مقدمه لدفن الاجساد الشريفه


ســـلام الله علــى رسمــك يابوأليمه
ســـلام الله علــى جسمــك يابوأليمه
****
ســـلام الله علــى جسمـك يبو الأكبــر
علــى الغبــره صريــع وبالدمّه أمعفـر
ثلث تيــام فـــوگ الغبــره ظـل بالحــر
يــا وسفه طريــح وعل الثـره امطبــر
سلام الله على أجــروحه ونــزف دمه
*
عــزيز الــزهـره انــته يجفنــك ذاري
جسـد خلّـوك لكــن عالــرمـل عــاري
لجّل الــدين كــل شــي انطيت للباري
يــا ســر الوجـــود الحيّــر أفـكــاري
سلام الله علــى سره الصعــب فهمه
*
عجيبه اشلون داست فــوگه خيالــه
وكتاب الله جسمـك گطعــو أوصــاله
جـــدك والـــزچيه نظــــروا لحــالـه
أمغسأأل بالــدمّــه ومسلّـبه أعيــاله
ســـلام الله عليها گــامـت أتشمّـــه

*

تشم جسمك أظنها وتجري دم العين
يا بويه تصيح شحاله شـوف حسين
يا جــرح اليضهدك يبني صاير وين
جرح عبدالله الأكبــر گطّعَـت الچفين
ســـلام الله عليـــك أتصيــح يـــايمّه

*
جسد وبلا راســـه شلــون يالغــالي
يـــريد أيشوف وجهـــك يبني دلّالي
يريت وياك كون امگطعـه أوصالي
ومثل حــالك يريت أتصير أحـوالي
سلام الله علـى ألي غيــرو رسمــّه
*
يبني اشلون دفــانــك حفـر لحـدك
أوسد يا جسـد والـراس ما عنـدك
يمّن جبريل جـان ايلولــي بمهـدك
ولا چنه محمد يــا الــولــد جـــدك
سلام الله على الي حارو أبجسمه
*
الشاعر
موسى البديري



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

آنه للدفنه ارجعت....وقعدتي يمهم حلت
ترد روحي...ترد روحي...يخواني

يخواني ارجعت حته انه ادفنكم
الدهر وبلي الدهر وشلون طشركم
جسد فوك الجسد ماأكدر احسبكم
تهت انه يخوتي من الم بيكم

والجسد من انهضه....عضام اشوف امرضرضه
ترد روحي...ترد روحي....يخواني

اخويه امحمد اني اقعدت قابلته
قلتله حسين خويه بلحد ودفنته
صعب ترسم احساس وانه صورته
بقه عاري يخويه اني من عفته

انضر الروس اخوتي....متت وانه بحسرتي
ترد روحي...ترد روحي...يخواني

بنات حسين قومن خل نودعنه
ابوجن راح ولله من مشه عنه
دمعجن هذه لحسين وانذرنه
بده صوت النحب ونه تجر ونه

خويه يحسين الجرح.....راسك وفوك الرمح
ترد روحي...ترد روحي....يخواني

يعمه خل نمر يم الشريعه
جفوفه عالنهر ولله قطيعه
فجيعه وماشفت انه فجيعه
مثل هيج المصاب ونو يشيعه

ليلي يمته وغفه بي.....كل ليله وانه انسبي
ترد روحي ....ترد روحي...يخواني

محطه واخر القعده يعبدلله
قبل ليموت هوه ايروح للجنه
رباب انتي دكولي اشلون ادفننه
ارتفع جن الصياح ومن حناجرنه

عمه عبدلله ارتوي.....انه اعليك التوي
ترد روحي ...ترد روحي...يخواني

الشاعر مسلم الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

https://youtu.be/3rIQttdo4eI
اشترك بالقناة 👆👆👆 وراسلني على المعرف @Abas747

للدفن
.
.
.

اشصاير بيكم .. يالمـنظـركم حـيل اذاني
اشصاير بيكم .. شو محد منكم حاچاني
ماتحچون اوياي
متـغـيرين اهواي
اشـصايـر بـيـكم

_______

من اجــيت انــه الدفنكم خانگــتني الــعبره
يهلــي عايـنـت الجــثثكــم تــارسات الغــبره
طاحت اعيوني اعله جثه ازغيره لكن حمره
اتقـربـت لــَنه الرضيـع السهم غـافي ابنحره

شلته ابأيدي .. ومن دم عـبد الله بچاني
شلته ابأيدي .. اشگد ناغـيته وماناغاني
جبت ابأيدي الماي
متغـيريــن اهـواي
اشـصايـــر بــيـكم

_______

بيمن ابـدي الدفن هـسه فكري حـيل اتحير
ساعه اگوم وسـاعه اطـيح وبالجـثث اتعثر
طيحه من طيحاتي لني فوگ اخويه الاكبر
شفت جسمه شلون شوفه عالتراب امطشر

من لميته .. لميـت اعيوني اويه اوصاله
من لميته .. چيـه شافـن نـص مـن دلاله
براسي ماضل راي
متغــيريـن اهـواي
اشـــصايـر بــيـكم

_______

بين اخوتي واگـف انحـب والدمع متلاطم
وچان ذيچ الساعه فكري من جثثهم هايم
شاب من ابعيـد اشوفه حـنـه بيــده ونايم
اتقــربت يمــه ولگيــته ابــن عمــي جاسم

من حاچيته .. مايگدر يحچي امگطعينه
من حاچيته .. غــافي وبالــدم امحــنينه
هملن هاي وهاي
متغـيرين اهواي
اشــصايـر بيـكم

_______

اتدوهنت مدري شسوي الفـكر مـدري وينه
لـن بطل عالشاطي اشـوفه امـبــتره چفينه
عمــي ابو فاضل عرفــته لكــن امـگطـعينه
گتــله لـَسـه امتانــياتـك عـَمــتي وســكينه

كلشي اتغير .. هـوه ومـيت يـرجف شـفته
كلشي اتغير .. ابهاي الحاله وعرگت جثـته
شاهدت ابعيناي
متغـيرين اهواي
اشـصايـر بـيـكم

_______

الأبـو مـن عـطره عرفتـه وطـحت رأساً يمه
ساعه اشمن صدره ساعه امن النـحر اشتمه
من كثر سحگ الخيول انعـجن لحـمه ابدمه
بلـكي يالوادم حصيـره وبيــها اَلمــن جسمه

جسم الوالد .. اوصاله امن الخـيل ابعيده
جسم الوالد .. لمــيته وضــل خنـصر ايده
اشبيكم يارجواي
متغــيرين اهـواي
اشـصــايـر بيـكم
_______
حيدر تركي الكربلائي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزله... لسان حال الامام السجاد ع لدفن جسد ابيه الحسين عليه السلام

مو بالگبر بالروح ادفن حبيبي
.........

جيت من درب السبي لازمني صبري
رايد ادفن والدي ودموعي تجري
والله بمصابه متت ونكسر ظهري
گبل گبره ينحفر ياريت گبري

ما يشفه جرحي يسيل. ميت طبيبي
مو بالگبر بالروح ادفن حبيبي
.........

والله كل خطوه اصيحن وا حُسيناه
بيدي لازم ظهري آه تصيح وي آه
ويلي ابوي حسين دامي شلون عفناه
مكسّره ظلوعه يويلي ما دفنّاه

كلما قربت عليـــه يكثر نحيبي
مو بالگبر بالروح ادفن حبيبي
.........

ويلي ويلي من وصلت الغاضريه
شفت ابويه حسين طايح عالوطيه
كسرت ضلوعه خيول الاعوجيه
منين ما شيلنّه يوگع منّ اديه

مو عجبه لو عالراس يغزيني شيبي
مو بالگبر بالروح ادفن حبيبي
.........

شلون الي روح وگلب گبره حفرته
بالحصيره لملمت جسمه وجمعته
انهدم حيلي احس لمّن حملته
جسم ابويه حسين بچفوفي شبگته

مو بس ابو ياناس خِلّ وصحيبي
مو بالگبر بالروح. ادفن حبيبي
.........

نحر ابوي حسين حاچاني سمعته
ادفن وياي الطفل مذبوح عفته
دوّريته بدمعتي ولحسين جبته
ويّه ابويه حسين خلّيته ودفنته

هلت التراب عليـــه عمري ونصيبي
مو بالگبر بالروح ادفن حبيبي
.........

صبراً علي السجاد صوت السموات
وحي الله صاح الصوت نبرة مواسات
روحي اطلعت ياناس لو باقي لحظات
اليدفن ابوه يرتاح لا والله هيهات

ياربي من دنياي قرّب مغيبي
مو بالگبر بالروح ادفن حبيبي

#سيد_زيد_الفحام
2020
________________

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

آه يازينب

عمه زينب سولفيلي
عذبي بمصابج دليلي
اتكله يالمهدي امن اخبرك @ يابوصالح خاف اجرحك
وكلها يازينب احجيلي
__________________________
اتكله من ناخت الهزله وللأسر ودوني
مهله ردت اودع اخوتي ورفضو ايمهلوني
امن الهظم طحت اعله طولي والكفر شافوني
اشوه لوطحت اعلى وجهي عالظهر طيحوني
ومن كمت انكث بديه
جي طحت واتراب بيه
هالفجيعه ماتسرك @ يابوصالح خاف اجرحك
كلها يازينب احجيلي
__________________________
زلم شكل الطوك اجولي وبالوصط خلوني
اتشمتو ذولاك بيه وذولي ليشتموني
والشمرصم إيده ذب اتراب وصط عيوني
ماكفاهم ذبح اخوتي انوب اجو يسبوني
يابوصالح بعدروحي
خاف ماتحمل جروحي
لومتت من ظيمي اعذرك @ يابوصالح خاف اجرحك
وكلها يازينب احجيلي
__________________________
امن ابتعد خطوه عليهم بالعصا ايضربوني
امن اسرع وياهم اخاف اطفالي مي لحكوني
ايتام كلمن وحده يصرخ زينب انتضروني
ومن اكلهم خل نتاني ابحيدر ايسبوني
حيدر انسب عالمنابر
واهلي خلصويوم عاشر
عظم المعبود اجرك@ يابوصالح خاف اجرحك
وكلها يازينب احجيلي
__________________________
كلها عمه وابوالباقر طمنيني اشلونه
اتكله من حرالمدامع جفنه اسود لونه
آنا عمته وماعرفني امولحات عيونه
لحم جفنه امغطي عينه امورمات جفونه
اهنا المهدي انهار حيله
الصاحب السجده الطويله
والعقيله اتكله صبرك @ يابوصالح خاف اجرحك
وكلها يازينب احجيلي
__________________________

عمه تمشي اعلى الاصابع جاسكينه اشبيها
اتكله من الشوك مدري امن الجمر جاويها
والشمريصرخ يكلها سرعي ويطك بيها
وخوله ظاعت عن ضعنه ابليل وين الكيها
والشمرصاح اتركوها
ميته حسبوها ويابوها
الشاف ظيمي عقله اشرك@يابوصالح خاف اجرحك
وكلها يازينب احجيلي
__________________________
بدل دمعه المهدي يبجي ادموم الله يعينه
من سمع كافر يريد ابمال يشري اسكينه
ومن حجتله عن رقيه اهنا لطم مهدينه
طفله شبكت موت شبكت عالنحر ووتينه
توها تبجي وسكت حسها
من صعد ما رد نفسها
مااخبرك لولا أمرك @يابوصالح خاف اجرحك
وكلها يازينب احجيلي
__________________________
الشاعر كرار محارب المالكي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

صلت من جلوس ابليلة الحادي
ضيم الشافته ع الناس ماسادي

اشگد ركضت شفتهه
عليل اوما عنته
صلت من جلوس ابليلة الحادي
------------------------------------------------
من گعده صلت عمْتي لجدام ماشالنهه
فرض الشفع صلت الم بالوتر اسمع ونهه

من جلوس اتصلي حگهه عمتي اهواي اتعبت
هوه ركض الخيل يرحم وبجمر خيمه انجوت
انه بعيوني شفته اشلون ركضت وعثرت
اشلون من محتاره ضلت وبهضمهه اتكدرت

حگهه من جلوس اتصلي متعوبه
اهوايه اعله المتن بصياط مضروبه

انه الشاهدتهه
عليل اوما عنتهه
صلت من جلوس ابليلة الحادي
--------------------------------------------------
اصعب مواقف ع الاهل ليل اهدعش ولعاشر
بيهه شفت انه العجب وشفت الابد ماصاير

نار شبت بالمخيم وصوت الاطفال اعتله
وشفت عماتي اوخواتي ركضن ابطف كربله
موقف ام عون الكتلني الجان اسمهه امدلّه
حارت اتطفي نفسهه لو تلم بالعايله

اعيوني اعليهه تربي اوكبرت الحيره
مو مالت سبي عمتي مره اجبيره

محتاره انضرتهه
عليل اما عنتهه
صلت من جلوس ابليلة الحادي
-------------------------------------------------------
لو شايف الشفته اضن الجبل يهدل متنه
الطيحت اعيوني امن البجي ابنص الغرب عمتنه

اهون الحافر يضكني اولا اشوفن تنجتف
كلشي ينبض رف عليهه اوگلب حاديهه صلف
صيت اهلنه وشرف هاشم يا أمرهه اشگد كلف
الخيمت العباس اعاين ونزف العبره نزف

وزعت كل نضرهه اتدور الكافل
بح صوت العقيله يا ابو فاضل

انه الي اسمعتهه
عليل اوما عنتهه
صلت من جلوس ابليلة الحادي
--------------------------------------------------
رت انخه فطرس ع الجره يسندني وطلع ليهه
يفهم ابعلت المنكسر ويعرف كسرتي اشبيهه

ولله يافطرس اگله علتك اجناح اوكسر
وانه علتي ابعيني اشوفن عمتي يضربهه الشمر
الجرح احساسي اودليلي فزعه جانت تنتضر
بس جسد بالخيمه باقي اوگلبي يم ام الخدر

اشگد شتموو علي لمن يضربوهه
حشمت ياهلي بس تالي ماجوهه

كون افرع وقتهه
عليل اوماعنتهه
صلت من جلوس ابليلة الحادي
-----------------------------------------------------
العفه كلهه والشرف طلعت ابذيج الهيمه
ناموس اهلنه امتربه محروگه بيهه الخيمه

شعلوو النار ابخيمهه اوطلعت اربات الطهر
حافيه اومذعوره تركض وبشمس ذاك الضهر
بالعبايه النار وجت صار دوس اعله الجمر
وانه اگل للنار برداً وسلاماً ع الخدر

كلهن يمي صارن وانه اتحسر
ماخذني المرض للفزعه مااگدر

امگابل گابلتهه
عليل اوما عنتهه
صلت من جلوس ابليلة الحادي
--------------------------------------------------
ماتگضي اهات الخدر وعاشت الليله المره
بس للسبي باجر درب لازم تشوفه الحره

صعب ليل الحادي لاكن ستر صاير للعبي
باجر النوگ ابضوه الله امحمله ابدرب السبي
زينب ابهزله ايحدوهه وليرافگ اجنبي
من بعد فيي الكفاله بيهه يحدي الناصبي

باجر بالسبي اشگد راح تتغير
اشگد تسمع حجي اشگد راح تتعثر

ياعمه صحتهه
عليل اوما عنتهه
صلت من جلوس ابليلة الحادي
--------------------------------------------------
علي سليم الحسناوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

اعزاز كلبي فاركوني // والدمع جرح جفوني
*****
ودعتهم والكلب فرفح وراهم
اهلي ذوله وماكو بالدنيه بغلاهم
الموت مدري اشلون غافاني وخذاهم
جيت اقبل اترابهم وشتم هواهم
بعد ما ظنهم يجوني // والدمع جرح جفوني
*****
والله حيره اتحيرت هاي المسيه
اشلون ابوي حسين ادفننه بديه
الما يمر عالبال بالطف مر عليه
وبعده دخان الخيم ليهسه بيه
احبابي بالطف ودعوني // والدمع جرح جفوني
****
انه زين العابدين وجرح ملجوم
وكربله ما خلت بحالي أمل دوم
شفت ابو فاضل صريع وراسه مهشوم
وشفت ابو اشلون بالطف سحكته الكوم
افراكهم خيب اضنوني // والدمع جرح جفوني
*******

الكربله اتعنيت وتوجه عله الآه
وكمت كل مصرع اشوفه اتمدد وياه
التارك بروحك مشاعر صعبه تنساه
الخاطر بعمره الحياتك وين تلكاه
ليش ولياني جفوني // والدع جرح جفوني
********
ليش عود اشموع عمري كامت اتذوب
وتلتم الحسبات ضلت وكت الغروب
هذا امر الله تره وعليه مكتوب
انه لجل اعيونهم فريت الدروب
حيره والله حيروني // والدمع جرح جفوني
****
راح ارد الزينب بدمع الهظيمه
وراح ابجي كل يتيم وكل يتيمه
راح اكلها حانت الساعه الأليمه
ادفنت وليانج ويمها النوح اجيمه
وعمه اكلها صوبوني // والدمع جرح جفوني
****
تمت
تحسين الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

امهلني لحضه ارجوك يادفاني
خلص عمري وما گضيت احزاني
خلني انعى اعله الحسين. قبل لا تغمضلي عين
امهلني لحضه ارجوك يادفاني

ـــــــــــــــــــــــــــــــــــــــــــــــــــــــــــــــ،
احسين ويه انفاسي اشمه احسين عاش ابريتي
وهوه عدل كلش بيّه أدخل ابتربيتي
الناس ماتعرفني قبله صيته كبر صيتي
وحلمي هسه اوصل ضريحه حققولي أمنيتي

شاعر و رادود ألـه سـواني
ومنبره حسين وعلي الرباني
ومــــاروحن للگبر. الا. اســــلم عالگمر
امهلني لحضه ارجوك يادفاني
ـــــــــــــــــــــــــــــــــــــــــــــــــــــــــــــــ

خلوا تابوتي يمره ابحضرت الغالي يدور
وأرد أون يمَه واسمعه من لنعي اليشفي الصدور
بعد عندي وياه سوالف ماگضن عن الخدور
وانا مطلوب أله دمعة ولحبيبي شگد نذور

كلبي يلهب والجمر جواني
وهالحزن، ياناسي ماكفاني
لازم اوصل گبته. ودمعي يجري بحضرته
امهلني لحضه ارجوك يادفاني
ـــــــــــــــــــــــــــــــــــــــــــــــــــــــــــــــ

ورد اسولفله اعله زينب وأذكر وياه الخدر
اخته مثل امه الزجيه هجموا اعليها الكفر
شبت النار بخيمها وركضت الصوب النهر
ولتوه منها جدمهه وعثرت بجف الگمر

تگــله ياجف منظرك آذاني
وين اخوي وكافلي الجاباني
بدمعي انقله الخبر اشگد بچت من الشمر.
امهلني لحضه ارجوك يادفاني
ـــــــــــــــــــــــــــــــــــــــــــــــــــــــــــــــ
زينب اتوصي ابرقيه عمه كفي گباله دمعج
و لو أجه ذباح ابوج لا تونين ويسمعچ
عمه ماعنده حميه يجسر اعليج ويذيحچ
وكلبي مايحمل رقيه ويه الحسين انه اودعج

شوفي حالي شسوه بيّه زماني
ومنهو اليه والكمر عافاني
ورح اذكرله جرح. أشد من حر الرمح
امهلني لحضه ارجوك يادفاني
ـــــــــــــــــــــــــــــــــــــــــــــــــــــــــــــــ
راح أگله احسين اختك ضلت ابنص الزلم
والحده بنوگ شامت يكره الراعي العلم
عمدن أيطرها المعاره حتى زينب تنهضم
من تشوف الرايه حمره تحنت ابدم الشهم

ورد أگله الموت ماهماني
لان اعرف بيك ماتنساني
لكن بگلبي ألم. ابچي منه ومنهضم
امهلني لحضه ارجوك يادفاني
ـــــــــــــــــــــــــــــــــــــــــــــــــــــــــــــــ
ليش انت اتموت عاري وانه مالفوف بچفن
وانت عينك عالسبايه عيوني بين اهلي غفن
احسين مو انه حبيبك تقاسم وياي المحن
وخلي تابوتي حصيره وعطل اعليّه الدفن

كون كلشي البيك هم يلفاني
ومثلك افگد كل هلي وخواني
يهلي خلوني غريب. حتى احسن بالحبيب
امهلني لحضه ارجوك يادفاني
ـــــــــــــــــــــــــــــــــــــــــــــــــــــــــــــــ
خادم الزهراء ع ابو احمد الطائي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فرت يخويه من الخيم كل النســــاوين
ونتم يويلي عله الثرى كـــلكم مطاعين
طايح يخي وين .........يبن امي يحسين
*****************
دورتك ابين الجثث خويه ارد احاجيك
اشتكيلك عالجرالي وحرك ايدي اراويك
مدد لكيتك عالرمل عــا لگـــومه مابيك
هم عطش هم حر ورمل محترگه رجليك

جيتك وهمي اشتكي وتغير الـــــراي
اسمـــع ثنايك اتحجي ياجدي المـاي

والگلب نصيـــــن ...........يبن امي يحسين
*****************
فَزعت اسهام اعله الگمر فزعو علينـــــه
من كثر نيران الخيم حترگت عبيـــــــنه
مرعوبه اجيتك راكضه ردت اتحميــــنه
چم مره اگوم وانهطر چا ماتجينــــــــه

هامت ايتامك بالفله أكبار وزغــــــــار
ورقيـه تصــرخ راكضه بذيالهه الـــنار

أنطي الوجه وين........... يبن امي يحسين
*****************
بس العليل و بالمرض آهــــــاته تسري
حاير يلوج بعلته زيـــــد عليه قهـــري
من كثر مااركض صبح كالقوس ضهري
ساعه اطفي ساعه اجمع والاهم خـدري

حرت اطفي النار لو اجمعلك اعيال
و لجمر حركَ اديه وحالي امر حال

صحتك يالحنين........... يبن امي يحسين
*****************
بطيحتك ياخويه ضعت وضيعني عباس
راح كلشي وبــــحرگتي الطمت عالراس
وحدي بنص الاعادي وذولـــــــه انجاس
عرگه ماكو بكل گصصهم ولاكو احساس

ألنذل عگبك يخويه سبني وهضمــــــني
حرمه شافاني والــــــــوحدي مارحمـني

چتفلي الايـــــدين........يبن امي يحسين
*****************
من اميره تالي هزله وغربــــــــه تحدي
سياطهم هدت امتوني وسطر خـــــدي
بــــــلايه هودج ركبوني شرد اعـــــدي
اعد وحده ثنين خويه هـــواي عنـــدي

وانته يالكافل وسف عالغبره طايح
حشميتك خويه خدري لغربه رايح

بس الله المعين...........يبن امي يحسين
**********

تمت والحمد لله
بقلم خادم الزهراء عليهاالسلام
الشاعر والملا ياسر الزيادي 1442ه


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

عن لسان حال الامام زين العابدين حين دفن جسد والده الامام الحسين عليه السلام :

* * * * * *

هاي روحي الكطعوها وصله وصله ولملمتها
هاي روحي صدعّت دلالي من بيدي أدفنتها
وهوه ياهو الشاف روحه وسمع ونها
وهوه ياهو أمن البشر روحه دفنها
هاي روحي هاي روحي

* * * * * *

عالحُسين ..
أتسابكت حسرات صدري والدمع يرشح دمع
عالحُسين ..
الظلع لومايحني روحه أبد مايصبح ظلـــــع

كل حياتي ..
روحي تتنفس وجوده الملأ أنفاسي كل حياتي
كل حياتي ..
لاتدك كافي يكلبي ! أستلذ بعــــده بمماتي

والله كل حسره أحسها جالخناجر تشك صدري
الفاكد أخيار الغوالي بنزف كلبي وحالي يدري

أشما نحت مايشفه كلبي
وأبقى أنوحن كل حياتي

كل حياتي
يجري لاماينكطع مجرى دموعي
كل حياتي
تبقى لاماتنعدل حنيـــة ظلوعي

وهوه ياهو كبلي روحه أتبره منها
وهوه ياهو أمن البشر روحه دفنها
هاي روحي هاي روحي

* * * * * *

أمن الدموع ..
اللي تجري على خدودي دموعي بدموعي غرك
أمن الدموع ..
التجري عالوجنات تغلي خدي أحسنه أحترك

حسين روحي ..
موفقط بس وآلي أمري وبس أبوي حسين روحي
حسين روحي ..
وبعده بس لحدي أظنه يكدر أيلايم جروحي

جروح البجسمه شفتها بيها ظل منشغل بالـي
شغلت أفكاري وخيالي وبعده حال الظيم حالي

شنهي حالي وشنهي بالي
ألف فدوه حسين روحي

خل يكولو
المادروا بيه أشفت لمن دفنته
خل يكولو
شكد علي السجاد تتجاره دمعته

وهوه ياهو الدفن روحه ورحل عنها
وهوه ياهو أمن البشر روحه دفنها
هاي روحي هاي روحي

* * * * * *

بالطفوف ..
أمن أدفنت جسم الحُسين أدفنت روحي بالكبر
بالطفوف ..
جني أشوفه كعد يبجي وينشغ الحالي الصبر

شاب راسي ..
شاب مو وكت المشيب أمن المصايب شاب راسي
شاب راسي ..
ماكو بيه أمجان سالم من أشيله أعز ناسي

أشهالمصيبه امكطعينه امسلبينه أمرضرضينــه
هيجي تالي يصير بيه الغالي أبو الروح الحنينــه

آنه لوسامـع مصابه
وبس حجولي شاب راسي

شاب راسي
واشهكت شهكه أشكبرها من حظنته
شاب راسي
راسه ماهو وبس جسم لمن دفنتـه

وهوه ياهو كبلي كض روحه وحظنها
وهوه ياهو أمن البشر روحــــه دفنها
هاي روحي هاي روحي

* * * * * *

أشكد عذاب ..
علّي يدفن روحه بيده صعبه لحظات الدفن
أشكد عذاب ..
العين من تكصد أجلها وتمشي وتعوف الجفن

ياعيوني ..
كطّعوا روحي الحنينه بالطفوف أو مرمروني
ياعيوني ..
ماشبعتن شوف منهــا ياحسافــــــه ياعيوني

هذا روحي هذا عمري وكل حياتي وكل وجودي
عودي شح الماي عنـه في رحيلـــه وذبل عودي

شلون شفتنه ذبيـــح
وماعميتن ياعيونـي

ياعيوني
نبي وأبيضت عيونه مــو مثلجن
ياعيوني
بكفه صبر الكون وبكفه صبرجن

وهوه ياهو أدموعه روحه غسلنها
وهوه ياهو أمن البشر روحه دفنها
هاي روحي هاي روحي

* * * * * *

الشاعر سلام المشعل



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

https://youtu.be/Mg_PYvbtCoU

اضغط لايك للفيديو

توجد مكتوبه المراسلة على المعرف
@Abas747

ياعمه اخبرچ رديت. واريت الأجساد وجيت
جبت الكم وياي تراب. بيه ريحه من الاحباب

من الدفن هسه رجعت ياعمه هاي الجيه
واريت ابو وكل هلي. بچفوفي قبل شويه
شحچيلچ يطول الشرح. ياعمه صعبه عليه
ياجسد أوصله اختنگ. والموت ماخذ ضيه
يم والدي راح الحيل. وبجسمه شمسويه الخيل
وبكل كتر عنده اصواب. بيه ريحه من الأحباب

ضليت اجمع باالجسد. . وباريه لميته
وقبلت چفه وللأسف. ماهوه إصبعه الگيته
وعبدالله ساعات الدفن. فوگ الصدر خليته
وحسين من حس باالطفل ضماه عليه حسيته
وتشابگ وياه اشباگ. لعبدالله كلش مشتاگ
جرح الرضيع الماطاب. بيه ريحه من الأحباب

هذا التراب من الگبر. ياعمه الچ هل جبته
جبته انه من ذاك الاخو. المكسور گلبه عله اخته
روحچ الماخذها الألم. بلكت ترد بشمته
لوما يضل بالچ علي. چا لحظه مافارگته
اتمنيت اضل باالطف غاد. اتواره يم الاجساد
كل اهلي صارو غياب. بيه ريحه من الأحباب

لو تسأليني اعله الگمر. دفنته اعله المسنايه
ومن شلت چفه المنگطع. ضم چفي حيل هوايه
عنده وصيه يجوز الچ. لو ضنه هاذي الرايه
ذاك الجسد يامنظره. بچت الفرات ومايه
متأثر الگيته هواي. چي مارجعلچ باالماي
لمن رماه النشاب. بيه ريحه من الأحباب

كل گبر من عنده جبت. تراب ومصاب اونه
وخليها ام جاسم تجي. بهذا الرمل تتحنه
وين ام علي الأكبربعد. تشتم عطور الجنه
من عفت ابنها باالگبر. بس ودي ماعوفنه
فراگ الاخو يهد الحيل. ويحرمك تنام اليل
مثل الگمر ذاك الشاب. بيه ريحه من الأحباب

الشاعر سعدالعبودي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يا حبل دربي ( نزلة لزينب في طريق الشام)
~.~.~.~.~.~.~.
لخادم اهل البيت (ع)
حسام الناصري

يا حَـبِـل دَربي عَـذّبِـت كَـلـبي لــــو يـدري عـبّـــــاس
* * *
كـافي يا حَـبـل الـسـبـايـه وعلى هـــونــك بـيـدي
كِـثُـر ما تِـلـتَـف عـلـيـها انـجـرَح حتّـه وريــدي
حَـسّـبـتـني بـلايه كـافـل وأمـشـي آنه وحـيـــدي
والله لو بس اندب اسمه يكّـلّي هــا شـتـريــدي
يالـصِـرِت حَـربي عَـذّبِـت كَـلـبي لــــو يـدري عـبّـــاس
* * *
لـيـش خـاويـت الـسـيـاط ولـيـــش عـذّبـتــوني
انته الـمكَـيّـــد اديّـــه وهــوّه فــوكَـ مـتــــوني
مـادريـتـو زيـنـب آنه والـمـصـــايــــب دوني
آنه بس عالـرّوس ذنّـي يـجـري دمـع عـيــوني
وعـيـني بس تـربي عَـذّبِـت كَـلـبي لــــو يـدري عـبّـــاس
* * *
بـخـدري لــو أمـشـي سِـبـيّه مـا أدنّـكَـ راسـي
وأفـتِـخِـر بحـسـين امـامي وكافِـلي عـبّــــاسي
بس حـسـافه الدنـيه هـايـه خَـلّـتَـك حــــرّاسي
أمـشـي وأيـتـام وثِـكــاله صارت أهـلي ونـاسي
وأشـتِـكي لـرَبّي عَـذّبِـت كَـلـبي لــــو يـدري عـبّـــاس
* * *
آنه أتـحـمّـل وأكـــابِـر كَـلبي خافي ونـيـنَه
بس اشوفك خَـشِـن طبعك حـيـل تِـقـسي بِـيـنَه
والورِد طـبـعَـه التـرافـه وتَـرفَـه إيــد اسـكـيـنَه
وخولة تصرخ وي رقـيّـه عَـمّـة عَـمّـة ايـديـنَه
والورِد مَـسْـبـي عَـذّبِـت كَـلـبي لــــو يـدري عـبّـــاس
* * *
والله لـو يـدري الكِـفَـلـني وتِـلـتِـفِـت نـظـراتَـه
جان ما ظـلّـيـت بـيـدي وتِـهْـزِمَـك خَـزراتَــه
حـتّـه لـوعـالـرمح راسه بـس غَـيــورة ذاتَـه
حـتّـه لـو مَـصيـوبه عـيـنه دَمْ تِـهِـل دمـعـاتَـه
ويـحِـس بْـتَـعـبي عَـذّبِـت كَـلـبي لــــو يـدري عـبّـــاس
* * *
أكَـدر أنـدهـله وأنـدبـه وخَـلْ يـذلّـك هُـــــوّه
لـجـن ماريــدن ألِـجـمَه ويـنـجِــرح بالـنـخـوه
راح أكـمـل ويــاك دربي وما أسَـمـعَـه الشَـكــوه
شـمـا تِـعَـذّب بـعـد اكـثـر صبـري اكـثـر يـقـــوه
والصبر حسبي عَـذّبِـت كَـلـبي لــــو يـدري عـبّـــاس
* * ***

الشاعر حسام الناصري

ونسألكم الدعاء


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بين الخيام شكد صحت دخيلك
شوفتك ماي بس عطش رحيلك
--------
سكتة وسولفت نضراتي وياك
يل حتة شمسنة تغازل لواك
رايح للنهر والموت يتناك
بطعم الماي واكثر عندي طرواك

رايح بعيد وسكنة تندعيلك
شوفتك ماي بس عطش رحيلك
-------
يالوجهك نلقبة بسمة حسين
علة درب الشريعة انشبحت العين
سمعت الموت يركض ياخذ الزين
من عدها وبقيت اصفك ب الايدين

رايد تروح وابقة اشتكيلك
شوفتك ماي بس عطش رحيلك
--------
مو واحد اعيوني تشوفك هواي
ياماي التجيبة وضحكتك ماي
انسة الدنيا لمن تكعد وياي
اختك ودعتها وفكدت الراي

تدري بالكون مايصح مثيلك
شوفتك ماي بس عطش رحيلك
--------
بوجه حسين اقرة كل الاخبار
اذا شفتة تغير اشتعل نار
لزم ضهرة وصحتلة سولف شصار
ماكلي وركض للشاطي محتار

بخوف حسيت وصعبة اعتنيلك
شوفتك ماي بس عطش رحيلك
--------
رجع دم اعلة جفة ويلطم الراس
صاح ابجي يزينب راح عباس
اخيج مات يعني مات الاحساس
حكها اليوم من تضيك الانفاس

صعبة يلكون بالكلب بديلك
شوفتك ماي بس عطش رحيلك
--------
بعيدة المشرعة وماضل بعد حيل
بسيف المو عطر ذبحوك ياهيل
بعد ساعة لخيمنة توصل الخيل
بدخان وحرك استقبل الليل

شفت الرماد وفكرت اجيلك
شوفتك ماي بس عطش رحيلك
--------
الشاعر / سيد معتز الحسيني



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

بسمه تعالى
585- بعد مقتل الحسين ع..جديد ٢٠١٩
||||||||||||||||||||||||||||||||||||||||||||||||||||||||||||||||
ناده زين العابدين
عالرمح راس الحُسين
عمّة فُرّن بالفلاة
راس اخوج اعله القناة
|||||||||||||||||||||||||||||||||||||||||||||||||||||||||||||||
شالت اطراف المُخيّم و العليل ايشاهد
عمّة راس حسين شفته و عالرمح متواجِد
و هذا جيش الناصبيّة و للمُخيّم كَاصِد
عمّة شنهو الراي كَلّي يا ذخرنه الساجِد
نشدِته بجاري الدموع
جمرة تطحن بالضلوع
تدري بينه امخدّرات....1
||||||||||||||||||||||||||||||||||||||||||||||||||||||||||||||||
عمّة صاح و دمعه سايل هالوضع يرضيمَن
راسه مرفوع بقناته بيا ذنب و اعليمَن
فُرّن بهاي البراري و يالفواطم هِيمَن
لو كَضت ساعة سلِبهُم للمآتم قيمَن
لو كشف وجهه الرماد
نصبن اعليهم حداد
جِمعي يا عمّة البنات....2
|||||||||||||||||||||||||||||||||||||||||||||||||||||||||||||||
اتحيّرت عمتة العقيلة بلَمّ شَتات العيلة
تستمع شكوة مقالة لو ترد تشكيله
راعَت اثمانين طفلة لو طفل تبجيله
اتعاين الصوب الشريعة و الدمع تجريله
وينه كفّال الضعون
طاحت بدربه العيون
من يِلِمّ هذا الشَتات....3
|||||||||||||||||||||||||||||||||||||||||||||||||||||||||||||||
اجتمعت اعليهه الفواطم بالدموع اتعاتب
حذرة عين الهاشمية و للطريق اتراقب
ما حضر كافل ضعنهه عن سماهِن غايب
سلّمّت زينب أمرهه للقدَر و شكاتب
صابِرة و صبرج جميل
للحرم صرتي الكفيل
من وكَع قرب الفرات....4
||||||||||||||||||||||||||||||||||||||||||||||||||||||||||||||||
حركَوا اعليهه المُخيّم و اللهب باكتاره
تشتعل نار بكَلبهه و من يِخمّد ناره
خويه ابو السجاد وينك و اصبَحِت محتارة
سلّبوا سِكنة و رُقيّة و السحِكَ و اخباره
داست بظهر اليتيم
روحي يم راسك تِهيم
بيهه شهكَات الممات....5
%%%%%%%%%%%%%%%%%%%
سيد حيدر العوادي
بابل الشوملي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

الى رقية بنت الحسين



طفله بطشت فجعوها
بالخوف روعوها
جابوه راس أبوها
بس شافته مكطوع

*********************

كالتله بويه شلونك ذبلانه بويه عيونك
جا شو تغير لونك وعيونك مغمضات

يابويه يتراوالي
راسك وتوه كبالي
انت الكلت تعالي
جيتك أهل ادموع
**********************
توك خذتني بايدك وكتلك يبويه أريدك
سالم شفت وريدك شو هسه كله ادموم

يابويه ينزف نحرك
ذبلان كلش ثغرك
جا ما درو أنتظرك
لو صوتي مامسموع
*********************
راووني راس الغالي وتغيرت احوالي
يالجنت يمي تلالي مذبوح هسه كبالي

الدنيا صارت تابوت
حقي اعله راسك لو موت
أبصفك اغفى بلاصوت
اغفى مثل الشموع
*********************
يابويه عذبوني واعله الجمر مشوني
وبمنظرك فجعوني غافي ينور عيوني
يابويه جنت انتظرك
تحظر واشمن عطرك
وافرح يضمني صدرك
شو لاصدر وضلوع
********************
جابوك بويه رأس ومكطعات الأنفاس
يادنيا من الإحساس ليش النفس محبوس

يالعيشتني بروحك
ضليت اعيش بنوحك
أه ياكبرها جروحك
بعدك بقيت الوع
********************

الشاعر محمد دعبل النوري



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

بالتراب ادفن الموته اجيت
بس ابويّ اتلمست صدره وبچيت
ــــــــــــــــــــــــــــــــــــــــــــــ
آه ياكسر الابو المحّد يجبره
گبره موبالگاع كون ابگلبي احفره
امن الحوافر صدره مطبوگ اعله ظهره
والرمل حار واخاف ايأذّي نحره

للجميع اگبور بالهيمه بنيت
بس ابويّ اتلمست صدره وبچيت
ــــــــــــــــــــــــــــــــــــــــــــــ
گلبي ماينطيني اهل فوگه الترايب
چنت شاب ودفنته سوّتني شايب
ابكثر ما مشتاگ اذّتني المصايب
الله يرحم كلمن امفارگ حبايب

موعليل اتمرّضت من فارگيت
بس ابويّ اتلمست صدره وبچيت
ــــــــــــــــــــــــــــــــــــــــــــــ
ياسهم يا نبله اطلعهن بديّه
شرد اجاوبهه اذا تسأل رقيّه
والطفل فاتح اگماطه اشگد خطيّه
موّتوني وصلّت الدمعه عليّه

عالخيام اتوجهت واشگد نعيت
بس ابويّ اتلمست صدره وبچيت
ــــــــــــــــــــــــــــــــــــــــــــــ
ابو الروح الترفه والرقّه الچبيره
تالي ماتالي يشيلونه ابحصيره
لا اهل لا فزعو الدفنه عشيره
عله زينب لو عله العباس اديره

استقبلت قبلة الخيمه ونويت
بس ابويّ اتلمست صدره وبچيت
ــــــــــــــــــــــــــــــــــــــــــــــ
شلته للحفره واحس اكوان شايل
وانه جســمي امن المرض ياناس ناحل
موجسد تاريخ ابوي امن المراجل
راس ماعنده وسهم يم ظهره واصل

وعالرضيع حنية الزهره انحنيت
بس ابويّ اتلمست صدره وبچيت
ــــــــــــــــــــــــــــــــــــــــــــــ
امن التراب اموذّر ابچفي واجمعه
هذا چبده وذاك يم الخوذه اصبعه
گمت اسولف والنحر يشهگ اسمعه
گمت اسولفله اعله زينب دمعه دمعه

اشگد جروح ابكربله تنزف لگيت
بس ابويّ اتلمست صدره وبچيت


محمد الجماسي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

قرآن اشوف اعله الرمح رمح الرزايه
أيآته راحت عالهزل بالهم سبايه
بأحزان طفهن ينقرن ..بحبال خشنه اتجتّفن
ــــــــــــــ
من مصدر الطف ينبعث .. وحي المشاعر والحزن .. دمعه ومصيبه
قرآن ضل يكَطر سور .. منحور حيّر هل دهر .. صوره رهيبه
آيات عالهزّل مشت ...بنور القداسه اتكَبّعت .. من الله هيبه
وعيونه لآياته تصد ... ضل يقره آيات الحمد .. ها يالسليبه
جبريل بجناحه خفكَ غطّه الضعينه
وأتجدد ابطف كربله جرح المدينه
آل الرساله اتروّعن ..بحبال خشنه اتجتّفن
ــــــــــــــ
كل آيه من فوكَ الهزل .. من تنظرب دمعه تهل ..وتصد فخرهه
بيهن تشوف البسمله ... وتنوح يمهن كربله .. بطيحت كَمرهه
اذا الجبال سُيّرت ... والشمس حين اتكوّرت ... اصبح ذكرهه
وسورة رضيعه اعله الرمح ... من تنظره اتشوف الصبح ..هل آيه سرهه
بأي ذنباً قتلت اصل الشريعه
معناهه يا ذنب انقتل بالطف رضيعه
وعليه عمّاته بجن ..بحبال خشنه اتجتّفن
ــــــــــــــ
كَبله نبي يحيى لجن ... ماعنده نسوه اتسلّبن .. والفارق اعظم
احسين بمصابه السمه ...طبّرت حزن المأتمه ... وصار المطر دم
واحسين شمس الله التشع ...لو ما بجه الزينب دمع ... ضل مذنب آدم
جي ضاميه اعيال النبي ... وللشام راحت تنسبي .. وحركَ المخيّم
الكوثر زعل عل علكَمي جي شح عليهم
وأستاذن الباري بأمل يتعنّه ليهم
شيصير لو بالهم شكن ..بحبال خشنه اتجتّفن
ــــــــــــــ
كل المعاجز نوّخن ... يم منحر احسين وبجن ...حيّرهن امره
آية السجده بهل سبي ... سجدة على اطراف العبي ...بس بيهه جمره
من كَعده صلّت بت علي ... والحور تهوه وتعتلي ... تسمعهه تقره
من مثلي يتحمل حزن ...بي كل عكَل حتما يجن .. جي صعب سرّه
كل انبياء الله بقت محتاره بيّه
شلون امرأه بطف وسبي تحمل رزيه
وعقول كثره اتحيّرن ..بحبال خشنه اتجتّفن
ــــــــــــــ
ينزل على حسين الوحي .. يتبرّك وياخذ ضوه .. من دم جبينه
وفطرس تذكّر من نزل .. يم المهد حين الهوه .. بروحه الحزينه
مكسور جنحه ومن شفه ..للسمه بجنحينه لفه ..وتشهد سنينه
ومن سمع بحسين انذبح .. بطول السمه كَلبه انجرح .. زايد ونينه
جن صوته يندب فدوه الك عمري وحياتي
يا مصدر ادموعي التهل بسمك نجاتي
دمعاتي الك اغلى ثمن ... بحبال خشنه اتجتّفن
ـــــــــــــــ
الشاعر محمد حسن ضيغم



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

لسان حال مولاي زين العابدين عليه السلام

روحي كعبة الم. بيها نار الخيم
طاف بيها السهم بالغاضريه
****
زين الإعباد وشفت بالطف مصايب
منها گلبي من الالم ياناس شايب
شفت كل اللي جره شفت العجايب
والدي وحده بقه ابين الكتايب
عمي فوك النهر. وسفه طاح الگمر
لسه تارك اثر. فوگ الوطيه
****
والدي حين الدفن راواني حيره
لانحر لا خنصر وهاي الچبيره
وذره وذره لملمت جسمه بحصيره
من النحر اسمع نده زينب اسيره
جان جرحه عطش. بصحره جسمه انفرش
ويلي ليل اهدعش. زينب سبيه
****
اه يابويه صحت مكسور صدرك
الحافر مسوي حفيره لحد ظهرك
اه يابن فاطمه حيرني امرك
شلون اوسدك بويه عالتربان نحرك
ويلي بويه الدفن عَمّه حته الجفن
عمري كضيته اون. كله اذيه
****
روحي فتاها المرض والهم لفاني
مصاب ابويه ياخلگ والله عماني
حيرتي ماكو مثلها يازماني
عمري كضيته بجي ومنها اعاني
مصاب زينب صعب. تمشي وي الغرب
لديره صعبه تطب. بت الزچيه
****
وي الضعن لمن رحت فوك الهزايل
شسوت بحالي شفت ذيچ السلاسل
عمتي تكسر خاطري من دون كافل
واني اصيحن ماتجي ها يابو فاضل
صحت وينك يعم. كوم شوف الحرم
بصحره ماكو خيم. هاي المسيه
****
بالخرايب نمنه وسفه وصعبه جانت
لا سكف لا باب بيها الحرم خافت
طفله من بين الضعن يابويه تاهت
واختي رقيه عالطشت ياوسفه ماتت
طفله ماتت قهر. بيها لوعه وسهر
گلبي بويه انفطر. عله اختي رقيه
*****
تمت ولله الحمد / المقصر مع الحسين

الشاعر علي النائلي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw