قصائد حسينية مكتوبه

لحن يقاروره

يزواري هلا بيكم أنه بعيني أخليكم
هلا بكلمن قصدني اذكره لي ذكرني
********
آنه السجين المنظلُم // ابن النبي يا شيعتي
أهلآ وسهلآ باليجي // كاصد وصلني الحضرتي
كل خطوه يخطيهه الي // يحَصل اجرهه ودعوتي
بيوم القيامه أحضره // والزهره أمي بصُحبتي

عهد مني يأحبابي // يفوز الي يدك بابي
وحق أمي التبعني// أذكره الي ذكرني

*****************************
يامن زحف جايين الي // وعدكم شدد ما تنجلي
اكظيهن بأمر العلي // الكم نعم شيعة علي
باب الكرم بابي يضل // ومضيفي يبقى الأولي
للزاير آنه اكرُمه // و ما ردن اليكصد الي

اجازيكم أنه الكاظم فلا (انسه) يهالوادم
المشه بنهجي ضمني أذكره الي ذكرني

*******************************
فضل اليزور الحضرتي // يعني كصد لبو الحسن
زار الحسين اويه النبي // يعني اله جنة عدن
هايه كرامه اليجي // اهديها آنه ابلا ثمن
باب الحوائج للبشر // ابكل وكت وبكل زمن

تمسك بينه يالزاير وابشرك ما تظل حاير
أسندك آني وابني أذكره الي ذكرني
******************
بيوم الزيارة أنتظر // كل شيعتي اعله الجسِر
تحظر تشيع اجنازتي // إعله الوعد آني انتظِر
تواسي الزجيه الطاهره // بمصيتي تعظم الأجِر
حتى أسجلكم أنه // بدفتر سجل أم الطهُر

شفيع الكم فلا انساكم يزواري علي وياكم
السعى منكم حضرني أذكره الي ذكرني

********************************
كل شيعي كاصد بالحزن // يتخيل البيه الجره
يذكر مصابي ومحنتي // وهذا الألم خل يشعُره
يطبع أصابع عالصدر // يقرأ ويأذي الحنجُره
يذرف على مصابي دمه // وقيد السلاسل يكسِره

بسجن اظلم كظه عُمري ولا واحد عُرف قدري
اليهل عَبره يحبني أذكره الي ذكرني

********************
جسمي لبس ثوب الجفن // وربط السلاسل للنحر
خلوني مرمي اعله الجسر // ماكو احد يمي الحِظَر
مثل الحسين بكربله // اتكررت نفس الصور
لاكن مصابي مو مثل // مصيبة ابن سيد البشر

الشمر كاعد على صدره يرُفسه وبي يحز نحره
ألمُصيبه ألمتني أذكره الي ذكرني

****************
تمت بعون الله
هاذي القصيدة هدية مني
إلى كل خدمة باب الحوائج

كلمات يوسف هاني الأسدي

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747