ليش هذا ايصير بينه نمشي واحبال ابأدينه
أنزل وحاجينــــــي
دمعي غورك عيني
يعباس يعباس
................................................
والله حيرة وحيرتي ما صح مثلها
زينب الجانت أميره عنــــد أهلها
تمشي مسبيه ويعاين شمر ضلهـا
وانته راسك عالرمح مــا تنزللها
الجان يرعبهم خياله أخته تمشي بلا كفاله
والشمر يحديني
أنزل وحاجيني
يعباس يعباس
.................................................
آنه صح عفتك رميه وما عفتني
لـجن ألمن خويه عدمن ودعتني
ليش ساكت فدوه أحجي موتتنـي
لون شفتك صار يشبه لون متني
خويــه موتني سكوتك ريت موتي كبل موتك
أسياطهم تاذيني
أنزل وحاجينـي
................................................
رايده أسأل خويه جاوب عن سؤالي
ليش راسك عالرمح والرمح عالـــي
جنت لو مرني الهوه اتكلي تعالــــي
هسه طولي انشاف لاموبس خيالــي
طولي امن الحبل مايل دخيلك هــــا يبو فاضل
وحدي لتخيني
أنزل وحاجيني
يعباس يعباس
....................................................
خلص عمرك واكف الزينب حمايه
شاء أمشي ويمشن اجفوفك ورايــه
بنات حسين هل راحن سبايـــــــــه
سبيه أتجر سبيه أمن العبايــــــــــه
خافن وحده ننساها عبيهن هل عكدناها
حسرتي وونيني
أنزل وحاجيني
يعباس يعباس
...............................................
الكسر ضهري وهضمني ودمعي اسيله
راس اخوي حسين سولف وي عليلــــه
كله بويه عمًتك حره عقيلــــــــــــــــــه
وياها من تمشي عدل راسك تشيلــــــه
ألأبو من سولف اوي ابنه مشينه وبدت ثورتنه
بيمن اتوصيني
انزل وحاجيني
يعباس يعباس
................................................
خادم خدمة الحسين
الشاعر
محمد الموالي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

تمشي دقيقه وتگـعـد اثنين
حگها التفارگ مثل الحسين
سهرانه طول الليل .. مابيهه زينب حيل
حگهه التفارگ مثل الحسين
************
گــوّه بـألــم .. ترفع جدم ..منهه النفس مخنوگ
تعب الصبح .. راس ورمح.. ريحة گلب محروگ
ركضت ركض .. طول وعرض..وتباري ذيچ النوگ
صوت اسمعت..حيل استحت..صاحوا وصلنه السوگ
......................
تعبانه لـكـن تعبـت هواي
گباله العطاشه بَدّوا الماي
تعّبها ركض الخيل .. مابيهه زينب حيل
حگهه التفارگ مثل الحسين
************
رد الضعـن .. لارض الوطن .. لكن رجع بس حرم
طفله وطفل .. صعدن هزل .. من رجعن بلا علم
هـلّــن دمــع .. ذكـرن ضـلـع .. بالحافر من انهشم
خـالـي المهد .. مـات الولـد .. ريـحـة رماد وخيم
....................
محنيه ردت مثل الهلال
رد الضـعـن وبلايه چفّال
گوّه جدمها تشيل .. مابيهه زينب حيل
حگهه التفارگ مثل الحسين
************
وحيده بدرب..ويه الغرب..والجيش چان هواي
حين اتعثر .. تذكر گمر .. گال الهه گومي وياي
من الشمس .. حر تنترس .. مامش عليهه فياي
يمشن سوه .. ويچوي الهوه .. عطشانه وبلاماي
...................
گوه بعلي تنگل جدمها
فوگ الرمح تنظر زلمها
تسمع نحيب وويل .. مابيهه زينب حيل
حگهه التفارگ مثل الحسين
************
بنت النبي .. بدرب السبي .. رجليها تعبانات
يمشن سره .. الـقـائد مره .. ردن بــلا رايات
تروح وترد .. مـاتـبــتــعــد .. وتگود البنيات
تـنـدب ابو .. وبـلايـه اخو .. فروها الولايات
.....................
تمشي وترد تكعد على الگاع
يبعد ضعنهه وتركض بساع
ويفوح عطر الهيل .. مابيهه زينب حيل
حگهه التفارگ مثل الحسين
************
تسمع بچي..وبلا حچي.. تسمع ونين اطفال
واحد وگع .. واحد رجع .. المن يصير البال
چانت شفه..مطرت وفه.. وبچف اديهه حبال
مات الكفل ..صارت جبل.. شالت هموم ثگال
......................
زينب تگول شلون بيه
ماتت رقـيـه بين اديه
سكته الدموع تسيل .. مابيهه زينب حيل
حگهه التفارگ مثل الحسين
************
الشاعر سيد علي المدني



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

https://youtu.be/R3VJdP-s_Ao

توجد مكتوبه بالوصف اشترك بالقناة

في شهادة السجاد ع


ــــــــــــــــــــــ
انهض يكفـــــــال.... چتفوني بحبـــــــال
عگبك يعمي اهل الرده
راووني الاهــــــــــوال......
ــــــــــــــــــــــــــــــــــــــــــــــــــــــــــ
الماتو هله وكل اخوته شله بحياته شـله
بالنوح يگضيها وبچي ويعيش بس بذله
منيطيح بالشده الأخو يتجيله ويسّندله
وانه اخوتي اعله الثرى بيهم الخيل شخله

ألضــل بلا اخـوان..... كل عمره حيــــران
مجبور اصعد عالهزل
ومــــدوهن البــــــال....
ــــــــــــــــــــــــــــــــــــــــــــــــــــــــــــــ
ياعمي دوهني الوكت وكل الدهر بچاني
يوجعني ياكسر الابو يشبه كسر خواني
نحلان جسمي والعدو ناگه غصب صعداني
تأذيني عثرت ناگتي بدرب الوعر مشاني

ياعمي ياحيــــد.........حز چفي الگيـــــد
بين يعم بيدي العضم
من عـــــت الانـــــذال....
ــــــــــــــــــــــــــــــــــــــــــــــــــــــــــــ
ياعمي حين الي وگعت حرگوا سترنه علينه
واطفال تصرخ راگضه عباس عمنه وينه
الخيم حولوهن جمر حرگن اجدام سكينه
وبحيره انظر عمتي تركض تلملـم بيـــنه

أطفي بالنـــــــار...... وتلـــــم بالزغــــــــار
حامت يعمي العايلـــه
واصبحت كفـــــــــــال......
ـــــــــــــــــــــــــــــــــــــــــــــــــــــــــــــ
حين الـي جابوها الهزل ياعمي اصعب لحظه
عالتل اشوفنهه ركظت تگوم وتگع بالركظه
فوگ المرض بيه رگضت ونار الگلب تتلظه
ياعمه رجعي والامر للباري ربنه انفوظه

أختك يعـــــــباس........أذوهـــا الارجاس
المحد لمـــــح ألهه أثــر
بان ألهه الخيــــــــــــال......
ـــــــــــــــــــــــــــــــــــــــــــــــــــــــــــــ
ياعمي اسولفلك جرح جرح السبي وشّسوه
أعثر واطيح اعله الوجهه مهضوم امشي گوه
فوگ الأسر سوط النذل عالمتن ضل يطوه
ثمانين طفله وي طفل من العطش تتلوه

دمولــي المتـــون........أكبال العيـــــــون
يطرونه عمي بنص زلم
اشكيلك الحـــــــــــــال....
ــــــــــــــــــــــــــــــــــــــــــــــــــــــــــ
تمت والحمدلله
خادم الزهراء ع
الملا ياسر الزيادي ١٤٤٢هـ



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

https://youtu.be/ewk5A9pHWBQ

توجد مكتوبه بالوصف

اشترك يصلك كل ماهو جديد

عمه خي وخر رماحه رايــده ساعــه ستراحه
كله مشي -- هاي صار أيام
كله مشي -- ماوصلنه الشام
-----------------------------
1= هـذه اليكــود بضعـنه كلـبه ميحــب الـزغار
لا تـكلـيلي أمن أهلنه أهلي ماتسحك خضار
والنياك التمشي بينه جــــنها مو ملكه أجار
عمه ماخلاها توكف ساعه لـــــيل ولا نهار
------------------------------------------
هل ملامح ما أحبها قاسي مايرحم كلـــــبها
كله مشي -- ماكــو عين تنام
كله مشي -- ما وصلنه الشام
********************************
2= جــنه ياعـمه يعرفــني ويعرفـني من زمان
هالوجه ماعـرفه أصلا ولا أضن ويانه جان
بالمكان الباسه أبــويه يضرب بـنفس المكان
عمه والله أللسان أهلنه مــو مثل هذه اللسان
-----------------------------------------
شكد خشن طبعه وكلامه يـــــــترك بكلبي علامه
كله مشي -- والدقيقه أبعام
كله مشي -- ماوصلنه الشام
3= هيه غـير المات أبوها أتـــــحصل شويه أهتمام
بالعكس هالحادي شفـــــته لحضه ماخـلاني أنام
أنسبي وين أعـــــرف أنه عالنـــــياك وبالضلام
صعبه تدخــــــل شام عمه العاشت بضل الأمام
------------------------------------------
بس حنان أهلي رباهم شسوه بعـــيوني جفاهم
كله مشي -- والمصيبه أسهام
كله مشي -- مـــاوصلنه الشام
******************************
4= عــمه هـــوه الشام شنهي وليش ياخذنه اليزيد
غــــــير بس نسوان أحنه أمن النســواين شيريد
والقــــــصر هذه اليذكره أشكــــــثر منانه بعيد
يريدنه بالسوك نــــــدخل وأحنه والـدنه شهيد
-----------------------------------------
صدك عمه الناس كلها تضرب الميتــــين أهلها
كله مشي -- هــالبشر ضلام
كله مشي -- ماوصلنه الشام

5= ليـش جرج من بجــيـــتي غـير ماعـدج كـفيل
عالرمح شو راس عــمي شفته زعلان ويـميل
جان مايحجي بــوجـوده صاير اللسانه طويل
من صرخ يالخارجيه طاحت دمـــــوع العليل
------------------------------------------
شو علي السجاد شفته -- يمشي يتوجه أعله أخته
كله مشي -- ماتت الأحـلام
كله مشي -- ماوصلنه الشام
********************************

الخادم عبد الجليل المالكي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

https://youtu.be/R3VJdP-s_Ao

توجد مكتوبه بالوصف اشترك بالقناة 👆

https://youtu.be/XJbzRtNh4U8
توجد مكتوبه بالوصف اشترك بالقناة 👆👆

نرفعها هالرايه لحسين مشايه
والعقيده هايه لبيك يا حسين

*******

رغما على العادونه نرفع رأيه
وباجر نروح لكربلا عنايه
ها يالتضد حسين اسمع هايه
من ننذبح تتزايد المشايه


كربلا هيبتنا كربلا عزتنا
مرفوعه رايتنا لبيك يا حسين
****
هالرايه في طف كربلا علوها
أهل القيم وأهل الشرف شالوها
بسيل الدماء الطاهره حفظوها
عباس وحسين البطل صانوها

هالرايه مرفوعه بالغيره مصنوعه
بيها كرامتنا لبيك ياحسين
*********
هالرايه حمره وبيها دم حسيني
ابجيها دم طول العمر من عيني
عن هالنهج بالذبح ماتثنيني
حسين انطبع فكر وعقيدة وديني

لحسين منبعنا لحسين مرجعنا
كلها قضيتنا لبيك ياحسين
*********
اشكد حاولو ماكدرو يمنعوني
عن حضرته وعن كبته يرجعوني
زينب تنادي وينه نور عيوني
وأنه انادي حسين كل جنوني

منهو اليرجعني منهو اليمنعني
هايه محبتنا لبيك ياحسين
********
لحسين كتبينا العهد بدمانه
احباب اله رب العرش خلانه
شما يستبد بينه الظلم تلكانه
نتعنه صوب حسين عالي لوانه

بالالم واللوعه بالدمه مطبوعه
رايتنه بالعالي لبيك ياحسين
********

الشاعر محمددعبل النوري



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

https://youtu.be/9IiyuN3JvzY

توجد مكتوبه بالوصف اشترك بالقناة 👆👆

قصيده عتاب... درب السبي


اكعد يواليهن الضيم غاطيهن
يمشن مشي المكسور
بالسبي شافن جور
والضيم غاطيهن
#######################
عباس هاضمنه السبي وعلّه تجر أبعله
مابينه حيل اعله المشي ولحيل رايح كله
وكبالنه واكف زجر براس الاخو يتسله
نسوان يمنعنه الخدر ياحيره شنهي نگله

يضربونه گدامي بي روع ايتامي
وعلينه عينه ادور
بالسبي شافن جور
والضيم غاطيهن
#######################
ياصوره من الديوان ويانه الك جبناهه
الشام ياضيم الشام بسّبي الخدر تتباهه
معيده بشهر مابي عيدناس بفرح شفناهه
ألمابچت يوم وياك ويلي الشمر بجاهه

ياسيل دمعاتي/ تحرگ بوجناتي
عله الرمح شفت نحور
بالسبي شافن جور
والضيم غاطبيهن
#######################
كلما لفه علينه العصر الروح طافت يمه
ما ادري مشتاكه اله مدري تريد تحشمه
بلكت يجي يشوف الحرم عليه لخلك ملتمه
ماليله لتمرهن غفن ويتصارخن يا عمه

تذبح شكاويهن بيا عذر اسليهن
نيران كلبي تفور
بالسبي شافن جور
والضيم غاطيهن
#######################

تسير عله جفوني الصوركلما يمرني ذكرك
ما كفت الحومه النذل صاعد يحز ابنحرك
ياريحت الله اشكد ترف من الجنه تأخذ عطرك
المفروض قران نوضع مو حافر يشك صدرك
حجر النبي بيتك بالرمل تاليتك
ويلي الصبع مبتور
بالسبي شافن جور
والضيم غاطيهن
#######################
ياخويه حيره تحيرت للشام من دخلوني
بلاراي اركض يخوتي كبال العده خلوني
والزيد اجروحي جرح بسمي الخلك نادوني
طولي الابد ماينعرف كلهم وسف شافوني

بديوان طبوني....وبأسمي صاحوني
طولي صبح منضور
بالسبي شافن جور
والضيم غاطيهن

######################
تمت والحمد لله
بقلم خادم السبايه
ملا ياسر الزيادي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

يا نبض دلالي .حسرتي وآمالي . يابعد كل غالي ياحسين
_______________________________

مثل المضيعله ديره او لا گرابه او لا اهل
جيتك وبعيوني دمعه او تارس ارسومي الخجل
آنه ضايع واعتنيتك عندي بس انت الامل
احسين لا تحرمني منك رايد ابابك اضل

آنت كل ايامي . امن الزغر احلامي . اخدمك يالضامي . يا حسين
_______________________________

هيه مو قصة سوالف لو شعر خطه القلم
آنه كل ليل اليمرني يعصر ابروحي الالم
لنّي ما كاسر ضلوعي ولا تهل دمعاتي دم
والله فشله من اگلك ارد اصير اويه الخدم

مستحي اتعنيتك . مختنگ حاچيتك . انتظر حنّيتك . يا حسين
_______________________________

انه عبدك وابن عبدك جاي وابابك ادگ
لا تردني ابجاه زينب وذيچ المتون الزرگ
احسين انظرلي ابحنانك خل اذوبن بالعشگ
يا دمع عيني البچيته ويا نبض گلبي اليدگ

رايدك يحسيني . خادم اتسميني . سيدي نجيني .. يا حسين
_______________________________

احسين منهو اليسوه غيرك حتى ادگ بابه او اجي
احسين منهو اليسوه دمعي حتى اسهر وابچي لي
احسين منهو اليسوه الطم والبس اسود واعتني
احسين منهو اليسوه اگله بروحي وابمالي اشتري

يامليك انفاسي . يلي رافع راسي . شايلك بحساسي
يا حسين
_______________________________

آنه غرگان واشوفك احسين بس انت الهوه
الدنيه ظلمه وبس خدمتك تترس اعيوني ضوه
المجالس بيها اصحه والعلل روحي دوه
احسين لا تحرمني منها ابجاه طفل الما روه

للعشگ دنيني . انعه اون خليني . كل وكت بچيني
يا حسين
_______________________________

يلي منطي الخيل صدره يالتلگاهه ابهلا
احسين معقوله تردني وروحي بيك امأمله
آني ما رايد وجاهه ولا نفاهه او منزله
آنه كل الردته ابقه منبرك خادم اله

اچفوفي الك ممدوده . ابعتبتك مشدوده . وادري ما مردوده
يا حسين
________________________


ابو فاطمة الطائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للشجاعة مصدر .. انه لبوة حيدر
""""""
انه بت الـبالحرايب مرة ما متراجع
انه بت اول خليفة الـگلتوا عنه رابع
والدي ان چان بيده باب خيبر قالع
انه اقلع عينه كلمن خدري راد ايباوع
زينب شتتصور .. انه لبوة حيدر
""""""""
هيبة العباس بيه محد الـيدنالي
من جبت اسم ابو فاضل كلهه شردت تالي
الجيش يمشي اموطي راسه وانه راسي عالي
خزرة وحدة تكفي مني ما اتعّب حالي
خزرة بس مو اكثر .. انه لبوة حيدر
""""""""
امشي مهيوبة واميرة وما تطيح الرايه
دام امشي مو وحيدة رووس اخوتي ويايه
حته لو ميتين هُمه اخّوتي وفّايه
رووسهم تحرسني جتي للخدر حمّايه
ما تهمني العسكر .. انه لبوة حيدر
"""""""""
انتو بالالاف بس العبرة مو بالكثره
خفتوا مني وارتعبتوا زينب انه الحره
حرمة وحدي ضد ظلمكم انه اقود الثوره
العبره مو بالكثرة يعني بالشجاعة العبره
اعليه محد يگدر .. انه لبوة حيدر
"""""""""
من دخلت الشام كلهه عني بس اتسائل
هاذي مو مشية سبية مشيته لابو فاضل
برجلي جيت الشام عندي حسبة ويه العاذل
الشام جايه حته اخذ ثاري من القاتل
لثار اخوتي اثأر .. انه لبوة حيدر
""""""""
من دخلت ايزيد قصره زلزلت اركانه
گتله ما تمحي ذكرنه الله رافع شانه
انه من تربات حيدر والنعم بربانه
كد بكيدك واسعه سعيك چفتك خسرانه
يا يزيد اتذكر .. انه لبوة حيدر
""""""""
هُمه كل ظنهم سبوني عقدة صارت بيهم
امس وحده ابو فاضل عالنهر سابيهم
مو سبية لكن امشي لليتامه احميهم
انه لاجل اعيالي جايه خيمة اصير اعليهم
بعزم اخويه اتصبر .. انه لبوة حيدر

انيس الخفاجي الكربلائي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

https://youtu.be/Mg_PYvbtCoU

توجد مكتوبه بالوصف اشترك بالقناة تشجيعا لنا اضغط لايك

جديد محرم الحرام هــــــ١٤٤٢ــــ
لسان حال زينب تشرح هضم واليها
علي السجاد عليه السلام

وحشه ظلت دارنه
بس عبينه ستارنه
والعليل ويانه
ظل يطفي بنارنه
٭ــــــــــــــــــــــــــــــــــ٭
نار شبـــــت بالخيم نار الشماته
وابد مـــا تبرد لحد ساعة مماته
احتار وبطف كربله يستر خواته
حسين گدامه نذبح شله بحياته
٭ــــــــــــــــــ※※※※ــــــــــــــــ٭
نحيل الله يـــعينه
يسيل دم من عينه
والعليل شحاله
والعده مـــگيدينه
٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭
مــن صعدنه اعله الهزل صعبه علينه
وسفه وبوليت شمر احــــنه شبدينه
بس علي السجاد ظل يبره الضعينه
ويلي حتى الجامعة تـــذبح بــدينه
٭ـــــــــــــــ※※※※※ـــــــــــــــ٭
مـن تصب اعيونه
دم يجرح اچفونه
يگتل بوناته
بسوطهم ياذونه
٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭
لا هلـــه بالـشـام أگـبـلنا عــــــلـه بـابه
مـن هــوان الــدنـيـا خـلـونه بـخــرابـه
حسين اسكت اطفاله لو أبجي لمصابه
يــا ألاهـي أحـفـظ علي واحـفظ شبابه
٭ـــــــــــــــ※※※※※ـــــــــــــــ٭
سفره حيل اطويله
شـــاب منهد حيله
والحزن منواله
مــــا يهود ليله
٭  ٭  ٭  ٭  ٭  ٭  ٭  ٭  ٭  ٭  ٭  ٭  ٭
دخــــل ثقل حسين للشام بـجراحه
والعليل اتــشوفه خـلصها نـــــياحه
صعبه طرت السوك عالخدر صراحه
ريت هـــــذا اليوم ما شفنه صباحه
٭ـــــــــــــــ※※※※※ـــــــــــــــ٭
مـــن يصد لعياله
بـولـيـــت الچتاله
للدعي گادونه
صعبه هاي الحاله
٭  ٭  ٭  ٭  ٭  ٭  ٭  ٭  ٭  ٭  ٭  ٭  ٭
طـر جموع الگوم كلها وصعد منبر
نســــب نـفسه للنبي ولجده حيدر
انا ابن مكه ومنى وهم منه جــعفر
انا ابــوي حـسين يالـــجسمه تـوذر
٭ـــــــــــــــ※※※※※ـــــــــــــــ٭
سحـــگته الخياله
وگطعتله اوصاله
ابد ما رحمونه
وهم سبوله عياله
٭  ٭  ٭  ٭  ٭  ٭  ٭  ٭  ٭  ٭  ٭  ٭  ٭
الخادم غازي الساعدي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

لمن ينزلون الراس.. اركــض وجيب اميه
كلهم عليّ يضحكون..لــو وشــلت ايــديه
ايرفعوه من اوصل اله..اتمنيت كون اقبله
عمه عمه
ــــــــــــــــــــــــــــــ
آنه رقيه باليسر گلت اصبر اتهون
ماحسبت ياعمّتي اعليه يضحكون
ايگلولي هذا والدچ بسمي ينادون
من آخذ الماي بعجل بس مايقبلون

الراس ابرمح يعــلوه..وآنه اضــل ابحيره
ياعمه كل هاي الناس.. لارحمه وبلا غيره
ايفرحون لو صوتي اعتله..اتمنيت كون اقبله
ــــــــــــــــــــــــــــــ
ما ايست بلچن گلت گمت امشي بهداي
وتحملت صوط والم مــن يضــرب اعداي
آنــه عزيــزة والــدي فجعتني دنــياي
كل هذا چانــت غايتي بس يشرب الماي

من شفّتّه ينزل دمه .. من العطش متفطره
ياعمه ماقبلو ليش.. ازسگي ولو فــد گطره
عطشان محد غسله .. اتمنيت كون اقبله
ــــــــــــــــــــــــــــــ
گامــو ينزلــون الرمــح ياعــمه زينب
ورگضله ملــهوفه لــچن يردوني اتعب
يابويــه اعــذرني صــحت گلبي تعذب
بعدك فلا يسوه العمر كل ساعه ننسب

يالجثتك فوگ الگاع.. خيل العده يسحگوها
وزينبكم ابهل ايتام.. متحــيره خــــلوها
والله اكبر معضله.. اتمنيت كون اقبله
ــــــــــــــــــــــــــــــ
من هومت عيني افرحت اي شفت الحسين
حاچيــته ليــش اتأخرت يبــن الميامــين
يا بــويه حــيل آنه اتعبت گلي رحت وين
ويــاك اروح اومــا ارد لــدگلي بعــدين

فزيت عمه امنالنوم..وعيوني ابد متشوفه
اي والدي چان اهنا.. ميعوفني ومـا عوفه
اسمع يناديلي هلا.. اتمنيت كــون اقبله
ــــــــــــــــــــــــــــــ
لوبيــدي امــوت ابكــربلا ولا بالخرابه
وحشه الگــبر يــاعمّــتي بلايه گــرابه
مــاادري ويــاي الدهــر عنــده طلابه
فجعــتني لوعــة كربلا حسين ومصابه

باچر تره امنتردون..وحدي اضــلن بالشام
لمن اموت اعله الراس..ياعمه ذكري الايام
والطاح في طف كربله.. اتمنيت كون اقبله
عمه عمه ........عمه عمه
ــــــــــــــــــــــــــــــ
الشاعر ابوياسر المياحي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

وداعا - وداعا - ياعلي السجاد
----
موت وانسة الالم وانسة حرك الخيم
حركت بروحك عمر نار المخيم
خل يشيلك نعَش شخلة بيك العطش
كافي تبجي لكربلة والدمعة من دم

مانمت يوجعك ليل هدعش تذكر مأسية
مانمت ماينام الينسبي والعمتة مسبية
---------
قصة الطف قهر شفت كطع النحر
كبال عينك سلبوا اختك تراجي
صعبة قصتك صدك بثوبك تشم حرك
من شبابك شيبت عمرك بواجي

والدك الة بعيونك بقت جم صورة مطبوعة
والدك نايم بحر الشمس ومكسرة ضلوعة
------
سكنة من الضرب من المتن دم تصب
الباوع اختة تنهضم يكثر عذابة
راسك ابوك بطشت يعني انتة متت
الموت اهون من جرح ذيج الخرابة

مااضن وي رقية ماتت لوموتك تاخر
مااضن والطشت من الدمة لون انكلب احمر
-------
كلبك ادري انكسر من رجعت بصفر
اربعين اهلك صعب كلة مواجع
شفت زينب هوت فوك اخوها وبجت
غسلت تراب الكبر من المدامع

حاجتة خوية حيل تغيرت ورسومي ذبلانة
حاجتة حلفت بدم النحر ليهسة عطشانة
---------
انت رزق الحزن صعب جان الدفن
حسين غسلتة بدمع لمن دفنتة
الراح لتضن يرد اغفة وسط اللحد
الموت ارحم للذي عاشر دمعتة

لو متت بالمدامع ياعلي نعشك يشيعونة
لو متت ماتضل فوك الثرة وجسمك يدفنونة
-------
الشاعر سيد معتز الحسيني



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

دمع عيني اسيله ..... اون ونه ثجيله
لبو الباقر ««»» لبو الباقر
،،،،،،،،،،،،،،،،،،،،،،،،،،،،،،
بينه تسعر نار ضلت لحضه ابد ماهادت
ويلي عالسجاد ويلي شيعت الحق نادت
بينه يامولاي والله حسرت الطف عادت
اليوم مرتنه الفجيعه والمــــواجع زادت

تهيج آلام روحي ... تضل تنزف جروحي
لبوالباقر «»«»«» لبو الباقر
،،،،،،،،،،،،،،،،،،،،،،،،،
آه عالخلص حيـــــاته بالألـــــم والفاجعه
وشاهد ابوادي المنايه اهل بيته امصرعه
آه عالضربو خـــــواته گوم أميه الطامعه
ولليسر راح اويه زينب وبرگبته الجامعه

عليه دمعاتي طاحن ... اضل كل عمري انوحن
لبو الباقر «»«» لبو الباقر
،،،،،،،،،،،،،،،،،،،،،،،،
عاش بعد الطف مئاسـي والمصايب أذته
ولي زاد اهموم گلبه افـــراگ زينب عمته
لوعت السجاد لوعه بيهه تعــرف شيعته
تهدم اجبال الرواسي مـن نسولف قصته

ألــــم خلص حياته ... لحـد سـاعة مماته
لبوالباقر «»«» لبو الباقر
،،،،،،،،،،،،،،،،،،،،،،
هذا زين العابدين المارضه ابذله وهضم
مانسينه آثار متنه والخــــــرابه والظلم
انعـزي حسين ابمصابه بالمجالس والطم
وصوتنه ايضل بسمه يعله وللأبد ماينكظم

قرت بسمه الحناجر ... تظل هـاي الشعائر
لبو الباقر «»«» لبو الباقر
،،،،،،،،،،،،،،،،،،،،،،،،،
اليوم ياشيعه انــــوح اودمعتي سجـابه
ونصب المئتم ابگلبي وبقه اون لمصابه
بيهه نتشرف خدمته وحنـــه كنه احبابه
يگضي الحاجات واللــه لو وگفنه ابــابه

اظل دوم ابخدمته ... وطوف ابقه ابحظرته
لبو الباقر «» لبو الباقر
،،،،،،،،،،،،،،،،،،،،،،،،،
الخادم
كامل السعيدي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك بالقناة👆

ديره ديره.. تحدي بضعون لمنايا ..
تبچي المن.. للرمح لو للسبايا ..
وانته وحدك يالعليل... المن يون الدليل
للرمح لو للسبايا
.......... ........
1
وحدك بين المنايا.. حگه دمعك من يهل
عالرمح شفت الهواشم.. والفواطم عالهزل
حاير وبالعين كلمه .. الهظم ما ينحمل
ودك اعله الرمح روحك .. ولا مكيديها ابحبل


والله حيره ..تسكت اتنخكك عبرتك ..
تبجي كلها .. تفرح بطيحت دمعتك ..

ذبحو الخل والخليل .. المن يون الدليل
للرمح لو للسبايا
...............
2
يل بيك ايعيل كلشي .. راحتك صارت ونينك
انت اول رحله للهم .. تكتب ومجتوفه ادينك
هنانه ذكره هنانه ضحكه .. وعالرمح شالو حنينك
بخيلهم مثل اهل بيتك .. انت هم امطشرينك

بس خيالك .. هذا يمشي وي المنيه
الروح يمهم .. ساحكتها الاعوجيه

الالم ترس الشليل .. المن يصير الدليل
للرمح لو للسبايا

.............................
3
وليت الغمان تكتل .. وانت وحدك من طحت
ليا رمح تندار عينك .. كلي اذا طكو بنت
كوه كوه اتشيل جدمك .. ولاجل عماتك صرت
عالناكه وحده وحده .. فوك ظهرت صعدت

عمه عمه .. تصعد وينزل دمعها
والجبيره .. بسيف كدامك دفعها
حكه دمعك من يسيل .. المن يصير الدليل
للرمح لو للسبايا
............................
4
كلش ابعيده المسافه .. وتدعو اكثر تبتعد
الصحاري اهواي احسن .. من حجي وادم تضد
لو كرب ضعنك اولايه . . ينمرد كلبك مرد
تدري ابعيون المدينه .. اعليك وكحه من تصد

وينه وينه .. تسمع الوادم حجيهم
عل السبايا .. من ضحك تسمع بجيهم

كلها بضعونك تعييل .. المن يصير الدليل
للرمح لو للسبايا

..........................
5
بين الولايات حاير .. ودمعة الحاير جمر
عالدفوف العين تنظر ..من تطب سوك العصر
الكال والكالو ثكيله .. عالاذن لمن تمر
ونظرت الشمات كلفه .. تريد دنيا من الصبر

بدمع عينك ..سالفه ودك تكلهم
اهلي ماتوا .. واني هم ميت مثلهم

عالجفن نارك تهيل .. المن ايون الدليل

للرمح لو للسبايا

................
الشاعر ايوب يوسف



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw