ياعلي امصابك أذاني

ذكرك ياعلي هيبت محلنه
ليالي السود مالحظه محنه
شايل وين يالكلك محنه
وعايف زينب الهاي الرزيه
وانتحب فگدك خلاني
ياعلي امصابك أذاني

أنه زينب عليه الليل مرهم
الجرح فگدك بعد مايصح مرهم
اليتامه ياعلي بالعيد مرهم
عايدهم يحماي الحميه
بس اون باچر تلگاني
ياعلي امصابك أذاني

مصابك ياعلي بينه يجراح
اليتامه اتصيح چا يمته يجي الراح
خبرنه علي اشحاله يجراح
يجينه المرتضى لو هاي هيه
بالگلب تلهب نيراني
ياعلي امصابك أذاني

يدهري الماله والي ارجوك عيناه
وين اللي يشيل الحمل عناه
الابو يادهر لو غمضت عيناه
تضل تنحب هله وداره خليه
والحزن عگبك عنواني
ياعلي امصابك أذاني

سيد علي الموسوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزله
لذكرى أستشهاد أمير المؤمنين الأمام علي عليه السلام
................
أمشيعينك للكبر دفانه
أوداعت الله ياعلي مولانه
................
أمشيعينك والدمع عالخد جلي
ياأبو الحسنين ياحيدر علي
ياولي الله ماغيرك ولي
أرواحنه من الحزن خلصانه
................
علي يازوج الوديعه فاطمه
يابطل صفين يابو الغانمه
هامتك مطبوره لوصدر السمه
مهجة أيتامك حزن مليانه
................
أنهدمت أركان الهدايه بالجره
والحياة اليوم كلها أمحيره
المرادي أشلون هامك يطبره
الكاع حزنت والسمه حزنانه
................
ياوليد الكعبه يافارس بدر
يتمتنه اليوم والموقف خِطر
ياكبر يكدر يلمك ياكبر
واضح المقصود من عنوانه
................
علي يامولانا عاين شيعتك
كلها حزنانه أوتعنت حضرتك
ياأبو الشدات حيدر ندبتك
أوكلها بمصابك صفت حيرانه
................
للنجف بعيونها أتصد النخب
والحزن هليوم عالكصه أنكتب
ياعلي نادت يمظهر للعجب
العيد أجانه ونته مو ويانه
................
أبشيعتك ياحيدره دار الدهر
السقيفه ألتمت أوعادت نظر
وخطبوط أرهابها جسد صور
جم شباب البالنجف جثمانه
................
ماكفاهم ظيم عملة كربله
أولا شواهد بالبقيع أمرمله
عالبله هليوم ياحيدر بله
زادو أبفتوه الحجر وجدانه
................
علي جاست بالعظم عملاتهم
أوصارت الشيعه هدف حملاتهم
أبنك المهدي يشل نياتهم
يمته مهدينه يخط نيشانه
................
خادم أهل البيت
الشاعر : أسماعيل الجوراني
الأربعاء : 14/6/2017

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

معـــقوله ينـضرب نجمة الثريـــه
بمحرابه ونـــغدر هتــزت الوطيه
بــس أهوه من زمان طلك الدنيه
ــــــــــــــــــــــ ❁ ❁ ❁ ــــــــــــــــــــــ
شـلون ابن ملــجم گـدر يتگرب إعليـك
وانــته يـونس بالبحر يتــنخه بس بيك
وانــته قالــع باب خيــبر ياعلي ادريـك
بس غـدر خـــانك يحــيدر مـا يلاكــيك

مـن عيــونك ايخافون لو يشوفونك
الماكـــدر يبرز ليــــك حتــما يخونك
والگــابل الفـقـــــار يشهك المنـــــيه
ــــــــــــــــــــــ ❁ ❁ ❁ ــــــــــــــــــــــ
وسفـه ايضربونه راسك ذوله الارجاس
تمنيـتـه اليــوم حـاظـر كــــونه عبــاس
جا صفـت وجــه بوجــه تتگـابل الناس
وجا طبرها الكـوفه بيهم قـبـل هالراس

يكــلــبها بيــهم خوف ويبـدي ابطبرها
ولمـن تشــوفه الگـــوم تحــفر بكــبرها
يا وسفـه ياابو حســين صـارت الـرزيه
ــــــــــــــــــــــ ❁ ❁ ❁ ــــــــــــــــــــــ
ياعلـي تــدري بـدونـك ايـتامك إهـواي
صامّــت الوادم ياحــــيدر وانته ألـماي
ابابك انجـــمعت ياغـــالي شنهي الراي
گسـرت اگلـوب اليتــامه مصيبتك هاي

صامــــو واجـــاهم عيــــد مايفطرونه
هـلال الـشـهر ويـــاك ضـــل يـتـانــونه
وبفـــركـتك ياعــيد حـزنـــت البريــــه
ــــــــــــــــــــــ ❁ ❁ ❁ ــــــــــــــــــــــ
الماعرف كـدرك ياحيــدر ماهـو انســان
البــــاري رافــع بيده قدرك عظـم الشان
الـكــون وامـلاك الســمه هليـــله حزنان
الديــــن مـن بعــدك أمـانه بركبتك جان

عله الديــــن السلام مــن بعد حيـــدر
هتـك ال اميــه اتصير بالدمـه واكثــر
ديــــن الله راح يصيــر عـد ال اميـــه
ــــــــــــــــــــــ ❁ ❁ ❁ ــــــــــــــــــــــ
الحـــسن وحســين بعـدك حارو شـلون
تصــبر أكلـــوب اليــتامه بدمــع العيون
أنـــــعمـو هـــمه بغيــابك مـا يشــوفون
علئ الدنيــــه العفــه بعدك ضل ينادون

عـميــت تراها النـــاس من بعــد عيــنك
يلطم يدك عالــراس حســن وحســينك
وزيــنب تنوح تگـــول بويـــه رد ليــــه
ــــــــــــــــــــــ ❁ ❁ ❁ ــــــــــــــــــــــ
الخادم الحسيني
(محمد رحيم المشعلاوي)


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

كريم الحاج فليح
ونسألكم الدُعاء

منـي اشگـد اخـذت احباب
بَسَّــك كــافــي يـا لتـــراب
يـــوميــه ألـــــيَّ أمصـــاب
يـــوميــه أبمصيبـــه



سَــن سيفـه عَلَـي دهــري ويلـي أبكــل حقــد سَنــه
ضام أشـﮕـد ألـي أمنالضيـم مـا يـرحمنـي شو ﭼنَّـه
مستخسـر أعيشــن دوم بـالــراحــه و بــلا وَنَّــــه
ليـش المـن هلــي أمنيمــوت بـالـدم كـونـه يتحنــه

يـوم أمصيبتـي أويـالـبـاب
بَسَّــك كــافــي يـا لتـــراب
يـــوميــه ألـــــيَّ أمصـــاب
يـــوميــه أبمصيبـــه



بهيـــده يــا دَهـــر ويــاي خلــي أبـﮕلـبـك الــرحمــه
بـﮕليبـي صفـن جــرحيــن أخــذ منهــن جَــرح لمَّــه
جَـرح أمصيبتـي أويـالـبـاب بسم اُمـي تــره أتسمَّــه
وجرح أبـأسم أبـوي وحيـل كـل ساعه تـﭼـي تلـﭼمه

يـــوم أمصيبــة المحــراب
بَسَّــك كــافــي يـا لتـــراب
يـــوميــه ألــــيَّ أمصـــاب
يـــوميــه أبمصيبـــه



اَصبـر يـا دهـــر لا ويــن يــا ﮔلبـي أشكثــر صبــره
أمـــي أتمـــوت جــدامـــي بـالبسمــــار والعصــــره
وتســـاوى الـﮕبـــر بتــراب آ يــا حســــرة الحسـره
وﮔبـالـي أبـــوي أيمـوت غــرﮔــان أبـدمـه الطبــره

أحبــابــي صفــــوا غيـــاب
بَسَّــك كــافــي يـا لتـــراب
يـــوميــه ألـــــيَّ أمصـــاب
يـــوميــه أبمصيبـــه




اِلمــن أشكــي والشكــاي أشــو متــوســـد الغبــره
نــار أمصـايبـي بـالــروح تسعــر بـالـﮕلــب جمـره
يُمـــه ألـــي يــدفنــونــه بـأسمـــه ينكتـــب ﮔبــــره
وأنتـي مـا شـفـت مكتـوب هــذا الـﮕبــر للـزهــره

يـوميـه ابدلـيـلـي اصـواب
بَسَّــك كــافــي يـا لتـــراب
يـــوميــه ألـــــيَّ أمصـــاب
يـــوميــه أبمصيبـــه



أنظـرلـك وأدگ عـالـراس يـابـو أسوالـف التـرفــه
أمنـالطبـره أشوف أتـلـوج بـويـه وطبـرتــك كلفــه
طبـرت مــوت يـالكـرار منهـا مــا أظـــن تشفـــه
أبكفـه الـدنيـه كلهـا أتصيـر بـويـه ومـوتـك أبكفَّـه

راسـي أمنالمصايب شـاب
بَسَّــك كــافــي يـا لتـــراب
يـــوميــه ألـــــيَّ أمصـــاب
يـــوميــه أبمصيبـــه




لَمَّــن شـالـوا الـتـابـوت بـويـه و مـن مشـوا عنـي
أحـس أختنـﮕـت الـريـات منعــوا كــل هــوه منـي
أدفنـوا أبـﭼـاي صحت أبصوت وَيَّ والدي و ونّـي
دوهنــي مصابــك حيــل حيــدر بــويــه دوهنــي

والمـدمــع دِمـــه سچـــاب
بَسَّــك كــافــي يـا لتـــراب
يـــوميــه ألـــــيَّ أمصـــاب
يـــوميــه أبمصيبـــه

الشاعر كريم الحاج فليح

16/5/2019

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يادهر گلي شبعد وشضام الي
خذت مني يادهر عينة هلي
-----------------------
انهار يوم اتساطعش جاني الخبر
گالوا الكرار بالهامه انطبر
تاه مني الفكر وفگدت النضر
بيوم اجوني وجابوا وياهم علي
--------------------
اجوا جابوا والدي ينزف دمه
شايلينه اخوتي الهامه مهشمه
عيونه شابحهن لعد رب السمه
صحت بويه شلون لاحك جاهلي
------------------------
يادهر هالصوره بعيوني بگت
حتى املاك السمه الحيدر بچت
الكون كله بساعة الطبره سكت
صاحت الاملاك غدروه للولي
-------------------------
طاح حيدر طاح بيتي ابطيحته
ما دريته يروح مني ابطلعته
وي اذان الفجر صارت طبرته
طاح لمن طاح طحت ابمنزلي
--------------------------
بويه اجاني العيد وينك ياذخر
چنت اعيدك كل سنه بعيد الفطر
ياحسافه السنه نايم بالگبر
والحزن بالعيد اصبح منهلي
-------------------------
صعبه والله العيد لو هل عالارض
چن صلاة العيد رادة تنقرض
لان غايب ياعلي عن الفرض
البگه براس الحسن وامره الجلي
------------------------
السيد كريم دانه الاعرجي

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

https://youtu.be/ewk5A9pHWBQ
توجد مكتوبه
المراسلة على المعرف @Abas747

حالي من حال اليتامه..و عيني شبحت عالعمامة
بيهه من دمك نهر
يرسم اجفوف و نحر
$$$$$$$$$$$$$$$$%$$$$$$$$
حالي من حال اليتامة و كَلبي محتار
عيني شبحت عالعمامة و دمعي مدرار
بيهه من دمك شريعة و يمنه و ايسار
تكتب اجفوف الكفالة بدمك اعذار
تبعث الشخصك رسالة
تشرح افصول الكفالة
و ينزف اعتاب الكَمر...1
$$$$$$$$$$$$$$$$$$$$$$$
تبعث الشخصك رسالة بلا عبارات
تشرح افصول الكفالة و عهده ميقات
ينزف اعتاب و تمنّي بخنكَة اصوات
ماتت الليله بغيابك و الأمل مات
ليلي يتماطر رزية
من النجف للغاضرية
رحلة اوداع و سفر...2
%%%%%%%%%%%%%%%%%%%
ليلي يتماطر رزية ايناظر الراس
من النجف للغاضرية املوّن احساس
رحلة اوداع بسفرهه اتموت الانفاس
شهكَة امفاركَ حبايب تنعه عباس
عيني يشرحلك دمعهه
حسرة و اغيابك فجعهه
تجرح اجفون النظر...3
$$$$$$$$$$$$$$$$$$$$$$$
عيني يشرحلك دمعهه الغربة و الشام
حسرة و اغيابك فجعهه بصوت الايتام
تجرح اجفون النواظر صورة اخيام
لونك اتغيّر لكَينه بوجهك احلام
ضاعت احلام انتظارك
و انذبح يوم احتضارك
جمر الوداع استعر...4
$$$$$$$$$$$$$$$$$$$$$$
ضاعت احلام انتظارك ماتت اوياك
و انذبح يوم احتضارك حلمي يلكَاك
جمر الموادع سعيره بروحي ينعاك
غربتي و لوعة رحيلك بيهه معناك
باقي من رسمك معاني
تسعه باكتارك ثواني
كربله و صمت القَدَر...5
$$$$$$$$$$$$$$$$$$$$$$$
باقي من رسمك معاني اتسولف اظنون
تسعه باكتارك ثواني و تسأل شلون
كربله و صمتي بقدرهه و دمع العيون
كلهم اهلي اعله الترابة و عني يمشون
صورة حسين او وريده
غربة ارقية و حميدة
كَلبي مات من القهر...6
&&&&&&&&&&&&&&&&&&&&&
سيد حيدر العوادي
بابل الشوملي

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

https://youtu.be/xyWqvh9k3FE

توجد مكتوبه 👇👇👇
المراسلة على المعرف @Abas747

يا علي شلون .. ما أشوف عيونك
انظر يدفنونك .. شيصبر العيــــون
...............

يا علي وين الگه بالدنيا بحنانـــك
لو رحت ياهو اليسد حيدر مكانك
چنت انام الليل مرتاحة بامانــــك
مني ما يرحم خذك ظالم زمانـــك

بحيرة ضليـــت .. يجري دمع عيوني
ريت لو دفنوني .. شگد تمنيـــــــــت
...............

شيعوك وچنهم يشيعون بيــــــه
انا و الميته بعد عينك سويــــــه
دنيتي بظيم و الألم جارت عليه
و دعيتك يا علي بهاي المسيـــه

بهذا الـــــــــــوداع .. ودعيت أيامي
و اختفت أحلامي .. كل الأمل ضاع
...............

حگي من اجزع و انوح بهل مصيبة
راح اضل بعدك يبو زينب غريبــــــة
المثلك بهذا الزمان منين أجيبـــــــه
گلبي يا حيدر فلا يخمد لهيبـــــــــه

يا علي بهــــــــاي .. فرگتك تاذيني
دمع غرگت عيني .. اذتني دنيــــاي
...............

الليلة دارك يا علي وحشه وحزينـــه
چنت خيمه وفيك مضلل علينـــــــه
حگنه لو دم مو دمع بعدك بچينـــــه
نموت گبلك ردنه بس ما صح بدينه

ادري عالمــوت .. ما يفيد اعتابـــي
ما يرد اجوابي .. ولا يرجع الصوت
...............

يا علي بويه بوجودك چنت أميـــــره
من رحت سموني من بعدك اسيــــره
بغربه وحدي بلا أهل وبلا عشيـــــره
جدمي كل ساعة ومشه وطباله ديره

فوگ الاجمــــال .. صعبة أوصف حالي
حرمه وبلا والي .. محتاره بعيــــــــال
...............


الشاعر حسين الفيصلي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

https://m.youtube.com/channel/UCGd-VEzomHmEmcn4jnSjpeA
قناتنا على اليوتيوب تابعونا قصائد حصريا اضغط اشتراك

شنكل لليتامه .....ماحصلت سلامه
رايح ياعلي


ابابك كعدت هاي ايتامك تتنطر جيتك
واليهم والخيمه اعليهم يردون مروتك
يم الباب اولادك تنطر وياهم بنتك
أمها الزهره يوم الراحت بيها امكلفتك


ماكمل تمامه نوحو ياليتامه
رايح ياعلي
****************
زينب تنتظرك ياحيدر لاتكطع بيها
بيك ارجاها وانت الخيمه رد ياواليها
وحيده بنيتك بعد الزهره عالهم مابيها
لو توليها اهموم الدنيا منهو تواسيها


زينب و الملامه بين أهل اللئامه
رايح ياعلي


********************
يهلال الفقره ينطرونك لتغيب وترحل
تفتح بيك اورود الدنيا وخلافك تذبل
كالو محرابك ضل خالي والمحراب انذل
مهلا ياحيدر لاترحل من غيرك شيضل

لا رحمه وكرامه ولا تبقى ابتسامه
رايح ياعلي

****************
بصوت الاحزان الكل تصرخ وينك يالوالي
دورنا اعليك وفجعونا محرابك خالي
يالمحراب الوالي شحاله شو بس دم هالي
كال بحظني ساجد حيدر وانصاب الغالي

صابوه اعلى هامه ماتمم صيامه
رايح ياعلي
****************
هجمت ليك جيوش الظلمه بالسم غداره
يدرونك ياحيدر مشعل ماتخمد ناره
بليلة ظلمه بوكت السجده شنوها الغاره
معذور السيف اللي خافك حكه ويتداره

صابوك بحمامه ياتاج الامامه
رايح ياعلي



************************

الشاعر محمد دعبل النوري


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الليله دين الله انطبر وكتابه بالفجر طاح ابوسط محرابه
والســـــور والايات اعليه تجري الدمعات
ياولينه ياولينه ياولينه ابوحسين
********************************************
انصاب دين الله العظيم واه من امصابه والسور تنعه وتنوح تواسي بيها كتابه
تكول وين الوجه تنطي بعد عينه احبابه والكلوب اعليه تبقى كل وكت مرتابه
والدموع اعــــــالوجن هماله والمحب وياها هيجي احواله
تخاوي بس الاهات اعليه تجري الدمعات ياولينه ياولينه ياولينه ابوحسين
******************************************
النبأ سوره عظيمه والنـــــــبأ مجروحه وسيف مسموم الجرحهه والدمه مسفوحه
بالفجر وكت الصــــــلاة وعالارض مطروحه والمحــــب لو ناح عمره لا تلومه ابنوحه
حكه لوناح وبجه كل ليله فاكد النور الذي يضويله
يشوف بـــــعده الويلات اعليه تجري الدمعات ياولينه ياولينه ياولينه ابوحسين *************************************
الليله مذهوله الفواطم طاح حامي دخليله باليتم راحن يلظــــــن وي باقي العيله
من بعد حيدر وليهن ماكــــو عدهن حيله والدمع فوك الوجون من العيون تسيله
اه يافكد الابــــــــو وحسراته بالكلب تسري تظل جمراته
من يطفي الجــــــــمرات اعليه تجري الدمعات ياولينه ياولينه ياولينه ابوحسين
*******************************************
ابليلة القدر العظيمة انصاب امير المؤمنين وبين ارض الله وسماها ينادي جـــبريل الامين
اتهدمت اركان الهدايه طــــاح حماي العرين بطيحته العروة الوثقى انفصمت ايا مسلمين
اليوم دين الله وكع واركانه والخلك بارض وسمه حيرانه
تشوف عكبه اللوعات اعليه تجري الدمعات ياولينه ياولينه ياولينه ابوحسين
************************************************
شلون ليله تمر عليــــنه ليلة التاسع عشر بيها قالع باب خيبر راسه بالسيف انطبر
سيدي ماتم صيامه من الصـبح بالدم فطر والهظيمه الضرب حيـدر ارذل انواع البشر
هذا اصحاب السقيفه اجداده الحركوا الباب اعله ام الساده
*****************************
من يجي العيد ويمرها ماتــــــعيد اعياله لان داحي البـــــــاب ابوها مايهل اهلاله
سورها العالي وتهدم اتصور انـــت الحاله تكعد اتاني تنطره اعـــــــله الدرب تبراله
كاعده اتاني يجيها الوالي تكول مااعيد بدون الغالي
اتردد بهل الجلمات اعليه تجري الدمعات ياولينه ياولينه ياولينه ابوحسين
*****************************
خادم اهل البيت / ابومحمد العاشور


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

آنه زينب ياخلگ ابچي دمه
بعد فاطم راح حماي الحمه
باعظم شهر...راسه انطبر
آ يبويه......... آ يبويه
ــــــــ ــــــــ ــــــــ ــــــــ
شحلات السفره چانت نفطر اوياه
بقــى خالي مچانه صعبه ننســاه
يفطرنه الدمــع مــن نــذكر ارباه
علــي صـوت الاذان ابحسره ينعاه

حتــه عيد الله اليجي هم ينفجع
من يشوف احباب مهظومه ودمع
حزن وقهر..........راسه انطبر
ــــــــ ــــــــ ــــــــ ــــــــ
رحيله والله عني ايعــذب الـحال
مشــه كــل الــدلال اوراحة البال
بعــــد عينه اون اودمعــي همال
انه شلون اقتــنع هل جبل تنشال

بويه شلت الدنيه وجرعت الصبر
كلفه ياحيدر علــي ايضمك گبر
جرحي كبر....... راسه انطبر
ــــــــ ــــــــ ــــــــ ــــــــ
تون هــاي اليتامــه اوما يهيدون
مثل نوح الحــمام اشگد ينوحون
علــه باب الــولي بحسره ينادون
اذا ميــــت نگلهــم مــايصدگون

حيرة العباس وحسين وحسن
اويــاهم ايونون وتزيد المحن
سمعو خبر.......راسه انطبر
ــــــــ ــــــــ ــــــــ ــــــــ
اصــد للــدار وحشه وبيه حــيره
خلــيه ابــلا امــــير ولا امــيره
صحــت عبــاس وينــك يبو الغيره
يكافــل محنــتي كلــش چبــيره

كلشـي اتخيل صرت نار وخيم
شفت شاطي يمه چفين اوعلم
وجثة گمر.......راسه انطبر
ــــــــ ــــــــ ــــــــ ــــــــ
اجــه عبــاس يمــــــي اوصبرانــي
يــزينب مــا اعوفـــــچ اي ترانــي
يخــويه ابخدمتــچ اگضــي زماني
گلتــله ليــش احس دهري رماني

چني وحدي ابكربلا واصرخ علي
چفوفي معگوده بحبل وبلا ولي
خوف وحذر........راسه انطبر
ــــــــ ــــــــ ــــــــ ــــــــ
يخــويه غمضــتهه عيــوني باللــيل
اجــت رؤيــه عجيــبه اتهــدم الحيل
شفت عاري الحسين اوسحگه الخيل
وضــح كلــشي بعــد ماحاجه تأويل

ويه حــيدر چانت ايام العفاف
والسنين الجــايه منهن اخاف
هم وسهر..... راسه انطبر
ــــــــ ــــــــ ــــــــ ــــــــ
ابوياسر المياحي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الگاع مالت راح من عدهه الثگلّ
اعگال حيدر طاح طيحن يالِعگلّ
......
راح شيخ الفقره حلال الصعيب
انباگ من اعيونّه أهلال الحبيب
الطبره لوطابت جرحنه مايطيب

غفلّ من عدنه مشه الوالي غفلّ
.....
سدّو ديوان الهله وگلبو الدلال
وكل شهر رمضان افطرو اعله التعال
النساء تثغب وتتنگّب رجال

من يموت الشيخ الامصلّ الأصلّ
.....
من تموت العافيه ايخضّر ونين
وزينب اتگابلت وي أم البنين
راح ابونه اتصيح أمير المؤمنين

وصار وجه الله تحت حَر الرملّ
.....
املثگه اگلوب البعض اي والرغيف
بس گلب حيدرنه رحماني ونضيف
چم يتيم الراح يرجع عالرصيف

وراح باب الخير كلش ينقفلّ
....
مايأذن سِد اذانك يالصبح
السوالف ماصخه ومات الملح
شبر يمكن نازل ابراسه الجرح

مات الامسوّي عله العالم فضلّ
....
علي من هالباب گللهم يطب
اخذو منه الاعتراف اومو غصب
ضربه وحده وموش أكثر ينضرب

انطيته عَطوه والحسن ياخذ فصلّ
.....
اتعصّب العباس بالخضره وزعل
وبعد ابوك ايگله حيدر يالبطل
اهناك أريدك تذبح ابولد الجمل

وجربتك بالماي خل تنگلّ نگلّ
.....


محمد الجماسي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

موشح لمولاي امير المؤمنين علي ع
اااااااااااااااااااااااااااااااااااااااااااااا
ابن ملجم من تعنه الهامتك
عرف بالطبره تحقق غايتك
اااااااااااااااااااااااااااااااااااااااااااااا
غايتك ترضي الله بوقات الخشوع
بحيث كلبك هم يصب مثلك دموع
وطلكتهه الدنيه مامنهه رجوع
التحب الدنيه اي خسرانه
اااااااااااااااااااااااااااااااااااااااااااااا
أعز شي عندك نطيته للإله
وهوه هم انطاك يامولايه جاه
انت صرت الواو بين أرضه وسماه
وبيك دين الله ثبت وأركانه
اااااااااااااااااااااااااااااااااااااااااااااا
ابد ما كصرت كل عمرك ابد
وسيفك وقلبك نذر واحد احد
رتلت بحروفه يالذكرك خلد
وصرت انت البسمله وعنوانه
اااااااااااااااااااااااااااااااااااااااااااااا
ياابو الأيتام ياطيب القلب
فراكك عله احبابك أصعب من صعب
والدمع انهار من عدهم يصب
اليوم كل الحبتك حزنانه
ااااااااااااااااااااااااااااااااااااااااااااا
اه زينب صارت بهم والم
فقدت امهه وفقدتك يابو الشيم
ومن بعدكم تفتقد سيد الكرم
وتفكد حسين وكمر خوانهه
اااااااااااااااااااااااااااااااااااااااااااااا
ثائر شلة النجفي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#موشح

اي وحق ظلع الزجيه الطاهره
ما نسينية مصيبتك يا حيدرة
*****
من شهر رمضان سنة الأربعين
الهسه يا حيدر أمير المؤمنين
ما نسنيه مصابك بهاي السنين
كل سنه نحييهه والمدمع جره
**
من يجي رُمضانك تزيد الجروح
نذكر مصابك علي نبجي وننوح
بهل شهر كلنه يتامى من تروح
بلا ابو نصبح يبونه المفخره
******
ما نريد العيد يا حامي الحمه
شلون نفرح وانت تنزف بالدِمه
ريت ذاك الصوبك طاح وعِمه
ولا نشوفك يا علي طايح تره

*************
كل موالي الليله يا بو الأتقياء
لابس هدوم الحزن ناصُب عزاء
ناحت أعليك الارض وي السماء
وكل نبي قلبه انفجع يا قسوره
**
شيعتك يا بو اليتامه إعله العهد
اي وحق ال قل هو الله أحد
عالعهد وياك ما نخلف وعد
كل محب لجلك يضحي بمنحره
**************

لا تلوم القامه يالناصب أشيل
هذا حيدر يعني حماي الدخيل
اشلون راسي سالم وراسه يسيل
بدمي اواسي حيدرة من أطبره

******************
تمت بعون الله تعالى
كلمات خادمكم الصغير
يوسف هاني الأسدي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزله
ختامية مجلس
عن لسان حال العقيله زينب عليها السلام
لذكرى أستشهاد أمير المؤمنين علي أبن أبي طالب عليه السلام
...................
بويه علي ياحيدره
تعبني درب المكبره
......................
هد حيلي يابويه التعب
خضر عله كبرك عتب
جا ماتجي ليه أشعجب
حته دليلي أتصبره
.....................
حيل أفتقد ذاك العطف
أحتار أبدي أبيا وصف
موتك عصف روحي عصف
عالكبر أشكي أمحيره
.....................
كلما يطر خيط الفجر
سيل الدمع عالخد يدر
من الصبح حد العصر
ياحال حالي أتصوره
....................
درب المكابر مو سهل
وحلم أنه أبلم الشمل
ميت لجن عندي عدل
ماكول أبوي أشئخره
.....................
من حين طبرة هامتك
من يوم عيد شامتك
كل بالي عند أعمامتك
الصارت أبدمك زاخره
...................
من يوم لحظات الدفن
ماي الورد شمع الحزن
صارن ألي طابع شجن
للموت أبد ماأغيره
..................
حيدر علي خير العمل
بنتك تره أبموقف جلل
سلطان ألك بيها يظل
حد ماتكوم الأخره
.................
بويه علي فارس مضر
كمت أمشي محنية ظهر
تذكار ألك بس الصور
خلني حيل أمكدره
..................
مشتاكه ألك روحي أحس
أوربي الذي رد الشمس
منه الصبر كمت ألتمس
ودريني أكسر خاطره
...................
زينب يبو حسين أوحسن
من يوم لفوك أبجفن
منها أخذ حيفه الزمن
زينب تبات أمحيره
....................
حلال كل شده علي
يابعد روحي أوكل هلي
بيك أندب أوهمي جلي
يالنايم أبحضن الثره
......................
خادم أهل البيت
الشاعر : أسماعيل الجوراني
الجمعه : 24/5/2019


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

وَحشه يبويه الليله وِشْيِّگَضِّيها
.
كريم الحاج فليح
و نسإلكُم الدُعاء
.
.
.

اُويـاك المنيـه مــا خِـذَتنـي إشبيهـا
وَحشـه يبـويـه اللـيـله وِشْيِّگضيهـا
.
بعــدك يحمــاي الحمــه
دارك خليــه و مظلمـــه
.
وَحشـه يبـويـه اللـيـله وِشْيِّگضيهـا

.
.
.
.

چنـت تـارس يبـويـه البيـت بـوجـودك تغمــرنــه الحنـــان إبلطفــك و جــودك
شحـلات البوسه مـن إطبعهـا بخدودك رحـت منـي وبعــد منهـو إلـي إيعـودك
.
وينــك يبـويـه يـالچنـت تبـرالــي
شوف إبغيابك شنو صار إبحالـي
.
يـا ريـت بعيوني العمـه
دارك خليــه و مظلمـــه
.
وحشـه يبـويـه اللـيـله وِشيگضيهـا

.
.
.
.
مــا مِتعــوده يـا بـويــه علـى أغيـابـــك
أجتنـي إمنيـن هـاي البلـوه و مصـابــك
إطـب كـل سـاعـه دارك إشـتم إثيـابــك شلـون إشتَـم هــوه الله وأنـت بتـرابـك
.
بـويـه الهـوى بطـران يدخـل ريتـي
وتدري رَحيلـك بويه هـاجـم بيتـي
.
كل ساعه إشهگ للسمه
دارك خليــه و مظلمـــه
.
وحشـه يبـويـه اللـيـله وِشيگضيهـا
.
.
.
.

يـوحشـة ليلتـي ومــا غُمضَـت إهـدابـي عَلـى بــابــي إصــد بلچـن تــدگ بـابــي
گــوم ورِدلــي بــويــه ويغـــلا أحبـابــي وشـوف إشلـون دوهَـن فكـري إمصابـي
.
يَـم بـابـي أذانـي بلچـي وإسمع دگتـه
رَدلـي أگــولــن هــايـه سـاعـة جيتــه
.
والحـالـه كلـش مـؤلمـه
دارك خليــه و مظلمـــه
.
وحشـه يبـويـه اللـيـله وِشيگضيهـا


يبـويـه الــدار وحشـه الليلـه چـا وينـك تعــال وشـوف حـالــي وحـالــة إبنينـك
يتــانـوك الحَسَــن يـا بــويـه وحسينـك مشتــاكيــن إلـــك والبــوسـة أجبينــك
.
رِد بـويـه عَطِّـر بيتـك أبأنفــاسـك
اُم البنيـــن أمتــانيــه وعبـــاســك
.
علـيـك الإحبــه هـايمـه
دارك خليــه و مظلمـــه
.
وحشـه يبـويـه اللـيـله وِشيگضيهـا

.
.
.
.

بسهــامــه الــدهــر صَـوبنــه بسهــامــه وخـــلانـــه علــيــك اللــيــل مَنَّـــامــــه
الإبــن لــو شـاف أبــو متطبــر الـهـامــه وشـافـه إبطـولـه دمـه وطـاح جِـدامــه
.
هـالمـوتــه گبلــك آنـــه متمنتهــا
وبهـامتـي هـالطـبره مشتهيتهـــا
.
للله إشتكـي والـقـائمـه
دارك خليــه و مظلمـــه
.
وحشـه يبـويـه اللـيـله وِشيگضيهـا


الشاعر كريم الحاج فليح


26/5/2019
الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

گعدوا الايتام هالليله بوفاته
واحد يسولف لواحد ذكرياته
كل حچيهم ..عن عليهم
…
واحد حضّن واحد مثل عين وجفن
ما حسبوا يوم وضواهم يندفن
يابا الحسن ما صاحوا بوكت الحزن
صاحوا وداعا سيدي يابا الحسن

چان ضنهم من تمر مخلوقه شفته
لان چانت تمّرته ترافگ ضحكته
عن تمرته ..عن ضحكته
واحد يسولف لواحد ذكرياته
…
واحد وگف اصبع وره اصبع يعد
يحسب عِشرته اويه الوصي چان القصد
گال التقيته بشارع وصادف برد
ما ادري غطاني بشمس مدري بزند

حتى اذكر انه رقمي چان عشره
لان تسع ايتام گدامي اعله صدره
چان دافي… حضنه كافي
واحد يسولف لو احد ذكرياته
…
ثالث طفل صاح بحزن مدري اشذكر
گالوله ها يا ذكرى تركت بيك اثر
گال انه جيت احضن علي انطاني الظهر
حسبته زعلان الوصي وگلبي انكسر

طلع حيدر بالحجر بطنه يشده
خايف اعليه انجرح بالحجر حده
بهالشهامه ..اليتامه
واحد يسولف لواحد ذكرياته
…
رابع طفل اعمى النظر صابه العجز
گال انه ذكرى الظالت ابالي تحز
نخله گبل اگصدها وابلا ما اهز
يوگع تمر بس التمر وياه خبز

تالي بعدين اعرفت مو نخله هيه
هذا ياناس الوگف حامي الحميه
اليحچي قصه… وياها غصه
واحد يسولف لواحد ذكرياته
…
حرمه اجت بس الدمع بيها يحد
گالت علي معقوله راح ومايرد
جنت انه طفله ويستحي اعليه يصد
جابالي ام بعمري بس عدها ولد

امي طفله وانه هم طفله مثلهه
حتى حيدر يمه يازينب يگلهه
الهواهم ..والحماهم
واحد يسولف لواحد ذكرياته
…
رادو يگومون ولچن واحد صفن
گال انتبهتوا لو ولا واحد فطن
الجرح الوصي هالليله من جبنه لبن
شو هو اجانه بدون ما ندفع ثمن

اظن حيدر گام والطبره اعله هامه
وگال اساعدهم لان ذوله ايتامه
الدامي راسه ..خله ناسه
واحد يسولف لواحد ذكرياته


الشاعر حسين طالب السماوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747