ياهو كال انسه الحسن
بروحي بانيله صحن
والبقيع وداعة امه من يمر طاريهه
الفاتحه لأم البنين وللحسن اهديهه
بروحي بانيله صحن
●●●●●●●●●●●●●●●

انقسم كلبي اثنين ياضي عيني
نص الك والثاني لجل حسيني

الدمع لجلك وللنايم عله الغبره
قطره لأجل ابوسكينه والك قطره

الحمد لله والشكر
حتى دمعاتي التدر
بالتساوي يبو محمد الكم اذرف بيهه
الفاتحه لأم البنين وللحسن أهديهه
بروحي بانيله صحن
●●●●●●●●●●●●●●●

شكد احب حروف اسمك
ودوم الهج بيهه
ولون عندي إبنين عشره
مجتبى مسميهه

يبن كوثر علي فاطمنه العفيفه
اتمنه كل ابنيه اسميهه شريفه

هذا واقع شعر
صارن عيوني حمر
ياغريب إمن البواجي اعليك يمبجيهه
الفاتحه لأم البنين وللحسن اهديهه
بروحي بانيله صحن
●●●●●●●●●●●●●●●

ما نسيت آلام جبدك
والطشت واحزانه
الله لا ينطيهه أميه
والجمل وفلانه

همه الي إمنعوا دفنك
يم طه وكثر ونك
ونعشك جم سهم صابه
وجبدك دامي بخضابه

ابدال تشييع او ورد
اسهامهم كامت تهد
عالنعش وعيون اخيك الكافل اتصدليهه
الفاتحه لأم البنين وللحسن اهديهه
بروحي بانيله صحن
●●●●●●●●●●●●●●●

آنه سويت الك حضره
يا طبيب جروحي
كبرك تراب وحجاره
وكبر ثاني بروحي


شكثر صعبه .. مسه الغربه
يمر عالمحد بكربه...بقربه..


بس حمامات الغرب
اتسوي مجلس عالترب
تصفك جناح الهضيمه اعليك يا واليهه
الفاتحه ﻷم البنين وللحسن اهديهه
بروحي بانيله صحن
●●●●●●●●●●●●●●●

التمس نظرة حنانك
ها يشيخ الساده
العبد وين ايروح كلي
غير بس لسياده

حلفتك بزينبكم ورقيه
وصي الكبر لا ينطبك عليه
ويوم الحشر اريدك
إتدخلني جنتي بيدك
كلهم بجه ادموم ولطم عليه


الجَنة الخِدام اريد
ينحشر ويه العبيد
ما نساني ولا نسيته وهالربح تاليهه
الفاتحه ﻷم البنين وللحسن اهديهه
بروحي بانيله صحن
●●●●●●●●●●●●●

الشاعر علي الابراهيمي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

راية العباس مو يم النهـر
ماهوت عالگاع صعدت للگمـر

بالسمه سووها حضره
بيها دم وبيها طبـره
وبيها شد حسين ظهـره

حيــو عبــاس

هالليـله هالليـله
حيــو عبــاس
_________________________

رايه وتشدها العشاير للأخوه والصلح
والحلف بالرايه كاذب تعمه عينه وينفضح
رايه واليلزمها كون امنگعه اچفوفه ابملح
من تحطها اگبال ميت عينه رأسن تنفتح

اقماشها العباس بيده امفصله
كتب فـوگاهه مدد ياكربله

ازغيره چانت واشتراها . على اچفوفه علماها
لكربله ويـا خذاها
حيو عباس
_________________________

انته تدري ابيا طريقه خيطتها أم البنين
خيط من احجاب زينب خيط من ثوب الحسين
زورتها اشگد مراقد شبعتها من الحنين
يوم كامل بيتتها ابصحن أمير المؤمنين

حته عباس من ايشيلها
ابكربله ايتعب زلمها وخيلها

بيها ريحة أبو طالب . تعلگت فوگ المواكب
بيها دمع المهدي كاتب
حيو عباس
_________________________

راح اسولفلك عليها وانته افهم مطلبي
الرايه عند الله تعادل نص إمام ونص نبي
الرايه علويه وتشور چنها تل الزينبي
گوم ياعباس صاحت خذوا زينب للسبي

وابوفاضل گام يرعد صوته
اترخص من الله ورجع من موته

والانصار ايهوسوله . ياهله بهاي الرجوله
ميت وگام اعله طوله
حيو عباس
_________________________

الرايه من هزاها بيده شخطت وجه السمه
الكسا هيه اليماني البي تغطت فاطمه
چنها بنتك يابوفاضـل بس عليك امعلمه
الرايه لويعگوب شمها ايروح من عينه العمه

من تطب ابيتنه ايطب الأمان
رايه بس تشبه مفاتيح الجنان

للمرض رأسن تعالج . تقضي انواع الحوائج
بالحرب ترسم مناهج
حيو عباس
_________________________

راية العباس كشخه وتنطي للخايف مدد
بيـها من تمسح وجها العاجر اتخلف ولد
الله للقـرآن صدگ آيه لو نزل بعد
قُل هوَ الله ثم نقره قُل أبو فاضل أسد

قوة الله وعلـي بچفوفه
شلع شط العلگمي من اجروفه

للعطاشه سحل جابه . شـربوا الماي ابثوابه
گامـوا ايحنون بابه
حيو عباس
_________________________

راية العباس هيه اتفرح اللطامه
اتصير للمهدي عبايه وهم تصير اعمامه
حسين شداها اعله ظهره يوم طاح احزامه
تكره العامود كلش لإن طر الهامه

راية تنطي الحيل للمشايه
ياحـلاة الشال هاي الرايه

بيها يتحزم الزاير . صارت ابعلو المناير
نصرت الفوگ السواتر
حيو عباس
_________________________

كلمات الشاعر | محمد الجماسي

_________________________




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

يلّه يـــــــــا شيعـة عـــلي واسوها
وبالحســــــن الأم الحسـن عزوها
*
ويـــــــــن شيعة حيـــدره وأحبابه
تحضر بثـــــــــوب الحـزن يم بابه
تصيح آ يـــــــــا لحسن يوم مصابه
جبــــــــده بالسم العــــده وجروها
**
مـــن كثر ســــــم العده جبده أنهشم
وقذفه وســـــــط الطشت مـــن الألم
ناس هــــاي السمتـــــــــه بلايه ذمم
بالحســـــن الأم الحســــــن فجعوها
**
يمّــــــــــه الحسين ويشاهـــد حالته
وعينه تجري الدمـــع لجل مصيبته
أوّدع الدنيــــــــه الحسن بين أخوته
والجنـــــــــــازه بكـل فخر شالوها
****
جهّــــــــزه الحسين ويصب مدمعه
وراد يـــــــــم جـــدّه بــأمان يودعّه
طلعــــــــت أم الجمــل وكفت تمنعه
تصيـح هــــــــــــاي جنازته ردوها
****
جــــــــرّد السيفه أبــــو فاضل يريد
كل شخص عارض يحز منّه الوريد
ويدفنه يـــــــم جـــــدّه للسبط الشهيد
رغـــــــم أنــــف الناصبه المنعوها
*****
صاح أبـــــــــو الأكبر يعباس الصبر
مــــــن الحسن عندي وصيّه بهل أمر
لون مانـــــــــع وأعترض أهل الكفر
بالبقيـــع الجــثــتي دفنـــــــــــــوها
*
رد أبــو اليمه رفــــــع نعش الحسن
لــــــــــــن يشوف سهامهم يتطايرن
صابت النعشه وتعــــــــــدّت للجفن
سهام أهــــل الكفر مـــــــن رموها
*
أتحمّل حسين الأمـــــــر هذا الفجيع
صابـــــــر ومحتسـب للحي السميع
أوّدع عضيده دفنـــــه بأرض البقيع
وآل هاشم دفــنـــتـــــــه حضروها
*******
بالحسن يـــــــا رب أسألك يا ودود
عجّـــــــل بطلعــة الغايب خل يعود
تهنه بغيابـــــــــــه وحكم بينه اليهود
وشيعــــــــة آل المصطفى ظلموها



الشاعر
قاسم حتروش البلداوي
خادمكم
أسألكم الدعاء
غير مبري الذمه كل من يقرأها بطور الغناء


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

نزله

زائرينك ... بأربعينك ... يا اباعبدالله
.........
نعتني و دمع الألم...دَربك الـــغالي رسَم
رافعه كل الخــدم...باسم ابو فاضل علم

نمشي نمشي ... نفدي كلشي..يااباعبدالله
.................
كلمن ايحبك خـِلَد...بحـبك انــوثق عهد
نعتني من كل بَلَـد...صحنه يالغالي مدد

الكل يطوفك...ما نعوفك...يااباعبدالله
...............
من طريقك ما أَمِل...بيــك يَلــتم الــــشمِل
شرف خادم انقِبل...وتكتب أسمي بالسجل

تسجله فاطِم...أسـمي خادم... يااباعبدالله
..................
أرد أَطَيّب خاطرَك...بدمعي دوم اتذكرك
ســــيدي ما أكبَرَك...نحري فدوه لمنحرك

دمعي نوحي...أنته روحي... يااباعبدالله
................
بالدموع الجــــاريه...والدمــــاء الغاليه
صرخه تبقى عالـيه...كربـــــلائك باقيه

يظل ولائي ... كربلائي ... يااباعبدالله
...............
بالمشي صوتي هِتَف...حته لو دمـــي نزَف
گلبي عهده ما خِلَف...خدمتك اعظم شرف

اتمَلكتني...شَرَفتني... يااباعبدالله
.................
طول دربي اترقـَبَك... كون هذه ايناسِبَـك
أشتغل في موكبك... أسمي خـادم زينــبك

أفخر بهاي ... وزعت ماي ... يااباعبدالله
...................
باربعينك أنــــتظُر...دمعـتي شبه الجمُر
بالظعن يم الگبُـــر...تعتنـــــي أُم الخدُر

واصرخ ابأه...واحسيناه... يااباعبدالله

الشاعر حاتم صبري الكاظمي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

يالخذت مني التراجي ..عيني متبطل بواجي
مو لجلهن..ولا المهن...ذكره جانت من ابويه.
.......................
انه طفلة والدي واسمي رقية
والدي سبط النبي وامه الزجيه
انه جدي المرتضي حامي الحميه
ارد احلفك بيهم واعطف عليه
يلي شكلك موحش واصلك اميه

انه وردة فاطميه..لاتمد ايدك عليه
لا ياكافر ..غصني طاهر... ذكره جانت من ابويه

.................
هالتراجي من ابويه ليه ذكره
اشلون تاخذهن يظالم واني حره
يعني كل الصار كلبك مايكسره
ونته تنظر كل خيمنه بنار وجره
ورايد اتسلبني ذكره وهي حسره

لاتسلب ذكرياتي..مابقه كلشي بحياتي
انه اميره..صرت اسيره..ذكره جانت من ابويه

................
ارد اسألك يالي كاصدني ابأذيه
طفله ماعندك تتانيك بمسيه؟
وانه طفله ابلا ولي وهسه ابرزيه
ماتحن الطفلتك وتحن عليه
ونته تنظر حالي تتراجف اديه

مايذكرك حالي بيها..وينكسر كلبك عليها
وانه وحدي ..وانته ضدي..ذكره جانت من ابويه
.......................

طفله مسبيه ويتيمه ورعبتني
اركض ابخوفي ودمعتي ولوعتني
وانه ادوس اعل الجمر هاي الجوتني
هالتراجي ماتلوك الا اعل اذني
ماتوالم طفلتك يالسلبتني

هالتراجي هاشميه..ماتوالم ال اميه
لاتكرب ..لاتسلب..ذكره جانت من ابويه

....................
عمي ياعباس وينك يااماني؟
عمي انظر دمي يجري من اذاني
مااريد الماي اريدك بس تراني
وين اروح واتجه من السباني
عمي سلبني ويصيحنك لساني

عمي ياراعي الموده..هالعدو محد يرده
مالي والي..شوف حالي..ذكره جانت من ابويه

الشاعر سيدحيدرالعزام


 الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

#جديد #صفر 1442
قصيدة لشهادة السيده
رقـــــيه بنت الحــــسـين

.
.
يالغالي يالغالي يالفارگتني
يابويه يابويه بالهم عفتني

.ـــــــــــــــــ ❁ ❁ ❁ ـــــــــــــــــ

وينك
يبو چفوف الدافيه
يالي شمتك عافيه
عيني بعدك طافيه .. والدموع اجروحي
.
غالي
يالتقبل الشفافي
يلي دوم اتوافي
يبو گلب الصافي .. ما سمعت بنوحي
.
بويه.
ها يبعد عيــوني
بالحبل چتفوني
گوم شوف امتوني.. الهظيمه ابسوحي
.
دلالي دلالي عنك نشدني
يابويه يابويه بالهم عفتني


ـــــــــــــــــ ❁ ❁ ❁ ـــــــــــــــــ


آنه..
بنيتك العطشانه
مهجـتي ذبـلانه
خايفه وبردانه .. والشمر يبرالي
.
نادى
يارقيــه ويــنچ
حضري دمعة عينج
نزف نحر حسينچ .. بالذبح يحلالي
.
شوفي
هذا چبده الظامي
مرتوي بســـهامي
عالترب مترامي .. دم ابوچ الغالي


مسبيه .. مسبيه. ريتك شفتني
يابويه يابويه بالهم عفتني


.ـــــــــــــــــ ❁ ❁ ❁ ـــــــــــــــــ


ظالم
كلهم ايطيعونه
حرمله يسمونه
گلي يالمسجونه .. والدچ ممسافر
.
ظامي
حسين ظل بالبيــده
سهمي صاب اوليده
ظل يرفرف بيده .. بالدمه المتناثر
.
طايح
شفته باخر حاله
صحت عالخياله
خل تشوفه عياله .. ينسحگ بالحافر

.
بخبارك بخبارك ..بويه ذبحني
يالغالي يالغالي بالهم عفتني


.ـــــــــــــــــ ❁ ❁ ❁ ـــــــــــــــــ


ضايع
عمري ظل من دونك
فارگتني اعيــونك.
العدى يـشتمونك … بويه ويسلبوني
.
صوتي
مختنگ بحـساسي
بنار تدوي انفاسي
الم بويه براسـي .. والضرب بمتوني
.
حالي
عالمشي مابيه
ورمـن رجليـه
لو وگفت شويه … بالرمح دفعوني
.
مچتوفه مچتوفه وظالم يعتني
يابويه يابويه بالهم عفــتني


.ـــــــــــــــــ ❁ ❁ ❁ ـــــــــــــــــ



واحد
خاتمك بچفوفه
گلي يالمچتوفه
شوفي هاي الشوفه .. الخاتم تمنيته

.
واضح
بچف ابوچ ويلمع
اسحبه و ما يطلع
بصبعه گمت أگطع .. خنصره ذبيته
.
وآني
بحجر صبته بهامه
سلبيته أعمامه
بعد حرگ خيامه … أسرت كل بيته
.
آلآمك آلآمك اليـتمــتني
يالغالي يالغالي بالهم عفتني


.ـــــــــــــــــ ❁ ❁ ❁ ـــــــــــــــــ

راحن
بعد احلى ايامي
بويه گلي الشامي
بالخرابه نامي .. وآنه شيهديني
.
زاكي
بكل عطر اشتمك
بويه اخذني يمك
شفت قطرة دمك .. صحت اريد احسيني
.
جابو
طشت بويه الناسك
منذبح بي راسك
من شهگت انفاسك .. غفت دمعة عيني
.
دمعاتك ..دمعاتك..للطف خذتني
يالغالي يالغالي بالهم عفتني


.ـــــــــــــــــ ❁ ❁ ❁ ـــــــــــــــــ


حسن الموالي الفاطمي

محرمه على منشدي الـ DJ


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

فاطمه واسوها === بالحسن فجعوها
ـــــــــــــــــــــــــــــ
فجعوا الزهره الزچيــّه بالحسن وإمصابه
سمـّتــَه جــُعده اللعينه اليوم يا أحبابه
بالحزن ظل الكرم والجود سدها أبوابه
والحزينه بالدموع الجاريه السچــّابه
ناصبه الظلموها === بالحسن فجعوهـا
ـــ
رافضي آني إو عشﮛ آل النبي عنواني
وأنصـُب إبيوم الحسن مأتم وأبث أحزاني
وألعن الأشرار كـُلهم وألعن العدواني
والشفيعه الطاهره الزهراء ما تنساني
غاضبه إيعرفوها === بالحسن فجعوها
ــــ
رايد الموعود ياخذ من أميــّه ثاري
أمشي ويــّاه إبعزيمه للبقيع إبناري
أبني للأطهار دار إو أضرحه إبأصراري
للنبي الهادي أنادي يارسول الباري
زهرتك آذوهــــا === بالحسن فجعوها
ـــ
ساعد الله الصابره أم الحسن مولاتي
شيعي آني إو للحسن تجري نهر عبراتي
والضلع هــُوّ الأساس المحنتي إو مأساتي
وإبتده إبيومه الألم ما تنتهي حسراتي
مهجتي شعلوها === بالحسن فجعوها
ـــــ
وإنــرِمــَه نعش الحسن بــِســْهام يامهدينه
والمـُصاب المجتبه نــُنصب مآتم جينه
ما ذنب روح الوصي يرموه ياهادينه
ما ذنب أمــّه البتول الشافعه وإحسينه
بالگلب لچمــوها === بالحســــن فجعوها
ـــــ
كل وكت تنعاد آلام الحسن مولانه
رافضيــّه إو إبن أبو سفيان ما ينسانه
والوهابي يحمل الشر جاهلي إتـــْعــَنــّانه
جرحوا الزهره إبحقدهم ما رعوها إعدانه
ظلـــّوا إيعادوها === بالحسن فجعوها
ــــــــــــــــــــــــ
شاعر اهل البيت / جابر النجفي



 الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

مجنونك انه يالحسن مجنونك
انته حياتي وما اعيش بدونك
**************
مرسالي اكتبه بدمعتي السجابه
وكل يوم اصيح اه يالحسن ومصابه
كبرك حبيبي امنيتي اشم اترابه
بشوگي صحت هنيال اليزورونك
*************
كل عاشگ اتحزم شفت بحزامك
خدامك احنه ونفتخر خدامك
يالحسن لازم نحيي صحنه ايامك
وعيونك اهل الغيره ما ينسونك
***********
يعمه البصر لو ما اشوف اهلالك
وهليله شتحب يا قصيده اقرالك
يالحسن روحي اتريد تتعنالك
امن اشتم هواك اسرح بطيف اضنونك
*********
صدري وقف خليته للطميه
ايحقله اللطم مكتوب بالجنسيه
اتمنه اموتن وسط الحسينيه
وحرگ حبيبي گلب اليكرهونك
***********
عز الله هانت والفرج اقسم جاي
ويالحسن باجر راح اجيلك مشاي
اهناك بثوابك راح اوزع الماي
اشلون النواصب سيدي ايهدمونك
*****
من فدوه اروحن لسمك ولحروفك
گبل الهله اترحب گمت بضيوفك
والله اختنگ مولاي لو ما شوفك
واهل الوصف ماكدر ايوصفونك
***********
باجر المهدي من الغياب ايعود
وياخذ بثارك بيده راح الموعود
وكل احنه نطوعله يالغالي اجنود
ويالحسن راح انصارك اينادونك
*********
تمت
تحسين الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

عمه الرمل حار**** وجفوفج أزغار
خافن تعثيرين **** وتلهبــج الــنار
=-=-=-=-=-=-=-=-=-=-=
ياعمه أمنشوفج ينصدع كَلبي
عينج يارقــبه الــوالــدج تــربي
أعاتب والكَمر مـايسمع العـتبي
أحاجي العين من دم مودمع صبي
لمن تركضين **** جن الفلك دار
=-=-=-=-=-=-=-=-=-=-=
كلشي مر علي بس الأمر ماجان
أخوي أعللارض يوكع بلا ذرعان
وبوالسجاد دمي أومنذبح عطشان
وشوف الخيل كّامت تسحك الرضعان
من كمتي تبجين **** كل حيلي ينهار
=-=-=-=-=-=-=-=-=-=-=-=
كًالت يلعقيله أفتهــمي مــوضوعي
أريده اليوم أبوي اليمسح أدموعي
وحس نار الخيم تجويني بضلوعي
تفز أهــل المكَابر مـن كثر لـــوعي
تنشدني يحسين **** وتكَلي شصار


=-=-=-=-=-=-=-=-=-=-=-==
مثل سيل المطر من يجري مدمعهه
تصيح أحسين وين أحسين يسمعهه
تركض والشمر بـلسوط يمنعـهـه
يخويه أتريـد لـيك أشلون أقـنعهه
أنطي الوجه وين**** ماضلت أنصار
=-=-=-=-=-=-=-=-=-=-=
أعـاين للنجف وندب يبو الحمله
يـلسـورك يـلوذ الـعـالم أبضـله
يبويه اليوم تنظر صوبك الطفله
تلكَلك جف أخويأمن الحبل حله
صاحت يبوحسين **** ونيك يكرار
=-=-=-=-=-=-=-=-=-=-=
لخادم خدام الحسين ع
فاخر علي الشبيبي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

https://youtu.be/fFDp5y9iCsE

توجد مكتوبه بالوصف اشترك بالقناة ضع لايك

يالرحت وعفتني ارجع شيبتني خويه يالحسن
*********
فاركتني وحيرتني ونعصر كلبي عصر
مدري اشيعك مدري اشيع روحي عكبك للكبر

يالحسن يا خويه ماضل حيل بيه
جم اخو ضهره انكسر من راح اخيه
خويه كون الصار بيك ايصير بيه
اشمحله ذيج الكعده من نكعد سويه

كاسر ضهري فركاك راحت روحي وياك ودمعاتي جرن
****************
اخ خويه يا حنانك اشلون انسه عشرتك
ودعتني وانته تدري بكلبي حافر صورتك

خويه ارحم حالتي ونوحي ونيني
انه ادري لو عفتني ما تجيني
نامت الوادم وانه سهرانه عيني
اتغار حته النوك ضلت من حنيني

لمن فاركتني جم لجمه الجمتني وجروحي ابتدن
*********************

انته خويه احزام ضهري صعبه اضل ابلا اخو
اشلون عشره اتعاشرينه ايعوض امجانك منو

للابد ما نفترك جنه احنه الاثنين
اشلون تمشي للكبر وتعوف الحسين
ردت بيدك خويه تمسح دمعة العين
اخو امنين اتجيب مثلك زينب امنين

زينب شبعت انياح وتكلي الحسن راح وعيوني انعمن
***************
بيه تسعر نار هجرك ليش تكسر خاطري
انته روحي وانته عمري وانته شمعة ناضري

خويه شخبار الحسن زينب تكلي
وانه ناري بالكلب يبن امي تغلي
يالحسن مخنوكه زينب تدري مثلي
اهواي بفراكك تغير خويه شكلي

الدار بلايه خوان تكثر بيها الاحزان ايغربها الزمن
**************

يالتكطع خويه جبدك والسم بدمك سره
اشلون كلي بعيني انضرك روحي ما تحمل تره

اشلون خويه الطشت عين زينب اغطي
خويه كلي يا جرح عكبك اداوي
ليش المفارك اخو ضهره يأذي
زينب اتحير شكَلها لو درت بي

بفراكك يمسموم تجري دموعي كل يوم وسلتني المحن
****************
تمت
الشاعر تحسين الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

آه لمصاب الحسن جمراته تلهب بالجبد
جعده تسكيه ابسموم وجبده منها ينمرد
ينسكي اسموم. *جعده التسمه
دياره هاليوم *اصبحت ظلمه
—---------------------------—
آه لمصابه ويويلي جمرته ما تنكبت
صار يتناثر دليله ويقذفه ابوسط الطشت
يمه الحسين. شبل الصميده
يهمل العين وينظر عضيده
—-------------------------------
ايناشد اعضيده ويكله يامن اتسن السنن
جبدك وسم الاعادي صاب جبدي يالحسن
جبدي مكصوف يستعر جمره
وزينب اتشوف* *حاله وتنظره
—------------------------------—
آه يا ويلي العقيله من تشوفه بهالوضع
تجري دمعات الحسافه عالدليل المنكطع
ابصوت مفزوع آنه العقيله
صبت ادموع ** و ونه ثجيله
—------------------------------
الف يا وسفه دليله ايذوب من سم الغدر
شنهو باجر للرسول اتقدم اعداه العذر
شنهو الاعذار *بيش اعتصامه
يدخل النار. يوم القيامه
—------------------------------
بيمن اتلوذ الاعادي هناك من يبدي الحشر
والحسن جبده اعله ايده اينادي قادر مقتدر
كوم الاشرار كطَعوا جبدي
ودفني ما صار. *يم كبر جدي
—------------------------------

خادم اهل البيت ع * عمار العيساوي الكربﻻئي
نسألكم الدعاء


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

دگيت بابك يالحسن هاي الـمسيّه .. ومديت اديّه
گالولي كـل علّه تشافيهه
والحاجه يامولاي تگضيهه
دگيت بابك
ــــــــــــــــــــــــــــــــــــــــــــــ
ابابك يالحسن محتاج وانته صاحب الاحسان
اشفه امن الوجع مولاي بس دخلّني للديوان
عطشان أعله حنيتك ابجاه احسينك العطشان
انطيني اشويه من روحك حتى أكبر واصير انسان

وآنه ادري يمك دمعتي اتصير ابتسامه .. يابو الكرامه
باعمالي كل موزينه امحيهه
والحـاجه يامولاي تگضيهه
دگيت بابك
ــــــــــــــــــــــــــــــــــــــــــــــ
لوطاري الكرم ينجاب انته الأكرم امن الناس
احسين بنظرة اعيونك وبوجهك شفت عباس
عاملني أعله گد عقلي وفهّمني يبو الاحساس
السيّد لـو بست چفه معناهه الرسول انباس

وآنه الترابك انحني واشتم عطوره .. لـمّن ازوره
يالشوفتك بسنيني شاريهه
والحاجه يامولاي تگضيهه
دگيت بابك
ــــــــــــــــــــــــــــــــــــــــــــــ
لاموني البعض مولاي گالو ليش تنسونه
هوهّ الحسن مثل احسين چا يمته تنصفونه
كثروله بقصايدكم ونشفو دمعة اعيونه
من گد مايشيل الزاد حمـره صارن امتونه

گلتلهم اشما تنكتب دمعه وقصيده .. اتحز بوريده
وادموعه عالـمذبوح يجريهه
والحـاجه يامولاي تگضيهه
دگيت بابك
ــــــــــــــــــــــــــــــــــــــــــــــ
انته الاكبر امن احسين عمراً واعترف مولاي
لاكن انته مامذبوح ظمآناً ابقرب الماي
ولا عافوك بالهيمه عريان وتريد افياي
المصايب كهن اشويه وامصاب الحسين اهواي

واعذرني من هذا الحجي مو قصدي أأذّيك .. اقصد اواسيك
يالدلتك ريحة كـرم بيهه
والحاجه يامولاي تگضيهه
دگيت بابك
ــــــــــــــــــــــــــــــــــــــــــــــ
گبرك يالحسن مهدوم بس مهدوم بالظاهر
لاكن جوهرك محفوظ بقدرة ربك القادر
اجيتك واسألك بالله يالماتكسر الخاطر
للجنّه البقيعيه يايوم اعتني زاير

يم الگبر اشعل شمع واذكر القاسم .. اهلال الهواشم
واهناكه حتى اچفوفي احنيهه
والحاجه يامولاي تگضيهه
دگيت بابك
ــــــــــــــــــــــــــــــــــــــــــــــ
مولاي الحســن وانته عزيز الزهره مثل احسين
انتم من صلب واحد من شمس النجف نورين
امامان النبي گايل وابنفس الدرب ماشين
اختكم زينب البالشام واخـوكم ظل بلا چفين

واحنه بهواكم سيدي ذابت مهجنه .. وانتم فرجنه
عدنه علل كونك تداويهه
والحاجه يامولاي تگضيهه
دگيت بابك


محمد الجماسي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

ننصب عزائك كــل سنه يا خويه تدري
يالحسن واحنه بالسبي مدمعنه يجري
واليوم اجتنه الذكره … واخواني فوگ الغبره
محتاره حيره ……محتاره حيره
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
آنه زينـب .. حيــره مسبـيه صــرت وبـــين ظلام
ياحسرتي .. ذبحو اخواني وغصب اخذونه للشام
تدري كلفه .. المن اشكي ويمي تصرخ بس الايتام
خويه خويه .. شرد اسـوي وحدي جارت بيه ليام

واليـوم سابـع مـن صفـر واحنه بخرابه
كل اهلي راحو بس غرب ما مش گرابه
تچـوي بدليلي الجمره .. واخواني فوگ الغبره
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
واذكــــرتهه .. ننجمع ذيـچ الليالـي ابيت الحسين
بنصنه تنعه .. ويلـي عالمسمــوم تصـرخ ام الِبنين
يمي عباس .. وكل اخوتي اولد عمي يا ضوه العين
يا حبيــبي .. انسلّت اختـك وينهه اوين الدواوين

وبسوطه يضربني الشمـر حين الاذكرك
يشتمني وهـواي الحچي شتريد اخبرك
وتخنگني حيل العبره .. واخواني فوگ الغبره
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يا بو جاسم .. چـبدك ابذاك الطشت عني خفيته
گطعه السم .. تخــاف لا ينفجــع گلبــي الدلليته
هسه نفسه .. بس ذهب بي راس ابو الاكبر لگيته
هدلي حيلي .. انصبغت ابـدم النحر شيبة لحيته

چنـت مـن خــوفـك عليه تخفــي لونين
بعيني شفتهم يالحسن من ذبحو حسين
وداست الخيل بصدره .. واخواني فوگ الغبره
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
خويه نعرف .. يا كريــم اوحـگ اذا تعتـب علينه
مـو غـريبه .. الدنيه ما ترحم وهيـچ اتسوي بينه
چان الحسين .. كلـشي ليـوزعـه بوابـك بالمدينه
بكــل عزيه .. بدمعه يقره هلله هلله الحسن وينه

كل ما بچه واشتاگ الك جاسم يجيله
وبلهفـه حيــــل ايقبــله ويـــبرد دليله
ويشوفـك بكل نضره .. واخواني فوگ الغبره
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ما نسيـتك .. لا وحــگ المـرتضـى دوم اعلـه بالي
آنه بالطف .. صحت وينك يالحسن شوف الجرالي
من سمعني .. شـال سيـفه القاسـم ومسـرع اجالي
گـــلـي عمه .. الغالـــي مـــا مـيت لان خلّفله غالي

سبحـان رب الخـالقه يشبهـلك هواي
حين البسهه اعمامتك چن انت وياي
اعرفت السيوف اتوذره .. واخواني فوگ الغبره
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عندي طفله .. شبگت الراس و تنادي شلون بيه
بنت اخيك .. اولمس يــا خـويـه وافتهه المنيه
امنرفعتهه .. جيت اصبرها اصرخت ماتت رقيه
چم مصيبه .. بكـربله ودرب اليسـر مــرن عليه

حرمونه حته امنل حزن لو نبچي بسكوت
اتمنه وياهــم متت عنـدي اهــون المــوت
عذبوني يبـن الزهره .. واخواني فوگ الغبره
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الشاعر ابو ياسر المياحي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

كـوم يا عـباس شيـل الـراية
زينب اختك هل اجت مشاية
........
كـوم وتلكاها اختـك هل اجت انت طايح عالنهر لمن مشت
حركو الخيمة عليها وانسبت متونها انواع السياط تحملت
تدري يالكـافـلها هسه تكفلت
فراكك أيألمها تدري هواية
.......
هواي المها البعد عـنكم تره من مشت منكم تراها مجبره
مربطـة بحبـال ويلي ميسرة يبو فـاضـل شوفـهـا متغيرة
انت راح تكلها يختي معذرة
ما وصل جودي وتبده ماية
.........
رجعتلكم شايلة جروح الزمن منها يتعلم حزن حتى الحزن
باقيه بيها المصايب والمحن يحجي عن سياطها اه المتن
يشكي وياها اليتامى ما اجن
و يا رقـية الما اجـت ويايه
...........
هذا راسك خـوية جبته بالـرمح يمشي ضل وياي من يوم الذبح
ينور دروبي مثل شمس الصبح بعين شاف سياط متني والجرح
شـاف شمر شلون بمتـوني يلح
خوية جبت الراس هذا ويايه
...........
هذا راسك جان شاهد عالحصل من سبوني وصعـدوني عالهزل
وحين شاف مربط ابأيدي الحبل والله ما يحمل غيور شكد زعل
غضب راسك الرمح منه اشتعل
الما قـبل راسـك عـليه حجـايه
.........

الشاعر اياد الفرح التميمي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

زينب ردت من الشام ماتنهض تلاكيها
.....
وينك ياعجيد الناس
زينب ردت ويه الراس
صاحت خويه ياعباس
رادت بس تحاجيها
.....
ظلت لاكلب لاروح
متروس الدليل جروح
صرخت صرخت المذبوح
زينب هيجي تاليها
.....
ترجف والدموع اسيل
ردت والجتاف اتميل
من ثكل الهموم تشيل
كوه اجدام رجليها
...
زينب والهموم هواي
طاسه وياها جابت ماي
من تمشي المشي بهداي
حيل امبين اعليها
...
تتنفس بعد دخان
اختك جابت النسوان
وينك يالطحت عطشان
تنشد عن محاميها
.....
ليش تعطلت ظليت
شنهي العطلك ماجيت
بيها شجم جرح خليت
زينب هاي تدريها
....
ردت والكلب مفجوع
كل خطوه تصب دموع
ناحت نوحت الموجوع
حيل الوكت ماذيها
.....
ردت والظعن طشار
بيه ظلت تنوح زغار
ماتعرف عليها اشصار
يوم العده امسلبيها
......
ردت والكلب نصين
تصرخ يبن ابوي حسين
وين انته يخويه وين
كوم وياها دليها
......
علي الحاج الصبيحاوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

تجري وي دمي مصايب كربلاء
بروحي منصوبه مجالس للعزاء
*
اّنّه ابن سيد البشر شبل الحسين
اتلقبت ياشيــــــعه زين العابدين
ساكن بگلبي مصـــاب الطاهرين
والدي يتســــــمه سيد الشهداء

چم مصــــيبه شاهدت يوم الطفوف
ضدنه كثره محزمه خيول وسيوف
تجدح بجور وحــــقد ذيچه الالوف
حاربو نهج النبي والاوصيـــــــــاء

نزفت بغيره وشرف كل النحور
للعقيده الطاهـره صارت جسور
ضحو الارواح للمـــــــبدء نذور
خيرة الاصـــــحاب هبــت للفداء

غابت بطف كربله اطهر شموس
والحوافر چانــــت اعليهه تدوس
للبشر صارو مواعظ وي دروس
ضحو اولاد النـــــبي اشرف دماء
**
بطيحة العبـاس وحسين الامام
من بعدهم حرگو اعلينه الخيام
ظنهم اخضع وانثني ذوله اللئام
شلون اخضع واّنه وارث الانبياء

چتوفنه بگـــــــيد واحبال وحـديد
جيوش مرجـــــانه واميه والـوليد
تركو الدين اصبـــــحو كلهم عبيد
زمرة احفاد السقــــــــــيفه الطلقاء
*
اّنّه لجل حسين متهمني الحياة
كملت منـــــهاجه رغم النايبات
سجدتي سيف بوجه كل الطُغاة
تالي سموني بغدرهم الأدعياء


الشاعر ابو لقاء البهادلي **



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

واويــــــــــلاه يزينب... واويــــــــــلاه
ـــــــــــــــــــــــــــــــــــــــــــــــــــــ
راح اسولفلك يخويه ومـا أضـــم
خويه بدروب اليسر ضگت الهضم
من ضربهم خويه رضولي العضم
عذباني اخلافكم خويه الخصـــم

يلـــــچنت بيك امــدلله
من وين اجتني كربـــــله
تاليــــــتي وحدي بالفـله
وچــــتالي يحدي العايله

واويــــــــــلاه يزينب... واويــــــــــلاه
ـــــــــــــــــــــــــــــــــــــــــــــــــــــــــــ
وحدّي بـنص ليــــل خويه يالكفيل
امشي وي اعداي هل درب الطويل
ياهـو اليّعدل هودجي لمـن يميــل
وانـه حرمه وما بــقى بس العلـيل

مجبــوره عنــــك رايحه
ودموعي عالخد جارحِه
عالهزل انصـب فاتــــحه
وتـــــبقى خواتك نايحه

واويـــــــــلاه يازينب...واويـــــــــلاه
ــــــــــــــــــــــــــــــــــــــــــــــــــــــــــــ
ويـــلي چنت امدلله ابــــين اخوتي
بنص غرب ياحسره صارت مشيـتي
الچـــــان كل ساعه يطوف ابناكـتي
وبحنــــــان اچفوفه يمسح دمعـتي

إلچان الي خيمه وســــتر
من بعـده كفالي الشــــمر
ليل السبي وغاب الگــــمر
ومو ضهري دلالي انكــسر

واويـــــــــلاه يازينب..واويـــــــــلاه
ـــــــــــــــــــــــــــــــــــــــــــــــــــــــــ
انه ستر الله وصفيت ابلا ستـــــــر
غيرتك ترضاها اضل ابـــلا خــــدر
اختك الابـــــد ما شايــفها بشــــــر
نشاف طولي ياحسافه ويالشـــــمر


گــــــوه علي امشي بسبي
كلشي انسلب ألـــــه العبي
وبسمي يصــيـــح الاجنبي
هاي العفيفه بــــــت عـلي

واويـــــــــلاه يازينب.. واويـــــــــلاه
ـــــــــــــــــــــــــــــــــــــــــــــــــــــــــــ
هذا عالوجنـــــه سواد اعــــــــيوني
حيل وبچفهم لمــــــــن ســـــطـــروني
تحـــــول احمر صــــــوطهم بمتـوني
من كثر دگــــهم ياحامي ضــــــعوني

مفاركّتگ اكثر من شهر
وعيوني شح منهه النضر
بعطرك اشم ريحت نحر
مو راح اموت من القهر

واويــــــــــلاه يازينب.. واويــــــــــلاه
ـــــــــــــــــــــــــــــــــــــــــــ
تمت الحمد الله
٦صفر...
خادم الزهراء ع
الملا ياسر الزيادي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

گلبي ملهوف...عالمشي وعالرايه

آنه زينب آنه....يالمعازيب
يالخدم واجروحي...بيكم اتطيب
والمواكب لمن اتنصبوهه
ايطيب گلبي ودمعتي اتنشفوهه
حسين غالي وسفرته اتفرشوهه
ابيا هله الزوار تتلگوهه
ماتقصرون...والله يالوفايه
گلبي ملهوف...عالمشي وعالرايه


ابخدمة المشايه...ماتقصرون
واحله ما بالخدمه...من تتعبون
والله هاي اتعابكم محسوبه
وهاي خدمتكم تره مهيوبه
كلمن ايقدم لجل محبوبه
خطوه خطوه امسجله ومكتوبه
والمسافات....تشهد الكم هايه
گلبي ملهوف....عالمشي وعالرايه


امسجِّله ومحسوبه...حتى الانفاس
وابو فاضل بيكم...يرفع الراس
يالمشيتو وبالمشي اتواسوني
كل سنه امن ابعيد تتلگوني
يلله صيحو ابوجه اليعادوني
مثل كل عام الزحف مليوني
حسبت ايام...وجايه الكم جايه
گلبي ملهوف....عالمشي وعالرايه


والله تفرح روحي....وتفرح العين
لو شفت مشايه...تمشي لحسين
يعني رايات المجد منصوره
شامخه وطول الدرب منشوره
انوزع الخدام كلمن دوره
واحنه نشرف عالطبخ وجدوره
واحنه نرعاه....كل عزا واقرايه
گلبي ملهوف....عالمشي وعالرايه


حيدر ايجازيكم...والزچيه
يالتصيح اجروحكم...يارقيه
من تجون الكربله حياكم
والكفيل ابرايته ناداكم
يالهويتو حسينكم يهواكم
يللي ماتنسونه ماننساكم
نشفع اهناك....اخذو مِنَّه احچايه
گلبي ملهوف....عالمشي وعالرايه

الشاعر سيد علي الموسوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

من دخلت عليهم بت علي الكرار
اعصار وضرب قصر الأمار اعصار
****

زينب من خطت ديوان ابو سفان
ميدان ونزل عباس للميدان
لواء الحمد بيديها ورمحها السان
واسير اصبح يزيد وهو وسط الدار
****

گالت يا يزيد الذله عدكم ساس
أسمك والقصر بجدامي هذا انداس
كل ظنك تذل أخت الگمر عباس
ألف هيهات وآنه أخت البرد والنار
*

حجت والصارم ابساعدها كلمتها
ومن هيبت ابو الحملات هيبتها
نحنت روس الحضور لذيج لهجتها
ومن نهج البلاغه أبن الرجس محتار
*

لا تنسه وتصدك يا يزيد الشام
أمير انته بل أنته طليق أثام
بصارم والدي طبيتو للأسلام
هبائا عرشك وما تبقه ألك أثار


بثنايه حسين تعلي الآت والعزه
مو عجبه لون راس النبي تحزه
أمك من گبل أكلت چبد حمزه
ودم وحشي يجاري دمك بها العار
**

ظنك يا نذل مكسوره تلگاني
ما أني عاالجره ندمانه بخواني
لچن يا حيف تسمع لفظة الساني
وآنه أمي الزجيه بضعت المختار

سلطان عبد الخالق الحلي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw