أذن أذان الفجر وانه انتضر يمته تمر
بويه علي بويه
زينب آنه فدوه الك حاجيني
وحدي عدمن والمن اتخليني
بويه علي بويه
...............................................
يا شيخ العشيره اليتيمه والفقيره
اعيش بلا ابو لا ام مستحيل
رايح وين ما سألك
وكفت ابابك اتوسلك
يا تسبيحة الزهره
وينك ما رجع ضلك
ما بيه اتحمل بعد علي مدد كلبي انمرد
بويه علي بويه
طفله وافراكك صعب ياذيني
وحدي عدمن والمن امخليني
بويه علي بويه
...............................................
يا برزخ حياتي ويا دعوة صلاتي
اوزع عمري لو ترجع الك سبيل
اليعيش الفركه موسهله
يموت اهوايه احسلــــه
اليتنفس هواك اشلون
يشيع بيده فيَ اهلـــــه
بويه اعله طولي الجرح وكت الصبح انه انذبح
بويه علي بويه
اركض واعثر صحت تانيني
وحدي عدمن والمن امخليني
بويه علي بويه
.................................................
من ضجت سمايه طحنه آية آية
ركضنه بلا وعي المحرابك بعويل
لكيتك سابح بدمك
واملاك السمه يمك
يسبلون بلحيتك
ومن كل صوب تشتمك
من طولي بويه طحت كوه وكمت لمن صحت
بويه علي بويه
اتنفسك بويه هوه تدرينـــــي
وحدي عدمن والمن اتخليني
ببويه علي بويه
..................................................
يا بويه عجيبه الحبيب بلا حبيبه
يموت وانته ناوي اعله الرحيل
وحشه وداري مهجوره
حمامه وجنحي مكسوره
اعيش اشلون ما ادري
وهامة عرشي مطبوره
اشتم بوادر حزن وطبع اليحن لمن يون
بويه علي بويه
دمعي جمر لمن يصب يجويني
وحدي عدمن والمن اتخليني
بويه علي بويه
................................................
بويه بآخر انفاسك بحضني وسدت راسك
وكمت بدمعي امسح دمك اليسيل
حاجيني ولو كلمه
عطري بويه تشتمه
زينب يا بعد روحي
عسه اعيوني الك تعمه
مو سهله بويه تره احساس المره ما ينشره
بويه علي بويه
ارجع ارجع بويه واخذ سنيني
وحدي عدمن والمن اتخليني
بويه علي بويه
.......................................................
خادم خدمة الحسين
الشاعر
محمد الموالي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قرأن مطبور ونزف من راسه كل اياته
احروفه ضمدهه بجرح بس ماترك صلاته

بنفاسه طه رتلك
متشابهه ومحكم الك
يحيدر
-----------------------------------------------
بسم الاآه والويلاه
وبربنا الجليل الواحد الاوحد
حيدر نور كل الطور
قرأن الله كله ابوجهك اتجسد
الاحزاب يابو اتراب
تشرح وادم الحگك بگت تجحد
انته النون والماعون
حمال اليتامه ربنا الك يشهد

ابوجهك يدستور العرش سورة نبأ والانسان
اوتبت يدا ابن الخنه يطبر وجهه. للقرأن

جم حاقد ايبغضك هلك
متشابهه ومحكم الك
يحيدر
--------------------------------------------------------------
ربك گال بالاقوال
انته ياعلي حبل الله والقربى
ما كو لا. امن المولى
وحده اللا كانت لافتى إلا
سورة ناس يانبراس
تحجي الواقعه بالسجدة الاولى
الاعراف والاحقاف
انته ياعلي والقصص والشورى

نور الله رادوو ينطفي من صله سيف ابهامه
والنور الله امتممه من صلبك الامامه

المحراب يشرح مقتلك
متشابه ومحكم الك
يحيدر
-------------------------------------------------------------
الطارق مل الطارق
انته الطارق ابواب الخلگ باليل
اتوزع انسان للجوعان
بحلوگ اليتامه اطش عبير الهيل
وجهك ماي صرت افياي
من حيل الله تنطي لليدور.حيل
حلمك جان للأزمان
ما اگدر افسره اهواي اله تأويل


ياصوت الله انته الحجه وي موسى من ناجاله
ويونس نخه الله ابظلمته يعني اب علي ناداله

ربي اب علي اتوسلك
متشابه ومحكم الك
------------------------------------------------------------------
انته الباء والاسراء
انته البسمله وبيك ابتده القرأن
بيك اسرار ياكرار.
مايعرفه بس الله وجبير الشان
يامجروح بسمك نوح اسمك
جان حرزه يخلصه من طوفان
بالاملاك من سواك
علم ادم الاسماء والانسان

من جان ادم بالسمه ابنورك يحيدر ضاوي
وللنور گال الله اسجدو بس ابن ملجم هاوي

لولاك مايخلق فلك
متشابهه ومحكم الك
-----------------------------------------------------------------
يافرقان بيكك احزان
تشرح نوحك النحته على الكوثر
بيك هموم گد غيوم
من باب العصرهه جم ضلع كسر
بيك الشيب يشرح غيب
سالوفت طفوف وسبي ولمنحر
جرح الراس بي عباس
نفس الطبره شبلك ينطبر حيدر


سورة نسه ابوجهك شفت تشرح هضم بناتك
بأي ذنبا اسرن ياعلي علوياتك

جرحك جبير ايألمك
متشابه ومحكم الك
-----------
علي سليم الحسناوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

دمعة العـــــــــين عليه سجابه
انصاب حماي الحمه بمحرابه
**********************************************************************
انصاب حماي الحمه اعالهامه
وناحـــــت اعليه المله وايتامه
ما اظن يكدر يكــــــمل صيامه
بعد يومـــــــين وتخلص ايامه
والكلــــوب اعالوصي مرتابه
**********************************************************************
هامته بسيف الغدر طروهه
وكل الاكوان وخلكـ فجعوهه
وتبجي دم عالوصي خلوهه
وكعبة الله بضربته دموهه
وتلطم اعالصدر كل احبابه
**********************************************************************
بالليالي الاخره بـــــشهر الصيام
صابوا الكرار اخـــــو سيد الانام
اصوابه بالدلال اشد من السهام
تصب ايام المــــحب بعده ظلام
وبالــــــــــكلب ناره تظل لهابه
**********************************************************************
اليوم بالاســـــــلام حلت فاجعه
خلت عيون المحب عليه دامعه
والد الحســـــــنين خل انودعه
مصيبة الكرار كلـــش موجعه
وحلت انـــــواع الفتن بغيابه
**********************************************************************
بالفجر حيدر علي يفطروه ابدمه
وعيلته ظلت علــــــــــــيه متألمه
وبالسواد نشوف متوحشه السمه
مابره مصلب الـــــنبي ولا فاطمه
وهسه جرح المرتضى وصوابه
**********************************************************************
ساعد الله حسين والمسموم اخوه
شحـــــــالهم للحفره لمن نزلوه
اعالثره سيد البشر من وسدوه
اهتزت اركان العرش من ودعوه
وناح روح الله الوحي لمصابه
****************************
خادم اهل البيت / ابومحمد العاشور




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

https://tttttt.me/joinchat/AAAAAEFVSMd2pvMFlLPXYg
مواليد للحسن ع 👆👆👆

علي طب للبيده    مرحب امه اتريده
اليوم رفت ايده    حامي الحميه

علي اول حرب طبها ازغير چــــــان أبأوله
عمرة عشرة وچان يحلم زلمه گدهه اينازله
من محمد دار وجهه اصــــحابه كلهه خاتله
بس علي يرفع ابايده الحومه صاحت ياهله
راح يطلب رخصه    يامحمد فرصه
 لبن عمـــك حصه     حامي الحميه

صاح ملچ الموت حــيدر لون تنزل للحرب
ايدك اعرفها ثگـيله اشويه خفها من تطب
علي گله اوياي خلك لاتظــيع اويه الرگب
وي اذان الظهر كفها زحــــمه ينسد الدرب
على امرك حـــــيدر     هم ورانه خيبر
 الموت ماظن يگدر     حامي الحميه

مرحب الـــماخذ عليهم يمكن بخصمه درا
گشع جلده وكله يهـــــتز يوم گابل حيدرا
مايوچد وين دربه گــــــــــام يمشي ليورا
اتمنه امه اتگول مرحب جبته مو زلمه مرا
بعلي غص بلعومه     راد ينسه اهدومه
 هذا وكته ويومه     حامي الحميه

اتحصنت بالباب خيبر مايطــــــــبها ظنته
شردت الخيل وزلمهه علي شــــمو ريحته
الشايل الاسلام چتفه الباب تصعب شيلته
علي بس ادنه يمه العتبه هـــــــــيه اتلگته
ماتـــــباها ابزوده     غير هوه عوده
 شفرتين اجنوده      حامي الحميه

*الشاعر شاكر الصيمري*


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

دللوه يــالولد يبني يمنحور
دللوه والسهم بـالرگـبه مكسور

يمـه دللـول .. يمـه دللـول
________________________

اسمعت عبدالله يبچي وصحت جيبوه
بس اشويه اشمنه واذبحــوه
طفل شبرين طــول وليدي شوفوه
العطش گطع چبـدته لا تگطعوه

يمه .. لحــد هسه ماگايل بـلسانه
يمه .. ولو گتله ايرفرفلي ابـذرعانه
يمه .. مشتاگه لسهرات امـناغـانه

گلتلك يمه ظـل عطشـان وياي
إذا رحت ويـه ابوك يذبحك الماي

يمه دللول .. يمه دللول
________________________

وانته زغير أسـولف چنت للناس
وليدي لو كبـر يشبـه العباس
عرفته من اصيحله ينوماس
يمد إيده اعله راية عمه عباس

يبني .. اتذكر عباس من ايشوفك
يبني .. چفينه يخليها اعله اچفوفك
يبني .. وبحظني اتظل تبچي من ايعوفك

ارجع لا تخلي اگليبـي مشـلوع
اشمـك حته لو بس راس مگطوع

يمه دللول .. يمه دللول
________________________

وهوه بحظن ابو ماسكت وينــوح
صوته من العطش من يبچي مجروح
رفع إيـده إليه گبـل ميــروح
چنه إيگلي أردلچ يمه مذبوح

يبني .. وي أمك ينتظرن عـماتك
تدري .. ونستهن يوليدي بضحكاتك
يبني .. ياشمعة وبالخيمه مخلياتك

صحت عبدالله وينك چلچل الليل
وعليك إنته وابــوك التمت الخيل

يمه دللول .. يمه دللول
________________________

مليانه فرح بالخيم مساع
وهسه الدم عليها اعيونه الوساع
تعال اغفه صحتله فوگ الذراع
عمت عيني اعله خدك حاره الگاع

يبني .. عطشانه وذبلانه شفتينك
يبني .. وشمس الطف مشتعله بخدينك
يبني .. حظن امك ينتظرك چا وينك

باچر يارماد اللي يغطيك
ويا رمح ابدال امك يهز بيك

يمه دللول .. يمه دللول
________________________

يعبدالله السهم سووه للكبار
بس يذبح اطفال ابكربله صار
واصابع چفـك الحلوات الزغار
مال امناغه مو مالت چـوي ابنار

يبني .. ماتنزل من رمحك شمتاتي
يبني .. يابسمه من حسين ابوجداني

راح ابچي لحد ماتنعمي العين
ذبحوا ذكرياتي ويه الحسين

يمه دللول .. يمه دللول
________________________

كلمات الشاعر : - علـي عويـز الشـويلي






الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

المثلي حگهه تنفجع
طبره من بعد الظلع
راح مني والدي بعد الزجيه
عفيه ياگلبي شكثر تحمل أذيه
فارگوني «»فارگوني
»»»»»»»»
المثلي حگهه لْـۆ تون صبح ومسيه
ولو تخلي ابخدها اثر دمعه جريه
صعبه اليفارگله أم مثل الزجيه
يگظي كل عمره حزن وظيم وأذيه

المفارگ أم صعب
ثلمه تبقى بالگلب
مايعوضهه بشر من هل الدنيه
عفيه ياگلبي شكثر تحمل أذيه
فارگوني «»فارگوني
»»»»»»»»»
المفارگ ياخلگ مايفرح بيوم
عيشته صعبه عليه وگلبه ملچوم
المفارگ من صدگ مايعرف النوم
ايگضي ليله ياخلگ يشتم بالهدوم

شيله من امي ورثت
لچن بيهه دم شفت
من أثر صطرت جفن ضلت اليه
عفيه ياگلبي شكثر تحمل أذيه
فارگوني «»فارگوني
»»»»»»»»»»»
من بعد ذاك الحنان الراح مني
بگه يمي والدي ايشاركني حزني
من اسمعه ايون عليهه ايزيد وني
هسه راح الهه وصفيت وحيده چني!

امي والوالد مشو
تحت هالتربه صفو
چان خيمه والدي ايغطينه فيه
عفيه ياگلبي شكثر تحمل أذيه
فارگوني «»فارگوني
»»»»»»»»»»
شلون اگضي دنيتي بعد المصايب
وأمي والوالد صفو تحت الترايب
من بعدهم ياخلگ دلالي ذايب
وبعد عندي كربله بيهه العجايب

كربله يا كربله
بيچ تعطش عايله
شفايف ايذبلن ولا گطرة أميه
عفيه ياگلبي شكثر تحمل أذيه
فارگوني «»فارگوني
»»»»»»»»»»
كربله بيهه السبط ينحز وريده
بسهم عبدالله الطفل يموت اعله أيده
الزمن يأخذ عجب مني الأريده
ومن بعدها أمشي لديار البعيده

راچبه فوگ الهزل
ودم دمع عيني يهل
خايفه من الشمر لا يذبح رقيه
عفيه ياگلبي شكثر تحمل أذيه
فارگوني «»فارگوني
»»»»»»»»»»
هذا حالي يل تناشد حال زينب
من الهجر دلالي ياعالم تعذب
مو شعر راسي يشيعه گلبي شيب
وظهري من گد المصايب والله حدب

چم مصيبه أتمر علُيَ
من بعد عينك علي
وحيده تتركني عجب حامي الحميه
عفيه ياگلبي شكثر تحمل أذيه
فارگوني «»فارگوني
»»»»»»»»»»»
فائز جبار الشريفي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

معروف بنبرة صوتك....يحچي احساسك.....أذان
ومساك تنادي انفاسك..طبرة راسك
.....اذان
دمعاتك تكتب حسره...صوت الفقره
......أذان

يا حيدر تختم عمرك
والفقره تلوذ بكترك
***********************
بالسمه شفت الجرح اول مصيبه
ليش مقسومه تظل زينب غريبه
والعرش كاتب الك قصة عجيبة
ما يبطل من دمعته شكد نحيبه
فگد حماي الحمه سألو طبيبه
شلونه حيدر كالهم يمكن مغيبه

تنظر دمعات اعيالك..واصل صوتك
.. قريب
وانت بكل خطوه اتعاين....يمكن موتك...قريب
حسرات تعيش أيامك..جرح ايتامك
قريب

اتسولف للبير بصبرك
والفقره تلوذ بكترك
************************
هذا صوت الرگعه ممزوج بهيامك
والدمع من سجدتك بلل حسامك
شردا اسولف بيك ياحيدر غرامك
لله ساجد راكع بلحظة قيامك
السيف يمك ياعلي فطر صيامك
عين بالسجده بقت عين اليتامك

محرابك وحشه ودمعه..ينحب رايح
عجيب
والعشره اتضيع اخلافك ..جسمك طايح......عجيب
والعالم ناح اليله....دمعه يسيله...
عجيب

خاين يا حيدر دهرك
والفقره تلوذ بكترك
************************
يافقير ينام يمك عمره محلاه
من يشوفه اكباله كاعد صاح الله
بالتواضع والوفه حيدرنه حيياه
بالهلا كلش جبيره شوف ملكاه
ماكو اي مسكين حيدر هذا ينساه
وطحين بظهره واضح ختمه شفناه

ماكو بعينك بس دمعه.....تواسي الفقره.....نحيب
ياحيدر هاي ايامك.....آخر نظره.
.نحيب
بالطف مكتوبه ادموعك.....كسر اظلوعك.....نحيب

تشرح مأساة بقهرك
والفقره تلوذ بكترك
************************
ينظر بوجه السمه وبكلبه حيره
همه اكبر من حياته بكل مسيره
فركتك بين اليتامه شكد جبيره
والله ما يحصل مثل حيدر نظيره
ابخاتمك تتبرع وتحجي الحصيره
يدري حيدر موته بالسجده الاخيره

زينب بالباب تنطره.....حيدر راجع
خضيب
والسيف اتوضه ابراسك.صار الجامع
خضيب
وايامك چنهه اكصيره...ثوب الغيره
خضيب

اهات الليل ابسهرك
والفقره تلوذ بكترك
************************
بيا وضع راجع علي تبچي الثريه
شيبه يگطر بالدمه حامي الحميه
السيف عطشان عله راسك بالرزيه
واگفه بابه اليتامه اتريد جيه
متانيه حيدر يجيهه بكل المسيه
اتيمت چنهه العقيله الهاشميه

حيدر مطبور وطايح.... موقف صايم ..غريب
معقوله يطيح القالع..خيبر نايم
...غريب
وحسين بدمع اعيونك.....صاح شلونك.......غريب

بطف لو كسرو ظهرك
والفقره تلوذ بكترك
************************
تمت بعون الله
خادمكم ...يوسف عباس الفتلاوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده لسيدي ومولاي أمير المؤمنين عليه السلام.
اللحن على قصيدة جسام ياضنوتي

أبمحرابه حامي الحمه
يصلي... يصلي ويطبرونه
خضبوا شيبته × وأفجعوا شيعته
يصلي... يصلي ويطبرونه
*****
هذا الحقد من السقيفه أبتده
شدت حزمها ضد علينه العده
شتترجه من أهل الظلم والرده
مايوم نصحت ظلت معانده
من يوم مات النبي
ظلوا... ظلوا يعادونه
كلها مارادته × وأفجعوا شيعته
يصلي... يصلي ويطبرونه
******
أبفرض الصبح واگف يصلي الولي
وبسجدته صابه المرادي العلي
بهاي الفجيعه ضل دمعنه يهلي
وبطبرته سر وفرح عاذلي
هذا اليگضي الشدد
كلهم... كلهم يعرفونه
بسجدته غدرته × وأفجعوا شيعته
يصلي... يصلي ويطبرونه
*******
ياجلد يامه أتحملت وأصبرت
ويامه مآسي منهم أتحملت
ناديت بالطبره يحيدر فزت
وبربك وبالكعبه أنته أقسمت
تعلم أبموتك چنت
وجنتك...جنتك المضمونه
يعرف أبساعته × وأفجعوا شيعته
يصلي... يصلي ويطبرونه
********
أنته الأمل بالدنيه والآخره
والواله شخصك ياعلي تعبره
صعب السراط وعبرة الگنطره
بيوم العباد هناك تلزم سره
ماعدنه غيرك سند
باچر... باچر يوگفونه
ينصر الوالته × وأفجعوا شيعته
يصلي... يصلي ويطبرونه
*******
رغم القرون الماضيه ألي مضت
ظلت ترف علو السمه رايتك
ياقاسم أبوسط الگلب صورتك
ومثل الفرض ياحيدر أمحبتك
كرار يابه الحسن
حيدر... حيدر يسمونه
بعزمه وبصولته × وأفجعوا شيعته
يصلي... يصلي ويطبرونه
*******
أبمحرابه حامي الحمه
يصلي... يصلي ويطبرونه
خضبوا شيبته × وأفجعوا شيعته
يصلي... يصلي ويطبرونه
********
الشاعر ابو نور المدحتي





الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ابلا علي ماتكدر اتعيش اليتامة
ندعي ربنه يالولي اتكوم بسلامة
ويانه ابقى الكربلة
ياخيمة تحمي العايلة
وينك يبو حسين
............1
يبويه شلون اشوفك نايم اكبالي
جرح راسك يحيدر صاب دلالي
وبعد امي ردت للدوم تبقالي
يبو الحسنين تعيش وياي حسبالي

والطبيب ايكول جرحك ما اله جاره
وانه والأيتام ضلينه حياره

.. بكربله باجر ننولي .. وعازتك عازه ياعلي
تحظرنه بعدين
............2
راسك منجسم نصين ياحيدر
غميجه الطبره بويه ويكتل المنظر
يالوالي تريد اتكوم ما تكدر
قصت كربله تحجيلي واتحير

اتكلي باجر يالعقيلة المن تروحين
تنذبح كل اخوتج والهم تنظرين

قصت حسين ومقتله .. ومصاب نبلة حرملة ..
بالطف تصيحين
..........................3
ابو فاضل عليك ينوح بالحسره
يدعيلك تطيب وينخه بالزهره
بعينه شلون شاهد يا علي الطبره
شبكته وشبت ابدلالك الجمره

تحضن العباس وعيونك بجيهن
اتقبل اجفوفه علي وتبجي عليهن
تنظر لعينه بالألم .. واتكله يوليدي السهم ..
من نبلة العين
..............4
باب البيت تندك ياعلي نسمع
اليتامة أبابك أتكوملهه تتوقع
لبن جابو بديهم صعبه لو يرجع
اليتامة من بعد عينك فلا تشبع

وكتلي يازينب يتامه الطف يعطشون
الخيل تسحكهم تضل والمن يفرون

حتى التراجي تنسلب .. والنار بخيمكم تشب ..
وبكلبي نارين
..................5
كمت بويه توصي وللحسن ناديت
وانطيته جفن ولحسين ما خليت
كلت لحسين ما عندي جفن ضميت
رمال الطف جفن جسمه وعليه ونيت


بالشمس يبقى ثلث تيام نايم
ابلادفن جسمه ويسلبون العمايم
ولا راس لاخنصر يضل .. وعباس مذبوح البطل ..
ماعنده جفين
........................


حيدر موسى الرميثي.



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك بالقناة👆

حسرة يتيمه

دار الاهل اضلم صفه يالضاوي جنت اعليهه
والبيت احس جن مگبره جي والدي مابيهه

فگد الابو يكسر ضهر
وانه اتعبت من القهر
جي والدي مابيهه
--------------------------------------------------
دار الاهل اضلم صبح من راح حيدر عني
ابوجهي مرسوم اليتم بس الهضم كاتلني
الماعاش حرمان الابو اعله النوح لا ليذمني
الراح من عندي علي وين الذي يفهَمني


گلي شسوي للگلب لو يوم راد اعزازه
يوميه الغروب اختنگ بنتك تصير اجنازه

من المشو مامش خبر
وانه اتعبت من القهر
جي والدي مابيهه
----------------------------------------------------
دار الاهل وحشه صفت بس الدمع يبرالي
واشعنده وياي الزمن يوميه اودع غالي
جرح امي لسه ابمهجتي جرحك علي شل حالي
حيد العرب راسه انطبر وانه الهجر جتالي


ابنيه وصعب فدگ الابو اوبحلامي انطر ملگه
ورده وگصه بيه العطش ترويني منك شبگه

من الحزن گلبي انفطر
وانه اتعبت من القهر
جي والدي مابيهه
-------------------------------------------------------
يادار اهلنه اشگد حلو من جان حيدر بيهه
جانت الفرحه ابكل كتر لمن يطب راعيهه
من هد عليِّ ذاك الفجر والدنيا مدري اشبيهه
حتى النفس صاير جسر وبريتي ضل يجويهه


من يوم طبروو هامته والنوم فارگ عيني
راح الضوه من السلف من راح ضي اسنيني

ايامي بس دمع وسهر
وانه اتعبت من القهر
جي والدي مابيهه
-------------------------------------------------------
بالنومه ماصار الحلم باليقضه صاير حلمي
طوله ارسمه ابخاطري ولگاه واگف يمي
اركض عليه ابلهفتي وتعثر انه ابهمي
اشبگ المامش من افز شو والدي مو يمي


متعوده لحضان الابو هوه إلينيم ابنيته
يوميه اموت ابحسرتي ع الصعبه صارت جيته

من ونتي ذاب الحجر
وانه اتعبت من القهر
جي والدي مابيهه
------------------------------------------------------
بالباب يوميه انتضر من جفه انطر دگه
ممصدگه عن عيني مشه وهجي تصير الفرگه
ياروحي بطلي لوعتج للراح مامش ملگه
ورجع يتيمه كل مسه وبعبرتي مختنگه

ياعني كفي دمعتج الراح ما يرجعلج
المات ميرده البجي اولافرحه تكتل حزنج

صار الجره شاء القدر
وانه اتعبت من القهر
جي والدي مابيهه
---------------------------------------------
علي سليم الحسناوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

دعاء اليوم السابع عشر من شهر رمضان

اَللّهُمَّ صَلِّ على محمدٍ وآلِ محمد
اَللّهُمَّ اهدِني فيهِ لِصالِحِ الأعْمالِ ، وَ اقضِ لي فيهِ الحوائِجَ وَ الآمالِ يا مَنْ لا يَحتاجُ إلى التَّفسيرِ وَ السُّؤالِ ، يا عالِماً بِما في صُدُورِ العالمينَ صَلِّ عَلى مُحَمَّدٍ وَ آله الطّاهرينَ .
#عباس_التميمي
من يقراء يظغط 👍

"علــي" للنــاس رحمـه عـــدل وأنصـاف حكمــه
لا ﭼـن ما رضت عنّه المظلين من حرب الحرب گضّاهه أبو حسين
مــا نصفتـــه الأُمّـــــه
*******************************

"علي" أمن أسم العلي أشتق أسمه معناه
أو قـدرّه إعلـه المصــاعب ربّــك إنطـاه
نبــي الـــرحمـه إبــ أمــر نصبّه أو وّلاه
مــــن بعـــده الخليفـــه أو بسمـــه سمّـاه
عــرف تنـــدار الأيـــــــام أو"علي"اليحتاجـــه ألإسلام
ويْ حيدر صفوا حفنة موالين سكت لاكن سكوته الصالح الدين
بس جيب اليفهمــــه

*******************************

تلميــذ الــــرســــول أو هـــــوّه ربـّــــاه
أبــد مـــا خــالفـــه أو بـــالـــروح واساه
رســول الله إبــ"أُحُــدْ"ﭼــم مـــرّه ينخاه
مــن فـــــرْ عسكــــــره والجــيش وازاه
يــداحــــي البـــاب وينـك فــــــــلا شُلّـــت يمينـــــــــــك
غضب ليث الوغى أو تتجادح العين قريش أتحيرت تنطي الوجه وين
غده الميدان ظلمه

*******************************

"علي"إبسيفه أو ثبـاتــه أعتــرفت إعـداه
علــى أرگــاب الكفــر مفطـومـــه يمنــاه
بــرز للعــامــــري البــاغــــي أو تحـدّاه
أو نبض عـــرگ الهــــواشم مــن تــدناه
تــدگ أگلـــوب الأصحــاب أو بگت مشــــدوده الأعصـــاب
كبّر حيدره وأهتزت الگاع شهاب أمن السمه مو ضربة إذراع
الجبل يمكن تهشمه
********************************
"علــي"إبكـــل واقعـــه ربعــــه إتمنّـــاه
يطلــع والمنـــايـــا إيطلعـــن إويــــــــاه
إو ملك المــوت خطوه إبخطوه مــاشــاه
يشــاهـــد حملتـــه أو يحسب ضحــايــاه
يـــــا رتــــــــل إيتقـــــــدم "علـــي" إيحشـــــره الجهّنــم
فرسان العرب لو كرْ عليها مـــن شــدة رعبهـا إتمـوت إديها
تفرْ من تسمع *******************************
هــمْ ســـامـــع خليفـــه أو جيشــه بحماه
أو مــن تحمــى الحــرب بــوّلهـــا تلگاه
لا ركْ لا وهــــنْ لا ضعف حــــاشــــاه
بس يضعف"علـــي"ألــدمعـــة يتــامـاه
"علي"أو كل هـــالمراجل وذا شــــــــــاف الأرامــــــــــل
تبـﭼـي إمن الفقر ينهار وضعه إو ينزل عالوجن شلال دمعه
إو تجي العالمَ تذمه
خادم اهل البيت عليهم السلام
الشاعر ابو حيدر المجراوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بالقيام اندب علي
– وبالجلوس اندب علي
- دوم اصيحن ياعلي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,1
الكلمة هاي الله اليحبهه – علي الله القدسه
ياعلي اكول بقيامي – من جنت بالمدرسة
من الهوه اطيب احسه – بذكره اضل صبح ومسه
انسه مرات اني اسمي – وعلي ابد ماينسه



من انام اذكر علي –
ومن افز اذكر علي -
دوم اصيحن ياعلي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,2
الناس من الكبر ترجف – واني ما اخاف الكبر
حيدر متانيني يمه – وبلكي الاكيه انتظر
بزودي ظامن روحي فايز – وانجه من هول الحشر
انطق اسمه اعله الصراط – راح يتحول جسر


عالصراط اصرخ علي–
وبالقيامة اصرخ علي-
دوم اصيحن ياعلي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,3
ربنه لولا الوصي صدك – كل فلك لا ما خلق
لجل داحي الباب ربنه – احيه الاكوان ورزق
بالمهد عيسى تكلم – ياعلي اول مانطق
وهدهد سليمان يصرخ – ياعلي كال وصدق


بالاذان اذكر علي –
وبالاقامة اذكر علي -
دوم اصيحن ياعلي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,4
على كبر الوصي اتسلم - ليش يومية الشمس
تقره يم كبره الزيارة – الشيعته تدعي وتحس
اثر طبعت جفه بيهه – بيده رداه هامس
المغرب بصحنه تصلي – من تغيب وتنحبس


بالدعاء اذكر علي –
وبالصلا اذكر علي -
دوم اصيحن ياعلي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,5
هذا بطران اليكلي - لاتبايع حيدره
المايبايع علي خاسر – ادري دنيه واخره
واليعادي علي كافر- حتى لوصله وقره
علي امير الجنه يصبح – ملك باجر ننظره


من اطيح اصرخ علي –
ومن احير – اندب علي -
دوم اصيحن ياعلي
,,,,,,,,,,,,,,,,,,,,,,,,,,,,,,,,


حيدرموسى الرميثي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة لاستشهاد الامام علي عليه السلام :


نِزل سيف القدر صاب الهوه العذري
وسورة هل أتى دمها الفجر يجري
حيدر ندائه لربّه
فُزْتُ وربِّ الكعبة

@@@@@@@

إنّهَا الليلة گلتها البيها واعد طه
والصبح مذبوح فجره يا علي اتلگاها
اشتمت الفُرگه اليتامة وصعد صوت ابچاها
بعد عينك يا هو الها يظل ولي ويرعاها

يفيّ اعله اليتامة وشامة الگمره
علي لا ترحل وتتيتم الفقره

يا ليسّرت كل صعبة
فزت ورب الكعبة

@@@@@@@@@

ابليلة القدرِ الشريفة تِقره كهْف اِحساسك
شفت هاي الليلة موعد سيف يطبر راسك
حاوِلَت رادت تمنعك هالإوز حرّاسك
لچن ليلة قَدِر چانت قَدَر صار وجاسك

ينام ابليس وسط الجامع اشعنده
ابن ملجم لعين وسيفه ما ردّه

وصوتك عله وي الضربه
فزت وربّ الكعبة

@@@@@@@@@

والذينَ يُؤْثِرُون اِعله النفس يا حيدر
انتَ مصداق الها تِعلم وانتَ صِرت المصدر
بچَفَّك الأيمن عَطائك خِفيه عَنْ الأَيسر
علي يالذكرك عبادة اليذْكُرَك يتْبَشَّر

بِعت روحك لربك وابد مو خاسر
يمن بيدك الكوثر بالحشر باجر
كل شيعي إنتَ تشربه
فزت ورب الكعبة

@@@@@@@@@@@@

إنتَ يا قرآن ناطق فگدك يأذينة
والسِوَر كِلها ابمصابك تِبچي يا والينه
هذا محرابك يتيم وعَاش نَبضك بِينه
نِعْمه ونْدَوِر حياة وحبَّك ايدلينة

مُصَابَك يا عَظَمْته ليارُكن هدّه
يماي الله بليال القدر يتبده

يالفرض واجب حبّه
فزتَ ورب الكعبة

@@@@@@@@@@@

زينبك تدعي ابّواچي والألم ماذيها
أمّن ايجيب اللي يِدعِي جِيب حَيدر ليها
رادتك تلفي ابسلامة مو تجي تواسيها
صُبري عالمكتوب بوية شلون من تحجيها

صَحِيح الصَبُر ثوب امخدرة حيدر
ولكنْ بَعْدَك ابطاري اليتم تعثر

منّ اليتم مرتعبة
فزت ورب الكعبة

@@@@@@@

فاجعه يومك يحيدر واشدّ كل امصيبة
حَادثة هالطَبرة حَالة وعيّشَتْنَه ابرِيبة
اشلون مِن نَزْف الإمامة تِنخُضُبْ هالشيبة
طابر الشرك ابفقاره هاللعين يصيبه؟!!

العُمر لاولادك ابفگدك يوالينه
يعظّم أجر زينب وَحي بارينه
زينب دمعها تصبّه
فزت ورب الكعبة
@@@@@@@@@

#الشاعر منتظر المهدي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزلة للامام علي عليه السلام

مولاي مولاي ياحيدرعلي
مولاي مولاي ياحيدرعلي
.............................................
كلي من ياهي ابدي وانت سهّلت الصعاب
هم سمعت بيوم شات وتركض تلاكي لذياب
من النواصب والسقيفه علي شافاه العذاب
تبرز لكل عدو طاغي و همه يحنون الركاب
معروف معروف تربات النبي
.................................... ..
لوبرزحيدر وناده اتصيح كلهه ادخيلك
جبل شامخ بالمعارك ياهوه اللي يميلك
اتزيل روس العده ابسيفك والعده متزيلك
صبح اسمك تاج النه وعله الهامه انشيلك
عالراس عالراس تاج اسمك الي
................................................
مدرسه اسمك ياعلينه خلّد ادروس وعبر
درس للعدوان خله الكنطره وياهوالعبر
انته هم شايف جبال وتنجرابخيط الوبر
وكال كل العده اذلهه وخل يسمعون الخبر
ويصيح ويصيح انه الهاشمي
..................................
موصحيح اشمانوصف وصفك يفوق العقول
العده ماينسون سيفك بيهم يصول ويجول
طبرت الفقارحيدروالله خلاهم ذلول
بكل حرب منتصر حيدر هيج تاريخه يكول
كل يوم كل يوم اسمك يعتلي
.....................................
انه اريد اسأل سؤال شلون فرو من علي
وين خيبر ما حماهم وين ذاك العامري
ياولي الله حيدر ياهواليلاكي الولي
هوه حامي الحمه اسمه وكلهه بسمه تحتمي
ونشوف ونشوف كل هم ينجلي
.............................................
اتباع اصحاب السقيفه جددو احقادهم
الحقدوالضلم عدهم همه مثل اجدادهم
راحواصحاب السقيفه وردوا النه احفادهم
خل يسوون البديهم والله ابد منهابهم
والروح والروح فده انه وهلي
.
للشاعر سلام البهادلي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

آنه زينب ياخلگ ابچي دمه
بعد فاطم راح حماي الحمه
باعظم شهر...راسه انطبر
آ يبويه......... آ يبويه
ــــــــ ــــــــ ــــــــ ــــــــ
شحلات السفره چانت نفطر اوياه
بقــى خالي مچانه صعبه ننســاه
يفطرنه الدمــع مــن نــذكر ارباه
علــي صـوت الاذان ابحسره ينعاه

حتــه عيد الله اليجي هم ينفجع
من يشوف احباب مهظومه ودمع
حزن وقهر..........راسه انطبر
ــــــــ ــــــــ ــــــــ ــــــــ
رحيله والله عني ايعــذب الـحال
مشــه كــل الــدلال اوراحة البال
بعــــد عينه اون اودمعــي همال
انه شلون اقتــنع هل جبل ينشال

بويه شلت الدنيه وجرعت الصبر
كلفه ياحيدر علــي ايضمك گبر
جرحي كبر....... راسه انطبر
ــــــــ ــــــــ ــــــــ ــــــــ
تون هــاي اليتامــه اوما يهيدون
مثل نوح الحــمام اشگد ينوحون
علــه باب الــولي بحسره ينادون
اذا ميــــت نگلهــم مــايصدگون

حيرة العباس وحسين وحسن
اويــاهم ايونون وتزيد المحن
سمعو خبر.......راسه انطبر
ــــــــ ــــــــ ــــــــ ــــــــ
اصــد للــدار وحشه وبيه حــيره
خلــيه ابــلا امــــير ولا امــيره
صحــت عبــاس وينــك يبو الغيره
يكافــل محنــتي كلــش چبــيره

كلشـي اتخيل صرت نار وخيم
شفت شاطي يمه چفين اوعلم
وجثة گمر.......راسه انطبر
ــــــــ ــــــــ ــــــــ ــــــــ
اجــه عبــاس يمــــــي اوصبرانــي
يــزينب مــا اعوفـــــچ اي ترانــي
يخــويه ابخدمتــچ اگضــي زماني
گلتــله يا خويه احس دهري رماني

چني وحدي ابكربلا واصرخ علي
چفوفي معگوده بحبل وبلا ولي
خوف وحذر........راسه انطبر
ــــــــ ــــــــ ــــــــ ــــــــ
يخــويه غمضــتهه عيــوني باللــيل
اجــت رؤيــه عجيــبه اتهــدم الحيل
شفت عاري الحسين اوسحگه الخيل
وضــح كلــشي بعــد ماحاجه تأويل

ويه حــيدر چانت ايام العفاف
والسنين الجــايه منهن اخاف
هم وسهر..... راسه انطبر
ــــــــ ــــــــ ــــــــ ــــــــ
ابوياسر المياحي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزله
رحمه ونعمه ياحيدر نشوفك
رحمه ونعمه ياحيدر نشوفك
ــــــــــــــــــــــــــــــ
شما تجور الدنيه خلهه شيعتك وفايه
اي يبو الحسنين حبك يبقه هوه الغايه
نفــترق مرات يمكــن اي نقر ابهايه
لاچن ايوحدنه حبك من نشيل الرايه

احنه... صحنه ...نموت ومانعوفك
رحمه... ونعمه... ياحيدر نشوفك
ــــــــــــــــــــــــــــــ
والله ماننساك لحظه انت عايش بينه
نــدري بس حبك يوالي هوه لينجينه
احنه بچيــنه السواتر فنه ليلاگــينه
يالقلعت الباب واحنه العدو نقلع عينه

خافوّ... شافو ّ... كلحنه سيوفك
رحمه... ونعمه... ياحيدر نشوفك
ــــــــــــــــــــــــــــــ
صح فجعنه اصواب راسك بالغدر مولانه
ولفــراگ اشگــد عظيم ابكل وكت اذانه
ياعلــي شيعه اونكابــر ما نفرح اعدانه
عهــد نبقى وما نمـــل ابمجلسك تلگانه

شيعه ...وبيعه...نعلنهه ونطوفك
رحمه... ونعمه... ياحيدر نشوفك
ــــــــــــــــــــــــــــــ
عظم الله اجر العقيله نحضر انواسيهه
عيون ما تبچيلك انته المــن انخــليهه
والله لوبخــلت دمعها ياعــلي نعميهه
مودمع ارواح ننــطي الزينب اونهديهه

زينب...تنحب... تستقبل ضيوفك
رحمه... ونعمه...ياحيدر نشوفك
ــــــــــــــــــــــــــــــ
چانت ابعهدك اميره امدلــلا ومحشــومه
من اجتهه الغاضــريه صارت المظلــومه
اتنادي ياعباس الحگ اخــتك المهضومه
حسين حزوّ راسه عاري وسلبوله هدومه

دامي... ضامي...گطعوهن چفوفك
رحمه ... ونعمه... ياحــيدر نشوفك
ــــــــــــــــــــــــــــــ
باچر المهدي يجينه ماتضل كل حسره
اينادي يا ثار ألأيمه وياله ثار الطبره
غير خدامه ونريده وكل محب ينتضره
عجل اللهم ندعي المهدي عجل امره

انگله... سله... الفقار الطفوفك
رحمه... ونعمه... ياحيدر نشوفك
ــــــــــــــــــــــــــــــ
ابوياسر المياحي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الكون يلطم وينوح... صار نصين اجروح:
روح تفــداك ابروح.....يــاعلــي يــاعلــي:
...................
كون بينه الجرالك ...نصير هامه ابدالك:
ولا يگرب ابـن ملجم يـابو زينب خيالك:
ريت طر بينه هامه....ولا ذيــچ العمامه:
تره خلافك علي صرنه بعـد وادم يتامه:

ابن ملجم فجعنه...لسان سيفه وجعنه:
الك ينزل دمعنــه.....يـاعلـي ياعلـي:
........1..........
الشطر هامك شطرنه....وابــد ماخف المنه:
يضل حبك يوالينه نبض يسري ويه دمنه:
وعد خذنه علــينه.....وعــهد خـطي بدينه:
لغير نهجك يابو محـسن نهــج مابايعينه:

وحق الله وعباده....يضل نهجك سياده:
وتظل انته القياده .....يــاعلي ياعلي:
.......2.......
الــدين ثبته بيـدك... .الـروح هيه التريدك:
كون تحسبني خادم سيدي واخدم عبيدك:
ريت اخدمه خدامك...واضل اشتم مقامك:
چي شفيعي بالقيامه انه انجن في غرامك:
الكلب اسمك ينبظه...استعزبيه من الفظه:
يظل ذخر واحفظه.......ياعــلي ياعــلي:
.......3.........
علي يكتل مصابك..ايتام تبچي اعله بابك:
الحزن والون كتلهه وكلها حيرانه ابغيابك:
اتصيح لفنــه بعباتك.... يابو لثام شغلاتك:
وين نلـگه بعد مثـلك ابــو يحمل صفاتك:

لـزم كلمن انائه....... يصيح بلكي شفائه:
ويرد لينه ابردائه.....ياعـلي ياعــي:
......4.......
ياباب الله وجنانه......الگلب يــمك حنانه:
يضل دوم المحب بسمك تره يلهج لسانه:
تضل انته ابظميره...... فقط العنده غيره:
ياوليد الكعبه من غـيرك ترحبله وتديره:

الشمس بيدك درتهه..حصن خيبر شلتهه:
اصنامهم هدمتهه .........ياعلي ياعلي:
........5........
................
مجيد گيطان الصالحي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747