورين بيها انجمعت الإسرار

( وبحيدر والزهره أنواره )

*

غصبن عالمعـاند تم زواج النــور مــن النـــور
وتمـــت آية التطهير يــم العـــرش يـــم الحـور
بيها كل نبي ومرسل تحصن صارت الهم سور

( وأملاك تهلهل هل الليله )
*
الشاعر
موسى البديري
١ ذي الحجه

https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

جديد ليوم الغدير



طور القصيده يحله..ابذكراك يابوالحمله
انته تظل والينا والينا.. يحيدر
---
صوت الولاء انذيعه يكرار يكرار
فرحانه كل الشيعه يكرار يكرار
لجلك نجدد بيعه يكرار يكرار
وامرك نظل انطيعه يكرار يكرار
بمحبتك ملتزمين..مانخذلك يابواحسين
انته تظل والينا والينا.. يحيدر
---
من طه كل اعلومك يكرار يكرار
اوعيد الولايه يومك يكرار يكرار
اوبانت علينا انجومك يكرار يكرار
وي طلتك وارسومك يكرار يكرار

انته التدير الأكوان..بذن الله يابوالاحسان
انته تظل والينا والينا.. يحيدر
---
ابشخصك بعد شنهو انقيس يكرار يكرار
انته الأصل والتأسيس يكرار يكرار
وانته التنول التقديس يكرار يكرار
ذكرك يغيضه ابليس يكرار يكرار

يابالحسن ياجوهر..دوم احنه بسمك نفخر
انته تظل والينا والينا.. يحيدر
---
ثوب المُلك يصلح ليك يكرار يكرار
اوطبع الذهب لايگ بيك يكرار يكرار
نفخر ترى من نطريك يكرار يكرار
ابيا چلمه بس انوافيك يكرار يكرار

اسمك عطر للانفاس..اولهل الكرامه نبراس
انته تظل والينا والينا.. يحيدر
---
رب العُلا مِختارك يكرار يكرار
ماتختفي انوارك يكرار يكرار
اوماتنكشف اسرارك يكرار يكرار
بينا تظل آثارك يكرار يكرار

بالكعبه مهدك مرسوم..مايختفي الهاذا اليوم
انته تظل والينا والينا.. يحيدر
---
ذات النبي من ذاتك يكرار يكرار
ماتنحمي آياتك يكرار يكرار
اتهاب الكفر ضرباتك يكرار يكرار
يا (قل هو) ابصولاتك يكرار يكرار

يا واحد اويا اوحد..دين الله بيك اتشيّد
انته تظل والينا والينا.. يحيدر
---
عادل العبد الله
9/7/2022
الفاتحة لروح من علمتني الخدمة الوالدة *آمنه العبدالله*


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

قصيدة غديريه لتنصيب الامام علي (ع)



أعلنها جبريل بارينه أمر
حيدر أتنصب أمير أعله البشر
جبريل ناده علي
والباري راده علي
حيدر أتنصب أمير أعله البشر


أعلنها جبريل وصدح بين المله
هاليوم يتنصب علي عقد الوله
ياهله بهذا الخبر ياميت هله
من الباري هالبيعه بشرف صارت اله
لجل السياده علي
والباري ناده علي
حيدر أتنصب أمير أعله البشر

هاليوم عيد اليوم تنصيب الولي
بيوم الغدير الخبر شع واضح جلي
خلي العواذل خلي كلها تسطلي
بنار الحقد ويفوز مـولانه علي
بسمه القياده علي
والباري نــاده علي
حيدر أتنصب أمير اعله البشر


شع الخبر والناس ملهـوفه أجت
للبيعه بحزامين كلها أتحزمت
أنظر وشوف الفرق للي عاهدت
والفرق بين الما أجت واتخلفت
أصل السعاده علي
والباري ناده علي
حيدر أتنصب أمير اعله البشر

القاصي والداني عرف هذا الخبر
هنياله كلمن شارك وكلمن حضر
كلمن يحبه أتصير اله الجنه مقر
واللي يبغضه بنار ويعيش بسقر
بلله اعتماده علي
والباري ناده علي
حيدر أتنصب أمير اعله البشر

عيد الغدير الليله يجمعنا سوه
وبنور ابو الحسنين شع بينه ضوه
حيدر هوانه ومانعـيش ابلا هوه
بعناد الي يبغضوه صار النه الدوه
حقق مـراده علي
والباري ناده علي
حيدر أتنصب أمير اعله البشر


شاعر اهل البيت (ع)
رياض الرسل الجابري


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

قصيده بحق عيد الغدير الاغر




حيدر أتنصب من الباري ولي
و أعلن المختـــار مولاكـم علي

لمهـم المخـتـار واعـلـن بـيـعــتـه
حــيــدر اتنصب امـام الـشــيــعــه
بـالغــديــر الصـار كلها وشافـتـه
وصـار فوگ القـمـه قمه ويعـتـلي

صاح طه وشـال أيــد المـــرتضى
هــذا رب الكــــون حيـدر فـارضه
محد بهل الناس بس هـو الحضه
بهل كرامه انخصت الحيدر و الي

وصه كـل الناس طه المصـطـفـى
بالغـديــر وبايـعـوا راعي الـوفه
حيدر أصل الــديــن كله وشـرفـه
لأن بـالإســــــــلام چــان الأولــي

ناده بعله الصوت فخـــر الانبيـاء
واجب البيعه وفرض هـذا الـولاء
الحـيـدر الكـرار أتـقـه الأتـقـيـــاء
لـو ردت گـلـبـك بـحـبـه يـنـمـلي

سمعـت الـنـاس الأمـر لمــن صـدر
بالغـــديـر القاصي والـداني حـضــر
والتخـلـف مـا أجـه وبــايــــع كـفــر
خـل يـظــل بـنـار هــمـه يـسـطـلي

صـار حجه وعـالبـشـر رب السمه
دون هـاي الـنـاس حـيـدر كــرمـه
بهـل ولايه وبيها خص حامي الحمه
والـيـــذكـره هـمـوم گـلـبــه تـنـجـلي



شاعر اهل البيت (ع)
رياض الرسل الجابري


https://tttttt.me/joinchat/AAAAAEFVSMd2pvMFlLPXYg

ابوذيات لعيد الغدير الأغر

عشِگنه لحيدر وحبنه. وهوانه
علي برواحنه ودمنه. وهوانه
امام علينه منّ الله. وهوانه
شفيع ومنقذ بيوم المنيه
.....

علي الله اصطفاه النه. وعاده
خسر كلمن نكر حبّه وعاده
رجع عيد الغدير النه. وعاده
وفرحنه بحب علي هاي المسيه
......

علي نفس النبي وسمّاه. خِلّه
ولوما حب علي بالدين خِلّه
كمل يوم الغدير ونور خَلّه
على الاسلام حب حامي الحميه

#سيد زيد الفحام
__
https://tttttt.me/joinchat/AAAAAEFVSMd2pvMFlLPXYg