دعاآء يوم الثاني من رَمضَان المبارك

اَللّهم قَربني فيه الى مرضاتِكَ ، وَجنبني
فيهِ من سخَطِك ونقِماتِك َ، ووفقني فيهِ
لقِراءَة آياتِك بِرحمتك يا اَرحم الرّاحِمينَ.
من يقرأ يضغط 👍
عباس التميمي

دعاء اليوم ﺍلثالث من شهر رمضان المبارك

🔘اَللّـهُمَّ ارْزُقْني فيهِ الذِّهْنَ وَالتَّنْبيهَ، وَباعِدْني فيهِ مِنَ السَّفاهَةِ وَالَّتمْويهِ، وَاجْعَلْ لي نَصيباً مِنْ كُلِّ خَيْرٍ تُنْزِلُهُ فيهِ، بِجُودِكَ يا أَجْوَدَ الأجْوَدينَ .

🔘روي عن النبي محمد (صلّى الله عليه وآله وسلّم) : من قرأ هذا الدعاء في اليوم الثالث يُبنى له بيت في الجنّة .

عباس التميمي
من يكمل قراءة الدعاء يظغط

صوره العداله اتوضح الدلاله
يا خديجه انتي نبي وعندج رساله
****************
انتي اديتي الرساله وربنه يشهد
انتي لو حيدر زمانج لو محمد
محد ايعوض مكانج والله محد
انتي عالاسلام فضلج صعبه ينعد

وكفتج قضيه وكفه حيدريه
يا وفيه وماكو ابد مثلج وفيه
*****************
صرخة الحك هزت اعروش السلاطين
وكرم الله وجهج اتصيح القرائين
انتي مولاتي الهبل لا ما تركعين
انتي غير الله قسمتي ما تعبدين

حطميتي الاصنام وزلزليتي الظلام
وانتي وي هجرت محمد عشتي الالام
************
جانت الناس بثروتج تضرب امثال
وهسه افقر وحده صرتي وضعف الحال
مكتمل دين الله ابد حته النبي كال
بسيف ابو الحمله اكتمل وبهاي الاموال

كل قريش اتكلج انتي ماكو مثلج
عالمه وصار الوحي مولاتي ضلج
*******************
الما قراها سيرتج مو مشكلتنه
انتي صرتي عالمتنه ومرجعتنه
خدمتج يم الاكارم كبرتنه
ويا خديجه اشكد مقامات ارفعتنه

بكل فخر هتفنه خدمتج شرفنه
انتي عنوان المجد والحك عرفنه
****************
انتي بنتج فاطمه ام الكرامات
برحمج وجانت ترتل احله ايات
من اسولف عنج اتحير العبارت
انتي لو عفتي النبي اطيح السماوات

والنبي ينضرج وعالصبر يشكرج
يا خديجه بحيرته اينوح اعله كبرج
****************
احنه ربنه اعله النعم لازم نشكره
يا خديجه بمجلسج هليله نضره
تحزمينه بغيرتج والرايه خضره
وندري بالموعود هالمجلس يحضره

المهدي ندري حاضر وعالجرح يكابر
اوياج رايح نلتقي بالجنه باجر
********************
تمت
تحسين الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

موشح
زينب الليله يتيمه ياعلي
زينب الليله وحيده بلاولي
*******
يابو زينب عايف لزينب جرح
عليها غابش هالجرح من الصبح
بطبرتك زينب يبوها تنذبح
هموم زينب ياعلي ماتنجلي
*********
انت خيمتها وجبيره وكعتك
زينب الليله يحيدر نادتك
حيل اذتها بجرحها طبرتك
مساهره وحزنانه بالهم تبتلي
********
عادت احزان الزجيه من رحت
طاح گلب الحره حيدر من طحت
بذن زينب صوت والله قد فزت
صوت من سابع سمائه يعتلي
********
شلون تصبر مااضن ايفيد الصبر
الماذي زينب ياعلي فرض الفجر
جان ليل وشافت نجوم الظهر
بالگلب زينب جرحها الجاهلي
********
واضطرب حال الفلك كلشي اختلف
ياعلي الليله احس ظلمه النجف
والمصاب البسمه حين انكشف
حته جبرائيل دمعاته إتهلي
********
اخ من ضيم الدهر يااباالحسن
عيوني من كثر المدامع جن عمن
عالمصايب من زغرهن فتحن
الليله بغيابك خرابه منزلي
********
تمت ولله الحمد/ المقصر مع الحسين
علي النائلي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

638-استشهاد أمير المؤمنين ع..
=========================
عالمسجد اندار الفلَك..لن تستمع صوت المَلَك
و اهتزت اركان السمه
بحر العلم يكَطر دمه
**************************
عالمسجد اندار الفلك..شايل تعابير و كلام
صرخة ونين و نايبة..و افطر مدامع بالصيام
و اهتزت اركان السمه..من سافر الليله الأمام
ليل المسافات اقترب..يرسم عبايات و خيام
زينب تعنّت بالدمع
مكسورة افّاد و ضلع
تشبه مصيبة فاطمة....1
************************
زينب تعاتب بالدمع..مدمعهه يتهامل سنين
من عدهه مكسور الكَلب..مخنوكَة من ثكَل الونين
تنظر على ادموع الحسن..و اتعاين الام الحُسين
متغيّرة الوان الولي..لاحت علامات اليقين
موتك يحيدر من نزل
دلّالي كم حسرة احتِمَل
روحي الحزينة و هايِمة...2
*************************
موتك نزل يا حيدرة..و امسافر بليل الجراح
محرابك الموحش يون..يقرالك بدمعة افتتاح
و اصيامك الما مكتِمِل..وا علياً صوته صاح
طبرة الغزيرة بهامِتك..ترويلي عن غربة و رماح
من شفتك امغيّر توِن
يا عيد اشاهد بالحزن
ليلة وداعك مظلمة...3
*************************
غربة غيابك بالنِفَس..شهكَة و معاناة و شجون
تاخذني يمّ المقبرة..و اتسافر بوادي السكون
تتلاكَه عيني اويه الشمع..شمعاتك اتدور عيون
بردت مشاعر خاطري..عن كَلبك الدافي الحَنون
و امعاتبي بفكَدك برَد
يرسملي تابوت و مهد
شاطي و نهايات و ضِمَه...4
*************************
دمعاتي من صارن نهر..يحفرلي بالمدمع فرات
و ايتامك ابابك لفت..تشرحلي عن حال البنات
من تهجم اخيول العده..تاخذني من باقي الحياة
عالشاطي مطروح الكَمر..شام و مفازات و قناة
من يوصل الصدره السهم
ياخذني من روحي الألم
نادينه يا حامي الحِمه...5
=========================
سيد حيدر العوادي
بابل الشوملي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

دعاء اليوم الخامس من رمضان :

اَللّـهُمَّ اجْعَلْني فيهِ مِنْ الْمُسْتَغْفِرينَ، وَاجْعَلْني فيهِ مِنْ عِبادِكَ الصّالِحينَ اْلقانِتينَ، وَاجْعَلني فيهِ مِنْ اَوْلِيائِكَ الْمُقَرَّبينَ، بِرَأْفَتِكَ يا اَرْحَمَ الرّاحِمينَ .
اقراء وضغط 👍
#عباس_التميمي

دعاء اليوم السادس من شهر رمضان

🔘بسم الله الرَّحمن الرَّحيم

🔘 اَللّهُمَّ لاتَخْذُلْني فيهِ لِتَعَرُّضِ مَعْصِيَتِكَ، وَلاتَضْرِبْني بِسِياطِ نَقِمَتِكَ،وَزَحْزِحْني فيهِ مِنْ مُوجِباتِ سَخَطِكَ، بِمَنِّكَ وَأَياديكَ يا مُنْتَهى رَغْبَةِ الرَّاغِبينَ .

🔘روي عن النبي محمد (صلّى الله عليه وآله وسلّم) :

🔘من قرأ فيه هذا الدعاء يعطيه الله أربعين الف مدينة .
#عباس_التميمي

من يكمل قراءة الدعاء يظغط 👍

راح الدلال وياك... بويه يبويه
ميته ولا فركاك... بويه يبويه
ابنيتك وحنيت الك بويه اسمع
فكلي الكبر خليني اشمك ورجع

.....

سير علي يمحومر عيوني
يالما يكلي غيرك شلوني
تعبانه بويه من الوكت ومشتاكه الك حيل
لكبرك منو يوديني وغفه بحظنك اليل
مخنوكه والدمعات فوك خدودي اسيل
يابويه لو ترجع الي لو يمك نشيل

روحي بغيابك بويد ابد ماتقنع
فكلي الكبر خليني اشمك ورجع
......

مو وكتك تروح وتخلينه
ياشمعة البيت وليالينه
راحت المه الحلوه بويه وياك ويامنه
صارت سراب وبالبجي اتبدت احلامنه
بكل زوايه البيت اشوفك بويه كدامنه
معقوله ابو كلب الحنين يهولنه اوداعنه

مخنوكه روحي وعبرتي ماتطلع
فكلي الكبر خليني اشمك ورجع

........

يلم الاهل رمضان بهلاله
وانه فكدت العايشه بجاله
من اصفن واسمع المسجد صوت اذانه
اذكرك يا بويه جنت البارحه ويانه
يا دين جدي الصطفى وايات قرانه
جرحك المتوسط الكلب شيطيب امجانه


غيرك منو يمسح عيوني التدمع
فكلي الكبر خليني اشمك ورجع
......


مايسوه بويه العيد من دونك
العيد جان بشوفت عيونك
رحت ولفه ايامي الحزن والحصره ولوعه
هيه اليتيم أم و ابو شينشف ادموعه
بصدره بيت من الهموم يسكفه بضلوعه
وايده عله خده من الهظم يلكاهه مطبوعه

طبع اليتيم اجفوفه ع خد تطبع
فكلي الكبر خليني اشمك ورجع



الشاعر مصطفى الحسني



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يابو طالب يابعد روحي وهَلي
يتمتني ويتمت اِبنك عَلي

وياك لو رايد اسولف حيرة بيمن ابتدي
فتحت عيني يعمي وجنت اشوفك والدي
ثوب اسود كل حياتي اعليك لازم ارتدي
علي وحدة صعبه يبقة وصعبة اَضل بوحدي

والمكان الخالي بيمن ينملي
يتمتني ويتمت اِبنك عَلي

بشيبتك وجهي اشوفة والضوة يلقبك ضوة
زحمه انت تموت زحمه واني اشتم الهوة
يابو طالب جان حلمي بالكبر نغفة سوة
جرح فكد الغالي تدري ماالة باالطب دوة

حزن كلبي ابد لتضن ينجلي
يتمتني ويتمت اِبنك عَلي

شلون اَصبر علي حِيرة وكلبي محتاج الصبر
والله ياعمي رحيلك كسر مامثلة كسر
جنت توكف يسر لية من يمر بية عسر
ياالشلت همي وعذابي وسفة شلتك للكبر

ياحياتي وياحبيبي وكافلي
يتمتني ويتمت اِبنك عَلي

انحنة ضهر الرسالة ودين ربنة منفجع
هي مو كل فركة فركة وفركتك تسوة الدمع
ريح هجرك هاجمتني بيوم شافتني شمع
حيدرة شفتة برحيلك محني من عندة الضلع

واجب لفكدك ونيني يعتلي
يتمتني ويتمت اِبنك عَلي

يتمتني الدنية لكن روحي ماشافت يتم
دللتني من الطفولة الف شكراً ياشهم
عنك امن احجي مواقف اكتفي بلفض الاسم
انت عنوان الرجولة واسمك يرجف الزلم

شلون اقنع روحي ماترجع الي
يتمتني ويتمت اِبنك عَلي

يوم فكدك يوم اسود صعب واصعب من صعب
وانت تدري من يشوفك يبقة مرتاح الكلب
يادرع ابنك محمد لمن يطب الحرب
العندة مثلك بالمعارك ابد لا ماينغلب

ليش تمشي وينكسر كلب الولي
يتمتني ويتمت اِبنك عَلي

عام فكدك عام حزني خلة دلالي يون
ياالعفتني خلاف عينك ابد ماعوف الحزن
شلون لو باجر دليلي لشوفتك يبقة يحن
ليش اسهرة وية همي وابد مااطبك جفن

واليفارك كلبة بالهم يبتلي
يتمتني ويتمت اِبنك عَلي

سيد معتز سلام الحسيني


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بين مولاي الحسين وابيه علي ابن ابي طالب عليهما السلام


بعدني اشتاگ الك سكته
يل ماتدري بالعفته
مكسور وخذاني الشوگ
يم گبرك حجي اتركته

رد ارسايل اعيوني
مو فضحني اجفوني
سير يمي لو بس طيف
الشماته ومايعذروني

نده يحجايت الينراد نص الگيض
دوه ياشوفت المفگود وين يهيض

وانه بكلهن متانيك
مشتاگ لحجي طاريك
يلي البيه ماضن بيك

بلكهن هسه متلعثم
فاگد شوگ وفاگد ام
وفاگد ابوه لجرحي يلم

علي بويه ... علي
.............................................................

شرايت حچي الوادم
وجرحي وحزني متوالم
يمهباب العذب ينراد
حيل الفرگتك لازم

يحس الميت بربعه
شلون اليمه من ظلعه
من ذاك صباح الله
لحد اخر حجي الشمعه

ادريبك تحس بيه دگوم وياي
لخاطر زينب الشيلتها نكعت ماي

لخاطر گلبي وربه
الفاكد ينقري گلبه
يتيه بالمشي دربه

وحگ امي وحجي العصره
صفت عين التحب حمره
وباجر ينسحگ صدره

علي بويه ... علي

...................................

عيني وگلبي يبچن دم
وكاعد يمك املثم
افراك الماعلي تعيوب
اشواية الله لو عل سم

يندهوني واصيحن رد
وفز والگه الصور تنعد
حرورت روحي من فرگاه
الجمر وبنص هوه ابرد

باجر وحدي والشمات تتمرجل
وعله زينب حجي الطابوگ يتمحجل

يصيرن كلهن ابفركاك
وكلنه ننولي بلياك
شنهي الضله اخذني وياك

موزر والطم من الشوگ
وكل اليوم اليمر مخنوگ
ناطور الدمع مبيوگ

علي بويه ... علي
........................................

باوع حالي الگاظي
جنك علجفه راضي
يملح الله شفهات الكون
سوالفنه اصبحت ماضي

مو من طبعك اجافي
الگبر مايمنع اتوافي
يالمعلمني ملگه الشوگ
اجيتك راكض و حافي

فز لاگيني واشهك شبگت مغربين
صدگ تحجيها مالك رده يم حسين

صدگ تاليها صارت هاي
اتيه بالمشه وياي
اغص گمت بلذيذ الماي

اجيت اتجه علعباس
گعدنه وراس طخ براس
افا وابساط الله انداس

علي بويه ..... علي
................................................

ضلي من الحزن ينشاف
هلگد ماصرت شفاف
ورگه وهلخذاني الريح
المثلي شتعتقد ينعاف

عفتني وكل فرض حاصل
وشيبي الجفني هلواصل
الدمع بلل لهات الماي
من نگط حچي العاذل

ذبلن بالبجي الجانن دفوا موردات
قابل ناسي والوادم تصرخ مات

تذبح هاي الحجايه
للفاگدله تجايه
يهضمت شكلي بمرايه

تغيرت وبهت لوني
اخوتي ومايعرفوني
الفاكد يسموني

علي بويه .... علي

.................................................

الاقل شرفاً
الشاعر كرار اللامي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

علي بس بالصلاة ايداوي اجروحه
لان ساجد كدرت بسيفك اتلوحه.؟؟؟

*************************
حيدر بالحرب كلمن اليدناله
مشهوده بفقاره تطيح خياله
بالمحراب اجيته بسيف تغتاله
بالهامه طبرت الدين وصروحه

*************************
شيمتها الرجال اتلاكي بالميدان
مو بالظلمه تسطي وتقتل الشجعان
اشكد زارع رعب بالمشرك الايمان
علي العلك اركاب الشرك مرجوحه

**************************
ترى الايمان كله بهامه صوبته
حبيب الله يظالم ليش ماعفته
علي الإيمان كله والكفر أنته
علي حتى العرش لجله انسمع نوحه
**************************

علي بكل المعارك تشهد اخصومه
على ظهره الدرع مالبس من يومه
تشهدله الحرب عدوانه مهزومه
من يدخل حرب بيه تفتخر سوحه
**************************

ماتوصل علي بالحرب واتلاكيه
قتال العرب ماواحد ايلاويه
علي بأرض النزال الدنيا لاذت بيه
من سيفه الزلم بالحرب مطروحه
*************************



محمد دعبل النوري





الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

كل عام والعيد بجرح لاجمني
لا امي يمي ولاعلي الماخذني
اني زينب يادهر. عمري بس قهر بقهر
اني زينب. اني زينب
*******
يادهر زينب انا الحره الغريبه
اني طفله وشيبت من المصيبه
حضن ابوي الراح من عندي شيجيبه
يعيش مخنوك الدفن بيده حبيبه
@@@
يادهر شلك عليه ماخذالحيد
اخ يافكد الابو لجماته بالعيد.
الحيل من عندي انكسر. عمري بس قهر بقهر
********
شد رحاله ونوه ابويه للمكابر
والحزن نوه عليه بكسر خاطر
كسري من روحت ابويه ماهو جابر
اشيجبر اجروح اليتيمه والمشاعر
@@@
عافني بجرحي واناطر مايردلي
حيل اذاني برحيله وحيلي هدلي
ليش عازم عالسفر. عمري بس قهر بقهر
********
خالي محرابه ابويه شلون خالي
والدمع تارس مجانه وإشبقالي
راح ابويه بروحته شيبلي حالي
راح اكضيها مناحه هاليالي
@@@
اصفك براحات اديه وعميه العيون
الجوه التراب المشوا ماضن يردون
كبري وياه انحفر. عمري بس قهر بقهر
انه زينب. انه زينب
********
راح اليوزع حنان اعله اليتامه
ذكرياته سبحته ودم العمامه
لو ابويه مسافر ادعيله بسلامه
بالكبر ناوي يطول في منامه
@@@
نار الافراك اتحرگ گلبي بغيابه
كمت اصيحن ياابويه ويامصابه
گلبي وي راسه انطبر عمري آلام وقهر
انه زينب. انه زينب
*******
ودعاني واخذ كل عمري وحياتي
وروحي ظلت تسحل بهم نايباتي
عند ابويه ياخلگ انه شغلاتي
كون اموت وي الابو ادعي بصلاتي
@@@
همي ياكبره برحيلك يالعفتني
براسك آلامك بگلبي ألمتني
ياحكم هذا القدر. عمري آلام وقهر
انه زينب. انه زينب
********
تمت ولله الحمد/ المقصر مع الحسين
الشاعر علي النائلي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

دعاء اليوم التاسع من شهر رمضان

اَللّهُمَّ اجْعَل لي فيهِ نَصيباً مِن رَحمَتِكَ الواسِعَةِ ، وَ اهْدِني فيهِ لِبَراهينِكَ السّاطِعَةِ ، وَ خُذْ بِناصِيَتي إلى مَرْضاتِكَ الجامِعَةِ بِمَحَبَّتِكَ يا اَمَلَ المُشتاقينَ .
#عباس_التميمي

من يقراء يظغط 👍

في ذكرى وفاة السيدة خديجة (ع)

نور بيتك غاب يا طه الأمين
من كِضَت هاليوم (أمِّ المؤمنين)

و اللي يدفن بالتراب اَحبابه
اينام او يصحه ابدَمْعِته السجّابه

& & & & &

يا محمد دَمْعِتك عـ الوجنه طاحت
لَن خديجه ابحسره هذا اليوم راحت
فوكـ راسك غيمةِ الأحزان لاحت
و الزجيه ابـ حِركه وينِج يُمَّه صاحت

اليوم يا بو الزهره وَدّعْت الحَنان
او بالتراب انته ادْفَنِت سِرِّ الأمان

و اللي ما تِرجَع عليْه غِيّابه
اينام او يصحه ابدَمْعِته السجّابه

& & & & &

ذِبْلَت ابـ بُستان عُمرك أغله ورده
او عالوِطيه ماي أحلامك تِبَدَّه
إبوجود الحُرَّه جانت ماكو شِدَّه
و الكلب .. مو مال .. لك جانت تِمِدَّه

الـ كلبك الطاهر خديجه اَغله حبيب
او من جُروحك تِدِّي جانت لك طبيب

هسه كلبك من عَظيم اِصْوابه
اينام او يصحه ابدَمْعِته السجّابه

& & & & &

البيت من دون الغوالي ايصير ظَلْمه
و الـ يِفاركـ له عزيز الهم يِضُمَّه
باكـ منِّ اشفاك دهرك أحله بَسمه
او خله كلبك يِطفَح ابـ رُوجات هَضْمه

تاكل ابـ روحك يطه الذكريات
من بعد غيبةْ أيادي الحانيات

او كلمن الدنيه اِحْرِكت له اَطنابه
اينام او يصحه ابدَمْعِته السجّابه

& & & & &

هذي أم الزهره تستاهل وِنينك
من ترد تعبان تمسح لك جِبينك
يا محمد هيه روحك هيه عينك
او من قبل مَتْطِيْح هِيْ جانت تِعِينك

جانت الملجأ إذا ضاكـ الدِّليل
هسه من غابت .. حياتك كلها ليل

و اللي فَكْد الغالي مو بِحْسابه
اينام او يصحه ابدَمْعِته السجّابه

& & & & &

إحنه ندري او إنته تدري يا محمد
و الضَمير اللي يدكِّـ ابـ غِيره يشهد
لولا سيف الوالي دينك ما تِعَبَّد
او لولا مال الحُرَّه دينك ما تِشَيَّد

بِذْلَت الـ عيناك كِل غالي او نَفِيس
و اللي ما يِهْوَاها خَسران او تَعِيس

لاجن الـ بسِّ الحِزِن دَكـ بابه
اينام او يصحه ابدَمْعِته السجّابه

& & & & &

يا محمد يا رسول الله او نبيه
هَم خديجه سيدي صارت ضَحِيه
أبو طالب ذنبه جاب الحيدريه
او هيه كل المُشكله بـ الفاطميه

يا رسول الله يِهَمِّشْها العَذول
لنها أم الزهره فاطمْةِ البتول

بس غداً هذا العَذول اِحْسابه
اينام او يصحه ابدَمْعِته السجّابه

& & & & &

خادم خديجة (ع) : إبراهيم الدريس



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لسان حال السيده زينب ع

انه اخت الاه. والويلاه. والدمعه
محتاره ابين. جسم حسين. والبضعه
اركض للباب مختنگه. اركض لحسين محترگه
********
الموقف بعيني يعيد. بين امي والشهيد
انه محتاره بقيت
امي طاحت بالمصاب. والحسين اعله التراب
المن اركض ما دريت

اخاف اركض عله الزهره ويحركوني
واخاف اركض عله احسين ويضربوني

انه ابلا حيل. بين الخيل. والزهره
اسمع بدموع. صوت اضلوع. متكسره
مابين الخيل والطبگه. اركض لحسين محترگه
*********
انظر اعله امي واصيح. مدري اوكف مدري اطيح
مابقت للدمعه عين
وانظر احسين واشوف. تاكل بجسمه السيوف.
باقي وحده ابلا معين

اشوف امي الزجيه شلون تتعذب
واشوف احسين اخوي شلون يتسلب

عل الزهره شلون. ويهجمون. يا ويلي
واحسين ابهاي. رايد ماي. يشكيلي
ابدمه ايشربوه ويشرگه. اركض لحسين محترگه
*********
تحملت هاي الجروح. عجبه ظلت عندي روح
ما متت والله عجيب
ابيا ذنب مطلوبه بيش. تحترك كدامي ليش
تستغيث امن يجيب

شلون اليحترك ناره يطفيهه
وفوكاهه النذل واكف يطك بيهه

توكف واطيح. امي تصيح. بالرضه
شيليني ابساع. عن الكاع. يافضه
موقف بالعين ماصدكه. اركض لحسين محترگه
*********
طفله من شفت العذاب. والحزن رافگني شاب
حته ملاني الصبر
واليشب اعله الدموع. يشيب بكسر الظلوع
ومن يطيح اعله الجمر

شنو السويته حته اتعذب ابعمري
اتيتم ابزغري وانسبي ابكبري

مطلوبه ابيش. ادري وليش. اتيتم
من خمس اعوام. بالالام. اتآلم
دنياي الاه بيهه الكه. اركض لحسين محتركه
*********
قارنت هل الركضتين. بين امي والحسين
الفرق وكفه اعله تل
الضرب امي وشتم. هوه حاركهه الخيم
والكتل نفس الكتل

يمه الخله عينج تنزف وحمره
نفسه الشد حبل بجفوفي يالزهره

الدافع بسمار. شب النار. بخيامي
والطك العين. ذبح حسين. كدامي
غمضت العين ومدنگه. اركض لحسين محتركه
*********
الشاعر
#مصطفى البديري




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

تدري يلمهدي وحك خدر العقيلة
احنه غير حسين ما عنده وسيلة

بيا عمل عدنا يقين
غير حبنا للحسين

—————————-

ياعمل عدنا الينجي وباجر يعين
ويا هو منهن ينقبل وبكل يقين
هناك ماعدنا أمل غير الحسين
وعلى هذا المعتقد نحلف يمين

مو اماني نحجي عن علم وقناعة
الما بچه لحسين ماله كل شفاعة

ياعمل يملي الادين
غير حبنا للحسين

—————————-

شلون بينه لو اجت لينا المنية
و نصب ميزان العدل رب البرية
وانكشفت اهناك السراير نية نية
واتصده لحساب الخدم والد رقية

زاد ما عدنا ابحشر احنه ولطمنه
وغير ابو السجاد منهو اليفزع النه

بالحشر ما من معين
غير حبنا للحسين

—————————-

الگضه عمره لفاطمة تجري دموعه
لا تصدك بالكبر تِرَّض ضلوعه
الكضه عمره بالمجالس لوعه لوعه
نور تترس حفرته وتشعل شموعه

ندري لامك لفاطمة تؤول القيامة
وهي التنزل الخدم كلمن مقامة

يمها ماعدنه ضمين
غير حبنا للحسين

—————————-

ما يهمنه العقله بارد واليگوله
على كل لطمت صدر تمضي البتوله
وينه وينه اليعترض والعينه حوله
دين الله هل اللطم وأنتم اصوله

المهدي بالعاشر نشوفه مطين الرأس
مره يصرخ يا حسين ومره عباس

بيا حبل نمسك متين
غير حبنا للحسين

—————————-

ماكو يلمهدي عشگ مثل النشيلة
وكل رصيد اعمارنا الدمع النسيلة
وندري باجر بالحشر الدمعة ثكيلة
حسين نص امنكلب ونصه العقيلة

لحظة لحظة ويلغريبة ومانسينه
الحره لو رادت عمرنا چانطينه

ياحصن عدنا حصين
غير حبنا للحسين

—————————-

الضيع احسينه أبد ما يلگه دينه
وأَشَد من يوم الحشر يومه علينه
شگد بجينه شگد لطمنه وماروينه
يمته يلمهدي تجي وتاخذ بأدينه

الدنية ما تنطاگ والله لولا حبكم
ومن جهنم لذنا يلمهدي ابختكم

شنهي المحلي السنين
غير حبنا للحسين


ابو علي
عبد الحسن القريشي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

أنته وايـتامك بعيـني ودمـعي طايح
هذا حزنك ظال يـمي وانـــته رايــح

بتسبـيحة الزهــره - يم راسك انه اقره
اسم الله ياابـو الفـقره - ودمعي طايح


ياشــتال الكـيــض ياواهــس تـعـبـنـه
يادفـو البويه الـ على السانك .. بردنه
الچنت تمسحـها بديـك امغرگه خـدنه
زيـنب وأنـخـاك مانــبــقه الوحــدنـــه

بااخر انفاسك يـبويـه وتـرمــش الــعــين
وي كل رمشه اصيح اسم الله ابوحسين

لا تگطع العشره - يم راسك انه اقره
اسم الله ياابو الفقره - ودمعي طايح



الدنـيا بــرص البـير مابـين ضــواهــه
بــعـد عيـنك شرتـجـي أفــرح وراهـه
انه قـطــرة مـاي والــجـاري خــذاهه
بكل مصيـبه وفـرگـه توجع وگــفاهه

الفـرگـــه وي اهل المحــنه مو محلـهـه
الروحه تعطش بالصحاري تريد اهلـهه

يعطش ولو قطره - يم راسك انه اقره
اسم الله ياابو الفقره - ودمعي طايح


ايدي بچــفوفـك أحسن چـنهه سعـفه
الخوف من فرگاك سوه باايدي رجفه
الموت هـين حــيل بس الـفـرگه كـلفه
ابابك ايتامك حچيهم وسـفـه وسـفه

حـــمره اديـهـم يالبـديـهم خبزه چـفـك
فاگــدك صـــاراله فــــتره المايـعـرفـك

ماجيــته هالــفــتره - يم راسك انه اقره
اسم الله ياابو الفقره - ودمعي طايح


اااخ - من تصـيح توجعـني بوجـعـهه
بويه زيـنب يـمـك وبـاوع وضـعـهـا
حايـره اتـكـض المدامـــع لو ضلعها
هاي عيــني وهذا مو أخر دمــعـهـه

خايفه وگــدامي طــولك بويه مـمـدود
ياحنين وچـنـت توگــف حته لـلــدود

روحك علگ خضره - يم راسك انه اقره
اسم الله ياابو الفقره - ودمعي طايح


نومه ياحيـدر صـلاتـك تلفـض ايات
چانـت الطـولك تناغي اشكثر رايات
البگه بصوتـك بعدها شـويـه كلمات
والبگه براسي يـبويه اشگد يتـيمات

انته رايح واني اظل امرافگه الخوف
انته رايح لچن تارك حرمه وطفوف

وايتامي بالصحره - يم راسك انه اقره
اسم الله ياابو الفقره - ودمعي طايح




حيدر العماري




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الهوه باهت بلا انفاسك
علي علي
ذبحو النسمه بجرح احساسك
علي علي
----------------------------------------------------
الليله مخونگ الهوه وانفاسه ضلمه
وكل يتيم اليوم مات ابجفه حلمه
ها يبو الفقره بغيابك كلشي يعمه
لان رايح لليتامه اغله نعمه


مو جرح راسك شفت انه القدر
علي علي
يعد جرحك ياعلي بلف شهر
علي علي

---------------------------------------------------
ياترافت جفك ويدعي بصلاته
ومنهو مثلك بالركوع انطه زكاته
وياهو مثلك للفقر وزع حياته
ياهو صاح انه الفزت حتى بمماته

يانبي الفقره ويقرأنك خبز
علي علي
لو يفز جوعان احساسك يفز
علي علي
------------------------------------------------
ياعلي ابراسك شفت انه علامه
وليش مصبوغه ابدمه هاي العمامه
راح كل افياي الله امن اليتامه
وياهضيمه الخير ما تمم صيامه

بسجدة الأولى انطبر خير العمل
علي علي
انطفه بعين اليتامه كل امل
علي علي
-----------------------------------------------
ياعلي للفقره تدري ماكو غيرك
انته عطر عليهه كلهه وطش عبيرك
ها يبو گلب الحنين اهوايه خيرك
مايهمك جرحك اتوصي ابأسيرك

الكون بسره اعليك ياحيدر نحب
علي علي
كل يتيم ايصيح يابويه عجب
علي علي
---------------------------------------------------

غمضت اعيونه وغمض وياه الاحساس
خمدت انفاسه وصبح مكطوع الانفاس
والمنادي ينادي يله شييعو الياس
ياعلي ابهاذه رحيلك اتيتم الناس

حافيه ايتامك يركضون ابراك.
علي علي
وره نعشك ياعلي تطلب رضاك.
علي علي


-------------------------------------------------
علي سليم الحسناوي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ياعلي  صعبه  الفجر
يلبس اسود من يطر
خاف  راسك  ينطبر
........................بويه ياحيدر علي
**********************
بويه خليني اردا اودعك اخر اصيام
تدري  بيه  مدلله   ما  احمل   الالم
شلون  تتركني  وحيده  بين   ظلام
باجر  يشوفون  زينب  طبت  الشام

بويه تسعر  مهجتي
مره   بعدك  دنيتي
ليش  ناوي  عالسفر
.........بويه ياحيدر علي
************************
اه ياموت اعالهونك جرحي ماطاب
ارئف بزينب دخيلك   داحي الباب
والجرح يكبر اشوفه براس المصاب
تدري صعبه بلاوداع تموت الاحباب

بعدك بياحاله اصير
بويه  نكعد  بالهجير
ما رحم  بيه  الدهر
.............بويه ياحيدر علي
************************
نامت بعيني الجوامع صوت  الاذان
صاح  ياحيدر  دخيلك والوعد حان
بويه لا ترحل بعدني بثوب الاحران
فكدك تموت اليتامه وحشه رمضان

علي بيتك  خالي
شلون راح الغالي
ودعت  روحي العمر
.................بويه ياحيدر علي

**********************
شلون لوطر الفجر شوف المساكين
بعتبة الباب وتون دمتعهه بالعين
وين للمسجد علي طالع يبوحسين
هذا ابن مجلم يطبرك ياعلي الحين

ثوبك مخضب دمه
راجع  بعينك  سمه
بويه عذبني  الهجر
....................بويه ياحيدر علي

***********************
بوية. مااكدر. بدونك. خذني  وياك
ميته من دونك يحيدر صعبة انساك
بوية اريدك تعتنيلي  ابكربلة. هناك
من يكعدوني ابخرابة واكعد انخاك

بويه  المن  اشتكي
من يسمعوني حجي
الفزعتك بويه انتظر
............بوية حيدر ياعلي



يوسف الفتلاوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

صراط العاشقين * أم المؤمنين
خديجه خديجه * أم المؤمنين
ـــــــــــــــــ
يا عظمها وشكبرها ما أوفّيها
عقلي ازغر هيه اكبر ما يكفّيها
مرأة هيه شگد سخيه ؟ شو دخت بيها
كون ننصب مجلس الها بگد مآسيها

عزه بگد السنين * أم المؤمنين
خديجه خديجه * أم المؤمنين
ـــــــــــــــــ
هيه الأولى و بزمنها ياهو يوصلها
هيه أم من منها و إفهم الله كملها
زوجه إلمن ؟ عدها أوگف الباري جللها
الچان طه يشم هواها اليوم غسلها

وسبب عامه الحزين * أم المؤمنين
خديجه خديجه * أم المؤمنين
ـــــــــــــــــ
غسّلاها وكفّناها وزايد اونينه
روحه ماتت هيچي بيّن من دمع عينه
هيچي طه من فگدها ضلمت اسنينه
لولا هيه وعلي وياها مانتصر دينه

الكسر ظهر الأمين * أم المؤمنين
خديجه خديجه * أم المؤمنين
ـــــــــــــــــ
شيعاها الخطوه چانت تخنگ إبريته
مو وجنّته من دموعه غرگت إلحيته
طه كلشي الليله دافن ويه أم بيته
وي ديجه يدعي سكته تگرب إمنيته

مشه الكهف الحصين * أم المؤمنين
خديجه خديجه * أم المؤمنين
ـــــــــــــــــ
وبحياته كلشي چانت حگه ينعاهـا
نسخه بنته من خديجه الله سواها
شما يعاين بنته فاطم ينعصر . طه
يبچي الها مدري بتها منين يلگاها

عليها الله اليعين * أم المؤمنين
خديجه خديجه * أم المؤمنين
ـــــــــــــــــ

الشاعر مهدي التقي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747