#هلال_محرم
#الليلة_الأولى
#نعي
#عاشوراء_١٤٤٠
#محرم_١٤٤٠
#قصيدة_يا_بن_شبيب

-----------
*يا بن شبيب آنا الرضا و گلبي مكسور*
*أبچي أون مدمي الجفن بهلال عاشور*

------
(1)

يا بن شبيب هذا الشهر للحسره ولآه
وهذا هلاله المنخسف يبچي اعلى مولآه
وكل العوالم تنتحب وتصيح ويلآه
*لجل الجرى في كربلا الفت لصخور*

------
(2)

يا بن شبيب أهل الحگد ما عدها رحمه
وهذا الشهر بيه القتل الحرمه حكمه
ذبحوا عزيز المصطفى سفكوا له دمه
*وراسه على راس الرمح يـاوسفه مشهور*

------
(3)

يا بن شبيب اللي جرى بچّى الأرآضين
وخلا السما تمطر دما وتصيح يحسين
وبس من يهل هذا الشهر يزداد لونين
*ويصبح گميص احسين بالافلاك منشور*

------
(4)

يا بن شبيب ابهالشهر هل دمعك أحمر
گبلك ترى حتى الحجر دمه تفجر
و أحضر مجالس للعزا أشعث وأغبر
*حالك مثل حال الملك تلطم بلصدور*

------
(5)

يا بن شبيب اللي جرى أقرح جفنا
لا يوم مثل الصار بحسين انفجعنا
ذبحوه مثل ذبح الكبش الـ كان عزنا
*ودخلت خواته باليسر مجلس للخمور*

------
(6)

يا بن شبيب ثوب الحزن خلّه شعارك
و أرفع يثارات الحسين بأعلى دارك
ونادي يمهدي بالعجل لا تنسى ثارك
*ثار الذي راسه انگطع والصدر محفور*

------
(7)

يا بن شبيب اجري الدمع بالجنة تفوز
وكل دمعه لجل احسين اضعافها تحوز
و عنك ترضى فاطمة وما يصيبك العوز
*وگبرك تحضره تعتني والضلع مكسور*

------
(8)

يا بن شبيب بس من تهل أول دموعك
انوي تزور ابن النبي بدمعة خشوعك
و گلّه أنا يا سيدي بأمرك وطوعك
*و كل غالي لجلك والنفيس يحسين مدخور*

-------
(٩)
يا بن شبيب قوم ارتدي ثوب الخدامه
وأنسى التعب أنسى الألم أنسى الملامه
وألعن يزيد ابكل وگت جيشه ونظامه
*يوم الذي اتصب العذب وتصيح مأجور*

الوزن فائزي - رباعي


🖋 عبد مُحمد وآل مٌحمد / مُفضل حبيب
------


الناشر عباس التميمي:
قصائد حسينيه مكتوبه لمجموعة من الشعراء اضغط هنا 👇👇👇👇👇
https://telegram.me/aabas78
تريد كروب للقصائد الحسينيه وألحان منبريه مختلط اضغط هنا 👇👇👇
https://tttttt.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇
@Abas747

#محرم_١٤٤٠
#الليلة_الثانية
#قصيدة_موسم_الخدمة


أعد أيام وليالي .. يمتى موسم الخدمة
وأحصد لسبط ثمره .. ومنها آخذ الهمة

-----
(1)

يتزايد نبض گلبي.. كلما گربت الشهرين
شهر للعبره والحسره .. شهر شوقي ازور احسين
أجهز للحزن ثوبي .. واحبس دمعتي بالعين
انطر شهر لمحرم .. وهلاله بدما ارسمه

-----
(2)

كلما گربت العشره .. يظل جفن الحزن مبلول
اعاين كل وگت ساعه .. يمكن أجني المحصول
الثواني أصبحت ساعات .. ويومي اشگد عليه ايطول
الله يا عظم حالي .. ونهاري أصبح ابظلمه

-------
(3)

مشتاگ أگضي بالمأتم .. ساعات العمر أكثر
لنّي في وسط جنة .. لكن بالحجم أصغر
المنبر اهوا عرش الله .. وعليه أسمك يبو الأكبر
وعلى عرش الگلب إسمك .. يزيل الهم والعتمه

-------
(4)
يمتى ترجع العشرة .. وأخدم أصغر الخدام
عمري ما إله سلوه .. غير الـ خدمتك كل عام
عندي بس فرد طلبه .. حتى لو مضت لأيام
باچر واحنا بالجنة .. أجدد نوحي واللطمه

-----
(5)
يمتى إلطم على صدري .. وأطفي ناري والحسره
من غيرك يضي عيني .. يحضر للمحب گبره
تصدع لك جبل صبري .. وعيني تدري محمره
يمتى يهل شهر حزني .. واشكر ربي عالنعمه

-------
(6)
مشتاق النظر يمتى .. اشوف ابكل أفق رآيه
يرف وياها كل نبضي .. واحجي بالعشگ آيه
واهتف بالملا صوتي .. فديت احسين بدمايه
يا ريت ابكل شبر نوضع .. علامه ترتفع بسمه

الوزن الطويل - رباعي

🖋 عبد_مُحمدوآل_مٌحمد / #مفضل_حبيب


الناشر عباس التميمي:
قصائد حسينيه مكتوبه لمجموعة من الشعراء اضغط هنا 👇👇👇👇👇
https://telegram.me/aabas78
تريد كروب للقصائد الحسينيه وألحان منبريه مختلط اضغط هنا 👇👇👇
https://tttttt.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇
@Abas747

يا بوفاضل .. عمّي لتحرموني من شمّة هواكم
يا بوفاضل .. حاچي ابويه حسين خل امشي معاكم
~~ ~~~ ~~~ ~~~ ~~~ ~~~
يا عمي جيت اتوسلك يا عمي فدوه آنه إلك
ويّاكم ارد امشي تره گلبي ابهالموادع هِلَك
فَضْلك ردت يا بالفضل ابحق زينب آنه ارد اسئلك
حاچيلي ابوي وخَبّرَه بنتك بقت تتأملك
لا يكافل .. لا تصبّرني تره مالي استطاعه
لا يكافل .. ياهو بيكم هيِّن وأحمل وداعه
~~~ ~~~ ~~~ ~~~ ~~~ ~~~
گِلّه العليله امناطره وكل شي السفرهه امحضره
ويّه البنات اتجهزت خاطرهه لا لا تكسره
ليش ابقه آنه ابيا أمل اگضي الليالي امساهره
ما أنتظر غير الأجل وكل لحضه موتي اتصوره
ما تجامل .. الفرگه والوحشه وتفاصيل الليالي
ما تجامل .. حيرة الفاگدله مجموعة غوالي
~~~ ~~~ ~~~ ~~~ ~~~ ~~~
لوعازمين اعله السفر عاد انت إبقه يا گمر
عوضني بس عن والدي احرسني من ليل الخطر
ادريك عمّي اتحيرت وگلبك احسّنه انفطر
للطف تريدك عمّتي وردتك أنه اوياي اتحضر
لا تحاول .. تخفي دمعاتك عليه لايعمّي
لا تحاول .. واعتذرلك چي گلتلك ابقه يمّي
~~~ ~~~ ~~~ ~~~ ~~~ ~~~
ما ريد احيرنك يعم روحتك وي زينب أهم
خلّيني اموت ابحسرتي ولا ينهتك سِتر الحَرَم
غيرك منو اليحدي الضعن ؟ ومنهو الّلي ينصبهه الخيم ؟
للجود يرهم يا زند ؟ و يكشخ ابيا چف العلم ؟
بالمعاضل .. كاشف الكرب انت دومك عن عضيدك
بالمعاضل .. اغلى شي دينك وارخص شي وريدك
~~~ ~~~ ~~~ ~~~ ~~~ ~~~
جاوبهه ودموعه تسح مو بيدي والله وما يصح
شاء الله أن ما ترحلي وبرحلتچ ما ينسمح
وشاء الله عبد الله الطفل باحضان ابوه وينذبح
وشاء الله زينب تنسبي وتشوف راسي اعله الرمح
والرسايل .. لوالدچ توصل لچِن يحتار بامره
والرسايل .. باخر انفاسه وحيد وبيهه يقره
~~~ ~~~ ~~~ ~~~ ~~~ ~~~
يَم گلب خايف ما هده وصّيت بيچ الوالده
ام البنين ابخدمتچ وانتي اميره وسيّده
گعدن يبعد اهلي سوه فاگده اتصبّر فاگده
بلسانچ ارد اسمع حچي عمّي امشي نيتك راشده
بيدي شايل .. رايه وبگلبي شلت خدر العقيله
بيدي شايل .. جود وبعيني محنتچ يالعليله
~~~ ~~~ ~~~ ~~~ ~~~ ~~~

ياسر حسن
شوال ١٤٣٩
#محرم_١٤٤٠


الناشر عباس التميمي:
قصائد حسينيه مكتوبه لمجموعة من الشعراء اضغط هنا 👇👇👇👇👇
https://telegram.me/aabas78
تريد كروب للقصائد الحسينيه وألحان منبريه مختلط اضغط هنا 👇👇👇
https://tttttt.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇
@Abas747

#محرم_١٤٤٠
#قصيدة_أنصارك_نظل


يا خير العمل ... أنصارك نظل
مَنعوفك أبد يالغالي

------
(1)

أنصارك نادينا احنا لك سند
وبدمنا خطينا يـ حسين العهد
وبالحومه انادي يا حيدر مدد
مَنعوفك بالشده لا والله أبد

نفدي لك دما يا بن فاطمه
منعوفك أبد يالغالي

------
(2)

ابطوعك و بأمرك يـ حسين الأمر
آمرنا وتلگنا نمشى إعلى الجمر
نتگطع نتوذر نفديك العمر
و لخيامك وأطفالك ادروع و ستر

احنا لك درع لا ما ننصدع
منعوفك أبد يالغالي

------
(٣)
مبدئنا وموقفنا أرسى من الجبل
وبدربك اچدامنا خطت للأمل
مَيهمنا لو لجلك نتگطع وصل
هالموته في حبك أحلى من العسل

لا مال و ذهب لا حر اللهب
منعوفك أبد يالغالي

------
(٤)
مَنبيعك يل حبك بالگلب انغرس
نهدي لك أرواحنا لين آخر نفس
ولخيامك وأطفالك نبگى لك حرس
والواحد اتعده عن مية فرس

أبطال الوغى يوم الملتقى
منعوفك أبد يالغالي

------
(٥)

يل الغالي كل غالي ليك انگدمه
وهالصرخه نعليها لعنان السما
والغايه ابهالموگف نرضي فاطمه
و نرضي جدك طه وي حامي الحمى

فدوه للشرع نصبح لك درع
منعوفك أبد يالغالي

------
(٦)
مَنبالي يالوالي من جيش العدى
أنصارك كل واحد للموت ارتدى
گوتنا بقلتنا يا بحر الندى
وهالثوره بدمنا تبگى مخلده

وبطول الزمن *احنا لك وطن
منعوفك أبد يالغالي

------
(٧)
بأكفانّا جينا لك يا خير العمل
عن زينب بندافع عباسك نظل
ابهالشده تلگانا مضرب للمثل
وبالغيره تحسبنا عباس البطل

نحمي هالخيم ** بالدم والقيم
منعوفك أبد يالغالي

🖋 عبد مُحمد وآل مٌحمد / #مُفضل_حبيب
------
الناشر عباس التميمي:
قصائد حسينيه مكتوبه لمجموعة من الشعراء اضغط هنا 👇👇👇👇👇
https://telegram.me/aabas78
تريد كروب للقصائد الحسينيه وألحان منبريه مختلط اضغط هنا 👇👇👇
https://tttttt.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇
@Abas747

 مقتل الحسين عليه السلام …

إسمع للنِهايه  ..  شتگول الرِوايه
أقرالك تفاصيل  ..  عن أعظم جِنايه
”“”“”“”“”“”“”“”“”“”“”“”“”“”“”“”“”“”“
ظل وحده ضامي   انصاره واولاده واخوته اعله الترايب
للماي گاصد   راد ايتروّه وحيله يرجعله ويحارب
شال ايده يشرب   ابحلگه السهم صابه ونزل دم بيده ساچب
يحمل دمائه   للسمه يرميهه يويلي وچبده ذايب
ظل يهتف يربّي  ..  ياربّي انت حسبي
عطشان وتِوجّه  ..  للباري ابشِكايه
”“”“”“”“”“”“”“”“”“”“”“”“”“”“”“”“”“”“
يم المُخيّم   دارو عليه الراجِله وما بيه هِمّه
ابهاللحظه لَنّه   من الخيم طالع غلام ايفور دمّه
يشبه القاسم   عبد الله ابن الحسن لا تنسون اسمه
إيده اگطعوهه   من حاول بإيده يصد ضربه اعله عمّه
اشگد حاول يضُمه  ..  حسين وما يقدمه
يبقه اويه الحراير  ..  مو كلهم ضحايه
”“”“”“”“”“”“”“”“”“”“”“”“”“”“”“”“”“”“
خلصان حيله   أيّس امن الدنيا وگف يم الثنيه
طلعن بناته   صاحن يبويه استسلمت چن للمنيه
والشمر ناده   "ويحَكم ماذا تَنظَرون" اجيوش اميه
يله نذبحه   وانشيل راسه اويانه فوگ السمهريه
هجمو كل عددهم  ..  علنو عن حقدهم
ما بيهم حميه  ..  اولاد البَغايه
”“”“”“”“”“”“”“”“”“”“”“”“”“”“”“”“”“”“
كِثرت جراحه   واتمدد اعله الگاع من شِدّة اذاهه
بِسهامه يسحب   وامحاوطينه وجثْته يتفايض دِماهه
إطلَعت زينب   نادت يبن سعد وسِمع عَبره ابنداهه
ايذبحون اخويه   اگبالك يموت وچتلته اعيونك تراهه
يسمع كل حچيهه  ..  وظل يبچي البچيهه
حتّى الطاغي يبچي  ..  اشصاير من رزايه
”“”“”“”“”“”“”“”“”“”“”“”“”“”“”“”“”“”“
گرّبو يمّه   چفّه اليسار انظربت وحيل اضربوهه
لن ثاني ضربه   ما بين چتفه ورگبته ابدم خضّبوهه
عافو يعاني   ينهض ويوگع على اجروحه الصوبوهه
لا رمح باقي   لا سيف ظل لا نبله بي ما جربّوهه
ما ظل كل شي مِنّه  ..  إلطعنه اعله طعنه
والطبره اعله طبره  ..  واشفافه ضَمايه
”“”“”“”“”“”“”“”“”“”“”“”“”“”“”“”“”“”“
حاول يذبحه   "خولي" ورجف سيفه ورجع خطوه وتعذّر
والشمر بعده   داس اعله صدر حسين يا ويلي وتجسّر
واثنعش طبره   ابجسم الحُسين ابلايه رحمه الشمُر طَبّر
وثنّه ركُبته   من الگفه داره وبِده يگطَع المنحر
شاله من لِحيته  ..  وايصيح گطعّيته
لِيزيد اهدي راسه  ..  من اغله الهدايه
”“”“”“”“”“”“”“”“”“”“”“”“”“”“”“”“”“”“
الله اكبّر   السمه مطرت دم عله حسين ومصابه
والگاع تبچي   ما رفعو احجار الّا تحته الدم خضابه
ضجّه تِعالَت   ثاري الملايك بالسمه اتون لا غرابه
اعظم مصيبه   الجن والشجر والطير مفجوعه الغيابه
يا ربنه لَتَرحم  ..  مَنْ أسْرَج وألْجَم
واليترَضّه عنهم  ..  إسبيهم سِبايه
”“”“”“”“”“”“”“”“”“”“”“”“”“”“”“”“”“”“

ياسر حسن
ذي الحجة ١٤٣٩

#محرم_١٤٤٠

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747