لوعتي بدرب اليسر // عذبت حالي اشكثر
المن ادير العين // ما ضل صبر يحسين
*****************
انه زينب والمصايب شيبت راسي تره
والمره العالو عليها هاي اختكم هالمره

وبيا وكت فوك الهزل زينب يصعدوها
اشكد باليسر فوك المتن يحسين ضربوها

اسمع الوادم وراي // هايه لا تنطوها ماي
صار الجرح جرحين // ما ضل صبر يحسين
***********************
بخمسه وثمانيه طفله وطفل تدري اتحيرت
ومن يجيني الليل خويه افتر اعليهم كمت

امسه بحزن وبحركه اون وتفكد اطفالك
وكبل الجدم يم الرمح كلبي تعنالك

ابالي ضلت صورتك // فاركتني ضحكتك
امضيعتك امن اسنين // ما ضل صبر يحسين
**********************

بيا وكت يبن امي كلي الشمر يحدي بمحملي
صاحوا هل الكوفه اطلعو شوفو زينب بت علي

كلبي انكسر ليش بحجر كامو يراموني
وبعمامتك من هوسو يبن امي اذوني

اشكثر بيه اتشمتو // وبالشتايم ما كفو
حاجيني اروحن وين // ما ضل صبر يحسين
**************
دارت العباس عيني ودمعتي اعله الخد جرت
كتله خويه اجفوف اديه امن الحبال اتجرحت

كل ما اون راسه يون ويغمض عيونه
ايدخن وفه ويمطر خيم عباس يدرونه

عالوجه كل ما اطيح // خويه يا عباس اصيح
يمكطع الجفين // ما ضل صبر يحسين
******************

انه بت الجاه والعز وبخرابه اشلون ابات
صعبه وبنات الرساله امشردات اميسرات

شام الهظم زاد الالم ما ينحمل عذابه
يا حيرتي اشلون انسبي وكعد عله الترابه

امن الزمن ذاب الكلب // بيا وكت ديوان اطب
والحيل اجيبه امنين // ما ضل صبر يحسين
*****************
تمت
تحسين الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

قصيده في حق السجاد عليه السلام
*
علت اهاتي/وجرت دمعاتي
عله الماي عله الماي
ذبحو حسيني/هلي ياعيني
عله الماي عله الماي
_______

انـا ابو البــــــاقر يشيـعه و دم تــسيل عيـوني
من اذكــر العـــــطشـان نــاده ياخـــلك عينوني
گمـــت اتـوجه اعـله حـيلي وگوة اشيل امتوني
وردت انصره وضّعُف جسمي وهالمرض هدوني


عطشو أهلي / فطروا كلبي
عله الماي عله الماي
من يواسني / هلي ياعيني
عله الماي عله الماي
_______

حمــره لون الگاع صارت ونـــتشر لون الدمه
وعالارض طاحن كواكب زيدي حزنچ فاطمه
الــقتل بس للرجال وهيـــــجي ابكل ملحمه
والعجيبه الغــــاضريه اطفــــال تذبح عازمه

اقبح افعال / ذبح الاطفال
عله الماي عله الماي
حزني ونيني / هلي ياعيني
عله الماي عله الماي
_______


أسمعت خوله ورقيه يحچن احنــــــه امأسـرات
شلون حالتنه يخيتي لوصـــــدگ صـار الـمـمات
صدگ نمشي ويـه الاراذل والچفوف مــــربطات
وبالخـــــــرايب بعد اهلنه عالتراب احنه نـــبات

انذبح كافلنه / والعطش هدّنه
عله الماي عله الماي
سكنه تشكيلي / هلي ياعيني
عله الماي عله الماي
_______
بيش افيّيِهن خواتي خيمه مـاعندي وحــرت
وقــبل لاتنضرب زينب ريتهه ايـامي انگضت
ألخــجل نشف اعيوني ومن عـقيلتنا بـــچت
أفزعت بس بلسلاسل گمت عالگاع وطحت

نشفت العين / بويه يحسين
عله الماي عله الماي
الكل تناديني / هلي ياعيني
عله الماي عله الماي
_______
ركبـونه بــنوگ هــزل والضعن گدامي سار
ويه كـل ونـه الخواتي تشتعل ابروحي نار
آه ياســبي العـقيله مــثله ماظن سبي صار
دنگتلهه ارگاب هـاشم ونتحب سيف الفقار

بأرض الطفوف / طاحن چفوف
عله الماي عله الماي
اندب احسيني / هلي ياعيني
عله الماي عله الماي



خادم الزهراء //ابو احمد الطائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

قصيدة في رثاء الإمام السجاد عليه السلام


ها يموتي ما خذت روحي بمصاب الغاضريه
ها يموتي. رتّك بيوم الخـذوا زينــب سبيــه
..............

آنه زين العابدين ودمعي يجري
تأخّرت ياموت ليش وطال عمري
تدري رتّك بالطفوف هواي تدري
من خذوا عمتي سبيه نكسر ظهري

وين اخوتي. الأكبر وجسام ذبحوهم سويه
ها يموتي. رتّك بيوم الخذوا زينــب سبيه
....................

هسّه ياموت اعتنيت لروحي طلّاب
آنه كل يوميّه اموت بجرح الامصاب
بساعة حسين التوذّر فوگ الاتراب
شگد نخيتك مااجيت ودمعي سچاب

عالي صوتي. شفت ابويه مگطع بخيل آل اميه
ها يموتي. رتّك بيوم الخـذوا زينــب سبيــه
....................

خذت اغله احبابي مني وما خذتني
ليش ياموت ابعذاب وهم عفتني
چان وياهم خذتني وريّحتني
چم عزيز المنّي خذته وعذبتني

وبقنوتي. ادعي ربي يقرّبك اكثر اليه
ها يموتي. رتّك بيوم الخذوا زينب سبيه
..................

آنه زين العابدين وگلبي ذايب
والله ياموت بكثر ذيچ المصايب
شِلّه بالدنيه اليعوفونه الحبايب
وانه بغياب الأهل شفت العجايب

من سكوتي روحي يكتلها الألم تهوه المنيه
ها يموتي. رتّك بيوم الخذوا زينب سبيـه
..................

اصعب جروحي واشدهن جرحي بالشام
من شفت عمتي سبيه ابّين ظلام
بالحبل مچتوفه هيّه وكل الأيتام
آنه ذاك الوكت هدمت حيلي الآلام

لا يموتي. هسّه جاي تريد روحي شباقي بيه
ها يموتي. رتّك بيوم الخـذوا زينــب سبيــه
...................

ياعلي السجاد اسمع صوت اجاني
آنه ابوك انتظرك بفارغ حناني
يالله ياموت اخذ روحي ولا تتاني
والله مشتاگ ارد اشوف حسين آني

من بيوتي. ترتفع اصواتــــهم اهلي عليه
ها يموتي. رتّك بيوم الخذوا زينب سبيه

الشاعر سيد زيد الفحام



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

شارك الرابط للأجر والثواب ليصل إلى أكبر عدد ممكن
قصائد حسينية روعه 👇👇👇👇👇
https://telegram.me/aabas78

https://youtu.be/09wwh-mfvWk

توجد مكتوبه بالوصف اشترك بالقناة تشجيعا لنا اضغط لايك للفيديو

قائد وجنك علي طالع الصفينك
وتشبه عيون الكمر والله خزرت عينك
**********
مو عليل انته وشمرهم باليسر ذليته
صحت والعسكر منصه الخطبتك سويته
جفك بجف ابو فاضل بالضعن خليته
العسكر بجدمك سحكته وبيرغك عليته

انته جف الله وكمت تسطر بجفينك
وتشبه عيون الكمر والله خزرت عينك
***************
انته هاي الشام كلها احتارت بثوراتك
ومثل ملك الموت جانت باليسر خطواتك
تزعل وراسك يدخن لو سبو عماتك
احد من السيف جانت بالقصر جلماتك

غلطو الكالو عليك سيدي اميسرينك
وتشبه عيون الكمر والله خزرت عينك
**************
عالرمح عباس راسه ويمشي وي ضعونك
ومثل عمك بالحرايب سيدي ايعرفونك
ايضل عجاج الخيل يصعد لو صهل ميمونك
واليمد ايده اعله زينب يذبحنه عيونك

انته زين العابدين وانته ناصر دينك
وتشبه عيون الكمر والله خزرت عينك
***************
انته خليت الاعادي ادور اعله اركابها
ضربتك وي ابو فاضل بالحرب متشابها
وعمتك للموت تدري ما يطيح احجابها
حته شمس الله يغالي من تفوت اتهابها

رايه زينب عالطغات رفرفت بيمينك
وتشبه عيون الكمر والله خزرت عينك
***************
حاربت اهل الظلاله بروحك الثوريه
وانته مثل حسين ثوري وعندك انسانيه
كل سنه نسمع صداها صرخة الحريه
بخطبتك جنت بقصرهم ترتجز يوميه

خطبتك هزت يزيد وصوط جان اونينك
وتشبه عيون الكمر والله خزرت عينك
************
اتكفلت ضعن السبايه وحققيت الغايه
اتكول عباس اعله مهره وشال بيده الرايه
انته اسست المنابر والمواكب هايه
وسيد اصبح مسيرك ثوره للمشايه

صوت الاحرار العضيم يحجي بس بسنينك
وتشبه عيونك الكمر والله خزرت عينك
*************
تمت
تحسين الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

خويه.....بليل جابوهه الهزل
خويه.....شدو ايدينه بالحبل
خويه.....طبانه بالسوك النذل

خويه........
××××××××××××××××

من بعدكم ياهلي. ....انسه خويه تدللي
جابو النوك الهزيله....وركبوني
ناس ماعدهم رحم....ببشع احجايه انشتم
أني زينب بت علي....يضربوني
كافلي عله المشرعه....والجفوف امكطعه
ضنه مايسمع سياط....امتوني
ناكه هزله ماكوحيل.شما تميل وياها اميل
شفت ضربوجم طفل...بعيوني

خويه.....وكعت اطفال اشكثر
خويه....مصدومه من هذه الأمر
خويه ...والعيله حاديه الشمر
خويه......
×××××××××××××××××××××××
اشكي المن لوعتي......مني راحو اخوتي
بس عليل ودمعته.....تجريلي
سجدللأرض بخجل....عمه صعدي عللهزل
هذه موقف يلكفل...هدحيلي
شلون تسمح حالته......والمرض هدصحته
ماكدر للصعده ضل....يوميلي
وشمرياخويه صاح...كثرو ألزينب جراح
يبوفاضل جم متن ...هدولي

خويه.................وسفه عرجه ناكتي
خويه..................بيه وجت حسرتي
خويه.................بسكته صارت ونتي
خويه........
×××××××××××××××××××××××××
طبنه للسوك لنذل...وبيدنه حز الحبل
كمنه نستر يخي....بجفوفنه
عيون ماترحم ابد......وحنه غربه بهل بلد
عيونهم كامت تصد...بعيونه
خويه من كثر لحجي...يسبنه ياهو اليجي
العايله شبعت بجي...وروعونه
وروسكم ويه الضعن...بحسره كلهن دمعن
من عكبكم ياهلي...لوعونه

خويه........اشكي المن لوعتي
خويه........مني نزلت دمعتي
خويه........راح ابقى بغربتي
خويه......
×××××××××××××××××××××××××
ويني وين السبي...من الخجل احبي حبي
حرمه بالخمسين عمري..مارعوني
بعد كل هذه الجره.........ناس ماترحم مره
بحجاية خوارج يخوتي....أذوني
دكو اطبول الحرب...........ابد ماجنه عرب
وبالحجر كامو حقد........يرموني
أه يالشام ااشكثر..............فعلتك خلت أثر
بكلبي تاكل حسرتي....وبجفوني

خويه....فوك كل هذه الجرى
خويه...ابد ما رحمو مرى
خويه...وانه حرمه مخدرى
خويه.....
×××××××××××××××××××××××××
طبنه للمجلس غصب..وحنه مالينه الرعب
لمجلس يزيدالنذل......طبينه
صاح وينج بت علي.......مابكى عندج ولي
كام يشمت يخويه......علينه
راديحرك كلبي بيك..بعوده يتمرجل عليك
شعل النار بكلب....لحنينه
جاريه كالو تجي...............واحد يكلهم ألي
ركض واحد منهم...عالسكينه

خويه........جابو الراس بطشت
خويه........ورقيه صوبه مشت
خويه.......ريت عكبك ماعشت
خويه........
×××××××××××××××××××××
تمت والحمد لله
بقلم خادم الزهراء ع
الملا ياسر الزيادي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

عباس تعبني السبــي وينــك كفيلي
لو ضمدت جرح المتن ينزف دليلي
بس كلبي احجيله ... ويشكيلي واشكيله
لو ضمدت جرح المتن ينزف دليلي
.................................................
شيبت كلبي امـن العتب كد ما حجيت انه ويـاه
عباس لو بسمك صحت يجاوبني بالحسره وآه
يــا كلبي شنهي اليوجع يوجعني زينب فركــاه
عالشاطي ظـــل ابكربله يـــا كلبي ذاك التهواه

عالشاطي عفته بكربله والسهم بالعين
طايــح خليلك يـا كلب مـــا عنده جفين
يا كلبي ابجليه ... ويشكيلي واشكيله
لو ضمدت جرح المتن ينزف دليلي
..............................................................
سالفتي وي كلبي صفت يـا خويه بعــدك عبـاس
دورت انه وكلبي اشكثر مـا شفـت مثلك بالناس
راس اليتيم وجف علي هيج انت شايل احساس
ما حافظه عيونك جنت تحاجيني ومدنك راس

تاذيني عبـاس اشكثر لحظت رحيلك
مـا كافي عذبني الهجر خويه دخيلك
كلبي انهدم حيله ... ويشكيلي واشكيله
لو ضمدت جرح المتن ينزف دليلي
...................................................
يتـبـده حيـلــي وداعتــك لو راسك اكبالي يلوح
عشرت الماي ويالجرف عاشرت عبـاس النوح
يا خذني ويردني الحزن والدمع عالخد مسفوح
مشابك عيونـك والسهـم دلالي شابــك الجـروح

يـا حيـل عباس البقه مــــن فاركتني
ميته على النوك الهزل ريتك شفتني
ما احمل العيله ... ويشكيلي واشكيله
لو ضمدت جرح المتن ينزف دليلي
...............................................................
يا خويه وين بيا وكت بضعوني تحدي الشمات
عباس من فوك الهزل شبعــن خواتـك طيحـات
امتون اليرافكه الشمر ششوف غيـــر الطكـات
طبع الكلب من ينجرح ينزف عــذاب وحسرات

عباس بسياط الشمر يخلص دربنه
وليل الخرابه ولوعتــه شيب كلبنه
ما نايمه ليله ... ويشكيلي واشكيله
لو ضمدت جرح المتن ينزف دليلي
..................................................
ابطرك العبايــه وعالهـزل والشمر بسياطـه ايحوم
نشرب دمعنه امن العطش والزاد عبــاس اهمــوم
لــو ردنــه نكعــد ننشتـم وننضرب لو ردنه نكوم
رحلــت سبينـه طـولــت عباس لا ساعــه ويـوم

ونه اعله ونه وخلصت كل عمري ونات
مــا مستراحــه وداعتك بـس المعانـات
رحلة سبي اطويله ... ويشكيلي واشكيله
لو ضمدت جرح المتن ينزف دليلي


الخادم ابو حسن الجعاري



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

جيتك ودمعي يهل خويه يمحمد
وماكل اجفوفي الحبل خويه يمحمد
اتغير يبو جاسم صحت من السبي لوني
وياخويه عن سوط الشمر تحجيلك امتوني
*********
انه زينب وانته حكك خويه مني استغربت
أمن المصايب يابو جاسم تدري بيه تغيرت
جنت أميره بجال اخوتي وهسه مسبيه صرت
ويلتف الصوط اعله ضهري خويه ابد ما حسبت

توني اجيت أمن السبي خويه يمحمد
أمن الشمس حمره العبي خويه يمحمد
أمن اتاخر بكعب الرمح جانو يدفعوني
وياخويه عن سوط الشمر تحجيلك امتوني
****************
شرد اسولفلك يخويه وصوتي كلش مختنك
الشمر من كد ما ضربني صارن امتوني زرك
خويه ترضاها المخيم عله زينب يحترك
انه عن عباس خويه ما توقعت افترك

جلمت الخوه انتهت خويه يمحمد
وزينب اختك أنسبت خويه يمحمد
الهظمتني من طاح العلم كامو يشتموني
وياخويه عن سوط الشمر تحجيلك امتوني
**********
حسين يمحمد أخبرك دمه خضب شيبته
هذا البرمحه يطعنه وذاك يرفس جثته
وهذا أخذ محبسه امنيده وذاك اخذها اعمامته
وفوك هذا اخيول عشره صدر اخيك سحكته

شفته يشكي من الرمح خويه يمحمد
وكلي رايح انذبح خويه يمحمد
حاولت اشيلنه اشكثر بس ما يخلوني
وياخويه عن سوط الشمر تحجيلك امتوني
********
عكب أبو فاضل جفيلي حاله صارت حالتي
هوه لو حي ماكو واحد خويه يحرك خيمتي
اتوجهت صوب الشريعه وكامت اتصب دمعتي
وكتله يا عباس انهض خويه ردني الديرتي

شفته بالمصرع يجود خويه يمحمد
وراسه مصيوب بعمود خويه يمحمد
كلي يخويه أمن السهم ماشوف بعيوني
وياخويه عن سوط الشمر تحجيلك امتوني
************
لليسر مشونه كوه ومن سبي الشام اتعبت
كلها صاحت هاي زينب وأنه خويه دنكت
بالخرابه اتبات اختك والله يمحمد وكت
والهدم حيلي رقيه لمن ماتت عالطشت

راسي من الحركه شاب خويه يمحمد
كعدونه اعله التراب خويه يمحمد
الالمني خويه بالحجر كامو يراموني
وياخويه عن سوط الشمر تحجيلك امتوني
********
خويه كل وحده اويهلها كامت وأنه انتظر
الناس تتفرج عليه وأنه عود أم الخدر
جنت مهيوبه بخوتي ومحد بضلي يمر
وهسه صرت بلا عشيره ويحدي بضعوني الشمر

الشام اشوفن عدها عيد خويه يمحمد
وعالرمح رأس الشهيد خويه يمحمد
مسبيه والوادم فلا جنهم يعرفوني
وياخويه عن سوط الشمر تحجيلك امتوني
***********
تمت
تحسين الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

مهضومه وبـــدرب الشام الحسين ضل يرعاني
صح عالرمح راسه يلوح لكن أبــــــــد منساني
يعلم بكلبي الدامي وعينه على أيتامي
صح عالرمح راسه يلوح لكن أبـــــــــد منساني
**
لوعه بأثـــــر لوعه عشت بعد الجـــــره بأخواني
كلهم عفتهم عــــــــالثرى ومشيـــت وي عدواني
العباس ضــل عالمشرعه والظالم أتــــــــــولاني
ومـــــن ودعتهم عالهزل من قرب مــــــا خلاني
مـن عالهزل صار وداع أحبـــاب كلبي وعمري
ومدري ألــــوم العدوان مدري ألومــــن دهري
سوده صفت أيامي وعينه على أيتامي
صح عالرمح راسه يلوح لكن أبــــــــد منساني
******
مسبيه للكوفـــــــه رحت جم موقــف اللي عشته
سب وضرب لوعه وألم وكــــــل الجره أتحملته
لكن أتجـــــرّح خاطري للشامت مـــــــن سمعته
يتشمّت بحـادي الضعن ويكـــول شو عاف أخته
ويّــــــه النسه المسبيات وأحنــــه حدينه بضعنه
وأنه صحت يــــا ملعون ميعوفنــــه كـــــــــــافلنه
ضحّه الأجل أسلامي وعينه على أيتامي
صح عالرمح راسه يلوح لكن أبـــــــــد منساني
**
مجروح كلبـــــــي مندخلت ديوان أبــــــــن مرجانه
ومــــن شفته زادت لوعتي فرحـــــــــان وي أعوانه
أتصــــــديتله ابهمّه وعزم هنتـــه وســـــــــط ديوانه
قـــرر أيفـــــره ابكل فرع ضعــــن السبــي بنسوانه
بالكوفــــه ضل بينه يدور والنـــــــاس تنظر لينه
وأنه أنظر الراس حسين يخزر النــــــاس بعينه
يرعانه خويه الضامي وعينه على أيتامي
صح عالرمح راسه يلوح لكن أبــــــــد منساني
******
بالكوفه من فوك الرمح نسمـــع الصوت أيعجّب
يرتـــــــل بأيات الكهف كلمــــــن سمعها أتعجّب
لن أبـــــــن الأرقم يندبه راســــك يمولاي أعجب
وأياتكم مـــــــــا تنمحي شجاب الزمـــان وأذهب
أبسبعة مـــــــواطن قرآن راس الحسين يرتل
مو عجبه هــــذا الأعجاز جــدّه النبي المزمل
حققلي كل أحلامي وعينه على أيتامي
صح عالرمح راسه يلوح لكن أبــــــد منساني
**
للشام مــــــــن سار الضعن طفله عــــــــلت ونتها
والشمر يمها بــــــــلا رحم سبها وشتـــــــم عمتها
كـــــال إلها بنت الخارجي وهالجلمه مــن سمعتها
قتلوك صاحت يــــــــا نفل ولمّــــن سمع صرختها
مـــن عالهزل ذبها وصاح بـــــذاك الظلام الدامس
تبقين أنتي بهـــــــــل حال مـــــــا يبقه يمج حارس
وهذا بعض أجرامي وعينه على أيتامي
صح عالرمح راسه يلوح لكن أبـــــــــد منساني
*******
لحكــت الطفله بالضعن لكن بقـــــت متأخره
لن الرمـح فجأ وكف والناس حـارت بأمره
أتوجه اليحــدي القافله للباقي مـن العتره
وكلّه عزيزه مـن الضعن تاهــت ابوسط الصحره
ما يمشي رمحه يــا ناس الاّ برجـــــوع الطفله
وشوفوا النظر عين الراس تعرفون ويـن موجله
بالدرب هوّ الحامي وعينه على أيتامي
صح عالرمح راسه يلوح لكن أبــــــــد منساني
**
للطفله زينــــــــــب لعتنت نيرانـــها متوجره
ولكتها لا هـــــــــــم لا ألم بأحضـــان أمها الزهره
وخبرتها أني ويـه الضعن بطف كربله ومن أسره
ما فاركتكم مــــــــن كطع راس الحسيــــن ونحره
أدعي إلاهـــــــــــي المعبود أيعجّل أمــــــر مهدينه
خل يرجـــــــــع إلنه ويعود يطالب بثــــــاره ودينه
بالشدد هوّ حزامي وعينه على أيتامي صح عالرمح راسه يلوح لكن أبــــــــد منساني



الشاعر
قاسم حتروش البلداوي
خادمكم
أسألكم الدعاء
غير مبري الذمه كل من يقرأها بطور الغناء


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

https://youtu.be/ewk5A9pHWBQ

توجد مكتوبه بالوصف اشترك بالقناة تشجيعا لنا اضغط لايك للفيديو

للمشايه. عگيلي

طلعت هل مشايه…..رايه اتحشم رايه:
صــوب حسين ومتـعنين:
ونمشي ابحرگه وملهوفين:
ولزينب وفـايـه….... ولــزينب وفــايه:
………………………
شد ارحالك يلا وگوم…
اطلع وي زينب للمظلوم:
گوم گصد يازايـر... ……گوم گصد يازاير:
وأسي الحره وزيد النوح….
اعله الكفال الظــل مطروح:
ونايم يوم العاشر….ونايم يوم العاشر:
لم اعـيالك والاطـفال....
وذكر زينب هذا الحال:
وعن الظيم الصاير… عن الظيم الصاير:

وكــنه لــهمـج حـزنــانيـن:
ونمشي ابحرگه وملهوفين:
وللكافل حدايه…… طلعت هل مشايه:
…………1………….
انشيل هواي منل رايات…
وبسم الكـافل منقوشات:
الحادي بضعن الحره….الحادي بضعن الحره:
طاحت رايـه وجبنا هواي….
الأف انـدگ ابراگ الـماي:
وغصبن عل مايرضه…غصبن عل مايرضه:
اردود انعيد الطـف مبخـوت…
المس عباس شحده يموت:
ابيته انهوس عرضه.. ابيته انهوس عرضه:

انضحي بكلشي ومتعلمين:
ونمشي بحــرگه وملـهوفين:
الحسين الحب والغايه….طلعت هل مشـايه:
…………2….………
اليوم البسنه اثياب السود….
واحد ظل بـالثاني يزود:
وما نهتم كارونه………. ومـا نهتم كارونه:
حسين عذيبي يمر بالروح…
الما يمشيله يضل مجروح:
وبيش يكحل عيونه…وبيش يكحل عيونه:
لا صدام ولا هدام….
ولاتمـنعنه اليـوم اغزام:
شحدهم ويمنعونه………شحدهم ويمنعونه:

هــوا اليمنع يــوگــف وين:
ونمشي بحرگه وملهوفين:
وهل نگصد عنايه… طلعت هل مشايه:
……………3…………
من الفاو السفره اشلون….
الوادم متعجبه يكولون:
وصلت كافل زينب… وصلت كافل زينب:
ومن كركوك لباب حسين…
نمدت هيـه ومتعجبين:
وخاف الزاير يتعب….خـاف الزايـر يتعب:
ماكو ابنادم مـن الكون...
الـدنيه وفــارشـها ابماعـون:
الكون ومنه اتعجب…الكون ومنه اتعجب:

وخلــه العالــم مــحتارين:
ونمشي ابحرگه وملهوفين:
محد يعرف هايه.…… طلعت هـل مشايه:
…………4…………..
اتعنه حسين ولاتحتار……
يخلصك من چويات النار:
اليشفع باچــر هــوا……الـيشفع بـاچر هـــوا:
كلمن صادق گلـبه وياه..
ابيـوم المحشر ماينساه:
ولا يــدنــه ويـچوا……. ولا يـدنــه ويـجوا:
وكلمن حبه يظل مرتاح...
يطير الجنـه وعنده جناح:
وهوا الحب مو كوا…… وهــوا الحب موكوا:

ويعـرف ياهم الـي محبين:
ونمشي ابحرگه وملهوفين:
احسن هوا ولايه…… طلعــت هــل مشايه:
…………5…….……
مجيد گيطان الصالحي
الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

المهدي يفرح بيكم هله بالمشايه
وزينب اتحييكم هله بالمشايه
************
اتحزم المهدي ودمعته فوك خده سايله
ناشر الرايه وينادي هله بالزاير هله
ايوزع الماي وجربته ببو الغيره امهيله
صاح ما ضل شي يزاير راح توصل كربله

واكف ايناديكم هله بالمشايه
وزينب اتحييكم هله بالمشايه
************
هذا يخدم ذاك يطبخ كلها اشوف امحزمه
ورحبت بهل المواكب هالمسيه فاطمه
صاح كواك الله زاير علي حماي الحمه
وكام كل مشاي بيده ايسجل اسمه ويختمه

كل سنه امتانيكم هله بالمشايه
وزينب اتحييكم هله بالمشايه
************
يلله هم رجلك يزاير والله ما ضاع التعب
ذيج من ابعيد تلصف كبة حسين الذهب
حسين من كد ما يحبكم صاح كوم الهم وهب
وفوك شباجه يعالم هله بزواري كتب

كلبه حن اعليكم هله بالمشايه
وزينب اتحييكم هله بالمشايه
**************
اليوم ابو فاضل يزاير واكف اباب الضريح
يطبخ وفاتح مضيفه وهله بالزاير يصيح
انه فاتح باب كلبي وموكبي اسمه الذبيح
حته لو زعلان منك زعلي بس توصل يطيح

امراد اريد انطيكم هله بالمشايه
وزينب اتحييكم هله بالمشايه
************
زينب اتأشر عليكم وبعزمكم كيفت
اتنومست واهواي منكم هالمسيه اتشكرت
سجلت كل زينبيه وبمشيها اتفاخرت
وبالدرب نصبت خيمها وبالهله اشكد عزبت

وهالفخر يكفيكم هله بالمشايه
وزينب اتحييكم هله بالمشايه
*************
حسين يالمشايه عطره ايفوح من ابعيد اشم
وانه بس شفت المناير جدم ضل يسبك جدم
معتني وراضي بمصيري وبالمنيه ما اهم
كعبه العشاك كبره وكبره بيكم مزدحم

حسين ما ناسيكم هله بالمشايه
وزينب اتحييكم هله بالمشايه
****************
تمت
تحسين الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

https://youtu.be/NAX-0fore28
توجد مكتوبه بالوصف اشترك بالقناة تشجيعا لنا اضغط لايك للفيديو

للمشايه...


عطشانه جيت من الشام/عباس الك عنايه
أتمنه تسرع هالنوك/مشتاكه اشوف الرايه
*********************
هالرايه جانت وياي/ تضللني مثل الغيمه
خلافك صرت ياعباس/چني يتيمه بهيمه
ثمانين لوعه وياي/وكلمن يسولف ضيمه
مجتوفه مابين الناس/أخت الكمر هضيمه

كشخة علي حامي لجار/وامحركه العبايه
أتمنه تسرع هالنوك /مشتاكهاشوف الرايه
عطشانه جيت من الشام/عباس الك عنايه
*********************
شاب الكلب كبل الراس/من ادخلت ديوانه
صبرت روحي عللضيم/وكلبي نعتله احزانه
ايزيد يجرحنه يريد/كبال الطشت خلانه
ويأشر اعله المذبوح / أله أذل نسوانه

نزلت دمعتي من العين/ ولكافلي شجايه
أتمنه تسرع هالنوك/مشتاكه اشوف الرايه
عطشانه جيت من الشام/عباس الك عنايه
*********************
بين الخرابه والشام/جم مره طلعت روحي
فزت طفل چن مرعوب/هيچي تفز اجروحي
لمن أصد اعله الراس/اشيب الدنيه بنوحي
تشبه لطيرالمذبوح/كامت تفرفح روحي

ياوسف بين لديوان/اصبح خدرنه حجايه
أتمنه تسرع هالنوك/مشتاگه اشوف الرايه
عطشانه جيت من الشام/عباس الك عنايه
*********************
تگولین كافل عباس/جاوينه ما تنخينه
أعله الرمح وبكل يوم/يازينب تشوفينه
مرفوع راسه ومهشوم/ولسهم ماخذ عينه
أشما ضربنه النسوان/ينضح بغيره جبينه

ذني الرّبن بين ملوك/عدنه اصبحن سبايه
أتمنه تسرع هالنوك/مشتاكه اشوف الرايه
عطشانه جيت من الشام/عباس الك عنايه
*********************
گالولي ردي ويلروس/ونزفت اجروحي بحرگه
ألدنيه وبلا خوان / للمثلي تصبح خنگه
طول الدرب يلحنان/لحضه الجفن ماطبگه
كل ضني ماتمشي النوگ/وكلبي ركض للملگه

شفت النهر ياعباس/حرمة اضوگن مايه
أتمنه تسرع هالنوك/مشتاگه اشوف الرايه
عطشانه جيت من الشام/عباس الك عنايه
*********************

تمت والحمد لله
بقلم خادم الزهراء ع
الشاعر والملا ياسر الزيادي
هديه لمولاي صاحب الزمان عج الشريف


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

https://youtu.be/gD98NuMCAeI
مكتوبه بالوصف اشترك بالقناة ضع لايك للفيديو حتى يصلك كل حصري

(عزيزة الحسين رقية )

طفله شافت بل منام * ويه ابوها سولفت
فزت ومرعوبه حيل *بابا يا بابا اصرخت
***
عمه يازينب تصيح هسه اريدن والدي
عمة هسه ويايه جان وسولفتله علسبي
وكام ينشدني عليج اشلونها بت لنبي ؟
كتله من كثر السياط تشككت حته العبي
من بعد جف الحنان بسوطه جف الأجنبي

ماتحمل هل كلام وصورته مني ختفت
****
عمه خافنه زعل هسه اريدنه يعود
ماسئلته على الكفيل صدك مكطوع الزنود
عمه ما أحمل عطش وانه بعمار الورود
تذبل الورده وتطيح كون مايسكيهه جود
جان يزعل لو بجيت يمسح ابجفه الخدود

خله يرجع وي ابوي عيني بدموعوي أنعمت
*
طفله تصرخ وين ابوي وين اخوتي والعمام
فززت من بل قصور انزعجو أولاد الحرام
طشت جابو الهه اشوف مغطه والدنيا ظلام
تكله صح جوعانه حيل لجن ماريد الطعام
تكله اريدن هسه ابوي رايده علجفوفه انام

كلهه هذا رأس ابوج طاحت عليه وشبكت

طفلته اتحظنه وتلوع براس ابوها محيره
تسأل وماكو جواب سنونه ليش مكسره
عمه يازينب عليج عمي سبع الكنطره
بابا منهو الموتاه ؟ منهو كاطع منحره ؟
بابا ماباساني ليش ؟ خاف اشفته امفطره !؟

خاف زعلان العزيز ليش ساكت معرفت
*
بويه خل نفتح نقاش جرحي لو جرحك شديد
انه اسولفلك تراجي ونته سولف خنصر ايد
وأنه اكلك بذني دم ونته راويني الوريد
وانه راويك الجروح ألهه اطب ماضن يفيد
هدومي بويه محركات اتملخ الثوب الجديد

شككاه دك السياط وزركه الضلوع أصبحت

جنه جاوبهه الحسين بصوته من عند النحر
بويه عشره منل خيول رضرضت مني الصدر
مراشك ابجسمي النبال بكلبي المثلث حفر
يارقيه وشوفي هاي براسي خسفه منل حجر
وانه عطشان وألوج ويذبح ابراسي الشمر

على رمح راسي ارفعوه وأبره وياكم رحت
*
حاجته بدمع العيون بابا يابابا سؤال
وين أديت الصلاة على الرمح لو علنبال
موش سجادة افرشت روحي افرشها تعال
بوية والمثلي تريد بهل عمر تشبع دلال
وانه من مشي السبي طككت رجلي الرمال

طفله بس شفت العذاب متوني منهم ورمت * **
كلهه يابويه عليج تبجي دم خلهه الدموع
انتي مثلي مكسرات بينن بيج الضلوع
ياعزيزة كلب ابوج يصعب وياج الرجوع
بويه بس انتي تعاي ياشمس وكت الطلوع
شهكت وضاع النفس ولعمرشمعه ويموع

كوضت مامنهه صوت ميته علراس اوكعت

****************

خادم رقيه
هادي الصالحي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

مـشّـاي وارفـع رايتـي .. ومـحـضّـر مـصـلايتي
والسبحه بيدي الثانيه .. واستغفر الله حچايتي
***********
من غبشة الله والفجر صلّيتهه
ولام البنين اثنين هم اهديتهه
والرايه سوده عالمتن حطّيتهه
ودعـت امي الغاليه وشمّيتهه
.................
گالت ييمه ادعيلي .. خطوات فدوه اهديلي
گـلـتـلـهـه لتوصيني .. يايمه عند حچايتي
*************
زتتني امي وبالوجه حزنانه
شدّت الرايه وبالدمع غرگانه
گلتلها يمه شبيچ شو تعبانه
گالتلي زينب تمشي وآني هنانه
....................
كون امشي هسه وياهه .. لا عشت كون انساهه
وتگول حين تشوفني .. مـيـة هـلا بـمـشـايتي
*************
تارس عيوني من الدمع للغالي
ومنظر الراس عله الرمح يبرالي
بس حزن لاجل حسين تارس بالي
والثوب الاسود هو بس يحلالي
...................
اگصد مشي لمحبوبي .. اغفر يلاهي ذنوبي
للمشي روحي متانيه .. كربلا صارت غايتي
************
اگضي الدرب تسبيح واهمل عيني
كلشي بطريقك سيدي يبچّيني
اني الاموت وذكرك اليحييني
ياريت بالمشّايه اگضي سنيني
...................
حين امشي واتعنالك .. اذكــر فــرار عـيـالك
ولزينب اكسر خاطري .. يحسين بيكم صايتي
*************
بالممشه تنزل رحمة الله عليه
واسـتـمـع لـو قـرآن لـو لطميه
امشي وادگن عالصدر بايديه
واذكر مسير ام الخدر مسبيه
....................
گبلي اعتنتلك روحي .. بالدرب تشفي جروحي
مـولاي آنـي دخـيـلك .. وانت الگلت بحمايتي
*************
بالدرب مااضحك واگـولـن غيبه
وقت الصلاة التزم واحچي بطيبه
وعيوني اغضهن واحترم كل شيبه
واشـكـر الخـادم بالدرب ماعيبه
...................
اخلاقي من حسيني .. هو الذي يربيني
والنعم من تربيته .. درب الحسين مرايتي
************
سيد علي المدني



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

يله يل مشاي امش هاك عيني والرمش
كون چنك الاكبر بلخجل طولك خظر
صد للارض لاتعثر يفتخر بيك حسيني

كون چنچ زينب نار گلبچ تلهب
شلتي راس المذهب وبيچ گرت عيني
**********************
كون اليجي ويزورة بخلاقه يرسم صورة
دوم الدهر
ويمشي ودمعته بعينه ويذكر مصاب حسينه
ويشبع قهر
يل ماشي هونك هونك غض البصر بعيونك
بيك يعله ديني
*******
واسي العقلية بدمعه وبالچ الحس نسمعه
يم الستر
چن زينب المهيوبه لو تمشي المحبوبه
ويحدي الشمر
عدلي حجابچ يختي مهيوبه اعرفچ انتي
ياضوة كل اسنيني
********
شبان اذكرو القاسم من زغر دربه راسم
نهج اوعبر
كل الخلك يدرونه كون انتم تقلدونه
گلبه انفطر
ريض يزاير وسمع بلحچي اعرف تقنع
تگول اشكر اليهديني
**********
ذكري الله ابخطواتچ ونوري حرف چلماتچ
كلچ صبر
مثل الرباب اوسكنه عيشن مرار المحنه
بذاك الخدر
وذكري نار الخيمه وطفال نص الهيمه
الياذيچ احس ياذيني
********
الغايب تره ويانة يمشي ابآثر ممشانة
ويربي النظر
كلمن ظميرة يحاسب بل مستحب والواجب
يترك اثر
كل المواكب بيتك احسبهه هم ياريتك
وحط چفك ابچفيني
********
كون التجي بلازينه زينب تره تلاگينه
شنهو العذر
شنگلهه لو شافتنه بدمعه وعتب حاچتنه
وبيهه الجمر
خلينه نبچي اعليهه عل ظلم والمر بيهه
وكون الدمع يجويني
********
ابو حيدر الصبيحاوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

كلشي اخذ من السبي .. بس اظل بنت النبي
الدنيه انه الحَجبتها
بالحجاب الـزيـنـبي

----------------------------------

لاتجرئون .. مــن تــذكــرون الجــره والــصار بــــيه
لاتجرئون ..(علي) خدري وعفتي (الزهره) الزچيه
لاتجرئون .. صـح مشــيت اويــه الشـمر انــي سـبيه
لاتجرئون .. لـــچــن خــــدر الدنـيه لابــسـته عـــليه

مو عبايه بل عبي .. بس اظل بنت النبي
الدنيه انه الحَجبتها
بالحجاب الـزيـنـبي

----------------------------------

انه زينب .. كلي عـفه وهــاي عـــني مـو بعيـده
انه زينب .. اليذكر اسـمي كـون يتــوضه اريـده
انه زينب .. غايـب العـبـاس شفــتوني وحـيده
انه زينب .. اشعر ابسوط الشمر بشچم قصيده

منكم اطلب مطلبي .. بس اظل بنت النبي
الدنيه انه الحَجبتها
بالحجاب الـزيـنـبي

----------------------------------

بت محمد .. النـبي وامــي والـدي لمــن يگـــعدون
بت محمد .. امنسمي جبرائيل يخجل من يذكرون
بت محمد .. طـولي ياهالــناس بالله لاتــوصــفون
بت محمد .. تـره يـزعل كافـلي وبالــگمر تـدرون

وتره احلفه ابمعصبي .. بس اظل بنت النبي
الدنيه انه الحَجبتها
بالحجاب الـزيـنـبي

----------------------------------

من سبوني .. والله ادري الدنــيــه بچــاها مـــصابي
من سبوني .. ال امـيه اتــفــننــون هــمــه بــعــذابي
من سبوني .. كلشي من عندي وگع بس ظل حجابي
من سبوني .. طـولي ماشـافوه بــس شافــو سرابي

ومن نظرلي الاجنبي .. بس اظل بنت النبي
الدنيه انه الحَجبتها
بالحجاب الـزيـنـبي

----------------------------------

راسي عالي .. ظنهم ايـذلوني ابرحله طويله
راسي عالي .. والمصيبه الي جرتلي مو قليله
راسي عالي .. اني بس بالليـل المــدمع اسيله
راسي عالي .. حـتى ميگولون زينــبكم ذلـيله

والطغــاة ابمــوكبي .. بس اظل بنت النبي
الدنيه انه الحَجبتها
بالحجـاب الـزيـنـبي

----------------------------------

لاتسألون .. مـنو هـذي عالهـزل يانــاس كافي
لاتسألون .. لايفز راس الاخـو الـعالرمـح غافي
لاتسالون .. الـشام من طبيـته حيرته ابعـفافي
لاتسألون .. زينب وتسبـيحة الزهره ابشفافي

هايــشام اتـهذبي .. بس اظل بنت النبي
الدنيه انه الحَجبتها
بالحجاب الـزيـنـبي
----------------------------------
تمت والحمد لله في ٢٢ / ١١/ ٢٠١٥
حيدر تركي الكربلائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw