هاي المجالس عامره انشاء الله
والزهره بيها حاضره انشاء الله
*
تحظر الزهراء تسجل الاسماء
كل فرد حاظر تعد انفاسه تسبيح
ام حسن وحسين تجري دمع العين
تبجي وي الناعي لمن ينعه ويصيح
اليبجي تتعناه ودمعه تتلكاه
بجفها تتلكه دمعته الرايده اتطيح
وتحظره دنيه واخره انشاء الله
الزهره بيها حاضره انشاء الله
*
باالمجالس هاي واليوزع ماي
عدها جن باالعاشر مشرب رقيه
ولي يلطم غاد هيه تنطي مراد
ومن بعيد اتخبره اجرك عليه
الينوي من ابعيد للعزاء اريد
ابلايه شك الطاهره تحسبها جيه
حته البعيد اتناضره انشاء الله
الزهره بيها حاضره انشاء الله
*
بكل عزاء اتروح عاالحسين اتنوح
تبجي لمن تسمع اصوات المنابر
بكل عزاء اتدور وتسمع بعاشور
والعليله اتكل لبوها لاتسافر
تكله اخذني وياك بدمعتي اترجاك
عدها اشد من الظلع كسر الخواطر
باجر اهلها مسافره انشاء الله
والزهره بيها حاظره انشاء الله
*
تحسب الموجود تسمع الرادود
وتبقه تبجي ام الحسن وي القصيده
هيه وي كل بيت نادته ياريت
البيه اسم زينب غريبه هوايه عيده
هم تظل تنحب تكلها يازينب
تنادي انه عنج ابدن موبعيده
يمج انه يلصابره انشاء الله
والزهره بيها حاضره انشاء الله
***
هيه تشفع غاد ساعة الميعاد
الف هنياله الي حفظتله علامه
اهناك ابد ميحير وبحماها يصير
والخلايق تنحني الها باالقيامه
فاطمه تنجيه والله بارك بيه
الكظه عمره باالمجالس والخدامه
واعله الصراط اتعبره انشاء الله
والزهره بيها حاضره انشاء الله

سعدالعبودي

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

إلى خدام الحسين كل من لديه مقطع فيديو (مجلس عزاء ) ما نازل على اليوتيوب يرسله لي خاص على المعرف👈 @Abas747 حتى يتم نشره على اليوتيوب

شوف اليتامى
ريتك يحيدر هالمــسة تشوف اليتامى
ضلت ملامة ياعلي خلافـــــك ملامة
بدموع الحزن // مهمومة وتون
ريتك يحيدر هالمسة تشوف اليتامى
/////////////////////////
يحيدر متشوف اليــتامى انـــظر دمعــها
بالدموع تخبرك ياعـــلي وياهو الفجعها
يكرار جنت انت الامل وانـــت شمـعها
بالاحزان ضلت بالغري ومـــحد قنعها
يابو اليتامى بغيــــــــبتك مــــحد اجاها
ضلت تهم بارض النجف وانت رجاها
بلحظات الدفن // مهمومة وتون
ريتك يحيدر هالمـــسة تشوف اليتامى
///////////////////////////
يالحسين شوف اليتامى انظر صورهم
بالاحزان ضلوا عالثرى ومحد ذكرهم
يعرفون باجر بالظلم ينفذ صــــــبرهم
والايام تكـــشف للزمن شنهوا خطرهم
رادوا يضل المرتضــى ويحـمي لواها
بس الكفر عاد ابغـــــــدر ضـيع مناها
بدموع اوشجن // مهمومة وتون
ريتك يحيدر هالـــمسة تشوف اليتـامى
////////////////////////////
بلحظات جنت ابكل وفى توصل تجينة
بلفراح تزيل همومنة وترسم مشيـــــنة
والاوهام جانت تنجلي ابجيتك عليـَــنة
والدموع جانت تنمسح بيدك عليـــِـــنة
والله يبن عم النــــــــبي خلافك جفونة
واحــنة بقينة ابلا فــرح كفــر الولونة
بدموع الجفن // مهمومة وتون
ريتك يحيدر هالمسة تشوف اليتامى
///////////////////////////////
يعباس اجينة ابابك وأنظر دمعــــنة
يعباس نعرفك بالوزة انت سبعــــنة
على الظيم نبات ولانعوفك ياشفعنة
السنين تكشف بالصبرياهو ضلعنة
يادنيا كافي الهل أبو صرتي رزية
ايتام تندب بالحسن يبن الزجـــــية
بارضك ياوطن // مهمومة وتون
ريتك يحيدر هالمسة تشوف اليتامى
///////////////////////////
اويلاه وكفنة اعلا الكبر نبجي ونعاني
يمختار حيد اوجان شايلها الامــــــاني
بالاشواك جان يدوف خبزتنة بمعانـي
وبلعياد يوصل للأهل ينثر تهانـــــي
يالله يخوتي للنبي نشكي المصــــيبة
انكله كوفتنة ابعـجل صارت غريبة
مسحونة سحن // مهمومة وتون
ريتك يحيدر هالمسة تشوف اليتامى
////////////////////////////
بالتراب تلطم عالولي بعين الحــسافة
يجبار طلع المنتظر قصر المسافــــة
والاعداء بدموم السبط توكف صلافة
اويلاه صعوبة بلا خجل ذبحوا ترافة
يابو الحمية المنتظر عــيد الكرامــــة
الامة فرغت ياولي من الامامــــــــة
باحزان وتحن // مهمومة وتون
ريتك يحيدر هالمسة تشوف اليتامى
ضلت ملامة ياعلي خلافك ملامــة
///////////////////////////////
الخادم ابو علاء العزاوي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

اليوم ترحل ياعلي شحال الايتام
شلون جفنك سيدي يگدر ينام
لا تعوف احبابك
كلها تبچي ابابك
شلون جفنك ياعلي يگدر ينام

1

بأخر الانفاس وايتامك تون
والگلب لجلك حزين وممتحن
على مصابك لابسه اثياب الحزن
لا تضن تنساك ياحيدر تضن
تنتحب بمصابك
كلها تبچي ابابك
شلون جفنك سيدي يگدر ينام
---------------------
تنحب الاحباب والدمعه تهل
بهالمصيبه ياعلي ضاع الامل
شلون واگع حيدره خير العمل
يبن ملجم طشرت بينه الشمل
دامي ضل محرابك
كلها تبچي ابابك
شلون جفنك سيدي يگدر ينام
-----------------

شلون طايح ياعلي وتنزف دمه
وبمصابك ناحت املاك السمه
تدري ايتامك بهاي الموزمه
كاعده ابابك تون متألمه
وبگلبها اصوابك
كلها تبچي ابابك
شلون جفنك سيدي يگدر ينام
-----
منطبر عالهام قرأن البشر
حزنت الايات وي سوره قدر
وناحت الكوثر تون ليه شكثر
ليش ابو الحسنين عافاه العمر
ماتعوف اعتابك
كلها تبجي ابابك
شلون جقنك سيدي يگدر ينام
------------
مگدره الليله يحماي الدخيل
والايتام دموعها عالخد تسيل
راح ابونه الليله من عدنه يشيل
زينب تنادي الكلب منها عليل
شلون اهيل اترابك
كلها تبچي احبابك
شلون جفنك سيدي يگدر ينام
-------------

الشاعر السيد رياض الرسل الجابري
الشاعره العلويه امل فلوحي الموسوي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

https://m.youtube.com/channel/UCGd-VEzomHmEmcn4jnSjpeA
قناتنا على اليوتيوب ارجو الاشتراك

ياعلي وبكل مسيه
تنعصر روحي بديه
من اذكر مصابك احس
يختنك بيه النفس
ياعلي وبكل مسيه
ــــــــــــــــــــــ ❁ ❁ ❁ ــــــــــــــــــــــ
تختنك روحـي احسها منـذكر امصـابك علي
ينضرب راسي عله فگدك جني فاگد كل هلي
مو فقيـــر اني ياحيـــدر ياهو مــن بعدك الي
جـن يتـيم امـفـارك اهـلـه ومـاله غـيـرك ولي

روحـــي من بعدك يتيمه
من أهد ذيج الجريـــمه
العادتك لا ماتحس
يختنك بيـه النفس
ياعلي وبكل مسيه
ــــــــــــــــــــــ ❁ ❁ ❁ ــــــــــــــــــــــ
الدنيه من بعدك يتيــمه وصارت بلون الدمه
حزنت عليك الملائك ودم بقت تبجي السمه
وسفـه يضربونه راسك وانته حمـاي الحــمه
ولو مـيت اني اعرفك من اهد موتت فاطمه

الطبره اصلن ماتهمك
ياعلي لـو سـال دمك
بفاطـــمه ضل يهمس
يختـنك بـيه النـفس
ياعلي وبكل مسيه
ــــــــــــــــــــــ ❁ ❁ ❁ ــــــــــــــــــــــ
صعـبه ياحــيدر غيـابك تـدري الـوالـد دفـو
بلايـه مـاي الورده تذبـل هيـــج افراك الابو
ورد ذبـلان بـغيــابك هيــج مـن بعـدك صـفو
بـعـدك ايـتامـك يـوالي الـيـل كـلـه ما غـفـو

بلايه نوم اليل مرهم
شبـعو بلـگـمه قهرهم
دمـع ماعونـي انترس
يختنك بيــه النفس
ياعلي وبكل مسيه
ــــــــــــــــــــــ ❁ ❁ ❁ ــــــــــــــــــــــ
ياهـو مـن بعـدك يمـرهم ناسنه الفـقره بقـت
هيـج مـن بعـدك ضـمايه الفقـره أبدآ ماروت
والمـحنه وياك راحـت ياعلـي بعـدك مـشـت
انته ابونه وغربه عگبك الدنيه بفراكك صفت

الشيعه من بعدك يتامه
انكسرجن جنح الحمامه
انته يا فيي الشمس
يختـنك بيـــه النفس
ياعلي وبكل مسيــه
ــــــــــــــــــــــ ❁ ❁ ❁ ــــــــــــــــــــــ
شـلـون ياحيــدر يخـونك المـاذكــر الله بـحـلم
تبره مـن عنـده الرجـوله الماعـرف طـاري الزلم
وانـتــه قـالـع بـاب خيـــبـر ثـالـم الـدنـــيه ثـلم
وانـته باب الـعـلم انـتـه ويـنـدرس بـيـك العـلم

للعلم انته مديــــنه
ياعلي ملحت حجيــنه
انته يا اعظم درس
يختنك بيــه النفس
ياعلي وبكل مسيه
ــــــــــــــــــــــ ❁ ❁ ❁ ــــــــــــــــــــــ
خادم الحســـين
(محمد رحيم المشعلاوي)



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بهيده يازينب عليه ولاتونين
جني اشوفج حايره أبين الدواوين
كربت أيام الرحيل
صبري دمعج لايسيل

1
توسدي جفوفي
من النهر خوفي
أبو فاضل علشريعه ابلا جفوف

من تشوفينه
نابت بعينه
السهم واتكطع ابجسمه السيوف

حالي مو حاله
موزعه اوصاله
ذكري دمعة عيني من عينج تشوف

وأبو فاضل علشريعه بلايه جفين
توسط برأسه العمد والسهم بالعين
من تنظرينه قتيل
صبري دمعج لايسيل

2
كعدي عد راسي
سمعي أنفاسي
سلي روحي بشوفتج يم المصاب

من تنظريني
أمني بعيني
كربله رحلت حياتج والعذاب

فاكده الوالي
والركب خالي
من ينادونج يزينب وين الاحباب

قبلي راسي بكربله بس حز النحور
والعساكر فوك راسج بالوغه اتدور
لو عله صوت الصهيل
صبري دمعج لايسيل

3
توسطي اخوانج
ذكري صيوانج
لو لهب ذاك المخيم بالعليل

لمي نسوانه
طفي نيرانه
وانتي وحدج ياعقيله وهيه ليل

فرت ايتامج
وانتي جدامج
صحره والعسكر يزينب كله خيل

والشمر يمج اجه وشاهر حسامه
وانتي مابين الحراير واليتامه
سكتي ونات العويل
صبري دمعج لايسيل

4
لو عمر ناده
هدموا اوتاده
هلمخيم خله يجهز للرحيل

والعلم زينب
علهزل تركب
من بعد ذاك الخدر ماظل كفيل

منهو يبرالج
طشت ايتامج
بالبراري والدرب كلش طويل


من بعد ذيج البواسل والصناديد
يحدي بحمولج غريب وبيدج الكيد
مابقه بس العليل
صبري دمعج لايسيل
**
5
بويه سمعيني
مصابج بعيني
غير كلبج لايحمله ولا يطاق

من تدخلينه
قصر اعادينه
وبيكم ينادي هذوله أهل الشقاق

اشتكليله
لو تصديله
وانتي بعيونج صور أرض العراق

لو دخلتي المجلس بأهله بناته
وشفتي بشفاف الولي تلعب عصاته
لو عله وجهه يميل
صبري دمعج لايسيل

أحمد عيسى البديري



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

دعاء الزهراء .ع. لخدمة الحسين.ع.


طيب الله انفاسكم… يالتخدمون الحسين الله يرفع راسكم… يالتخدمون الحسين خطوه خطوه إوياكم.. والله ما أنساكم يالتخدمون الحسين
---------------------------------------------
شكرآ إلكم يالتقيمون المجالس
وببني مجنونين مثل إجنون عابس
بس مجالسكم أسميهه مدارس
إلهه أحضر والرضيع إبحضني جالس

يالبذلتوا الغالي… أطلب إمن الله السميع يالخدم للتالي … كل تعبكم ما يضيع
ألهج بطرواكم والله ما أنساكم
يالتخدمون الحسين
-------------------------------------------- آنه أم المنذبح آنه الزچيه
بالفرج أدعيلكم صبح ومسيه
الدنيا تهتز لو نويت إرفع إديه
والدعا إلكم يعون الهاشميه

عاشت وما ماتت… بالضماير كربلاء خاطري إتجبرونه… من تقيمون العزاء وخاطري حياكم والله ما انساكم
يالتخدمون الحسين
-------------------------------------------- حاضره إلأي طلبه وفايه بوعودي
وإلي يعطش خله يشرب ماي جودي يالتحملتو التعب كله إعله مودي
باچر بيوم الحشر انتم وفودي

لازم أدعي الباري… إيسوي جنه للخدم ومن يشوف إجفوفي…اعرف إيگلي نعم وافرح ابملگاكم
والله ما انساكم
يالتخدمون الحسين
--------------------------------------------آنه أحزن لو شفت خادم توفه
أفرش إبگبره ورد وانگله أغفه
وللجنان وللنعيم إنزفه زفه
ميت وريحة لطم تبقه إعله چفه

يالخدمت الغالي… لا تهم بالمگبره
وراسك إيضل عالي... يمنه يوم الآخره وحيدره يرعاكم والله ما انساكم
يالتخدمون الحيسن
-----------------------------------------------
الدنيا شتساوي إذا ما بيهه دمعه
تجري لجل العالترب مشمور اصبعه
أنسه ضلعي وكسره والبسمار اشلعه
لمن اسمع ناعي لجل حسين ينعه

اركض ولهفانه… لمن اسمع مقتله والحضور اينادي… آ ينبلة حرمله
إبعيني يا محﻻكم
والله ما أنساكم
يالتخدمون الحسين
---------------------------------------------باجر الكم بالحشر آنه الشفيعه
وماتمسكم نار لا والله يشيعه
وبالجنان إهناك هم توجد شريعه
منهه يرويكم أبو چفوف الگطيعه

إيخاطبك يالخادم… بجودي جبت المشرعه وما يقدم بيده… چي چفوفه إمگطعه واشرب آنه وياكم والله ما أنساكم يالتخدمون الحسين
-------------------------------------------------- ش/علي الإبراهيمي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ياسيد البرية
ياهو الصــــاح هذا الحكم لله
وجبريل النزل ويصيح ويلاه
ضربة حيدر احزان // نهدمت للهدى اركان
ياسيد البرية // ياسيد البرية
ـــــــــــــــــــــــــــــــــــــــــــــــــــــــــــــــــــ
ضج الكون كله بضربتك هاي
وايتام العرب تصرخ يمـولاي
كوموا للطم يحــــــــباب وياي
نمسح للحسن دمعات بهــــداي
ونصيح ابوفى وحيل // غرب فارس الخـــيل
رد عالكرسي شيطان // نهدمت للهدى اركان
ياسيد البرية // ياسيد البرية
ــــــــــــــــــــــــــــــــــــــــــــــــــــــــــــــــــ
راســــــــك جان للعالم علامة
مملي بالعلم من الامامــــــــــة
تالي يروح ماتمم صيامـــــــة
يامُهدي الامم درب الكرامـــة
كتلك شيب اطـــفال // وزينب ندبت الحـال
يابوية الوكت خــان // نهدمت للهدى اركان
ياسيد البرية // ياسيد البرية
ـــــــــــــــــــــــــــــــــــــــــــــــــــــــــــــــــ
بموتك يانفل فرحـــت أعـادي
ضربوك ابغدر بيد المـــرادي
تبقى المرتضى وخط الهوادي
وحسين بصـبر يمك ينـــــادي
بوية ابكربلا هنـاك // ويصير الوفى اويـاك
بالدم نسكي اغصان // نهدمت للهدى اركان
ياسيد البرية // ياسيد البرية
ــــــــــــــــــــــــــــــــــــــــــــــــــــــــــــــــ
اطلع يانبي وشوف المصيبة
كوفتنة ابصبر تمسي نحيبـة
وجفوف الكفل زينب غريبة
باجر كربلا تصبح مريبــــة
تذبح سبطك ابلــيل // ويصير الكفر ســيل
تسحك صدر الاحسان // نهدمت للهدى اركان
ياسيد البرية // ياسيد البرية
ـــــــــــــــــــــــــــــــــــــــــــــــــــــــــــــــــــ
عينك شابحة الزينب يكرار
تحجي دكلهـا عن الاسرار
باجر ينولي سبطك يمختـار
وعينج يم رقية هناك تحتار
تبقى وحيدة بالشام // تبجــي اتصيح يسلام
هذا الوكت خـوان // نهدمت للهدى اركـان
ياسيد البرية // ياسيد البرية
ــــــــــــــــــــــــــــــــــــــــــــــــــــــــــــ
ودعت الاهل والكون محزون
يالجان ابكلامك كله ممـــــنون
يعرفك ياعلي درب اليحـــبون
مجنون الطبر كرار مجـــنون
باجر نار مثـــــواه // سقر ايصير مرســاه
اليشهد عدنه قـرأن // نهدمت للهدى اركان
ياسيد البرية // ياسيد البرية
//////////////////////////////////////////

الخادم ابو علاء العزاوي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزله سريعه
تعظيم الخدمه الحسينيه المباركه
................
خادم أرفع راسك .. أخلص أباأحساسك
عطر الله أنفاسك .. خدمتك نوماسك
عطر الله أنفاسك  .. خدمتك نوماسك
....................
حكك أتباهي أبهويتك خادم أوهنيالك
أبدفتر الزهره الزجيه أمسجلات أعمالك
خدمت حسين أوقضيته شيلها أبدلالك
عقلك أبراسك خلاصك أنته واليحلالك
حكمه خلها أبالك .. باجر اليجرالك
من فعايل حالك .. ضيعت منوالك
ليش تهدم ساسك .. سجل أبكراسك
عطر الله أنفاسك  .. خدمتك نوماسك
.................
أخدم المخدوم خدمه وقصد أبمعناها
بالحشر أنته شفيعي يا محمد طه
حسين مامحتاج واحد كلها تتمناها
أتفوز بوسام الخدامه أوبالفخر تتباها
ذوب ذوب أوياها .. وخلص الفحواها
الله ميزه أنطاها .. أتعزز الغلاها
من تحط نبراسك .. أحسينك أوعباسك
عطر الله أنفاسك  .. خدمتك نوماسك
................
جامعه الكل المبادئ كربله معروفه
راد يهدمها يزيد  أوساندته الكوفه
نور أدروبك حبيبي خدمتك محفوفه
بالخطر من الحقود أولعبته المكشوفه
خوفه منك خوفه .. هيبته مكسوفه
من توالي أصفوفه .. هالفتق متروفه
واجهه أبكل باسك.. نيتك مقياسك
عطر الله أنفاسك  .. خدمتك نوماسك
...................
خلي تاريخك حسيني بالفعل والصوره
أحسين ماينسه اليخدمه أويلطم أبعاشوره
أتطبع أبهاي القناعه غايتك منصوره
الصار قربان الشهاده لاتخالف شوره
أبدمه خط دستوره .. حصن المعموره
الدين عاش أبنوره .. دمعتك مئجوره
ظيم مهما جاسك .. أبهاليقين أتماسك
عطر الله أنفاسك  .. خدمتك نوماسك
..................
اليخدم أبهاي المجالس خدمته مضمونه
علي والزهره الزجيه  أبشدته أيحضرونه
العزه زينب بالمصيبه أبظاهره أومكنونه
الحسين أيعلي شانه أومخلص أيسمونه
السال دمع أعيونه .. ياألف خيعونه
حسين يوكف دونه .. بالحشر ويصونه
من تعشم ساسك .. كربله كراسك
عطر الله أنفاسك  .. خدمتك نوماسك
.......................
خادم أهل البيت
الشاعر : أسماعيل الجوراني
الأثنين : 28/8/2017


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

https://youtu.be/T3x1btXfCpI

الناشر عباس التميمي 👈 @Abas747

https://youtu.be/X5Ir3PsNOKk
يالماشي بالضعون / سيد فاقد
توجد مكتوبه المراسلة على المعرف @Abas747

بحق الامام علي //ع//على السان السيده زينب// ع//



ابليلة قـــدر وكت الفجـــر فجعوني
شفت الدمه وحامي الحمه بعيونــي
خاطري وگلبي انكسر انه زينب 2
------------------------------------------
ابليلة چانت يفترض بيهه السعـاده
الله نزل رحمته ولطفه لعبـــــــــاده
وانه جابولي الولي بدم الشهـــــاده
والمرادي بهل الفجر حصل مــراده

غاب الامـــل خير العمل گدامـي
الدمعه جرت واطشـرت احلامي
عاشر عيوني السهر
------------------------------------
گبالي جابوه وشفت حمره العمامـه
شكله متغير علي ومطبوره هامـــه
اتوسلت ربي وصحت كومه بسلامه
هذا ابوي المرتضى اليرعى اليتامه

حنيت انـه وضهري انحنه للوالــي
شنطر بعد هــــــــذا الضمد والغالي
عمري محنية ظهر
-------------------------------------

شفته وجروح الكلب ردت جديــــده
وأسئل حسين شجرة لحال الصميده
راسه معصوب وابونه مسبل ايـــده
گلي مجروح ودوه ما اضن يفيده


جفني يهلي وطبرة علـــي چتالـــه
بين الدمــع واصعب وضع يا حاله
خدي بدموعي انحفر
----------------------------------
ذكرت امي ورجع بالي لكسرهــــــه
افترت الدنيا وعلي دارت غدرهـــــه
هايه ليلة الوادم تنام بفجرهــــــــــه
وزينب بحسره ودمه محني ضهرهه

تدمي الگلــب ليث الحرب يتصوب
الحالي بقهر صم الصخر يتــذوب
مدري شيريد الدهر

---------------------------------
وجهه مصفر الوصي حامي الحميه
ينظر بعالي السمه وينظر اليـــــــــه
چن احس بنظرته توديع اليــــــــــه
نزلت الدمعه وبقت عيني جريـــــــه

ابراسه الجرح والدم يسح ويكابر
الچانالي فـــي ينظـر علي وصابر
يحمل آلامه انجبر
----------------------------
اقره بعيونه حجي وفرگه ونهاية
اشعر يگلي الصبر زينب ورايـــه
كتله بويه اتجحرت بلحاله هايـه
وما دريت الوعتي چانت نهايـــه


اليفگد محب يصبر چذب بغيابه
حيلـي انهدم نـــــار الالم لهابـه
هيجي خلاني القدر



✍الشاعر رعد الجريخي✍


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

خدمة حسين تجاره ربح مابيها خساره
شرط واجب تلتزم
ما يريدك بس اسم
خدمة حسين تجاره
.........................................
خدمة حسين شرف بيها كرامه
خادم اسمك حتى لو لابس عمامه
شكم دليل الخدمته وشكم علامه
ما يريده الماخذ اطباع الحمامه
ما يريدك بس لطم
شرط واجب تلتزم
حتى دنيا واخره تنول الصداره
خدمة حسين تجاره
..................................................
اليخدم حسين شرط عنده عقيده
يلتزم مو لازم الا يكطع ايده
حسين لجلك هوه قدم دم وريده
هلله هلله لو يقبلك من عبيده
خادم اسمك والنعم
شرط واجب تلتزم
كل صباح وكل مسه اقره الزياره
خدمة حسين تجاره
.......................................................
قصة الخدمه ترى قصه عجيبه
تبتعد منها وتضل منك قريبه
المصيبه الخادم وصافي حليبه
من يضيع الخدمه ما تبقاله هيبه
بهالامر عندك علم
شرط واجب تلتزم
حتى بالمحشر الك كبه ومناره
خدمة حسين تجاره
................................................
حسين صرخة كل ضمير العنده غيره
يعني مو ياهو اليجي وكال اني اسيره
شيخ الانصار حبيب وجان اميره
حسين اهلي وناسي لا حتى العشيره
حسين مقياس الزلم
شرط واجب تلتزم
اليخدمه كون صادق في قراره
خدمة حسين تجاره
.................................................
حسين علمنه الثبات اعله الولايه
حسين قرءان وخدمته عدنه ايه
عالم الخدمه كرم ماله نهايه
انته بس انوي وعلى الزهره البقايه
بيا علي شد العزم
شرط واجب تلتزم
اول وتالي تجي الوادي الحياره
خدمة حسين تجاره
.............................................
خادم خدمة الحسين
الشاعر
محمد الموالي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لذكرى أستشهاد أمير المؤمنين علي عليه السلام
وعن لسان حال فخر المخدرات زينب الحوراء عليها السلام
.....................
شوغه أتجيبني شوغه توديني
بثكال المصايب دهري حانيني
..................
شوغة فاطمه أو بسمارها الدامي
أو راسك يا علي المطبور كدامي
أو مسموم الجبد ولنذبح ضامي
وفراك الكفلني أهواي ياذيني
...................
أدخيله أبجاه وجهك حاضر الشده
عاين عاليتيم الدمعته أبخده
يكسر خاطر الله أوخاطرك بعده
يسألني عليك أوشوغه يهديني
.....................
فدوه أنه أروح الطولك الغالي
أزغر ذكرياتك شللت حالي
زينب يابو زينب هالصدى أبالي
يصابحني الصبح مغرب يماسيني
......................
من تطلع شمس وتغيب محتامه
حيل الشوفتك والشهر وصيامه
من سيل المدامع خضرت شامه
ماشاب الشعر شيب هدب عيني
.......................
هدل حيلي الطبيب العاين أصوابك
مسموم النصل ياحيدر الصابك
سمعته أيحاجي أخوتي المسحو أخضابك
حضروله الجفن هزت موازيني
.....................
عله روس اليتامه أجفوفك الترفه
تمسح والمعاني اليوم مختلفه
صرت أنه اليتيمه ونته ياوسفه
بتراب اللحد ياجوهر أسنيني
...................
فجر الكوفه نكبه أوطاحت أبناسك
أومحرابك تمنه نسمة أنفاسك
بويه أوداعت الله والبكه أبراسك
ماأنساك لحظه أبمذهبي أوديني
.....................
خادم أهل البيت
الشاعر : أسماعيل الجوراني
الخميس : 2/5/2019


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

512-الأمام أمير المؤمنين ع...1
**************************
راحل بهاي المسِيّة..رحلة اوداع و منِيّة
عني من يسأل بعد
والدي الليله انفكَد
************************
رحلة اغيابك طويلة بطول الاحزان
اتغشّت بثوب المصيبة و لبست اكفان
طبره الِبراسك غميجة و بيهه نيشان
خطهه رمح النايبة و غطّاهه صيوان
طبره البراسك غميجة
بيهه عبدالله و نشيجه
نبلة و اكَماط و مهد....1
**************************
طبره البراسك غميجة و سالت ادموم
و انه اعاينهه بونيني و كَلبي مالوم
التمّت ادموع اليتامه بعينك اغيوم
اتصوّرت جنّك يتامه العاشر اتحوم
من شفت دمع اليتامه
تذكر حسين و خيامه
و الشمر يوم الكَعد...2
*************************
من شفت دمع اليتامه اكَبالك ايسيل
تذكر ايتام السحكَهه بحافر الخيل
يا جبل نزفك يجيدك يهدم الحيل
تذكر السهم المُثلّث ينزل الليل
ينزل الليل بعيونك
ينخطف من عنده لونك
موتك الروحك كَصد....3
************************
ينزل الموت بعيونك ساعة الموت
جنّك اتعاين عليّه و تبجي بسكوت
نظرة اعيونك غريبة و بيهه تابوت
شايل احلام و أماني و يخنكَ الصوت
غربة اعتاب و تمنّي
و انت جن تسألني عني
من الكَمر تاخذ عهد...4
********************************
غربة اوداع و تمني اتسولف اوداع
يشرح بصبر انتظارك نوح الاوجاع
شالوا اخواني الأماني و الأمل ضاع
مركب ايامي برحيلك رايد اشراع
ناظري امخزّن مدامع
يشرح بجفني المواجع
جمري لاهب ما خمَد...5
****************************
ناظري امخزّن مدامع بيهه ذكراك
يالرحت عني و عفتني خذني ويّاك
باجر بكتر النهر يا حيدر انخاك
بلكي يَم تلّ المصايب حاضر الكَاك
حاضر و تسمع نحيبي
بس دمع بعدك نصيبي
رايه و اجفوف و عمَد....6
&&&&&&&&&&&&&&&&&&&&&&
سيد حيدر العوادي
بابل الشوملي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

🚩وداعيه🚩
................
 لذكرى أستشهاد أمير المؤمنين الأمام علي عليه السلام
................
الوداع الوداع ياأمير المؤمنين
الوداع الوداع ياأمام المتقين
................
ياأبو الحسنين حيدر ياولينه ياعلي
جادر أمصابك نصبنه والمدامع تنصلي
نلطم الليله صدرنه والحزن ماينجلي
ياولي الله أووصيه ياعشكنه الأزلي
ياملاذ الحائرين ... ياعرين الصابرين
................
ياأبو الكل اليتامه يتمانه أمصابك
هاي سجادة صلاتك باقيه أبمحرابك
ليلة الوحشه ثكيله لايطول أغيابك
ياأبو الشدات شده والفرج بعتابك
يامنار القاصدين ... ياصفاء العاشقين
................
المرادي أنشلت أيده أولاطبرلك هامك
ماخلص رمضان بعده العافيه أبهندامك
سفرة أيتامك تريدك تحتضن أيتامك
علي عاين عاليتامه حنت ألئيامك
يانواة الفاقدين ... يامظيف السائلين
................
الفجر حانت صلاته ماتصلي أبناسك
ياعلي لمن تأذن زاكيات أنفاسك
أوياعلي أبنية صلاتك مامثيله أحساسك جامع الكوفه يريدك والوفه نوماسك
ياحزن مايستكين ... يامعين المنهكين ................
أبابك الليله يتامه بالدمع ينعونك
سالم أوغانم يحيدر ودهم أيشوفونك
علي ياليث الحريبه أعداك ميهمونك
زودك أبكل المعارك ماخذل مظمونك
يامذل الكافرين ... يانجاة الراغبين
................
الوداع الليله هايه شيعتك حزنانه
ألتمت الليله أبمصابك والمهج ذبلانه
أنهدمت أركان الهدايه أبظربتك مولانه
أتنادي وتعشم نفسها بالحشر تلكانه
ياصراط الصادقين ... ياأمان الخائفين
................
خادم أهل البيت
الشاعر : أسماعيل الجوراني


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

حصريا الناشر عباس التميمي

كل مسيه * يحدي بيه * يحدي بيه * الشوك

١-
من اهد ما دفعو الجنه
النفس كوات اشمنه
ميته بكربله اتمنه يدنيا
من شفت الصدر ينرض
جفن عيني بعجل غمض
حسيني ابيش يتعوض يدنيا

يا زماني * تعباني * تعباني * النوك

٢-
نداس بيا ذنب صدره
ضلوع حسيني مطشره
نامت بالكلب حسره يليلي
مثل ماي النهر متني
صياط الغربه اذتني
اوكع ومشي خلتني يليلي

الهاشميه * بس عليه * بس عليه * تلوك

٣-
تكتل ساعة الفركه
وانه بدمعاتي محتركه
مثل حسيني وين الكه يروحي
صرت محرومه من كلشي
حرت من يا درب امشي
انه المحد رفع نعشي يروحي

من سبونه * طببونه * طببونه * السوك

٤-
اصبح ومسي مجروحه
انه اعله حسيني مذبوحه
هذاك النازع بروحه عليه
كطعت الهيمه عطشانه
وراس الغالي ويانه
شفت حسيني ذبلانه عليه

ياحسرتي *من ضحكتي *من ضحكتي *تبوك

٥-
سبب واحد يموتني
غريبه الدنيا خلتني
الناكه العرجه اذتني يخويه
انه المحد فزع ليه
كلها تكلي مسبيه
عكب عينك يبو رقيه يخويه

صدرك انته * ما عرفته * ما عرفته * مسحوك

٦-
فاركني اعز ناسي
وطلع شيب بوصط راسي
الله يساعد احساسي غريبه
يهنياله الدفن روحه
قبل لا ينسمع نوحه
عشت كل عمري مجروحه غريبه

يالسبيه * مو عليه * مو عليه * تلوك


الخادم
حسين عبد الجليل المالكي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

إستشهاد أبي الحسنيين عليه السلام
--------------

نال الشهاده المغوار === بالسجده فاز الكرار
والدين ظل بَحْزانه === وإتـْهَدّمَت أركانه
بالسجده فاز الكرار
-----------
ظل ينتظر == طول العمر == يوم الشهاده الدامي
مـَل إو تـَعـــــَـب == لله رَغـــَــــب == صابر ولينه الحامي
موعد إلــــــــَه == يستاهِلــَه == وإتـْحقـّقت نادى أحلامي
سال الدِمــــــــــَه == يروي الظـِمـَه == محرابه ناح إو ظامي
نال اليريده المهيوب === فارﮒ بنينه المحبوب
والكون أظلم وإنهار === بالسجـــده فاز الكرار
ـــــ
سيف الشقي == صاب التقي == أدْمَت جبينه الضربه
زال الرَدَه == عن الهُدَه == ما ثــَنــّه يوم إبحربه
لله رِكَع == صوته إنـْسِمَع == يشكر ينادي ربــّه
آني فزت == إلها إو حزت == هاي الشهاده الرحبه
جبريل نادى إبآلام === إنهد تراده الأسلام
طبروا علي حامي الجار === بالسجـــــــــــده فاز الكرار
ــــ
ها يلحسن == عودي إنطعن == وإبياكتر إصوابه
زينب ﺑﭽــت == صاحت نخت == وين الولي وأحبابه
وإتـــْيــَتــّمت == آني إﻓﮔــدت == نبع الحنان إو بابه
ﮔلبي يـِوِن == روحي إبْحِزِن == ما تنسه دوم إمصابه
ﻔﮔده صعب ما أنساه === حرمونه منـّه ويلاه
ظلمه إبرحيله كل دار === بالسجــــــــــــــده فاز الكرار
ــــــــ
يـــَم الحزن == آني أضن == بعدي يطول إمصاﺑﭻ
وإبكربله == ينزل بله == ﺑﻳﭻ إو يدﮒ أبواﺑﭻ
فوﮒ الثــَرَه == وإمـــْجـَزره == كلهم ضحايه أحباﺑﭻ
جرحي سهل == بس يـِنـْحِمِل == وإنتِ ﭽبير إصواﺑﭻ
ثوريّه إنتِ إوْيَه إحسين === وإلكل ظلم تِتـْحَدّين
ﺗروين للناس الصار === بالسجـــــــــــده فاز الكرار
ـــــ
إﮔصد علي == أطيب ولي == معروف من عنوانه
وإدعي إبأمل == خير العمل == روحك ترد فرحانه
وإبلهفتك == وإبطلبتك == إﮔصد لعد ديوانه
ياباالحسن == صيح الزمن == جار إبظلم آذانه
بس ما نعوفك هيهات === إنتَ التِحِلها الشدّات
جينه نعزّي المختار === بالسجــــده فاز الكرار
------------
شاعر أهل البيت / جابر النجفي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747