دعاء الزهراء .ع. لخدمة الحسين.ع.


طيب الله انفاسكم… يالتخدمون الحسين الله يرفع راسكم… يالتخدمون الحسين خطوه خطوه إوياكم.. والله ما أنساكم يالتخدمون الحسين
---------------------------------------------
شكرآ إلكم يالتقيمون المجالس
وببني مجنونين مثل إجنون عابس
بس مجالسكم أسميهه مدارس
إلهه أحضر والرضيع إبحضني جالس

يالبذلتوا الغالي… أطلب إمن الله السميع يالخدم للتالي … كل تعبكم ما يضيع
ألهج بطرواكم والله ما أنساكم
يالتخدمون الحسين
-------------------------------------------- آنه أم المنذبح آنه الزچيه
بالفرج أدعيلكم صبح ومسيه
الدنيا تهتز لو نويت إرفع إديه
والدعا إلكم يعون الهاشميه

عاشت وما ماتت… بالضماير كربلاء خاطري إتجبرونه… من تقيمون العزاء وخاطري حياكم والله ما انساكم
يالتخدمون الحسين
-------------------------------------------- حاضره إلأي طلبه وفايه بوعودي
وإلي يعطش خله يشرب ماي جودي يالتحملتو التعب كله إعله مودي
باچر بيوم الحشر انتم وفودي

لازم أدعي الباري… إيسوي جنه للخدم ومن يشوف إجفوفي…اعرف إيگلي نعم وافرح ابملگاكم
والله ما انساكم
يالتخدمون الحسين
--------------------------------------------آنه أحزن لو شفت خادم توفه
أفرش إبگبره ورد وانگله أغفه
وللجنان وللنعيم إنزفه زفه
ميت وريحة لطم تبقه إعله چفه

يالخدمت الغالي… لا تهم بالمگبره
وراسك إيضل عالي... يمنه يوم الآخره وحيدره يرعاكم والله ما انساكم
يالتخدمون الحيسن
-----------------------------------------------
الدنيا شتساوي إذا ما بيهه دمعه
تجري لجل العالترب مشمور اصبعه
أنسه ضلعي وكسره والبسمار اشلعه
لمن اسمع ناعي لجل حسين ينعه

اركض ولهفانه… لمن اسمع مقتله والحضور اينادي… آ ينبلة حرمله
إبعيني يا محﻻكم
والله ما أنساكم
يالتخدمون الحسين
---------------------------------------------باجر الكم بالحشر آنه الشفيعه
وماتمسكم نار لا والله يشيعه
وبالجنان إهناك هم توجد شريعه
منهه يرويكم أبو چفوف الگطيعه

إيخاطبك يالخادم… بجودي جبت المشرعه وما يقدم بيده… چي چفوفه إمگطعه واشرب آنه وياكم والله ما أنساكم يالتخدمون الحسين
-------------------------------------------------- ش/علي الإبراهيمي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ياسيد البرية
ياهو الصــــاح هذا الحكم لله
وجبريل النزل ويصيح ويلاه
ضربة حيدر احزان // نهدمت للهدى اركان
ياسيد البرية // ياسيد البرية
ـــــــــــــــــــــــــــــــــــــــــــــــــــــــــــــــــــ
ضج الكون كله بضربتك هاي
وايتام العرب تصرخ يمـولاي
كوموا للطم يحــــــــباب وياي
نمسح للحسن دمعات بهــــداي
ونصيح ابوفى وحيل // غرب فارس الخـــيل
رد عالكرسي شيطان // نهدمت للهدى اركان
ياسيد البرية // ياسيد البرية
ــــــــــــــــــــــــــــــــــــــــــــــــــــــــــــــــــ
راســــــــك جان للعالم علامة
مملي بالعلم من الامامــــــــــة
تالي يروح ماتمم صيامـــــــة
يامُهدي الامم درب الكرامـــة
كتلك شيب اطـــفال // وزينب ندبت الحـال
يابوية الوكت خــان // نهدمت للهدى اركان
ياسيد البرية // ياسيد البرية
ـــــــــــــــــــــــــــــــــــــــــــــــــــــــــــــــــ
بموتك يانفل فرحـــت أعـادي
ضربوك ابغدر بيد المـــرادي
تبقى المرتضى وخط الهوادي
وحسين بصـبر يمك ينـــــادي
بوية ابكربلا هنـاك // ويصير الوفى اويـاك
بالدم نسكي اغصان // نهدمت للهدى اركان
ياسيد البرية // ياسيد البرية
ــــــــــــــــــــــــــــــــــــــــــــــــــــــــــــــــ
اطلع يانبي وشوف المصيبة
كوفتنة ابصبر تمسي نحيبـة
وجفوف الكفل زينب غريبة
باجر كربلا تصبح مريبــــة
تذبح سبطك ابلــيل // ويصير الكفر ســيل
تسحك صدر الاحسان // نهدمت للهدى اركان
ياسيد البرية // ياسيد البرية
ـــــــــــــــــــــــــــــــــــــــــــــــــــــــــــــــــــ
عينك شابحة الزينب يكرار
تحجي دكلهـا عن الاسرار
باجر ينولي سبطك يمختـار
وعينج يم رقية هناك تحتار
تبقى وحيدة بالشام // تبجــي اتصيح يسلام
هذا الوكت خـوان // نهدمت للهدى اركـان
ياسيد البرية // ياسيد البرية
ــــــــــــــــــــــــــــــــــــــــــــــــــــــــــــ
ودعت الاهل والكون محزون
يالجان ابكلامك كله ممـــــنون
يعرفك ياعلي درب اليحـــبون
مجنون الطبر كرار مجـــنون
باجر نار مثـــــواه // سقر ايصير مرســاه
اليشهد عدنه قـرأن // نهدمت للهدى اركان
ياسيد البرية // ياسيد البرية
//////////////////////////////////////////

الخادم ابو علاء العزاوي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزله سريعه
تعظيم الخدمه الحسينيه المباركه
................
خادم أرفع راسك .. أخلص أباأحساسك
عطر الله أنفاسك .. خدمتك نوماسك
عطر الله أنفاسك  .. خدمتك نوماسك
....................
حكك أتباهي أبهويتك خادم أوهنيالك
أبدفتر الزهره الزجيه أمسجلات أعمالك
خدمت حسين أوقضيته شيلها أبدلالك
عقلك أبراسك خلاصك أنته واليحلالك
حكمه خلها أبالك .. باجر اليجرالك
من فعايل حالك .. ضيعت منوالك
ليش تهدم ساسك .. سجل أبكراسك
عطر الله أنفاسك  .. خدمتك نوماسك
.................
أخدم المخدوم خدمه وقصد أبمعناها
بالحشر أنته شفيعي يا محمد طه
حسين مامحتاج واحد كلها تتمناها
أتفوز بوسام الخدامه أوبالفخر تتباها
ذوب ذوب أوياها .. وخلص الفحواها
الله ميزه أنطاها .. أتعزز الغلاها
من تحط نبراسك .. أحسينك أوعباسك
عطر الله أنفاسك  .. خدمتك نوماسك
................
جامعه الكل المبادئ كربله معروفه
راد يهدمها يزيد  أوساندته الكوفه
نور أدروبك حبيبي خدمتك محفوفه
بالخطر من الحقود أولعبته المكشوفه
خوفه منك خوفه .. هيبته مكسوفه
من توالي أصفوفه .. هالفتق متروفه
واجهه أبكل باسك.. نيتك مقياسك
عطر الله أنفاسك  .. خدمتك نوماسك
...................
خلي تاريخك حسيني بالفعل والصوره
أحسين ماينسه اليخدمه أويلطم أبعاشوره
أتطبع أبهاي القناعه غايتك منصوره
الصار قربان الشهاده لاتخالف شوره
أبدمه خط دستوره .. حصن المعموره
الدين عاش أبنوره .. دمعتك مئجوره
ظيم مهما جاسك .. أبهاليقين أتماسك
عطر الله أنفاسك  .. خدمتك نوماسك
..................
اليخدم أبهاي المجالس خدمته مضمونه
علي والزهره الزجيه  أبشدته أيحضرونه
العزه زينب بالمصيبه أبظاهره أومكنونه
الحسين أيعلي شانه أومخلص أيسمونه
السال دمع أعيونه .. ياألف خيعونه
حسين يوكف دونه .. بالحشر ويصونه
من تعشم ساسك .. كربله كراسك
عطر الله أنفاسك  .. خدمتك نوماسك
.......................
خادم أهل البيت
الشاعر : أسماعيل الجوراني
الأثنين : 28/8/2017


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

https://youtu.be/T3x1btXfCpI

الناشر عباس التميمي 👈 @Abas747

https://youtu.be/X5Ir3PsNOKk
يالماشي بالضعون / سيد فاقد
توجد مكتوبه المراسلة على المعرف @Abas747

بحق الامام علي //ع//على السان السيده زينب// ع//



ابليلة قـــدر وكت الفجـــر فجعوني
شفت الدمه وحامي الحمه بعيونــي
خاطري وگلبي انكسر انه زينب 2
------------------------------------------
ابليلة چانت يفترض بيهه السعـاده
الله نزل رحمته ولطفه لعبـــــــــاده
وانه جابولي الولي بدم الشهـــــاده
والمرادي بهل الفجر حصل مــراده

غاب الامـــل خير العمل گدامـي
الدمعه جرت واطشـرت احلامي
عاشر عيوني السهر
------------------------------------
گبالي جابوه وشفت حمره العمامـه
شكله متغير علي ومطبوره هامـــه
اتوسلت ربي وصحت كومه بسلامه
هذا ابوي المرتضى اليرعى اليتامه

حنيت انـه وضهري انحنه للوالــي
شنطر بعد هــــــــذا الضمد والغالي
عمري محنية ظهر
-------------------------------------

شفته وجروح الكلب ردت جديــــده
وأسئل حسين شجرة لحال الصميده
راسه معصوب وابونه مسبل ايـــده
گلي مجروح ودوه ما اضن يفيده


جفني يهلي وطبرة علـــي چتالـــه
بين الدمــع واصعب وضع يا حاله
خدي بدموعي انحفر
----------------------------------
ذكرت امي ورجع بالي لكسرهــــــه
افترت الدنيا وعلي دارت غدرهـــــه
هايه ليلة الوادم تنام بفجرهــــــــــه
وزينب بحسره ودمه محني ضهرهه

تدمي الگلــب ليث الحرب يتصوب
الحالي بقهر صم الصخر يتــذوب
مدري شيريد الدهر

---------------------------------
وجهه مصفر الوصي حامي الحميه
ينظر بعالي السمه وينظر اليـــــــــه
چن احس بنظرته توديع اليــــــــــه
نزلت الدمعه وبقت عيني جريـــــــه

ابراسه الجرح والدم يسح ويكابر
الچانالي فـــي ينظـر علي وصابر
يحمل آلامه انجبر
----------------------------
اقره بعيونه حجي وفرگه ونهاية
اشعر يگلي الصبر زينب ورايـــه
كتله بويه اتجحرت بلحاله هايـه
وما دريت الوعتي چانت نهايـــه


اليفگد محب يصبر چذب بغيابه
حيلـي انهدم نـــــار الالم لهابـه
هيجي خلاني القدر



✍الشاعر رعد الجريخي✍


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

خدمة حسين تجاره ربح مابيها خساره
شرط واجب تلتزم
ما يريدك بس اسم
خدمة حسين تجاره
.........................................
خدمة حسين شرف بيها كرامه
خادم اسمك حتى لو لابس عمامه
شكم دليل الخدمته وشكم علامه
ما يريده الماخذ اطباع الحمامه
ما يريدك بس لطم
شرط واجب تلتزم
حتى دنيا واخره تنول الصداره
خدمة حسين تجاره
..................................................
اليخدم حسين شرط عنده عقيده
يلتزم مو لازم الا يكطع ايده
حسين لجلك هوه قدم دم وريده
هلله هلله لو يقبلك من عبيده
خادم اسمك والنعم
شرط واجب تلتزم
كل صباح وكل مسه اقره الزياره
خدمة حسين تجاره
.......................................................
قصة الخدمه ترى قصه عجيبه
تبتعد منها وتضل منك قريبه
المصيبه الخادم وصافي حليبه
من يضيع الخدمه ما تبقاله هيبه
بهالامر عندك علم
شرط واجب تلتزم
حتى بالمحشر الك كبه ومناره
خدمة حسين تجاره
................................................
حسين صرخة كل ضمير العنده غيره
يعني مو ياهو اليجي وكال اني اسيره
شيخ الانصار حبيب وجان اميره
حسين اهلي وناسي لا حتى العشيره
حسين مقياس الزلم
شرط واجب تلتزم
اليخدمه كون صادق في قراره
خدمة حسين تجاره
.................................................
حسين علمنه الثبات اعله الولايه
حسين قرءان وخدمته عدنه ايه
عالم الخدمه كرم ماله نهايه
انته بس انوي وعلى الزهره البقايه
بيا علي شد العزم
شرط واجب تلتزم
اول وتالي تجي الوادي الحياره
خدمة حسين تجاره
.............................................
خادم خدمة الحسين
الشاعر
محمد الموالي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لذكرى أستشهاد أمير المؤمنين علي عليه السلام
وعن لسان حال فخر المخدرات زينب الحوراء عليها السلام
.....................
شوغه أتجيبني شوغه توديني
بثكال المصايب دهري حانيني
..................
شوغة فاطمه أو بسمارها الدامي
أو راسك يا علي المطبور كدامي
أو مسموم الجبد ولنذبح ضامي
وفراك الكفلني أهواي ياذيني
...................
أدخيله أبجاه وجهك حاضر الشده
عاين عاليتيم الدمعته أبخده
يكسر خاطر الله أوخاطرك بعده
يسألني عليك أوشوغه يهديني
.....................
فدوه أنه أروح الطولك الغالي
أزغر ذكرياتك شللت حالي
زينب يابو زينب هالصدى أبالي
يصابحني الصبح مغرب يماسيني
......................
من تطلع شمس وتغيب محتامه
حيل الشوفتك والشهر وصيامه
من سيل المدامع خضرت شامه
ماشاب الشعر شيب هدب عيني
.......................
هدل حيلي الطبيب العاين أصوابك
مسموم النصل ياحيدر الصابك
سمعته أيحاجي أخوتي المسحو أخضابك
حضروله الجفن هزت موازيني
.....................
عله روس اليتامه أجفوفك الترفه
تمسح والمعاني اليوم مختلفه
صرت أنه اليتيمه ونته ياوسفه
بتراب اللحد ياجوهر أسنيني
...................
فجر الكوفه نكبه أوطاحت أبناسك
أومحرابك تمنه نسمة أنفاسك
بويه أوداعت الله والبكه أبراسك
ماأنساك لحظه أبمذهبي أوديني
.....................
خادم أهل البيت
الشاعر : أسماعيل الجوراني
الخميس : 2/5/2019


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

512-الأمام أمير المؤمنين ع...1
**************************
راحل بهاي المسِيّة..رحلة اوداع و منِيّة
عني من يسأل بعد
والدي الليله انفكَد
************************
رحلة اغيابك طويلة بطول الاحزان
اتغشّت بثوب المصيبة و لبست اكفان
طبره الِبراسك غميجة و بيهه نيشان
خطهه رمح النايبة و غطّاهه صيوان
طبره البراسك غميجة
بيهه عبدالله و نشيجه
نبلة و اكَماط و مهد....1
**************************
طبره البراسك غميجة و سالت ادموم
و انه اعاينهه بونيني و كَلبي مالوم
التمّت ادموع اليتامه بعينك اغيوم
اتصوّرت جنّك يتامه العاشر اتحوم
من شفت دمع اليتامه
تذكر حسين و خيامه
و الشمر يوم الكَعد...2
*************************
من شفت دمع اليتامه اكَبالك ايسيل
تذكر ايتام السحكَهه بحافر الخيل
يا جبل نزفك يجيدك يهدم الحيل
تذكر السهم المُثلّث ينزل الليل
ينزل الليل بعيونك
ينخطف من عنده لونك
موتك الروحك كَصد....3
************************
ينزل الموت بعيونك ساعة الموت
جنّك اتعاين عليّه و تبجي بسكوت
نظرة اعيونك غريبة و بيهه تابوت
شايل احلام و أماني و يخنكَ الصوت
غربة اعتاب و تمنّي
و انت جن تسألني عني
من الكَمر تاخذ عهد...4
********************************
غربة اوداع و تمني اتسولف اوداع
يشرح بصبر انتظارك نوح الاوجاع
شالوا اخواني الأماني و الأمل ضاع
مركب ايامي برحيلك رايد اشراع
ناظري امخزّن مدامع
يشرح بجفني المواجع
جمري لاهب ما خمَد...5
****************************
ناظري امخزّن مدامع بيهه ذكراك
يالرحت عني و عفتني خذني ويّاك
باجر بكتر النهر يا حيدر انخاك
بلكي يَم تلّ المصايب حاضر الكَاك
حاضر و تسمع نحيبي
بس دمع بعدك نصيبي
رايه و اجفوف و عمَد....6
&&&&&&&&&&&&&&&&&&&&&&
سيد حيدر العوادي
بابل الشوملي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

🚩وداعيه🚩
................
 لذكرى أستشهاد أمير المؤمنين الأمام علي عليه السلام
................
الوداع الوداع ياأمير المؤمنين
الوداع الوداع ياأمام المتقين
................
ياأبو الحسنين حيدر ياولينه ياعلي
جادر أمصابك نصبنه والمدامع تنصلي
نلطم الليله صدرنه والحزن ماينجلي
ياولي الله أووصيه ياعشكنه الأزلي
ياملاذ الحائرين ... ياعرين الصابرين
................
ياأبو الكل اليتامه يتمانه أمصابك
هاي سجادة صلاتك باقيه أبمحرابك
ليلة الوحشه ثكيله لايطول أغيابك
ياأبو الشدات شده والفرج بعتابك
يامنار القاصدين ... ياصفاء العاشقين
................
المرادي أنشلت أيده أولاطبرلك هامك
ماخلص رمضان بعده العافيه أبهندامك
سفرة أيتامك تريدك تحتضن أيتامك
علي عاين عاليتامه حنت ألئيامك
يانواة الفاقدين ... يامظيف السائلين
................
الفجر حانت صلاته ماتصلي أبناسك
ياعلي لمن تأذن زاكيات أنفاسك
أوياعلي أبنية صلاتك مامثيله أحساسك جامع الكوفه يريدك والوفه نوماسك
ياحزن مايستكين ... يامعين المنهكين ................
أبابك الليله يتامه بالدمع ينعونك
سالم أوغانم يحيدر ودهم أيشوفونك
علي ياليث الحريبه أعداك ميهمونك
زودك أبكل المعارك ماخذل مظمونك
يامذل الكافرين ... يانجاة الراغبين
................
الوداع الليله هايه شيعتك حزنانه
ألتمت الليله أبمصابك والمهج ذبلانه
أنهدمت أركان الهدايه أبظربتك مولانه
أتنادي وتعشم نفسها بالحشر تلكانه
ياصراط الصادقين ... ياأمان الخائفين
................
خادم أهل البيت
الشاعر : أسماعيل الجوراني


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

حصريا الناشر عباس التميمي

كل مسيه * يحدي بيه * يحدي بيه * الشوك

١-
من اهد ما دفعو الجنه
النفس كوات اشمنه
ميته بكربله اتمنه يدنيا
من شفت الصدر ينرض
جفن عيني بعجل غمض
حسيني ابيش يتعوض يدنيا

يا زماني * تعباني * تعباني * النوك

٢-
نداس بيا ذنب صدره
ضلوع حسيني مطشره
نامت بالكلب حسره يليلي
مثل ماي النهر متني
صياط الغربه اذتني
اوكع ومشي خلتني يليلي

الهاشميه * بس عليه * بس عليه * تلوك

٣-
تكتل ساعة الفركه
وانه بدمعاتي محتركه
مثل حسيني وين الكه يروحي
صرت محرومه من كلشي
حرت من يا درب امشي
انه المحد رفع نعشي يروحي

من سبونه * طببونه * طببونه * السوك

٤-
اصبح ومسي مجروحه
انه اعله حسيني مذبوحه
هذاك النازع بروحه عليه
كطعت الهيمه عطشانه
وراس الغالي ويانه
شفت حسيني ذبلانه عليه

ياحسرتي *من ضحكتي *من ضحكتي *تبوك

٥-
سبب واحد يموتني
غريبه الدنيا خلتني
الناكه العرجه اذتني يخويه
انه المحد فزع ليه
كلها تكلي مسبيه
عكب عينك يبو رقيه يخويه

صدرك انته * ما عرفته * ما عرفته * مسحوك

٦-
فاركني اعز ناسي
وطلع شيب بوصط راسي
الله يساعد احساسي غريبه
يهنياله الدفن روحه
قبل لا ينسمع نوحه
عشت كل عمري مجروحه غريبه

يالسبيه * مو عليه * مو عليه * تلوك


الخادم
حسين عبد الجليل المالكي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

إستشهاد أبي الحسنيين عليه السلام
--------------

نال الشهاده المغوار === بالسجده فاز الكرار
والدين ظل بَحْزانه === وإتـْهَدّمَت أركانه
بالسجده فاز الكرار
-----------
ظل ينتظر == طول العمر == يوم الشهاده الدامي
مـَل إو تـَعـــــَـب == لله رَغـــَــــب == صابر ولينه الحامي
موعد إلــــــــَه == يستاهِلــَه == وإتـْحقـّقت نادى أحلامي
سال الدِمــــــــــَه == يروي الظـِمـَه == محرابه ناح إو ظامي
نال اليريده المهيوب === فارﮒ بنينه المحبوب
والكون أظلم وإنهار === بالسجـــده فاز الكرار
ـــــ
سيف الشقي == صاب التقي == أدْمَت جبينه الضربه
زال الرَدَه == عن الهُدَه == ما ثــَنــّه يوم إبحربه
لله رِكَع == صوته إنـْسِمَع == يشكر ينادي ربــّه
آني فزت == إلها إو حزت == هاي الشهاده الرحبه
جبريل نادى إبآلام === إنهد تراده الأسلام
طبروا علي حامي الجار === بالسجـــــــــــده فاز الكرار
ــــ
ها يلحسن == عودي إنطعن == وإبياكتر إصوابه
زينب ﺑﭽــت == صاحت نخت == وين الولي وأحبابه
وإتـــْيــَتــّمت == آني إﻓﮔــدت == نبع الحنان إو بابه
ﮔلبي يـِوِن == روحي إبْحِزِن == ما تنسه دوم إمصابه
ﻔﮔده صعب ما أنساه === حرمونه منـّه ويلاه
ظلمه إبرحيله كل دار === بالسجــــــــــــــده فاز الكرار
ــــــــ
يـــَم الحزن == آني أضن == بعدي يطول إمصاﺑﭻ
وإبكربله == ينزل بله == ﺑﻳﭻ إو يدﮒ أبواﺑﭻ
فوﮒ الثــَرَه == وإمـــْجـَزره == كلهم ضحايه أحباﺑﭻ
جرحي سهل == بس يـِنـْحِمِل == وإنتِ ﭽبير إصواﺑﭻ
ثوريّه إنتِ إوْيَه إحسين === وإلكل ظلم تِتـْحَدّين
ﺗروين للناس الصار === بالسجـــــــــــده فاز الكرار
ـــــ
إﮔصد علي == أطيب ولي == معروف من عنوانه
وإدعي إبأمل == خير العمل == روحك ترد فرحانه
وإبلهفتك == وإبطلبتك == إﮔصد لعد ديوانه
ياباالحسن == صيح الزمن == جار إبظلم آذانه
بس ما نعوفك هيهات === إنتَ التِحِلها الشدّات
جينه نعزّي المختار === بالسجــــده فاز الكرار
------------
شاعر أهل البيت / جابر النجفي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

أنته ياحيدر ملكت أحساسي
وانه لجلك راح اطبر راسي
ياكرار،،،،،،،،ياكرار

جيت لابس جفني الابيض ****ارد أحقق غيتي
اليوم أطبر راسي بيدي****وسبح بدم هامتي
انه شيعي وابن شيعي****وافتخر بولايتي
والله ماعوفك يحيدر****لون طارت ركبتي
ارد أطبر بهظم واحرك كلوب الخصم

ياكرار** ياكرار

ياعلي بالدنيه مثلك**بعد ماتنجب مره
واليبغضك يبو الغيره****الصوج من أمه تره
انه أول ماعشكتك****حبك بدمي سره
لان أدري الشيعي باجر****أنته تختم دفتره
المايحبك ياعلي****هذا اكبر جاهلي

ياكرار****ياكرار
انه عندي لللامانه****أحجايه اريد أحجيها
هامتي تدري انذرتها****وحر تراني بيها
البعض من أبجي وأطبر****تعترض شعليه
هسه توني أعرفت خصمي****أيضوج من أدميها
الراد أعوف أمحبتي****أله أقهره بطبرتي
ياكرار****ياكرار

اليوم خليني أواسي ****زينب بهذا المصاب
لان تطبيري أشوفه****ياعلي عيني الصواب
أنه دمي من اسفكه **** افخر بدم الخضاب
انه ما صدك تذبني **** يا علي بيوم الحساب
عله اعناد الناصبي *اليوم احقق مطلبي
يا كرار * يا كرار
*******
لمن الرادود يقره * والمواكب تستعد
اتكبر اجروحي بأذاني وبيه شوكي ينولد
انه احب كل ما اطبر * علك دوم براسي اشد
بيني وبينك يحيدر * ارد اقرب البعد
للزم القامه وادك * واحرك الدنيه حرك
يا كرار يا كرار
**
كلبي ما ينطيني اودعك * يا امير المرجله
ولون ذبحوني يحيدر * هالعشك ما بدله
انه شيعي والحميه *عله طولي امفصله
يبو حسين العمر عكبك * تره بعيني ما حله
الشوفتك كلبي عطش * وجسمي احس كله ارتعش
يا كرار * يا كرار
*****
تمت
تحسين الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

واعلياه واعلياه واعلياه
ــــــــــــــــــــــــــــــــــــــــــــ
هذا صوت المحب ناده ابفاجعه
يلطم اعله الراس عينه دامعه
شلون طبروا راس سر القارعه
وعلا الصوت وآ وصياه واعلياه
ـــــــــــــــــــــــــــــــــــــ
هذا ابو الحمله علي حامي الحمه
هذا مو راسه انطبر راس السمه
تلطم اعله الراس هسه فاطمه
سيف اهل الحقد ادماه واعلياه
ـــــــــــــــــــــــــــــــــــ
الكون كل الكون صاباه الذهول
علي صابوا راسه لو طه الرسول
هاي منهو الكاعده تنوح البتول
فعلي النهج معناه واعلياه
ــــــــــــــــــــــــــــــ
صارت الدنيه ضلام ابلايه نور
ايعزّي القران توراة وزبور
والملائك كاصده وتتبعهه حور
هدم الدين علي لولاه واعلياه
ـــــــــــــــــــــ
ياعلي المحراب لمصابك يون
والعرش متصوب بسهم الحزن
يا جبل بالكاع ماضن يندفن
كل شيعي انت مولاه واعلياه
ـــــــــــــــــــــ
الشاعر محمد حسن ضيغم



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ريت السمه بلاية فجر
ولا بوية راسـك ينطبر
*************
شنسوي بعدك بالسمه
والگمر مخضوب بدمه
رايح يحماي الحمه
يالماخذ وياك العمر.
**************
ألمن اظل بغيبتك
مو تدري انه بعازتك
طبرو يحيدر هامتك
لو هذا ظلعي المنكسر
***************
يا بوية ارحم حالتي
مو كَتلي انتي رويحتي
غيابك يشيب چبدتي
ومنين اجينه الصبر
****************
بوية اشكثر راح ابتلي
من عني تبعد يا علي
عالنهر يوگع كافلي
وعالنوك اروحآ لليسر.
****************
من هسه اشم حركَ الخيم
من حيلي يوگع والعلم
اتسلب اني ويالحرم.
من يبقى عالشاطي الخدر
****************
ليل البعد ما ينحمل
فكَد الحبايب موسهل
باچر يچتفوني بحبل
من انچوي بشمس الظهر
****************
يابوية اروح ميسرة
وحسين يبگه على الثرة
باچر اظل محيرة
ويضربني كل ساعه الشمر.
*****************
بالشام لمن اندفن
هم ما يفارگني الحزن
اليوصلي يسمعني أون
وموحش يظل بوية الگبر
******************
حيدر حسين الكرعاوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لذكرى أستشهاد أمير المؤمنين علي عليه السلام
وعن شجاعة أبا الفضل العباس عليه السلام
بعد أن وصاه أمير المؤمنين علي بكفالته للحوراء زينب عليها السلام
........................

عباس صد الزينب أيحاجيها
الباراها حيدر كافل أيباريها

ممنونه منك جاوبت ممنونه
رف شاربه لخته أو تكول أعيونه

الباراها حيدر كافل أيباريها
....................
1
من شاف أخيته بت علي مهظومه
طك عرج كصته أو درع زيج أهدومه
أو شيبة علي المتخضبه من أدمومه
راس أبن ملجم هسه أجيب أعلومه

غيرواي أبو فاضل ترس أنفاسه
غيرة علي مزروعه كلها أبراسه

بكماطه بعده أو زينب أزغيرونه
رف شاربه لخته أو تكول أعيونه

أكبر ودللها وخاف أعليها
.......................
2
كظ شاربه أودك صدره راعي الغيره
صح المصيبه الليله عدنه أجبيره
لاكن علي مامات حي السيره
هذا اللغز بس أنتي كد تفسيره

عندج أخوان أبيمنتج حطيها
حيدر أبوج أعله الوفه أمربيها

كلبي أباأخوتي ميت ألف خيعونه
رف شاربه لخته أو تكول أعيونه

نخوة علي أبعباسج أتشوفيها
.......................
3
زم ماي عينه أو دمعه عالخد ساحت
عباس تبجي أبعجبه زينب صاحت
أبطبرة أبوي أعمامه سوده الطاحت
أو عدة عمايم كامت ألها أرتاحت

روحي لئن كلها وفه أوحنيه
حتى أحن من روحي أحسها أعليه

لو مال حملي ساده اليعدلونه
رف شاربه لخته أو تكول أعيونه

لختي العقيله أرويحتي أفديها
.....................
4
شد رايه لخته أو أخته شدت رايه
كالت أحجايه أو هوه كال أحجايه
تعبان أبو اليمه أعله ولده أهوايه
أنطاهم خبز حيدر علي أو تربايه

بين الكمر وم الخدر هالصوره
حق الأخوه اليوم صار أسطوره

من شاف أبوه أجنازه ويشيعونه
رف شاربه لخته أو تكول أعيونه

شنطيت زينب جني ما منطيها
....................
5
يم نعش أبوه الغالي محسور الراس
راعي الكفاله أتعنه  وتشوفه الناس
من جود فضلك يا علي أعله العباس
وووودعت زينب عنده يابو النوماس

كال أبصدر مخنوك زينب عندي
أعذيبي الهوى النسناس لو مر جبدي

زينب أجتله أو لزمته أمناأمتونه
رف شاربه لخته أو تكول أعيونه

أوياج الكفاله الموتتي أموافيها
.........................
6
أتبده يم زينب خجل من ذاتي
أو خادم أظل ألهها أو تظل مولاتي
لو عز عليها أجفوفي وعويناتي
جا ماني أبن حيدر علي معناتي

باجر خوالي أبكربله يغروني
وانه أشتري زينب أو ما يشروني

وحسين أبو السجاد أموتن دونه
رف شاربه لخته أو تكول أعيونه

فرسان أميه أبصولتي أفنيها
........................
خادم أهل البيت
الشاعر : أسماعيل الجوراني
السبت : 27/4/2019

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

كلميني لـــيش دمعاتج اشوفنهه نديه
كلميني لحضت اودعي يبويه موبديه
كلميني كلميني
****
بويه مـــوبدي الـــوداع وفركتج نار
بويه منج بـــــاعدواني كوم الاشرار
الج وحجيلج وســـولف هاي الاعذار
هذه مــــن رب العرش يابويه اسرار
بجرحي اكابر وبقه صابر
ولااشوف ادمــوع مــــن عينج جريه
****
عيني تبقه عليج مـــــايغمض جفنهه
وروحي بلحسره تضل هـيه اوجفنهه
يزيد ظيم الكلب مــــن يسمع ابـونهه
زينب الحــــره صــفت تنطر حـزنهه
تكول اناطر يجي بــاجر
تنتظر وتكول شــــو مــــارد عــــليه
****
بويه ملك المــــوت بلغـني بحضوره
وكلي ســاعـــات الفجر حيدر ازوره
الديــن طــايـح ونهدم الاسلام سوره
دهري مغضب والزمـان ايزيد جوره
بغدر كافر كسر خاطر
وخــــله زينب تنظر الحيدر رمــــيه
****
طــبرت الــهامـــه تهون ولا دمعتج
طحت جـــابوني يبويه بعيني شفتج
بعتبت الباب نتظرتي انتي اوعبرتج
يــوم يـــومين اواودع بـــويه خلتج
بيج حاير يوم اسافر
كلبج يضـــل بحــزن والـهم سـويه
****
بويه شــدي حــــزام للهم للمصايب
وحضري دلالج عله كـــــل النوايب
بعدي بــويـه عينج تشوف العجايب
ملت اشـــرار الـفـــــو والكلب ذايب
ماكو ناصر ضل يناصر
ولارعــــو ديـــن الالــــــه او لانبيه
****
ابوحيدر الصبيحاوي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ياعلي وينك…والله ضيعنه الزمان
ياعلي وينك…اليـتـامه بكـل مكان
يا بو حسين…يا بو حسين
★★★★★★★★★★★★★★★
بســمـك يحكـمـونه لـكـن مـاكـو اي ذرة عـدل
كلهه مندعيه اعلئ نهجك بس مضاهر موفعل
نـاس بـركـاب اليـتـامـه كـامـت تشــد وتــحـل
ياعـلـي مـاعـدنـه مـثــلك واحـد يـلـم الشـمـل


الشدد طاحت… ياعلـي براس الفقير
الشدد طاحت… ومنهو المثلك يصير
يا بو حسين يا بو حسين
★★★★★★★★★★★★★★★
زمره مثل اهل السقيفه وبيديهم صار الحـكم
شـتتـو لـمــة شـمـلنـه وذبحـو النـه اجـم حـلم
صرنه حتئ نخاف نفرح وحتئ حسره نبتسم
ياعـلـي والله ابتليـنـه ليش بـس بـينه الضـلـم

كلمن يـودك…هـذا لازم يـنـضـلـم
كلمـن يودك…ما اله حق باي حلم
يا بو حسين يا بو حسين
★★★★★★★★★★★★★★★
كـبـل انـصـار ومـهـاجـر وعــاشـو بـروح كلـب
وهسه كل بيت التدخله تلكه كل واحـد حـزب
ضعنه مدري شضيعانه وضاع من عدنه الدرب
احنـه ما حـاربنه ضـالـم بـس دواخـلنـه حـرب

الدنيا عشناهه…حسره وهموم وقهر
الدنيا عشناهه…والـدمـع ينـزل نـهـر
يا بو حسين يا بو حسين
★★★★★★★★★★★★★★★
مو فقـط بس اليتامـه بـدونـك اليلحكهه ضـيم
ياعـلـي المـا عـنـده والـي يـعــتبـر اكـبـر يـتـيـم
واحنه عشنه ابلايه والي وعشنه بالدنياالجحيم
محـد اليـرحم ضعـفـنـه فقـط بـس الله الرحيم

منهو نشكيله…خـاطـر يلـبي النداء
منهو نشكيله…صرنه خيمه بكربلاء
يا بو حسين يا بو حسين
★★★★★★★★★★★★★★
علي حسين الفرطوسي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

https://youtu.be/cpFu_No4kiY
توجد مكتوبه المراسلة على المعرف 👇👈 👈 👈👈 @Abas747