#الايام_المحسنية
قصيدة حوار بين المحسن الشهيد وعبد الله الرضيع وكل يحكي مصيبته.

هالحوار البي بجت ارض اوسمه
بين عبد الله اومحسن فاطمه

آخ عبدالله شريد احجي اوشكول
عن هجوم الدار ومصاب البتول
هالمصيبه حيرت وحي النزول
او اسست لمصيبتك هالمهضمه
.........
عمي يالمحسن صدك شفت المرار
اومن دفع للباب ردك للجدار
آنه من حر الضمه دلالي فار
اومن ذبحني السهم رواني ابدمه
........
العطش مثلك هم اخذ مني نصيب
النار بلباب او وصل لي اللهيب
من حرارتهه شحم كلبي مذيب
او روحي لحكام القضاء امسلمه
.......
عمي اغبطنك غبت عن السنين
ماحضرت الطف ولا شفت الحسين
ينده اومحتار ما عنده معين
صبح كلبي ابصوته بالنص جاسمه
.........
انت ست اشهور عبد الله عشت
اشبكت صدر امك اومن عنده اشربت
الوجه ابوي او امي آنه ماشفت
بكة حسره ابصدري تسعر مضرمه
.........
آنه بعد الموت حزو ركبتي
فوك صدر احسين داسو جثتي
والرباب اتمحنت وي محنتي
والكلب سيف الهضيمه امخذمه
.........
آنه بالاعتاب متمرمر جنين
اوداس صدري برجله من طب اللعين
فات لمي اوصطر من عدهه الجبين
والوصيه امجتفه الحامي الحمه
....... ...... ..... ....... ......

#سيد_محسن_البطاط


__________________________

ترديد قصائد حسينيه مكتوبه لمجموعة من الشعراء اضغط هنا وشوف👇👇👇👇👇
              
 https://telegram.me/joinchat/BnKZ3D8Cfzskz4PmaOQpqg

تريد قصائد حسينيه مو أصوات الرواديد  اضغط هنا وشوف  👇👇 👇👇👇
 https://telegram.me/joinchat/BnKZ3EDmhrwoeBT9kLSvSQ


تريد كروب للقصائد الحسينيه  وألحان منبريه مختلط اضغط هنا لقراءة 👇👇👇👇
 https://telegram.me/joinchat/BnKZ3D7f0FOCZ9atjlNIBw

للتواصل اضغط هنا @Abas747

قصيدة : زينب سبيه
للشاعر #سيد_علاء_الحيدري
ضيف برنامج
#لقاء_على_ضفاف_كربلاء
أداء الشاعر والرادود
#محمد_دعبل_النوري

قصيدة برنامج
#لقاء_على_ضفاف_كربلاء
انظر بعين الصبح
الشاعر المتألق
#الشاعر_السيد_زيد_الفحام
آداء الشاعر والرادود
#سيد_محمد_دعبل_النوري

تشييع الزهرة بهالليلة وصوت الكرار الينعيلة
################
كسر الزهراء المضلومة
بروح الكرار المالومة
واصل فوگ هناك اعلومة
حيدر فاگد شو كل حيلة وصوت الكرار الينعيلة
#############
راحت روحك ا يا حيدر
لمن ذاك الضلع اتكسر
يادافع خيبر ما تگدر
تابوت الزهراء تشيلة وصوت الكرار الينعيلة
############
راحت عن الدنيا فاطم
الله اليلعن ذاك الضالم
ياخذ حگهة المهدي القائم
بس يطلع النة ندعيلة وصوت الكرار الينعيلة
###########
راحت ام الدين الزهرة
وضلاع البيهة متكسرة
من ذاك البسمار وسطرة
فوگ الخد لله تشكيلة وصوت الكرار الينعيلة
############
ضالمها يگول اني صحابي
ضالمها اول ارهابي
صاحت فاطم حارگ بابي
من الله الضالم ياويلة وصوت الكرار الينعيلة
############
#سيد_حسين_الياسري



الناشر عباس التميمي:
قصائد حسينيه مكتوبه لمجموعة من الشعراء اضغط هنا 👇👇👇👇👇
https://telegram.me/aabas78
تريد كروب للقصائد الحسينيه وألحان منبريه مختلط اضغط هنا 👇👇👇
https://tttttt.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇
@Abas747

آ ياعلي هالليلة زينب ندبتك
آ ياعلي صاحت يبوية وحاچتك
هالليلة اموت بدمعتي عنك بعيدة بغربتي
آ يا علي
###########
آ يبوية وانة زينب وحدي تدري
بس حزن يابوية عشتة هذا عمري
من ضلع امي الزجية بدة صبري
لحد ما كتلوا كفيلي وراح خدري
من ضلع آمي بي بدة همي
هذا چان اول مصاب
وراسك اتطبر وانگطع منحر
وصعبة سلبولي الحجاب
آ يا علي هاية حالة زينبك
آ يا علي ضلت وحيدة وتندبك
يابوية صعبة وحدتي عنك بعيدة بغربتي
آ يا علي
############
آ يحيدر خل اگلك شنهي حالي
صرت نجمة بلا گمر وسط الليالي
ودعت تدريني بعدك كل غوالي
وخل اگلك من مشيت بلاية والي
والي ما عندي بالعده الوحدي
وسوط يضربلي الضهر
عيني مطفيه وحيل ما بية
و وجهي همين انسطر
آ يا علي امشي بعدك وحدي
آ يا علي ياهو بعدك مسندي
يابوية صعبة حالتي عنك بعيدة بغربتي
آ يا علي
############
امشي يا حيدر ترة وحدي سبية
امشي وعيون العدة تنضر علية
وحدي وسياط الشمر كلهة اذية
بوية كل هاي الخلگ شمتانة بية
سوط يضربني والشمر سبني
وگال عنك خارجي
واصرخ بصوتي بوية حل موتي
بوية وينك ما تجي
آ يا علي اصرخ يبوية من الضرب
آ يا علي اصرخ واطيح اعله الترب
يابوية طاحت عِمِّتي عنك بعيدة بغربتي
آ يا علي
#############
من رجعنة من سبينة بالعجايب
بوية صارت في حياتي اخر مصايب
من بعد ذيچ المصايب والحرايب
موتي حان بارض غربة وانت غايب
موتتي بغربة بهالبعد صعبة
والكفل عني بعيد
ياهو يگصدني والهلي يردني
والحسين بلا وريد
آ يا علي عني بعيد الي كفل
آ يا علي بالغربة وحدي بلا اهل
يابوية تصعب وحدتي عنك بعيدة بغربتي
آ يا علي
############
كبل لا اموتن يبوية اغمى عليه
وشفت جن حسين اجاني وگال ليه
گال يا زينب ترة اليوم المنيه
وشايل بچفة اجة گطرات ميه
جايني حسيني جاي يرويني
جايني بنفسة الحبيب
گال يازينب گلبي ضل يلهب
انه بفراگچ غريب
آ يا علي هليلة اصيحن ياعلي
آ يا علي ماعندي من بعدك ولي
يابوية تعله ونتي عنك بعيدة بغربتي
##########
#سيد_حسين_الياسري


قصائد حسينيه مكتوبه لمجموعة من الشعراء اضغط هنا 👇👇👇👇👇
https://telegram.me/aabas78
تريد كروب للقصائد الحسينيه وألحان منبريه مختلط اضغط هنا 👇👇👇
https://tttttt.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇
@Abas747

محرم الحرام 1441 هـ
قصيدة بحق الامام العباس ع
(نزال) (فزاعية)

تبين هيبة الخيال .. من يصعد عله المهرة
ما حاجه يكض عنان .. هية ماخذة الشمرة

تأخذة المحروسه .... يم هذيج الهوسه
#########
تندل الطريج الزين ---- ما حاجه يدليلها
تربات الملاحم هاي - تدري شبيها مابيها
عمرة اربعطعش عباس --والمهره يداريها
من كدما ثكيل وحيد-- كوة تشيل رجليها

يا بختها الليله ...... شالتك الكحيله
ابو فاضل
##########
من صار الحجي بنظرات... عرفت غايته الشكرة
كالتله اعرفك زين..... رايد صفحة اليسرة
تعذرني اريدك كون...من تشوفني مقصره
المهرة التفهم الخيال....بيها امغزرة العشرة

صاعد المملوحه ....... وماتهمه جروحه
ابو فاضل
########
مرات الحجي الينكال ...ناس اتحرف اقواله
ياهو الكالكم عباس ...ايصير الشمر خاله
كلهم بالحرب كلفين .. عدهم زود خياله
اخوان ام البنين نجوم.. ماعدهم ولا لاله

هذا مابي غيره ......... والغدر تدبيره
##########
امعزب تره العباس .....فاتح للسهم عينه
ومن شاف السيوف اتغار.. عزبهن بجفينه
ينطي لخاطرك كلشي ..هيج اهلك معلمينه
يامحله الهلا التنكال من شفاف ابوسكينه

والكرم يحلالهم...... والحسن عنوانهم
##########
تعبت مهر العباس ..عطشت والوجه صوفر
اي حكها اذا عباس...فر بيها العساكر فر
جان مرتب الميدان ..طب وخربط العسكر
ماهمها التعب وتكول ..فدوة انه لابو الاكبر

وكال عم سكينه ..... هي هاي الزينه

#سيد_احمد_الزاملي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزله... لسان حال الامام السجاد ع لدفن جسد ابيه الحسين عليه السلام

مو بالگبر بالروح ادفن حبيبي
.........

جيت من درب السبي لازمني صبري
رايد ادفن والدي ودموعي تجري
والله بمصابه متت ونكسر ظهري
گبل گبره ينحفر ياريت گبري

ما يشفه جرحي يسيل. ميت طبيبي
مو بالگبر بالروح ادفن حبيبي
.........

والله كل خطوه اصيحن وا حُسيناه
بيدي لازم ظهري آه تصيح وي آه
ويلي ابوي حسين دامي شلون عفناه
مكسّره ظلوعه يويلي ما دفنّاه

كلما قربت عليـــه يكثر نحيبي
مو بالگبر بالروح ادفن حبيبي
.........

ويلي ويلي من وصلت الغاضريه
شفت ابويه حسين طايح عالوطيه
كسرت ضلوعه خيول الاعوجيه
منين ما شيلنّه يوگع منّ اديه

مو عجبه لو عالراس يغزيني شيبي
مو بالگبر بالروح ادفن حبيبي
.........

شلون الي روح وگلب گبره حفرته
بالحصيره لملمت جسمه وجمعته
انهدم حيلي احس لمّن حملته
جسم ابويه حسين بچفوفي شبگته

مو بس ابو ياناس خِلّ وصحيبي
مو بالگبر بالروح. ادفن حبيبي
.........

نحر ابوي حسين حاچاني سمعته
ادفن وياي الطفل مذبوح عفته
دوّريته بدمعتي ولحسين جبته
ويّه ابويه حسين خلّيته ودفنته

هلت التراب عليـــه عمري ونصيبي
مو بالگبر بالروح ادفن حبيبي
.........

صبراً علي السجاد صوت السموات
وحي الله صاح الصوت نبرة مواسات
روحي اطلعت ياناس لو باقي لحظات
اليدفن ابوه يرتاح لا والله هيهات

ياربي من دنياي قرّب مغيبي
مو بالگبر بالروح ادفن حبيبي

#سيد_زيد_الفحام
2020
________________

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

السلام على رقية الحزن

بالطيف .. ياحيف .. شفتك جايني وبچفك الماي
عطشان .. ذبـلان .. وتـگـلـي رقـيـه گـومـي ويّاي
نگصـد للنهر نسگي گمرنه
ذاك الماشرب ماي وتركنه
وتگلي رقيه گومي ويّاي.. وتگلي رقيه گومي ويّاي
******
آنه ام الحزن آنه رقيه
آنه العاشت وماتت سبيه
طفله وراس ابوي ابين اديه
بالطيف وشفت چن مر عليه
....................
دمعات..آهات.. شفت بعمري انواع المصايب
مطبور..منحور..طايح والدي فوگ الترايب
وعمي على الشريعه يعله ونّه
ذاك الماشرب ماي وتركنه
وتگلي رقيه گومي ويّاي.. وتگلي رقيه گومي ويّاي
******
شفتك جايني بس تهمل دموع
ظهرك منحنـي وايدك عالضلوع
ردت الزم الخنصر شفته مگطوع
تحچي وياي صوتك گوه مسموع
.................
مخضوب.. متعوب.. طاسة ماي جايبهه لعضيدك
بالآه .. تـنـعـاه .. ماتـشـرب ابـد والـعـذب بـيـدك
مانشرب گبل راعي المحنه
ذاك الماشـرب مـاي وتركنه
وتگلي رقيه گومي ويّاي.. وتگلي رقيه گومي ويّاي
******
ماصدگت عيني من لمحتك
ركضت عليك وبلهفه شبگتك
شكثر متغير وگوّه عرفتك
انا المشتاگه وهواي انتظرتك
..................
تانيت.. حنّيت.. مشتاگه شكثر وبگلبي حسره
جروحي..بروحي.. من شفت الاصابع موش عشره
سألته شلونه عمي الغاب عنّه
ذاك الماشـرب مـاي وتركنه
وتگلي رقيه گومي ويّاي.. وتگلي رقيه گومي ويّاي
******
شفتك گوه تمشي بحيل مهدود
ظهرك منحني وبچفك الجود
جودك بي سهم وبراسه عامود
تگلي امشينه بويه لصاحب الزود
...................
نسگيه.. نرويه.. عباس النذر عمره على عمري
مشكور.. معذور.. يالكلك وفه يحزام ظهري
گومي نروح يابنتي لذخرنه
ذاك الماشرب ماي وتركنه
وتگلي رقيه گومي ويّاي.. وتگلي رقيه گومي ويّاي
******
جايب ماي بيدك وانت تعبان
تگلي هاچ اشربي بوجه حزنان
لزمته وماشربته وگلبي وجعان
شلون اشرب وعمي هناك عطشان
...................
ميفيد .. ماريد .. شلون اشرب عذب واتهنه وسفه
روّاي .. وفّاي .. خل نمشي يبويه نبوس چفّه
طايح عالنهر بس بي املنه
ذاك الماشرب ماي وتركنه
وتگلي رقيه گومي ويّاي.. وتگلي رقيه گومي ويّاي
******

#سيد علي المدني




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

استشهاد فاطمة الزهراء عليها السلام

ماتت امي الغاليه.
وداري ظلت خاليه
الدنيا ظلمه وموحشه بفرگاها
ودعتني وگلبي راح اوياها
امي امي. امي امي
..................

مـن مثلـها امي رحمه وخير ربّتنه عله اديها
دافي ظِلها. خيمة الحب والحنان انلوذ بيها
ربنه جَـلّها. الله من سابع سمه يسلّم عليها
يا فضـلها الجنة تحت اقدام امي موصّفيها

امي كلش صافيه
امي هيه العافيه
الراحه بس يم امي دوم الگاها
ودعتني وگلبي راح اوياها
امي امي. امي امي
..................

شكد تحبني تعبت علية شكثر امي الحنينه
عـلّـمتـني. طيبه امي وطاهره وحره وامينه
والـذهــلني مو فقط تدعي الي لكل المدينه
آ يـحــزني راحه ماشافت ومن ماتت حزينه

لأن مثل الآيه
عـذّبوها هوايه
الله يلعن كل بشر اذّاها
ودعتني وگلبي راح اوياها
امي امي. امي امي
..................

كل عمرها. امي ماتهوى الترف عاشت فقيره
يا صبـرها. مثل باقي الفقره تگعد عالحصيره
يا قــدُرها. الناس ما تعرفها عند الله چبيره
من فكِـرها. بالعلم والتقوه صارت كالاميره

من عُظم تقواها
تنقبل دعــواها
طاهره ورب العرش زكّاها
ودعتني وگلبي راح اوياها
امي امي. امي امي
..................

من طبعها. تنشد عله الفقره وتعين اليتامه
وبدمعها. الليل تگضيـه بالعباده وماتنامه
دُر نبعها. تدعي للايمان والحب والسلامه
الماسمعها. هذا خاسر لاشك بيوم القيامه

الناس تعرف صيتها
كعبة الله أبّـيـتـها
الله سرّ الكون كلّه انطاها
ودعتني وگلبي راح اوياها
امي امي. امي امي
..................

شاع اسمها فاطمه بضعة مُحمَّد ام ابوها
يا ألـــــمها. من رحل عنها الصحابه عذبوها
سـال دمها. دفعو الباب بضلعها وصوّبوها
زاد هــــمها. وصّه بيها المصطفه بس مارعوها

تبچي دم خلّوها
بلا ذنب اذّوها
تدعي للباري وتبث شكواها
ودعتني وگلبي راح اوياها
امي امي. امي امي
..................

ودعتنه امي ماتت من قهرها ومن حزنها
فارگتنه. من ألم كسر الضلع ماتت اظنها
افجعتنه. يُمّه اني حسين اصيح وهل جفنها
يتّمتنه. حنّت وشبگتنه ملهوفه لحضنها

بالنعش شالوها
للگـبـر ودّوها
بآخر الليل الوصي واراها
ودعتني وگلبي راح اوياها
امي امي. امي امي

#سيد_زيد_الفحام
________________________________


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

#نزله لرثاء فاطمة الزهراء عليها السلام

رابح الوالاها فاطمه فاطمه
خاسر العاداها. فاطمه فاطمه
.................

ام الحسن آيه شايلهه جبريل
انزلهه عالهادي رتّـلهه ترتيـل

الله شرّف فاطمه سُبحانه
عن فضلهه يشرح بقرآنه
المايحبها بي نقص ايمانه
لاشك يخف بالحشر ميزانه

عالم السـمّاها فاطمه فاطمه
خاسر العاداها. فاطمه فاطمه
.................

سر الله مستودع عند الزچيه
سـوّاها من نوره. وتربة نبيّـه

ام ابوها المصطفه يسمّيها
كل صباح وكل مسه يمر بيها
مثل روحه وكثر يداريها
فاطمة الهادي النبي مربّيها

بضعته ويرعاها. فاطمه فاطمه
خاسر العاداها. فاطمه فاطمه
.................

اهداها للهادي رب السموات
حورية انسيّه نوصفها هيهات

محور التكوين صارت هيه
والله لوما فاطمه المرضيه
لا ملائك لا سمه مبنيّه
لا خلائق لا ارض مدحيّه

والله ما ننساها. فاطمه فاطمه
خاسر العاداها. فاطمه فاطمه
.................

احنا بولايتـــها تربّينه احرار
نخدمها نتشرّف. للزهره انصار

نبقه خدام الزچيه وعونها
قسم واليحكمنه بس قانونها
الخير هذا كلّه من ماعونها
بالمجالس مانخيب ظنونها

بالقيامه اوياها. فاطمه فاطمه
خاسر العاداها. فاطمه فاطمه
.................

ظلموها ياوسفه. السموهم اصحاب
من هجمو عليها. عصروها بالباب

الله يلعن لاشك العاداها
والعصرها وتبچي دم خلّاها
فاطمه وكسر الضلع اذّاها
الثار عند المهدي ماينساها

للفرج دعواها فاطمه فاطمه
خاسر العاداها. فاطمه فاطمه

#سيد_زيد_الفحام
____________________________


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

لسان حال امير المؤمنين بفراق الزهراء عليها السلام


ريحة الجنة اختفت من بيتي
العافيه هيه وخذت عافيتي
مظلمه بعيني السمه
الليله ماتت فاطمه
العافيه هيه وخذت عافيتي
...........

راحت الچانتلي جنة ويمها يرتاح الگلب
الدار ظلمه بلا ضواهه لداري ما اهوى اطب
حكي لو ليلي ونهاري ابچي والمدمع يصب
فاطمه روحي وحياتي وختفت تحت الترب

الچانت اتضوّي السمه بمحرابها
بالگبر ياوسفه تحت اترابها
ياجرح حامي الحمه
الليله ماتت فاطمه
العافيه هيه وخذت عافيتي
...........

راحت ام بيتي الاحبهه ونّطفه بعيني الضوه
عشنه احله سنين عمري آنه والزهره سوه
شلون اطب للدار داري خنگه ما بيها هوى
چنت اتنفّس عطرها. الچان لجروحي دوه

فاطمه حيلي وتهدّم حيلي
وغابت النجمه التضوّي بليلي
بالضلع متألّمَه
الليله ماتت فاطمه
العافيه هيه وخذت عافيتي
...........

علي آني الچان حيلي اقوه من حيل الجبل
من شلت نعش الزچية چتفي ياناس انهدل
بالگبـر مـنّ نـزّلتهــه دمعي ماي ودم همل
توسّلت ابقه بگبرها. ومااخذ روحي الأجل

فاطمه تراب الگبر غطّاها
ريت غطّاني ومتت ويّاها
الدنيا صارت مظلمه
الليله ماتت فاطمه
العافيه هيه وخذت عافيتي
...........

ياعلي گالولي شيبك ليش بيّن من وكت
انت قالع باب خيبر وين طولك حدّبت
هذا من فگد الزجية لا تلوموني صحت
علي چان بعهد فاطم. هسّه من ماتت متت

ليش متغيّر علي تسألوني
زين وشتم الهوى تشوفوني
مو دمع انزف دمه
الليله ماتت فاطمه
العافيه هيه وخذت عافيتي
...........

من بعد طه مُحـمَّــدْ هيه چانت سلوتي
رحمة الله وچنها وردة محلية داري ودنيتي
لكن اصحاب السقيفه حقد حسدو عيشتي
عذّبو روحي الزجية ويلي ماتت زهرتي

ويلي خلف الباب من عصروها
طگ ضلعها امن العصر اذّوها
عالدلال امعلّمَه
الليله ماتت فاطمه
العافيه هيه وخذت عافيتي
...........

صرت كل ليلة اجيها. اگعد بصف الگبر
احچي ويّاها بدموعي وگوّه يلزمني الصبر
فاطمه تسمعين صوتي ابقه ردد للفجر
لحدما دمعاتي تنشف. ورجع بطرگ العذر

ارجع بلا فاطمه بدمعاتي
ظهري محني واعثر بخطواتي
روحي يمها هايمه
الليله ماتت فاطمه
العافيه هيه وخذت عافيتي

#سيد_زيد_الفحام
_______________________


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

قصيدة للخدام

كلشي يالخدام بيده
يرفع ويخفض عبيده
بكيفه يصحاب العزاء
هـوه يرزق ما يشــاء. يالتخدمونه
............

كلشي بيد حسين من الله كرامه
الخادم اليخلص معاه يرفع مقامه
واليدوّر شُهره بثياب الخدامه
ابواليمه يفضحه باجر بالقيامه

انت يالتتسمّه خادم
نفسك تحاسبها لازم
لا تـفـكّـر بالعطـاء
هـوه يرزق ما يشــاء. يالتخدمونه
............

لا تدوّر كامره وتصنع اشارات
حسين عالفطره يريدك تقره آهات
عوف دور الخوش تقره وعيش مأسات
كربله، ومن گلبك ابچي عالمصيبات

حسين ميحب المُرائي
صير من گلبك ولائي
لا تهـم بالأرتقـــــاء
هـوه يرزق ما يشـاء. يالتخدمونه
............

شاعر اهل البيت لازم يكتب آلام
شلون زينب من مشت مسبيه للشام
مو لأن يرضي النفس وتمدحه خدام
هذا بس دنيا نصيبه يعيش ايام

الشاعر الموزون ثگله
يقتدي بعبود غفله
يكتب حروفه بوفاء
هـوه يرزق ما يشــاء. يالتخدمونه
............

حسين يهوه اليقره واليكتب قصيده
ثنينهم عالفطره كون وعن عقيده
مثل حمزه وكاظم الخادم يريده
يعيش سلطان ويرفعه حسين بيده

الخادم يعيش البساطه
بخدمت المنبر نشاطه
للولي يعوف الثنـاء
هـوه يرزق ما يشــاء. يالتخدمونه
............

نيّة الخادم اهم من فعله ياناس
اليخدم حسين بوفائه بـ "جون" ينقاس
واليغش حسين ليّظن يرفع الراس
گبل لا يطغه بغروره يسطره عباس

الخادم اليرفع مقامه
گلبه ابيض وي امامه
خامس اصحاب الكساء
هـوه يرزق ما يشــاء. يالتخدمونه
............

اخوه احنه بخيمة حسين الچبيره
كالعشيره حسينّه شيخ العشيره
هوه يأمرنه ونتبعه ماكو غَيره
بالتواضع والتسامح احله سيره

نخدم حسين بتفاني
واحد يساعد الثاني
والخَدَم كلهم سواء
هـوه يرزق ما يشــاء يالتخدمونه

#سيد_زيد_الفحام
____

https://telegram.me/aabas78
قصائد لكل ايام محرم اشترك بالقناة

نزلة  في شجاعة السيدة زينب عليها السلام

هاشمية وبت علي.  ما يذلّوها
هاشمية وبت علي.  ما يذلّوها
.....

هيه زينب تبقه هيه   هاشميه وماتذل
حتى لو عالناگه ركبت  چتّفوها بالحبل
بيها هيبه من ابوها  وين ما تمشي وتحل
مثل حَدّ السيف ردها  عالعدو من تنسئل

لو حچت تسكت زلم.  ما يسكتوها
هاشمية وبت علي.    ما يذلّوها
......

من علي ورثت شجاعه وبيها عـزّه ومفخَرَه
ما تطخّ الراس هيبه  اخت سبع الگنطره
شافت وحملت مصايب  مثل زينب يا مَرَه
صلبه وتحدّت عدوها  والنعم بت حيدره

راسها بعلو النجم  ما يدنگوها
هاشمية وبت علي.  ما يذلّوها
......

صح سبيه وعالهزيله گطعت دروب السبي
لكن يشوفوها آية  مو مَرَه بهيئة نبي
قهرت السلّب خدرها ومات منها الناصبي
تنعمي عيون التصدها  كشخه سوّت للعبي

ما تلين وتنحني  شما يأذّوها
هاشمية وبت علي.  ما يذلّوها
...........

هيه بت مَنْ حتى تنذل  بت علي حامي الحمه
الوگفت بوجه السقيفه  هيه امها فاطمه
اجه الدور ألهه العقيله  الهاشمية العالمه
وگفت بوجه آل امية  الظلمت وسفكت دمه

كشفت وجوه الظلم  ثورة شافوها
هاشمية وبت علي.  ما يذلّوها
...........

بمجلس ابن زياد زينب  شامخه بوگفة جَبَل
من سأل عنها وسئلهه  ردّت عليه ونذهَل
شلون شفتي مقتل اهلج  ظنّه تبچي من سئل
(ما رئيت الّا جميلا)  صاحت بوجهه وجفَل

بچّت عيون العدو  ما يبچّوها
هاشمية وبت علي.  ما يذلّوها
...........

بمجلس يزيد العقيله  دخّلوها بلا ولي
ذلّته وكسرت غروره  والنعم من بت علي
كيد كيدك وسعه سعيك  لابد الحق يعتلي
والله ما تمحي ذكِرنه  للحشر آنه وهلي

صرخة بالشام اعتلت.   خل يسمعوها
هاشمية وبت علي.       ما يذلّوها
..........

كمّلت مشوار اخوها   زينب وماعافته
الثوره بالطف ابتداها  وهيه نشرت ثورته
حسين هزّ عروش امية  والعقيله سنّدته
فجّرت بالشام ثوره  والظلمهه كشفته

راية رفعت للنصر.  ما يطيحوها
هاشمية وبت علي.  ما يذلّوها

#سيد_زيد_الفحام

___

https://telegram.me/aabas78
قصائد لكل ايام محرم اشترك بالقناة

نزلة للقاسم عليه السلام 2023

هاشمي ودم حيدر بشرياني
وما ابايع ناصبي وسفياني
........

آنه من صلب الحسن بچّاكم بحرب الجمل
القاسم باول شبابي افتـدي خير العمل
آنه ابواليمّه امامي. مو يزيد ولا هُبَل
ما اطخ للذلّه راسي شامخ بعلو الجبل

بحب ابواليمّه كمل ايماني
وما ابايع ناصبي وسفياني
........

حسين ابن خير البرية. تابع لجدّه النبي
ما يبـايــــع آل اميـة ولا يزيد الناصبي
آنه متربي عله ايده. هوه ديني ومذهبي
اليوم اراويكم قتاله. من يسل سيفه الصبي

والدي بهذا الأمر وصّاني
وما ابايع ناصبي وسفياني
........

القاسم آنه وهذا سيفي. عوض عن سيف الحسن
والـــدي وصّه بوصيته. وآنه ابنه المؤتمن
انصر المظلوم عمي. وهزم اصحاب الفتن
أليمس عمي بأساءة راسه اشلعه امن البدن

إلا آخذ ثاري يا عدواني
وما ابايع ناصبي وسفياني
........

مثل ما گال وتوعّد. للحرب طب مبتسم
القاسم بسيفه غزاها وشردت اشباه الزلم
گام بصفوف آل اميه. يطشّر بسيفه ويلم
الفارس اليوگف گباله. ينذبح لو ينهزم

آنه من بيت النبي عنواني
وما ابايع ناصبي وسفياني
........

عجزوا يلاگـونه كلهم. سوّه بيهم ملحمه
هاشمي وارث شجاعه من علي حامي الحمه
بالغدر گدروا يجوله بني امية المجرمه
صوّبو بالسيف راسه. طاح مخضوب بدِمَه

صاح يا عم فدوه لجلك آني
وما ابايع ناصبي وسفياني

#سيد #زيد #الفحام
____


https://telegram.me/aabas78
قصائد لكل ايام محرم اشترك بالقناة

قصيده نزله للامام موسى بن جعفر عليه السلام

موسى بن جعفر. عشگ الموالين
٠٠٠٠٠٠
شيعته وأحبابه. ما نسينه مصابه
نحضر بتشييعه وجتمعنه ابّابه
نقره دوم أخباره ونهتدي بانواره
ما نفارگ موسى. كل وكت زواره
باب للحاجات باب الكاظم
تعتنيه من كل مدينه الوادم
كل موالي وكل محب بي هايم

بحب موسى خدام. صارو مجانين
موسى بن جعفر. عشگ الموالين
٠٠٠٠٠٠٠٠٠٠٠٠
وينه ذاك الظالم. چان حاكم آثم
لا أثر لا رايه. خل يشوف الكاظم
گبره يضوي وعالي. ما يطخ للتالي
صار مأوى الشيعه. هذا موسى الغالي
حضرته جنة وتلم عشاگه
ما نعوفه ومانطيق فراگه
بحضرته شيعة علي تتلاگه

وين القصر ذاك. وين السجن وين
موسى بن جعفر. عشگ الموالين
٠٠٠٠٠٠٠٠٠٠٠٠٠٠٠٠٠
نعتني مشايه. رايه تتبع رايه
للامام الكاظم. نحيي أمره الغايه
بالمواكب جينه. والعشگ يحدينه
نلطم عله مصابه. بالصحن ظلينه
نعش موسى اروحنه نهديله
عالجسر ما يبقه لحظه انشيله
حتى ذاك الگيد عنه انزيله

والي اليتامه. كهف المساكين
موسى بن جعفر. عشگ الموالين
٠٠٠٠٠٠٠٠٠٠٠٠٠٠٠٠٠٠
موسى يشبه طه. ورث علمه وجاها
سابع أهل العصمه. حگنه بي نتباها
الله عَظّم شانه. خالد بعنوانه
باقي موسى الكاظم. ونتهت عدوانه
رغم انف الظالم وأحكامه
نزور موسى ونفتخر خدامه
ونحيي بدموع ولطم أيامه

للكاظم دموم خل تنزف العين
موسى بن جعفر. عشگ الموالين
٠٠٠٠٠٠٠٠٠٠٠٠٠٠٠٠
اي وحق عيونه وغترته ومتونه
ما نعوف الكاظم خلهم يسمعونه
يمشي حبه بدمنه. والخطر ميّهمنه
من زيارة گبره. الله لا يحرمنه
لاشك الكاظم يسجل بيده
كلمن يزوره يحبه يريده
آخره ودنيا أمامه يفيده

وارث كرامات من جده لحسين
موسى بن جعفر. عشگ الموالين

#سيد #زيد #الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

https://telegram.me/aabas78
قصائد لكل ايام محرم اشترك بالقناة

نزله للقاسم عليه السلام

وينه اليمس حسين يا آل اميه
وبن الحسن موجود بالغاضريه
.................

ابن الحسن ياناس والقاسم اسمي
ربّاني عالكلفات من عزمه عزمي
وصاني بالطف كون اوگفله عمّي
لازم اوفي اليوم عهد الوصيه
.................

اوگف لبوالسجاد وگفت عضيده
ويله اليمسّه بسوء اگطع وريده
لو ينحجب بالغيم اوصل وصيده
والمايصدگ هاي خل يدنه ليه
..................

آنه الفتى المغوار وينه الينازل
وارث شجاعه وزود منّ ابوفاضل
متهمني لا والله هاي الجحافل
دون الحبيب حسين اهوى المنيه
.............

سيف الحسن معروف لابد تذكروه
بالقاسم ابنه اليوم كلكم تشوفوه
غالي الثمن بالموت لازم تدفعوه
ثار الحسن وحسين يرجع بديه
................

ما همني بالميدان يكثر عددكم
بالسيف احز الروس وسحگ جثثكم
يامن غدرتو حسين حالف اذلكم
قوة علي وعباس موجوده بيه
................

ماعوف ابوالسجاد عمي وامامي
واجب انصره اليوم اوفي بكلامي
ذاخرني ابوي لهاي آخذ وسامي
بالطف اسمعه وياي سلّم عليه
................

للغالي فدوه يروح عمري وشبابي
يايُمّه لا تبچين فرحي بمصابي
آنه النصرت حسين والدم خضابي
وتخلّد اسمي وياه روح الزچيه

#سيد #زيد #الفحام

https://telegram.me/aabas78
قصائد لكل ايام محرم اشترك بالقناة

نزله... لسان حال الامام السجاد ع لدفن جسد ابيه الحسين عليه السلام

مو بالگبر بالروح ادفن حبيبي
.........

جيت من درب السبي لازمني صبري
رايد ادفن والدي ودموعي تجري
والله بمصابه متت ونكسر ظهري
گبل گبره ينحفر ياريت گبري

ما يشفه جرحي يسيل. ميت طبيبي
مو بالگبر بالروح ادفن حبيبي
.........

والله كل خطوه اصيحن وا حُسيناه
بيدي لازم ظهري آه تصيح وي آه
ويلي ابوي حسين دامي شلون عفناه
مكسّره ظلوعه يويلي ما دفنّاه

كلما قربت عليـــه يكثر نحيبي
مو بالگبر بالروح ادفن حبيبي
.........

ويلي ويلي من وصلت الغاضريه
شفت ابويه حسين طايح عالوطيه
كسرت ضلوعه خيول الاعوجيه
منين ما شيلنّه يوگع منّ اديه

مو عجبه لو عالراس يغزيني شيبي
مو بالگبر بالروح ادفن حبيبي
.........

شلون الي روح وگلب گبره حفرته
بالحصيره لملمت جسمه وجمعته
انهدم حيلي احس لمّن حملته
جسم ابويه حسين بچفوفي شبگته

مو بس ابو ياناس خِلّ وصحيبي
مو بالگبر بالروح. ادفن حبيبي
.........

نحر ابوي حسين حاچاني سمعته
ادفن وياي الطفل مذبوح عفته
دوّريته بدمعتي ولحسين جبته
ويّه ابويه حسين خلّيته ودفنته

هلت التراب عليـــه عمري ونصيبي
مو بالگبر بالروح ادفن حبيبي
.........


اسمعت صبرا ياعلي من السموات
لن هتف صوت الوحي ابنبرة مواسات
روحي ياناس اطلعت لو باقي لحظات
ينحب اليدفن ابوه يرتاح هيهات

ياربي من دنياي قرّب مغيبي
مو بالگبر بالروح ادفن حبيبي


#سيد_زيد_الفحام


https://telegram.me/aabas78
قصائد لكل ايام محرم اشترك بالقناة

نزله للامام الحسن ع

نرفع اصوات الولاء. للحسن هذا العزاء
...............

احنا صح تقصير عدنا والله بمصاب الحسن
لكن تعاهدنه نبقه بخدمته طول الزمن
نحضر بليلة مصابه عيونّه لجله بچن
نلطم ونكسر صدرنه ما نوافي المؤتمَن

صرخه دوّت بالسماء. للحسن هذا العزاء
..................

هذا ريحانة مُحمّد هذا مهجة فاطمه
عالحسن مو ماي نبچي كون نبچيله دمه
يالله ياخدام يالله رفعوا هاي المَضلَمَه
ألحسن مظلوم لازم نحيي يومه ومأتَمَه

بالنياحه والبكاء. للحسن هذا العزاء
..................

احنا مطلوبين نلطم للحسن صبح ومسه
من كراماته علينه هالهوى النـتـنـفّـسَه
منهجه وفكره وعطائه للاجيال أنـدرّسَـه
والدليل القاسم ابنه النه اعظم مدرسه

بكربله ضحّه بوفاء. للحسن هذا العزاء
.................

يالله يالشيعي الموالي للحسن ادّي الفرُض
ألطم وغيض المعادي خل يشوف اليعترُض
عالحسن ناحت سمانه شاركت حزن الارُض
والله ما نترك عزائه حد ظهور المنتفُض

لمن يشيل اللواء. للحسن هذا العزاء
...................

عشره عاشوراء عدنا ما يقل سابع صفَر
ألحسن وحسين واحد والله خدمتهم فخر
لا تقصرون بعزاهم يالتخدمون الحذر
ألحسن يحضر عزاكم والحُسين عله الأثر

نستمع من كربلاء للحسن هذا العزاء
.....................

يشفه چبد الحسن يشفه من تذكرون الغريب
هوه هم يحضر معانه. بالمدامع والنحيب
يصيح مامثله مصابك خويه يحيسن الحبيب
راسك عله الرمح عالي والجسم دامي سليب

يا مُعزّ الاولياء. للحسن هذا العزاء

#سيد_زيد_الفحام
_____

https://telegram.me/aabas78
قصائد لكل ايام محرم اشترك بالقناة