نزله : محرم 1442
لذكرى أستشهاد
الأمام عبد الله الرضيع عليه السلام
....................
هلهلي الحلو الشمايل هلهلي
كومي يا زينب يبت حيدر علي
..................
مثل أخوته أبكربله كبش الفده
بالسهم مذبوح من نحره غده
والله عبد الله شهم هوه البده
أو كال نبلة حرمله ودوها ألي
..................
يوم شاف حسين محد ناصره
كطع أكماطه كرامه الخاطره
شرع أجفوفه أو دمع عينه جره
غيرة الساده البيه أتخيلي
...................
ضد أميه الماجنه بيرق نصر
عالي صار أبكربله لله الشكر
صار صيته أبصيت ربات الخدر
أنعم أو أكرم مكارم تنتلي
...................
عمره 6 أشهر ولكن غيرته
ما رضت لحسين تخمد ثورته
مو ذبح نحره أبسهم بس سيرته
سيرته أكبر بعد مما يلي
....................
كثر الله خير عملة كربله
كشفت الحقد الحقيقي أبمقتله
ماي من يسكونه سهله المسأله
ليش نحره أبحر سهمهم ينصلي
....................
أمن الوريد أو للوريد أبيا ذنب
دمه بيد حسين ظل يشخب شخب
أبكثر ما نحره ترف غيره خصب
أبجيشهم يا كربلاء أتزلزلي
...................
مات عبدالله أوبعد ما منه حس
والجسد ذبلان من حر الشمس
هذا يا زينب ترى أبذاته درس
آل هاشم مشعل الكل مبتلي
...................
كومي يخت يحسين زيدي النايبه
للرباب أدموع عالخد ساجبه
يمه عبد الله تون وتعاتبه
أمك أبهالساعه موقفها جلي
.....................
يا بعد أمك ألك فدوه رحت
أبجي ليل أنهار بفراكك صرت
من صبر زينب صبر بعدك ردت
كون كبلك يالولد حل مقتلي
....................
صورة الطف خالده اليوم الجمع
أهلال عاشور أشيهل نوره يشع
للشمع مقيات مقيات الدمع
أبحضرة الكاروك جي منه خلي
.....................
خادم أهل البيت
الشاعر : أسماعيل الجوراني
الجمعه : 28/8/2020


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

https://www.youtube.com/channel/UCGd-VEzomHmEmcn4jnSjpeA
قناتي على اليوتيوب فيها الكثير من القصائد المكتوبه لسيد فاقد وأكرم الصالحي وغيرهم اضغط اشتراك واختار القصيده

كون عندي اويه الولد اربع بنات
چان روحي ارتاحت بيوم الممات
چانت امنيتي ..ويه ذريتي
اربع بنات
✿✿✿✿✿
من يسألوهن يگولن خادمات
يبقن بلايه اسم ذني البنات
انا متقصده اربعه وهاي امنيات
زينب يحيطنها من اربع جهات
تحچي زينب ما يگولن غير صار
هم مثل عباس دمهن ريته حار
چانت امنيتي ..ويه ذريتي
اربع بنات
هيچي ويرجعن الي من السبي
متون زرگه والتراب اعله العبي
كون من گد الضرب يحبن حبي
المهم مابيها شي بت النبي
يصيحن بزينب ترا چنه نشيل
ابد ما صعدت ييمه اعله الهزيل
چانت امنيتي ..ويه ذريتي
اربع بنات

✿✿✿✿✿
كون لو شافن شمر يوم الطفوف
شايل أحبال وعلى زينب يطوف
هم مثل عباس ينطنها الچفوف
وإيد زينب كل حبل لا ماتشوف
هم يگولن لو قطعتوها اليمين
خدر زينب ما نعوفه الخدر دِين
چانت امنيتي ..ويه ذريتي
اربع بنات

✿✿✿✿✿
كون اسمع لو اجن احلى جواب
يمه من طبت خرابه ام الحجاب
يمه ريحناها ماشافت عذاب
گعدت اعله امتونه مو عالتراب
ابد ماشافو لزينب كل خيال
اعلينه طاحت يمه نظرات الرجال
چانت امنيتي ..ويه ذريتي
اربع بنات

✿✿✿✿✿
انا روحي اتفرفح ورادت تهيد
انا من ضيمي بنات اربع اريد
كون كلهن طبن المجلس يزيد
المهم عن مجلسه زينب بعيد
وين زينب والبنات العندي وين
انا كلي خادمه ابيت الحسين
چانت امنيتي… وي ذريتي
اربع بنات

✿✿✿✿✿


حسين طالب السماوي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

.... ياليل العاشر تانينــــــــي
.... خلينـــي اليله ويحسيني
ــــــــــــــ
يافجر العاشر لاتطلع
باچرنوح وباچرمدمع
بس رماح الباچرتفزع
عدوان وباچر توليني
ـــــــــــــــــــ
ياليل العاشر خل نلتم
باچر چم واحــد يثلم
چم هامه الباچرتتهشم
وعلغبره تشاهدهم عيني
ــــــــــــــــــــــــ
مصباحك اخره ولايصبح
من يطلـــــــع باچ تتذبح
وچم خد الباچر.يتجرح
وچم صوط بمتني ياذيني
ــــــــــــــــــــــــ
خل نتوادع وي والينــه
باجر ياهواليفزع لـينه
بس نسوان انظل تالينه
وكل حاله تمرني تبچيني
ـــــــــــــــــــــــ
هل نتوادع هاي اليله
باچر ماهوه ونشكيله
لافزاع ايــرد.العييله
فرحانه بچتله وتسبيني
ـــــــــــــــــــ
لخادمكم ابوباقرالصالحي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لسان حال السيده زينب ع تخاطب ابيها علي المرتضى ع.بعد مصرع الامام الحسين ع
"""""""""""""""""""""""""""""""""""""""""""

فجعونه يابويه العده
وظلت زلمنه أمدده
ظل الحسين ابلا جفن .
عالغبره نام ابلا دفن .
وبالسبي اعياله امهدده
---------------------------------------
هدو على احسين الشهم وعياله.
وعباس شيال العلم ورجاله .
حته الطفل مارحم واحد حاله .
مذهوله انه وكدامي هاي الحاله .
هدمو سكفنه وطاح محد شاله .
والعطش اثر بالحرم وطفاله .
خواني منهم ماسلم
وخلافهم كلبي انلجم
والحادي بعيالك حده .......
___________________
حقها النساء امروعه وموجوعه .
اجساد روس امطبره ومكطوعه .
ايتام تبجي امصدعه ومفجوعه .
بين الرماح المشرعه المزروعه .
الجيش ياحيدر هجم بجموعه .
جا ياهو غيرك يمسحنه اللوعه .
لحسين ردنه انوادعه
ومنعونه نوصل مصرعه
وماظن مثل ظيمي سده .....
-------------------------------------
ظليت اباريلك تعود وترجع.
بيمن ألوذ وأعتمد وأتدرع .
بس آنه ليتامك سند وتوجع .
والجيش كل ساعه يهد ويفزع.
ماظل عظيد ولاولد بي ندفع .
وعيوني علماتو تسيل وتدمع .
احسين ممرود الجبد
عباس مكطوع الزند
وعضاي كلهه اموسده........
---------------------------------
وين انطي وجهي وناظري ابهلمحنه .
وخلافكم بويه انكسر خاطرنه .
ماظل فدائي ابعسكري حي عدنه .
وانكسر خلكي وخنجري وعسكرنه .
ولهالسبب ياحيدر اتصايحنه .
وينك ضخرنه وسيفنه ومنقذنه .
ياهيبتي ويامصدري
ظليت اصد صوب الغري
هلبت ترد اهل الرده .......
----------------------------------
من كل كتر هجمت علي عدواني .
مهظومه اجيتك ياعلي اتلكاني .
امنين اجيبك والبعد اذاني .
تدفنلي ولياني وهلي وخواني.
علفرس من كونك تطر ميداني .
جامابعد ظل جاهلي وسفياني .
يمك بعد ماانولي
وهمومك بيدك تنجلي
ومتظل رماح امسدده ......
........................................
عباس العبياوي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

زينب بليلة العاشر تندب امها



جفني امساهر ... واحسب الباچر
يمه حظريني ..... ابليلة العاشر
_____________________

يمه يلزهره تراني خايفه اهواي . واهمومي اذبحتني
يمه بس هليله ردي واگعدي اوياي . عينيني اعله وني

گلبي انترس حسبات وادموعي تذرف
كلما تعده الليل ايضل حيلي يرجف

يمه عينيني ...... باچر احسيني
ايعوفني اوحيدي ... والضوه ايهاجر
_____________________

يمه باچر وحدي أوگف بالميداين . واعيوني اتفّكر
الشمر بثنعش ضربه يضرب احسين . والخنجر تكسر

شمر اعله صدره ايدوس وايصد عليه
وايگلي شوفي احسين يرفس بديه

يمه گدامي .... ينذبح ضامي
اشفافه ذبلانه ...يكسر الخاطر
_____________________

يمه بس مصباح ردتچ اوياي . گلبي اتساعدينه
بلكي نگدر للخيام انشيل الحسين . هلروحه حنينه

لو ما نشيله ابساع صوب المخيم
تگصدله عشر اخيول الصدره تهشّم

يمه ع الغبره ... ايصير الف وذره
ويلي شيلمًه .. الطشره الحافر
_____________________

يمه لبنيتچ تعالي او شوفي الحال . خلوني غريبه
ودّعوني اوگالو انتي باچر اعليچ . تسدي چم مصيبه

ايکولولي بيچ اتعيل باچر الوادم
اتهوس ترى اذبحناه بدر الهواشم

ينشد الشامت ... كافلچ ساكت
اشبعي ابواچي .. ما ألچ ناصر
_____________________

يمه باچر چم مصيبه اعيوني اتشوف . وآنه ابنيت اكابر
عگب راعي الكفاله فلان و افلان . الطولي تناظر

واحد الواحد گال شفناها زينب
ضربوها زينب حيل خل اتعذب

او من يضربوني ....تمطر اعيوني
تبچي اليتامه .... الحالتي اتناضر
_____________________

باچر اعليّه اتفّرج يمه الآف . لمن يچتفوني
اگبال راس اخوي او راس عباس . حيل ايعذبوني

هاذه اليشيل احجار يضرب علينه
بالدرب كلسه نطيح. مچتوفه ادينه

وادخل الكوفه ...وآنه مچتوفه
عليه يا وسفه .. يضحك الفاجر
_____________________


ابو فاطمة الطائي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ها يمهدي اشلونك بشهر المحرم
ها يمهدي ...
تجري عينك دمعه لو دم
هايمهدي ...
بحالتك الله اعلم
هايمهدي ...
غايب انته وحاظره بيك الفجيعه
مو مدامع جثث بعيونك صريعه
اجه شهر المات ضامي عله الشريعه
تدوي بأذنك الله ياحامي الشريعه
وابهلالك هلشهر يطعن شعورك
وابهلالك تدعي يتعجل ظهورك
وابهلالك يابشر مثلك تألم
هايمهدي ..
يامن جهنم غدة تحلف بنارك
وين ماتمشي الحزن يمشي بجوارك
معصب ورايه وعمامه وذ الفقارك
كلها صارت تستفزك يمته ثارك
بهليالي وضعك اشبه بالثواكل
بهليالي چنك اتشوف المقاتل
بهليالي هم تشم حرگ المخيم
وين تطبيرك يمهدي بيوم عاشر
ابير اضواء ام طوى تحيي الشعاير
بكربلاء قطعاً ولاشك انت حاضر
وتركض طويريج حافي براس حاسر
هلله هلله تصيح وين حسين وينه
هلله هلله بالسيوف مگطعينه
هلله هلله يمته يومك يكشف الهم
هايمهدي ....
ليش نقظك يضطرب والحاله صعبه
سهم المثلث بگلبك لو بگلبه
عالنحر مو علصدر تلطم برهبه
من يمر طاري الشمر واثنعش ظربه
وبهلمصيبه تحس چن برجله داسك
وبهلمصيبه فصل يم حسين راسك
وبهلمصيبه صدره لو صدرك تهشم
هايمهدي ....
محرم يطلبك دموع لكل مصيبه
مايخلص الا وصفر رايد نصيبه
يگول اريد المهدي يبچي ويشگ جيبه
عالتي تنعى منين ابو فاظل اجيبه
راعي غيره والسبي الگلبك يحرگه
راعي غيره تبچي لأجل متون زرگه
راعي غيره بالبچي عمرك وصلته
هايمهدي
الشاعر علي السقاي
اصدار (باسم ) محرم 1439





الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

شحال زينب بعد اخوها اشحالها
ياهـــو بـعد حسين شد ارحـــالها
                    *
حـسين ويـنك ياعمــود الخـيمه
شلون ترضه اختك تضل ابهيمه
ياكـلـف يالجــفك يـــرد جـــيمه
كـــوم رد اويــاي يا خــيـالـهـا
                   *
ليش عايـفـني يخـــويـه بالغـرب
خــاف مـن بعـدك سبيه ونـضرب
خويه كوم اوياي ماعوفك صعب
اختك انه المنشاف اخيـالها
                  *
كوم خويه وياي نشفها التسيل
وين عايفني بحمل كلش ثجيل
خويه هاي الناس باجر لو تعيل
ياهو اليردها يكطع اوصالها
                 *
يا ال هاشم وينكم ياهل الشيم
وين راعي اضعونها الشال العلم
كــوم شـوف النار تلهب بالخـيم
حـين طحـتو والعـده أدنـالها
                 *
ليش نومه اعله الترب ياهل الوفه
هــاي زينـبكـم غـريـبه اوخــــايـفه
شلون تـرضـوهـا بحبـل ومجـتـفه
لو عدل عبــــاس مـن يدنــــالها
                 *
كوم ياعباس وأحــدي اضعــوني
شلون ترضاهـــا الغرب يحـدوني
من المديـنه انـتم تـره الجبتـوني
الوادم تعـــاين عليـــه اشمـــالها
                 ***
هاي زينب موش حي الله مره
عالمه وحــــره وأبيــه مخـدره
غير اخوها يصير سبع الكنطره
هاي زيـنب منهو يدنـــــــالها
ــــــــــــــــــــــــــــــــــــــــــــــــــــ
       خادم الحسين
محمد رحيم المشعلاوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده مساء العاشر المصيبه


ابــن امـي مذبوح/مـن الكفى حزه الشـمر
ابــن امي مذبوح/داست عليه خيل شكثر
تســاوه صـدره ويالضهـر
ألغالي ضل ابلا نحـــر

أبــن أمــي مذبـوح/أبــن أمــي مذبـوح
*************************

گومن للحنين بعجل نغطيله من حر الشمس
متعوب والينه تره من ذبحه خلص هالرجس
نايم يوسفه عالثره الدللنه يخواتي امس
انعاتبه عن الخدر بس كون المعاتب همس

خلنه يرتاح/شمسوي بيه سيف الرجس
خلنه يرتاح/ موجوع من سحك الفرس

بالجبهه مصيوب ابحجر
الغالي ضل ابلا نحر

ابن امي مذبوح//ابن أمي مذبوح
*************************
نايم اخينه اعله الوجه منظر صعب ماينحمل
متفطره شفته من العطش ومزاحم بجسمه النبل
سلبوهن اثيابه تره وعاري بقه فوك الرمل
الساتر الدنيا وسف بس السمه صارتله ضل

هواي جروح// ماضل عضو منه سلم
هواي جروح//بس عينه ضلت عالخيم

سهم المثلث بالصدر
ضل الحسين ابلا نحر

ابن أمي مذبوح//ابن أمي مذبوح
*************************
ياويلي من كثر السحك مترضرضه ضلوع الفجر
ثغر اليقبله المصطفى بالسوط واليه الشمر
والاصعب واكثر بعد وي ضهره مطبوك الصدر
حكي من اننوح وانتحب ماضل تره عندي صبر

بهيده النوح//لوردنه نبجي وننتحب
بهيده النوح// خافن يسمعونه الغرب

لا حمي ضل ولاخدر
ضل الحسين ابلا نحر

ابن أمي مذبوح//ابن أمي مذبوح
*************************
وين امشي بعدك ياشهم المن ادير اعيوني
الماشافو اخيالي كبل هسه وسف شافوني
رحمه ولا عدهم ابد ورمو يخويه امتوني
لو بسمك انه حشمت يالخارجه نادوني

نار وخيل// محتاره وين انطي الوجه
نار وخيل// بعدك حرت وين اتجهه

ليلي صفه بعازة كمر
ألغالي ضل ابلا نحر

ابن امي مذبوح//ابن أمي مذبوح
*************************
من الهظم وجهي درت صوب النهر شجايه
يصرخ دليلي يالكمر مشتاك اشوف الرايه
ليل وضلام وحايره ولخدر صار حجايه
زينب كفيلج مايجي ضل عله المسنايه


خوف وليل// شيخلصه ليلي يالشهم
خوف وليل// وصرت الكفيله اعله الحرم

عندك يبو فاضل خبر
الغالي ضل ابلا نحر
ابن امي مذبوح// ابن امي مذبوح
*************************
خادم الزهراء ع
الملا //ياسر الزيادي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

حسين يبن امي خنگ ريتي الهوه
واشسوه دخان المخيم بالضوه
...........
انسدت احلوك السوالف والبجي
صار واهس عيني ويترجم حجي
خويه مالت ناگتي الوين انتچي
لا بگيت انته ولا راعي اللوه
............
شفتك تباوع واجه الحافر لطم
عينك وحته الله علصار انهظم
لاهو واحد جرحك وگلنه انلظم
الف واكثر كلهن بحاجة دوه
................
كل عبايه تحترگ ندت سواد
وغطه كل اوجوهنه ذاك الرماد
حسين من گلبي اطلعت جلمة حداد
من بقت تلتاف عيني النينوه
................
داوسوا بصدرك وكلت اسم الله خاف
انمرد گلبه وخذه روحي الرجاف
اي يبعد اختك تره مرت عجاف
بكل اهاليتك وصوت الهم دوه
..................
خفت حيل ومن شفت فوگك دبيچ
واخ ياطگت العظم واسمع صريچ
حول اهنا يلگلت بالي عليچ
باختك الحادي عله الغربه نوه
.................
خويه ظهر الناگه عالي شلون الوح
حته وحدي اصعد وامشي واروح
هيه هاي السالفه الكلفت جروح
واحنه متفقين من نمشي سوه
..................
بدت اول خطوه بارچاب الدلال
وكلهن التافن عله راعي الجمال
حسين شوف اسوت اسنون الحبال
بچف رقيه وضل يعت بيها انلوه
..................

الاقل شرفاً
الشاعر كرار اللامي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

عله طور يخيمات.....

علامات...
أشوف الليله بعيوني...علامات
گبلهن ضربت متوني... علامات
تفيض الدمعه بجفوني...علامات

.............
أتخيّله....مصابك يُمر...مختنگه أحسهه ريتي
گطع الورد ..چن منحرك...يَمك ردت منيتي
حين الطحت..بيتي ٱنهدم..انته العمد لبيتي
لابوالفضل ...لا رايته ....ما تنوصف رزيتي

علامات....
أشوفن خيل توصلنه... علامات
دليلي گاطع الظنه... علامات
تجيني تسمع الونه ... علامات
....................
ردتك ضوه...ونسمة هوه...تدري أختنگ بدونك
ليش الهجر..شنهو العذر... يل غمضت عيونك
تنهض ردت.. بل هم طحت.هونك يخويه هونك
يل ماكو... مثل مصيبتك...وسفه الدهر يخونك

علامات....
أظنهه تكثر الليله... علامات
أريد لگلبك أحجيله... علامات
أخافن توگع الشيله... علامات
......................
عدله بجسد..لاچن متت...حين أنگطع وريدك
يَمّك مشت...روحي وبچت...وتناطر لعضيدك
يل منذبح....تنزف جرح...گلبي بهضم يريدك
متگطعة...أوصالك شفت..گطعولك ٱصبع إيدك

علامات...
بگيت شلون بالحومه... علامات
عجيبه تنام هَل نومه... علامات
أصيح بصوت مالومه... علامات
.....................
نشكي الجره...لرب السمه...زينب كِثر هضمهه
صد عل خيم....تلگه الحرم....ماينحِمل ألمهه
منظر صعب.. يِدمي الگلب....نار وتشِب خيمهه
إختك تره.....متيسّره..... سبهه الشمر شتمهه

علامات....
تطگ سكينه عدواني.... علامات
زماني الويل راواني.... .علامات
غريبه لوحدي خلاني.... علامات
......................
فوگ الهزل... نمشي بألم.. .ومجتفين إدينه
راسك...نشوفه عله الرمح...عگبك تره ٱنولينه
نِبچي بدمه...وماظل صبر...هدّ الصخر بجينه
ياهو اليِصل...لٱرض الغري.. يندب علي ولينه

علامات....
يِخِبره الصار بفراگه.... علامات
يگلّه الحره مشتاگه.... علامات
هزيله يوصّف الناگه... علامات
....... ..................

لخادم الحسين عليه السلام
الشاعر الحسيني د.مؤيدالأسدي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

https://youtu.be/xyWqvh9k3FE

اشترك بالقناة ضع لايك وراسلني

توجد مكتوبه حصريا الناشر عباس التميمي للمراسله على المعرف @Abas747

وا لهفتـي الـذاك الخـدر لمـرتـب
وا لهفتـي لمصيبتـچ يـا زَيّنَـــب
يـا زَيّنَــب .. يـا زَيّنَــب .. يـا زَيّنَــب


گلبـــچ جمــــر يـــــم الصبــــر
مــــن الفجـــــر يبـدي اليســـر

تبـدي الـمـآسـي أمنـالصبـح
جـرحـچ يصيـر اكبـر جـرح

ريت الصباح ابظلمتـه يتحجب
وا لهفتـي لمصيبتـچ يـا زَيّنَـــب
يـا زَيّنَــب .. يـا زَيّنَــب .. يـا زَيّنَــب



أمـورم الجفــن دمـــع الحـــزن
گلبــــچ يــــون لهلـــچ يحــــن

و وسفـه البـدور السـاطعـه
اضحـت جـثــث متگطعــه

حتى الرضيع الهالمصيبه شيـب
وا لهفتـي لمصيبتـچ يـا زَيّنَـــب
يـا زَيّنَــب .. يـا زَيّنَــب .. يـا زَيّنَــب



لا ضــل خيــم لا ضــل عَلَــم
تبچـي الحــرم مـــن الألـــــم

ضــل البطـل عـالمشـرعـه
و اطفـال الــچ متـروعــه

وا لهفتـي الـنـار أبـدليـچ تلهــب
وا لهفتـي لمصيبتـچ يـا زَيّنَـــب
يـا زَيّنَــب .. يـا زَيّنَــب .. يـا زَيّنَــب



مــالـچ حمـــه أبهـل مـوزمـه
عليـچ السمــه تبچـــي دمـــه

ومنـالسـياط امــورمـــه
مظلومه يا بـت فـاطمـه

عفتـي اخـوچ ابكربـلاء أمسَلّب
وا لهفتـي لمصيبتـچ يـا زَيّنَـــب
يـا زَيّنَــب .. يـا زَيّنَــب .. يـا زَيّنَــب


دمعــچ يهـــل شَــت الشَمــل
وبيـدچ حَبــل شَــدَّه النـــذل

عـرجـه و تــون الــونتــچ
بـالممشــه تعثــر نــاگتــچ

راس الحُسين شما تشوفه امخضب
وا لهفتـي لمصيبتـچ يـا زَيّنَـــب
يـا زَيّنَــب .. يـا زَيّنَــب .. يـا زَيّنَــب


كريم الحاج فليح
30/8/2020



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

آه ياليل اهدعش واشـگـد صعب
وآني حرمه وحيده مابين الغرب
عگب كل ذاك الخدر .. بالخرابه بلا ستر
وآني حرمه وحيده مابين الغرب
****************
آه ياليل اهدعش واشگد طويل
وآني وي هاي اليتامه بلا كفيل
بالـحـرم محتاره وبـواحـد عليل
وآني من ركض الصبح مابيه حيل
...................
مخدره وچنت استحي من الهوه
هسه ابات بـنـص خرابه بلا ضوه
علينه يفتر الشمر .. بالخرابه بلا ستر
وآني حرمه وحيده مابين الغرب
****************
يمته تخلص گلي ياليل الالم
حتى اردن واجمع رماد الخيم
والصبح من يطلع افگدهه الحرم
خاف سكنه رجعت لراعي العلم
...................
لأن واعدهه وطلع وي جربته
وتـدري عمهه مايرد عن چلمته
عمهه چانت تنتظر .. بالخرابه بلا ستر
وآني حرمه وحيده مابين الغرب
****************
ليش مظلم حـيـل ياليل اهدعش
اهلي ماتوا طعن مدري من العطش
عـفـت اخـوي مـوذر بـلايـه نعش
والكفلني على النهر جسمه انفرش
....................
روحـي مـاتـت ياظـلام من الصبح
من شفت راس الحسين على الرمح
روحي چانت تحتضر .. بالخرابه بلا ستر
وآني حرمه وحيده مابين الغرب
****************
بالخرابه وظلمه چـانـت واهمل العين
بدون صوت وسكته ابچي وي النساوين
بگلبي حاچيته ونشدته خويه يحسين
شـلـون باچـر لو اطـب بـنـص دواوين
...................
اليـتـامـه تـنـام لـكـن تـگـعـد اردود
تطيح دمعات الحراير فوگ الخدود
الجيش يمنه منتشر .. بالخرابه بلا ستر
وآني حرمه وحيده مابين الغرب
****************
هذا اصـعـب ليل يادنيا بحياتي
ريـحـة الـدخــان اشتمهه بعباتي
ردت اصلي الليل آنه وكل خواتي
ماي ماظل عندي اتوضى لصلاتي
....................
عاليتامه اتوچه گوّه من ارد اگوم
چـنـت اظـن تباوع عـلـيـه النجوم
صلّت وماتعتذر .. بالخرابه بلا ستر
وآني حرمه وحيده مابين الغرب
****************
الشاعر سيد علي المدني



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

https://youtu.be/xyWqvh9k3FE

اشترك بالقناة ضع لايك وراسلني

توجد مكتوبه حصريا الناشر عباس التميمي للمراسله على المعرف @Abas747

غريب واويلاه واويلاه واويلاه

ابحركه اليدك باللطم خيعونه
عللي صدره ابحافر ايسحكونه
ياحسين وخلهم يلومونه
المابجالك ريت عميه عيونه

تعمه كون الانضااااااار
لوما تبجي عالصاااااار
كلبي مشتعل نااااااار . يااباعبد الله
سليب واويلا واويلاه واويلاه
********
طعنه مابيه مثل طعناتك
بيتي عامر مو مثل خيماتك
عمري ماشايف مثل مأساتك
جوه راسك يمشن ابنياتك
زينب بينك وبين
عيله بس نساوين
كلها تنادي ياحسين . ياااعبدالله
حبيب واويلاه واويلاه واويلاه
********
ياهو مثلك اهله ميعرفونه
من كثر ماغير الدم لونه
الميت اكرامه الدفن يدرونه
ماسمعنه ابميت يسلبونه
وسفه هذا معقول
عاري عنك نكول
داست صدرك خيول .ياااعبدالله
عجيب واويلاه واويلاه واويلاه
********
رخصت دمعي بثواب حسيني
شنهي دمعي كون ارخص عيني
عاشرت وشكد شفت بسنيني
ماشفت ضاني لجن يرويني
فضلك سيدي هوااي
حبك يسري بدمااااي
ذكرك اصبح ادواااي . يااباعبد الله
طبيب واويلاه واويلاه واويلاه *****
روحي شمعه وذابت اعله احزانك
اتملكت كلبي وصبح عطشانك
عالرمح يالرتلت قرأنك
عاجز انه شلون ارد احسانك
يامن مااجازيك
اكسر خاطري عليك
كلما سولفت بيك. يااباعبد الله
غريب واويلاه واويلاه واويلاه
********
للشاعر السيد علي الموسوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

المن طالعه بهالليل تمشيـن
اذا لحسين هوه شضال بحسين
المن رايحه شتلكين منه
يزينب والحوافر طشرنه
خافن ماتعرفينه وتتيهين
ــــــــــــــــــــــــــــــــــــــ
رايحه المن يالغريبه بهالظلام وهالتلول
الف سيف والف جثه البينج وبينه تحول
شنهي تلكين منخيج ضال سالم حته اكول
ضلوعه ظلن بالحوافر وين تلكين الخيول

اخيج داست الخيل اعله صدره
يزينب طبكن ضلوعه اعله ظهره
كل وصله بنويه
اعلى كبر الغاضريه
جا من جسم اخوج شراح تلكين
ــــــــــــــــــــــــــــــــــــــ
ياهو اليـزتج يزينب ليهم وعباس نــام
وانتـي تعبانه يخيه وتــونه طفينه الخيام
ابن امج مغطين جسمه برمل ويضيعه الظلام
مثلم منالطعن كله وغيــرة لونه السهام

بلا رجال صعبه الليل ينداس
يالمتعوده يمشي وياج عباس
يخيه شلون ممشاج
وكفيلج موش وياج
يبعد اهلي شيردج للصواوين
ــــــــــــــــــــــــــــــــــــــ
الف طعنه والف ضربه والجرح فوك الجرح
وكلهم بـلا روس يختي شلون تلكين السمح
خيـه زينب همه كثــره وموش واحد منذبح
خيه ضلي ويانه هسه وبلكت نشوفه الصبح

باجـر بالضعن يمهــم يمــرون
وبلكت يرضه نوكف حادي الضعون
نحول يم السباع
ويحله انوب الوداع
وابدي اعتابج وكولي شتريدين
ــــــــــــــــــــــــــــــــــــــ
شويه خل تصير سفره والصبح لمن يجيج
موش مالت ليل يختي معلعه وشوفج رجيج
وسود مـن كثر المشاكف صايرات اديـج
ارتاحي لاتامشين هسه حسين مايعتب عليج

يم عون استراحي مروة الليل
طريج بعيد وانتي منيلج حيل
نامي شويه يم عون
اخــوتج مــايعتبــون
جبيره وهذا ليل وما تشوفين
ــــــــــــــــــــــــــــــــــــــ
خيه كافيجن سوالف انــه مــابيـاش روح
كاعـد متـانيني هسـه تعطلت خلنـي اروح
انـه اعـرف حسين اخيي ومايضيعنه الجروح
وشلون اتيهه وريحت امي بصدره وبنحره تفوح

جنـه يصيحلـي منبعيــد اسمعـه
بجف يوميلي بس مبتور اصبعه
شلون اكعد بصيوان
وبره حسين عريان
شيهود الكلب ويغمض العين
ــــــــــــــــــــــــــــــــــــــ
ما اتاني الصبح يبطي وكلبي مايحمل يطك
انه مــامتعـــوده اطول عن الحسين اختنك
راح اروحله بعباتي وهضمـي ومتوني الزرك
يكوملي منبعيد اخيي بس يشم ريحت حرك

شصبر والكلب لحسين مشتاك
بطيت وموش متعوده عللفراك
اريد اتمدد وياه
طول بطول وانعاه
واشوف صواب اخيي اليوجعه منين
ــــــــــــــــــــــــــــــــــــــ
طلعت الماكبل طالع صوتهت وتنكط خجل
هاي اول مره تمشــي وموش وياهــا الاهل
عثــرة بعــون بدربهـا وشافته وكالت فشــل
شلون اضل يمك ييمه وخالك مكطع وصل

ظلام ومـا اشـوفك واعثـرت بيك
ييمه ابجي اعلى خالك مابجي عليك
خالك ها يلوليد
بس لاعنك بعيد
دلوني اعلى جثة خالكم وين

الشاعر رائد الناشي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده تقرء في اي وقت...


مّن اذكــــــر العلويه... بنار الخيم مچويه
بصدري أحس خيل اتدوس
وچـــن روحي المسبــــــيه
ــــــــــــــــــــــــــــــــــــــــــــــــــــــــ
احساسي من ألــــــزم قلـــــــم
تعاشــرني نشغات و ألــــــــــم
دخــــــان احس أبريتـــــــــــي
وبأيدي چــــــويات الخيــــــم

أتخــــــــــــيل الطف واليـــــل
وطفـــــــال ما بين الخيـــــــل
صيــــــوان يلهـب نيـــــــــران
ونســــــوان شوفوها الويــــل

عالتل اشوفن راكظه مهدومـة الحــيل
من كثر چويات الخيم بخطواته تميل

ركزت من گد الهول.. نيران وخيول تجول
واسمع بچـــــي لرقيـــــــــــه
وچن روحــــــــي المســــبيه
ــــــــــــــــــــــــــــــــــــــــــــــــــــــــ

ارسم الك سهــــــم وطــــفل
بگمـــــاطه من صابـه يــــفل
مذبوح جــــــــابه العــــمتـه
يا لــــــوعته الما تنحــــــمل

بالصفنه اشـــــوف أرقــــــيه
من سلبّـــــــو ترچــــــــــــيه
خـــــلاها وسفه الســــــلاب
تصـــــــرخ بـذن مــــــدميه

زغيرت ابوها امدللـــــه من بعد ابــــوها
ياوسفه غمــــان الـزلم هــــل عــــذبوها

اسمع ونين ويالريح..اطفال كل ساعه تصيح
ياعمه لحـــــگي اعليـــــــه
وچــــن روحي المسبيـــــه
ـــــــــــــــــــــــــــــــــــــــــــــــــــــــــ
الچانت أميره امـــــــدللــــه
جاها اللــــعين ابمشعلــــــه
عگبك يشيال اللـــــــــــــوه
حـــرگو خيمـــهه ابكربلـــه

دخــــان ثعـــــول للغيـــــم
واطفال هجـــــت بالهيــــم
وزينب تـــــدور عالضــــاع
يســـــاعده اللــــه عالضيم

فوگ الجره اهـــل الرده جابوها الحبال
شـدو ايديها ابفد حبل وي كل الاطفال

كل عيلتك چتفوها..بضرب وشتم مشوها
بان العضــــــــم بـــيديه
وچن روحي المســـــبيه
ــــــــــــــــــــــــــــــــــــــــــــــــــــــــــــ

گــــــــــادو ضعنه بـــــلا ولي
شگــــيت راسي بمـــــــحملي
اخلافك يـــــــــراعي المرجله
أم المصــــــــايب تنــــــــولي

ظليت أنا ابـــــــــــــلا روح
سلواي من بعــــــــدك نوح
غصبآ تـــره مو برضـــــاي
عالشاطي عفتك مطـروح

للشام رحت امــــــــــأسره وعفتك رميه
وفوگاهه چتالك يخويه ايـــــــسير بيه

ابلا هودج اختك عالنوگ...ماخوذه من عندي احگوك
لا دم خــــــذت لا ديــــــــه
وچـــــن روحـــي المسـبيه
ـــــــــــــــــــــــــــــــــــــــــــــــــــــــــــــ
تمت الحمدلله
بقلم خادم الزهراء ع
الشاعر والملا ياسر الزيادي١٤٤٢هـ



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الزهراء (ع) ودفن الامام الحسين (ع)
----------------

تنعه من المدينه حضرت الزهره
مامدفون ابنها اتشوفه عالغبره

من ذبحو ابنها وصبح العاشر
للطف حضرت ومكسورة الخاطر
مامدفون ابنها وعالصدر حافر
من ذيچ الخيول الداست بصدره

اثر لخيول كلها بصدره مطبوعه
وطاحنته طحن ومهشمه ضلوعه
الزهره شافته بس بالگلب لوعه
مامدفون باقي وحارت بأمره

تحچي وي الجسد وتهل دموع العين
حاچيني يبعد الروح يمه حسين
مامدفون جسمك يمه راسك وين
تحچي وي الجسم والموقف اشكبره

مامدفون ابنها وعالترب عاري
وتشاهد ابنها امچفن بذاري
يبني حـسـيـن نادت تلتهب نـاري
عليك بكل دمعها تنحب بعـبره

گامت تمشي گامت والگلب هايم
العريس الهواشم شافته ونايم
من دمه تشاهـد حنته القاسم
صبت كل دمعها بـلوعه وبحسره

گـامت تمشي گامت لچن تتعثر
مامدفون شافت جسمه الموذر
يشبه والدي ابني علي الاكبر
ليش اسيوف أميه اتگطعه واتوذره

ظلت تمشي ظلت والفكر محتار
فوگ اعله الوطيه شافت الانصار
تيبچي الزهره تبچي وبگلبها النار
وعيون الزچيه من البچي حمره

وصاحت وين ابني الكافل وحامي
فوگ اعله الشريعه شافته وضامي
مهشم راسه شافت والجسم دامي
فوگ السطره ضربت عينها بسطره

و دورت عن طفل ماعبر خمس اشهور
مابين الضحايه الزهـره بس اتدور
عبدالله تشوفـه بالسهم منحور
وبعين الفجيعه گامت اتنظره



الشاعر السيد رياض الرسل الجابري




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

روحي ... بنوحي ... أمك وجيت بدفنتك يبني
___
من مَـرقد الحَــسرات ... والصدر موجوع
جـــيت وجره بعيناي ... شَـلال الدمـــوع
أسأل علــــيك الـگاع ... والگلب مفـجوع
دليــــــني بابني وين ... مهــشوم الضلوع

روحي ... بنوحي ... أمك وجيت بدفنتك يبني
___
ولكــــربله من جـيت ... مكسوره ضــلعين
بالگـــوه ادور اعليك ... جسـمك وگع وين
بگبري وســمعت بأه ... من السمَه ونـــين
فوگ الرمـح مرفوع ... ظل راس الحسين

روحي ... بنوحي ... أمك وجيت بدفنتك يبني
__
روحي اعله گاع النوح ... شـاهِدَت وضعك
متــــــــگطع و يا ريت ... أگـــــدر أجمـعك
من نحــــــرك المذبوح ... تون يمّه اسمعك
روحي بركضــتي ليك ... عَـــثّرهه اصبعك

روحي ... بنوحي ... أمك وجيت بدفنتك يبني
__
تارِس ييمـــه الـــگاع ... بالدم أنـــُـــظرَك
ويه ابنك السجـــــاد ... حَضـَرِت گبــــرك
مرّه ابــچي مرّه بأيد ... أمـــسح ابنـحرَك
لو أجــــمع من الگاع ... كل عَظُم صـدرك

روحي ... بنوحي ... أمك وجيت بدفنتك يبني
__
بمنــــــظرك يا مـذبوح ... صـــابتني حــــيره
مــــــتوســـده ويـــّاك ... كل العَـــــشــــــيره
أمشي وأشيل ضـلوع ... امهـــشمه و كسيره
ما حاسبه يحســـــين ... تشِيـــلَك حَـــصيره

روحي ... بنوحي ... أمك وجيت بدفنتك يبني
__
و بــجـمر نار الروح ... ألـطم عله الـــراس
وبگلبي حــــزني زاد ... ما ظَــــــنّه ينقاس
رحت وشفت عالماي... جــــــــثّه بلا راس
أعرفته البلا چفــين ... هذه ابني عـــباس

روحي ... بنوحي ... أمك وجيت بدفنتك يبني
__
يا جــــرح ماله ضــــماد ... يالصعبه اشلّك
ارجعت وشفت يحسين ... مدفونه أهــلك
روحــــي ادفنت ويـــاه ... بهالحاله اگــلّك
عالصــــــدر من خلـيت ... عبد الله طفلك

روحي ... بنوحي ... أمك وجيت بدفنتك يبني

الشاعر حاتم صبري الكاظمي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747