هوسات الى السيده زينب (ع) لولادتها الميمونه

1

اسمع هالكلام و ابد ما عيده
حيدر من حملها الزينب بأيده
صد لحسين گام ايعاين اوليده
وداها لحسين ايشمها

2

حيدر من حملها برقه وبأحساس
واتمنه امنيه سمعوها ياهالناس
لو هسه اخوها حاضر العباس
ايصير الها خادم والكافل

3

زينب بالگماط وتنظر المقصود
گامت تبچي لؤلؤ جرحن لخدود
چنها اتگول شو عباس ماموجود
تمنيته تحملني چفوفه

4

راح افرض فرض بس الفرض لاباس
بولادة زينب انقل هالخبر ياناس
بصلب ام البنين اتحرك العباس
حس اخته وتريد تشوفه

رياض الرسل الجابري


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ميلاد العقيلة سلام الله عليها

هالليله ميلادچ يبت حيدر
---
فرحانه كلها الشيعه فرحانه
نورتي يازينبنا دنيانه
مال الورد هم مالت اغصانه
وابمقدمچ اهل الولا تستر
---
يازينب المهيوبه من مثلچ
ارض اوسما يابت علي اتجلچ
تاج اوشرف كلشي تحت امرچ
يالبسمچ الحاجات تتيسر
---
يالطاهره يالمرتفع شانچ
زكاچ ربچ هم بعد صانچ
محد عرف يالحره قرآنچ
ياثمر امچ فاطمه الكوثر
---
يانبع قدسي يانهر اعذب
ودنا نزورچ كل وكت زينب
صرنا اعله شوگچ بس فقط ننحب
حگنه اعله اسمچ لو بعد نسهر
---
نسهر نرتل جملة الاشعار
ياللي اعله اسمچ صارت الاذكار
ودنا لديارچ نعتني زوار
نحييها فرحه اونقرا بالمنبر
---
عادل العبد الله
11.1.2019
الفاتحة لروح من علمتني الخدمة الوالدة *آمنه العبدالله*

الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

زينب بت علي حامي الحميه
ضوت من سنا شمس الزچيه

* * *
زينب كوكب الثالث لحيدر
مشهوره ابعلمها الما تكرر
وصفها بالفكر عاجز تحير
لأنها بالأصل حره وأبيّه

* * *
خلاگ البشر ميّزها زينب
بعد أمها الزچيه إلنه مطلب
عزيزه اوللگلب ياشيعه أقرب
وابوسطه تظل مكتوبها هيّه

* * *
مهيوبه اوحجاب العز شرفها
اوما واحد نظر ظلها اوعرفها
تمشي والضوا لا ما كشفها
عظيمه اوهم مَثل بين الرعيه

* * *
قصيده زينب اوأم للقوافي
عنها اشما كتبنا ما نوافي
منبعها يظل ياشيعه صافي
اوبسمها ما نهاب أهل الرديّه

* * *
عدنا مبدأ اوماكو مثيله
نوالي اللي يواليها العقيله
اونعادي اللي يعاديها يويله
اوما نقبل أذى ايهز الهويّه

* * *
تعلمنا اوترى ابحبها صبرنا
تعلمنا نضحي اشما انقهرنا
عسى ابيوم الفرج يسهل أمرنا
اونطلع ويّه ابو صالح سويه

* * *


عادل العبد الله
ارشيف
1434هـ

الفاتحة لروح من علمتني الخدمة الوالدة *آمنه العبدالله*



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#أسماء_الزهراء_الحُسنى
#ميلاد_فاطمة_الزهراء
#موال
#الزهيري

*قال الإمام الصادق (عليه السلام): لفاطمة تسعة أسماء عند الله (عزّ وجلّ): فاطمة، والصدِّيقة، والمباركة، والطاهرة، والزكية، والراضية، والمرضية، والمحدَّثة، والزهراء*

—————————

یا فاطـمه الزھــره و أسمــائچ التسعه
بین الأسم والأسـم موجة شعـر تسعـه
و لا أظن بیان الأدب الكل أسم تسعـه

ھــذا البیــان أنكــتب بإبن النبي صـادق
یعني الخبر مو چذب ھذا الخبر صــادق
و احنا إعلى ھذا الأثر بالعشره انـ صادق

أول أسـم بالخـبر جــانا أسـم " فاطم "
معناته عقل البشــر عن ســرھا فاطـم
و شیعتها امن اللضى رب السما فاطم

و ثاني أســـم بالخــبر قـد السمـــا كـــبرى
یاللي اجھــلت فاطـمه ھــذا العقـل كبرى
ھاذي اھیا روح النبي و "صدیقته" الكبرى

و یشھد على ھالأســم آیه بجــزء تبارك
" امباركه " فاطمه و بیھا النبي تبــارك
سبحانه ابھالوصـف بأحسن صور تبارك

و إلها یلوگ الوصف ھالعالمه " الزكیه "
صـورھا رب الســما إعلى الخـلگ زكیه
و كل عاصي یحمل ذنب اھیّا إله زكـیه

بالمعـــنى نازل خـبر آيـــه و سـور طاهــره
معصومه امن الزلل روح النبي " الطاهره "
و اليتبــع فاطمــه روحــه تظـــل طاهــره

ھاذي اھیا روح المحب الیتبع " الراضیه "
و الجـنه يدخــل إذا أم الحـــسن راضــیه
و رغم التعـب والألم ابكــل أمــر راضـیه

یعني سجل فاطـمه ما ینحصــي بـ أسما
خصھا الآله اب أســم اشتقـه من أسـمه
"مرضیه" یوم الحشر و ھالمرتبه أسمى

و أسمى المراتب بعد "امحدثه" امن الملك
و ینزل علیھا الوحــي مــن للعـــوالم ملك
صدق اھیّا ما هي نبي بس بیّــھا ھیبة ملك

و بیّھا عطـــر للنبي فـاح ابشــكل زھـره
و مثل النجـم للأرض ھــي للسـما زھره
و رب السما یرتضي الیرضي " الزھــره "

*و المصطفى و حیدره و شبلینھ والتسعه*


🖋 عبد_مُحمدوآل_مٌحمد / #مفضل_حبيب
القطيف
١٥- جمادى الآخر - ١٤٤٠
-----------

الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده لميلاد السيده فاطمة الزهراء عليها السلام



الزهره ضي عيني .... مولدها يحييني
افرح واذوب ابمولدچ يالزهره تدريني
_____________________________

بسمچ يزهره اليوم هالفرحه نحييها
ياربي صلّي انگول او سلّم اعليها
أم الحسن واحسين دنيانه تضويها
فرحه وسعاده اگلوب شيعتها تمليها

هالليله دنيانه فرحانه ويانه
ميلادچ الجرحي غده بلسم يدوايني
_____________________________

الكون لجلچ صار يعلنها افراحه
ليل الله الچ سهران وايغني مصباحه
اهلا ينور النور يا نبعه فوّاحه
مبروك هالميلاد يا روح يا راحه

هنينه هنينه للهادي هنينه
الطيبه ارد امشي ابفرح ياهو اليدليني
_____________________________

للهادي ارد امشي ابفرح متعني هالليله
ليه آنه ابارك مولدچ واعيوني اهديله
واتعنه اروح الحيدره كل حيلي امشيله
مبروك هالنور انولد من فدوه اغديله

بالزهره اهنيهم وابياتي اهديهم
ابروحي اكتبله شعر ما كتبه بيميني
_____________________________

واگصد ابنها احسين ووگف على بابه
جوري او ورد قداح انثر عله اعتابه
اقراله ابو ذيّات وازهيري واعتابه
وانشد على الزهراء واتهوس احبابه

يا اغله من روحي يا بلسم اجروحي
امبارك اعليك العيد ياروحي يحسيني
_____________________________

في مولد الزهراء محلاها امسيّه
هالليله لم احسين فرحتنه قدسيه
ياهي المثلها اتصير تشبها يا هيّه
زهرتنه زهرة نور حوراء انسيه

الباري من نوره صورها بالصوره
سلطانة الكون وصبح طاريها يشجيني
_____________________________

اعليها صلى الله والها الوحي يهوه
فدوه الها روحي اتروح لم الحسن فدوه
محفلها هاذا اليوم يسوه العمر يسوه
سيدة كل الناس مو سيدة نسوه

ريحانة الخاتم ام الشرف فاطم
ياربي دنيه او آخره وياها خليني
_____________________________


ابو فاطمة الطائي


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة *[ #نوَّرتي_دنيايه ]*
في مولد السيِّدة #فاطمة_الزهراء عليها السلام ، 1441 هـ
_____________

المستهل /

هلا هلا هلا ، نوّرتي دنيايه
هلا هلا هلا ، يا كوثر الآيه
العالَم ابجيتِچ تِورّد
هلا يا وردة محمّد
هلا هلا هلا ، نورتي دنيايه


1 /

هلا يالطال انتظاري اُو تِقبلين
هلا يا اِثبات ياهو الشانئين
الليله آنه وي خديجه هايمين
بيچ يا بنتي يَزهرا اموَرِّدين

هلا هلا هلا ، يا فاطمه الزهره
هلا هلا هلا ، لقلوب مسترّه
اولادتچ خل كلها تشهد
هلا يا وردة محمد
هلا هلا هلا ، نورتي دنيايه

2 /

وشكثر تانيت اناغي للضنا
الله حقق لي مُنيتي ابهالسنه
فاطمه اُو نِعم البِنت لِمزَيَّنَه
وين اروح ابفرحتي حاير انا

هلا هلا هلا ، يا أم ابوچ انتي
هلا هلا هلا ، يالقلبي اسكنتي
الفرحه هالليله اتِخَلَّد
هلا يا وردة مُحمد
هلا هلا هلا ، نورتي دنيايه

3 /

امن الله تُفاحه اشحلاها نشكره
ما تليق إلا عروس إلـ حيدره
الطاهر ابن العم اُو بنتي الطاهره
ما كفو إلخاطرها إلا خاطِره

هلا هلا هلا ، بكُفؤ الوصي حيدر
هلا هلا هلا ، ويايه هو مستر
كُفؤه اُو ماغيرچ احّد
هلا ياوردة محمّد
هلا هلا هلا ، نورتي دنيايه

4 /

انتي يا بنتي امتداد الطاهرين
يا هلا بچ يالعزيزه أم الحُسين
عوذيتچ فاطِمه عن كلِ عين
قُرَّة اعيوني الأحبه تنجبين

هلا هلا هلا ، يأم الحسن وحسين
هلا هلا هلا ، قرة لي العينين
نسلچ الطاهر مؤكد
هلا ياوردة محمد
هلا هلا هلا ، نورتي دنيايه

5 /

فرحتي وي فرحة امچ ماليه الدنيا ضِوا
ألف هنيال إليحبچ فاطِمه اُو ذاق الهوى
يا نِعم محبوبه صرتي لليحبچ چن دوا
باچر ابجنات الله ايسكنوا ويايه سِوى

هلا هلا هلا ، يالخيرچ اعلى الكل
هلا هلا هلا ، ابمدحچ لساني ايكل
اعليچ هالناس اتِّحَمَّد
هلا يا وردة محمد
هلا هلا هلا ، نورتي دنيايه .
___________

بِـ قلم /خادمة وليِّ النعمة ( قصائد وليِّ النعمة )
الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ماليه الدنيه السعاده
احله فرحه بهل ولاده
كلها فرحانه وتنادي
ياهله ابضعت الهادي 
....................

نورت دنيانه بالطلعه البهيه
والفرح هليله عم اعله البريه
وللرسول الباري انطه اجمل هديه
احله بشره للنبي الزهره الزجيه

والملائك تعتنينه
تشارك بفرحت نبينه
بهل ولاده انسر فؤادي
ياهله ابضعت الهادي
....................

ماكو واحد يبقه هاي الليله محتار
ومعتني المولد الزهره سر الاسرار
العنده حاجه يرجع وفرحان للدار
الليله تكضي الحاجه فاطم ام الاطهار

يالله ياشيعي ارتجيها
وسلم الحاجه بأديها
وگلها انه رايد مرادي
ياهله بضعت الهادي
.....................

ماكو شي يصعب عليها الصعب يسهل
وبالقضايه ام الحسن هيه اتكفل
مايخيب الي طلبها ومنها يسأل
رحمة الله فاطمه وهيهات تنمل

اطلب واخذ التريده
الزهره يمك مو بعيده
وصيح الج حبي وّدادي
ياهله بضعت الهادي
.....................

كلشي بالدنيه هتف فرحان بيها
نزّل الله الخير كله ابين اديها
مامثلها تصير وحده ام ابيها
هل اسم بس فاطمه لايك عليها

هيه ام كل الوطيه
فاطمه الزهره الرضيه
هذا حبي واعتقادي
ياهله ابضعت الهادي
.......................

اشعل اشموع الفرح وسط الصواني
فرح هاي الليله تحقيق الاماني
كافي من الحزن بسك يازماني
ابجيت الزهراء كل الخير اجاني

احله فرحه بهل مسيه
مولد الزهره الزجيه
بغضاً بكل الاعادي
ياهله ابضعت الهادي

 
محمد هادي العقابي



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

*الحواس الخمس.. تنادي يا زهراء*

*الغوث .. الغوث ... يا فاطمه الزهره*
*الغوث .. الغوث ... يا فاطمه الزهره*

————- 1⃣ —————

جوشن اشيله إعلى الصدر امحبة الزهره
ما شـلته ابحبل القـلاده شلـته بالفطـره
معجون حبي الـ فاطمه من عالم القدره
و طعـم الحـياه ابدونــها علقــم و مــرّه

*للموت .. للموت ... ما أتـرك العتـــره*
*الغـوث .. الغوث ... يا فاطمـه الزهـره*

————- 2️⃣ —————

خمس الحواس ابلا شعور الـ فاطمه تشهد
خـــــالقها الله غايتـــــه هالـــدُره تتفــــرد
و أســمائها الحُســـنى فلا يمكـــن تتعــدد
و الدعــــوه بأية أســــم حـــاشا أبد تنــرد

*أسمـاء .. أسماء ... جلها العلي بأمره*
*الغوث .. الغوث ... يا فاطمه الزهـره*

————- 3️⃣ —————

أول حواســــي ما تشــــم إلا عطــــرها
سبحـانه ربــي إلي رفــع فاطـــم قدرها
عطر الهدى و أزكى هدى ايفوح بذكرها
و تفـــوح نســـمات الكــــرم للي يبــرها

*سبحان .. سبحان ... من بيها حط سّره*
*الغـوث .. الغــوث ... يا فاطمه الزهـره*

————- 4️⃣ —————

ثاني حواسـي مـ إسمــعت إلا فضلها
ما سمعت أذني إلا نغمـه من جمــلها
ما يعلا صوت على فاطمه بالدنيا كلها
حتى الأذان أنا أسمعه حي إعلى هلهـا

*هالصوت .. هالصوت ... ما ينمحي ذكـره*
*الغــــوث .. الغــــوث ... يا فاطمه الزهره*

————- 5️⃣ —————

ثالث حواسي ما تشـوف إلا عطـفها
و لا أنظر ابهـذا الوجود إلا شـرفــها
جلّ جلها إلي وصــف آيــة وصـفها
فاطم تدير الكون كله ابطرف كفـها

*إعجـاز .. إعجـاز ... كفهــا يد القدره*
*الغوث .. الغوث ... يا فاطمه الزهره*

————- 6️⃣ —————

رابع حواسـي مـ إشبعت إلا بنعمها
طعم الحياه و ملحها بلفظة أسمـها
مثل المطـر تنزل موايدها و كـرمها
و دروبه خضرا الـ مشـى ويّا خدمها

*أنهــار ... أنهــار ... تجري تحت أمره*
*الغوث .. الغوث ... يا فاطمه الزهـره*

————- 7️⃣ —————

خامس حواسـي مـا تذوق إلا دعـاها
مثل العسل و أحلى بعد لفظة رجاها
واجـب عليه أتوضـى من كــوثر ولاها
قبل أنتخـــي إلي رضــا الله رضـــاها

*أبـواب .. أبـواب ... تتفتــح بنظـــره*
*الغوث .. الغوث ... يا فاطمه الزهره*


🖋 عبد مُحمد وآل محمد / #مفضل_حبيب_السهو
القطيف


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات جنوبيه
لذكرى ولادة سيدة نساء العالمين
فاطمة الزهراء عليها السلام
...................
يا بضعة محمد فاطمه الزهره
نظره الهالمحافل يم حسن نظره
وين الله أو محمد عشره من عشره
ها ها
أبذكرى المولد نتوسل
كل واحد حاضر محفل
عندج يالزهره أمسجل
ها ها ( أتحضرينه )
لو طاح أبشده اتحضرينه
..................
يا أم الحسن وحسين يا بنت النبي العدنان
يا زوج الشطر بالسيف مرحب شاطر الفرسان
جينه أبمولدج هاليوم نرسم للفرح عنوان
ها ها
جابتنه الفرحه أو جينه
أنجدد بيعه المهدينه
والعايل نفكس عينه
ها ها ( وفايه )
حد كطع المنحر وفايه
.................
حقها الشيعه حقها الليله تتباها
أبميلاد التي خالقها سماها
أوتمم نعمته ولحيدر أنطاها
ها ها
فاطم تفاح الجنه
أطلب منها أشتتمنه
متخيبلك أي ظنه
ها ها  ( تكظيها )
كل حاجه العندك تكظيها
..................
خادم أهل البيت
الشاعر : أسماعيل الجوراني
الخميس : 13/2/2020


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لميلادة سيدتي ومولاتي فاطمة العظيمه عليها السلام


صلّو .. صلّو .. صلّو على الزهراء
صلّو .. صلّو .. صلّو على الزهراء
____________________

يلا يلا ابهالمسيه
صلواتن قدسيه
عالياتن للزچيه ...والله تستاهل

عيد ميلاد القداسه
هالفرح لازم مقاسه
امن الگلب اول اساسه .. وللسمه واصل

عيدها فرحه ومسرّه
يوسع اقطاب المجرّه
فاطمه المكنونه درّه .. والله منجامل

عاليه اوكلها جلاله
خصّها الباري تعاله
بالكمال وبالسلاله .. والفضل كامل

كوثر .. كوثر .. يا أجمل الاسماء
صلّو .. صلّو .. صلّو على الزهراء
____________________


انهلهل ابمولدها جينه
انصفّگ او نرفع ادينه
وينه اليعاديها وينه ... نفگس اعيونه

رغمن اعله الگال بدعه
اشعل اضلوعي الها شمعه
الماسمع هالليله اسمعه ...شعري وافنونه

انريد نفرح للزچيه
انعوف هاليوم التقيه
ونشعل ارواح آل أميه ...خل يسمعونه

انقدم الليله التهاني
تكمل افراحي تراني
بلعنة اوّل ويّه ثاني ... لا تلومونه

لعنه .. لعنه .. نرفعها بالاصداء
صلّو .. صلّو .. صلّو على الزهراء
____________________

اشلون ما نفرح لجلها
والضوه ايقبل رجلها
الدنيه هاي الدنيه كلها ... بيها فرحانه

كوثر وبيها انتباها
الله للهادي اجتباها
گالّه اتفضل يطاها .. هذي ريحانه

من سماء الدنيه اكبر
وابضواها الكون ازهر
الورد لبيض والحمر ... منها الوانه

بعد ميهمني الي انكر
قافل وعقله تحجّر
هو اول تالي يخسر ... من وره افلانه

يندم .. يندم ... منّ الاف للياء
صلّو .. صلّو .. صلّو على الزهراء
____________________

الفرح بس الها يحله
محله هالصفگات محله
يانظر عيني ويكحله ... هذا مولدها

بالفرح هذا سدادي
انقبل وآخذ مرادي
يبرد الليله فؤادي .. نظره من عدها

ياهدية الله النه
للأرض ودّاچ جنه
شكرن اللطفه و منّه ... سجده نسجدها

وحدچ انتي الفوگ منهم
حاير اوفكري ميفهم
ياهدية اعليچ ترهم ... روحي انشدها

حاير .. حاير ... يا كوكب العلياء
صلّو .. صلّو .. صلّو على الزهراء
____________________

حاير وماعندي حيله
السمه اگبالچ قليله
وانتي يلزهره الوسيله .. وانتي آمالي

عيدچ امبارك يغاتي
يا صيامي وياصلاتي
كون هالفرحه للماتي .. وانطي كل الغالي

اگبالچ ارخيصه حياتي
ابمولدچ هذا امنياتي
تقبليني ابكل صفاتي .. واختم اعمالي

ابعيدچ آنه امدّ اديه
واهتف ابهاي المسيه
اتوسلت ارضي عليه ... ارضي للتالي

وافرح ... افرح ..وانسه كل الداء
صلّو ... صلّو ... صلّو على الزهراء

____________________

ابو فاطمة الطائي


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده فرح بحق الامام علي ع


عالمـعـبـر وعالمـعـبـر وعالمـعـبـر
متدوس جدمـه المايحبك حيدر

🌹 🌹 🌹

مدوس جدمـه المايدين ابـديـنـك
مفتاح جنة الباري شاله ايـمـيـنـك
عالحوض بـاچـر تنضرنه بـعـيـنـك

الـعـاداك حـيـدر والله لازم يخـسر

🌹 🌹 🌹

احچيهه هـايه ياعلي ومـا بـالـي
بـس انـت وحـدك سـاكـن بدلالي
هالليله بسمك هـالـفـرح يحلالـي

يسقيني بـاچـر چفك مـن الكوثر

🌹 🌹 🌹

خـــل اليلوم اعليه خـــلـــه ابــرايه
هـذا اعتقادي ومـا تغيره احـچـايـه
يــاهـــو الرسول بچفه خـلـه الرايه

وياهو ابيمينه الهد حصنهه الخيبر

🌹 🌹 🌹

امي ارضعتني مــن الولاده ابدرهه
وعلمني ابـــوي اولايـتـه وفـسرهه
گـــلالـــي جنــه ابلا علي تخسرهه

اولاية علي تبقى الاصـل والجوهر

🌹 🌹 🌹

مـــن عـــالـــم الـــذر وذبــت بهيامه
ومنيتي اصـــيــرن خـــادم الخدامه
كل مسلم ابدونه العفه اعله اسلامه

هالكلمه هــايــه الله وصّـــه وقـــدر

🌹 🌹 🌹

آخـــر كـــلامـــي واسـتـمـع هالكلمه
كالعمري فدوه ايروح لحروف اسمه
ايسموني خادم وفـــخـــر بهالخدمه

حــقــــه الخدملك ياعلي لـــو يفخر

🌹 🌹 🌹

✍ بقلم خادم الحسين ع
الشاعر رعد الچريخي


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مولد الامير علي ع
.
.
.

ردد الــسـاني .. عـلي قـرآنـي

علي علي يابالحسن علي قراني

---------------

علي بــاء البــسمله الحـاظر ذكـرها
علي جنه وعالارض فاحت عطرها
علي بـيـك الــدنـيه ماكـفه شـعرها
علي ذكـرك حـسنــه واخـذ اجــرها

ابذكرك انــه اتعبدت
الهذا والله اتسيدت
وبالحديـث اتأيدت
والنبي انطاني .. علي قرآني
علي علي يابالحسن علي قراني

---------------
علي بالفـرقان وبـفــاطر لـگيــتـك
علي رتلـتك بـوجـداني وقــريـتك
علي هــذا الكون بعــته وشتريتك
علي والله انسه حياتي لو نسيتك
شلون انسه حيدره
وانتــه دنيه واخره
حبــي محــد فسره
ما الك ثاني .. علي قرآني
علي علي يابالحسن علي قراني

---------------

علي سورة ال عمران اوي مـريم
علي بس بيك العـكل والله تهـيم
علي يالوجهك صحو مايـوم غيم
علي واعـلنها بعـلي انـــي متـــيم
واليــگلي رافضي
ابعلي انه مرتضي
الامر هذا يقـتضي
اعلن ايماني .. علي قرآني
علي علي يابالحسن علي قراني

---------------

علي فاطر علي ياسـين ومحمد
علي بمـحـبتك ايمـانـي تجــسد
علي بالــدلال ماغـيـــرك تـخــلد
علي واحد علي خالد علي اوحد
انته حبي الاولي
انته حبـي الازلي
انته ياحيدر علي
وهذا عنواني .. علي قرآني
علي علي يابالحسن علي قراني

---------------

علي بالفتح وعـلي بسـورة الكوثر
علي ديـني ومذهـبي انتـه يحيدر
علي واسمي عـلوي وبالاسم افخر
علي وي اسـمك اصـيـح الله اكـبر
الارض تشهد والسمه
حــبي وقعــته ابدمه
علي ياحــامي الحمه
وبيه متفاني .. علي قرآني
علي علي يابالحسن علي قراني

---------------

علي سورة هل اتى اتوضح خصاله
علي الله ايعـرفـــه سـبحانـه تعــلى
علي عـلـــمه مـن لـدن رب الجــلاله
علي والـهذا الـســبب اهـوى وصاله
مايهــمـون الحــچو
الرضو والي مارضو
اعليه ادري اتحـملو
امن اعلنت اني .. علي قرآني
علي علي يابالحسن علي قراني

---------------

علي مو سوره علي مصحف غرامي
علي ايــاتــه يــمَـثلــــهــن هــيامــي
علي بيك اعتـرف بـس انتـه امـامي
علي والله الـشوفـتك دلالـي ظـامي
انه شيـــعي منـهـــجي
بحب علي والله التجي
الخــوف يمــي مايجـي
عندي برهاني .. علي قرآني
علي علي يابالحسن علي قراني
---------------
خادم اهل البيت حيدر تركي الكربلائي


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يامحمد الجـــــــــواد

*بيك فرحانه العباد
ينبع الكوثر‘‘‘‘‘‘‘‘‘‘‘‘‘ مولدك نوَر

بجيتك رجب فرحان* ويرتل الــــــــــقران
في سورت الانســان* ياايــــــــة الايـــمان
نورك الازهر‘‘‘‘‘‘‘‘ مولدك نور

وياك الكرم مولـــود* والجود يابوالجـــــــود
يبشارة المحـــــــمود* يابوالعـــلم والــــزود
بيك نتعطر‘‘‘‘‘‘‘‘‘‘‘‘ مولدك نور

بين الرظـــا ونعمين *جدك حسن وحـــــسين
انتم امان الديـــــــــن* يارحــــمة الكونـــــين
معدنك جوهر،،،،،،،،،،،، مولدك نور

اجمل صفه وموصوف* ياملتقى المعـــــروف
بيك الارواح اتطـــوف* صلت عليك اصفوف
والدجى اسفر،،،،،،،،،،،،،،،، مولدك نور

كبه ومناره وســــــــور* بغداد بيهه تنـــــــور
للكاضمين انــــــــــزور* ونشوف اعظم نــور
والفرح اكثر ،،،،،،،،،،،،،،،،، مولدك نور

طلعت شمس بللــــيل* واكمر صاح ادخـــــيل
تلاكو فرات ونـــــــــيل *والارض خير اتسيل
علمك الاكبر،،،،،،،،،،،،،،،،، مولدك نور

الشاعر حيدرموسى الخفاجي الرميثي


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات ولائيه لميلاد سيدي ومولاي أمير المؤمنين علي ابن ابي طالب عليه السلام .

يبعد المايدگ لولاك يبعد الشافن ابزودك
شكتبلك تهاني اليوم الحرف محتار بحدودك
اعمه اوگام توّه ايشوف . هيچ افرح ابمولودك

ها ها ها
يدبچلك ليله او مصباحه

___________________________

الله البيت من سوّاه لابد للمهم راده
وما يبناه ياهو الچان لازم نبي اوبي ساده
اثاري ايريده للكرار بيه ايصير ميلاده

ها ها ها
الحيدر ضمّاه الباري
___________________________

علي اوياعلي مثله ايصير حاچوني يهل وادم
اليبغضه لو نبي خسران ويحظر بالحشر نادم
الله من العرش جبريل ودّاه العلي خادم

وايطش اورود ابميلاده
___________________________

نهني ارواحنه ابهالعيد وانهني النبي الاعظم
علي وبس انت يا مولاي تجمعنه وصدگ نلتم
نشم ريح العوافي اوياك يورد الجوري من اشتم

امبارك عيدك يالوالي
___________________________

تهانينه والف ع الخير امبارك يا علي عيدك
آه اشمحله هذا العيد لو بي نشم چف ايدك
علي منريد جاه او مال بس انت علي انريدك

يا تاج الراس او يعگاله
___________________________

الجنه ابغير حيدر نار . والنار ابهواه جنه
اليحبك الله مني ايگول . اليضدك گال مو منّه
اطرب ليك بالميلاد .خيگولون بي جِنّه

مجنون ابحيدر سموني
___________________________


وللفكاهه والتلطيف هاي الهوسه ......

دليل الما فرح ياريت ابعجل ينصاب بكرونه
وچف الما يصفگ كون من زنده يگطعونه
علي الما شافك ابعيناه ريت الملح بعيونه

ها ها ها
يعمه وخرسان ايگودونه

___________________________


ابو فاطمة الطائي



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات جنوبيه
لذكرى ولادة الامام
محمد الجواد عليه السلام
....................
دك باب الجواد أو كول أريد أمراد
يا أبن الرضا الجدك أسد بغداد
أطلبك حاجتي وبليلة الميلاد
ها ها
أبجاهك عند الله الواحد
تنطيني اليوم أشرايد
لمحمد تلكه الشاهد
ها ها ( يكضيها )
كل حاجه العندك يكضيها
....................
يجواد الأئئمه أو صاحب الهده
أو يبن البالشدايد يحضر الشده
الفقير الماله غيرك غيرك أشعنده
ها ها
كلها أبمحفل ميلادك
تتمنى أتنال أمرادك
أبجاه أبائك وجدادك
ها ها ( أنطيها )
مد جفك ومراد أنطيها

....................
عالأصابع عمره ينعد بالعلم عقله جبير
المسائل عده حلها بالرغم ماهو زغير
حير أقطاب المجالس أو صار للعصمه سفير
ها ها
وارث حيدر بالسيره
نوماس أو صاحب غيره
محد يعرف تفسيره
ها ها  ( وخلاقه )
تربية حيدر وخلاقه
..................
خادم أهل البيت
الشاعر : أسماعيل الجوراني
الجمعه : 6/3/2020

الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مولد
لذكرى ولادة
أمير المؤمنين ويعسوب الدين الأمام علي أبن أبي طالب عليه السلام
...................
يا أبا الحسنين يا حيدر علي
يا ولي الله يا نعمه الولي
..................
أبيوم ميلادك تعنت شيعتك
ترفع آيات التهاني الحضرتك
أتعاهدك تفدي عمرها الملتك
عالعهد بالدم توقعلك بلي
..................
يا أبا السبطين يا حامي الحمه
البيك تتباها ملائكت السمه
أنشق جدار الكعبه لمك فاطمه
أتفضلي يم الصميده أتفضلي
..................
طلكت أو جابت ولد نعم الولد
أسمه باالأنجيل والتوراه ورد
كعبه للأخلاق للشده مدد
والندب بسمه همومه تنجلي
...................
يا وليد الكعبه ليث القسوره
يا ملاذ الشيعه دنيا أو أخره
بالصلاة أعله النبي أنعطره
محفل الميلاد بالحب ممتلي
..................
يا علي يا نور يا سر الهيام
ليلة الميلاد شدانه الغرام
بينك أو ما بينه يحلا الكلام
والعشك عالفطره جدآ أزلي
...................
للفرح محفل ولا مثله سده
أو قائم آل البيت جينه أنعايده
أمبارك أو عالخير جدك مولده
أوصوت فرحتنه أبسعاده يعتلي
....................
علي يا كرار يا فارس مضر
يا أنيس أنفوسنه أبداء أو سفر
بالقلب وبيوتنه أنحطلك صور
ولي ميعجبه أبجهنم يصطلي
..................
رافضه أو نرفض ميول الناصبي
ولي ميوالي علي جدآ غبي
علي زوج الزهره أبن عم النبي
يا عقيم الراي أعرب ما يلي
..................
خادم أهل البيت
الشاعر : أسماعيل الجوراني
الجمعه : 6/3/2020



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

خل رافضي يسموني...ليش العده يلوموني
اسمك بطرف لساني...عايش بنص وجداني
خل رافضي يسموني
&&&
من بحرك اليشرب روه...ياعلي
انت الشفه والنه دوه...=
اجمل حكم منك حوه...=
بيوم الحشر النه ضوه...=
القراءن انت الثاني...حبك علي صحاني
وعنك علي سالوني
&&&
باسمك تنادي وتنتــخي...ياعلي
ياقائد الشـــــــــيعه الابي...=
نعم الوصي وخير الولي...=
يوم الحـــشر انت الالي...=
انت التظل عنواني...وباسك اسمي اخواني
رغما على المنعوني
&&&
انت الولي ياحيدره...ياعلي
مرحب بسيفك شاطره...=
رغم الطغاة الجائره...=
الشيعه تبقى صابره...=
يالبيك تحلى اشجاني...خادم علي سماني
يالبيك تحله اشجوني
&&&
انت الامل والنـــــه رجه...ياعلي
رغم الظــــلم ظيــم العده...=
بصوت صحنه وي الصده...=
ارواحنـــــــــــــــه الكم فده...=
ابكل فخر وايماني...الباري من هناني
وحتى العده يحسدوني
&&&
يافخر يارمز العرب...ياعلي
ليث الوغى يوم الطلب...=
أي وحك دم اللي انسلب...=
محلاهه تزهي هالكبب...=
ماظن علي تنساني...شما جار بيه زماني
شما رادو يزلوني
&&&
ننتظر ابنك جيته...ياعلي
وننطيه احنه ولايته...=
ونعادي كل العادته...=
هاليوم حلت ساعته...=
يحظر يطب ديواني...واشكيله عالاذاني
واشكيله على الظلموني
&&&
اشكيله ضيمي ومحنتي...ياعلي
ياغايب اسمع شكوتي...=
شوف الجره وبامتي...=
تغيرت حتى دنيتي...=
سدو علي بيباني...من دنسوه امجاني
واهل الغرب يولوني
&&&
خادم اهل البيت
الحاج ابو علي السعيدي



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ومضات
في حب وموالاة أمير المؤمنين
وسيدة نساء العالمين عليهما السلام
......................
حط أيدك أعله الكلب وبلهفتك ناغمه
وصفن عله دكته صفنت عشك حالمه
أو داعت محمد تره تلكاه بالخاتمه
دكه يدك يا علي أودكه يدك فاطمه
صلووووات
....................
تدري ليش الفاطمه ماكو قبر
ينذكر عالكاع حته أنوسمه
أنه أكلك ليش وئدآ للجدال
حيدره الكرار حماي الحمه
مادفن بضعة محمد بالتراب
أبقلبه أبو الحسنين دافن فاطمه
.....................
خادم أهل البيت
الشاعر : أسماعيل الجوراني


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مولود
لمولاي الحسين. ع

احبك مو عشگ ناس
لا مو هيچي تنقاس
مستوطن كياني
كلّي ملكك اني
كلشي حسين حته اتنفس حسين
+++++++-+
جمالك مو ملامح خاطر اتشيب
ولا تنشاف حته اتوصفك عين
سبحانه الجعلّك هيجي ترتيب
تمر اجيال تعشگ نفس الاحسين
مواعيد اولقائات
تحددها الزيارات
اعيشك كل زماني
كلّي ملكك اني
كلشي حسين حته اتنفس حسين
++++++++++++
تبادل بالمشاعر ماكو وياك
كل العندي منك اني شنطيك
متفضل عليه بكلشي يحسين
شاريني قبل ما اني شاريك
برحمتك عايشه هواي
يناطي المعنه للماي
سحر حبك ملاني
كلّي ملكك اني
كلشي حسين حته اتنفس حسين
++++++++++
تاريخك قديم ابكل الازمان
واحنه بعالم الذر انت بينه
انت حسين صاير قبل الاكوان
وبساق العرش اكبر سفينه
شروط الحبك اسرار
اليحبك اهله اطهار
الحمد لله الحواني
كلّي ملكك اني
كلشي حسين حته اتنفس حسين
++++++++++
صرت يحسين سدت بابها النار
خلص مفعولها لو كلها تهواك
اول من حضه بالخدمه جبريل
او دلّاعه محمد خاتم انطاك
عجيب الامه زهره
شلون ايكون عطره
يشتمّك حناني
كلّي ملكك اني
كلشي حسين حته اتنفس حسين

ثائر الربيعي



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

(🌹نور🌹القمر🌹)


صــلاوات صــلاوات شــعــت انـوار الگمر
صــلاوات صــلاوات صلـوا عـالسيد البشر

💛----------------🌺--------------💛

الســمــه أتهني عــلــي بــعــبــاســه
شــافــت الــكــرار شــالــه وبــاســه
أفتخرت أمــه ابجيّته ونــومــاســه
ولــد يــشــبــه بالجــمــال اليــاســه

الاكــــــوان الاكــــــوان

فــرحــت بــهــذا الخــبــر


💛----------------🌺--------------💛

نــور وجهه ويسحر أبمــصــبــاحــه
هلل الــكــــون وعــلــن لأفــراحــــه
ضلـلـه طــيــر السعــد بــجــنــاحــه
چــنــه ورده وبالــعــطــر فــواحـــه

يــشــع نــور يــشــع نــور

نــوره لـلــســبــعــه عــبــر

💛----------------🌺--------------💛

غــيــرة الله بالــگــمــر مــكــنـــونــه
عــمــره يـوم ورفـض ايگمــطــونــه
بمهده ولــزيــنــب يــديـر عــيــونــه
واخــو زيــنــب گـامـوا ايســمــونــه

تــصــد لــيــه تــصــد لــيــه

خــاطــر الحـره انــجــبــر

💛----------------🌺--------------💛

ليلــه حــلــوه والــفـرح غــاطيــهــه
كـبّــرت حــتــى الملائــك بــيــهــه
والصــلاة اعــلــه النــبــي انعليــهــه
بسم عــبـاس الــعــلــي نــهــديــهــه

مــوالــیــن مــوالــیــن

والــعــشــگ بــینــه كــبـر

💛----------------🌺--------------💛

نــزلــت أمــلاك السـمــاء اتشــوفــه
سمعت بحيــدر يـقــبــل اچـفـوفــه
الشمس يَــمــه اصبحت مكســوفــه
فــدوه لاســمه وياحلات احــروفــه

يــعــبــاس يــعــبــاس

إســمــه هـالـيـوم أنــذكــر

💛----------------🌺--------------

✍ بقلم خادم الحسين ع
الشاعر رعد الجريخي



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747