من يخبر فاطمة المعصومة
عن ابوها المادرت بعلومة

من يسولف قصة الهم والحزن
عن سجين مبجي حيطان السجن
بنتة عكبة ضلت تنوح وتون
ضاعت اخبارة وبقت مالومه
_
ياهو يحجي ودمعتة تمطر دمه
عن سلاسل كيدت جف السمة
يكلها ابوج النارة جانت مضرمة
بالسجن مات وتضل مهضومة
_
بالسجن عاش ونسة طعم الهوة
سنين وعيونة فلا مرها الضوة
شكثر ليل الله بدمع حزنة انجوة
وخل يسولف الها كل علومة
_
رايدة من يحجي مايحجي بصبر
كون كلماتة لطم فوك الصدر
راح ابوها وبالسجن راح العمر
وكون يذكر جبدتة المسمومة
_
جرح ابوها مو سهل جدا صعب
والكلب صعبة اذا فارك كلب
وي دمعها دمعتة رايد تصب
الليلة اسوار الصبر مهدومة

ندري بفراك الابو يكتل كتل
والدمع معذور خلة اشما يهل
جنازة مابيها دمع ماتنحمل
الليل شنهو الليل دون انجومة
_
كون كل الدنيا تبجي لحالتة
بنتة ماونت بشيل جنازتة
يامصاب المثل هاي مصيبة
وسفة بالسم ذبل عود رسومة

سيد معتز الحسيني



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لطفك بعبدك يربي  وغيثنه من هل وباء
رحمتك بينه يلاهي نسدت ابواب الدعاء
مذنبين احنه مندينه
رحمتك يارب علينه
ــــــــــــــــــــــــــــــــــــ
نسدت البيبان كالو  لجن ضل بس بابك
ماكو غيرك نعتنيله  لـون همـنه تـشابك
رحـمتك كلش جبيره  والبشـر احـبابـك
يمكن بغفله يلاهي  وهل نسينه حسابك

نغلقت الابواب كلها  بعد بيمن نستغيث
ماكو غيرك يالاهي هوه بس انته المغيث
لطفك وعطفك دعينه
رحـمتك يارب عليـنه ــــــــــــــــــــــــــــــــــــــــــــــــــــــــــــــــــــــــــــــ
عجزت العالم يلاهي  لجن حاشه لحظرتك
انته ما تعجز نعرفك   ونطلب احنه مروتك
انـته يارحـمن انـته   وياكريــــــم برحـمتك
انظر اعلينه بحنــانك  فدوه اروح لنظـرتك

قل هـو الرحمــن انته  قل هـو الله أحــد
يالاهي أذنـوب عدنه  مالـهـا عـده وعـدد
وبمحمدنه وعليـــنه
رحمتك يارب علينه ــــــــــــــــــــــــــــــــــــــــــــــــــــــــــــــــــــــــــــــ
اي دخيلك يالاهي  هل مرض مرانه مين
سدد البيبان كلها  وباب حـيدر والحُسين
فـوك ما صعبه يربـي راح سـد الحـرمين
حيله ماضلت بدينه  غير دمعات وحنين

احـنه ماعدنه وسيله  غير ال المصطفئ
همه داي الكل معظله  همه للعاجز شفئ
ندعي بالزهره الحنينه
رحــمتك يارب عليـنه
ــــــــــــــــــــــــــــــــــــــــــــــــــــــــــــــــــــــــــــــ
يـارؤوف انـته بعبـادك  ياسميع  ويامجـيب
نـسئلك بالغـالي عنـدك  أبمحـمدنه الحـبيب
بيك نتــــوسـل يربنه  والتـــوسل ما يخيب
يا مشافي ويامعافي هوه بس انته الطبيب

فقره تدرينه يلاهي  وغير شخصك مالكينه
مفظل اعلينه برحمتك رحمتك خيمه علينه
الك نتوسل اجيــــنه
رحـمتك يارب علينه
ــــــــــــــــــــــــــــــــــــــــــــــــــــــــــــــــــــــــــــــ
الــف شكــرا يالاهي   لئن خالقني بزمـان
بيه محمد بيه حيدر  وبيه فاطمة الحنان
وبـيه اولاد الزجيـه  همه للخـايف امـــان
احمدك ياربي حمداً  الف شكراً ومتنـــان

لو شلت راسي لسمائك رئسن تكلي انته هاك
مقصر انــه ويــاك ادري  يالمخجلني بعطــاك
من ادينه الصار بينه
رحمتك يارب عليـنه
ــــــــــــــــــــــــــــــــــــــــــــــــــــــــــــــــــــــــــــــ
العبد المقصر لله ورسوله
                   الخـــــــادم
         محمد رحيم المشعلاوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الليله جمعه وروحي ارد اسكيها
بدمع فكدك يمه كون ارويها
دمعي ينزل بالمصاب..يروي روحي بالتراب
روحي اتراب الكبر يشفيها
&&&
روحي لو جلجل حزنها بكل مسيه
تذكر الغياب عنها وتبجي هيه
صعب المفارك عزيز البيه بيه
جن لهيب النار بكليبي ومنيه
من اسويلك ثواب..يروي روحي بالتراب
روحي اتراب الكبر يشفيها
&&&
ندري كل جمعه يجون الفاركونه
يوكف عل الباب تهمل بس عيونه
يشوف اهله واخوته هم يذكرونه
يوم يشرب ماي لو لبنه هدونه
بكاس ماي من الشراب.. يروي روحي بالتراب
روحي اتراب الكبر يشفيها
&&&
ليلة الجمعه عظيمه من تمر
علينه مجمعين واسمك ينذكر
عليك نقره الفاتحه احنه جهر
ظهري يمه عليك محني ومنكسر
وتستمع انته الجواب.. يروي روحي بالتراب
روحي اتراب الكبر يشفيها
&&&
فركتك صعبه ييمه ومو سهل
والبعد جتال يبني وكلبي ناره تشتعل
عايش بكبرك ييمه عليك ملتم النمل
اذكر امصابك عيوني بس تهل
لو شفت يمه الشباب.. يروي روحي بالتراب
روحي اتراب الكبر يشفيها
&&&
ساعد الله كلبه الفاكد ولد
وكلب امه منكسر ماله سند
من تجي الجمعه تزوره عالوعد
تروح يم المكبره توفي العهد
تذكر مصاب الرباب.. يروي روحي بالتراب
روحي اتراب الكبر يشفيها
&&&
يم علي من تروح امه وتسئله
يالفكدت انت شباب بكربله
وراحت العفه اسيره بقافله
ودخلت على ايزيد كومه بالمله
شافت انواع العذاب.. يروي روحي بالتراب
روحي اتراب الكبر يشفيها
&&&
خادم اهل البيت
الحاج ابو علي السعيدي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

كلمات القصيدة
...
العمره ما شايل اجروح
لا يلوم الذي ينوح
انه ودعت الحسين
عفته بس عفته مذبوح
...
انه اخت البالذبح قلبة عليه
قلبة قبل اخيامي نيرانه سريه
انه اخت القايل بهاي الرزيه
الموته سهله والصعب زينب سبيه
ياهي مثلي من الناس
قلب اخوها ابهالاحساس
حتى وابقطعة الراس
اخته عن باله متروح
...
العمره ما شايل اجروح
لا يلوم الذي اينوح
انه ودعت الحسين
وعفته بس عفتة مذبوح
....
الخنسه لو ناحت صخرها يعذروها
انه بس اليمنعوها اتنوح اخوها
الشمر من يسمع بجي ايقول اضربوها
حرمه وامتوني ابضربهم ورموها
الزجر ماقصرو وياي
ابسوطه وايسكت ابجاي
وتترس العبره عيناي
والدمع سكته مسفوح
...
والعمره ما شايل جروح
لا يلوم الذي ينوح
انه ودعت الحسين
عفته بس عفته مذبوح
...
المثل اخويه اشويه لو ادمي المحاجر
حتى راسه اوهوه ميت بي مشاعر
خل اسولف من بعد قطع المناحر
اشلون راسه ايفكر ابحالي او يساهر
ابكربله شفته مقطوع
لاجن الحالي مفجوع
ينظر اويذرف ادموع
وقتله يا خويه مسموح
...
العمره ما شايل جروح
لا يلوم الذي ينوح
اني ودعت الحسين
عفتة بس عفتة مذبوح
...
جسم اخوي ابكربله خليته عاري
وراسه ما جنت ادري وينه الله داري
من دخلت الكوفه لنه بانتظاري
عالرمح شفته وعليه اسود نهاري
شفته والمحمل ايميل
واضربت راسي بالويل
دمي ضل يجري وايسيل
وحقي لو فاضت الروح
...
العمره ما شايل جروح
لا يلوم الذي ينوح
انه ودعت الحسين
عفته بس عفته مجروح
...
امضي للشام او مضه الراس اعله رمحه
انظره ابدمعي واحس كل نظره ذبحه
دمه يقطر والهوا يسقي اعله جرحه
وانه كل خوفي رقيه لا تلمحه
جنت اسليها وتنام
خوفي من توصل الشام
اتشوف ابوها بالاحلام
وبالطشت منحره ايلوح
...
العمره ما شايل اجروح
لا يلوم الذي ينوح
انه ودعت الحسين
عفته بس عفته مذبوح
...
الراس اذكر موقف ايظل ابفؤادي
ركز رمحه وعجزت اتشيله الايادي
عالسبب قاموا يسئلون الاعادي
وعلي جاوب طفله تاهت بالبوادي
.....

للشاعر علي السقاي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

https://instagram.com/motaz__alhoseni?igshid=8evihuduruhs

حساب الشاعر سيد معتز الحسيني

شاعر الحاج باسم الكربلائي والملا قحطان البديري

في الانستكرام الوحيد والمتواجد فية
يرجى المتابعة ليصلك اليك كل ماهوة جديد

بحق الامام علي //ع//على السان السيده زينب// ع//



ابليلة قـــدر وكت الفجـــر فجعوني
شفت الدمه وحامي الحمه بعيونــي
خاطري وگلبي انكسر انه زينب 2
------------------------------------------
ابليلة چانت يفترض بيهه السعـاده
الله نزل رحمته ولطفه لعبـــــــــاده
وانه جابولي الولي بدم الشهـــــاده
والمرادي بهل الفجر حصل مــراده

غاب الامـــل خير العمل گدامـي
الدمعه جرت واطشـرت احلامي
عاشر عيوني السهر
------------------------------------
گبالي جابوه وشفت حمره العمامـه
شكله متغير علي ومطبوره هامـــه
اتوسلت ربي وصحت كومه بسلامه
هذا ابوي المرتضى اليرعى اليتامه

حنيت انـه وضهري انحنه للوالــي
شنطر بعد هــــــــذا الضمد والغالي
عمري محنية ظهر
-------------------------------------

شفته وجروح الكلب ردت جديــــده
وأسئل حسين شجرة لحال الصميده
راسه معصوب وابونه مسبل ايـــده
گلي مجروح ودوه ما اضن يفيده


جفني يهلي وطبرة علـــي چتالـــه
بين الدمــع واصعب وضع يا حاله
خدي بدموعي انحفر
----------------------------------
ذكرت امي ورجع بالي لكسرهــــــه
افترت الدنيا وعلي دارت غدرهـــــه
هايه ليلة الوادم تنام بفجرهــــــــــه
وزينب بحسره ودمه محني ضهرهه

تدمي الگلــب ليث الحرب يتصوب
الحالي بقهر صم الصخر يتــذوب
مدري شيريد الدهر

---------------------------------
وجهه مصفر الوصي حامي الحميه
ينظر بعالي السمه وينظر اليـــــــــه
چن احس بنظرته توديع اليــــــــــه
نزلت الدمعه وبقت عيني جريـــــــه

ابراسه الجرح والدم يسح ويكابر
الچانالي فـــي ينظـر علي وصابر
يحمل آلامه انجبر
----------------------------
اقره بعيونه حجي وفرگه ونهاية
اشعر يگلي الصبر زينب ورايـــه
كتله بويه اتجحرت بلحاله هايـه
وما دريت الوعتي چانت نهايـــه


اليفگد محب يصبر چذب بغيابه
حيلـي انهدم نـــــار الالم لهابـه
هيجي خلاني القدر



✍الشاعر رعد الجريخي✍


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

وياك يا با الفضل :: بحماك يا بالفضل


،،،،،،،،،،،،

سلام اعلى الكفيل الجوده بيميــــنه
سلام من العقــــيله ودمعة سكـينـه
يبو الحملات بعدك من يحامــــــينه
نورك غاب چا يا هو اليدلـــــــــينه
وياك يا با الفضل ::: بحماك يا ابا الفضل


،،،،،،،،،،،

بعد ما عندي حتى دموع وابچيـــــهه
كلمة ها عفتني مگدر احچيــــــــــهه
يبعد اختك يكافلها ويحاميـــــــــــــهه
آه من الوداع وهاي تاليــــــــــــــــهه
وياك يابت الفضل :: بحماك يابا الفضل

،،،،،،،،،،،،


اريد اتعنى يم النهر واشكيـــــــــــــلك
يخو زينب اجتك زينب دخــــــــــــــيلك
كفيلي وچنك ابني وردت الولــــــــيلك
افرغ العلگمي بعيوني وابچيــــــــــلك
وياك يا با الفضل :: بحماك يا با الفضل

،،،،،،،،،،،،،




آه يا موت وادري تخيب ضنونـــــي
اخذني وياه ليش تموت عيونـــــــي
النهر ما بيه حميه اعلى اليحامونــي
كشف ظهر الكفلني وطيح متونـــــي
وياك يا با الفضل :: بحماك يا ابا الفضل

،،،،،،،،،،،


شحچيلك على النار وعلى ايتــــــــــامي
على سهم العمى عيونك على سهــــامي
شگلك چم طفل مسحــوگ گدامـــــــــي
على العدوان من طبو على خيامـــــــــي
وياك يا با الفضل :: بحماك يابا الفضل


كلمات / رعــد الفريـــجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

إقتــــرب يــــوم الرحيــــل
ـ

بويه ياحامي الدخيل / بويه بويه
ليلي من بعدك طويل / بويه بويه
إنصدع ركن الهدايه إبطبرتك === حنـّت المحراب بالدم هامتك
وإقترب يوم الرحيـل / بويه بويه
ـــــــ
من نـَعـَه جبريل والدنه إو سمعنه
إنطـُفه بالدار وإتحسـّر شمعنه
وإنطعن جدنه النبي إبدلاله طعنه
لعنة الله إعليه إبن ملجم فجعنه

إنفجع بيك الرســول / جدنه جدنه
عـَزّه زهرتنه البتول / جدنه جدنه
ﮔالوا المجرم تـَعـَدّه إبسجدتك === حنـّت المحراب بالدم هامتك
وإقترب يوم الرحيـل / بويه بويه
ـــــ
لعنة الله إعليه يـَتــّمـْنـَه المـُرادي
وإبشهر رمضان فجعونه الأعادي
ياعلي إعليك العمر حزني إو حدادي
إنتَ فايز بالشهاده إو بيها شادي
فارﮔتنــــــــه يامـَهيـــب / دامي دامي
والزمن قاسي إو عجيب / دامي دامي
ريت أفديها إبمهجتي مهجتك === حنـّت المحراب بالدم هامتك
وإقترب يوم الرحيـل / بويه بويه
ـــــ
ياعلي إوداعك صعـُب يابو الحميـّه
ريت ويّاي الشفيعه الهاشميـّه
جـُرحك إنـْضـَمده يبو النفس الأبيـّه
نـُنصب المأتم عليك إبكـُل مسيـّه
وإبنزف هاي الجروح / إمـّي إمـّي
آني ويّاها أنـــــــــوح / إمـّي إمـّي
حـَقـّقت ندري يغالي غايتك === حنـّت المحراب بالدم هامتك
وإقترب يوم الرحيـل / بويه بويه
ـــ
ياعلي الأيتام يم بابك يتانون
تعطف إعليهم يشوفونك يريدون
والحزن خيـّم عليهم وأظلم الكون
راح ياذيهم غيابك ياعلي إشلون
إنظـُر إلهم ياحبيـــــب / مـَرّه مـَرّه
صعبه لحظات المغيب / مـُرّه مـُرّه
عنهم إتروح إو طويله غيبتك === حنـّت المحراب بالدم هامتك
وإقترب يوم الرحيـل / بويه بويه
ـــــــ
من سمعتك بويه وَصـّيته كفيلي
بيـّه يابو إحسين آلمني دليلي
وإعـْرفـُت ما ﺗﺑﮔـه بويه إيطول ليلي
مهجتي نزفت دماها إو غاب حيلي
يا أبو فاضل تعـــال / خويه خويه
ما يظل حيدر محال / خويه خويه
إحضر إويانه الوداع إبعبرتك === حنـّت المحراب بالدم هامتك
وإقترب يوم الرحيـل / بويه بويه
ـــ
يا أبو الحسنيين ريت إوياك أرْحـَل
ياحبيبي العيد جانه إشلون لو هـَل
شـَرْدﮔلـّه العـَنـّك إبآلام يـِسـْأل
تنزل الدمعات والدلال يـِنـْسـَل
ما أعـَيـّد مستحيــــل / آني آني
أنـْخـَه بارينه الجليل / آني آني
يـِظـْهِر المهدي إو يـِعـَلّي رايتك === حنـّت المحراب بالدم هامتك

وإقترب يوم الرحيـل / بويه بويه
ــــــــ

شاعر أهل البيت / جابر النجفي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ياحسن لف العمامه لايشوفون اليتامه
هامتي ماريدن يشوفونهه
سيف أبن ملجم مغير لونهه
لايشوفون لايشوفون
******************************
بجرحي أبد ما فكرت بيهم أفكر آني
المنهم الفاگدله أبو آنه أبوه الثاني
مرتين گلبه يلچم مجروح لو شافاني
ماهمني راسي وطبرته بس حالهم أذاني
الفجر باجر من يطر وتسمع الأيتام الخبر
أشچم يتيمه باجر يبچونهه
سيف أبن ملجم مغير لونهه
لايشوفون لايشوفون
******************************
دگو الباب من الصبح وأسمع بچيهم عالباب
تختلف دگت المنفجع مو مثل دكت الطَلاب
بعيونهم دمعت حزن وعبراتهم بيهه عتاب
موهامتي البيهه الجرح بگلوبهم صارصواب
واحد بواحد سئل والينه ميت لوعدل
صوت البواچي بدارنه يسمعونهه
سيف أبن ملجم مغير لونهه لايشوفون لايشوفون
******************************
الدكتور يفحص حالتي ولمّن طلب عرگ الشات
سمعواعله لباب الخبر الأم راسي السم من فات
أوصي وصيتك ياعلي بيامك المعدودات
المثل جرحك مانجه يومين من عده ومات
صرخت الفاگدله أبو أسمع عليَّه من بچو
دموعي همه الگامو ينشفونهه
سيف ابن ملجم مغير لونهه
لايشوفون لايشوفون
******************************
النصراني من گال اللبن يفيد جرحي المسموم
كل واحد بچفه لبن عالباب وگفو كل يوم
واحد الزينب ناوشه واحد يگل الكثوم
العيد باچر من يمر ياهو اليجيبنه هدوم
ياهو اليفرح الأيتام وهدومنه من العام
لومات حيدر بيمن يبد لونهه
سيف ابن ملجم مغير لونهه
لايشوفون لايشوفون
******************************
الايتام بالكوفه مثل ولدي وتشهدلي الناس
هدوم الايتام أشتري تشبه هدوم العباس
بوست حسين اعله النحر خدودهم من تنباس
شبگاتي وي زينب سوه أشبگ عليهم بحساس
مافرقت والله شهد عندي بمعزتهم وشد
تروح المحنه وي الأبو يدرونهه
سيف ابن ملجم مغير لونهه
لايشوفون لا يشوفون
******************************
ياحسن هاي وصيِّتي بذوله عيال الرحمٰن
ربك الخصهم بالذكر وآياتهم بالقرآن
لليتم مايرضه القهر فك گلبك ويه الذرعان
اليکفل يتيم بياأجر ربك يجازيه جنان
أنته التصير الهم ستر ماريدن يمرهم فقر
حاجتهم بلايه طلب تطونهه
سيف ابن ملجم مغير لونهه
لايشوفون لايشوفون
******************************
الشاعر
حيدر الشغانبي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بفگدالاهل ماظل صبر واحد كسر واحد طبر
ماناسيه أمي الهسه أون
بموت الأبو ظلوعي الّلون
******************************
من زغري رافگني الحزن ماعافني صار سنين
ليلي اليمر اگضيه بچي مانشفن دموع العين
ميته أمي لاكن من اون عبراتي تسمعهن زين
للمگبره يروح الأبو وتگله رد ام حسين ردياعلي زينب بچت من البارحه ما غمضت
متعوده أتنام بحضن
بموت الأبو ضلوعي الّلون
******************************
عن أمي عوضني علي المدلله يسميني
بكلمات أمي فاطمه من أبچي يحاجيني
يازينب الون بطلي دمعاتچ أتأذيني
ضليت هسه بلا أبو ياهو الينشف عيني
الفاگد أبوه بدنيته ياهو الينشف دمعته
ماتت امي من زمن
بفگد الأبو ضلوعي الّلون
******************************
من جابه للبيت الحسن وهدومه غرگهه الدمه
أيده اعله خاصرته يحط ذكرني بمي فاطمه
يگلهم أختكم لاتون وآنه اعله راسي لاطمه
مايقبل يراوي الجرح لحسين راسه عاصمه خلوني أشوفن راسه محلفتكم بعباسه
نياط گلبي تگطعن
بفگد الأبو ضلوعي الّلون
******************************
جابوا الدكتور وأجو بلكي الجرح يشفونه
يفحص أبوي وأستمع خواني يسئلونه
جيبو اولاده ياحسن خلوهم يودعونه
الوچهه يشع مثل لگمر من الطبره زرگه عيونه
صاير زراگ بوجنته غيرت وجهه طبرته
عينه مثل ام الحسن
بفگد الأبو ضلوعي الّلون
****************************** يوصي الحسين أوحسن صيرو الأختكم حراس
هذا كفيل من أخوتچ حط أيدي بيد العباس
الرد الشمس حضنه برد ويتنفس آخر أنفاس
ميت عرفته من شفت گام الحسن غطه الراس
بموت الأبو گلبي نشلع دگاته تكسر بالظلع
من صدري أحس تشلعن
بفگد الأبو ضلوعي الّلون
******************************
الفاگد أبو يبچي بألم تختلف نبرت نوحه
الما إله بالدنيه أبو چا شله بعد بروحه
أيام الفرح بيه ماتمر ماساعه منهه تلوحه
الضحكه بيهه يحس ألم اعله شفايفه مذبوحه
ضحكت الفاگد والده موضحكه كلبه تمرده
ياكل بروحه الحزن
بفگد الأبو ضلوعي الّلون
******************************
الشاعر
حيدرالشغانبي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الاخلاص في الخدمه الحسينية


هنيـاله. التهيّم
بالخدمه وتحزّم
من قنبر تعلّم صدگ فاز وتنعّم
ضمان. امان. جنان. صدگ فاز وتنعّم
........

خدمة اهل البيت نعمه الله بارك بيها
خيـر ما بيـها نــدامه اوّل وتاليــها
ياالـف هنيــال كلمـن يخلص لراعيها
فاطمــه الزهره الزچيه يربح اليرضيها

درب الله دربها
ما خاب الندبها
وتشيله. بگلبها. قسم كلمن يحبها
ضمان. امان. جنان. صدگ فاز وتنعّم
........

تحضر الزهـره اكيــد. وتنـظـر لخدامها
بدفتر الخـدمه تسجله اليحضر بأيّـامـها
خـادم الزهـره صفـاته يشعـر بـآلامــها
كون متواضع تشوفه ويستحق لوسامها

مصداق بكلامه
عاشگها الخدامه
متولي الامامه. عهد حتى القيامه
ضمان. امان. جنان. صدگ فاز وتنعّم
........

فاطمه تريـد اليودها ينفع اهله وناسه
بالفعل خادم حسيني مو فقط بحساسه
كون يعرف قدر نفسه لا يـكبًـر راسـه
نيّة الانسـان تـرفـع هيبتـه ونوماسه

مبخوت الـ توفقه
وبقنبر. ترفقه
من ذنبه تعتقه. ربح. لمن تصدَقه
ضمان. امان. جنان. صدگ فاز وتنعّم
........

الخدمه اخلاق ومحبّه والتواضع تاجها
واليـريــد يفـوز بيها يلتزم منهــاجها
هيه ما تحتـاج واحــد والخَدَم تحتاجها
فاطمـه هيه البـدايـه ويم علي معراجها

خل نخدم سويّه
هالخدمه. هويه
غايتنه. الزچيه. ذخُر للجعفريه
ضمان. امان. جنان. صدگ فاز وتنعّم
........

احنه خــدام الزچيــه وهالأسم يكفينـه
من گلب ولسان نخدم كون ترضه علينه
لا ريــاء ولا تـكـبًـر لا طمـع يغـوينـه
خدمه عالفطره عظيمه الله يـقـبـل بينـه

بالمأتم. حضرنه
بالدمعه. وصبرنه
يتضاعف اجرنه فده الهه عمرنه

ضمان. امان. جنان. صدگ فاز وتنعّم
........

لو گلب واحد صفينه يرضه عنه الغايب
نبتـعـد عن المعاصي نلتـزم بالواجـب
يقبـل المـهـدي عملنه ما يردنه الصاحب
حاضـر الليله معــانـه عن قريب يراقب

غايتنه واملنه
يتقبّل عملنه
ويبارك فعلنه. اله يلتم شملنه

سيد زيد الفحام
______________________




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#قصيدة فتوة عيني دمعه.
°°°°°°°°°°°°°°°°°°°°°°°°°°°°°°°°°°°°°°°°°
شما أبچيلك أنه أمقصر أبعمري
وتمنه ابدمعتي ينحفر گبري
وعيشن ألك خادم… بگدعمر المأتم
حسين ياحسين_______حسين ياحسين
°°°°°°°°°°°°°°°°°°°°°°°°°°°°°°°°°°°°°°°°°
خدمتك ثوبي الاسود والشرف بيهه
وأحسهه رايه وأترف أبمعانيهه
بخدمتك حيل أكبر وأفخر أحچيهه
تسير بيه دمعه وچادر أبنيهه
حتى ابعشگي أساهم… بگدعمر المأتم
حسين ياحسين______حسين ياحسين
°°°°°°°°°°°°°°°°°°°°°°°°°°°°°°°°°°°°°°°°°
اعيشن بالمجالس غايتي الغايه
بخدمتك شفت روحي اوصارت امرايه
النفس من ارد اشهگه ايرجف الرايه
لأن أخيام روحي وأنت تچايه
وحزنك بيه عالم… بگدعمر المأتم
حسين ياحسين________حسين ياحسين
°°°°°°°°°°°°°°°°°°°°°°°°°°°°°°°°°°°°°°°°°
فتوة عيني دمعه الخاطرك تطلع
وحشم كلشي بيه أبمجلسك يفزع
ولطملك لطم گد قيمة المطلع
بخدمتك شرف أشبع لحد ماأشبع
من بحر المكارم… أبگدعمرالمأتم
حسين ياحسين……… حسين ياحسين
°°°°°°°°°°°°°°°°°°°°°°°°°°°°°°°°°°°°°°°°°
هنياله اليحس سهمك لفاه بصواب
وذا نجمع أسنين العمر دگة باب
بس أيام جرحك بينه ظل ماطاب
هاي التنحسب لمن يصيرأحساب
ألطملك هذا غانم… أبكدعمر المأتم
حسين ياحسين……… حسين ياحسين
°°°°°°°°°°°°°°°°°°°°°°°°°°°°°°°°°°°°°°°°°
يعيرونه الطملك يبو أسكينه ابهاي
هيچ الوكت صاير عطش حتى الراي
مايدرون عشگك بينه ورده أوماي
أذا ماتنسگي مايظل كلشي أبهاي
اليحبك ظل يقاوم… بگد عمر المأتم
حسين ياحسين……….. حسين ياحسين
°°°°°°°°°°°°°°°°°°°°°°°°°°°°°°°°°°°°°°°°°
خادم أهل البيت.. ع..
أبوحسين السرگودي…🕊🕊🕊





الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

صرخه مـن جرح الگلب يا عـلـي فـراگك صـعـب
صوّبَتنه مصيبتك يا حامي الجار
--------------
صرخه ودمع يا بالحسن * وجمرة هـضم تتوجّر
ارواح بعدك يا علي * لمصيبتك تتحسّر
بكل الگلوب المؤمنه * حبك سكن يا حيدر
وكـل گلب لمصابك يظل * ينزف دمه للمحشر
فگدت اوياك الـصـبر وراحـت احلام العمر
شوف لوعة عيلتك يا حامي الجار
----------- 1
وچـم عين يا حامي الحِمه * لجلك تِهِل دمعتهه
هل محنه مو بس عيلتك * متلوّعه بشدّتهه
كل الارامل يا علي * لفگدك تظل حسرتهه
وكل المـساكين اصبحت * متحيّره بلوعتهه
چنت للناس الامل وغيّبك سهم الأجل
وظل حلمهه بصورتك يا حامي الجار
------------ 2
وايتامك الچانت تحت * ظلّك يظل الرّحمه
الكل منهم اصبح يا علي * يرعاه نوحه وهمّه
ما چان بوجودك فرِد * منهم يحسّ بيتمه
لاچن بفگدك سيّدي * اتيتّمت كل الامّه
اوعُگب عينك الزمن ذبهه باحضان المِحن
وهذي حالة شيعتك يا حامي الجار
-------------- 3
بهل حاله ظلّت امتك * وحال الملايك أصعب
تواسي النبي أعلى مصيبتك * ولجلك يحيدر تنحب
ونيران سم چبد النبي * هل يوم گامت تلهب
وبسيف ابن مُلجم صُبَح * ضلع الوديعه امـصوّب
مصـابك بگلب الشرع جدّد مصاب الضلع
وظل يعيش بحسرتك يا حامي الجار
-------------- 4
أهل الأرض واهل السّمه * عاشوا بهاي اللوعه
وحتّى الطبيعه اتأثرت * بمصيبتك مصدوعه
حتى المطر حتى الهوه * لجلك يهل دموعه
وروح الحياة اتغيّرت * يا بالحسن مفجوعه
والليالي اتكدّرت والايّام اتحسّرت
من غِبِت عن دنيتك يا حامي الجار
-------------- 5
يا بالحسن هذا الجره * الكون انفجع لمصابك
ودين الله ناح لفرگتك * وظل ممتحن بغيابك
وظلّت صـلاتك حايره * تنتظرك ابمحرابك
ومشتاگ يلثَم جبهتك * يا بو تراب اترابك
يا علي وصاب الدهر سهم احزان وكِدَر
وظل ينوح لفرگتك يا حامي الجار
-------------- 6
عقيل الكاظمي / الشارقة





الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

حاضر لو چنت يحسين تشوف شذبّل اعيوني

يبن أمي ولحّد الموت زراگ اسياط بمتوني 

………………………………………………………………………………………………………………………………………………

……………………………


چنت منك يضي عيناي بطيوفي أنتظر جيّه

وأسمع صوتك يگلي گواچ الله يا خيّه 

غريبه ووحشه گاع الشام واتنطرك ليليه 

واكولن خويه الف يا حيف

اشوفك كمت بس بالطيف 

أفك گلبي وعذابي الضيف

أكرم ضيفي بدموعي لحد ما تذبل جفوني 


………………………………………………………………………………………………………………………………………………

……………………………


ذبلن والدمع يحسين نهار وليل دم يجري

مره أنحب على فرگاك مره الضيعتي وخدري

بهذا اليوم يامظلوم يوم الينختم عمري

عيوني رادت تشوفك 

وتغمضهه بچفوفك 

بين ظروفي وظروفك

گوض حيلي يا سلواي محد ينشد شلوني 


………………………………………………………………………………………………………………………………………………

……………………………


سنه ونص والحزن يحسين ظل بمهجتي حاضر 

كل يوم اليمر خويه أعيش الصار بالعاشر

الهوه الأتنفسه يغثني يشبه دوست الحافر 

بالضيم انترس گلبي

وبحزنك صفه مسبي  

عيوني الكربله تربي 

عيوني اعليك تنشدني وأكلهه إعزازي ماجوني 


………………………………………………………………………………………………………………………………………………

……………………………


ردت عباس والعباس مشتاگه شكثر روحي 

عفت اعله الشريعه عيون موش دموعي وجروحي 

يعرف ما يرد الراح لكن ما خلص نوحي 

والينشد تره اعليه 

أنا زينب المسبيه 

صرت زينب المنسيه

الشام وآه من الشام خويه هواي أذوني 


………………………………………………………………………………………………………………………………………………

……………………………


يبعد العين خويه حسين ردتك حاضر بدفني 

باعدنه الزمن خويه ثگل نوحي بسبب ونّي 

بعد السبي شحچيلك شسولف يالأخو عنّي 

ما يگظي بدمع ليلي

غريبه ومنهدم حيلي 

أصيح بدمعتي سيلي 

على الراحوا غصب عني بديرة غرب خلوني 


………………………………………………………………………………………………………………………………………………

……………………………


يحسين الجرح ما طاب گلبي الذاب بمصابك 

أنا الميته امن اهد عاشور من عفتك على اترابك

لذلك ما گلت للموت يموتي بهالمسه اشجابك 

منيتي اتأخرت عنّي

سنه ونص ما خلص ونّي

تراه السوط هد متني 

واحمولي الثجيله أيتام بس عنك ينشدوني 


………………………………………………………………………………………………………………………………………………

……………………………


خادم السيدة زينب عليها السلام

عمار هليل الواسطي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مرّ بيّه طيف من الفجر ... يم سلمه شنهي العذر
ما أظن المهاجر يرد ... مچتفينه بحبال الورد
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بالطيف كل غالي شفت يضحك بوجــــه الغالـي
ونــار الـ عليهم حايطـــه وآنــــه انعصر دلّالـي
مسيرين گالـــوا عالنبـــي وآنه اتركوني الحالي
أظهورهم داروها الي ودمعي على خدّي يلالي
أحتاريت اروح اليا كتر ... يم سلمه شنهي العذر
مرّ بيّه طيف من الفجر
ـــــــــــــــــــــــــــــــــــــــــــــــــــــــــــــــــــــــــــــ

بليلة عرس جاسم شفت والحنّه كلّـــه مطشّر
بس طفّته الريح الشمــــع وبجدام خيل اتحفّر
وتگاودوا هـــو وعلي والهوى بريتي اتكسّر
كل واحد بچفّه غصن يابس ولا چنّه اخضر
ووجوهم صارت صفر ... يم سلمه شنهي العذر
مرّ بيّه طيف من الفجر
ــــــــــــــــــــــــــــــــــــــــــــــــــــــــــــــــــــــــــــــــــــ

بين البدر بين الشمس غيــم اسود ومــــا ضوّه
وحسين ايده علـــى الظهر ومــــن الوجع يتلوّه
عينه على شاطي العلكمي ونگلت اجدامه بكوه
حيله رگـــد لمّن رگـــد منّـــــه احــــزام الخوّه
يگوم على حيله وينهطر ... يم سلمه شنهي العذر
مرّ بيّه طيف من الفجر
—————————

اتسابگن خوف ودمع بس خوفـــي چلچل گبله
مثلوم مــــن شفته الگمــر شايل اســــم عبدالله
حسين غافي وچن جزه المغرب عليه ما صلّى
ما بقت ومضه من الشمس تلملم ضواها بغفله
ولا نور من وجه البدر ... يم سلمه شنهي العذر
مرّ بيّه طيف من الفجر
————————-

يم سلمه بصحره شفت چن كعبـه وأطفال تطوف
عليها وحبل حاط الرگب والكعبه مشدوده چفوف
وجروح بيهن من شفت اغماگ مـــا يرهم روف
ونجوم تاهت بالسمه عافت گمرهــــا من الخوف
من الطيف روحي تستعر ... يم سلمه شنهي العذر
مرّ بيّه طيف من الفجر
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الشاعر ( حيدر الغريب





الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

------------_---------------------------------




بالمجالـس فاطمــه --- تنعــه حمــاي الحمه
منها قد دوا النـداء --- وعتلى صوت البكاء
تنعى حماي الحمه
-----
عدنه موجوده الروايه جعفــر الصادق يكول
تحضر بهاي الشعائـر فاطمــه الزهره البتول
اذا بوجود الزجيه برهنـت اهــــــــــل العقول
فاطمه بهاي المنيه تنعـه يا فحــــــــل الفحول
بالمدامع واللطـم --- فاطمـه ويانــه بهظم
حان اذان العزاء --- وعتلى صوت البكاء
تنعى حماي الحمه
-----
هامي يا حيدر تصوب حين طبروا هامتك
انه جيتك ضلعي دامي رد نزيفــه بطبرتك
روحي مشتاكه وحزينه وعتنيت لحضرتك
يم ضريحك عيني تدمع من اشوفــن شيعتك
تنحب عليك وتون --- شيعتـــك يابالحسـن
فيها عشقا ووفاء --- وعتلى صوت البكاء
تنعى حماي الحمه
-----


بحضرته تنوح بدمعها تنادي حماي الحمه
فكلي باب الكبر حيـدر انـه يمـــــك فاطمه
نزلت بهاي المصيبه وياهـــا املاك السمه
وشيعتـــك يابو الايمــه كلــه ليــك مألمــــه
تنادي بالدمعه وانين --- يا امام المتقين
والانين في السماء --- وعتلى صوت البكاء
تنعى حماي الحمه
-----
يا زمان الما رحمني بطبرتك يابا الحسن
وسفه وبرمضان راسك فايض بدم المحن
من سقيفتهم يحيدر هامك وضلعـي صفـن
يـدن همـوم المأسي شمـا يـمر بينـه الزمن
ابن ملجم بالغدر--- بالصلاه وكت الفجر
قاصدا فيك البلأ --- وعتلى صوت البكاء
تنعى حماي الحمه
-----
العيـد لـو مر اعلـه زينب الفكـدك تعيش بقهر
هيــــه واخوتــه يتامـى يا علــي بهـــذا الشهر
انـه وانتـه رحنـه عنهـم وعنهـم يطـــول السفر
وادري فركتنه اعله زينب تبقى مكسـوره ظهر
بالشعائر هل العهد --- شيعتك انطت وعد
عهدها بالدم ولاء --- وعتلى صوت البكاء
تنعى حماي الحمه





الشاعر طاهر حبيب الهليجي





الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

امشی لم عباس نبره الصوره
یوم رد الظعـــــن للمعموره
*
سمعت ام عباس من رد الظعن
للمدینه وبشر ابن حذلم علــــن
زینب ابلا زلم ردت للوطــــــن
وماکو رایه اعله الظعن منشوره
*
الزلم فرعت روسهه وصوب العلیل
ولنسه للنسه جرّت بلعویـــــــــــل
ترکض وتوگع غدت ام الكفیــــل
الخبر چایـــــــد والدرب عاثوره
*
اتگوم ام عباس بلرکضه وتگع
اتصیح بسک یا بشر گلبی انگطع
بللـــــه گلـــــی یا هو ابزینب رجع
عگب ابوالیمــــه الشمس وبدوره
*
ترکض وگامت تصیح اویه الیصیح
احسین یبنی احسین یبنی یا ذبیـــــح
وین زینب بلخبر تحچی الصحیــــح
یمـــــــه یا بت فاطمــــه ما جوره
*
اتعــدت ام عــباس مـــن زینب تره
وتنشد النسوان یا هـــی هلمره
یعنی زینب ها کثر متغــــیره
وها کثر من هلسفر مکسوره
*
هیــــه دلت روحهه الأم البنین
اتگلهه حگچ ما أجیتی اتشاهدین
اثمنطعشهم اگبال عینی امگطعین
وآنــــــه من بلد البلد میسوره



الشاعر
عزیز الفیصلي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ليش يازينب دمعتج سايله
وليش عصابه اعله راسج مايله

شفت اخوي حسين نايم عالثره
وشفت جثته بالسيوف مطبره
شفت من حز الضبابي منحره
ياعضم هاي المصيبه الهايله

شفت جتنه الخيل واحنه بﻻ كفيل
شفت تلهب نار صيوان العليل
حقي من احزن يضل دمعي يسيل
وﻻ ولي وعني اﻻهالي شايله

وﻻشد واعضم وانه بنت النبي
وحيدر واصبح يسيره وانسبي
اكبال عيني سب ابوي اﻻجنبي
كبال عيني وعين كل العايله

ﻻتكلي ليش واسمع حالتي
خل اخبرنك ابحالي وعلتي
مالت العصابه من شفت اخوتي
امطرحه وخيول اﻻعادي صايله

ابجي عالشبان البدور الكرام
اﻻكبر وجسام عالغبره نيام
وانه عني ابعاد اهلي والعمام
واتكلفت بايتام ويه العايله

اليوم شفت عله النهر طاح العلم
وابن ابوي شلون شك عينه السهم
شفت ضهر حسين لعضيده انجسم
شفت اﻻكبر يوم ابيه شايله



الشاعر
عزیز الناجي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بالحرب .. بالحرب .. اثبت وجودي

*
علي الاكبر انه تعلم هالاعادي بسيفي
يفني عسكرها بحملته بحيدره توصيفي
بالحرب اثبت وجودي واعرف بتكليفي
الجيش وجنوده وسلاحه ما گدر
تخويفي
غيرتي .. غيرتي .. وعزمي جنودي

*
ما نهاب احنا الهواشم والحرب نهواها
سيوفنا ترهب خصمنا والعده تخشاها
تذبح رگاب الضلاله وين ما تلگاها
والطفوف لسيفي فرصه وشكثر يتناها
بصولته .. بصولته .. أنجز وعودي

*
يا هلا بيوم الطفوف الانتظر ميعاده
جندي لحسين ومناصر والمناصر راده
اليوم خل سيفي يصول ويذبح اليتماده
ملحمه يسجل أريده وتنحجي بأمجاده
بكربله .. بكربله .. يشهد بزودي

*
ظامي خليني اقاتل والعطش وياهم
بس عطش سيفي ارفضه ويرتوي بدماهم
وينه فارسهم اريده البالألف يسواهم
گبالهم رايد اذبحه وسيفي ما ينساهم
ينذبح .. ينذبح .. اليوصل حدودي

*
ما يهمني الجيش كله ولا كثر حراسه
زودي من زود الصميده والبطل عباسه
بكر ابن غانم ذبحته واگطعت انفاسه
وارجعت لحسين شايل بالايادي راسه
والعده .. والعده .. صارت شهودي

**

خل تأمن عمتي زينب والخيم نحميها
انه والكافل حرسها وابد منخليها
خلي يتزايد عددهـم والعده نمحيها
وراية حسين بدمانه واجب نعّليها
لعمتي .. لعمتي .. منطي عهودي

*
انه احييها الشباب البالحشد موجوده
نادو بأسمي الغياره ويا نعمها جنوده
كل بطل منكم اريده بالحرب مجهوده
وهذي رايتكم تراها بالنصر موعوده
بالحشد .. بالحشد .. كملو مجهودي


خادم علي الاكبر ع احمد علي السراجي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

/كل اليسافر ينگطع ذكره
بس آنه محبوبي انگطع نحره
شتاني .. الرمح لو تابوته
شتاني .. وأهلي كلهم موته
ــــــــــــــــــــــــــــــــــــــ
ساعد الله اعيون الايفارگله غالي
وشنتظر هو آنه من أهلي شبقالي
دائماً أتذكر أيّـــــــــــــام الخـوالي
ودمعي مو للچتف يوصل يم خيالي

موطفله چني امريّه وامشيبه
التمثال إذا أمر بي يحن گلبه
بذانـي .. احسين نايم صوته
شتاني .. الرمح لو تابوته
ــــــــــــــــــــــــــــــــــــــ
باچر ايردون واتطيب الخواطر
وشسمچ اليسألني أكله اسمي باچر
قرّرت من غبشه اتهيأ واسافر
لو اروح الكربله لو للمگابر

لو مر رقيّه أبالـي طاريهه
اذكرهه من لبست تراجيهه
ابحناني .. وابچي عالياقوته
شتاني .. الرمح لو تــابوته
ــــــــــــــــــــــــــــــــــــــ
ابلا سجاچين انذبح كل يوم ذبحه
وانه ترفه والليالي اهــــواي وكحه
استراح ابحاله وحده وگلبي يصحه
لـمّن اتوضّه وكتــــاب الله افتحه

للمارجعلي بس رجع عطره
حزني ابكثر تسبيحة الزهره
سباني .. بلا حبل بسكوته
شتاني .. الرمح لو تابوته
ــــــــــــــــــــــــــــــــــــــ
حتى لو مذبوح يرجـــع من سفرته
حتى لو بشفافه دم ويبوس بنته
ايبوسني ابعيني وابوسنه ابرگبته
وهيج نتشابك سوه وانموت سكته

مثل الضباب ابهيمه خلاني
وامن النواعي يابس الساني
الأماني .. بالگلب منحوته
شتاني .. الرمح لو تابوته
ــــــــــــــــــــــــــــــــــــــ
احسين ماجابوله ماي وگطّـروله
ياعجب والكاتله يمشي أعله طوله
عمتي مسبيّه ويزيد اتدگ طُبوله
وعالنهر مذبوحه ياحيف الرجوله

خَدّامه گالو رادو سكينه
والدافن ابـاله علي وينه
شجاني .. ومارحت زاتوته
شتاني .. الرمح لو تـابوته
ــــــــــــــــــــــــــــــــــــــ
يم گبر مهدوم إذا حزني حچيته
ثاني مرّه الـميّت اتشيّــب لحيته
آنه چم فنجان يادنيه قريته
بالحلم دورت حضـّي ومالگيته

ثاري آنه ما مخلوقه اتهنه
وياجنه بالطف ذبحو الجنه
تراني .. حالي حال الـموته
شتاني .. الرمح لو تابوته



#العبدالحسيني_محمدالجماسي





الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747