نزلة ليله الرابعه ..
ام البنين عليها السلام



من عجايب الدهر ...... العظيمه أم الگمر
____________________________

من تسولف عنها لازم
تسجد ابكل احترام
حرمه بس يا حرمه چانت
بالوصف چنها أمام
الخلّفت اربع اشاوس
حرّه واعليها السلام
الگمر عباس ابنها
وهذا يكفينه الكلام

مامثلها كل بشر ..... العظيمه أم الگمر
____________________________

والنعم منها الجليله
طاهره ومعدنها حر
حرمه مملوحة سوالف
والحچي من عدها دُر
هيه من اسرار الله
والله مايكشفله سر
النهر لو منه زعلت
مايه حيل ايصير مر

الزمن بيها انبهر ..... العظيمه أم الگمر
____________________________

قدمت لحسين بالطف
ابدور موش اربع ولد
صارو اويه حسين ضله
من يروح ومن يرد
وعلى خوّة ابو فاضل
احسين اصبح ينحسد
اترافگو بالطف سويه
عطر وامرافگ ورد

بيهم انشد الظهر ... العظيمه أم الگمر
____________________________

اهواي وصتهم باخيهم
والگلب ينبض ألم
احسين سيدكم ييمه
اشما أمر گولو نعم
اومن شواربكم ردتها
لا تشيل ام عون هم
دون خيمتها وخدرها
خل تسيل ابحور دم

ولا يغثها اي نهر ........ العظيمه أم الگمر

____________________________

وصت العباس چنها
علحروف اتحط نقط
اتگله أوصيك اعله زينب
زينب وزينب فقط
يمه خط احمر زعلها
والزعل ما بعده خط
الماي لو طلبته منك
للخيم جيبلها شط

يا كحل هذا النظر ... العظيمه أم الگمر
____________________________

اتگله لو بيدي ييمه
اوياكم اگصد كربله
ولا اعوف احسين ضامي
وروحه ويلي امعلعله
عن ابو اليمه اشاگف
من رماية حرمله
بلكن السهم المثلث
ايصيبني اوما يكتله

وما اضلن بالقهر .... العظيمه أم الگمر
____________________________


الشاعر ابو فاطمة الطائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

للقاسم ع


للحرب اني انتظر    عمي ينطيني الامر
ارد ادك ساعة صفر      عالاعادي

......................

على حر من الجمر اتنطر امره
يمته يسمحلي وذب عمري إعله عمره
اني ناوي اليوم عمي اشرحله صدره
ادخل الميدان كبله وبيدي اعصره

يشوف بعيونه الزلم    شلون مني تنهزم
عندي ماضل كل صبر   عالاعادي
........................

جاسم وهذا الاسم لايك عليه
راح احصلهه الشهاده بذني اديه
احله موته تصير بأرض الغاضريه
بين ادين حسين يامحله المنيه

المن ايضل البشر....من يحس عمه بخطر
لجله يرخص هل العمر....عالاعادي
.......................

بسم عباس الكمر ابدي قتالي
ومااهمن للدمه يغير جمالي
رايد ارتاح ومماتي لجل غالي
حته الاكي والدي والراس عالي

امي وصتني بعزم....بالوصيه ملتزم
ماارد اله بنصر......عالاعادي
.....................

ارد افرّح كلب عمي وامي تنظر
وهاي خيمات الفواطم فنه اليمر
راح اسوي الماعلى كل بال يخطر
مثل جدي حيدره الي بيهم ايكر

جدي قالع خيبره...منو اليكبل ياتره
اله ارده ومنشطر....عالاعادي
......................

عمري صح ازغير وكلي رجوله
اني من بيت الوحي مابيه لوله
خل يشوفون الحرب فنه واصوله
مويجي بسبعين الف يحسبهه صوله

هاشمي يعادل الف....بالحرب ماكو عرف
الجيش ارجعه ومنكسر.....عالاعادي
.......................

ادري يلفيني الاجل عندي وصيه
للذي سهرت عمر تنطر عليه
لاتضل عينج على دربي ربيه
والفرح يايمه مالايك اليه

يمه خل نفرح سوه....ويه شيال اللوه
ونتي كلتي امن الزغر...عالاعادي



الشاعر محمد هادي العقابي

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

[ الليله الثالثة ]

ها يزينب رد محرّم و انجمعنـه
ـــــــــــــــــــ
إجت وآنه .. متاني واحسب .. ليله ليله
إبنيّه عدكم .. بالمدينه .. شگد جليـله
عندي حاجه .. وراح أذبها .. اعله العليله

وهـاي ثالث ليـله بسـوالف دمعنه
ها يزينب رد محرّم و انجمعنـه
ـــــــــــــــــــ
ما تقصر .. أدري بيها .. بِتْ حبيبي
تقره عيني .. وكلشي تعرف .. من نحيبي
بس تعاين .. على جروحي .. تگلها طيبي

باب ربنه فاطمه وتدري بوضعنه
ها يزينب رد محرّم و انجمعنـه
ـــــــــــــــــــ
ويه اليحبكم .. دوم توگف .. خوش وگفه
گلب عدها .. ماي زمزم .. هيچ و أصفه
الخدم كلها .. بشده وإهيه .. عدها وصفه

ومثل فاطم هالزمـن كاسر ضلعنـه
ها يزينب رد محرّم و انجمعنـه
ـــــــــــــــــــ

الشاعر مهدي التقي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هذا مسلم لو كَمرها نشوفه
لسّه ترجف من زئيره الكوفه
ـــــــــــــــــــ
بكل عزم ... من برز ... مسلم اعله اعدانه
عالعده ... بصولته ... ضل يسرف اردانه
والخصم .. ضل يفر ...تراجعت فرسانه
مسلم ال ...ي برز ... لو كَمر عدنانه
الجيش كلّه ضل يعيش ابخوفه
لسّه ترجف من زئيره الكوفه
ـــــــــــــــــــ
ياهله .. بصولته ... والجيوش اتهابه
ترتجف .. لو ندب ... عمّه داحي ابوابه
والعده ... ما اضن ... حاسبين احسابه
بكوفته .. وفزعته ... نسمع احنه اجوابه
صولته بين الخلك معروفه
لسّه ترجف من زئيره الكوفه
ـــــــــــــ
غيرته ... وشيمته ... من علي كرارهه
تراجفت ... هالعده ... وحيل شبّت نارهه
بمرهفه ... والجمع ... لاذت بأكتارهه
من الاجل ... بالعجل.... تيّهت اخبارهه
تموت كلهه بس يشيل اجفوفه
لسّه ترجف من زئيره الكوفه
ـــــــــــــ
ياعلي ... يا ولي ... صاح صوت الوالي
للحسن ... للسبط ... والله ارخص الغالي
صورته ... محبّته ... ساكنه ابدلالي
لو متت ... هل وكت ...والله لا ما بالي
حسين عشكَي ورتّلتهه احروفه
لسّه ترجف من زئيره الكوفه
ــــــــــــــ
هوّست ... بالحرب ... انه وارث حيدر
كل شخص ... لو برز .... ليّه لا ما يكَدر
ابن ابوي ... بصولتي ... ما يضل كل منحر
والعده ... امدده ... بسيفي من تتوذّر
وذر كلهه اعله الارض مصفوفه
لسّه ترجف من زئيره الكوفه
ــــــــــــــــــ
الشاعر محمد حسن ضيغم



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

منين مااندار يوجعني سهم
والاشد ركظتهم الصوب الخيم
مابقالي حيلي يوگف مابقالي
عذري حالي خويه زينب هذا حالي
…… .
عالتراب اتلوه وبجسمي الرماح
ماكو موت من الله خاطر استراح
گوه افك عيوني غطتتها الدموم
طير راد يطير مكسور الجناح
مدري يوجعني الجرح مدري الصياح

انگلب عاليسره تاذيني اليمين
وحدي لاناصر بقالي ولامعين
وانتي بالي يالعزيزه وانتي بالي
عذري حالي خويه زينب هذا حالي
………
اخ يازينب وحگ شارب اخوچ
بيه نار الطف چبيره من اجوچ
لااشيل اجدامي من صحتي تعال
ولاوصل يم خيمتچ فزاع ابوچ
خويه تانيني اخافنهم ولوچ

ياجدم ارفعها ماتمشي عليچ
ياسهم منهن اطلعه واعتنيچ
چم تعالي صحت وينچ چم تعالي
عذري حالي خويه زينب هذا حالي
…… ..
شويه باقيلي ويجيبون الخيول
اعوجيه وعالصدر تردح تجول
منتضر يالحره وهواي السيوف
متاني ياصدري الحوافر من تصول
صيحي يايمه يزهراء البتول

عادت الموجوع يتنفس عذاب
تچوي يازينب حراره من التراب
ماابالي من اموتن ماابالي
عذري حالي خويه زينب هذا حالي
…… .
مالي حيل اموادعچ رايدله حيل
والنهار بعيني صاير ظلمه ليل
الواگف ابعينه الظعن ماهمه شوف
حتى لو يفتح دمع عينه سبيل
لاتگولين الشمر عدك دخيل

من اكولن اخ الچم بالجروح
يرفس المذبوح من روحه تروح
هيچي تالي وحدي ارفس هيچي تالي
عذري حالي خويه زينب هذا حالي
…… .
مدري ياجرح اليأذيني والوب
وعيني عالخيمه وتعاينلي الگلوب
من حرارة هاالشمس حسيت اذوب
شلون اضل اليوم والحد الغروب

بس ثلث تيام اضل الوحدي
محد يدخلني گبري ومرقدي
ابلا غوالي ابقه وحدي بلاغوالي
عذري حالي خويه زينب هذا حالي
…… .
علي الحاج الصبيحاوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فتحة عزاء الليلة الأولى ... هلاليه



أوّل ليله وامصابك ذكرناه
حسينا واحسينا واحسيناه
______________________

ياجفني هل ابعبرتك واتحسّر
هليله كلشي بالوجود اتغيّر
واملاك بين الاشعث اويه الاغبر
تنشر قميصه المنترس دم احمر

وتِعقِد مجلسك وتنادي ويلاه
حسينا واحسينا واحسيناه
______________________

إهلال شهر النايبه ردّ النه
فرفحنه مثل المنذبح فرفحنه
نستقبله ابفيض الدمع والونه
ابغير البواچي ليله ما نتهنه

ولجلك كل حزن بينه هويناه
حسينا واحسينا واحسيناه
______________________

اهلال شفته وبالدليل اشسوّه
خلاني ابنار الحزن اتچوًه
للمات ضامي امن العطش يتلوّه
من دم رگبته ياخلگ يتروّه

مايكفي البچي لحسيني والآه
حسينا واحسينا واحسيناه

______________________

عيّشني الماضي ابزماني الحاظر
امبچيني اليوم وأمس وي باچر
چم خاطر انت كسّرت چم خاطر
من داست اضلوع الحسين الحافر

خلن كل نبي بدموعه ينعاه
حسينا واحسينا واحسيناه
______________________

ياجفني خلها دمعتك مذروفه
وابچي المصيبة زينب الملهوفه
الشمر يرفس صدر اخوها اتشوفه
واتگله إذبحني تعال او عوفه

تتوسل تگله اذبحني وياه
حسينا واحسينا واحسيناه
______________________

اشمابيك ونه يا گلب ون الها
زينب غريبه من بعد كافلها
ماعدها والي والهظم چاتلها
وبالسوط شمر او حرمله ايگابلها

وصار ازرگ متنها وتنزف ادماه
حسينا واحسينا واحسيناه
______________________



محرم الحرام 1442

الشاعر ابو فاطمة الطائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

روحي انتخت والصبر ماكظاها
وسكينه تبجي من العطش اذاها
*************
بمتوني جودي وسيفي وي الرايه
ارخصني خويه حسين رايد هايه
وي النهر والجيش عدي احجايه
منهو الذي يمنعني اوصل مايه
الًيَوُمًِ الشريعه تنكر السماها
*************
بسم الحرب والسيف رتل سوره
مل الصبر ويريد ياخذ دوره
كتله عليهم راسي جاس احروره
يبرد اذا شاف الرگب منشوره
عدي قصيده اعله الشريعه اقراها
****************
اني انه العباس كافل زينب
هذه النهر طبيته بس مااشرب
علمته شنهي الكمر لمن يغضب
صح روحي من العطش نار وتلهب
من اذكر حسين المنيه انساها
****************
تبجي لأرض لمن يطك زلزالي
وي الحرب ماعدي روح اتبالي
دمي رخيص ايهون لجل الغالي
كل عمري بيده حسين تارس بالي
عاشك امامي وروحه اتفداه


*************
حامي الضعن والكافل يسموني
راعي الفضل والغيره بت اعيوني
موت احمر وداعت علي يلكوني
مو جربه حطيت النهر بمتوني
وجيوش اميه تكظني اتحداها
**************

موش الخيم شفت القيم عطشانه
ارويها جيت ابهل مواقف انه
درس الوفه والخوه ادك عنوانه
للخوه اذا واحد فكد ذرعانه
كلوله عباس الكمر وفاها


الشاعر وسام صباح الشويلي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

سالم من ترد


يبني سالم من ترد أزرع أرض الطف ورد

*
ياحسيــن بسفــــرتك لمن تروح
توگف بمحرابك تصلي الجروح
وآنــه أم الأربعـه الأبچي وأنوح
من تروح بغيبتك ماعندي روح

ولمن تعود أنسعد أزرع أرض الطف ورد

*
من سمعتك رايح الوادي الطفوف
كلفــت عبـاس وعــيونــك تشوف
وگتله لمن تــوگف أبيـن الصفوف
يابـــوفاضل حدك الگطع الچفوف

وأحسب أيام وأعد أزرع أرض الطف ورد

*
چـان يحچيلي علي عن كربله
ويـاخبــر منك يجــي وأستقبله
من تگطع جسمك وحوش الفله
بين خيــل ونــار تبگــه العايله

يبني ألك فدوه الولد أزرع أرض الطف ورد

*


من رحت ظليت بفراش الممات
ومــن تجينـي تجيب وياك الحياة
صعبه يبنـي وهـذا حال الأمهات
باچــر يحرموك من ماي الفرات

ويكثر عليك النشد أزرع أرض الطف ورد

*
رايح الطف كربله وبيك أسمعت
ولجلك بأربـــع شــباب تبـــرعت
صوبتني بروحتك يبني وضعت
وأنــه بهمـــوم المصاب تصدعت

وبسمك شريت المجد أزرع أرض الطف ورد

*
أنت روحي ومهجتي وكل الأمل
وأنه بيك تـــذكرت خيـــر العمل
ودعتنـــي وخيــــم عليـــه الوجل
يالمشيــت الكــربله وخذت الأهل

وأنت گطعه من الچبد أزرع أرض الطف ورد

***
تمت الشاعر علي الخفاجي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

( الى السيده رقيه ع )

والله حيره النار تركض وأنه اركض
والله حيره كلشي يحرك بيمن انكض
النار تتراكض وراي وسوطهم ماكل كفاي * والله حيره

١-
بالي مو يم السياط العله اچتافي
مات ابوي من السحك يا خيل كافي
اقبل امشي عله الجمر والجدم حافي
بشرط يبقه حسين فوك الكاع غافي

عوفو الحسين غافي ابوي اعله الترايب
عوفو الحسين والله ما عايز مصايب
الدنيا باكت كل ضواي *وسوطهم ماكل كفاي * والله حيره

٢-
من السحك عمه نطبك ضهره اعله صدره
كبال عيني الشمر حز بالسيف نحره
عالجثث امشي واردد زهره زهره
وأنه امشي السيف أخذ من جدمي وذره

وأنه امشي دخنت طارف عباتي
وأنه امشي وصلت النار الخواتي
النار وصلت حد عباي * وسوطهم ماكل كفاي * والله حيره

٣-
من وصلت حسين عمه يصيح اسمعه
سهم البكلبي وجعني شلون أطلعه
يحجي وياي الحنين وكاض ضلعه
كتله زينب كال كلبي ونزل دمعه

وره شويه بده يسولف عالسبايه
وره شويه كال باجر ماكو رأيه
كلي بابا اطيني ماي * وسوطهم ماكل كفاي * والله حيره

٤-
شدي حيلج كال باجر يا رقيه
راح اكلج كلمه ودري الكلمه اذيه
بويه اصعب موقف أنه يمر عليه
زينب ام الخدر من تطلع سبيه

مو جبيره سهل كل الصار بيه
بس جبيره بت علي تمشي سبيه
نامي بعيوني تعاي * وسوصهم مأكل كفاي * والله حيره

٥-
كتله بويه السوط آذاني وصلتك
حسين كوم وياي شوف شحال بتك
الخيمه محتركه وتريدك زينب احتك
شكد خبيثه الخيل سحكت فوك جثتك

والله صعبه وهشة افراكك جبيره
والله صعبه ** بابا لموك بحصيره
عالارض طايح لواي * وسوطهم ماكل كفاي * والله حيره


الخادم
حسين عبد الجليل المالكي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ريه اللي تشم عباس تطيب برفت اعلامه
واليشتم هوى عاشور ما يحتاج كمامه
.........................................................
حاير يا شهر عاشور بين اليزعل ويقبل
ينشد بالنفاهه احزام بوكت الضيج شو ينحل
مطرت واليخاف يلوذ يفوت بطبعه المبلل
يغربلها وتطيح هواي بمحرم كلها تتغربل
اخفاف ايطيح الغربيل اثكال التبقه خدامه
...........................................................
ما نلطم صدك يحسين وعاشورك يجي اعلينه
بينه ململمه الحسرات وتعرف بينه ما بينه
نظل انكابل الحيطان ياعبرة التبجينه
ويا دمعه التمر عل عين واحنه الباب سدينه
شهر اللي نعدله ايام كالو جاي بلثامه
......... .....................................
من جان اللطم ممنوع جنه نموت بقرايه
انطيح ولا تشوف العين بمحرم طاحت الرايه
وينك يالصحت يا ليت صارت من صدك هايه
يمنعنه الوباء شلون وعدنه حسين تجايه
بالله اتوكل وبحسين محرم كربت ايامه
...........................................................
باجر تحضر الزهراء وماكو عين الربيه
كلها مسدده البيبان وجنها القصه مكضيه
لاموكب يصيح حسين لا ناعي النعه ارقيه
عبدالله اليضل عطشان و محد سبل اميه
وين اللي تصيح حسين وين التطبر الهامه
...............................................................
مندوم اليعوف حسين وباجر مايضل يمه
ومهيوب اليضل وياه ايسجله بدفتر الخدمه
احذر نعمتك لتضيع وحسينك ابو الرحمه
نعمه ونازله اعله الكاع بالك تترك النعمه
امشي وذبها ويه حسين هاي الناس لوامه
............................................................

كالو بالمجالس موت واحنه الموت عاشكنه
يارخص النريده بهاي نمشي وندخل الجنه
عشاك ونذرنه ارواح وياك الموت نتمنه
آمنه ونصيح حسين ( يحسين بضمايرنه )
من يوم المهد لليوم احنه عليك لطامه
.........................................................
نسالكم الدعاء
علي صادق المجراوي
13|8|2020


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

{ محرم _ قصيدة زينب والخيل }

لا يا خيل لا تمشين
بصدر حسين لدوسين هذا اخوي

١-
لا تمشين يا خيل وتسحكينه
ما عايز جرح خاطر تجرحينه
تدوسين اعله زينب من تدوسينه
تره يا خيل والله البينه يكفينه

بجسم حسين شمسوين
لا يا خيل لا تمشين هذا اخوي

٢-
سبيات وغرايب هاي تاليها
نسوان العفاف الشمر يسبيها
بت حسين هم جرو تراجيها
الزغار تريدك الليله يواليها

غالي حسين ما تدرين
لا يا خيل لا تمشين هذا اخوي

٣-
طحن طحنو عضامه بخيلهم ويلي
من ذاك الوكت وانه انهدم حيلي
الطف شكد طويل وما خلص ليلي
الصخر بالطف يعالم والله يبچيلي

مامش ماي عطشانين
لا يا خيل لا تمشين هذا اخوي

٤-

اخوي الغالي كطعو خنصر ايده
الزغار تصيح وين حسينه نريده
يحسين العمر ماريده ماريده
شسوي بعمري خويه وعنك بعيده

اطفال حسين تعبانين
لا يا خيل لا تمشين هذا اخوي

٥-
السبي بغياب ابو فاضل يتعبنه
الشمر ترضه يخويه باجر يسبنه
نسوان ومشينه بهيمه وحدنه
المى يسوه بغيابك خويه سلبنه

بجسم حسين شمخلين
لا يا خيل لا تمشين هذا اخوي


الخادم
حسين عبد الجليل المالكي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

أستهلاليه
لهلال شهر محرم الحرام 1442
ومديح أنصار الأمام الحسين رضوان الله عليهم أجمعين
...................
يا سلالة عابس أو جون أو حبيب
نادو يا مظلوم يحسين الغريب
.................
يا أحفاد أنصار أبن عقد الوله
الليله هل أهلال عاشور البله
كل أرض خلوها تصفه كربله
أوخلو كل أيامكم لوعه أونحيب
..................
يا أحفاد أجداد من دكو صدر
سطرو أروع ملاحم للنصر
زرعو الحومه جثث من الفجر
العسكر السفياني راووه العجيب
..................
سبط أبو القاسم وبن خير العمل
أبكربله أم البله يوم النزل
أنصاره السبعين واحدهم جبل
حارب الحد ما وكع بالدم خضيب
.....................
بالرغم سبعين واحد بالعدد
من يندبون أبعلي حيدر مدد
بين ميت منجرح بين الشرد
بين ثكل النايبه أيترجم ثغيب
...................
أجدادكم للغيره عزه أو مفخره
اليوم أبو السجاد حزو منحره
أو ظل ثلث تيام جسمه أعله الثره
والدليل أبسهم المثلث شعيب
...................
الليله عاشور الحزن شكبن حزن
جثه مهشومه الصدر ما تندفن
أو على تل الزينبي صعدت تون
زينب أم الظيم ما قبل المغيب
...................
خالنشيع حسين لحضان القبر
والمدامع عالوجن تهمي جمر
أبصرخه شيعيه أبالطم يوجع صدر
وا خضيب الشيب والخد التريب
...................
واحسين الصوت خل يدوي دوي
أو يطرش أذن الناصبي والأموي
أوبالحزن خلو المشاعر تنجوي
أو خالنعلي النايحه أبهذا المصيب
....................
أبيا فناء أجسادهم حلت مقام
مع مرتبة الشرف بعد السلام
كعبه للعشاق وجوب ألها أحترام
سئلو الله أيصيبكم هذا النصيب
.....................
خادم أهل البيت
الشاعر : أسماعيل الجوراني
الثلاثاء : 28/7/2020



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

للسيده فاطمة العليله.ع.

دلوني أعدل محملي بيا ناكه
سهرانه والطرت الصبح مشتاكه
بالعيون..أقره شي ما ريده
تكولون..شلون تبقه إوحيده
دلوني
----------------------------؛
سهرانه من ليلة أمس فرحانه
أتنطر إطلوع الصبح والوانه
ودعت داري وكمت أشم بيبانه
وإسمعت جلمة ما تروح اويانه

لميت كلشي العندي حتى احلامي
وتخيلت يمشي الكمر كدامي
والضعون..تمشي يمي إبهيده
تكولون..شلون تبقه إوحيده
دلوني
------------------------
بجفوفي دمعه وسبحه ومصلايه
وكل ساعه أشد عكدة أمل بالرايه
ضليت أقنع روحي بس بحجايه
بهالناكه أركب لا أضن بهايه

نذر إنذرت لو يمهم إيكعدوني
كل السياط أحملهن اعله إمتوني
وعله النار..أمشي وسط البيده
تكولون .. إشلون تبقه إوحيده
دلوني
-------------------------
يحبابي وين أركب صحت دلوني
وشماحصل ماأشكي بس اخذوني
أقبل لونكم حافيه إتمشوني
دمعه ابحضن تابوت لتعوفوني

شتحمل ودمع السهر جتالي
متعوده بس يمكم يأمن بالي
يالأحباب .. كلمن وتعويده
تكولون ..شلون تبقه اوحيده
دلوني
----------------------------
يا بويه كتلك بالله عاين ليه
يمكن سمعتك كلت أعوف إبنيه
كلهه إصعدت عالناكه حته ارقيه
يمكن يبو السجاد أنه المعنيه

تقهرني ليش وانت اعزمن عيني
ينطيك كلبك وحدي إتخليني
والجواب ..السفره بويه إبعيده
تكولون..شلون تبقه إوحيده
دلوني
-------------------------
حلفتك إبشيبة علي وعباسك
تاخذني كبل الموت أشابك راسك
تاخذني أضمدك لون حافر داسك
ويابويه أحط أنفاسي فوك انفاسك

ما بيه حيل أركض والحك بيكم
راح أبقه آنه ودمعتي إنتانيكم
عله الباب..والزمن شيعيده
تكولون..شلون تبقه الوحيده
دلوني
-------------------------
لميت دمعي يا هلي لميته
أبجي اوراكم عالضعن طشيته
كلبي طلع من الألم حسيته
سلم عليكم ياهلي اورديته

عفتوني ميته ابلا دفن عفتوني
ولمن طحت صاح الكلب شيلوني
وتمنيت ..واحد ايمد أيده
تكولون..إشلون تبقه اوحيده
دلوني
----------------------
ش/علي الإبراهيمي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة بعنوان. شفاعة فاطمه ع...

الأيدة لجل حسين ماهي لاطمه
لا يگول هناك تشفع فاطمه
* * * * * * * * * * * * * * *
ألما لطم لحسين ودموعة جرن
لا يگول هناك أشوف أم الحسن
ماكو شي هاليوم ماتدفع ثمن
صير خادم يالتربد الغانمه
* * * * * * * * * * * * * * *
صار خادم للحسين أبن البتول
هناك يشفعلك علي فحل الفحول
بغير حب حسين كلشي ماتنول
هناك لطم الصدر يصبح اوسمه
* * * * * * * * * * * * * * *
هناك لطم الصدر يشفعلك تره
حيل الطم يالتربد الآخره
لا يفوتك مجلس أو ماتحضره
سجل اسمك كون بأول قائمه
* * * * * * * * * * * * * * *
سجل اسمك كون خادم للخدم
كبل صوت الناعي وتحس بالألم
وكبل كلمة ليتنا كلة نعم
حسين ماينسة وحك حامي الحمه
* * * * * * * * * * * * * * *
حسين ماينسة ودعائك يستجيب
ملك يوم الحشر صدگ ماتخيب
سجل إسمك يالموالي عد حبيب
هاي رحمة من الجليل أو مكرمه
* * * * * * * * * * * * * * *
هاي رحمة من الجليل أو للبشر
اليوالي حسين متمسة سقر
الف هنيالة الذي بمجلس حضر
مايحصلهة ألة ربك راحمه
* * * * * * * * * * * * * * *
مايحصلهة ألة طاهر مرضعة
المجالس هية قدرك ترفعة
العندة ورقة من علينة اموقعة
مايشوف بعينه نار الحاطمه
* * * * * * * * * * * * * * *
كلمات الشاعر والرادود عدي البصراوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

https://telegram.me/aabas78
قصائد لكل ايام محرم شارك الربط حتى يصل لكل خدام الحسين

شلون بيه وثگل وزن احسابي
وبمحرم وحدي قافل بابي
***
شلون بيه من تجي ذكرى الحسين
وانا متعود فلا تغمض لي عين
وانا ناذر عمري كل هاي السنين
وبمحرم انسى كل احبابي
*
شلون بيه واسمعت باچر طبگ
وانا گاعد وحدي چا غير احترگ
وانا والزنجيل ما يوم افترگ
واللقب خادم اعز القابي
****
شلون بيه وتبدي ايام الدمع
وبيها گلب الزهرة اشوفه منفجع
وناس گالت مرض منريد الجمع
يا ابو اليمة فقدت اعصابي
*****
شلون بيه و باچر يصير العزاء
من يطب حسين واهله لكربلاء
يا عذر انطيه وشيال اللواء
ما يرد النه طلب يصحابي
**
نگلّه عزت روحنه وعفنه اللطم
يعني بس لسان حبنه ينفهم
وبيت ابو الحسنين بعياله انهدم
وانا كاشخ عود سودة اثيابي
*****
شلون بيه وگرب وكت الفاجعة
وجمّع الاملاك جبريل ونعه
واحنا بس اخبار نقره الفاجعة
يم علي الكرار شنهي اجوابي
**********
الشاعر سعدالعبادي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يعباس فركتك كسرة ضهر
يعباس خيمتي خسرت كمر
------
تايه ودربك احسة اطول منْ الامي
امشي كوة من اجيتك ماتعين اجدامي
حاير وعثرني همي ياربيع احلامي
عاالنهر تبقة يخوية لو ترد لخيامي

يعباس كتلك وضهري انكسر
يعباس خيمتي خسرت كمر
------
عطرك اشتمة واتابع خطوتي الموسهلة
مدري اندلة طريقي مدري مااندلة
الخريف بوجهي بين والوداع اشخلة !!
جرحي يسالني شبقالي بس اريد اوصلة

يعباس عمري بوادعك كصر
يعباس خيمتي خسرت كمر
------
من وصلتك عذبتي ياحبيب سنيني
جروحك اتمنة بدليلي وماتفارك عيني
صدك ياعباس تمشي اووَحَدي تخليني
بيش اصبرها سكينة بلة شو حاجيني

يعباس دمعتي نزلت مطر
يعباس خيمتي خسرت كمر
------
احجي مشتاك لحجينة ياحبيبي مروتك
العزيز حسين اني رايد اسمع صوتك
خوية شو وجهك تغير كرب موعد موتك
لاتحير وحضني يصبح ياكمر تابوتك

يعباس حضني ادفة من النهر
يعباس خيمتي خسرت كمر
------
عالنهر تبقة يغالي جنت هيج اتوقع
صعبة ارجع للمخيم وعيني تنزف مدمع
زينب تناشدني وينة واني اكلها مكطع
جانت امنيتي يغالي روحي يمك تطلع

يعباس بين بوجهي الاثر
يعباس خيمتي خسرت كمر
------
بخيمتك اكعد يخوية ومختنك دلالي
دمع ادري تريد مني روحتك يالغالي
مات حيلي ومات صبري وذَبلت امالي
ردلي لو حتة ثواني وشوف بعدك حالي

يعباس من يضدملي النحر
يعباس خيمتي خسرت كمر
------

الشاعر سيد معتز االحسيني



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

للحرب صَدِّر قرارك...ياجسام
بني هاشم بانتظارك...ياجسام

عسكر ابن ازياده....مايهم اعداده
اليوم كلهه ابكيفك...هله يبن الساده
الراي رايك ينفرض مو راي اُمَيًّه
يكتب التاريخ عن هاي القضيه
ايگول جاسم من نزل بالغاضريه
كاتب اعله السيف (حَيَّ اعله المنيه)
إعلن اليوم انتصارك...ياجسام
بني هاشم بانتظارك...ياجسام

إعلن استعدادك...والنصر ميعادك
وانت سبحان الله...نسخه من اجدادك
يكفي ياشبل الحسن عباس عَمَّك
مو الجيش الدنيه كلهه ماتهمَّك
الله يستر غيرتك لمَّن تحشمك
أضن گاع الغاضريه ماتِلِمَّك
تلهب وماتطفه نارك....ياجسام
بني هاشم بانتظارك...ياجاسم

من تهد بالصارم...خل تصيح الوادم
أبو فاضل جانه...لو إجانه القاسم
خل يتيه الراي من تجبل عليهه
گمر هاشم هذا هد لو هد شبيهه
ترتعب فرسانهم لمَّن تجيهه
الحومه صول وجول ياجسام بيهه
الزلزله اقراهه وتَبَارَك...ياجسام
بني هاشم بانتظارك...ياجسام

ابعزمك وإيمانك...برهن العدوانك
(إنَّ وَعدَ اللهِ حَق) ينتصر قرآنك
وعد من الله ينصره الينصر الدين
يستقم هالدين بيكم ياضوه العين
كلهه تسكت يعله صوتك بالميادين
آل اُمَيَّه اتموت بس ايعيش الحسين
ضلمه والواضح نهارك...ياجسام
بني هاشم بانتظارك...ياجسام

ليلتك نحييهه...وامك انواسيهه
وسيرتك يالقاسم...هالنسولف بيهه
رغم جرحك والمصاب وذيچ الآلآم
تبقى خالد سيدي اشما مَرَّت اعوام
نفتخر وانصيح ابد ماننسه جسام
إلك ياشبل الحسن كل احنه خدام
صاحب الذكر المُبَارك....ياجسام
بني هاشم بانتظارك...ياجسام

سيد علي الموسوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

جم مره كَتلك من تهل تجرحني
لا موتي جاي ومنك امـــريحني
تراويني عثرات الهزل \\ يوميه بجروحي تهل
\\\\\\\\\\\\\\\\\\\\\\\\\\\\\\\
كلما اشوفنك تهل اطشر وشيلمني
تندل مكانات الاالم تتقصد وتلجمني
كل ذكرياتي امجتفه عالنوح لتعلمني
ازغر جرح جرحك تره غير الخدر شيهمني
بالعافيه عليك الشهر بالعافيه
يل ذكرتني شلون اركض حافيه
اعله امتوني زيدت الحمل \\ يوميه بجروحي تهل
\\\\\\\\\\\\\\\\\\\\\\\\\\\\\\\
بوجهك ملامح فاجعه تختلف عن ايامي
تذكــــــر الطولك وصل دخان من اخيامي
تذكر حسين اشحجه ورجفت وكتهه اجدامي
اتخوصرت من حيرتي من كلي زينب ظامي
بالكَوه احجي وكَلي شو تعبانه
بس لا يزينب انتي هم عطشانه
شيصير بيه امن انسال \\ يوميه بجروحي تهل
\\\\\\\\\\\\\\\\\\\\\\\\\\\\\\\
مترهي شفتك بالسمه ولاهمك البيه الصار
بليلة العاشر ماشفت بجفوفي طفيت النار
مستاحشه لجيت اخو ويدك علي باب الدار
بجيتك ولا نكَطت رحم شفتك صحت ياستار
متعلي اشوفك بالسمه تعذبني
وشلون اموت ابحسرتي تراقبني
طولك مثل ذاك الحبل \\ يوميه بجروحي تهل
\\\\\\\\\\\\\\\\\\\\\\\\\\\\\\\
مكَابلني يهلاال شبعد شتاخذ بعد ياغالي
يوميه الغروب اختنكَ هوست سبايه ابالي
يهلاال اطلبنك عتب موكافي ارحم حالي
عكَب الظوه وذاك الكَمر هسه انته باقي اكَبالي
زحمه كَمر من تكبر يسمونك
مومثل اخيي لوغبت ينسونك
عباس ماميت عدل \\ يوميه بجروحي تهل
\\\\\\\\\\\\\\\\\\\\\\\\\\\\\\\
هليت يهلاال الكدر تمنيت لا كَلولي
ليهسه ماعندك علم ام الرظيع تلولي
من الخرابه تظايكَت طاريهه لتجيبولي
هاليله حيل استهظمت وطاحت دمعتي بطولي
ماتدري انته ابعلتي وشبيه
ترظاهه انه ام الخدر مسبيه
حجايه ابد ماتنقبل \\ يوميه بجروحي تهل
\\\\\\\\\\\\\\\\\\\\\\\\\\\\\\\
تمنيت ماشوفك بعد من ايامك السوده اخلص
يوميه من عمري سنه مــــن جيتك ظل ينقص
جرح السبي بكَلبي كبر عالاقل عاد اترخص
حز الحبل بيدي انطبع عظم ايدي حسيته انكَص
تطلبني بيش وهيجت احزاني
العام اليجي كون كون بكَبر تلكَاني
لو ماتجي تسوي فضل \\ يوميه بجروحي تهل
\\\\\\\\\\\\\\\\\\\\\\\\\\\\\\\
تمت علاء الزيدي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزلة عزاء ليلة الإمام القاسم عليه السلام

ياجسام. يبني صول عليهم
ياجسام. كوم يبني افنيهم
****
ياعَرِيسْ الحومه. كوم واشهر سيفك
ذود عن احسينك. وإعمل بتكليفك
يبني هاي اعدائك اخذ منهم حيفك
عزمك من الكافل. خل تصد تخويفك
ياجسام. الموت شو راويهم
ياجسام كوم يبني افنيهم
****
ياخضار وكمره. صحره هاي الحومه
تلگط انت الفارس. يبني ضَيّع اعلومه
بچيّ هاي اعدائك الظهر شَوّفَهْ انجومه
الحسن عاد وجاهم من تصد ارسومه
ياجسام بس جثث خليهم
ياجسام. كوم يبني افنيهم
****
ياشجاعة حيدر منه وارث زوده
الشمر لو صدالك يبني خلص جنوده
الحومه اگلب بيهم خلها ساعه السوده
هذا حيدر هذا. من يصل لحدوده
ياجسام. والعده اتبچيهم
ياجسام. كوم يبني افنيهم
****
يبني لو گربولك. ابد لاتتوازه
بكيفك اذبح هذا. وخلي ذاك جنازه
ايي ذخرتك اني. والوكت بي عازه
عمك اشما يتعب. صير إله عکازه
ياجسام. انت الإتلاويهم
****
عمرك إشما يزغر ابد ميفهمونك
مادروا من حيدر. ماخذ انت فنونك
ماتغر الكثره. ازغيره بين عيونك
والدليل بهذا. فنهم إيلاونك
ياجسام. يبني لتهم بيهم
****
ياحياتي وروحي. يبني ياجسامي
مثل ام الكافل. باجر ارفع هامي
بالحشر اتفاخر. وانت هم كدامي
لاقي جدك طه. مثل عمك ضامي
ياجسام. لمن اتلاگيهم
****
تمت ولله الحمد/ المقصر مع الحسين
علي النائلي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747