شور... او نزال... للقاسم


نزااااال...للقاسم...ع...٨محرم

سيفــــه عيده//يحلــــــه بيــــده
هــــــذا تربات الحسن
القــاده جــــرها//بچـــف صطرها
گطّع أچفــــوف ولسّـن
نازل ابهيئة علي.....نازل ابهيئة علي
~~~~~~~~~~~~
من دخل سوح الحرايب.رجفت اصفوف وكتايب
بصولته شهدوا عجايب
شافوا انجـــــوم الضهر
تحزم وغاص بصدرها. تنحني الروس ويكرها
چنه حيدر وابـدرها
ضاگو الـــذل والقهر

صوته يــــــــــرعب//ضل يــــــضهضب
انــــــــه صكار الـــــــزلم
الطف اخســـــــــفه//الجيش ارچــــــفه
تگبع بشيله الســـــــــــلم
نازل ابهيئة علي.....نازل ابهيئة علي
~~~~~~~~~~~~

ضيگ الوسعه عليهم.يضحك ويسمع بچيهم
من الفزع بادت اديهم
تيِـــّهوا درب المـــــفر
غرگ الگاع ابدماهم.جاسم ابناره كواهم
بمهرته شاخ ولـواهم
وبـجمعهم سوه طــر
شدعليــــــــــــهم//شل اديـــــــــــــــهم
هاشمي وعرگه انتفض
زوده عــــــــــالي//ما يبـــــــــــــــــالي
رافض الـــــذله رفض
نازل ابهيئة علي.....نازل ابهيئة علي
~~~~~~~~~~~~
الموت الاحمر شوفاهم. من دماهم ضوگاهم
لملمـــــاهم طشــراهم
من يصول ومن يجول
تيهت الشرده الاعادي.بالصحاري وبالبوادي
خلــه أشجعهم ينادي
أصبـح الموقف مَهوُل
طبها لمهــــــــــا//رد جسمهـــــــــــــــا
سيفه ابدن ما يلــــــين
روحه نــــــــــاذر//مــا يحـــــــــــــاذر
يفدي روحه للحســــين
نازل ابهيئة علي...... نازل ابهيئة علي
~~~~~~~~~~~~
بكيفه وزعها المنايه.بمرهفه صارت روايه
كلهه صاحته الكفــايه
أنطوت بيـــهم الارض
يشبه ابصولاته عمه.منهو يگدر يدنه يمه
للحسن حققله حلــمه
والحرب عنـــده فرض
حـــــــــــــــرزه رايه//وعنـــــــــده غايه
يفگس اعيون ويصم
الحـــــــــومه حلمه//طبهه زلمـــــــــــه
سيفه برگبـــــهم بصم
نازل بهيئة علي......نازل ابهيئة علي
~~~~~~~~~~~~
يعشك السيف ويرغبه.ترعرع ابحضنه و تربه
من كثر ماأيده صــلبه
ليـضربه يغط بالارض
نكس الروس وعلمهه.يسحگ بمهره زلمهه
ماكو زلمه من امتحنهه
جـــرب الطول واعرض
سيفه يشـــــــــــطر//هامه يفـــــــــــطر
ومتلت منهم سقر
من نزلـــــــــــــــــها//ذلها كلـــــــــــــــها
خله خيــرهم يقــــر
نازل ابهيئة علي// نازل بهيئة علي
~~~~~~~~~~~~
تمت الحمدلله
بقلم خادم الزهراء ع
المــــــــلا ياسر الزيادي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لمولاي الاكبر


بخيمتي وادعيلك بالسلامه
دمعـتي كون اتصير ابتسامه
ويـــن يوليدي اضم اعيونك
خاف هاي الناس ايحسدونك ياعلي
ــــــــــــــــــــــــــــــــــــــ
يا يوسف حياة امك تسبيحي بحروف اسمك
يالاكبر گمر لا مو گمر انته احله منّه
وجهك يشبه امرايه كون ابعينه سلايه
اليحرم كل ولد من امه ويخون المحنّه

اخاف اعليك اكثر حته من نفسي
وعوّذتك ييمّه بآية الكرسي

اترد الي اتمنه وانته سالم
يا علـي وبيدك راس ابن غانم
نـــــور فانـوس الله يسمونك
خاف هاي الناس يحسدونك ياعلي
ــــــــــــــــــــــــــــــــــــــ
تذكر من توادعنه اهنا نزلت مدامعنه
اهنا طاح الگلب من الضلوع وانته شلته
يالتونه تشابگنه شبساع و تفارگنه
ليش الغالي حتى من يسافر يمشي سكته

وجهك مبتسم بس وجهي صار اصفر
امّك خايفه امن الفرگه يالأكبر

ياثمر دلالي الـماحويته
والسهر برباك الــــمانسيته
روح شيّع عمري أعله امتونك
خاف هاي النـاس ايحسدونك ياعلي
ــــــــــــــــــــــــــــــــــــــ
سبحان الخلق لـونك خله اسراره بعيونك
يالوجهك نبي ويالحاجبك للحب رساله
ياهو الـمثلك احلامه ترهم للگمـر شامه
واتهيم البلابــل والعصافيــر بجماله

ابن الساده انته ويعني اشرف ناس
غيره ابنظرتك طالع عــــله العباس

يا لثام هذا اللي يضم جمالك
بالخيام ورده انحـطهه ابدالك
كـون ابنص سندانه ايخلونك
خاف هاي الناس ايحسدونك ياعلي
ــــــــــــــــــــــــــــــــــــــ
ياشمعة نظر عيني يمكن تخلص اسنيني
لو اگعد واسولف للبشر بس حلاتك
انته امن الصبح بسمه والمغرب تمر نسمه
ياغالي وابن غالي ولا ترخص غلاتك

شربتك لبن مخبوط حنيّه
حتى تصير روحك كربلائيّه

من ضواك الله امزين سمائه
يالهواك اسّرني بكبريائه
ليش طف الاحـزان يخونك
خاف هاي الناس ايحسدونك ياعلي
ــــــــــــــــــــــــــــــــــــــ
يالتشبه رسول الله الدنيه الطولك امفصله
تابوت وچفن آه الزمن ما عنده رحمه
ياخذ غالي من غالي ويطبـع صورته ابالي
والماي التبده أعله الرمل چابيش الـمّه

على الدنيه العفه ويادنيه تحلالي
اذا راح الاحبه الـموت اشوالي

تنذبح وانته باول شبابك
ياجرح ما اتحمّل عـذابك
ماي مايرضون ايشربونك
خاف هاي الناس ايحسدونك ياعلي
ــــــــــــــــــــــــــــــــــــــ
موزعلانه چي ضحيت بس اشلون اطب للبيت
بيت ابلا علي مابي ضوه ولابي سعـاده
فارگنه الزمن گوه واتقاسمنه بالبلوه
اختاريت السبي وانته الخذت دور الشهاده

راح ابنچ يليله النـاس گالولي
وبس اعمامتك والثوب جابولي

مايجون چا ليش اللي نحبهم
والعيون يبچن كـله بسببهم
تـاج فـوگ الرمح يصعدونك
خاف هاي الناس ايحسدونك ياعلي


#العبدالحسيني_محمدالجماسي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#للعباس


سامع الصوت انه الموت
فزع من غيرتي
انه والخيل عزم حيل
يسابك مهرتي
انه ابن حيدر علي
زينب اختي ادللي
**********
من تصير الدنيه ظلمه
الزلم تردم بالزلم
يعني انه ابنصهم اطبك
روسهم حدر الجدم
يعني راح الخيل يفتر
راسها وما تفتهم
زينهم يشرد ابروحه
يذب سيفه والهدم

سيفي كرار.. لهب نار
يلوك اليمنتي
اطبك الطوس ..عله الروس
والمها ابدركتي
وانه روحي موش الي
زينب اختي ادللي
****************
من اشوف الخيم واسمع
صوت اطفال وعطش
ينرسم بعيوني مشهد
نحر عبد الله ونعش
اختنك بالعبره والكه
السيف ما يعرف دغش
لحد ما كاع الطفوف
اركاب عدواني انفرش

والعهد وين ..يضل دين
امانه ابركبتي
هذا الحسين .. ضوه العين
حبيبي ومهجتي
والخلك تشهد الي
زينب اختي اتدللي
*****************
ويه اول صوت طفله
بدت اول حملتي
ما شلت سيفي عليهم
شلت زودي وغيرتي
من وصلت الماي شفته
ايريد يوصل شفتي
خنزرت والنهر كله
صعد يترس جربتي
امنع اعداي ..عن الماي
وارد يم عيلتي
واليجي ايفوت ..
تره ايموت
يصل يم خيمتي

وصوت وينك كافلي
زينب اختي ادللي
******************
فزعت الفرسان مني
الحومه صارت ضغبره
واكبر الابطال يمي
ابعيني مو زلمه مره
ساحة الميدان صارت
عله طولي امكدره
ياهو اليكابلني يرجف
يرد يرجع ليوره

من يكربون.. يموتون
اكيد بخزرتي
وانه فلاح ..والرواح
اكضها براحتي

وحصد يحصد منجلي
زينب اختي ادللي
***********************

نصير الجشعمي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

((نزله للاكبر ع))
__________________
خبر عاجل من سقر
ها هنا صار المفر ....هذا الاكبر بالحرب جن علي صولاته
*************************
دكت الحومه بيان اركانها
والعده صار المفر عنوانها
كربله نادت وعز طوفانها
راد يكلبهه وعلي ابميزانها

هذا الأكبر متعلي
امحزم بغيرة علي.......هذا الاكبر بالحرب جن علي صولاته
************************
ماجت اخيول العده وفرسانها
هذا الأكبر بيها كص لسانها
انذار دخلت كربله وميدانها
شبل حيدر بالمعارك شانها

محكمه خله الطفوف
السبع بيهم يرؤف.......هذا الاكبر بالحرب جن علي صولاته
*************************
ايست منه وعددهم بانها
يكلب الدنيا بفحيح اسنانها
باعو الدين برخيص اثمانها
كلها يمك صرفنتهه اردانها

والشمر خايف وفد
دور الختله ولبد .......هذا الاكبر بالحرب جن علي صولاته
*************************
جنه عزريل اعتنه وحاديها
حتى كاع الطف صبح يطويها
مثل حيدر بالحرب يفنيها
دخنت سوح الوغى براعيها

يخطف بكيفه الرؤؤس
يمشي عالجيش ويدوس...هذا الاكبر
بالحرب جن علي صولاته
*************************
موت الطف لو شعل دخانها
مشرع بسيفه المنايا اسفانها
كلها تشرد من يطك بركانها
علي الأكبر بيها شد اعنانها

جنه حملت حيدره
يفوت يوم الزنجره.......هذا الأكبر
بالحرب جن علي صولاته
*************************
تووب الجيش وكطع ذرعانها
والمهر كامت تذل عدوانها
حارت الطف جهزتهه اجفانها
العرب سواها حيره اوطانها

بكر ابن غانم شرد
ما كدر يصمد ابد.......هذا الاكبر
بالحرب جن علي صولاته
*************************
تمت بعون الله
خادمكم...... يوسف الفتلاوي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

شوط كربلائي
للاكبر ع

ماج الجيش وتخلخل .. وچن اعصار حاصرهم
بــس ماگـــال يــا الله .. شــيب راس ازغـــرهم

------------

عــــالاكــبــر اســـولـــفـــلـك .. اسمـع زين وتونس
لـــــمــــن گـــــــال يــــــالله .. حـلگ المعركه يبس
من يمشي اعله وجه الگاع..چن عالجيش يتمردس

بعــده ابطــارف الخـيمه
وصارت شــرده بالهــيمه
وصاح الجيش من ضيمه
ادخيل الله ودخيل حسين.. بنفضة ثوبه اسرهم

-------------

بعد يابكرِ ابـــن غانم .. ياسبعين الف جندي
هاي وبعده بالخــيمه .. گلي شلون اذا يبدي
شراح يصير اذا گلهم .. صارم حيدره عندي

علي يذكرونه كلش زين
من صارت حرب صفين
طمــس روسهــم بالطين
العلي لاوالله ماناسين .. يتذكرونه اكثرهم

------------

الاكبرشاب بـس هالشـاب .. رجف قادة العسكر
الوادم گامت امن الخوف .. مدري شبيها تتعثر
واحــد گــال عزرائـــيل .. واحد گال اجه الاكبر

اكبر شارب اتخردل
دخـيلك گام يتوسل
لمــن طــب المــعدل
مال البلبدايه وگام .. يبچي تالي عسكرهم

------------

صارت انـقسام اراء .. واحـــد گال نــتقدم
واحد گال يمعودين .. يشــهد الله نـتـــندم
الاكبر لون واجهتوه .. يوصل للرچاب الدم

صارت ضجه بالميدان
الرئــي الاغــلبيه چـان
خل تتــراجع الفرسان
شايب شارك بصفين .. رأساً گام حذرهم

------------

شايب ثانـــي منــهم گال..الماشايف يروح يشوف
چنت يوم الجمل موجود..علي من عدنه باد صفوف
الطلع من عدهه سالم چان..اعرج لوبدون چفوف

لاتتـورطون اوياه
انصحكم تره بالله
الاكبر حـيدره رباه
الشايب يعرف المضمون .. الهذا السبب خبرهم

------------

شايل غيـــره بعيونه .. لذلك هابــته هالناس
مايحــتاج اشــرحلك .. عمه وقدوته العباس
البلطف چان متوهوس .. مايلام عالوهواس

الراضع من ثدي الكلفات
زلــمه وحــيد بالــوكفات
اگليــله هــاي الحچايات
بالاكبر نعم ياصاح .. بالطف لمن طشرهم
-----------
حيدر تركي الكربلائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هذا ابن الحسن
ثائر بيوم المحن


من سمع عمه ينادي وين الأنصار
وحده واكف مرتهن مابين الأشرار
عمي ابشر انه عونك بالحرب نار
انه من نسل الغيارى ونسل الاحرار

ياهلا بلبس الجفن
ثائر بيوم المحن
****************
مايقبل ابن المجتبى بهاي المعاره
إلا ينفذ رغبته أبين الغيارى
من شاهد جيوش العدا هم عنده غاره
كال انه جندي بهالحرب وأعلن قراره

موقفه بالطف علن
ثائر بيوم المحن
*******************
بلا درع للمعركه طب الها جاسم
مايهاب ارجالهم بس سيفه قائم
يفدي روحه ونفسه كون حسين سالم
ماسكت ابن النبي عن المظالم

والحرب هيه الوطن
ثائر بيوم المحن
************************
يلله يايمه وداعا هاي هيه
والحرب تدريها ابد مابيها جيه
هاي حمله أعلى الكفر والجاهليه
لو نموت ومانذل ل ال اميه

هاي ايام الزمن
ثائر بيوم المحن
**********************
صال بيهم صولته ومادنك الرأس
شبل من المرتضى وتعرفه الناس
جمره تلهب بالمعاره تحرك ارجاس
القاسم شمحلاته نازل صاحب الباس

العدو بيه امتحن
ثائر بيوم المحن
********************


محمد دعبل النوري




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزله : محرم 1442
لشجاعة وأستشهاد الأمام علي الأكبر عليه السلام
.....................
هذا الأكبر هذا .. لو جده علي
الخله ميدان الحرب .. يغلي غلي
..................
من صلب فارس مضر يشبه نبي
مفعم أبروح الشباب الطالبي
ناوي عالعدوان يسبيهم سبي
فدوه أروح المقدمه .. أنه أو هلي
...................
دلهمت سوح الحرب لمن نزل
وب سجال الموت معشرهم جتل
هالفحل جنا علي جده الفحل
والثلث تنعام .. من ذكر الولي
..................
هذا ميدان الحرب وين الزلم
ناده والشفه على الشفه يزم
لا سلم للما مشى أبدرب السلم
يا شمر أعربلي .. معنى ما يلي
.....................
كرت الكرار كر أعله المله
راس أبوه حسين شاله أبكربله
عاد أمجاد الوصي عقد الوله
هلهلي ياليلى .. لبنج هلهلي
...................
حمله بعد الحمله شن ليث الحرب
بيك ما تخطيك حاذر لا تطب
جيش أبن سفيان ناده أمنالرعب
يا شمس غيبي .. أو يدنيا ل يلي
..................
ساكهم سوك الغنم للمحتضر
بين راسه الطار والراسه أنطبر
الحاطمه المغوار وداهم شجر
أوحاطمه بشجارهم .. تصلي صلي
...................
شل يمين الجيش ويه الميسره
ياهو بيهم حيد راسه أيكتره
الخاف منه والشرد صد ناظره
عنه والمغزى الشرد .. مو ند ألي
...................
كود فوك الكود كودها الجثث
لا تعب سيفه ولا عهده حنث
سوه بيهم نايره حد ما لبث
السيف بعد السيف .. جسمه يعتلي
....................
خادم أهل البيت
الشاعر : أسماعيل الجوراني
الأثنين : 29/6/2020



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزلة عزاء ليلة مولاي علي الاكبر عليه السلام

هذا الاكبر. لو علي لو علي
بالحومه
****
هذا من جده جماله ومن علي افنون الحرب
والله يخلسها العساكر للحرب لمن يطب
سيفه شايل جمله كلش افرقت عن الكتب
منهم المايرد سالم الشرد مات من الرعب
بسيفه قسور. عالحرب. عالحرب
وعلومه
هذا الاكبر. لو علي لو علي
بالحومه
****
الخيل والخياله تاهت والشرد هم ماسلم
ابن اخو الحره العقيله اتحزم بطرف العلم
صاح امني ونامي زينب ياهو يوصل للخيم
الكال اوصلها يعمه هذا عايش بالوهم

الموت الاحمر سطرتي. سطرتي. ومحسومه
****
حشمت زينب يعمه وكال ابشري لعمته
مثل كافلها العقيله صدره دكه بيمنته
صكر والصيده البعيده تصيده عينه وخزرته
ها كثر حط الله غيره علي حكها بگصته

غيره كله. جن علي. جن علي
وبرسومه
****
استعرض الاكبر تشاهد بيده حط الخارطه
الموت اولئ الموت اولئ هالمخطط خططه
وابن غانم من برزله الشمر والله ورطه
هيه ضربه وهيه موته ولجهنم حَنطّه

بسيفه ادمه. عالارض عالارض.
بدمومه
****
بين هاي احداث دارت حدث ملفت للنظر
واحد من القاده كلهم طلبه دورولي مفر
گله واحد ماكو مهرب علي للحومه حظر
يطمنه كلنه بحفره وحده وعلي ماداعي حُفَرْ

والله شفنه. هالظهر. هالظهر.
ونجومه
هذا الاكبر. لو علي. لو علي
بالحومه
***
تمت ولله الحمد/المقصر مع الحسين
الشاعر علي النائلي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزااال....ضكيل...لحن...وجه السمه الخالي

يوليدي يالضامي.. يمگطع اودامي
يالاكبر احــــــــلامي
طشرن گـــــــــدامي
ــــــــــــــــــــــــــــــــــــــــــــــــــــــــــ
يالنايم وصاير وذر
يوليدي حاچيني/
نيتك تخليـــني....ياگمرة اسنيني

عگبك فلا يسوه العمر
يمضحي بسنينك/
يالناصره الدينك...يالفاجع احسينك

حسراتي وجت بالگلب
حسره بأثرحسره/
يالفارش الغبره...بعضاء مطشره

شيهود اجـــــروحي.....يالساكن ابــروحي
چاشلي بـيامـــــــي
طّشرن گــــــــدامي
ــــــــــــــــــــــــــــــــــــــــــــــــــــــــــــــ
دمعاتي تحرگ بالجـــفن
يمسبل ادموعي/
يالعاصر اضلوعي...يمزلزل افروعي

يوليدي شيصبره الگلب
مافارگ الونّــه/
يالمبتعد عنه.....راح اگطع الضنه

عگبك فلا يحله الهوه
ياعطر ياحنه/
يالتشبه الجنه.....يالسلوه والمنه

يمهيج اهمــــومي....خلافك ردت يــومي
عليك الدمع هـــــــامي
طّشرن گــــــــــــدامي
ــــــــــــــــــــــــــــــــــــــــــــــــــــــــــــــ
يمذبل اخدود الورد
يالچنت اله نسمه/
يمذبل الرسمه...... يالماخذ البسمه

يمطفي انوار الگمر
كل ضوه ماعنده/
نازف دمع خده....سوه الك عِده

وجهك يشع چنه شمس
هسه السمه ضلمه/
أمصيبتك عضمه.....يالاكبر وهظمه

يالرايح امنيــــدي......يافرحتي وعيــدي
يمكثر اسهـــــــامي
طّشرن گـــــــدامي
ـــــــــــــــــــــــــــــــــــــــــــــــــــــــــــــ
بالشهگه صدري يختنگ
تتسابگ العبره/
چن سحگت العشره..وگلبي نفذ صبره

يوليدي بالگوه ركضت
گمت اعثر ابجدمي/
يمبدي كل عزمي....ما ينوصف همي

ياعلي وجروح الگلب
ماأكدر اخفيهه/
راح الك اشكيهه.....بلكت تداويهه

وحدي تخـــــــلوني....بالطف يســـلبوني
يشتعلن اخيـــــــامي
طّشرن گــــــــــدامي
ــــــــــــــــــــــــــــــــــــــــــــــــــــــــــــــ
حّن نوگ روحي اتحن الك
يالعني امهاجر/
كاسرلي الخاطر...... گوه الگلب صابر

عگبك حياتي ابلا طعم
أدعي بألم كلبي/
اتمنه من ربـــي.....يگرب علي نحبي

تخنگني النسمه تظل
المابيها من عطرك/
ليش انگطع نحرك. ليش انرفس صدرك

نار الگلب تســعر...... بيه الجرح يكــبر
ياحيرت ايتامـــــــي
طّشرن گــــــــــدامي
ــــــــــــــــــــــــــــــــــــــــــــــــــــــــــــــ
تمت الحمدلله
بقلم خادم الزهراء ع
الملا ياسر الزيادي ١٤٤٢هـ


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

👇 (نزله للأكبر والقاسم )👇

اثنينهم متحزمين__غارو أعلى الصوبين

جاسم وألأكبر غارو
طبولها وما حارو

اوبيهم أتباهه حسين
_______
شد حيله وتحضر..ويباوعله الأكبر
وألتفت جاسم گله

شتگول هايبن العم..للركب خنوصل الدم
ماننطي أبد كل مهله

الأكبر اختاص وفرع..چاياهو سالم يطلع
مايسلم اليوصله

من دخلو العسكر ضج..وحسين ضل يتفرج
للعين صارو كحله

ألأكبر نظر للعريس
كل ضربه عشرين ايجيس
بلروس ضل أيشمر..ماواحد اعليه أيمر

لاراس ضل لا أيدين
أثنينهم متحزمين
________
ضل بيها أيتمرجل..والجيش أيتخيل
عباس طب للحومه

بس أبن اخوه الطبهه..بلعرك حيل يشبهه
عباس چنها أرسومه

أشما هلهلتله الحره..يزعل وسيفه أيجره
ويصيح وكته ويومه

كل ساعه ويشن حمله..واعليه تباوع رمله
مصبوغه دم أهدومه

ضلت تصيح مبروك
رجعلي تعب الكاروك
يلبيك ماضاع أرباي..ياشهم يمخوف أعداي

گللها گولي أشتردين
أثنينهم متحزمين
________
طب ليها وشدحيله..واعليه تصيح ليلى
يمه ياالأكبر يمه

عطوه وفصل لامامش..ماريد واحد عايش
واليدنه غرگه أبدمه

باوع الأكبر گلها..الروس راح أفصلها
ماشفت بيهم زلمه

أتگله تگوه أوليدي..أدريك تربات أيدي
علحرب عيب أنحشمه

جر سيفه وأتخوصر گال
يايمه ماشوف أرجال

بلخيل صارت رجفه..من شافته ايهز چفه

تتصاهل الشرده أمنين
أثنينهم متحزمين
_________
واحد ابظهر الثاني _ بس الأشاره امتاني
وعيونه لحسين اتصد

الأكبر يكل الجاسم _ ماريد واحد سالم
ماريد كل جندي ايرد

كلاله جاسم حاضر ____ حسين بس خل يآمر
علمعركه انطب وأنشد

البي خير خل يتكرب _ وداعت عباية زينب
ينذبح حتى اليشرد

العلحرب راد ايفوت
معناهه متمني الموت

لوبس نشق لمكمط _ يم رجله اجيبنه الشط

ونكحل عيون حسين
أثنينهم متحزمين
____________
تمت ...... مرتضى الرافضي






الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هذا اول كسر ......... بضهري ما ينجبر
ولسه بعد انتظر ..... كسره عالمشرعه
آه .... آه .....آيالاكبر
.......................................
جدمي يعثر من اجيتك كوه امشي
جني شايل عالمتن يوليدي نعشي
دمعي حاير بالجفن ويلمه رمشي
الفاكد ابنه يعني فاكد تدري كل شي
ضهري شايل حمل ........... مايل اشينعدل
يبني يمك اهل ................ دمعتي الناصعه
آه .... آه .....آيالاكبر
.........................................
يابس العود وخضارك بويه وينه
أمفطره اشفافك يبو روح الحنينه
انه وانته والضمه امبين علينه
خاف الجمك من تشابكنه وبجينه
قانع ومقتنع .................. يبني هذا الدمع
يكسر اجم ضلع...........وضهري اليضعضعه
آه .... آه .....آيالاكبر
.......................................................
وين رايح يبني مو وكتك تسافر
احنه غربه وما بقت بس المكابر
ياهو بعدك ل(امك) اليجبر خواطر
وياهو يبقه للخيم ينصب سواتر
ضهري يمك حنه ............... وحيلي بويه انفنه
فاكد اغله ضنه .................. وضاكت الواسعه
آه .... آه .....آيالاكبر
................................................................
محني ضهري وينكسر يوليدي يمك
وانه وي روحي انتفارك من اشمك
عيني هلت دمعه تشبه يبني دمك
وتبقه اليه اعله النهر كسره اعله عمك
من يطيح اللوه .......... ما اشم الهوى
ظلمة ماكو ضوه .......... دنيتي بمصرعه
آه .... آه .....آيالاكبر
..............................................................
الدنيه طفّت يا علي بعيني ضواها
وجنه ناعي الموت وي روحي نعاها
يبني ضاكت من رحت ارض وسماها
وبرحيلك جني افكد جدي طه
من رحت يالولد ........... ضهري يبني انضهد
ضاكت وبالشدد .............. صوتي ما تسمَعّه
آه .... آه .....آيالاكبر
.....................................................
انته سورة الما قرتها سيوف اميه
وانته قران انذبح بالغاضريه
يبني الاكبر والشمائل احمديه
وصار المجازه تره بخيل اعوجيه
طر علينه الصبح ............ بالسبي وبالذبح
جم نبي اعله الرمح ............ الناعي لمن نعه
آه .... آه .....آيالاكبر
............................................................
نسالكم الدعاء
علي صادق المجراوي
28|8|2020

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

(نزله) الى علي الأكبر



طب وارتجز بالميدان
بالحومه صال الأكبر
************************
من انبرى الأكبر يحامي دينه
خلاها طشار الزلم بيمينه
ياهو اليلاكيه يعرف جفينه
وينه البرزله بالحرايب وينه

قاتل قتال الفرسان
والجيش منه اتحير
*************************
احتارت زلمهم ياهو هذا البلكون
هذا محمد لو علي ويسئلون
ضرباته تلهب من امامه يفرون
لو شد عليهم بالهروب يحيرون

وارث شجاعة وإيمان
هالنسل مايتقهقر
**************************
حين الدخل بالمعركه واليها
جدي علي واسمي علي يناديها
هاي الرساله وللبشر نهديها
مكلف محمد للملا يأديها

من عدنا نسل الشجعان
جدنا النبي الأزهر
***********************
احنا العداله والرساله إحنا
خولنا رب العرش من كلفنا
خسران كلمن بالنهج خالفنا
هالامه تنكر لينا ماتعرفنا

دارت علينا العدوان
وتجمع اعلينا الشر
*********************
تدرونا ال المصطفى تدرونا
شنهو الجنينه وانتم تعادونا
جيش ال اميه بالبغض حاطونا
يردون ثارات ابدر طلبونا

نكرو كتاب الرحمان
وجمعو علينا العسكر

************************

محمد دعبل النوري


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

شور للوداع
.
.

لمن انته ودّعتني ... خويه عدمن امنتني
انه زينـب ... انـه زيـنب
وبـوِداعـك عـذّبـتـني

------------------------------------

حزنك وحـزني التِـقـن بالخـيمه يــمّي
وضفت خويه حسين همّك فوگ همّي
بـيك احـس انـت تگـلي بنـحري شـمّي
يختي حان اوداعي نفذي اوصية امي

لا تكمل جرحتني ... خويه عدمن امنتني
آنه زينب ... انه زينب
وبوِداعك عذّبتني

------------------------------------

آنــه ماحــب الـوِداع وتــدري بيــه
ومنّ اســولف بي احن لمّي الزچـيّه
ما تخلــيــنه الوطـــنه انــرد سـويّه
خويه بالله امنين اجتني الغاضريّه

ردني بيدك يالجبتني ... خويه عدمن امنتني
آنه زينب ... انه زينب
وبوِداعك عذّبتني

------------------------------------

تقبل اتخــليني وحدي وبيك اماني
وباچــر ابــلا والي خويه ابقــه آني
شلون لو خصمك اجاني وفرهداني
بلايه خيمـه الحــرمه تدريـها تعاني

والعساكر سلبتني ... خويه عدمن امّنتني
آنه زينب ... انه زينب
وبوِداعك عذّبتني

------------------------------------

اموادَعَك مكتوب خويه من نصيبي
ولــو رحِت ياهو اليطفـّـيلي لهيــبي
مــن يداوي عِـلـِّـتـي وانـته طبيــبي
ماحسبْت احساب اودعك يا حبيبي

عالبعد ماعودتني ... خويه عدمن امنتني
انه زينب ... انه زينب
وبوِداعك عذّبتني

------------------------------------

ليلة اموادعـك اشعُـر مــو طويله
لـَـوَن كلّ ايامي اودعك هم قليله
يَمَن باچر شخــصك اتقرّر رحـيله
شعندي غـير الدمع لفراگك اسيله

منو اسئل لو عفتني ... خويه عدمن امنتني
آنه زينب ... انه زينب
وبوِداعك عذّبتني

------------------------------------

ابــذكرياتــك انــذبـح يالــغالي تدري
عشــت خويه اوياك احله ايّام عمري
چـنِت تمسح خدّي لو دمعاتي تجري
لا تگـــلي يالعقــيله ابفــثگدي صـبري

هوايه انته صبرتني ... خويه عدمن امنتني
انه زينب ... انه زينب
وبوِداعك عذّبتني

------------------------------------

خــويه مـنّ الدمـــع مو ذبْلت عيوني
تره بـس اتـــروح اســيره يــاخذوني
وبالحـــبال وبــــالحـــديد ايگـيّدوني
والله سود امن الظرب تصبح متوني

والعده لو اسرتني ... خويه عدمن امنتني
انه زينب ... انه زينب
وبوِداعك عذّبتني
------------------------------------

تمّت والحمد لله في ٦/ ٩/ ٢٠١٤
حيدر تركي الكربلائي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

روحك بالمهد يوليدي اناغيها
تسليني يعبد الله واسليها
------------------------------------------
الُولي وعطرك وينفاسي اشتمه
واهز مهدك وگلك نام يا يمه
يقطعه امنالگلب گلبي نزف دمه
وين اهدومك الحلوات اوديها
-----------------------------------------
چلمة ماما بين اشفافك الحلوات
چنت اسمعها يوليدي وبعد هيهات
عليك اجري الدمع يبني واجر حسرات
امك للهظم عبد الله خليها
-------------------------------------
حضني اعليك ينشدني البگه خالي
وصدري مختنگ وانته الهوه العالي
يعگلي الراح مني ونعدم حالي
روحي تنتضر يوليدي رد ليها
ست اشهور مرن يا نضر عيني
چنت بيهن اسليك وتسليني
شلون اتروح يوليدي وتخليني
امك روح عگبك مابگت بيها
---------------------------------------
يعبد الله العطش فت روحك واذاك
تصرخ بالخيم طول الوكت خلاك
خذاك حسين لو ادري رحت وياك
چان الرگبتك بفادي انا افديها
---------------------------------------
يبني تحزمت وگماطك احزامي
راح انصب عزاي اعليك يالضامي
ياسلوة دليلي وعمري وايامي
عليك الدنيا بس احزان اسويها


الشاعر كريم دانه الأعرجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

حرگـوهن.... اخيام الخدر حرگوهن
سلبوهن.........اعيال النبي سلبوهن
عطاب صارن الخيم. بالهيمه ركضن الحرم
شتموهن......ارجاس وكفر شتموهن
****
هجمت الخيل اعله الخيم چن دگت الساعه صِفر
خلّصن دوس من الولي وغارن عله اخيام الخدر
من الحافر الحد السرج منهن دِمه حسيني يخر
فرهود صاحوا عالحرم والراس بچفوف الشمر

بوگوهن..... ايصيح الشمر بوگوهن
جيبوهن...... اطفال وحرم جيبوهن
ابوهن توه منذبح. ولراس شلته بالرمح
حرگوهن........ اخيام الخدر حرگوهن
**
بالهيمه رگضن الحرم والـتوکع اطگها الفرس
والدنگت من الضرب گول انگطع منها النفس
حفاي ركضن عالجمر طف كربله اطفال انترس
زينب مِن لخيمه اطلعت شافوها ياوسفه الحرس

شافوهن..... ياوسفه الكفر شافوهن
عذبوهن..... نادو بالعجل عذبوهـن
عالنسوه شنوها الحرب. رقيه طفله و تنضرب
حرگوهن........ اخيام الخدر حرگوهن
******
من لخـيل تشـرد الحرم محتاره لـو من الزلم
ياوكت ينشاف الخدر وچماله سَمعوهن شتم
چنهن گطه وطشن ركض والتوگع ابسع تنلزم
وارقيه ماتدري اشحصل ماتدري المن تنهزم

رعبوهن....... بسياط وحرگ رعبوهن
ضربوهن....... ابچعب الرمح ضربوهن
بالهيمه طاحت چم مره. وچانت اميره امخدره
حرگوهن........ اخيام الخدر حرگوهن
*
العاشر امـصـابه كلـف ويـلاه من ذاكه الضهر
صارت مناحه بالخـيم لمـن رجع خالي المهر
مامش كفيل اعله الحرم لاحامي عدها من الكفر
بس العليل اويه الضعن لوگام لحضه وينهطر

نادوهن....... الليله سبي نادوهن
جروهن....... ابنات النبي جروهن
وين چانت يازمن. ذني بنات ام الحسن
حرگوهن..... اخيام الخدر حرگوهن
****
عالتله صعـدت الشمس بغيـمت حزن متگبعه
لحسين اخوها عاينت بالهيمه جثته اموزعه
من الخيل لو من الطعن جِثتْ العِزيز امگطعه
والهيمه من دم الولي حمره اصبحت وامنگعه

طشوهن...... اضلوعه عالترب طشوهن
سحگوهن...... بالخيل اشكثر سحگوهن
من الضهر حد المسه. اخيول اعوجيه ترفسه
حرگوهن......... اخيام الخدر حرگوهن
*****
نسوان واطفال اشكثر ويطيحـن ابرگبت مره
زينب كفيله الاصبحت بهاي الضعينه امحيره
ومن صاحو اعليها الكفر هالعيله كلها اميسره
صاحت وكلها خورست زينب انه بت حيدره

رادوهن..... ايـركـبن هـزل رادوهن
شدوهن..... ياوسفه بحبل شدوهن
للشام راحن لليسر. صارت نهاية الخدر
حرگوهن....... اخيام الخدر حرگوهن
**
الشاعر عمار حسن الدراجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الـــــوداع الــــــوداع... ياابا الفضـــــــل
ــــــــــــــــــــــــــــــــــــــــــــــــــــ
انه ياخويه العقيله وفگدك يبچيــــــــني
ليش بين اجناب وحدي بحيرتي تخليني
بس حرم ويتام عگبك والعده توليـــــني
والله ياخويه عله هجرك دمعتي تچويني

الـــــوداع الــــــوداع... ياابا الفضـــــــل
ــــــــــــــــــــــــــــــــــــــــــــــــــــــــ
كربله كلكم خذتكم مابقى واحد ألــــي
شهالمصيبه البيه صارت طحنت ضلوع الولي
انته نايم عالشريعه منهُ يكفل محمــلي
گوه يردون الاعادي يبعدوني عن هـلي

الـــــوداع الــــــوداع... ياابا الفضـــــــل
ــــــــــــــــــــــــــــــــــــــــــــــــــــــــــ
هجمت خيول الاعادي وروعها العايله
شعلو النار بخيمنه طفال هامت بالفله
مراكض اعالجمر ويلي صوت المناحب عله
عجة اخيول ومداخن ضلمه صارت كربله

الـــــوداع الــــــوداع... ياابا الفضـــــــل
ـــــــــــــــــــــــــــــــــــــــــــــــــــــــــــ
ماأريد الماي ردتك ترد سالم يــــالگــمر
أدري عالشاطي المنيه ماتفوتك من تُمر
بروحتك راح الدلال وهسه اسحگ عالجمر
من هضمتي صحت خويه دونك شيسوى العمر
الـــــوداع الــــــوداع... ياابا الفضـــــــل
ــــــــــــــــــــــــــــــــــــــــــــــــــــــــــــــ
گوم انضر حال اخيتك صحتك بحرگه تعال
بالصخاري بلايه خيمه خايفه خويه العيال
حضرو نوگ الهزيله وحضرو خويه الحبال
منو يكفل هالضعينه وادري ماترجع محال
الـــــوداع الــــــوداع... ياابا الفضـــــــل
ــــــــــــــــــــــــــــــــــــــــــــــــــــــــــــ
غصب اخذونه يخويه وغصب مرنه بجثتك
يريد يحرگ گلب زينب لوعاني بحالتك
شفت جسمك عالترابه والسيوف موذرتك
طايح ويمك جربتك مچلبه بيها يمنتك

الـــــوداع الــــــوداع... ياابا الفضـــــــل
ـــــــــــــــــــــــــــــــــــــــــــــــــــــــــــــ
تمت الحمدلله
بقلم خادم الزهراء ع
الملا ياســـــــــر الزيادي١٤٤٢هـ



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ثورتك يحسين رف الواها
لا تخاف اعله اختك الله اوياها
__
ياحسين بدمك الدين الله جود
وعوفها الكلفه على الكدهه وتزود
اني بت فاطمه وارباة الأسود
اليرهب كلوب الزلم طرواها
_
خل يجيب الدهر كل اجيوشه الي
مايرف رمشي وانا لبوة علي
ياحسين الكلفه اليه والهلي
واكفه جالجبل واتلكاها
____
اني ام خدر اللي بي تتفاخرون
الصعبه كدامي يبو الاكبر تهون
اني بت البيدهم كن فيكون
البيهم أوتاد السمه وتجواها

الثورة بيدي امإمنه وتبقه بأمان
وبيه تبقه خالده طول الزمان
واني بت المهرته زم الاعنان
وعرج بيها وبالسمه مشاها
____
سهله خويه ولا يهمك شنهو طف
واني ابويه للشمس من شال جف
الها دنه كبل لا يرتد طرف
وطاعته وبإمرته خلاها
____
للسمه ارفع دم وريدك لو يسيل
وصرختي يارب تقبل هالقليل
امن المصايب ما رأيت الا جميل
الرضه الباري المحن يا محلاها
_
ولو موسهله على اختك يالذخر
تشوف راسك منكطع بيد الشمر
ولا الخيل اللي تدوس اعله الصدر
واختك ابين الغرب ممشاها
_
يبن ابوي وتدري بيه مخدره
وصعبه عالمثلي تروح ميسره
ياحسين المره شما تقوه مره
وتنهضم لو جتفوها اعداها
_____
ايعيني الله يبن ابوي بمحنتي
على روس ارماح كل روس اخوتي
وبدوواين النواصب وكفتي
ايعينها الله الفاركت رجواها
_____
كل عذابي لا يهمك ياحسين
الربه اوياك يعيش زين يموت زين
وعد مني الك ياكرة العين
بصبر اختك تفخر وتتباها
___
الشاعر سيد موفق الموسوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يا خيل زينب نادَت الخيل
بحسين ماظل للسحِگـ حيل

يا خيل خفٍّي بركضِتِچ هاي
مو دوس رايِد ، رايِد افياي
عالماي طاح وما شرب ماي
ومفطرات اشفاه يا خيل

يا خيل رحمي الطاح عطشان
مجروح جسمه منين ما چان
ما ظل بعد للحافر امچان
بحسين شدّوسين يا خيل

يا خيل لو بالحافر احساس
چا فوگـ جرح حسين ما داس
نعمه وهوه المفروض ينباس
مو عالرمح ينشال يا خيل

ييا خيل گلبي هموم متروس
كلما اعاين عاليه الروس
ميِّت يخيل شينفع الدوس
ما ينسِحِگـ مذبوح يا خيل

يا خيل يا ريتچ تعثرين
ولْجسْم اخيي ما تِروحين
ياذي الزچيه ضلع الحسين
من ينكسر بالدوس يا خيل

يا خيل كلشي ايصيح ارحميه
ينشاف جسم حسين خليه
خافن اموتن وآنا الم بيه
واتحيّر ابلواي يا خيل

يا خيل صبَّن بالسما ادموع
صوت اليون بالگاع مسموع
بالخيمه واسمع كسر الضلوع
من صوتهن فزيت يا خيل




علي كاطع البهادلي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يازينب//هايه اخر ليله
يازينب//موادع ويالعيله

عينج اعله ايتامي//راح اموتن ضامي
يازينب .....يازينب ......يازينب
_______
عكب هذه العمر كله باجر تروح
فدوه خل عينك بعيني كلبي مجروح
خويه ليله شكد قليله تخلص بنوح
بس سواد الليله يمي الصبح مذبوح

ياخويه//موادع اعزاز الكلب
ياخويه//هالمسيه شكدصعب

يختي لمي ايتامي//راح اموتن ضامي

يازينب....... يازينب......... يازينب
_______
أرد احلفنك يخويه أحجي وياي
خويه كلبي عليك خايف ولصبح جاي
حيرتني منين ابدي سوالف هواي
خلني اشبع شوف منك اه يرجواي

يبن امي//كلبي باجر ينفطر
يبن امي//خويه وي طرة الفجر

خويه الله الحامي//راح اموتن ضامي

يازينب ........يازينب.........يازينب
_______
ليله كلنه بخيمه وحده نهل عبرات
لان باجر كله هيمه وماكو خيمات
خويه سولف وي رقيه مو بحسرات
خلهن بخدك يشمن هل سبيات

يالـــــــوالي//باجــــر ايسلبونه
يالــــــــوالي//خويه ويضربـونه

هاي تالي ايامي//راح اموتن ضامي

يازينب....... يازينب....... يازينب
_______
خويه وبعيني انضرك تبقى وحدك
باجر اشكد الشمر رايح يعـــــذبك
كبال عيني خويه يعله عله صدرك
يلزم الشيبه الشريفه ويحز نحرك

بالحومه//بلايه راس ومنذبح
بالحومه//باجر يرفعك رمح

هيجيت ألامي//راح اموتن ضامي

يازينب........ يازينب........ يازينب
_______
خويه لا بتجين يمي وضمي دمعج
گبل لا اغيبن يخويه بـــــــــان همج
باجر بسوطه يـــــخيتي ما يرحمج
وبالجمر ياخويه باچر يچوي جدمج

عالناكه//گــــــوه ويطلعونج
عالناكه//والعده يشـــوفونج

جدمج يخـــــر دامي//راح اموتن ضامي
يازينب........ يازينب....... يازينب
_______
تمت والحمد لله
بقلم خادمكم
الملا ياسر الزيادي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

اجمل صلاه بالعمر * چانت صلاة الظهر
چي بيها الحسين
ــــــــــــــــــــــــــ
وره حسين اجمل صلاه لمن وگفنه
حسين كل تكبيره منه نحسها جنه
يوم عاشر للجنان حســين صفــنه
بعــد مو حگـنه نضـحيله بعمــرنه
متروسه سجدة شكر * چانت صلاة الظهر
چي بيها الحسين
ــــــــــــــــــــــــــ
حلوه چانت هالصـــلاة و بيها فزعه
ابخمس اصابع چفه ابو الاكبر يرفعـه
حسين چان شگد حلو المحبس بصبعه
هاي اخر دعــوه والظـــالم يگطــعه
اخر صلا وينبتر * چانت صلاة الظهر
چي بيها الحسين
ــــــــــــــــــــــــــ
مو صلاة الخـوف صليناها خـلفه
منو ايحس بخوف والكافل ابصفه
شگد حلو العبـاس لمن شال چفـه
ابچفه چن شايل نهر واخته التحلفه
وآخر صلاه للخدر * چانت صلاة الظهر
چي بيها الحسين
ــــــــــــــــــــــــــ
هالصــلاه منها العدو گام ايتردد
نوبه يدنه ونوب من عدنه ايتبعد
الصف الاول شاف بي واكف محمد
چنّه طه ايگوم مثله ومثله يگعَد
الخلّت عدونه ابذعر * چانت صلاة الظهر
چي بيها الحسين
ــــــــــــــــــــــــــ
بهالفـرض واگـف بدر . تـم بكماله
يندعي وشمس الله غارت من جماله
علگت اشموعه السمه من چفه شاله
چي بلا حــنه المَلـَك شـافه وبچـاله
آخر فرض للبـدر * چانت صلاة الظهر
چي بيها الحسين
ــــــــــــــــــــــــــ
تچوي بينه الگاع من نسجد عليها
صح رمل بس الجنان انشمها بيها
نصلـّـي والارواح چنّه محضريها
افتحنه إلها گلبونه وفتحت اديها
إنصلـّي ورمح ينشمر * چانت صلاة الظهر
چي بيها الحسين
ــــــــــــــــــــــــــ
حلوه چانت واحله صارت بالنهايه
من نسلــّـم يبتدي فـرض المنــايه
حسين گال آخر صلا نصليها هايه
جدي گلي المغرب تصلّو . ورايه
تنطينه عزْم وصبر * چانت صلاة الظهر
چي بيها الحسين
ــــــــــــــــــــــــــ

الشاعر مهدي التقي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747