أنته ياحيدر ملكت أحساسي
وانه لجلك راح اطبر راسي
ياكرار،،،،،،،،ياكرار

جيت لابس جفني الابيض ****ارد أحقق غيتي
اليوم أطبر راسي بيدي****وسبح بدم هامتي
انه شيعي وابن شيعي****وافتخر بولايتي
والله ماعوفك يحيدر****لون طارت ركبتي
ارد أطبر بهظم واحرك كلوب الخصم

ياكرار** ياكرار

ياعلي بالدنيه مثلك**بعد ماتنجب مره
واليبغضك يبو الغيره****الصوج من أمه تره
انه أول ماعشكتك****حبك بدمي سره
لان أدري الشيعي باجر****أنته تختم دفتره
المايحبك ياعلي****هذا اكبر جاهلي

ياكرار****ياكرار
انه عندي لللامانه****أحجايه اريد أحجيها
هامتي تدري انذرتها****وحر تراني بيها
البعض من أبجي وأطبر****تعترض شعليه
هسه توني أعرفت خصمي****أيضوج من أدميها
الراد أعوف أمحبتي****أله أقهره بطبرتي
ياكرار****ياكرار

اليوم خليني أواسي ****زينب بهذا المصاب
لان تطبيري أشوفه****ياعلي عيني الصواب
أنه دمي من اسفكه **** افخر بدم الخضاب
انه ما صدك تذبني **** يا علي بيوم الحساب
عله اعناد الناصبي *اليوم احقق مطلبي
يا كرار * يا كرار
*******
لمن الرادود يقره * والمواكب تستعد
اتكبر اجروحي بأذاني وبيه شوكي ينولد
انه احب كل ما اطبر * علك دوم براسي اشد
بيني وبينك يحيدر * ارد اقرب البعد
للزم القامه وادك * واحرك الدنيه حرك
يا كرار يا كرار
**
كلبي ما ينطيني اودعك * يا امير المرجله
ولون ذبحوني يحيدر * هالعشك ما بدله
انه شيعي والحميه *عله طولي امفصله
يبو حسين العمر عكبك * تره بعيني ما حله
الشوفتك كلبي عطش * وجسمي احس كله ارتعش
يا كرار * يا كرار
*****
تمت
تحسين الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

واعلياه واعلياه واعلياه
ــــــــــــــــــــــــــــــــــــــــــــ
هذا صوت المحب ناده ابفاجعه
يلطم اعله الراس عينه دامعه
شلون طبروا راس سر القارعه
وعلا الصوت وآ وصياه واعلياه
ـــــــــــــــــــــــــــــــــــــ
هذا ابو الحمله علي حامي الحمه
هذا مو راسه انطبر راس السمه
تلطم اعله الراس هسه فاطمه
سيف اهل الحقد ادماه واعلياه
ـــــــــــــــــــــــــــــــــــ
الكون كل الكون صاباه الذهول
علي صابوا راسه لو طه الرسول
هاي منهو الكاعده تنوح البتول
فعلي النهج معناه واعلياه
ــــــــــــــــــــــــــــــ
صارت الدنيه ضلام ابلايه نور
ايعزّي القران توراة وزبور
والملائك كاصده وتتبعهه حور
هدم الدين علي لولاه واعلياه
ـــــــــــــــــــــ
ياعلي المحراب لمصابك يون
والعرش متصوب بسهم الحزن
يا جبل بالكاع ماضن يندفن
كل شيعي انت مولاه واعلياه
ـــــــــــــــــــــ
الشاعر محمد حسن ضيغم



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ريت السمه بلاية فجر
ولا بوية راسـك ينطبر
*************
شنسوي بعدك بالسمه
والگمر مخضوب بدمه
رايح يحماي الحمه
يالماخذ وياك العمر.
**************
ألمن اظل بغيبتك
مو تدري انه بعازتك
طبرو يحيدر هامتك
لو هذا ظلعي المنكسر
***************
يا بوية ارحم حالتي
مو كَتلي انتي رويحتي
غيابك يشيب چبدتي
ومنين اجينه الصبر
****************
بوية اشكثر راح ابتلي
من عني تبعد يا علي
عالنهر يوگع كافلي
وعالنوك اروحآ لليسر.
****************
من هسه اشم حركَ الخيم
من حيلي يوگع والعلم
اتسلب اني ويالحرم.
من يبقى عالشاطي الخدر
****************
ليل البعد ما ينحمل
فكَد الحبايب موسهل
باچر يچتفوني بحبل
من انچوي بشمس الظهر
****************
يابوية اروح ميسرة
وحسين يبگه على الثرة
باچر اظل محيرة
ويضربني كل ساعه الشمر.
*****************
بالشام لمن اندفن
هم ما يفارگني الحزن
اليوصلي يسمعني أون
وموحش يظل بوية الگبر
******************
حيدر حسين الكرعاوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لذكرى أستشهاد أمير المؤمنين علي عليه السلام
وعن شجاعة أبا الفضل العباس عليه السلام
بعد أن وصاه أمير المؤمنين علي بكفالته للحوراء زينب عليها السلام
........................

عباس صد الزينب أيحاجيها
الباراها حيدر كافل أيباريها

ممنونه منك جاوبت ممنونه
رف شاربه لخته أو تكول أعيونه

الباراها حيدر كافل أيباريها
....................
1
من شاف أخيته بت علي مهظومه
طك عرج كصته أو درع زيج أهدومه
أو شيبة علي المتخضبه من أدمومه
راس أبن ملجم هسه أجيب أعلومه

غيرواي أبو فاضل ترس أنفاسه
غيرة علي مزروعه كلها أبراسه

بكماطه بعده أو زينب أزغيرونه
رف شاربه لخته أو تكول أعيونه

أكبر ودللها وخاف أعليها
.......................
2
كظ شاربه أودك صدره راعي الغيره
صح المصيبه الليله عدنه أجبيره
لاكن علي مامات حي السيره
هذا اللغز بس أنتي كد تفسيره

عندج أخوان أبيمنتج حطيها
حيدر أبوج أعله الوفه أمربيها

كلبي أباأخوتي ميت ألف خيعونه
رف شاربه لخته أو تكول أعيونه

نخوة علي أبعباسج أتشوفيها
.......................
3
زم ماي عينه أو دمعه عالخد ساحت
عباس تبجي أبعجبه زينب صاحت
أبطبرة أبوي أعمامه سوده الطاحت
أو عدة عمايم كامت ألها أرتاحت

روحي لئن كلها وفه أوحنيه
حتى أحن من روحي أحسها أعليه

لو مال حملي ساده اليعدلونه
رف شاربه لخته أو تكول أعيونه

لختي العقيله أرويحتي أفديها
.....................
4
شد رايه لخته أو أخته شدت رايه
كالت أحجايه أو هوه كال أحجايه
تعبان أبو اليمه أعله ولده أهوايه
أنطاهم خبز حيدر علي أو تربايه

بين الكمر وم الخدر هالصوره
حق الأخوه اليوم صار أسطوره

من شاف أبوه أجنازه ويشيعونه
رف شاربه لخته أو تكول أعيونه

شنطيت زينب جني ما منطيها
....................
5
يم نعش أبوه الغالي محسور الراس
راعي الكفاله أتعنه  وتشوفه الناس
من جود فضلك يا علي أعله العباس
وووودعت زينب عنده يابو النوماس

كال أبصدر مخنوك زينب عندي
أعذيبي الهوى النسناس لو مر جبدي

زينب أجتله أو لزمته أمناأمتونه
رف شاربه لخته أو تكول أعيونه

أوياج الكفاله الموتتي أموافيها
.........................
6
أتبده يم زينب خجل من ذاتي
أو خادم أظل ألهها أو تظل مولاتي
لو عز عليها أجفوفي وعويناتي
جا ماني أبن حيدر علي معناتي

باجر خوالي أبكربله يغروني
وانه أشتري زينب أو ما يشروني

وحسين أبو السجاد أموتن دونه
رف شاربه لخته أو تكول أعيونه

فرسان أميه أبصولتي أفنيها
........................
خادم أهل البيت
الشاعر : أسماعيل الجوراني
السبت : 27/4/2019

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

كلميني لـــيش دمعاتج اشوفنهه نديه
كلميني لحضت اودعي يبويه موبديه
كلميني كلميني
****
بويه مـــوبدي الـــوداع وفركتج نار
بويه منج بـــــاعدواني كوم الاشرار
الج وحجيلج وســـولف هاي الاعذار
هذه مــــن رب العرش يابويه اسرار
بجرحي اكابر وبقه صابر
ولااشوف ادمــوع مــــن عينج جريه
****
عيني تبقه عليج مـــــايغمض جفنهه
وروحي بلحسره تضل هـيه اوجفنهه
يزيد ظيم الكلب مــــن يسمع ابـونهه
زينب الحــــره صــفت تنطر حـزنهه
تكول اناطر يجي بــاجر
تنتظر وتكول شــــو مــــارد عــــليه
****
بويه ملك المــــوت بلغـني بحضوره
وكلي ســاعـــات الفجر حيدر ازوره
الديــن طــايـح ونهدم الاسلام سوره
دهري مغضب والزمـان ايزيد جوره
بغدر كافر كسر خاطر
وخــــله زينب تنظر الحيدر رمــــيه
****
طــبرت الــهامـــه تهون ولا دمعتج
طحت جـــابوني يبويه بعيني شفتج
بعتبت الباب نتظرتي انتي اوعبرتج
يــوم يـــومين اواودع بـــويه خلتج
بيج حاير يوم اسافر
كلبج يضـــل بحــزن والـهم سـويه
****
بويه شــدي حــــزام للهم للمصايب
وحضري دلالج عله كـــــل النوايب
بعدي بــويـه عينج تشوف العجايب
ملت اشـــرار الـفـــــو والكلب ذايب
ماكو ناصر ضل يناصر
ولارعــــو ديـــن الالــــــه او لانبيه
****
ابوحيدر الصبيحاوي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ياعلي وينك…والله ضيعنه الزمان
ياعلي وينك…اليـتـامه بكـل مكان
يا بو حسين…يا بو حسين
★★★★★★★★★★★★★★★
بســمـك يحكـمـونه لـكـن مـاكـو اي ذرة عـدل
كلهه مندعيه اعلئ نهجك بس مضاهر موفعل
نـاس بـركـاب اليـتـامـه كـامـت تشــد وتــحـل
ياعـلـي مـاعـدنـه مـثــلك واحـد يـلـم الشـمـل


الشدد طاحت… ياعلـي براس الفقير
الشدد طاحت… ومنهو المثلك يصير
يا بو حسين يا بو حسين
★★★★★★★★★★★★★★★
زمره مثل اهل السقيفه وبيديهم صار الحـكم
شـتتـو لـمــة شـمـلنـه وذبحـو النـه اجـم حـلم
صرنه حتئ نخاف نفرح وحتئ حسره نبتسم
ياعـلـي والله ابتليـنـه ليش بـس بـينه الضـلـم

كلمن يـودك…هـذا لازم يـنـضـلـم
كلمـن يودك…ما اله حق باي حلم
يا بو حسين يا بو حسين
★★★★★★★★★★★★★★★
كـبـل انـصـار ومـهـاجـر وعــاشـو بـروح كلـب
وهسه كل بيت التدخله تلكه كل واحـد حـزب
ضعنه مدري شضيعانه وضاع من عدنه الدرب
احنـه ما حـاربنه ضـالـم بـس دواخـلنـه حـرب

الدنيا عشناهه…حسره وهموم وقهر
الدنيا عشناهه…والـدمـع ينـزل نـهـر
يا بو حسين يا بو حسين
★★★★★★★★★★★★★★★
مو فقـط بس اليتامـه بـدونـك اليلحكهه ضـيم
ياعـلـي المـا عـنـده والـي يـعــتبـر اكـبـر يـتـيـم
واحنه عشنه ابلايه والي وعشنه بالدنياالجحيم
محـد اليـرحم ضعـفـنـه فقـط بـس الله الرحيم

منهو نشكيله…خـاطـر يلـبي النداء
منهو نشكيله…صرنه خيمه بكربلاء
يا بو حسين يا بو حسين
★★★★★★★★★★★★★★
علي حسين الفرطوسي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

https://youtu.be/cpFu_No4kiY
توجد مكتوبه المراسلة على المعرف 👇👈 👈 👈👈 @Abas747

ياعلي امصابك أذاني

ذكرك ياعلي هيبت محلنه
ليالي السود مالحظه محنه
شايل وين يالكلك محنه
وعايف زينب الهاي الرزيه
وانتحب فگدك خلاني
ياعلي امصابك أذاني

أنه زينب عليه الليل مرهم
الجرح فگدك بعد مايصح مرهم
اليتامه ياعلي بالعيد مرهم
عايدهم يحماي الحميه
بس اون باچر تلگاني
ياعلي امصابك أذاني

مصابك ياعلي بينه يجراح
اليتامه اتصيح چا يمته يجي الراح
خبرنه علي اشحاله يجراح
يجينه المرتضى لو هاي هيه
بالگلب تلهب نيراني
ياعلي امصابك أذاني

يدهري الماله والي ارجوك عيناه
وين اللي يشيل الحمل عناه
الابو يادهر لو غمضت عيناه
تضل تنحب هله وداره خليه
والحزن عگبك عنواني
ياعلي امصابك أذاني

سيد علي الموسوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزله
لذكرى أستشهاد أمير المؤمنين الأمام علي عليه السلام
................
أمشيعينك للكبر دفانه
أوداعت الله ياعلي مولانه
................
أمشيعينك والدمع عالخد جلي
ياأبو الحسنين ياحيدر علي
ياولي الله ماغيرك ولي
أرواحنه من الحزن خلصانه
................
علي يازوج الوديعه فاطمه
يابطل صفين يابو الغانمه
هامتك مطبوره لوصدر السمه
مهجة أيتامك حزن مليانه
................
أنهدمت أركان الهدايه بالجره
والحياة اليوم كلها أمحيره
المرادي أشلون هامك يطبره
الكاع حزنت والسمه حزنانه
................
ياوليد الكعبه يافارس بدر
يتمتنه اليوم والموقف خِطر
ياكبر يكدر يلمك ياكبر
واضح المقصود من عنوانه
................
علي يامولانا عاين شيعتك
كلها حزنانه أوتعنت حضرتك
ياأبو الشدات حيدر ندبتك
أوكلها بمصابك صفت حيرانه
................
للنجف بعيونها أتصد النخب
والحزن هليوم عالكصه أنكتب
ياعلي نادت يمظهر للعجب
العيد أجانه ونته مو ويانه
................
أبشيعتك ياحيدره دار الدهر
السقيفه ألتمت أوعادت نظر
وخطبوط أرهابها جسد صور
جم شباب البالنجف جثمانه
................
ماكفاهم ظيم عملة كربله
أولا شواهد بالبقيع أمرمله
عالبله هليوم ياحيدر بله
زادو أبفتوه الحجر وجدانه
................
علي جاست بالعظم عملاتهم
أوصارت الشيعه هدف حملاتهم
أبنك المهدي يشل نياتهم
يمته مهدينه يخط نيشانه
................
خادم أهل البيت
الشاعر : أسماعيل الجوراني
الأربعاء : 14/6/2017

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

معـــقوله ينـضرب نجمة الثريـــه
بمحرابه ونـــغدر هتــزت الوطيه
بــس أهوه من زمان طلك الدنيه
ــــــــــــــــــــــ ❁ ❁ ❁ ــــــــــــــــــــــ
شـلون ابن ملــجم گـدر يتگرب إعليـك
وانــته يـونس بالبحر يتــنخه بس بيك
وانــته قالــع باب خيــبر ياعلي ادريـك
بس غـدر خـــانك يحــيدر مـا يلاكــيك

مـن عيــونك ايخافون لو يشوفونك
الماكـــدر يبرز ليــــك حتــما يخونك
والگــابل الفـقـــــار يشهك المنـــــيه
ــــــــــــــــــــــ ❁ ❁ ❁ ــــــــــــــــــــــ
وسفـه ايضربونه راسك ذوله الارجاس
تمنيـتـه اليــوم حـاظـر كــــونه عبــاس
جا صفـت وجــه بوجــه تتگـابل الناس
وجا طبرها الكـوفه بيهم قـبـل هالراس

يكــلــبها بيــهم خوف ويبـدي ابطبرها
ولمـن تشــوفه الگـــوم تحــفر بكــبرها
يا وسفـه ياابو حســين صـارت الـرزيه
ــــــــــــــــــــــ ❁ ❁ ❁ ــــــــــــــــــــــ
ياعلـي تــدري بـدونـك ايـتامك إهـواي
صامّــت الوادم ياحــــيدر وانته ألـماي
ابابك انجـــمعت ياغـــالي شنهي الراي
گسـرت اگلـوب اليتــامه مصيبتك هاي

صامــــو واجـــاهم عيــــد مايفطرونه
هـلال الـشـهر ويـــاك ضـــل يـتـانــونه
وبفـــركـتك ياعــيد حـزنـــت البريــــه
ــــــــــــــــــــــ ❁ ❁ ❁ ــــــــــــــــــــــ
الماعرف كـدرك ياحيــدر ماهـو انســان
البــــاري رافــع بيده قدرك عظـم الشان
الـكــون وامـلاك الســمه هليـــله حزنان
الديــــن مـن بعــدك أمـانه بركبتك جان

عله الديــــن السلام مــن بعد حيـــدر
هتـك ال اميــه اتصير بالدمـه واكثــر
ديــــن الله راح يصيــر عـد ال اميـــه
ــــــــــــــــــــــ ❁ ❁ ❁ ــــــــــــــــــــــ
الحـــسن وحســين بعـدك حارو شـلون
تصــبر أكلـــوب اليــتامه بدمــع العيون
أنـــــعمـو هـــمه بغيــابك مـا يشــوفون
علئ الدنيــــه العفــه بعدك ضل ينادون

عـميــت تراها النـــاس من بعــد عيــنك
يلطم يدك عالــراس حســن وحســينك
وزيــنب تنوح تگـــول بويـــه رد ليــــه
ــــــــــــــــــــــ ❁ ❁ ❁ ــــــــــــــــــــــ
الخادم الحسيني
(محمد رحيم المشعلاوي)


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

كريم الحاج فليح
ونسألكم الدُعاء

منـي اشگـد اخـذت احباب
بَسَّــك كــافــي يـا لتـــراب
يـــوميــه ألـــــيَّ أمصـــاب
يـــوميــه أبمصيبـــه



سَــن سيفـه عَلَـي دهــري ويلـي أبكــل حقــد سَنــه
ضام أشـﮕـد ألـي أمنالضيـم مـا يـرحمنـي شو ﭼنَّـه
مستخسـر أعيشــن دوم بـالــراحــه و بــلا وَنَّــــه
ليـش المـن هلــي أمنيمــوت بـالـدم كـونـه يتحنــه

يـوم أمصيبتـي أويـالـبـاب
بَسَّــك كــافــي يـا لتـــراب
يـــوميــه ألـــــيَّ أمصـــاب
يـــوميــه أبمصيبـــه



بهيـــده يــا دَهـــر ويــاي خلــي أبـﮕلـبـك الــرحمــه
بـﮕليبـي صفـن جــرحيــن أخــذ منهــن جَــرح لمَّــه
جَـرح أمصيبتـي أويـالـبـاب بسم اُمـي تــره أتسمَّــه
وجرح أبـأسم أبـوي وحيـل كـل ساعه تـﭼـي تلـﭼمه

يـــوم أمصيبــة المحــراب
بَسَّــك كــافــي يـا لتـــراب
يـــوميــه ألــــيَّ أمصـــاب
يـــوميــه أبمصيبـــه



اَصبـر يـا دهـــر لا ويــن يــا ﮔلبـي أشكثــر صبــره
أمـــي أتمـــوت جــدامـــي بـالبسمــــار والعصــــره
وتســـاوى الـﮕبـــر بتــراب آ يــا حســــرة الحسـره
وﮔبـالـي أبـــوي أيمـوت غــرﮔــان أبـدمـه الطبــره

أحبــابــي صفــــوا غيـــاب
بَسَّــك كــافــي يـا لتـــراب
يـــوميــه ألـــــيَّ أمصـــاب
يـــوميــه أبمصيبـــه




اِلمــن أشكــي والشكــاي أشــو متــوســـد الغبــره
نــار أمصـايبـي بـالــروح تسعــر بـالـﮕلــب جمـره
يُمـــه ألـــي يــدفنــونــه بـأسمـــه ينكتـــب ﮔبــــره
وأنتـي مـا شـفـت مكتـوب هــذا الـﮕبــر للـزهــره

يـوميـه ابدلـيـلـي اصـواب
بَسَّــك كــافــي يـا لتـــراب
يـــوميــه ألـــــيَّ أمصـــاب
يـــوميــه أبمصيبـــه



أنظـرلـك وأدگ عـالـراس يـابـو أسوالـف التـرفــه
أمنـالطبـره أشوف أتـلـوج بـويـه وطبـرتــك كلفــه
طبـرت مــوت يـالكـرار منهـا مــا أظـــن تشفـــه
أبكفـه الـدنيـه كلهـا أتصيـر بـويـه ومـوتـك أبكفَّـه

راسـي أمنالمصايب شـاب
بَسَّــك كــافــي يـا لتـــراب
يـــوميــه ألـــــيَّ أمصـــاب
يـــوميــه أبمصيبـــه




لَمَّــن شـالـوا الـتـابـوت بـويـه و مـن مشـوا عنـي
أحـس أختنـﮕـت الـريـات منعــوا كــل هــوه منـي
أدفنـوا أبـﭼـاي صحت أبصوت وَيَّ والدي و ونّـي
دوهنــي مصابــك حيــل حيــدر بــويــه دوهنــي

والمـدمــع دِمـــه سچـــاب
بَسَّــك كــافــي يـا لتـــراب
يـــوميــه ألـــــيَّ أمصـــاب
يـــوميــه أبمصيبـــه

الشاعر كريم الحاج فليح

16/5/2019

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يادهر گلي شبعد وشضام الي
خذت مني يادهر عينة هلي
-----------------------
انهار يوم اتساطعش جاني الخبر
گالوا الكرار بالهامه انطبر
تاه مني الفكر وفگدت النضر
بيوم اجوني وجابوا وياهم علي
--------------------
اجوا جابوا والدي ينزف دمه
شايلينه اخوتي الهامه مهشمه
عيونه شابحهن لعد رب السمه
صحت بويه شلون لاحك جاهلي
------------------------
يادهر هالصوره بعيوني بگت
حتى املاك السمه الحيدر بچت
الكون كله بساعة الطبره سكت
صاحت الاملاك غدروه للولي
-------------------------
طاح حيدر طاح بيتي ابطيحته
ما دريته يروح مني ابطلعته
وي اذان الفجر صارت طبرته
طاح لمن طاح طحت ابمنزلي
--------------------------
بويه اجاني العيد وينك ياذخر
چنت اعيدك كل سنه بعيد الفطر
ياحسافه السنه نايم بالگبر
والحزن بالعيد اصبح منهلي
-------------------------
صعبه والله العيد لو هل عالارض
چن صلاة العيد رادة تنقرض
لان غايب ياعلي عن الفرض
البگه براس الحسن وامره الجلي
------------------------
السيد كريم دانه الاعرجي

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

https://youtu.be/ewk5A9pHWBQ
توجد مكتوبه
المراسلة على المعرف @Abas747

حالي من حال اليتامه..و عيني شبحت عالعمامة
بيهه من دمك نهر
يرسم اجفوف و نحر
$$$$$$$$$$$$$$$$%$$$$$$$$
حالي من حال اليتامة و كَلبي محتار
عيني شبحت عالعمامة و دمعي مدرار
بيهه من دمك شريعة و يمنه و ايسار
تكتب اجفوف الكفالة بدمك اعذار
تبعث الشخصك رسالة
تشرح افصول الكفالة
و ينزف اعتاب الكَمر...1
$$$$$$$$$$$$$$$$$$$$$$$
تبعث الشخصك رسالة بلا عبارات
تشرح افصول الكفالة و عهده ميقات
ينزف اعتاب و تمنّي بخنكَة اصوات
ماتت الليله بغيابك و الأمل مات
ليلي يتماطر رزية
من النجف للغاضرية
رحلة اوداع و سفر...2
%%%%%%%%%%%%%%%%%%%
ليلي يتماطر رزية ايناظر الراس
من النجف للغاضرية املوّن احساس
رحلة اوداع بسفرهه اتموت الانفاس
شهكَة امفاركَ حبايب تنعه عباس
عيني يشرحلك دمعهه
حسرة و اغيابك فجعهه
تجرح اجفون النظر...3
$$$$$$$$$$$$$$$$$$$$$$$
عيني يشرحلك دمعهه الغربة و الشام
حسرة و اغيابك فجعهه بصوت الايتام
تجرح اجفون النواظر صورة اخيام
لونك اتغيّر لكَينه بوجهك احلام
ضاعت احلام انتظارك
و انذبح يوم احتضارك
جمر الوداع استعر...4
$$$$$$$$$$$$$$$$$$$$$$
ضاعت احلام انتظارك ماتت اوياك
و انذبح يوم احتضارك حلمي يلكَاك
جمر الموادع سعيره بروحي ينعاك
غربتي و لوعة رحيلك بيهه معناك
باقي من رسمك معاني
تسعه باكتارك ثواني
كربله و صمت القَدَر...5
$$$$$$$$$$$$$$$$$$$$$$$
باقي من رسمك معاني اتسولف اظنون
تسعه باكتارك ثواني و تسأل شلون
كربله و صمتي بقدرهه و دمع العيون
كلهم اهلي اعله الترابة و عني يمشون
صورة حسين او وريده
غربة ارقية و حميدة
كَلبي مات من القهر...6
&&&&&&&&&&&&&&&&&&&&&
سيد حيدر العوادي
بابل الشوملي

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

https://youtu.be/xyWqvh9k3FE

توجد مكتوبه 👇👇👇
المراسلة على المعرف @Abas747

يا علي شلون .. ما أشوف عيونك
انظر يدفنونك .. شيصبر العيــــون
...............

يا علي وين الگه بالدنيا بحنانـــك
لو رحت ياهو اليسد حيدر مكانك
چنت انام الليل مرتاحة بامانــــك
مني ما يرحم خذك ظالم زمانـــك

بحيرة ضليـــت .. يجري دمع عيوني
ريت لو دفنوني .. شگد تمنيـــــــــت
...............

شيعوك وچنهم يشيعون بيــــــه
انا و الميته بعد عينك سويــــــه
دنيتي بظيم و الألم جارت عليه
و دعيتك يا علي بهاي المسيـــه

بهذا الـــــــــــوداع .. ودعيت أيامي
و اختفت أحلامي .. كل الأمل ضاع
...............

حگي من اجزع و انوح بهل مصيبة
راح اضل بعدك يبو زينب غريبــــــة
المثلك بهذا الزمان منين أجيبـــــــه
گلبي يا حيدر فلا يخمد لهيبـــــــــه

يا علي بهــــــــاي .. فرگتك تاذيني
دمع غرگت عيني .. اذتني دنيــــاي
...............

الليلة دارك يا علي وحشه وحزينـــه
چنت خيمه وفيك مضلل علينـــــــه
حگنه لو دم مو دمع بعدك بچينـــــه
نموت گبلك ردنه بس ما صح بدينه

ادري عالمــوت .. ما يفيد اعتابـــي
ما يرد اجوابي .. ولا يرجع الصوت
...............

يا علي بويه بوجودك چنت أميـــــره
من رحت سموني من بعدك اسيــــره
بغربه وحدي بلا أهل وبلا عشيـــــره
جدمي كل ساعة ومشه وطباله ديره

فوگ الاجمــــال .. صعبة أوصف حالي
حرمه وبلا والي .. محتاره بعيــــــــال
...............


الشاعر حسين الفيصلي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

https://m.youtube.com/channel/UCGd-VEzomHmEmcn4jnSjpeA
قناتنا على اليوتيوب تابعونا قصائد حصريا اضغط اشتراك

شنكل لليتامه .....ماحصلت سلامه
رايح ياعلي


ابابك كعدت هاي ايتامك تتنطر جيتك
واليهم والخيمه اعليهم يردون مروتك
يم الباب اولادك تنطر وياهم بنتك
أمها الزهره يوم الراحت بيها امكلفتك


ماكمل تمامه نوحو ياليتامه
رايح ياعلي
****************
زينب تنتظرك ياحيدر لاتكطع بيها
بيك ارجاها وانت الخيمه رد ياواليها
وحيده بنيتك بعد الزهره عالهم مابيها
لو توليها اهموم الدنيا منهو تواسيها


زينب و الملامه بين أهل اللئامه
رايح ياعلي


********************
يهلال الفقره ينطرونك لتغيب وترحل
تفتح بيك اورود الدنيا وخلافك تذبل
كالو محرابك ضل خالي والمحراب انذل
مهلا ياحيدر لاترحل من غيرك شيضل

لا رحمه وكرامه ولا تبقى ابتسامه
رايح ياعلي

****************
بصوت الاحزان الكل تصرخ وينك يالوالي
دورنا اعليك وفجعونا محرابك خالي
يالمحراب الوالي شحاله شو بس دم هالي
كال بحظني ساجد حيدر وانصاب الغالي

صابوه اعلى هامه ماتمم صيامه
رايح ياعلي
****************
هجمت ليك جيوش الظلمه بالسم غداره
يدرونك ياحيدر مشعل ماتخمد ناره
بليلة ظلمه بوكت السجده شنوها الغاره
معذور السيف اللي خافك حكه ويتداره

صابوك بحمامه ياتاج الامامه
رايح ياعلي



************************

الشاعر محمد دعبل النوري


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الليله دين الله انطبر وكتابه بالفجر طاح ابوسط محرابه
والســـــور والايات اعليه تجري الدمعات
ياولينه ياولينه ياولينه ابوحسين
********************************************
انصاب دين الله العظيم واه من امصابه والسور تنعه وتنوح تواسي بيها كتابه
تكول وين الوجه تنطي بعد عينه احبابه والكلوب اعليه تبقى كل وكت مرتابه
والدموع اعــــــالوجن هماله والمحب وياها هيجي احواله
تخاوي بس الاهات اعليه تجري الدمعات ياولينه ياولينه ياولينه ابوحسين
******************************************
النبأ سوره عظيمه والنـــــــبأ مجروحه وسيف مسموم الجرحهه والدمه مسفوحه
بالفجر وكت الصــــــلاة وعالارض مطروحه والمحــــب لو ناح عمره لا تلومه ابنوحه
حكه لوناح وبجه كل ليله فاكد النور الذي يضويله
يشوف بـــــعده الويلات اعليه تجري الدمعات ياولينه ياولينه ياولينه ابوحسين *************************************
الليله مذهوله الفواطم طاح حامي دخليله باليتم راحن يلظــــــن وي باقي العيله
من بعد حيدر وليهن ماكــــو عدهن حيله والدمع فوك الوجون من العيون تسيله
اه يافكد الابــــــــو وحسراته بالكلب تسري تظل جمراته
من يطفي الجــــــــمرات اعليه تجري الدمعات ياولينه ياولينه ياولينه ابوحسين
*******************************************
ابليلة القدر العظيمة انصاب امير المؤمنين وبين ارض الله وسماها ينادي جـــبريل الامين
اتهدمت اركان الهدايه طــــاح حماي العرين بطيحته العروة الوثقى انفصمت ايا مسلمين
اليوم دين الله وكع واركانه والخلك بارض وسمه حيرانه
تشوف عكبه اللوعات اعليه تجري الدمعات ياولينه ياولينه ياولينه ابوحسين
************************************************
شلون ليله تمر عليــــنه ليلة التاسع عشر بيها قالع باب خيبر راسه بالسيف انطبر
سيدي ماتم صيامه من الصـبح بالدم فطر والهظيمه الضرب حيـدر ارذل انواع البشر
هذا اصحاب السقيفه اجداده الحركوا الباب اعله ام الساده
*****************************
من يجي العيد ويمرها ماتــــــعيد اعياله لان داحي البـــــــاب ابوها مايهل اهلاله
سورها العالي وتهدم اتصور انـــت الحاله تكعد اتاني تنطره اعـــــــله الدرب تبراله
كاعده اتاني يجيها الوالي تكول مااعيد بدون الغالي
اتردد بهل الجلمات اعليه تجري الدمعات ياولينه ياولينه ياولينه ابوحسين
*****************************
خادم اهل البيت / ابومحمد العاشور


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

آنه زينب ياخلگ ابچي دمه
بعد فاطم راح حماي الحمه
باعظم شهر...راسه انطبر
آ يبويه......... آ يبويه
ــــــــ ــــــــ ــــــــ ــــــــ
شحلات السفره چانت نفطر اوياه
بقــى خالي مچانه صعبه ننســاه
يفطرنه الدمــع مــن نــذكر ارباه
علــي صـوت الاذان ابحسره ينعاه

حتــه عيد الله اليجي هم ينفجع
من يشوف احباب مهظومه ودمع
حزن وقهر..........راسه انطبر
ــــــــ ــــــــ ــــــــ ــــــــ
رحيله والله عني ايعــذب الـحال
مشــه كــل الــدلال اوراحة البال
بعــــد عينه اون اودمعــي همال
انه شلون اقتــنع هل جبل تنشال

بويه شلت الدنيه وجرعت الصبر
كلفه ياحيدر علــي ايضمك گبر
جرحي كبر....... راسه انطبر
ــــــــ ــــــــ ــــــــ ــــــــ
تون هــاي اليتامــه اوما يهيدون
مثل نوح الحــمام اشگد ينوحون
علــه باب الــولي بحسره ينادون
اذا ميــــت نگلهــم مــايصدگون

حيرة العباس وحسين وحسن
اويــاهم ايونون وتزيد المحن
سمعو خبر.......راسه انطبر
ــــــــ ــــــــ ــــــــ ــــــــ
اصــد للــدار وحشه وبيه حــيره
خلــيه ابــلا امــــير ولا امــيره
صحــت عبــاس وينــك يبو الغيره
يكافــل محنــتي كلــش چبــيره

كلشـي اتخيل صرت نار وخيم
شفت شاطي يمه چفين اوعلم
وجثة گمر.......راسه انطبر
ــــــــ ــــــــ ــــــــ ــــــــ
اجــه عبــاس يمــــــي اوصبرانــي
يــزينب مــا اعوفـــــچ اي ترانــي
يخــويه ابخدمتــچ اگضــي زماني
گلتــله ليــش احس دهري رماني

چني وحدي ابكربلا واصرخ علي
چفوفي معگوده بحبل وبلا ولي
خوف وحذر........راسه انطبر
ــــــــ ــــــــ ــــــــ ــــــــ
يخــويه غمضــتهه عيــوني باللــيل
اجــت رؤيــه عجيــبه اتهــدم الحيل
شفت عاري الحسين اوسحگه الخيل
وضــح كلــشي بعــد ماحاجه تأويل

ويه حــيدر چانت ايام العفاف
والسنين الجــايه منهن اخاف
هم وسهر..... راسه انطبر
ــــــــ ــــــــ ــــــــ ــــــــ
ابوياسر المياحي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747