خفكة الراية دليل ماتموت أم الكفيل
صيتها من كربلة لحد كربلة

من قريت اعلة الوفية راسي دنكتة بوقار
مادرة الهدم كبرها بكل كلب عدها مزار
من ابنها الشال راية صيت للرايات صار
فهمتني بكل بساطة التضحية يعني انتصار

علمتني اَنطي المزيد لخدمة حسين الشهيد
كالت اخدم تاخذ اعضم منزلة
_
العطش حاير سألها ياضمة يتحدة ماي ؟
محد مسويها قبلة والكمر سواها هاي
الوكفت ابشداتي كلها تلقبت ريتي وهواي
كبالي ام عباس تبقة مو مهم ياهو الوراي

ياهو اني ومن اكون وتنفرش لية العيون
غير منها صيتي بالخدمة اعتلة
_
كربلة مسجلتها حاضر واول اخذت بالعذاب
امتحنت بدرس البسالة وجاوبت ب اربع شباب
صافن التاريخ بيها يحجي عنها بجم كتاب
ابابها تانت ولدها واصبحت للحاجة باب

اقرة فاتحتي واصيح بداعة فراك الذبيح
وكبل لااسولف تحل المشكلة

اكدتلي الدمعة موقف والوفة اصل الحنين
كلمة الحك تبقة ثورة تهز عروش الضالمين
بسملة للغيرة صارت تضحيت ام البنين
بالشجاعة يمر اسمها وهم يمر وكت الونين

الفاركت اربع بدور اضلم تشوف الينور
والمفارك ياكلب يتحلمة
_
وية عاشوراء عاشت كلمة ماتعرف ضروف
شكد تمنت لو نعشها يزورو ارض الطفوف
نستحي نشوف وابنها بسهم مرمي ومايشوف
يوم رابع من محرم لازم نثوب جفوف

بالكلب شالت جروح الفركة خلتها تنوح
واحنة دمعتنة عليها هاملة
__
الشاعر سيد معتز الحسيني



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

{ملك الموت والنفس المطمئنة}



آنـــه الـمـلـك قـابـض ارواح اهـوايــه
آنـــه الـمـلـك يـاربـي تــدري بــهـايــه

يــم الـحـسـيـن اتـحـيـرت
مـا اكـدر وعــاجــز صــرت

                *---------------*---------------*

ربـي مـلـك الـمـوت أنـه وگـلـبـي مفجوع
هايـه اول مـره ابـچـي وتـجـري الـدمـوع
شـفـت ابـن بـضـعـة نـبـيـك بـين الجموع
لعبت الخيل اعله صدره وطحنت اضلوع

گـلبي انكسر مـا اگـدر اقـبـض روحـه
گـلبي انكسر شاهدت عيني جـروحـه

سـهـلـه الـقـضـيه اتصورت

                *---------------*---------------*

صـعـبـه عـنـدي وآنـه حـاير بين الامـريـن
بـيـن امـرك هـذا انـفـذه وبـيـن الحـسـيـن
اجروحه كثـره كـلـهـه تـنـزف گربت الفين
الهادي جدي ايصيح اسمعه وچبده نصين

صـايـر وصل صارت اعيوني بعـيـنـه
صـايـر وصل والـدمـعـه بيني وبيـنـه

صــديــتــه والـنـاظـر درت

                *---------------*---------------*

انه خـايـف خاف اجيسه وألچم اجروح
يـمـه واكـف حـايـر انــه وعفته مطروح
ربـي ربـي ادعـيـك انـتـه التقبض الروح
عذر عاجز يرجو مـنـك عـذره مـسـمـوح

هذا الـسـبـط والعـطـش غـيـر لــونــه
هـذا السـبـط وانـتـه تـــدري شـلـونـه

دمــعــي يــهــل واتـعـذرت

                *---------------*---------------*

الخيل طبعت بي اثرهه وصدره محفور
قـطـع صـايـر كـلـه جسمـه وباقي منثور
دم وريـده ايـفـوح عـطـره ويسطع النور
روحه ترفه وگلبي احسه لجله مـكـسـور

رغـم الـجـره عجّبـنـي وجـهـه ونـوره
رغـم الـجـره صـديـتـه باجمل صـوره

الـنـحـره اعتنيت وكـبّــرت

                *---------------*---------------*

حاله صعبه اگبالي اشوفه صـايـر اشـلاه
ونـحـره يـهـتـف هــذا حـالـي انـه جـداه
يا الـهـي حـسـيـن اريـدن ابـچـي وانعـاه
الـكـوثـر امه وهـوه بـاقـي ذابـلـه اشـفاه

فوگ العطش حرهه يچوي الـحـومـه
فوگ العطش مـسبي حتـه اهـدومـه

لـمـصـابـه حـيـل اتحسرت

                *---------------*---------------*

راح اسوي اجناحي خيمه واصنع افياي
وانته تـدري بحاله يارب ضـامـي للـمـاي
رخصه منك هسـه اطلب وانـتـه مـولاي
حسين لجلك انطه روحه وقـدم اهـواي

بصعب وضع عـيـنـي دامـي تـشوفـه
بصعب وضع حـاشـه انـتـه اتـعـوفــه

بـجـنـاحـي اضـلـل قــررت

                *---------------*---------------*

✍ بقلم خادم الحسين ع
الشاعر رعد الجريخي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

إنـشـد  الـعـيـن الـعـيـن............. ليش سهرانه
لـيـش  ما يهيد القلب... زينب تودع حسين...ليش سهرانه

زيـنب  بليلة  خطر... جاعده بستار........... ركن خيمتها
تـشـاهد العسكر كثر.. والفزع جرار......... بيها شحالتها
شـاهدت  شمس وگمر..... تبتهج بنوار........ شوفة إخوتها
والـسـعـد  عـالـصـيـوان... نـشـر جـنـحـانه
صـاحـت بـدمـع الـيـهـل... يـخـوتـي عيال النزل
نــاشـدوهـا بـهـالـحـيـن.. لـيـش سـهـرانـه

حـنت  ظلع النايبه...... ولزمت الدلال.......وندهت الوالي
حـسـيـن  يا رب الإبه.... شوفني بيا حال... والدمع هالي
لـيـش يـخـتـي مريبه..... ودمعج الهمال....بالثمن غالي
يـالـكـفـيـلـج مـامـون..... لـيـش ولـهـانـه
هــودي وكـونـي بـرغـد.. رابـض بـحـدچ أسـد
امــلــي  ولا تـريـبـيـن... لـيـش سـهـرانـه

والـمـرشح  باللوا.... البيه رفعت راس..... صد له بو اليمه
الـمـايـمـر بـيها الهوى.... بشمية العباس..... ليش مهتمه
رايـي عـالـموت إنطوى.. وهاج بيه الباس... وغاصت الهمه
والـكـفـل  لـلـمـكـفـول.... يـفـدي وجـدانه
صـاح لـحـسـيـن بـورع... صـاب گلب إختك فزع
نــاشــدوا  اهـل الـديـن... لـيـش سـهـرانـه

گعـدوا  عـدها وشگعدوا...وبالگلب جانون... جمر قعدتهم
وبـسـم  خـوتهم حچوا... وظهروا المكنون.. من مصيبتهم
ودعـوهـا  و ودعـوا.. وحـرم سيد الكون...عد عقيلتهم
وبـالـصـبـر يـخـتـي يـهـون.... امـر بـلـوانـه
لا يــمــس گلــبچ وهــم.. خـدرچ بـذمـة ..
وبــعـد  اخـوتچ حـيـيـن... لـيـش سـهـرانـه

صـاح  الـحـسـين بگلب... منصدع مفجوع.. يا عقيلتنا
يـخـتـي دمعچ لا يصب.. ولا يصيبچ روع... من مصيبتنه
إحـنـه  مـاشين بدرب.. والدرب مشروع.... من شهادتنه
حــزن  گلــبچ يـكـفـيچ.. يـاهـالـحـزنـانـه
وإنـت يـا بـت فـاطـمـه.. بـالـحـقـايـق عـالمه
وبــهــل بـيـتچ تـدريـن... لـيـش سـهـرانـه

صاحت بصوت الوجد..... من گلب خلصان.... وروح مبليه
حـسـيـن  نيتك للخلد .... وبضوه الإيمان.....إرشد النيه
بـاچر تـنـول الگصد ..... تنذبح عطشان .... وانه مسبيه
وعــيــن دلالــي تـشـوف ... فگد ولـيـانـه
وعـلـى الـدنـيـا تـحـولـت .... لـلخلد وتبصرت
وعـرفـت حـور الـعـيـن .. لـيـش سـهـرانـه

يـخوتي  لو أصبحت .. وجدم المقسوم .... وعمت اخطاره
والأطـفـال  تـيـتـمت .. والعيال تحوم .. ومالهن چاره
والـمراسيم إنتهت.... وضل بس مرسوم ..... واحفظ اسراره
والــتـزم والـمـعـبـود ..... عـيـنـه تـرعـانـه
ولگف لـعـيـالـك حـمـه .... وانـه بـهـاي اموزمه
بـعـد أهـلـنـه الـمـاشـيـن ...... لـيـش سهرانه


كاظم منظور الكربلائي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

احد خدام الحسين دزلي هذا المستهل يگول شفت بالمنام مولاتي زينب.. ع ..تردد بهاي الكلمات

لطمو لطمو بالعزاء .. ينرفع هذا البلاء
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اخـذو هـــذا المستهل مـني هديه
لا تبطلـــون العـــزه الحــد المنيه
حيـل دگـو صدوركـم لابن الزچيه
كـل وبـاء ايـروح مــن ارفــع اديه

آنه دوم اوياكم .. حـاشـه مـا انساكم
بالهم تعزونــي .. هيچ احب طرواكم
من ترفعـون النداء .. ينـرفع هذا البلاء
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
المابچه اعله حسين يكرمنه بسكوته
اشماله يحچي وآنه اكره حته صوته
حگـه مـا شاف بغـرب كـل اهله موته
مگطعيـن اگبالـه ولــده وحـته اخوته

الما يجي يواسيني .. ما اشوفه بعيني
بالشــدد ما حضره .. لا وحگ حسيني
وآنه بت خير النساء .. ينرفع هذا البلاء
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لحـد يگلـول السـنه ما عندي واهس
جائـحه و النـاس عافـوهـا المجالس
حسين ثوره ومدرسه تخرج عوابس
قيـم مأتـم حــته لــو بالبيـت جالس

خلهه تدمع عينك .. لا تبطـــل اونينك
ويـه اهـلك اقـره .. الطم اعله حسينك
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
احنه نعرف يـاهـو يلطم يـاهـو يقره
مـا نحـب منهـو بخدمته يريـد شهره
ويــن يصعـد تالـي هـم يطيـح گدره
حتـــه لــــو دور عليـــنه مـــا ندوره

و اليـريــــد ايــتاجـر .. الـه ينــدم باچر
ينسه صدر حسيني .. شسوه بيه الحافر
ادعو كل صبح ومساء .. ينرفع هذا البلاء
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كلهــه بـاچـــر تنســي و تمــر الِسنين
بـس ذكـركـم يـبقى يا خدام الحسين
الادلـه هـــواي عـــندي واذكـــر اثنين
الف رحمه الروح حمزه وشيخ ياسين

يعنـي كون الخادم .. بالمجــالـــس لازم
ما يعوف الخدمه .. الحــد ظهـور القائم
وگلبه يهوه الكربلاء .. ينـرفـع هــذا البلاء
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كــون كـل خـادم يصـير باحـله منضر
النــاس كلهــه تگـــول عنـــه مــا تغير
بالتـواضــع صــار اسمـــه چبــير قمبر
و اليصفـــي النـــيه وي حسيـــن يكبر

زيـــن وي اخـــوانه .. يحتــــرم جيرانه
خير كـــون يسـوي .. مــو فقــط بلسانه
واحنه ننطيه الجزاء .. ينرفــع هــذا البلاء
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الشاعر ابو ياسر المياحي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بندريه لحن يالابس ثياب العرس
…… .
يالرايح وشايل طفل مات الطفل
يوليدي مذبوح ابنبل مات الطفل
بعيوني شفت النحر مگطوع
بعيوني شمعه وشفتها اتموع
عبدالله يامذبوح.. عبد الله يامذبوح
……
دمك على صدرك نزل تلف خضار النور
تلمع مثل لمعت ضوه چنك شذر بلور
وشلون ارظعنك بعد وانته اصبحت منحور
بالجنه كمل رضعتك جيتك تتاني الحور

بمتوني شلتك يماي العين
بمتوني وگبالي چان حسين
يلي نويت اتروح.. عبد الله يامذبوح
يالرايح وشايل طفل مات الطفل
يوليدي مذبوح ابنبل مات الطفل
عبد الله يامذبوح.. عبد الله يامذبوح
… ..
يالغافي بحضان النعش رايح بدون اوداع
مابيه اعاين صورتك وحدك شبگة الگاع
ماتت دللولك بعد مني رحت شبساع
عبدالله شو در الصدر منك حليبك ضاع

بظنوني مهدك ينادي اعليك
بظنوني بيه اندفن طاريك
دمك صبح مسفوح.. عبدالله يامذبوح
يالرايح وشايل طفل مات الطفل
يوليدي مذبوح ابنبل مات الطفل
عبدالله يامذبوح.. عبدالله يامذبوح
…….
يمخضر بروحي عشگ مني سگيته العود
بعدك زغير اعله العطش طولك شبيه الجود
ورديه لون اشفايفك شنهي الگلبهن سود
يوليدي نايم بالشمس گلب المهد ممرود

بجنوني يوليدي من ناديت
بجنوني بيه عمل سويت
امك غريبه اتنوح.. عبد الله يامذبوح
يالرايح وشايل طفل مات الطفل
يوليدي مذبوح ابنبل مان الطفل
عبدالله يامذبوح.. عبدالله يامذبوح
…….
ناغيلي يبني ابضحكتك بيه عذاب هواي
عطشانه لشوفه تره مالي عطش للماي
يالتارس اعيون الحظن لمن اجيت وياي
عبدالله تسمع نشغتي صوتي وبواچي اعضاي

بظلوعي شبگه واثر نيشان
بظلوعي باقي الك عنوان
تارس دليلي اجروح.. عبدالله يامذبوح
يالرايح وشايل طفل مات الطفل
يوليدي مذبوح بنبل مات الطفل
عبدالله يامذبوح.. عبدالله يامذبوح
……..
هستوك ابحظني چنت مشدوده بيك العين
توه خذاك ابلهفته من بين ايدي احسين
چنه انتشاقه ابضحكتك ماادري تالي البين
جابك ابوك الخيمتي صار النحر نصين

بمصابي مرسومه صورة موت
بمصابي خنگه وذبحت الصوت
فوگ الترب مطروح.. عبدالله يامذبوح
يالرايح وشايل طفل مات الطفل
يوليدي مذبوح بنبل مات الطفل
عبدالله يامذبوح.. عبدالله يامذبوح
…..
علي الحاج الصبيحاوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

والله ماعندك عذر لأم البنين
كوم واسيهه إجه مصاب الحسين
..........
شتعتذر لأم البنين الطاهره
واسي بالطبرات سبع الكنطره
بالشدايد تلكه بيهه حاضره

لو تعنيت بصدق نيه ويقين
...........
خلهه تنزف هامتك من كل كتر
أدري كلبك صار جمره وتستعر
وأذكر مصاب الجره عله أم الخدر

ماجره مثله أبد بالعالمين
...........
خل دماك تسيل ويفيض الجفَن
بالعزه تواسيك هاي أم الحسن
تحضر تجازيك والله بكل محن

مانست واحد بجه مصاب الحسين
...........
كطره من دماك تضويلك سمه
واسي بيه حسين ابن حامي الحمه
باجر توافيك أمه لفاطمه

بشيلتك للقامه لوضرب اليدين
............
انطت الأولاد ماطلبت بدل
بس عليهه يعود ويرد الأمل
يرجع حسين ويرد خير العمل

والكلب مفجوع ويهزه الحنين
............
لخادم الحسين ع
مؤيد غازي الأسدي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزله : محرم 1442
لمديح شجاعة قمر العشيره أبا الفضل العباس عليه السلام
.....................
أذن آذان المنايا هذا ميدان الحرب
والعساجر من رعبها عدها خفكه بالكلب
وبو فاضل مبتسم
رازم الحومه رزم
والعساجر من رعبها عدها خفكه بالكلب
....................
1
راجله أو فرسان داخت يوم أبو فاضل نزل
جلجله ما ألها تالي بينهم صار الجدل
ضجه صفنه غبره كامت دورو ما ألها حل
صحت أرض الغاضريه والجثث متكومه تل

نادت الحره أو نعم
يا بو فاضل يا شهم
خويه لا عابت يمينك حيل أترسهم رعب
.....................
2
حمله شنها عاليمين أو حمله شن عالميسره
أو سيفه بجساد العساجر سوه بالطف مجزره
الما شطر نصين طوله الغاد راسه أيكتره
نشمي أبن نشمي الغضنفر الله بيهم قدره

ما رجع خطوة جدم
واثق أو كله عزم
سد عله الرايدله شرده كل نياسيم الدرب
......................
3
سيف بيده بيده جربه عنوه للشاطي أعتنه
الكتايب عالكتايب ظل يصفها أبرهدنه
يبن أختنه الشمر كله وبو فاضل لاسنه
ما يشرفني نسبكم  والله يا شمر الخنا

شمر يا عار الزلم
أعلم الشي المهم
حسين أميري ما أعوفه لو على الشط أنصلب
.....................
4
كزبرت شعرة جلدهم من دخل ماي النهر
أحنه جيش أو هوه واحد كيف واحد ونتصر
ساعة السوده الأجينه الكربله أين المفر
شيبت منه اللحايا أوبينه ما مر هالخطر

جيش وبهذا الحجم
خوش صيد أشكد دسم
شارب العباس رف أو سيفه يحصبهم حصب
........................
5
عاجل الأخبار شاعت عمر شمر أو حرمله
أجيوشنه أبكامل قواها صعبه تكدر توصله
والله لو ما حسين وصه خلي للطف منزله
( جا ) يكولون الخريطه بيها جانت كربله

بيه لحد يحتدم
طلبو هدنه للسلم
أمراية الخوه النظيفه أبكربله أصبح قطب
.......................
6
أبسابق أصرار الجريمه وبعلو شمس النهار
بالغدر جفه اليمين أو بالغدر جفه اليسار
بالبواشط كطعوهن والسهم بالجربه صار
والبساتين أبفعلهم لبسوها أهدوم عار

ظلت أزنوده تزم
دمها وتهيكل جسم
أو سكنه ما روت عطشها والدمع عالخد يصب
....................
خادم أهل البيت
الشاعر : أسماعيل الجوراني
السبت 15/8/2020


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده العليله عليها السلام
،،،،،،،

طال الغياب يبويه طال الاغياب
بلكي عطرك اشمه وي هوه الهاب
.....
يالرحت وبروحتك گلبي كسرته
الهوه بعدك تره تخنگني شمته
الابو شمحله گعته ويه بنته
راح ابوي وگلبي تحلاله حسرته

واليفارگ غالي طبعه يزيد الـ عتاب
طال الاغياب يبويه طال الاغياب
....
عمري شمعه وذايب بنار نتضارك
غبت عني والدهر ضيع اخبارك
بويه انتضرك بعدني اباب دارك
مثل الحميمه وكسر جنحي قرارك

ماخذتني بهالسفر بويه الگلب ذاب
طال الاغياب يبويه طال الاغياب
...
وينك وجلمة تعال اشگد گلتها
بكد نجم ليلي بغيابك رددتتها
بويه چلمة رايح بگلبي اتركتها
واني ماتت روحي صدگ من وكتها

ودفنتني بحسبتي لا مو بالتراب
طال الاغياب يبويه طال الاغياب

...
الدنيه ماترحم طبعها هوايه قاسي
منها ماشفنه فقط بس المأسي
كورت هم الوكت كله أعلى راسي
طفله وبحسباتي تتكسر انفاسي

جرحي من غيبت هلي يادنيه ماطاب
طال الاغياب يبويه طال الاغياب
....
ذكريات اهلي أمن اذاكر جمره تلهب
وين عباس الكمر جاوين زينب
طفله اني والطفل وي أهل يلعب
راحو اخواني وخواتي وراسي شيب

هذه حالي وحگه لومنه الطفل شاب
طال الاغياب يبويه طال الاغياب
...
علي محسن الفرطوسي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

افتح ييمه عيونك خل ربعك يزفونك دلالي بالفركة انمرد
اكعد شكل لصحابك وكفو ييمه ابابك والليله حنتك يالولد
..........................................................................
هايه ليله البيها احزن بيها انعه
عالشباب الماتهنو ابجي دمعه
ياحسرتي البيها تطفه احلى شمعه
ابني ميت ما تزفه الليله ربعه
مو هذا جان ابالي ...... تلبس جفن يالغالي .... مني الفرح ليش ابتعد
...........................................................................
الكتلة يمه اكعد ولاجن سمعها
ولا يشوف عيوني من يهمل دمعها
يبني امك تدري جم كسرة بضلعها
والصواني الليله ما تضوي بشمعها
كبل الشمع طفوني ... انه احترك شوفوني .... من خيمتي طاح العمد
...........................................................................
ابني ماي ومن تبده شلون الـّمه
وسفه حنته الليله صارت ويه دمه
لايشمني وهوه روحي ولا اشمه
ماكو رحمه ابهلحوافر وين اضمه
يالمبتعد عن عيني .... تظلم ييمه سنيني ... ياشمعة تضويلي بعد
.......................................................
انتظرتك يمه والليل ايتعده
واحسب الدمعه بغيابك وحده وحده
تدري ذبلن من عفتهن ورده ورده
يمه صوتك ما اسمعه وليش افكده
يادهري بسك كافي ....راح الحنان الدافي .... من ايدي يايمه انفكد
................................................................
ابني دمعه وطاحت بساعة مغيبي
وابني فرحة وانحرم منها بمشيبي
ياقسمتي بتالي عمري ويا نصيبي
ياهو بعده راح اكلله حبيبي
مايرجع العافاني .... ويه الحزن خلاني .... جمر الكلب لا ما برد
...............................................................

ما تنسيني الليالي وما نسيته
مني رايح وانه بدموعي اشتريته
ابني ضاع ورحت ادور مالكيته
وداعت الله من سبوني ودعيته
عالناكه هاي شموعي .... اطفيها يمه دموعي .... وفيت الك يمه العهد
.................................................................
نسالكم الدعاء
علي صادق المجراوي
16|8|2020


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ليلة مولاي عبدالله الرضيع (ع)

يمه جيتك حافيه وصحت نوم العافيه
عالرمــح نايـــم يتعب اسنيني
جرحـك ابــنص گلبي ويأذيني
يمه جيتك حافيه
.........................
عالرمــــح يمــــدلل أمـــك لـــيش غافي
هسه بــارد حضنــي يبنـــي جـــان دافي
الظوه ابعيني اخلاف عينك يمـــه طافي
نــام ياعمــــري عســــه نـــــوم العوافي

منذبـح گــدامي متـت لاكـــن ظامي
منظـــرك يجرحنـــي ويبجيني
جرحـك ابـنص گلـبي ويأذيني
يمه جيتك حافيه
.......................
اشلــون يوليــدي وحبيبي صــار نومك
آه ياحـــــر الـــشمس غييـــر ارسـومك
شفتــه دمــك يالولـــد تـارس اهدومك
كــون ميتـه اوما شفت عبـدالله يومك

نجرح حته احساسي يابعد كل ناسي
مثـل دم نـــحرك جرتلك عيني
جرحـك ابــنص گلبي ويأذيني
يمه جيتك حافيه

.......................
گلــي شنهــي الذنــب يايمــه الجنيتــه
حتـه جبدك مــن دمــه نحــرك رويتــه
مسرعـــه جيتـك لــجن راسـك لگيتــه
عالرمــــح يوليـــدي گلبــــي گطعيتــه

صحت يمه شلونك احجي فكلي اعيونك
وحدي اسولف يولدي امخليني
جرحك ابــنص گلبــي ويأذيني
يمه جيتك حافيه
.......................
يغـــار حتـــه الــطير يمـــه مـــن دلالك
الــگمر يخجــل ياحياتـــي مــن جمالك
هسه ظل حته الحجر يبجي اعله حالك
محجــر الـــعين انجـــرح گــدما بجالك

ظحكتك ذبحوها وجبدتي صابوها
مـثل جـمره حـسرتي تجويني
جرحـك ابـنص گلـبي ويأذيني
يمه جيتك حافيه
........................
بيــن أديـّـــه يالــولـد جــنت اشحلاتك
اغلــه مـــن هالدنيــه عبــداللــه غلاتك
حـــيل حطمنــي يبــــن گلـــبي مماتك
عليــك يــاروح امـــك اينوحن خواتك

نالنيابه ابجيلــه گالن او لوليلــه
حسّبـن مــــن تسمــع اتناغيني
جرحك ابـنص گلبـي ويأذيني
يمه جيتك حافيه
........................
يمــه حاجيني تــره طحت اعله طولي
عالرمـــح يبنـــي أنـــــه ظـليت الوللي
يمــه سمعوني العــده بسيــاط اجولي
صاحـو ابنــــج مايـــرد اشمــا تگـولي

گـامـوا يظربوني عنــك يبعـدوني
الگطع راسك هالأجـه يسبيني
جرحك ابنـص گلـبي ويأذيني
يمه جيتك حافيه
........................

محمد بشار الهليجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك بالقناة👆

لمولاتي البنين ع

على العتبة بونين .. دعت ام البنين
قرت امّن يجيب .. على صدر الحسين
""""""
بعتبة الباب الحنينة بحرگة تدعي وحسره
تندعي ابأمن يجيب حسين تحفظ نحره
اية المضطر قرتهه وتنفخ ابنص صدره
برداً اتگله وسلاماً لو طحت عالغبره
تصيح ام الحنان .. عله اوليدي الامان
يشب گلبي لهيب .. على صدر الحسين
""""""
محصّن بالله ورسوله يبني من اتسافر
حصّنت صدرك تگله من مصايب باچر
لو رحت من الحوافر باچر الله الساتر
اندعي يوليدي صدرك ما يدوسه الحافر
تودعه بس تگول .. اخاف امن الخيول
اذا حافر قريب .. على صدر الحسين
"""""""
اتقبله بنحره وتگله هنا محمد باسك
يعني لازم اني احفظ منحرك وانفاسك
بأية الچفين احصنك بالگمر عباسك
ولا رمح يوليدي اسمع براسه شايل راسك
يالمسير الرياح .. احفظه امن الرماح
تخاف اعله الحبيب .. على صدر الحسين
""""""""
ليش ساكت من گلتلك لا لتگطع بيه
جاوبِت نظرات عينك انت مالك جيه
وكلمة گتلي اهوايه بيهه واكدتهه اعليه
هالله هالله بالعليلة تگلي كل شويه
تودعه وبالوداع .. تحس نبرة ضياع
وجرحهه ما يطيب .. على صدر الحسين
"""""""""
يمه رايح ارد اودعچ هيه روحه وما رد
عندي موعد يالحنينة اويه الرمح متواعد
ينفصل عن جسمي راسي هيچي الله الرايد
وعالرمح ينشال راسي وكون اختي اتشاهد
بدمع زينب تصيح .. حبيبي يا ذبيح
الشمر صاعد عجيب .. على صدر الحسين
""""""""
لكربله الله خلقنه الـكاتبلنه انشوفه
ربنه شاء ايشوف زينب بالحبل مچتوفه
وشاء ينظرهه غريبه وتنسبي للكوفه
وشاء عالشاطي گمرهه ايگطعون چفوفه
واموت الباري شاء .. غريب بكربلاء
ورضيعي بخد تريب .. على صدر الحسين

انيس الخفاجي الكربلائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزله
عليميني اعــله العشگ
صدري ما يشفه امندگ
يارقيه……...…. يارقيه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بالعشگ اول خذيتـــــي وانتي بعدچ طفله
فوگ راس احسين ميته عندي لا مو سهله
الطم واصـــرخ اگـــله هـــل عمـــــر مايغله
عالمـــچ يمته اعيشه واصــحه مـــن الغفله

ياحسين امنصرخت
زحمه مثـلچ مامتت
يارقيه……...…. يارقيه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مدرســه للحــب اشوفــچ جـاي اريد اتعلم
يا عظيمه ادخيلــچ آنــــه خادمــــچ يتئلم
مـن جَـزع گلبــچ انطيني حين اجي للمئتم
وعله مصــاب الغاضــريه حيلي خل يتهدم

بالمجالس موتتي
هيه هـايه امنيّتي
يارقيه……...…. يارقيه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وفقيـني ابهــل خـدامه ابعبره الطم وانحب
واگضـي عمـري بالمجالس يــا حبيبة زينب
خلي دمعـي ايطـفي نـارچ يلــي نارچ تلهب
بجاهـــچ الحـــد المنـــيه مــا امــــل واتعب

وين ماروح وارد
افتخــر الكم عبد
يارقيه……...…. يارقيه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مـن اذكـرچ يارقـيه بصـدري تبـقى الخنـگه
ياهي شافت راس ابوها وماتت اول شهگه
شگد عزيز وغالي عنــدچ ما حملتي الفرگه
ويـن ادور غيـــرچ آنـــه والله لا مــــا الگه

واللـــه يل گلبــــچ تـرف
امنل خجل جيت اعترف
يارقيه……...…. يارقيه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والله مــو مالـــت خــرابه يلـي چنچ ورده
بحضن ابوچ النومه تحله بس الچ والگعده
منين اجتچ هل مصيبه وشفتي هاي الشده
ويلــي آخــر چلمه منـــچ ارد ابوسه بخده

بوسه بس بيهه العجب
جالـــچ ابطشت الذهب
يارقيه……...…. يارقيه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو ياسر المياحي…


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

شوط كربلائي ليلة الاكبر ع
بخبر عاجل نزل جبريل وكل وجه السمه أتغير
يـحسيـــن الإلـــه أيقــــول الليلـــــة ودّع الأكبر


1
هـذا آخـر لقـاء ويـاه ضمـه لصـدرك وشمـه
باجـر ينذبـح بالسيف ويسري عالتـرب دمـه
ودعه ولبسه بيدك طـاس بقلبـه تكثر الهمـة

مــن أتــودع أوليـدك
كلــه جــــدك أيريـدك
وديي للـحــرب بيـدك

أدري أبنــك يبــو السجـاد لكــن هـــذا المقـــدر


2
لعـد خيمـة علـي أتوجه يبو اليمه وأخذ عهده
حبيبك بالحرب باجر تشوف أعله الترب خـده
كبــالك يـذبــل أوليــدك مثــل ماتـذبــل الـوردة

الينصر بالحرب دينك
تشوفـه مقطـع بعينك
تحضنـه بذني جفينك

بحصيرة أتجمع أوصاله وحتى أضلوعه تتكسر


3
بطـل مـن ينـزل الأكبـر مثـل جده الفحـل باسم
الحرب بيــده يصفيهـا يطـر بسيفـه كـل الظالم
يـرد لخيمتــك فـرحـان جايـب رأس أبـن غانم

من يرجع إلك عطشان
بقلبـــه تلهــب النيران
يـــــرد أردود للـميدان

قلبه أعله العذب ملهـوف أويلـي وجبده يتفطر


4
من يرجع يشيل السيف على أمـه يصدن عيونه
يودعهـا وهي تودعـه وأهــل بيتـك يشوفونه
يـدري مـن يطـب للجيـش هــل مـرة يغدرونه

تحيطـه بكــل كتـر كفـار
ناس بسيــف نــاس بنـار
وناس يشامرونه أحجار

هــو بيــن هـذا وذاك ينــزف والجــرح يكبـــر


5
ودع أبنــك بهليــوم بـعــد كــل جيــه مامنــه
عطشانـة السيوف أعليه يطيـح ومايرحمنــه
يذبحونــه وتجيـه الخيــل حوافرهـن يكطعنــه

جسمه أعله التراب أوصال
رأســــــه يـحملــــه العَسال
بعــــد مــاتبقــى كــــل أمال

تشوفــه موسـد التربــان يابــو اليمه ومـوذر

6
يحسين النبي المختـار نعـه ورب السمه أيسمعه
شبيه الأكبر من أيروح حسين أيحضره ويجمعه
من أيروح أبو السجاد باجر منهو إلي يودعه

أهلــه كبالــه متكطعيــن
على زينب تهد صوبيـن
رقية تصيح وين حسين

ماتـدري رقيــة السيــف منـك كاطــع المنحــر


شطره
امجـــد صاحـــب الشطــــري



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزله للعباس ع في اليوم السابع 2020

يازينب ما يمسكم الضمه
يازينب وانه بن حامي الحمه
............

جابت الجربه واجت للگمر عنّايه
زينب وعدها طلب حاچته بحچايه
خويه اذانه العطش ياحليف الرايه
ها يسبع الگنطره انت اهل لهايه

هاك هاي الجربه ياوالينه
روح جيب الماي ورجع لينه
والله من كثر الضمه تأذّينه
شوف حالي وشوف حال سكينه

يازينب صار يابت فاطمه
يازينب وانه بن حامي الحمه
............

گلها يازينب نعم خادم تأمريني
الماي يم رجِلج يجي لحظه بس مهليني
اروي كل العايله كافل تعرفيني
سهله يختي ادلّلي فدوه الچ چفيني

راح اراويهم الموت بسيفي
ألّا اذل جيش آل اميه بحيفي
ادخل لصدر النهر وعيونچ
اترس الجربه وذبها بكيفي

يازينب راح اخوض الملحمه
يازينب وانه بن حامي الحمه
............

والنعم يابالفضل صاحت المحشومه
منك تخاف الزلم لو نزلت الحومه
من علي حامي الحمه صولتك معلومه
گدها ياحامي الظعن والوعد حل يومه

من سمع اخته الشهم شد حيله
رفت الرايه وصعد الاكحيله
هد عليهم والنهر مگصوده
واليصدّه ويعترض ياويله

يازينب سَبّحتهم بالدمه
يازينب وانه بن حامي الحمه
............

عسكر يزيد انخبص شردت الخياله
الروس طارت بالهوى والجثث تتواله
الخيل سحگت عالزلم والارض مَيّاله
هذا عباس النزل صوته بس يتعاله

عالنهر بس الجثث خلّاها
ورايته عالمشرعه علّاها
نزل للماي وملاها الجربه
واعد اخته وبالفعل سوّاها

يازينب ما تهمني الموزمه
يازينب وانه بن حامي الحمه
............

للخيم لمن رجع رادو يمنعونه
ابوفاضل ونتقم والزعل بعيونه
شتعتقد لمن غضب گدرو يلاگونه
سوّه بيهم ملحمه رايته عله متونه

گطّع رگاب الزلم صمصامه
وصلت اكوام الجثث للهامه
طلع منهم منتصر متباهي
غصباً عليهم وصل لخيامه

يازينب الماي هذا وسلّمَه
يازينب وانه بن حامي الحمه

الشاعر سيد زيد الفحام
__________________________
الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

شفتك بالطيف. شايل جودك بين افوفك
فزيت ابليل. شفت الحداي اوماشوفك

منتضره الفزعة خوه
ياليل الحادي اشسوه
شفتك بالطيف
------------------------
غفيت ابليلة الوحشه اوطيفك مَر على اجفوني
لگيتك واگف اگبالي اوبيدك تمسح امتوني
اسألتني منهو طگ متنج مسحت ارماد بعيوني
گتلك من مشيت انته إلتخافك خويه آذوني

بس صوت الخوف. ولي ايخافك يزمخ بينه
الجلمت كفال. ياخويه اهواي اشتاگينه

يالبسمك جنت اتگوه
ياليل الحادي اشسوى
شفتك بالطيف
-----------------------------------------------------
رد حيل الصبه عباس خويه ابحلمي من شفتك
وبگد العطش بالطف هيجي روحي عاطشتك
ردتك ابهجوم الخيل بس ابلحضه ماردتك
تضهمك لو تشوف اشلون الحاقد من صطر اختك

ماريد الماي. بس كونك ترجع يالهيبه
رتك موجود. ثار العلويات اتجيبه

محتاره ابهاي النسوه
ياليل الحادي اشسوه
شفتك بالطيف
----------------
سولفنه ابهضم عباس اجوز امن العتب وتعب
وگل العيني كفي النوح نضر شبعي امن المرتب
اسألتني عن زراگ الجف شهنو التعبج زينب
گتلك من طحت ع الماي بيه صار الي ايعجب

من طاح الواك. خيل اوگوم الفزعه اعليه
وشگد ناديت. عباس إلحك للعلويه

ماجالك صوت النخوه
ياليل الحادي اشسوه
شفتك بالطيف
--------------------------------
طوارش من گلب محروك الك صوب النهر وديت
العجيبه استغربت منهه اصيحك ونته مارديت
انه ادري ع النهر مطروح اوفگدتك ياعمود البيت
لجن متعوده انه انخاك لذالك كافلي ناديت

اشگد اتمنيت. من ناديتك تفزع ليه
بعدك عباس. اختك سموهه المسبيه

ناديت اومامش رجوه
ياليل الحادي اشسوه
شفتك بالطيف
---------------------------------------------------------
اشد وصعب امر مرني اوجرح گلبي وترسني اهموم
اجيتك للنهر انخاك ابعمد راسك شفت مكسوم
ندهتك يلا رد اختك بحزن روحي وگلب مالوم
وگتلك يلا كض الواك وحمي اختك ولتهه الگوم

مامنك صوت. رديت ابأمري محتاره
يابو الكلفات. انهض سوي لختك جاره

وبنار احزاني اتجوه
ياليل الحادي اشسوه
شفتك بالطيف
-----------------------------------------------------
تمنيته حلمنه ايطول وسولفلك قصص بالصار
وگلك من ركضت اشلون اومن لهبت عباتي ابنار
التخاف اعليهه.من ضلهه صارت مگصد الانضار
مامحسوبه بالحسبان الوكت هيجي علينه اندار

ياماي العين. للتتركني صعبه الغربه
لشام انروح. حرمه اوحدي يصعب دربه

صارت دمعاتي السلوه
ياليل الحادي اشسوه
شفتك بالطيف
-----------------------------------------------------
علي سليم الحسناوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

سيف مسلم نادة وينك يعباس
حي الله عم السادة وينك يعباس

---------
حانت الساعة الاخيرة والكلافة اتريدك
والشدايد ادري بيها يابو فاضل عيدك
كربلة امن الكوفة تبدي ولاتضحي بايدك
تنكطع عاشر محرم بس يحير عضيدك

الجرح انت ضمادة وينك يعباس
الحرب تهوة السادة وينك يعباس
---------
صاح سيفي يابو فاضل فزعتك معروفة
يلة شيل الراية بيدك واعتني للكوفة
جن علي طب للحرايب طبتك موصوفة
اقوة فارس لو يشوفك ينذبح من خوفة

خلها تبجي القادة وينك يعباس
الحرب تهوة السادة وينك يعباس

--------
لو دنة وكت الكلافة صولتك ابديها
الكوفة من يشتد حربنة ترجف نخليها
ازعل ولو تزعل ادري دنيتك تمحيها
سيفك يغازل ركبهم والحرب ننهيها

الجيش نمحي اعدادة وينك يعباس
الحرب تهوة السادة وينك يعباس

---------
احنة تربات ابو الحملة كلهم يعرفونة
الحرب تعشكنة وزلمها فنهم يلاكونة
اكو واحد زلم يكتل لو خزر بعيونة
يلة ياعباس افزع فزعتك مضمونة

الوفة عندك عادة وينك يعباس
الحرب تهوة السادة وينك يعباس

---------
سيفي وحدة يابو فاضل والحرب بجاها
وكون هد وياي سيفك جان دم سواها
يبن عمي العندة مثلك حقة من يتباها
غيرتك لمن اركز حيدرية الكاها

سيفي خط امجادة وينك يعباس
الحرب تهوة السادة وينك يعباس
---------

الشاعر سيد معتز الحسيني


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يازينب.......... الحومه گاصد ليهه
يازينب........ وانــــزل ابشاطيهه
ـــــــــــــــــــــــــــــــــ
انه حماي الظعينه ومــن علي افنوني
اليمنه اگلبهااعليسره وكلهم يعرفوني
جود بيدي وسيف يلمع فنهم يردوني
راح صيحن صوت بيهخلهم يلاگوني
للخيام........... الا ردن بيهـــــه
للخيام........... جربتي امليهه
ــــــــــــــــــــــــ
گاصد بجودي الشريعه الا اترس جودي
من علي ماخذ عزيمه والنعم من عودي
ماتهمني الگوم الكلهه لـو تگطع ازنودي
بلاياماي شلون اردن انه راسي عنودي
الاطفال.........حالف الا ارويهــــه
الاطفال.........من الفرات اسگيهه
ـــــــــــــــــــــــــ
خلايصطف جيش اميه ماتهمني صفوفه
الا اوصل للفرات والا اهين اجرووفه
ماتهمني سهام خصمي ولاتهمني سيوفه
الا طشرهه الكتايب وخل ترد للكوفه
يذكرون.......الگنطره وماضيهه
يذكرون........مـن وگفت اعليهه
ــــــــــــــــــــــــــــ
رايتي اعلچتافي رفت والحرب نوماسي
انه صنديد الحـــرايب ما اطخن راسي
العداتعرفني ابن بوي وكلهاتعرف باسي
راضع بثدي الامامه ومن علي انفاسي
للحسين.......روحي الا افديهه
للحسين.......والله مٱابخل بيهه
ـــــــــــــــــــــــــــــ
انه لحسيني فــدائي وزينب ولخيامي
الماي حالف ماشربه وطفل بالطف ضامي
عمري يرخص للغريبه وفدوه كل ايامي
بالطفوف يصيرحجي وبشريعه احرامي
بالطفوف.........هامتــــــي ادميهه
بالطفوف........والچفوف اهديهه
ــــــــــــــــــــــــــ
بقلم خادمكم ابوباقرالصالحي
القصيده علطور. محرم ياهلا بشهر الدمع ملا باسم



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

{ عتذار السيده زينب الى الامام العباس ع }


حكك عليه وأسِفه •• عباس يا نبع الوفه

١-
يابو الفضل ما قصرت
زينب وچيتك أعتذر

يخسه وعلي كلمن كتب
عن بت علي بيد الشمر

صح انه مسبيه بغرب
بس انه ابقى ام الخدر

بحدودي لو حطت جدم
اكطعها ما تعبر شبر

ياهو اليكول مچتفه •• عباس يا نبع الوفه
_____________________
٢-
يالوكفتك وكفت جبل
تخاف الزلم من وكفتك

چفك نزعته اعله النهر
بس ما نزعت امروتك

كل ما يمر موقف صعب
تعرك خجل من كصتك

بذاك الوكت حتى السمه
نزلت عليك وباستك

اسمك حبيبي اتنفسه •• عباس يا نبع الوفه
____________________
٣-
تاريخك انته الوحدك
يالنايم بعينك سهم

بس انته زلمه بكربله
والباقي يمك مو زلم

فاتح مضيف بنص حرب
وما بينت طاح العلم

عباس بالطف موقفك
اكبر يخويه من الخيم

تارس مضيفك عاطفه •• عباس يا نبع الوفه
______________________
٤-
مطيني چف وچم ضلع
كل هايه وانته اتعذرت

بعينك سهم شفته غفه
وتصرخ يزينب قصرت

شفت السمه مطرت وفه
وطاح الوفه لمن طحت

عباس يا اول شخص
للخوه موقف سجلت

خليني لجروحك شفه •• عباس يا نبع الوفه
_______________________
٥-
اصبر وضحي اتعلمت
منك يراعي المرجله

بصيتك افوت اعله الزلم
فوتت اميره معدله

كلبك حنين اعله البشر
من هاي كلبك ما خله

ما يدري ذباحك ذبح
أيه وفرع بالبسمله

كل الحچيته وما كفه •• عباس يا نبع الوفه
________________

حسين عبد الجليل المالكي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

تبدي باجر قصة أحزاني الأليمــــــــه
بشمس يوم العاشر ابقى بلايه خيمه

للنهر اركض واطيح
آه يا عباس اصيح
يا هضيمه

................

آه يا باجر صعـــــــب .. حرمه والوادم غرب
والله حيــــره
ماكوا خيمه ولا فياي .. واسمع الصايح وراي
يا اسيـــــــره
بحيره كاتلني القهـــر .. ما رضوا صوب النهر
واجهي اديره

تسألوا بيناتهم بس بشماتـــــه
وين ذاك الجان متكفل خواته

بعدك شلون استريح
آه يا عباس اصيح
يا هضيمه

................

الجود طاح ورايتك .. يالجبتني بغيرتــــــــــك
حامي خدري
دنيتي وعذالي هم .. بعيني اشوف الحومه دم
دمعي يجري
من فگتك يا گمـــر .. مثل الحسين انكســــــــر
خويه ظهري

طيحتك يابو الفضل كسرت گفاي
كون اعرف ما ترد ما ردنه مــــاي

گلبي مكسور وجريح
آه يا عباس اصيح
يا هضيمه

................

خاف اگول وتنهضم .. طولي شافته الزلم
وانا آية
شگد تمنيتك عدل .. انه مو مالت هـــزل
لو سبايه
بكربله السبعين ألف .. غربة ما بيهم عرف
بالنهاية

اخيامي حرگوها ونويت أعلى السبي
خويه ضلت بس على الله وعل عبي

شما يهب من يمي ريح
آه يا عباس اصيح
يا هضيمه

................

بدنيتي شلون استراح .. رحت مني وكلشي راح
من إديه
يابو فاضـــل يالحنين .. بعد مثلك الگه ويــــــن
رد عليه
گلبي ضل يحن عليك .. خويه ما خلوني اجيك
تدري بيه

عيني بعدك ما غفت ليل الطويل
تعب اجدامي السبي وما بيه حيل

دمعي لفراگك يسيح
آه يا عباس اصيح
يا هضيمه
................

گلبي من همومي شاب .. حار يا خويه التراب
بالخرابه
خلوا بچفيني گيد .. شلون اطب مجلس يزيد
بت نجابه
بعيني يالكافل شفت .. رأس الحسين بطشت
يا عذابه

رأس الحسين بطشت شفته وبچيت
من الهضم عباس يا خويه نحنيت

أنضر بنحر الذبيح
آه يا عباس اصيح
يا هضيمه

................

✍ الشاعر حسين الفيصلي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747