الشاعر مفضل حبيب:
*روي في بعض الأخبار ؛ بأن الأنبياء ( عليهم السلام ) كانوا يتوسلون بأصحاب الكساء الخمسه*

#استشهاد_الإمام_الكاظم
#(٢٥)_رجب
#باب_الله


*نخيتك سيدي الكاظم* .. *وحگ أهل الكسا الخمسه*

------
(١)
يـ باب الله اعتني البابك ... وخجله تمشي خطواتي
و كلما أدني من قربك ... تبل الارض دمعاتي
مو حاجه فقط عندي ... يـ موسى كثره حاجتي
يا أكرم من بسط أيده ...*أخذ بيديني يا موسى*

----
(٢)
نخيتك و أول النخوه ... و حگ جدك نبي الرحمه
عبدك گاصدك مهموم ... وانته التفرج الهمه
يـ موسى ضاگت الدنيا ... ونهاري اصبح ابظلمه
ولا غيرك يبو إبراهيم ... *عليه يضوي ابشمسه*

-------
(٣)
و يـ باب الله بعد انخاك ... بأمك فاطمه الزهره
و حلفك بالجرى والصار ... وذاك الخد والسطره
على اللي امن الولد محروم ... حن يا سيدي بنظره
ومن جودك يا بحر الجود ... *أخذه الضفة المرسى*

-----
(٤)
وبعد انخاك يا الكاظم ... بسم الما يرد نخوه
بسم حيدر أبو الكلفات ... و راسه اللي انطبر عنوه
أدري هالاسم طاريه ... يزرع بالگلب نشوه
ويفوز ابحاجته المحتاج ... *و يجني طلبته ابغرسه*

----
(٥)
و نشدتك يا أبو ابراهيم ... بـ اللي العالم اتنشده
ذاك اللي انطعن مسموم .. ذاك اللي انفطر چبده
دخيلك بالحسن ارجيك ... كل غايب لنا اترده
و كل مظلوم و كل مكروب ... *نظرة عينك اتحرسه*

-----
(٦)
واختم نخوتي باللي ... گطعوا يا وسف راسه
او رضت جسمه عشره اخيول ... وعلى صدره الشمر داسه
نخيتك بالغريب احسين ... او دمه و روحه و انفاسه
تكفر ذنبي يا مولاي ... *و حق أهل الكسا الخمسه*

🖋 عبد مُحمد وآل مٌحمد / #مُفضل_حبيب


الناشر عباس التميمي:
قصائد حسينيه مكتوبه لمجموعة من الشعراء اضغط هنا 👇👇👇👇👇
https://telegram.me/aabas78
تريد كروب للقصائد الحسينيه وألحان منبريه مختلط اضغط هنا 👇👇👇
https://tttttt.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇
@Abas747