لقاء بين الزهراء (ع) وام البنين ع
ــــــــــــــــــــــــــــــــ

الليلةاجتني ام الحسن*ذابله مثل الغصن

الزهره وگفت عالگبر* لازمه الضلع وتون

ـــــــــــــــــــــــــــــــــــــــــــــــ
الزهره اجتني# تمشي بالهم#تگلي ها يم الگمر1

سولفيلي#الصار بيهم#من مشيت اعله الگبر2

گابلتني#وكمنه ننعى#سولفت كل الصور3

فارگوني#وبضعنهم# شدو ارحال السفر4


ـــــــــــــــــــــــــــــــــــــــــــــــ
البيت مايسوه بعد*العزيز من ابتعد

والحرم وام الخدر*لازمه الضلع وتون


ـــــــــــــــــــــــــــــــــــــــــــــــ
عاينتهم#من همسهم#اسمعت طاري كربله1

روحي غابت#مني ﭼنهه#من عرفت المسئله2

ولنه جاني#گلي يمه# هسه الموادع حله3

گلي ادري#يالحنينه# قسمه هاي مسجله4


ـــــــــــــــــــــــــــــــــــــــــــــــ
هذا مكتوب الوعد*وانه اعرفه من المهد

فرض مقطوع النحر*لازمه الضلع وتون


ـــــــــــــــــــــــــــــــــــــــــــــــ
وهسه انه#والعليله#گمنه نربي اعله الدرب1

وما اجتنه#اخبار منهم#لا ولا نسمه وتهب2

والليالي#ظلمه مرت#صعبه اليفارگ محب3

وهذا گبري#اترابه يبجي#يسمع يدك الگلب4


ــــــــــــــــــــــــــــــــــــــــــــــــ
مومهم ابني انكتل'حسين بس يرجع عدل

اعليه دلالي انفطر*لازمه الضلع وتون


ـــــــــــــــــــــــــــــــــــــــــــــــ
بليله ظلمه#اسمعت ناعي#يصيح يا اهل المدينه1

مره اعثر#مره اگومن#حيل خوفني ابونينه2

الصار گلي#گلي ابنج#عالنهر ليث العرينه3

مانشدتك#عن بنين#ما تگلي احسين وينه4


ـــــــــــــــــــــــــــــــــــــــــــــــ
گلي شحجيلچ بعد*بكربله احسين نفگد

هناك مقطوع النحر*لازمه الضلع وتون


ـــــــــــــــــــــــــــــــــــــــــــــــ
تگلهه روحي#چالحمامه#وحطت ابوادي الطفوف1

وشفت كلشي#بيوم عاشر#اسهام ورماح وسيوف2

اسمعت صرخه#اطفال تصرخ#وشاهدت رايه وچفوف3

وشفت جربه#وماي يبچي#سدته خيول والوف4


ـــــــــــــــــــــــــــــــــــــــــــــــ
شفت عباس الاسد*الزلم تشرد من يصد

ترس جوده ونحدر*لازمه الضلع وتون



ـــــــــــــــــــــــــــــــــــــــــــــــ
وهوه راجع#لمه صارت#جبل واكع عالثره1

چفوفه طاحن#ورايه طاحت#وطاح سبع الگنطره2

بهيده امشي#ولني يمه#ونار بيه موجره3

عفت اخيك#ليش وحده#وعفت زينب حايره5


ـــــــــــــــــــــــــــــــــــــــــــــــ
وين عباس الوعد*رحت يبني وماترد

احسين ظهره منكسر*لازمه الضلع وتون



ـــــــــــــــــــــــــــــــــــــــــــــــ
شفت زينب#تودع اخوهه#شمته بنحره وبچت1

وداعة الله#تگله خويه#حيل مهظومه انحنت2

شفته رايح#وصحت يمه#اختك اليوم انولت3

شفت نحره#الشمر حزه#والسمه دم امطرت4


ـــــــــــــــــــــــــــــــــــــــــــــــ
ونزل جبريل وشهد* قل هو الله احد

وصل للباري الخبر*لازمه الضلع وتون



ـــــــــــــــــــــــــــــــــــــــــــــــ
هذا حالج#مثل حالي*اثنينه عشنه ابهظم1

سولفتلچ#يالزچيه# حيلچ وحيلي انهدم2

انتي ابنچ#يالشفيعه#بدمه الدين استقم3

وانه ابني#من وجوده#اصبح بگبه وعلم4



ـــــــــــــــــــــــــــــــــــــــــــــــ
انتي وفيتي العهد*حاضره بيوم الوعد

شلتي چفينه ابحشر*لازمه الضلع وتون
ــــــــــــــــــــــــــــــــــــــــــــــ
تمت والحمدالله🌹

🌹بــ قـلـم🖋الـشاعر📋
خادم اهل البيت ع
🌺رعــد الــكــربــلائي🍂
ــــــــــــــــــــــــــــــــــــــ


تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://tttttt.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://tttttt.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

نزله موشح

...من برز #جاسم وهز اركانهه
..حمل عالگوم وشطب عنوانهه
****
من برز جاسم غدة حمره الشمس
حمل #عالگوم وبده يلقن درس
گال اضحي اليوم لحسين النفس
ونكس اعلام العده وفرسانهه
******
جندل #ابطال الزلم #يوم البرز
گال انه ابن الحسن يوم ارتجز
سوه عمله #بكربله واصبح لغز
طشر جيوش العده بميدانهه
*******
حمل حملة والده بيوم الجمل
بيده لاموسيف جن بيده اجل
تيهت مشرادهه وضاع الامل
وشجرة ابن زياد گص اغصانهه
********
العده #بالالاف هوه #ابوحده
ابد ماهاب الجمع لا والرده
گال اقدم الروح لحسيني فده
زلزل الحومه وصبغ الوانهه
********
رمله #مدهوشه وتعاين #للولد
يوم طاح اعله الارض طاح العمد
عمي ادركني النفس #مني خمد
ايه طاحت والفزع قرانهه
*********
بقلم خادمكم أبو باقرالصالحي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747