https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك بالقناة👆

من يگول الحره ذلت بالسبي
تبچي مكسورة گلب لاوالنبي
مااصدگ هالوضع     هيه بتمن وقتنع
تبچي مكسورة گلب لاوالنبي
***************
هاي زينب ياخلگ هاي العقيله
هاي بت حيدر علي واصل الفضيله
شلون فهموني اذن تمشي ذليله
وهيه حمل الدنيه لومالت تشيله

يم شماته شلون بالله تنكسر
وهيه من عدهه اخذ درس الصبر
شلون شافوه الدمع    هيه بتمن وقتنع
تبچي مكسورة گلب لاوالنبي

زينب المفهوم للعز والاباء
وماتطيح ادموعهه بس بالدعاء
صوتهه يسمعوه بس اهل السماء
شلون بين اجناب تبچي بكربلاء

هيهه لورفعت اديهه للجليل
الگاع حدر اجدامهم والله تميل
الباري ألهه يستمع     هيه بتمن وقتنع
تبچي مكسورة گلب لاوالنبي

هاي من حيدر علي اخذت صفات
كل الجبل وكت الشدد بالنايبات
ماتطخ الراس تعرف يم شمات
وهيه بس للله تدنگ بالصلات

الجبل هم ينچتف ارد افتهم
حتلو طايح فرض راعي العلم
ياجبل دنك خضع      هيه بتمن وقتنع
تبچي مكسورة گلب لاوالنبي

زينب بعلم وفهم منزل امام
وبالبلاغه چن علي توزن الكلام
الصبر يمهه يدنگ يحني هام
ويامره گلي مثلهه بهل المقام

چان صبر ايبوب مضرب للمثل
ومن صبرهه احتار ايوب وخجل
بالصبر ألهه رجع       هيه بتمن وقتنع
تبچي مكسورة گلب لاوالنبي

الله مايقبل لون ذلت محال
هيه ستر الله وحجاب الكمال
هاي زينب هوه ياهو الگام گال
شلون چاه راحت سبيه وللجدال

هيه راحت موسبيه لا ابد
راحت لعرش الطغات تهده هد
هدمت عرشه وگع      هيه بتمن وقتنع
تبچي مكسورة گلب لاوالنبي

انه اريدن واحد يگلي بدليل
زينب الحره مشت مشي الذليل
بالقصر وكفت مثل حامي الدخيل
براس مرفوع دخلت مو بالعويل

الاسير الذله بطباعه تصير
كيد كيدك هاي موچلمت اسير
هاي موذل وركع       هيه بتمن وقتنع
تبچي مكسورة گلب لاوالنبي




علي مظلوم الجناحي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

https://youtu.be/0fzkpEjYZAQ

مكتوبه بالوصف اشترك بالقناة ضع لايك

باسمك ياحسين ارتفعت الرايه
شي تخدم وشي تتعنه مشايه

حضر موكبه وللغيره شد احزام
وعلى درب الزياره نصباله خيام
وصاح الهيبه هاي بوكفة الخدام
شرفني الحسين بخدمتي هايه

شيل الرايه عالي وهزها بجفوفك
لجل الباع روحه وانتزع خوفك
خلي الهادي يوم المحشر يشوفك
لجل زينب اجيت تواسي مشايه

صاح الخادم بوكفتنه عز الدين
ولازم كون نخدم زينب ويه حسين
ونتلكه اليتامى لكربلا ماشين
ونواسي الزجيه بخدمه وقرايه

صاح الماشي لحسين ويرف لواه
حسراتي اعله زينب ماتكفي الآه
وصاح بصوت اه يحسين واويلاه
عليك وعالكضى فوك المسنايه


يالتخدم الزهره ورايد الخدمه
أبنك عالمكارم كونك اتعلمه
ربح كلمن لزم منهج ابو اليمه
فايز بالخدامه ونال الهدايه

محمد دعبل النوري


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

شوف ثورة زيــــــــد هاي الثارها
عالظلم وأهــــــــــل الظلم واثارها
*
زيد ثـار اعله الظلم واهل الفساد
ورفض كل افكارهم راد الرشاد
وامـــــة الهادي تمنّه إلها السداد
برفض كل اهل الحقد واوتارها
****
زيـــــد ثوره ومنهج الحق المبين
وقـــــــدوه اصبح للبشر والمتقين
بيوم ثــــار اعله الظلم والظالمين
ورفض مبدأهم وكــــــل افكارها
*******
ثـــــــــار والثوره عله اهل الظلم
وراد شـــــرع الله وكتابه والنظم
البيها بارينه جعل كـــــــــل القيم
النزل بيها بالوحـــــي الأبرار ها
**
ثـــــــار والثورة بقت سجة قطار
لكل فرد رايــــد يثور عله الدمار
وشوكه باقي بعين كلمن ظلم جار
وضد طواغيت العصر واوكارها
*
بقت ثورة زيــــــــــــد للعالم منار
ومبدأ الثـــــــــوّار كلها والأحرار
شحده يمحيها الـزمن واهل القرار
وليصل يمها تحــــــــركه بنارها
*******
أنتصر دمّه مثـــــــــل جدّه بكربله
وخصّه بــــــــارينه بعظيم المنزله
ما يــــــــــــــرد اليكصده واليسأله
أوّصل يم كبتــه وضريحه وزارها
***
شمعه امســــت ثورته بدرب الأباة
وكل شخص رايد يثور عله الطغاة
وبقت مصدر نــــــــور للرايد نجاة
ورايــــــــــد الجنه الزهيه ودارها
*
خالده تبقه ثــــــــــــورته بكل زمن
ايهابها كل طاغي كل عابـــــد وثن
وكل مناضل جعل هل ثـوره وطن
بسورها صار وسجـــــــل ثوّارها
*****
بزيد يــا رب يــا إلاهي يــــا كريم
انهي غيبة صاحــب الشأن العظيم
وسهّل أمره يــا ودود ويــــا رحيم
بأخذ ثاره مـــــن العده وأشرارها


الشاعر
قاسم حتروش البلداوي
خادمكم
أسألكم الدعاء
غير مبري الذمه كل من يقرأها بطور الغناء

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

تهتف ....الوفايه
هذا صوت الرايه
........عاشك انه احسيني
معتني مشايه
***********************
يالله شد الرايه....وعتني مكصودك
سبح بنفاسك......بالمشي مشهودك
معجزات تشاهد....هذا وافر جودك
كلشي لجل الزهره قدمت مجهودك

بيها تلكه انفاسك
عابس ابحساسك
........والموالي ينادي
شيعتك عنايه
***********************
اعمه شفنه بدربك...ما يشوف بعينه
بروحه لمن كاصد..بالمشي الله يعينه
كال اشوف بكلبي....والبصيره بدينه
الوفي بيمانه...كلشي ينطي احسينه

بالمشي اتباها
فاطمه الكاها
......تمشي والله ويانه
لو نسوي اقرايه
***********************
فاطمه اتلكينه...شوفي هاي احبابج
ماتعوف احسينج.نجري دم بمصابج
فدوه لو شمينه........ذره من اترابج
دم شفت بعيونج....مانشف بهدابج

بالمسيره انواصل
هيه بس تستاهل
........انتي كلشي بروحي
روحي يمج هايه
**********************
وزعتلك روحي..كلشي لجل انطينه
اشرت دمعاتي.......الكربله اتودينه
بوصلت. احلامي......بدربك ادلينه
والعذر تقصيري......والله ماوفينه

كاتب ابحساسي
حيدري عباسي
.......فاطمي دمعاتي
وانه منطي احچايه
************************
كل مسيره انواصل ...بربعينك جينه
اتوزع الزوارك.....ماي شفنه سكينه
يم حسن خطارج.....فاطمه تلكينه
والكمر شد واهس....والعزم منطينه

ياعلي نادينه
ماتهم رجلينه
......كل تعب مابيها
هيه هاي الغايه
***********************
تمت بعون الله
خادمكم..... يوسف الفتلاوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

قصيده.. للمشايه... 👇

مشايــه مشايــه للغالــي مشايــه
ذابحنــه يـحسين العشگ
ياكعبه يالحجك صدگ
جينــاك مشـايــه
++++++++++++++++++++++++

جينـاك والرايـه تـرف/كـلحنه الـك عنايـه
من كل كتر جـت قافله/ورايـه تتبـع رايـه
يالـبلعشگ مـاتنوصف/ماخذ كلوب هوايه
غرگنـه خيـرك يالوفـي/جينـه الك وفايـه

يالـعايـش بـدمنـه غيـرك فلا عشكنه
مـا لحضـه عنــك نفتـرگ
ياكعبه يالحجك صدگ
جينــاك مشـايــه
++++++++++++++++++++++++
ملهوفـه كاتله الضمه/يـحسين كل زوارك
ماهمنـه لاحر لابــرد/لحشودكلهه انصارك
ياعطر هيل ومانمل/فهمنه شنهي اسرارك
انته الهوه النتنفسه/احسبنـه من خطـارك

لوتعبت الرجلين نوصل زحف بحسين
الجـافـاك بهمومـه غـرگ
ياكعبه يالحجك صدگ
جينــاك مشايــه
++++++++++++++++++++++++
حفاي اجينه الكربله/والشوگ يجرح بينـه
هنيال اليمشي الك/وتنـزف مدامـع عينـه
اشما نضحي لخدمتك/مقصُرين يابوسكينه
بخطواتنه يزيدالولع/يهيـج جنـون البينـه

نصرخ تعنينه يحسين حنينه
نبضاتنـه بأسمـك تدگ
ياكعبه يالحجك صدگ
جيناك مشايه
++++++++++++++++++++++++
كل خطوه نخطيه الك/نتقرب لرب السمه
مشايه اجينه يلولي/وجبنالك دموع ودمه
نلطم ندگ اعله صدر/بلكت نواسي فاطمه
للراحت لديرة غرب/علسبي ماهي معلمـه

زينب نواسيهه نسمع نواعيهه
وگلوبنـه خـل تحتـرگ
ياكعبه يالحجك صدگ
جيناك مشايه
++++++++++++++++++++++++
يروح لتعب من نوصلك/ماتبقى كـل علـه
نشتم عطر من حضرتك/يسـوه الورد كله
انتـه التجـاره الرابحـه/المـابيـه كـل خلـه
يـحسين صرتنـه وطـن/بــل أكبـر واغلــه

أعلام جبنالك سجلنه خدامك
شدينـه بالحضـره عـلگ
ياكعبه يالحجك صدگ
جينـاك مشايـه
++++++++++++++++++++++++
تمت والحمدلله
خادم الزهراء ع
الملا ياسر الزيادي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

رايه تتبع رايه طلعت المشايه
***************
زايرنه اندلله ونكله يا هله
ماضل شي الكربله كواك الله زاير
ما طاحت رايتك ترعبهم خطوتك
والزهره اتلكتك وبجيتك تفاخر

اتحزمت هليله كل اهل المواكب
وفتحينه ابيوتنه وكلنالك مراحب

وانته تدري بهايه طلعت المشايه
**************
نمشيله بكل سنه والكون نصفنه
كل عاشك صاح انه ناذرعمري لحسين
حان الحب موعده دوم اسمه انردده
كل عام المرقده تزحفله الملايين

حيه عالمشايه وحيه اعله الزياره
ما تلمنه اجدامنه لو شفنه المناره

احنه الك وفايه طلعت المشايه
*****************



نتحده كل خطر ونفرح المنتظر
نمشيلك لو شهر ما نتعب يمولاي
مدمعنه ضل يصب ويدك ضل الكلب
ويحسين اعله الدرب كمنه انوزع الماي

وزعينه اكلوبنه يحسين بثوابك
للابد يالغالي ما ننسه مصابك

انته صرت الغايه طلعت المشايه
**************
بخطوتنه نفتخر من نمشي ننتصر
حاربنه جم شمر نسحك كمنه عالموت
منعوفك للابد تدرينه اعله العهد
جيناك من كل بلد وتركناها البيوت

احنه ابد ما نضعف عشاك القضيه
ونصرخ اعله الباطل صرخه حيدريه

بينه نزلت ايه طلعت المشايه
***************





خدامك ما غفت للخدمه اتحزمت
زوارك كلها اجت وتشوف المسيره
ما نهتم بالتعب ذبيناها الرتب
انته الدر والذهب والخيمه الجبيره

سيدي من خيرك عزبنه الملايين
والنفق عالخدمه اتضاعف اجره مرتين

ايزود خيره اهوايه طلعت المشايه
**************
ما نترك خدمتك ونعلي رايتك
نتعنه الحضرتك ونجدد عهدنه
انوقعلك بالدمه والعدنه انقدمه
ونواسي فاطمه جينه احنه ولدنه


من نكض شباجك تجلي كل الهموم
وهالمسيه بسجلك سجلني يمظلوم

وانته بيك اكفايه طلعت المشايه
***********
تمت
تحسين الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

الرايه الرايه الرايه رفت بيد المشايه
..................................................

متطيح رايه اعله النهر يا بالفضل مرفوعه
واجفوف نصبح يالكمر لجفوفك المكطوعه
عشاك ما نخلف وعد يالكلمتك مسموعه
رايات رفت عالدرب مثل الورد مزروعه

ما طاحت ابد رايه العله ايمينه
.....................................................

مشاي يبراله الكمر بكل خطوه من يمشيها
والروح ترخص بالمشي يحسين الك يفديها
عناي يوصل كربله يم زينب يعزيها
بجفوف رايه اللي ترف مشاي ويرف بيها

عباس انكتب اسمك عله الرايه
..................................................

عباس حداي الضعن كلمن مشه يبراله
واذنوب ما تبقه اله بس الآجر بسلاله
محروس والحارس كمر نال الشرف بنواله
هنيال للزارك صدك بهاذه المشي هنياله

محسوبه بالف خطوه المشيناها
......................................................

ماشين رايتنه الترف فوك النجم بالعالي
يحسين يحرسنه الكمر طول الدرب للتالي
منعوف احنه زيارتك يا اغله من كل غالي
معقول دربك بالمشي من الزاير ايضل خالي

زوارك نظل بالشدة منعوفك
.......................................................
ياموت نسحك عالمرض ومن المرض كفونه
معقول واحنه اهل العشك خفنه من اسم كورونه
بحسين ها يهل العشك طول العمر مجنونه
مشاي ويانه الكمر عدنه الوقايه عيونه

حداي الضعن ما ينسه زواره
......................................................

نسالكم الدعاء

علي صادق المجراوي

14|9|2020

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

نكرر احنه المضمون ونعيده.
الزين منه الموزين ما نريده.

_

حسين قبله والتوجهله نضيف.
يحب ثكلكم مايحب واحد خفيف
أمعزب العباس وبطول المضيف.
اتمشه وانگل لجدام وبهيده...
..
_

امشي وعيونك تباوع عل أرض.
تخيل. النسوان من طلعن ركض.
لخيم نار وبلبراري أشرف عرض.
كلهن اعيال حسين وعضيده،..

_
تشوف شين وتسكت تساعد عليه.
وشنهي عذرك لله باجر بين اديه..
وسوس لشيطان والكل تدري بيه.
نيتك انته الماصفت وتريده..

___

حسين زوارك اجت متلهفه ليك.
ساتره ومتواضعه وكل همهه بيك.
أندري ما مقبوله كل واحد يجيك.
تمشي عل نيات. وانته تزيده..

___

خل نسولف يامحب نفرض فرض.
الغيره منبع لا شرايه ولا.قرض.
اعز من. عباس لحسين العرض.
ودام ذكره ونلهج بتمجيده..

_

قليل البضاعه
كثير الاضاعه

فاضل الغريباوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

شاركوا الرابط للأجر والثواب ليصل إلى أكبر عدد ممكن قصائد خاصة للنساء 👇👇👇

https://tttttt.me/joinchat/AAAAAELdvGssZMurwfLsJA

يمته نطلع يالحسن مشايه
وبظريحك نرفع احنه الرايه
.....
يمته يبن الزهره نرفع رايتك
وتطلع الزوار تمشي الحظرتك
تنصب الاف المواكب شيعتك
وبالبقيع اتصير احله قرايه
......
يمته ننصبلك مواكب عالدرب
واليزور ايروح مرتاح الكلب
لادواعش لامفخخ لاسلب
لاشماته اتسمعك ادنى حجايه
.....
سفرة العباس متروسه ونين
وسفرة الحاجات عد ام البنين
واحنه ليش ويه الحسن متهاونين
خاف سفرتنه عليه هوايه
........
يمته نرفعهه الروايه وتعتلي
وندخل الغرقد ننادي ياعلي
تمشي هاي الغمه عنه وتجلي
وللحسن تمشي مشي العزايه
.......
عذبونه هواي يبن المرتظى
ولشوكت عنك ملوك امغمظه
خلي بس يوصل امر للرافظه
وتطلع الشيعه الك عنايه
........
علي الحاج الصبيحاوي


 الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

https://youtu.be/Z1_jNkhliDw
توجد مكتوبه بالوصف اشترك بالقناة ضع لايك للفيديو

صوت المحن صاح وعلن طاح الحسن ضنوة علي
******
ارتفع صوت النوايب واسمع انته اشصار * الك نحجي الحقيقه وهاك اخذ اخبار
لمن ما رحل جدنه النبي المـــــختار * عادوا كل عترته ابسابق الاصـرار
دار الزهره شبوهه ابلهيب النـــــار * عمد كسروا ضلعهه زمرت الاشرار
نكروها الوديعه وهجموا على الــــدار * وبحبال الوصيه امجتف الـــكرار

لوله العهد اقسم ابــــــــــد * محد كصد دار الولـــــــــي


مرن هالمصايب والحسن شاهــــد * ينظر طيجت امه أوحيرت الوالــــد
وبسمار الضغاين للضلع كاصــــد * لحظ جف المنيه وامه متواعـــــد
يشوف امه تلوج ولافزع واحــــد * تندب من هضمهه الخالق الواحـــد
محمد من نقذهم ينظر اشحاصـــد * جازوه ابعترته حاقد الحاقـــــد

الكسر الضلع أجرى الدمع * ماتنكطع حسرة هلــــــــــي

من جور الزمان الفرق الاحـــباب * ماانصف محمد واله الاطيـــــاب
الحسن منهم نصيبه شحت الاسـباب * غياب الاهل واليحكم الاجنـــــاب
جم شمس ابكسوف وجم هلال الغاب * لكن وشعضمهه وقعت المـــحراب
من راس الصميده الشيبه دمه اخضاب * يا أعظم مصيبه ويااشد اصـــواب

ابليل القدر سيف الكفــــــــر * بيه منطبر راس الولـــــــي

مربيه الزمان وجاوزت مـــــده * طفح كيل الصبر بس ماجزع حده
لكن ماترك فيض الدمع خـــــده * أسى ويذرف دموعه يم كبر جده
يمن بحر الكرم لو ينوصف يـــده * مايكصد فقير وخايب أيـــرده
لهفي من السموم الكطعت جبـــده * بجفوف الخياته وروته جــعده

في كل عصر سم الغـــــــدر * مثل الجمر يغلي غلــــــي

توسد للوطيه وحاير ابأمـــــره * واقمار الهواشم تنحب ابكتـــره
لكن تدري زينب لمن اتنظــــره * واتعاين جبدته مكطعه امــوذره
يكله احسين خويه هالطشت وخـره * اخاف اتشوفه زينب اختك الـحره
يظل منه الدمع فوك الوجه نــهره * وتناشد حزينه اتخاطب الزهــره


يافاطمه اوحامي الحــــــمه * ريت العمه ولا صد الــــي



وبنعش المنيه ومن يشيعونـــه * يم كبر الرسول اوياه يدفنونـه
منعونه الاعادي اندفنه منعونــه * يم كبر الزجيه مايخلونــــه
واسهام الحقد بيها تلكونــــه * نبل مثل المطر نعشه يصوبونـه
وعباس الجمر تجادح اعيونــه * يمحيهم قسم بس لو يخلونــه

ليث الحرب اعلن يطـــــب * ابسيفه الغضب متوجــــلي

زينب من بعد عينه ونظر شوفه * بقت تنحب عليه ابعبره ملهوفه
حاربها الزمان ابديرت الكوفــه * وبوادي الفرات وكربلا اطفوفه
رادت يالحسن للقاسم اتشوفــه * والجيش ال أميه شتت اصفوفه
شبل من هالاسد والصولة معروفه * وافه حسين عمه اوبالغ اوأوفه

الشاعر مازن الشطري


 الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

وين وين بويه ذيج ايامنه
وين وين ضيعينه احلامنه
فاركتني امن ايام شو لكيتك بالشام
****
كوم اكعد يبويه وعاين اعليه
انه وراسك نريد نسولف اشويه
الحضنك يالعفتني وكطعت بيه
مشتاكه بكثر جويات رجليه

شوف شوف سلبو ترجيتي
شوف شوف حالتي اوضعيتي
باعدتنه الايام شو لكيتك بالشام
*
شخبارك صحت يالفاركت عيني
الطشت يابويه صاير بينك وبيني
بخرابه اشلون انامن بويه حاجيني
اموت اعله الطشت وياك خليني

نار نار تسعر بدلالي
نار نار فركتك يالغالي
جفني عكبك ما نام شو لكيتك بالشام
***
يابويه المصايب غيرت لوني
مد ايدك عليه وجيسها امتوني
بالصوط اشكثر يابويه ضربوني
وكدام الرمح كامو يدفعوني

ليش ليش طفتلك ياذوها
ليش ليش يمك ايشتموها
عذبتني الآلام شو لكيتك بالشام
*****
عمت عيني التراب مغير ارسومك
خليني بديه امسح ادمومك
انه اتمنه جنت يومي كبل يومك
ياهو السلباها بكربله اهدومك

كوم كوم لا تغمض عينك
كوم كوم اشكد امتعبينك
عفتك محمل اسهام شو لكيتك بالشام
*****


صحت مية هله بالمبتعد عني
جيبو الراس خلوه بوسط حضني
اون والنوك كلها ونت الوني
بعد كلبي يبويه ويا بعد ذني

جيت جيت وفاح عطر الطيبه
جيت جيت وين كل هالغيبه
من بعد تعب اجدام شو لكيتك بالشام
*
تمت
تحسين الخفاجي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

ملايين ألأجت يحسين مشايه
ألك تنعه وتنوح ورافعه الرايه
ءءءءءءءءءءءءءء
شباب وشيب اجتك تزحف الفقره
تعزي فاطمه وتواسي الأسرى
تلوذ ابهيبتك وتطوف بلحضره
كوم ألشيعتك ياظنوة الزهره
يازود الشفاعه المالهه انهايه .
ءءءءءءءءءءءءء
لأن نهر الضوه ينبع من آثارك
باجر بلقيامه اتحفنه بنوارك
وكل عام اليمر وتزود زوارك
تلكتنه الزجيه ابلمّة انصارك
اخذو امرادكم ياشيعتي اهوايه .
ءءءءءءءءءءءءءءء
شباب وشيب تمشي بروح ملهوفه
مثل الكعبه كبرك لازم انطوفه
درب حبك عدل مابيه كل لوفه
جذب من كال حبك سيدي انعوفه
الك عشاك اجينه ابشوك عنايه .
ءءءءءءءءءءءء
هيهات التزورك تبقه حيرانه
سفينه للنجاة وغوثك احيانه
دمك للعدل والدين قربانه
واسمك بلطفوف ايفور عنوانه
وعله نهجك نسير ونبقه وفايه .
ءءءءءءءءءءءء
نترجه الشفاعه وبلحساب احنه
بسمك ماتظل سيئه ولا محنه
تعنينه مشي ويم حضرتك طحنه
هتفنه ابصوت عالي أبابك وصحنه
فدوه انروحلك يبن المزكّايه .
ءءءءءءءءءء
اجتك شيعتك بجفوف مرفوعه
ياأعظم طبيب ايشافي كل لوعه
ابجاهك هل وباء اتزيح موضوعه
من هاي المصيبه الناس موجوعه
وتظل انته الشفا وللناس تجايه .
ءءءءءءءءءءءء
مشايه وتعنت شيعتك كلهه
زوار ابسلامه توصلك خلهه
غير أمحبتك ياسيدي شلهه
انته امرادهه ومحبوبهه وخلهه
مشت تلطم تواسي وتنصب اقرايه ...
ءءءءءءءءءءءءءءءءءءءءءءءءءءء
سيدفاخر البطاط
عباس العبياوي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

اليوم هاشم جددت احزانها وصوبت نعش الحسن عدوانها

يامصيبه الصوبت جبد الرسول من ذكرها الدمع يتسافح هطول
ياهلال الكرم مايل للافول شلون تغرب ياشبل فحل الفحول
عليك فرسان الهواشم هالتصول يم كبر جدك تدفنك والبتول
واليعارض يغرك ابركانها
كل بني هاشم تولت للسيوف مايهمهم بالكفر ومن الالــوف
وي كَلب زينب توالفها الحتوف جبد اخوها ابطشت ياوسفه تشوف

نادت ابصوت الحزن صوت اللهوف واستمع هذا الصدى ابارض الطفوف
للعقيله الودعوها اخوانها
ياحزن زينب ابد ماله شبيه شاهدت جبد الحسن مابين اديه
وابكلبها النار تسري وتصطليه وشتجاوب للفقير اليرتجــيه
ادكله بحر الجود كونك تعتنيه تلكه يم نعشه النبل يمطر عليه

والهواشم ترفل ابميدانها
كل فرد منهم يواجه مصرعه ولو برز عباس منهو ايرجعه
من يمر سيفه نكول القارعه ولو بطش بالكوم تنزل فاجعه
رد ابو السجاد ويهل مدمعه راده يرخصله النسلهم يكطعه
والخيول ايضيك بيها امجانها
بالمثل عدنه اليجد لابد حصد ومايموت انكول من خلف ولد
يعني جاسم شبل من هذا الاسد زلزل الحومه ونكثه من كصد
يبقى ذكرك يالحسن خالد ابد وعدنه حبك احله من طعم الشهد
لو تراوينه المنايا الوانها


مانبدل حبك ورغم العذاب مانبدل بالذهب كوم التراب
واليريد ابيمنته اخذ الكتاب مايبدل بالصدك وهم السراب
كوم يالمهدي الجبد بسمومه ذاب ماتجرد للكفر روس الحراب
وتنفظ اعروش الظلم تيجانها
ماتجرد السيف وتهب للبقيع تاخذ ابثارك يبن سور المنيع
من دماكم ماتبتل هالنجيع ترضى دم الحسن لو ثاره يضيع
ابجاه جبد المنضرم بالسم صريع ياشفيع الناس يارابع شفيع
تشفع اذنوبي العلت نيرانها


الشاعر مازن الشطري


 الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

نزال للمشايه

مشـايـه والرايــه بچــف أيدي حـلت
حسراتي عبـراتي وآهــاتـــي علــــت
++++++++++++++++
مـتعنـــي ومـتمنـــي تقبلنــي عبـــد
حـزمني وشـدعزمـي يحسيني مـدد
أرزقنــي وفقنــي مـا ريــــد ابتعـــد
أقبلهــن سجلهــن خطــواتـي عـــدد

ونــاتي ودمعـاتي مـن عينـي جـرت
حسراتي وعبــراتي وآهــاتـي عـلـــت
++++++++++++++
أحسـاسـي ونفـاسـي سـاكـن حظـرتـك
يالـوالــي يالغـالــي شـوگـي زيـارتـــك
سجـلنـــي أقبـلـنــي خـــادم عـتـرتـــك
أرحـمنــي وحشــرني فـــدوه بـزمرتـك

أعيـوبـي وذنــوبـي أعمـالـي متـلـت
حسـراتي وعبراتـي وآهــاتي علـــت
++++++++++++++
تخنـگنـي وتهضمنـي قصتـچ كـربلـــه
تتـحســـر تتـعثـــر بــــدروب الـفلـــه
يســـروهـن مشـوهــن كــدام الملـــه
ياوسفــه هالعفـــه شـوفــوهـا البلــه

گيـدوهـا وضـربـوهـا بالشـام ابتـلــت
حسـراتي عبــــراتـــي واهــاتـي علــت
+++++++++++++++
تتـــردد تتجــدد ويـلـــي مـصيبتـــك
تـذكرنــي تـألـمنـي مـن أنضـر گبتــك
بـلارحمـه بـلاذمــه خيـل السحكتــك
بالحـافـر بـلاخـاطـر حيـن الـرضتــك

بصرخاتـي وجمراتـي ودمومـي غلـت
حسـراتــي وعبراتـي وآهــاتـي علـت
+++++++++++++
مجنـونـك وعيـونـك يالـغالـي صحـت
مـاعـوفـك وحـروفـك بالحظـره نحت
بـالحظــه بالـيقظــه بـحلامـي عشــت
أبـروحـي وجروحـي وبـكلبـي اسكنـت

مـوحظـره والـزهـره چـن جنه دخلت
حسـراتـي وعبراتي وآهـــاتي علــت

تمت والحمدلله
بقلم خادم الزهراء ع
الملا ياسر الزيادي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

*للسيدة رقية*

عمه زينب . جني اسمع صوت ناداني رقيه
عمه زينب . هذه يمكن والدي ايدور عليه
يمكن ايناديني عمه . فدوه بس رجعيني يمه
عمه زينب . عمه زينب

جني اسمع صوت ابوي انتضري لحظه
لو تركته ما اظن يا عمه يرضه
وينج انتي يا رقيه ايصيح نبضه
لو تركته امنين اجيب اللي يعوضه

خلي ارجع . يمه حته ايشوف عمه اجروح متني
خلي ارجع . عمه خاف ايگول ها بنتي نستني
والله مشتاگه ارد اشمه . فدوه بس رجعيني يمه
عمه زينب . عمه زينب

چن قريب اعلينه جاي اشتمه عطره
امشينه آنا اوياج عمه خل ندوره
لو لگاني عمه واشبگني اعله صدره
خوفي ينحب لو نضر رجليه حمره

لو لگاني . خوفي من يشبگني ينضر جرح اديه
لو لگاني . خوفي يعرف بيه طحت اعله الوطيه
خوفي ما اگدر اضمه . فدوه بس رجعيني يمه
عمه زينب . عمه زينب

ذاكى چنه والدي الطاح اعله ضهره
امشينه يمه خلي نوصله او ننضره
هذه ابوي اعرفته بس چا وينه نحره
اوليش جسمه ابكل كتر مطبور طبره

شلون اشبگه . او كل كتر من جسمه اشاهد بيه حفره
شلون اشبگه . ضلع باقيله اوخفت لو حضنه اكسره
لوشبگته خوفي الجمه . فدوه بس رجعيني يمه
عمه زينب . عمه زينب

عمه شو چفيته هاي امشگگيها
اوليش شيباته ابدماه امخضبيها
اوليش كل اعظام صدره امكسريها
اوليش هاي الخيل يمه امقربيها

لا تسحگه . كلميهم عمه خلي ايبعدوهن
لا تسحگه . اعظام رجله بس بقن ليكسروهن
عمه خيعوفونه جسمه . فدوه بس رجعيني يمه
عمه زينب . عمه زينب

راح اخلي ايدي بيده وابقى ما هد
اوبلكي صوتي من يسمعه والدي ايرد
او راح انامن اعله ايده بلكي يگعد
اوخلي نحسبهن جروحه عمه وانعد

راح اغطي . بالعبايه خوفي لو بالليل يبرد
راح اغطي . او جوه راسه ايدي اخلها وامسح الخد
وامسح ابأيديه دمه . فدوه بس رجعيني يمه
عمه زينب . عمه زينب
ذاكى خنصر عالارض شو چني شفته
بس نضرته الوالدي إمن الدم عرفته
خنصر ابهالحظه صدگيني ذكرته
يامه يا عمه لزمته او يامه بسته

يامه يامه . ابخنصره ياعمه ضل يمسحها كصتي
يامه يامه . اصبعه قبلته آنا ابهذي شفتي
وسفه من لتراب المه . فدوه بس رجعيني يمه
عمه زينب . عمه زينب

☘حيدر الحلفي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

محرررم 1442 هـ عبدالله الرضيع ع

ظم كاروكه ابحظني اينام . عبدالله
وانثر عطره ابكل لخيام . عبدالله
يغفه ويشرب ماي . الليلة ايظل اوياي
عبدالله . عبدالله

ظم كاروك ابنك يحسين الليلة ابحظني . خينام ابني . لا لتردني
أرد اشبع شوف إمن اعيونه او أشتم عطره . هاي المره . ابداع الزهرة
إگعد يمي اهنا يحسين او خنلوليلة . ابآخر ليلة . مهده انشيلة

خلي انلوليلة آنه اوياك . عبدالله
لاتبچي اگباله اترجاك . عبدالله
ظم ادموعك هاي . الليلة ايظل اوياي
عبدالله . عبدالله
____________
ساعة ابحظني اينام او ساعة ابحظنك خله . إحسين اضحكله . من اتصدله
قرآن ابصوتك يحسين اگعد واقراله . هسه اگباله . حيل ادناله
راح افتح يحسين اگماطه او خل يشبگنه . وايقبلنه . مشتاگ النه

يعرف باچر راح ايروح . عبدالله
رايد يشبگني واينوح . عبدالله
تدري ايحبنه اهواي . الليلة ايظل اوياي
عبدالله . عبدالله
___________
مره ايصدلك شو عبدالله او مره ايصدلي . حاير طفلي . اعيونه اتگلي
ما رايد حسيت اوليدي آنه ايفارگنه . حيل ايحبنه . شيصبرنه
إم او أشعر طفلي ايريد ايظل اهنانه . ابهذا امچانه . اشگد يهوانه

باچر يمشي اوياي ايريد . عبدالله
لشام انحط إيد ابإيد . عبدالله
ظامي او حس بضماي . الليلة ايظل اوياي
عبدالله . عبدالله
___________
صيح الزينب خل تنظرله او تشبع منه . باچر عنه . تشبع ونه
خل تحظر وياها اسكينة او صيح ارقية . اتشبگه اشويه . اتحبه هيه
او خلي ام كلثوم اتناغيله او خوله عنده . اگماطه اتشده . ولا متهده

يم اخواته يگضي الليل . عبدالله
دمعتهن وادموعه اتسيل . عبدالله
خيناغن بهداي . الليلة ايظل اوياي
عبدالله . عبدالله
______________
شلون اباچر يابو اليمه شيصبرني . إمن انظر لني . مذبوح ابني
الدم بثيابه او من اگماطه امطلع اچفوفه . شلون انشوفه . شلون انعوفه
واتگل الزينب يازينب إخذي اوليدي . بادت إيدي . راح اوحيدي

واتجيبه الوسط الخيمات . عبدالله
او تصرخ زينب گومن مات . عبدالله
ماتت كل دنياي . الليلة ايظل اوياي
عبدالله . عبدالله
__________
واصرخ بالخيمة اوليدي آنه ذبحوه ظامي . يم اخيامي . إي گدامي
إلمن أبقى ابهاي الدنيا راح اليسوى . ذبحوه گوه . أبقى اتچوه
أرحل مسبية شلون آنه ابلايه الغالي . ايصير اگبالي . مهده الخالي

شلون امشي او ماعندي اوليد . عبدالله
بالطف باچر حيلي ايبيد . عبدالله
رايح مني ادواي . الليلة ايظل اوياي
عبدالله . عبدالله

حيدر الحلفي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw