حماسيه
للمشايه وذكرى أربعينية
الأمام الحسين عليه السلام
....................
رغم أجوائاها هاي الوبائيه
مشت مشايتك مشيه كفائيه
...................
من أولايه طلعت تتبع أولايه
مشايه أعله مد الشوف مشايه
وفايه أو ترفرف بيدها الرايه
تتحدى الوبا أبغيره ولائيه
....................
أبيوم الأربعين أتزور عن فطره
من أبعيد تشتم نسمة الحضره
بتراب الدروب أووجوه متعفره
أمجنده أرواحها لجلك فدائيه
....................
تكصد كربله كل خطوه تخطيها
للمهدي أبو صالح هيه تهديها
والزهره الزجيه أمك تعزيها
وتهل عالوجن دمعه عزائيه
.....................
أفواج المشت تتحده كل عله
دربك عافيه أو مابيه أبد خله
ياظل العوافي الماكو من ظله
حبك للعلل وصفه دوائيه
.....................
يا ماي الوجه يحسين أبو اليمه
نعمه أنته أو شكر تستوجب النعمه
سجلها المشت في دفتر الخدمه
أو كفيها شرر كل أبتلائيه
.....................
مهجوره المدن لو شبه مهجوره
ديرة كربلا أبعون الله معموره
وينه الحاربك فجر أوطلع نوره
تسمعله صدى أبنبره رثائيه
....................
كورونا شني أوشنهو وبا غيره
يجعل شيعتك يابو الوفه أبحيره
يالحبك مناعه أبكل حذافيره
حجة مرقدك حمله وقائيه
....................
قربان الشهاده حسين أبو الأكبر
تدري أبشيعتك حد كطعت المنحر
وفايه أو أملها أبدنيا و بمحشر
تلكه أبنصرتك رحمه سمائيه
......................
خادم أهل البيت
الشاعر : أسماعيل الجوراني
الجمعه : 25/9/2020


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

جيت اوَفي اديــــوني.....شحدهم ايـمنعـوني
ســــــــــددي الديــَـــــــن
هــــــاا يــــــرجلـــــــــين
ـــــــــــــــــــــــــــــــــــــــــــــــــــــــــــــــ
بشــــــــــوگ متعني ازورك. طـــرزتلك رايه
ناوي اشدنهه بضريحك غــــايه اعضم غايه
بيهه شدت امي عگده.وبيهه كثره اوصـــايه
يمـه يمـه واسي زينب.وعقـدلهه قرايــــــــه

حچايه بذنك هـــايه. يمـــــــــه زينب آيـــه
أنطـــــــــي ضعفـــــــــين
هــــا يرجليـــــــــــــــــــن
ـــــــــــــــــــــــــــــــــــــــــــــــــــــــــــــــ
تحلـــــه عثراتي بطريجك. كون كلساع انهطر
كون اعيشن حال زينب.وسطر ابوجهي سـطر
ما أريد ابراحه امشي.كون اخلي برجلي طــر
وكون صَب عله لغريبه .تنزف اعيوني مطــر

ريت اعيش الحالـــــــه......للسبوها اعيالــــــه
بحِســــــچ ما شيــــــــن
هــــــــا يرجليـــــــــــــن
ـــــــــــــــــــــــــــــــــــــــــــــــــــــــــــــــ
عودتني اشتم ضريحك..احس روحي مختنگ
مـو بــــــديه ما اجيتك..نـــــاس رادت نفترگ
حيره مـااگدر شوصـف...گلبي عـطب واحترگ
انه لـــو مـا نته گلبي..مــــا عرف معنه العشگ

حافي تمشي اجدامـي.....وحيل ألـــطم هامـي
ومــــا مـــــــوفيــــــــــن
هــــــــا يرجلـــــــــــــين
ــــــــــــــــــــــــــــــــــــــــــــــــــــــــــــــ
يالمضحي بكلشي لجلي..يـــالمگطع بالسيوف
انه شمسوي ارزقتــني..امشي وي هاي الالوف
حسيني ياكعبة عشگنه..بمرقدك شوگي يطوف
والله مايمنعني عنـــك..لامرض ولا خســوف

گلبي كلش ضامــــي.....ياطبيب آلامــــــــي
لهفــــــــــه بالعيــــــــــــن
هـــــا يـرجليـــــــــــــــــن
ـــــــــــــــــــــــــــــــــــــــــــــــــــــــــــــــ
عهد طول العمر گاطع...سيدي مــــا عــوفك
يالصرت كــل امنياتي..عشگي صار احروفك
يموت اليهجرك حقيقه...أي وحگ اچفــوفك
شهور مرت مااجيتك...عطش گلبي لشوفك

عجبه عجبه العافك....يمك ومــــــــا طافك
يســـــــــــــوه الحســـين
هــــــــا يـــــــــــــرجـلين
ـــــــــــــــــــــــــــــــــــــــــــــــــــــــــــــــ
تمت الحمدلله
بقلم خادم الزهراءع
الشاعر والملا ياسر الزيادي١٤٤٢هـ


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

فزاعيه
لذكرى أربعينية الأمام الحسين سيد الشهداء عليه السلام  وفضائلها الحميده
...................
بربعين حسين شيعة  حيدره
الكربله مشايه كلها أمسيره
مختلف أعمار
أكبارها  وزغار
الكربله مشايه كلها أمسيره
.....................
يا حلاته الصوت بيكم يا هلا
يلي هميتو المسير الكربله
بربعين حسين أبن عقد الوله
أبو فاضل ينتظر كل قافله
أمعزب الخطار
أبو راس الحار
والنعم عباس سبع الكنطره
.....................
والحسن شيخ الكرم مد سفرته
الجاع والعطشان كل شي أبخدمته
كام منها أبأيده يطعم شيعته
أو خدر الدله أو بده أيصب كهوته
الحسن شب نار
منتظر مسيار
على جيس الزهره كهوه أمخدره
........................
علي وياكم علي هان التعب
بمتحان الخدمه ما واحد رسب
أبدفتر الزهراء كل أسم أنكتب
يعني كل شي أمسجل أو كلشي أنحسب

أو شوغة البسمار
ما يضيع أتغار
لل الوجوه البالتراب أمعفره
.....................
المحني ظهره الشاب واليحبي حبي
كاصده حسين الولي أو سبط النبي
أو كاصده العباس أبو الغيره الأبي
أبمعنى تطلب ثار شوغات السبي

للظلم أنذار
هذا درب الثار
النصرة المهدي عزمها أتحضره
......................
صوت من أهل المواكب يعتلي
على حب المصطفى أو حيدر علي
أتغده وشرب جاي يا بعدي أو هلي
من تزور حسين دعواتك ألي

بيتي بيتك صار
حتى بيت الجار
بيتك  أو بيك الولايه أمنوره
....................
الظيف ظيف الله المواكب كبرت
فدوه أجالك ليل وجدامك خوت
بات عدنه الليله يا راعي البخت
بيك نتعشم حوايجنا أنكظت

الليل هدله أستار
الخدمة الزوار
الشيبه بالسبعين ناصب سيطره
........................
أزغير عمره أهواي بالخدمه نجر
بيده طاسة ماي عالزاير يصر
هاك أشرب ماي يابعد العمر
ولعن أيزيد أو عبيدالله أوشمر

ولعن الغدار
الحرك بالنار
منزل الزهره الزجيه الطاهره
.....................
كربله كعبه عشك دوله أوعلم
جامعة أخلاق وتخرج خدم
الباكي لجل حسين والصدره لطم
ورثه وراث رسول الله الحشم

أبهيبة الأنصار
صيته بالأمصار
بربعين حسين خلقه أستشعره
.......................
خادم أهل البيت
الشاعر : أسماعيل الجوراني
الأحد : 27/9/2020


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

ردت بالظعــن أختــــــــــك يواليها
بعد رحلة سبــــــــــي بيد ليعاديها
****
يبو اليمه إجتّــــــــك زينب بحسره
تهل دموعها فـــــوك الوجن جمره
لــــــو تنظر وضعها الكلبك تفطره
يبو الأكبر دكوم وشــــوف ما بيها
*
جفنها مـــــــا غفه لمّن مشت عنّك
ودمعها مــا نشف لا هيّه لا ظعنك
حضرت هـل مسه رادت تودعنّك
وترجع للوطن مـــن دون أهاليها
**
بأيتامك إجت وتعنـــــــت الكبرك
بمرار الشافته يــا بو علي تخبرك
وتشرح للجره عليها بعـــد عمرك
وضيم الشافته مـــن كــل أعاديها
*****
زينب لـــو شفتها مــــا تسر حالك
متغيّــــر وضعها هــــــيّه وعيالك
بعد كل ذاك عـــزها جانت بجالك
بحبــــــال السبي مجروحه أيديها
*
كعــــدت عالكبر وتصيح يعيوني
مـا ظن غيرتك ترضه يضربوني
متشمته العــــــــواذل بيّه سبّوني
ومشوني الأرض كلها وبواديها
****
شيب راسها من صعدت عله التل
وبليلة وداعك مــــــن على الهزّل
فكدت كل أملها وغاب عدها الحل
ونشدت مـن علي السجاد واليها
*******
إلاهـــــــي بزينب الليله ومصيبتها
عجّـــــــــل بالفرج للمهدي حجتها
خل يباري عمته ويكضي حاجتها
بأخذ الثار مــــــــن الجارَوْ عليها



الشاعر
قاسم حتروش البلداوي
خادمكم
أسألكم الدعاء
غير مبري الذمه كل من يقرأها بطور الغناء


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

ياحسين اجينه اعله العهد مشايه
وخطينه اسمك يالعـــــــزيز برايه
ـــــــــــــــــــ
ياحسين اجينه وعلعهد موكبنه
ماعدنه غيرك سيدي مـــــاعدنه
عدنه قصور وسيدي تعـــــذرنه
بجاه الكفيل وجربته اومـــايه
ـــــــــــــــــــــ
خدام اجينه وابالدمع نتوسل
وبابك ندگه وللفــــــرح نتامل
تقضي الحوائج سيدي وتتجمل
بجاه العليل ودمــــعته اليرايه
ـــــــــــــــــــ
نيتنه نـــــــوصل والضريح انزوره
كل خطوه نشتم سيدي من عطوره
عدنه حوائج سيــــــــــدي ونذوره
مجلس عزاء اوي اللطم وقـــــرايه
ـــــــــــــــــــ
مجلس عزاءك كل وكت يحيينه
مشايه جينــــــــــه وانته اتبارينه
من نتعب اسمك سيدي يمشينه
وراعي المسيره يرف الك برايه
ــــــــــــــــــــ
ليليه نقره والخـــــدم تخدمنه
والزهره امـــــــك للعزاء اتلمنه
لتظن نوافي سيــدي اشقدمنه
ياكعبـــــة الله ومنهجه والغايه
ــــــــــــــ
بقلمي ابو باقرالصالحي
لحن يالحادي مرني اعله المسنايه


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

وين وين وين اهلنا راحو
وين وين بالمنايه ارتاحو
وين وين اعلينا شو ماصاحو
وين وين


ضيعونا
وهمه مايرضون نمشي ابين غربه
ضيعونا
الحره من تمشي اسيره والله صعبه

خويه افتحو عيونكم صدو علينا
بلله بس شيلوها اديكم واومو لينا
خلافكم ضلت ترى زينب حزينه
شو مشينه وماكو واحد صاح بينا

صوت صوت ردنا بس ينادي
صوت صوت يوكفلنا الحادي
صوت صوت يصرخ أعلى العادي
وين وين
**********************
هم دريتو
زينب اعله التله وكفت تلطم الراس
هم دريتو
تنادي خويه حسين نوبه ونوبه عباس

وكفت اعله التله زينب تجري العيون
بصوت صاحت وين اهلنا مايفزعون
خلافكم ضلت حيارى تمشي الضعون
خلافكم ضلينا أسرى ويه اليكرهون

راح راح والظعن بالهيمه
راح راح مني راعي الشيمه
راح راح الفوكي ضلل خيمه
وين وين


*********************
خويه رحنا
ونلتفت نترجى ريحتكم يهلنا
خويه رحنا
ومن يجور الدهر بينا ياهو النا

من تميل الناكه ياهو يباري ليها
من بعدكم زينب يطول بجيها
العزيزه المايمر حيف ويجيها
راحت وجيش ال اميه ميسريها

نوح نوح عالنبي وعياله
نوح نوح والنبل جتاله
نوح نوح يسروها اطفاله
وين وين
**********************
وين اروحن
منين مادورن ونوي كلها عدوان
وين ارزحن
وانه حرمه لوحدي وبلايا خوان

يادهر صبرك علينا رد عليهم
هلبت يكومون اخوتي الغيره بيهم
انه ويني وينهم ضل بس بجيهم
بقت من امي وابويه ريحه ليهم

اه اه الحزن ماينساني
اه اه والدهر عاداني
اه اه ضيعالي اخواني
وين وين
******************
زينب تصيح
راحت بلايه أهل بين الشماته
زينب شلون
اليعيش بلا هله شله بحياته

يلله كومو خويه انشدو وين زينب
وين راحت بت علي والقلب يلهب
من كثر شوغاتها والقلب عطب
خيل شافت فوك صدره وصار ملعب

خيل خيل داست اعله حسيتها
خيل خيل من تشوف بعينها
خيل خيل تحول بينه وبينها

وين وين

*****************


محمد دعبل النوري



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

نزلة لرجوع السيده زينب عليها السلام

خويه عباس. جيتك باحزاني
................

يالكفلت ظعوني... عاين الحال
جيتك بآلامي... دمعي همّال
ارد اخبرك بالسبي وآلامه
شيّبت ياخويه من ايامه
وين گبرك خل اشم ترابه
هواي تدري لشوفتك محتامه

تبقه كفّال ماكو غيرك ثاني
خويه عباس. جيتك باحزاني
.................

يالچنت تحميني... مدلله هواي
من طحت چتفوني... للسبي اعداي
ترضه ياعباس اختك آني
فرجه اصير بمجلس السفياني
بيّة يتشمّت يراعي الغيره
ومن سأل عني شكثر اذاني

يسأل يريد يجرح بوجداني
خويه عباس. جيتك باحزاني
................

لكربله ردّينه... بعد لغياب
يابوفاضل خويه... دمعتي عتاب
وين گبرك ياگمر دليني
خوية من تحت الترب حاچيني
نايم بگبرك ينور عيوني
بيد دهري الغادر امخليني

جرحك هواي ياگمر بچّاني
خويه عباس. جيتك باحزاني
................

آنه زينب خويه... ريتك تشوف
جيتك بياحاله... لوني مخطوف
من سبي الشام وقهر دنيايه
جيتك وجبت الحرم ويّايه
هنانه خويه گطّعوها چفوفك
طاحن وطاحت يخويه الرايه

خويه والماي. يجري ماروّاني
خويه عباس. جيتك باحزاني
................

انتحب يم گبرك... تسمع الصوت
ريته ياخذ روحي... مايجي الموت
خويه ريت الموت ياخذ روحي
ولااظل عباس بين جروحي
شگد بچيت وماهدت آلامي
لا دموعي التنفع ولا نوحي

دمعي سچاب ماكو من يرعاني
خويه عباس. جيتك باحزاني

سيد زيد الفحام
2020
____________________________

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

((وكت الصلاة))

بويه شأفرشلك أجه وكت الصلاه
حــرگوا أمصلايتك ويــه الـــعـباه
أتوضه برماد الخيم *ماكوماي أولاعلم
*****************************
بس تعــــال أورد علي ياكـل حياتي
روحي أفرشها الك مـــو بس عباتي
أمناشغ بخوف وعطش يبست لهاتي
مدري وين أنــروح تتصارخ خواتي
*أدري گلبك حاضر أبذاك المسه*****
*ويه عمتي أيلملم أطفال أونسه*****
ياگلب مثلي أنحرم*** ماكوماي أولاعلم
*****
اليوم وينك بــويه ليــــش أتأخــرت
أبين خيــل أونــــارتحـــضرني ردت
صـار وكــت المغـرب أومـــا بـــينت
ويــــن گلي أبـيا كـــتر بويـــه أذنـت
*يافرض صليت گلي أبمصرعك*****
*أبدمك أتوضيت لومن مدمعك*****
لونزف جرح السهم*** ماكوماي أولاعلم
***************
آخ يـــاليــل أهـــدعش عذبني ضيمه
بتنه بويه أعله الرمل ماعـدنه خـيمه
عمتي وسفه أمگبعه أتراب وهضيمه
للصبح تــــنطر علــينه أبـدار هـــيمه
*بت علي الماشافها واحد گـبل*****
* باچـرأبنص الزلم ياابا الفــضل*****
تعـثر أوتنزف ألــم*** ماكوماي أولاعلم
***********************
والله ليـــل الــمـرعــلي لامــــا نــــمت
أبــ حضنك الدافـــي تـره آني أتعـــودت
أرد أشــــــمن رگـــبتك بويــــه صحت
تدري مـــــن جـــر التراچي أتمرمرت
*كون من جرهن تشاهد حالتي*****
*ويه دمهن بويه سالت دمعتي*****
ماشفت بيهم رحــم*** ماكوماي أولاعلم
************************

ويــلي شــــــوهـذا الصبح مــابيه ضوه
أبعـيني أظـــلم هـوه والمـــــامش سـوه
گـــمت أشـــم شــوغات مــا أشمن هوه
ذبـــل وردي أومـو نــــــده أبنـارأنچوه
*أخدوده ذبلانه أويبس روض الورد*****
*أمفارگ البسمه يظل لمن ترد*****
أبلوعة أسياط أنفطم *ماكوماي أولاعلم
****************************
صوت حاديهم اسمعه أينادي گومن لليسر
راحت أيــــام الكفاله اوراحت أيـــام الخدر
عگـــب كفّــال الظعــينه گــام يــتأمر شمر
بويه خلّونه أبخرابه سگف مابيها وســتر
*ويـه طيــفك والله دلالي أنگطع*****
*ردتك أنته ليش بس راسك رجع*****
موت بعيوني انرسم***ماكوماي أولاعلم
*****************************
لخادم مولاتناالسيده رقيه(ع) باب الحوائج
الشاعرالرادود كريـــم جبار العطواني
ونســــألكم الدعاء


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

عـمّـه يـا عـمّـه عـلــي
ويـن گـبــره كــافـلــي
عالـگبـر خليـنـي
أجري دمعة عيني
———————————————
عمّه يا عمه علي فاضن سواجي
أعيـونـي
عـمّـه دلـيني گـبـر عباسي يـمّـه
أخذونـي
يمّـه أشكي غربتي وأشكيله هـم
أضـعـوني
عمّـه بعيونـه ردت يـنظـر سـواد أمـتـونـي

عـمّـه يـنـظـر حـالـتـي
والـجـرالـي بـغـربـتـي
أحچي ويحاچيني
أجري دمعة عيني
———————————————
عمّه عفّته عالثرى مگطوعـه منّـه
أزنـــوده
عمّه وبعينه السهم وبصفّه طايح
جــــوده
خذني يمّـه أشتكـي هـم الليالـي
الـسـوده
يرضه زينب تنسبي وچفهـا بحبـل
مشّدوده

خـذنـي عـمّـه للـگـبـر
أشـكـي آلام الـيـســــر
للــنـهــر وديـنـي
أجري دمعة عيني
———————————————
عمّه خـذني للگبـر أجـري الدمـع
وأشكيلـه
خلي يـعلـم بالـجـره والصايـر آنـه أحـچيلـه
ما دره لمّن وگـع هـد جيش أميّـه
أبـخيـلـه
حرگوا بنـار الخيـم ما يدري فـوگ
الـعيَـلـه

يـم أبن حامـي الـحمـه
خـل أصـب دمعي دمـه
چن جمر يچويـني
أجري دمعة عيني
———————————————
عمّه عباس الكفل خـدري وأمـان
أنـطـانـي
گـال طـلـعـي بـرايـتي ولـكـربـلـه
جـابـانـي
عمّه خـذني لهيَبتي خـذني لعمـد
صـيوانـي
خل أسولف وأشتكي سوط الشمر
أذّانـــــي

شفت كـلشي بالـغـرب
خـوف وآلام أو رعـــب
والسفـر ماذينـي
أجري دمعة عيني
———————————————
خذني يا عمّه علي لراعي الفضـل
والـرايـه
عالنهـر ضامي وگـع يم الفرات أو
مــايــــه
خــل أگـلّـه يـا فـحـل زينب أجــت شچّـايـه
من الغرب رد الضعن وأنت أشتگول بهايه

عـمّـه يـگعـد مـا أظـن
للـمـديـنــه وللــوطــن
منهـو اليـودينـي
أجري دمعة عيني
———————————————
الشاعر
سيـد عــلاء الـحـيّـدري



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

طِلعَت منهه زينب حرمة مسبيه
وردت كربله بالاربعينيه
""""""""
دخلت كربله بعباس مهيوبه
وطلعت منهه بس بسياط مضروبه
وردت إلهه زينب حيل متعوبه
رجعت من سبيهه الظهر محنيه
"""""""
ردّت باربعين حسين تبچي العين
مو يوم اللي عفته تسعة وتلاثين
تگله اويايه راسك جبته لك يحسين
من فوگ الرمح نزلته بيديه
"""""""
انه الماشاف واحد طولي بس اهلي
وهسه يالسبية الشامت ايگلي
يخوتي انشاف طولي ابكربله وظلي
وانه عمري وصل خمسين وشويه
""""""""
يمن شديت اليه بايدك المحمل
زينب ردتلكم مو مثل الاول
بلا محمل سبوني خويه عالهزّل
عگبك يابو فاضل شتّموا بيه
""""""""
لابو اليمه تگله اهوايه خجلانه
ما جتي عزيزة گلبك اويانه
طفلة اعليك چانت حيل ولهانه
ماتت فوگ راسك بتك ارقيه
""""""""
چم وگفة الشمر بالغربة وگفني
فوگ سياطه حيل بحبل چتفني
تگله يا گمر لو چنت شايفني
يجر بيه وغُرب تتفرج اعليه
""""""""
تحاچي حسين زينب والگلب شاجر
صح صدري جروحه اهوايه بالعاشر
لچن ما داسه خويه مثلك الحافر
ولا جسمي انطعن الف وتسعميه
""""""""
تعاتب كربله شيبتي ليه الراس
ليش احرمتي زينب من اعز الناس
اخذتي حسين مني والگمر عباس
وبجمرة فگدهم لسه مچويه

انيس الخفاجي الكربلائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

قصائد المـشايــــــــه

...................................................................
جينه نزور ابوالسجاد والرايه رفعناها
هاي زيارتك يحسين والله مانسيناها

يهل المشاي جـاي تزور الحسين
تواسيه انته اجيت بدمعه العين
بدرب حسين ماتتعب تره الرجلين
الزياره هاي والله ماتركناها
.................................................
منعــوف الزياره والله كل عام
نضل لحسين احنه دوم خدام
نضل نبچي ونون وندك على الهام
احلى سنين والله الخدمه عشناها
..........................................................
بعزم وبزود أجوك اليوم مشايه
اجوك ورايه والله تسابگ برايه
انصارك دوم الك يحسين وفايه
الزايـــر شال رايه وبيده علاهـا
.............................................................
مـــــــــن زيارتك رادوا يمنعونـه
متوهمين عن حسين ماتمنعه كورونا
يدرونه نحب حسيــــن يدرونه
حسين زيارتك هيهات ننساهــا
...................................................................
يهل الزاير أجيت تواسي ابوالسجاد
أجيته تزوره منه تطلب مراد
حسين المثله بالشدات ينراد
لحضرته اليوم كل احنه گصدناها
...................................................................
الشاعــر عـــماد محمد الدراجي
الاربعاء 2020/9/23


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

بأربعينك  نعتني  مشايه
ياحُسين وشايلين الرايه
☆☆☆☆☆☆☆☆☆☆☆☆
بأربعينك     نعتني     لزيارتك
ياحُسين    وحامليها     رايتك
من   بعيد   ولو نشاهد   گبتك
يروح كل التعب والله وداعتك

ذوله أحنه سيدي الوفايه
ياحُسين وشايلين الرايه
☆☆☆☆☆☆
شما مشينه شما تعب  بينه يمر
مانساوي خطوه من درب اليسر
ولو وجهنه سومر بشمس الظهر
مانساوي   خد   رقيه  المنسطر

أي وحگ رجليها المچوايه
ياحُسين  وشايلين  الرايه
☆☆☆☆☆☆
مثل  ما  زينب  أجت  بالأربعين
يم    أهلها   الطيبين   الطاهرين
أحنه هم جينه  بدمعنه  والونين
نصيح بأسمك ياحبيبي ياحُسين

والمواكب بأسمك مسمايه
ياحُسين  وشايلين  الرايه
☆☆☆☆☆☆
أنته غالي وأغلى من  شم  الهوه
واليعوفك  هوه   والميت   سوه
أنته يحسين الطبيب أويه الدوه
وللنظر   أنته  يبو  الأكبر   ضوه

شوف أحبابك أجت عنايه
ياحُسين  وشايلين  الرايه
☆☆☆☆☆☆
جينه عدنه مرضه يردون الشفاء
گالوا   اليگصد  أحسين  الكربلاء
كون    ماينسانه    يمه   بالدعاء
هذا أبو السجاد محبوب السماء

أحنه أبد ماعدنه غيرك غايه
ياحُسين   وشايلين    الرايه
☆☆☆☆☆☆
جينه   لك  مشايه  يادمي  وخضيب
بلكت     يسجل     أسامينه      حبيب
وأمنيه      عدنه     يربي     يامجيب
بلكي نحضه بشوفت المهدي الحبيب

يمتى نفرش خلفه المصلايه
ياحُسين   وشايلين    الرايه
☆☆☆☆☆☆☆☆☆☆☆☆☆☆
الشاعر (أسعد قاسم الكريعاوي)



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

زينب زينب زينب بت علي
زينب زينب رجعت ياهلي

**************************

ردت ردت
وحدها ويجرح الدمع بعيونها
ردت ردت
لأ أهل لإخوان يتلكونها
تبجي تبجي
تذكر احباب الجانو يبارونها
دنيا دنيا
زينب عزيزه شلون ويخلونها

ضلت ضلت تندب ياهو الي
زينب زينب رجعت ياهلي
*********************

كومو كومو
كومو تلكوها تراها زينب
تنحب تنحب
ردت لاهلها من الهظم تنحب
تنسب تنسب
جا ليش زينب بالغرب تنسب
زينب زينب
ياحيف مكسوره وقلب يلهب

حرمه حرمه صعبه تنولي
زينب زينب رجعت ياهلي

**************************
رحلت رحلت
من بينكم وانتم على الغبره
ردت ردت
والجرح بيها اجبير شيجبره
خويه خويه
زينب اجتكم تحمل الحسره
تشكي تشكي
لاخوته تشكي وبالقلب جمره

تشكي تشكي والهم يعتلي
زينب زينب رجعت ياهلي

***********************
زينب زينب
ردت حزينه وتكسر الخاطر
زينب زينب
لاخوتها رجعت تهمل الناظر
ناحت صاحت
ظيم السبي ومصيبة العاشر
ونت حنت
من راحو اخوتها واجه باجر

والنوح والنوح راحل كافلي
زينب زينب رجعت ياهلي
***********************
تومي تومي
من بعيد وين اخواني يلكوني
شوفو شوفو
من الظيم ابد ماشيلن امتوني
صعبه صعبه
انده عليكم ماتجيبوني
حرمه حرمه
مابين عدوان وتولوني

غربه غربه كادت محملي
زينب زينب رجعت ياهلي
********************

محمد دعبل النوري


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

خوية رجعنه من اليسر يعباس
هاي اليتامة اعله الكبر يعباس
يالجنت ترعانه محد اتلكانــه
***********************************
وين جنه يــا كمر وبيا مدينـــه
ما كلت هاي ابغرب اختي الحزينه
يصير ماتدري يبو الغيرة انسبينه
خوية شو محد تلكاها الضعينه
خوية رجعنه الكربله يعباس
محد تلكه العايلة يعباس
روسكم ويانه محد اتلكانـــه
********************************
تذكر بيوم الرحل حامي الحمية
خله ايدك ياكمر مابين ادية
يعني هاي ابشاربك بالغاضرية
كوم ياعباس شوف اشصار بية
شاب الكلب من القهر يعباس
ودموعي ماخلت نظر يعباس
والاشد اذانــه محد اتلكانــه
******************************
خويه مابيه بعد اشرح مصابي
ماسده الكل البشر همي وعذابي
والحزن طول العمر عينه على بابي
كوم شوف متوني لو رايد جوابي

ياخويه ماتدري اشفت يعباس
بهاي اليتامه اتمحنت يعباس
دهري شراوانه محد اتلكانــه
***********************************
غصبن عليه يخويه بيوم عفتك
عمت عيني على الشريعه اشلون شفتك
ماعرفتك يابـو فـاضل من نظرتك
يـاكمر من ريحة الخــوه عرفتك
كل جسمك جروح ونبل يعباس
وبكلبي نــارك تشتعل يعباس
من بعد يرعانه محد اتلكانــه
خوي اجت هاي الحراير تشكي همها
شلون جتالك يبو فاضل ضلمها
الف ياحيف الدهر منكم حرمها
تدري ياعباس زينب من شتمها
من شاهدوني ابلا ولي يعباس
ضربوني وشتمو علي يعباس
من يرد اعدانه محد اتلكانــه
*********************************
خويه لا تسئل يزينب وين جنتي
تختلف عن البشر قصة سفرتي
بركبة السجاد ياخوية الركبتي
سلسله ونيرانها تذوب مهجتي

كلها اليتامه امكيده يعباس
يالما كلت بيها اشسده يعباس
يالكلت بحمانه محد اتلكانــه
********************************
آنه أكَل لحسين مو هينة عليه
انته كله بالغرب ماتت رقيه
كله يم الراس وافتها المنيه
هم مثل زينب يبو فاضل سبيه
ومنين اجتني كربله يعباس
بهاي المحن كلبي ابتله يعباس
واليهيج احزانه محد اتلكانــه
*****************************
للخادم حيدر الكرعاوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

الاربعين

وكفت اعله التله نفس امچانها
اهنا يهلنه. صوتت لخوانها
++++++++++
اهنا يهل زينب تره زينب اجت
عالهزل بت فاطمه الزهره مشت
امدللتكم يالگمر زينـب بـچـت

كلش بيها اتغيير امن احزانها
+++++++++
اهنا يهلها ما حصل عدكم علم
دخلت الـحـره بـدواويـن الزلم
وبيهن الماينحچي بس ينفهم
التنسبي العبره اتعثر بلسانها
+++++++++
الكربله عـوود ضعنها الكربله
خدري وينه المنكم
اليستقبله
روحي مو للماي عطشانه ال هله

استقبلوها گومو يا وليانها
++++++++
بينه ضيعتو العرف لا مـوغرب
انه اختكم لونه ثوبي المنگلب
موغريبه المثلي نام اعله الترب
هذا حال المحترگ صيوانها
++++++++
بينه مارجعت زغيره امن السفر
شابت ارموش الطفل من القهر
غـير ذيچ الماتت وعـندك خبر
يوم شالت راسك ابحضانها
+++++++++++
التله هاي التله بس ماكو ونين
فوگ راسي اعذرني مشبچت الايدين
امجرحه اچفوفي بحبلها ياحسين

خوفي اجرحك لو شفت نيشانها

الشاعر ثائر الربيعي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

ردت لاهلها بالحزن وتنادي
مهظومه زينبكم يجدي الهادي
وين الوالي ويتلكاها
*************************

هاي العزيزه الطاهره بت حيدر
مهظومه مابين العدا وتتفكر
يال العجب بت فاطمه تتاسر
وتروح اسيره بين أدين العادي
والامه تكيد بت طه
************************
كومو يهلها بالدمع واسوها
متكبعه بالهم والحزن تلكوها
زينب عزيزه بياوصع عفتوها
وبيه ولوها وين اخوي تنادي
يالكافل كوم اتلكاها
************************
ثوره على اعروش الظلم شنوها
والامه بالحق ترتقي رادوها
ال النبي بفيض الدما علوها
راية وفى وترفرف بكل وادي
والناس اعلى الحق دلاها
***********************
شجايه اجتكم يالاهل شجايه
تعتب على ذاك الفرات ومايه
الكافلها خويه هالاجتك هايه
كوم اعدل المحمل قهرني الحادي
زينب ياخويه اتولاها
**************************
ردت واجت تشكي الهظم والالام
متغيره من ظيم اليسر والظلام
مو هيه شو شمسويه بيها الأيام
ياظلم بت فاطم عليها اشسادي
زينب ماضلو ولياها
*************************

محمد دعبل النوري


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

اطلب شـمر صطرت جفن
وجـرت تـراچي امـن الاذن
الصـوط اطلـبه اشكم متن .... من دخلت السوك
———————————————

اطلب جفن من الصطر ما غمض امن العاشر
كل ماغمض فز مرتعب يذكر شمر چف صاطر
واطلب بعد عثرت مره بـيـن الـزلـم واتـناضـر
خيمتهه طايح عالارض وابصدره غافي الحافر


هايه المره الشافت مهد
رد كــلــه دم ابـــلا ولــد
فـوكـاهه طـرت چـم بلد .... بت ساده واحكوك
———————————————

اطلـب جدم شـابع ركـض من الخـيم حد عباس
والـزهره انه اول مـره تركض علـيهه اشـكد ناس
من الهضم كمت انه احس شيبي عبر كل الراس
وعلـويه تعـرفني الخـلك ما قـدرت ذره احـساس


من الركض نفسي انخمد
وحـته الـهوه منـهم شـرد
ماتـعـرف الله الـنـاس ابـد .... بس تعرف اطكوك
———————————————

اطلـب شمر خله العـطش بـيـنه يگـطـع لـنـيـاط
اولو طفل يعطش شفت يشربونه مو مي اصياط
اطلـب تراجي امـن العـرك جـروهه حيل ابأزماط
وارقيه والله ابلا ذنـب متگـمـطه ابدمـهه اگـماط


فحطانه جتني امن الالم
بذيـالي لـبدت كلـهه دم
فوك التراجـي هل جدم .... من جمره محروك
———————————————

اطـلـب جـرح مـالـه دوه لـسـاتـه عـايـش بـيـه
من صـيح ابوجـهي الزجـر حي عالسبي علـويه
وصـوطه بلايه اسمـالله ابد شـوغـني بالضـهريه
يا رايـح اب مـتـنـي واجه جـازي الالـف أعـلـيه


كتـله مـره اجـبـيـره وضـرب
مـتـني واحـس مـوتـي قـرب
وبت ساده انه وشـيخ العرب .... مشوني عالشوك
———————————————

اطلب حـبل موتـلي ادي من رادو امشي اسيره
والبـيده مشـدود الـحبل بالـناكه يصـعد حـيره
اكبال الخـلك وانه مـره اصـعد اشـلون اجبـيره
وصارت وابد ماقـدرو كبـري ادخـلت چم ديـره

رافكني چم ديره الكمر
والـرمح شـايل چم نحر
اوقل اعوذو امن الحجر .... اقره انه عالنوك
———————————————
الخادم سجاد الكعبي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

يارسول الله العظيم شها لرزيه ....من دنت للروح ساعات المنيه
علــــى الاعقاب ............انكلبت اصحاب
وذوي القربى للصحابه امسوا ضحيه
.................................................................................
الجانو اصحابك لون ماجانو اصحاب... سوو الما سوته اعدائك والاجناب
ابد ما نندهش لو تتعدى الاغراب ..لكن الدهشه الصحابه الدفعو الباب

باب بنتك فاطمه الزهره الزجيه..... يندفع بيد التسمو راشديه
صارو ذياب .............. ضد الاحباب
وذوي القربى للصحابه امسو ضحيه ............................................. ...................................

جذبو السموهم اصحاب الرسول.... لان ما راعو محمد بالبتول
الهاجمو بيت النبي ودار النزول..... ذوله اهل الشرك من بدء الاصول

هاجمو دار الرساله بهمجيه.......... لارعو لله ذمه ولانبيه
انسلت احراب ......ضد الاطياب
وذوي القربى للصحابه امسوضحيه
.................................................................................

بيا وجه يلكون ربهم يوم الحساب... باجر اتصير القيامه ويشهد الباب
توكف الزهره الزجيه اتقدم المصاب ....اتكول ربي بياذنب وتقدم اسباب

اتكول ربي بيا ذنب هجمو عليه... نكرو الغيره ولا عدهم حميه
هتكو حجاب .............اشرف انساب
وذي القربى للصحابه امسو ضحيه
.................................................................................

افان مات محمد طلعت اسرار.... انكلبو الجانوصحابه وصارواشرار المؤمن الصاحب محمد بالشرف سار... والكشف دار الرساله يمشي بالعار

بالجبين العار دنيه واخريه ....لكلمن يعادي النبي واهله وبنيه
وجاب الارهاب...... من ورا الباب
وذوي القربى للصابه امسو ضحيه
................................................................................

السيد محمد دعبل النوري


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

ليلة مصاب الرسول * تحضر ألزهره البتول
چفها مرفوع * تجمع دموع
تحضر ألزهره البتول
*************
ألليله أم الحسن حضرت تدمع العين
عظم الله الأجر تندب يا موالين
تكتب أسماء أبسجله للمعزين
ما يخيب أتصيح كلمن يخدم حسين
تجمع الدمع اليسيل * حاضر أوياها الكفيل
بين الجموع*** تجمع دموع
تحضر ألزهره البتول
***********
حاضره ألليله والمها أيهد بدنها
ذبل من دمعتها خدها وكل جفنها
يا محمد بويه تندب من حزنها
عالي فت الصخر ونها وكثر ونها
بالمجالس فاطمه * على خدها لاطمه
بگلب مفجوع * تجمع دموع
تحضر ألزهره البتول
*************
ويه كلمن شال أيده شالت الأيد
صاحة أبصوت الوديعة يالترد عيد
هاذ أبوي الراح مني وأصبح أبعيد
عمري كله إخلاف عينه بعد شيفيد
من رحل عني الحبيب * جرحي لا ما ضن يطيب
نوحي مسموع * تجمع دموع
تحضر ألزهره البتول
*************
لو نعى الناعي أعله أبوها أتصيح ويلاه
يا گلب يگدر عزيزه بلحظه ينساه
حزني سرمد يبقى بيا والمعاناه
غير شيعة علي محد عرف معناه
ما نصف عمري الدهر* خلف بگلبي الكدر
بعمر الشموع * تجمع دموع
تحضر ألزهره البتول
*************
كل معزي ألليله حاضر اكتب اسمه
للخدمني اخذ سجله وبيدي اختمه
باچر أبيوم ألقيامه لا يهمه
انه بيدي اللي أعبره وانه أمه
شيعتي المخلص أكيد * انه اشفع له أريد
غيره ممنوع * تجمع دموع
تحضر ألزهره البتول
*************
بالمأتم والمجالس أم أبوها
تحضر أتسجل الناس اليخدموها
ألزهره من أول عمرها حاربوها
من بعد غيبة محمد ما رعوها
بالسقيفة إلي جره * ناره لسه اموجره
بكسر الضلوع * تجمع دموع
تحضر ألزهره البتول
*************
الشاعر أبو إيمان المجراوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

موشح للرسول
،،،،،
اليوم هاشم خل تصيح احزانها

راح ابو ابراهيم سيد اكوانها

...............................

راح ابو ابراهيم سيد الانبياء

الارض صاحت يامحمد والسماء

بهالمصيبه تعزي اصحاب الكساء

والدمع من كل كتر نيشانها

....................

. الدمع لمن يون يرسم صور

وعلى كل خد يترك لحزنه اثر

آه واويلاه ياسيد البشر

امتك صار الدمع عنوانها
.
.................

. امتك يالهادي ضلت للدمع

اختلف عكبك يبو ابراهيم الوضع

وراح ابدي وياك من كسر الضلع

من ضلع فاطمه ونوح اشجانها

................

من ضلع فاطمه ضلوع مكسره

بيها يالمختار گلبك مادره

بلوعة المحراب صابو حيدره

وردت الكوم لهبل ووثانها .

..................

نكرت وصييّتك عُباد الوثن

ودار يالهادي على العتره الزمن

من عكب حيدر يغدرون الحسن

يسمونه بالغدر عدوانها

....................

يارسول الله بالطف الدموع

على كل خد صارت احزان وتلوع

هناك من حسين مهشومه الضلوع

مصيبه يسعر بالگلب بركانها

...............

زينب اعله الحزن ضلت حايره

راحو اخوتها الگلب شيصبره

تصيح وينك آ يسبع الكنطره

وكلها نومه اعله الارض وليانها

الشاعر جواد الخطيب



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw