قصیدة: ((اشــگــد مــشــيــنــه))
عن لسان حال اولاد مسلم بن عقيل عليهم_السلام

نطوي بدروب الضياع و تطــوي بينه
وضـيعــتنه الــناس بـويــه و تيـهيـنه
اشگد مشينه

تهنــه بين الناس و ادروب الضياع
وگمنه نمشي وين ما عند الله گاع
وادي وادي ابــلايه مــاي و لامتاع
غيــر حظــن اليل مــا يحــظنه باع
و التــعب بين علينه اشگد مشينه

بــويه خاف اتشوفنه اعيون النهار
والغــريب ابهل البلد ما يستجــــار
كثــر ما فـرنه الدهر واعلينـــه جار
صرنــه ننــباع ابثمن لوضفنـــه دار
گلب يرحم مالگينه اشگد مشينه

بويــه نتــخفه النهار وللـه نشچــــي
بلچــي نغفــه ونستچن نرتاح بلچي
وسكتــه گــت ادمــوعنه نبچــــــــي
ولو حچينه امشاور و بهداي نحچي
انخاف لا يطلع بچينه اشگد مشينه

بويه ترفه اعوادنه والغربه تضهد
بويه من التعب گمنه ساعه نمشي وساعه نگعد
عله گبرك ما نشدنه انخاف ننشد
وبدل ما نگرب الك ظلينه نبعد
منوه ما صارت بدينه اشگد مشينه

بويه كل الظيم مرنه ما سلمنـــه
وبلسجن طحنه يبويه وانلزمنه
اشكثر يابويه انهظمنه وانظلمنه
ريت مذبوحين ويه احسين عمنه
ولابگينه اخلاف عينه اشگد مشينه

بويه چل ليل السجن وحنه وحدنه
مــن سمــع ونـــة عبــادتنه نــشدنه
امنين انتــو گلنه احنه الهادي جدنه
بويه بس مــا چل ضلام اليل هدنه
اردود فرينه وحدينه اشگد مشينه
**
بويه لفــنه الــيل بــدورب المنايــــه
وطحنه بيد الرجس وعرفنه النهايه
ابروســنه ياخذ من الطاغي الهدايه
اعله الفرات وما سگانه ابجاري مايه
بلمسيّب ونتهينه اشگد مشينه

الشاعر_
عزیز_الفیصلي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

یلچنت خیمه وتلمنه
انته ابونه وانته أمنه
بویه رایح وین
علی یابوحسین


چنی صوت ام الیتامه اویه السحر
علی فگدک چم گلب منه انکسر
تره الماعنده ولی ابهاذ الدهر
ایضیع یدروب الیالی والخطر

بیهه یطوی البین
علی یابو حسین

بلخرابه یاعلی یبچی الضریر
وبیمن المسکین عگبک یستجیر
چم یتیمه وچم یتیم وچم فقیر
یاهو ابوالایتام من بعدک یصیر
دللتهه اسنین
علی یابو حسین

بگت های الونه بلکوفه تدور وبیهه تنعه الفاجده ابوکت السحور
یاعلی اتانی الیتامه اعله الفطور
بیت بیت اتوزع اعلیهه السرور
بعد عید امنین
علی یابو حسین

چنی صوت الیل یحدی وینسمع
وتگعد ابابه الیتامه وتجتمع مثل ماسکته یضل یبچی الشمع
زینب اتناوبهم ابصب الدمع

ماتبطل العین
علی یابو حسین

بعد بلکوقه زینب باقیه اشعدهه
حدماچان امیرالناس والدهه عادت مثل طلعتهه الوطن جدهه
اویلی اشلون للکوفه الدهر ردهه

امچتفه ابحبلین
علی یابوحسین

طلعت من الکوفه واندار الوعد
وکل اهلهه اخلصت حته البلمهد
صدگ ماتنعرف بلکوفه بعد وامس چانت بت امیر ابهل البلد

شوف دور البین
علی یابوحسین

امس بلکوفه امیره وبت امیر ویلن بلکوفه الدهر عمد یدیر
خارجیه بت علی عدهم تصیر
امیسره ومتکفله اثمانین اسیر
یطلبونک دین
علی یابو حسین

نعی تبعا للقصیده ⛳⛳

امس بلکوفه چان اسمی امیره
وبیهه الیوم نادونی الاسیره
حرمه وحیرتی یاناس حیره وامس من الزلم عندی عشیره

---------

بعون الله تمت

للشاعر عزيز الفيصلي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

خــــــرابه واظلم انهار البنیه
ومن تعب الدرب نامت رقیه
ــــــــــــــــــــــــــــــــــــــ
گعدن شــــــوط مـــن الیل ناحن
وکل وحده ابکتر یاویلی طاحن
عــــــود الظیم بـــاچر یستراحن
باچــــــر یوگفن بیـــــن آل امیه
ــــــــــــــــــــــــــــــــــــــ
باچر عــــــسه بــــاچر لایجیهن
اشکبرهه وگفت المجلس علیهن
اگبــــــال اعیونهن ینطگ ولیهن
وتـــلعب خیزران ابــــــن الدعیه
ــــــــــــــــــــــــــــــــــــــ
تجلب الیل زینب کون واتدور
ونوبه اتصیر عمه ونوب دکتور
تداوی یــــاجرح یاضلع مکسور
وهای اتصیح متنی وهای ایدیه
ــــــــــــــــــــــــــــــــــــــ
عـــــله اتراب الوساده نومتهن
وبــجناح الــــــزچیه حومتهن
تلولی اعلـــه الجروح الأمتهن
واهیه امساهره الونه الخفیه
ــــــــــــــــــــــــــــــــــــــ
نــــــص الیــــــل لن طفله ابحلمهه
الوساده اتراب واتصیح امن المهه
ملح جـــاس ابجرح منهه ولچمهه
وبحــــــت صوت عبرتهه الشجیه
ــــــــــــــــــــــــــــــــــــــ
طفله امن التعب ناحل جسمهه
ورده وذبــــل امن الحر رسمهه
بعـد مــــــحد یعارفهه اباسمهه
نسبوها رقــــــیــــــه الخارجیه
ــــــــــــــــــــــــــــــــــــــ
غدت تبچی عله ابچاها الخرابه
وغــــــفه بجــروحه ملح الترابه
تهــــــز الشام لو صاحت یه بابا
ترانــــــی شــــوفتک عنت علیه
ــــــــــــــــــــــــــــــــــــــ
تــــــنادی وین ماشوفچ یعمه
ابــــوی اهنا یجی ودینی یمه
یشــــــابگنی واشبگنه واشمه
ورشله ادمـــوع عینی واهلیه


عزیز_الفیصلي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

*خوة العباس ع*

بس خوة گمر هاشم صدق خوة
وسلطان الوفه والغيرة بس هوه

هم شفتوا أخو ما يشرب الميه
ويلتذ بالعطش من أجل يانيه
من أجل الأخوة وهمه بس هيه
وبـــلـــذت الخـــوة چـــان يتروه

ماحد يدري ليش انطاهن چفوفه
مو قصة جيوش وشام والكوفه
راد يموت حتى حسين ما يعوفه
وما يشم الهوا وحسين ما هوه

وحتى السهم من خلاه يصل للعين
حتى لو بگى ما يشوف بعد حسين
مثل هايه الاخوة وين صارت وين
ومثل عباس يا هو لذي سوه

يا هو لذي سوه ومن واسه
يدنگ للعمود وينهشم راسه
گبل حسين رايد تخمد أنفاسه
حتى ما يظل بفراگه يتچوه

واجاه حسين أخوه بآخر الأنفاس
عاين سهم عينه وضربته عالراس
صاح كسِرت ظهري خويه يا عباس
وهز الكون هذا الصوت من دوه

وصل صوته للعرش والعرش صاح وياه
حگه حسين يم عباس من ينعاه
أخو ونعم الأخو هنياله من خاواه
توه انطه چفوفه للأخو توه

الشاعر
عزیز_الفیصلي





الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

شــهــر عـن ســلــمــان وإتعنيته
حـسـيـن  يمك ليش ما حضريته

إنـت سـيف الله ورحمته ونقمته
إنـت جـبـرائـيل كاشف كربته
إنـت  حـتـه آدم حضرته إبتوبته
لـيـش أبـو الـسجاد ما نصريته

إنـت عـيـن الله وعله العالم نظير
إنـت  كـل الخلق بأوصافك تحير
عـگـب إبن عمك فلا غيرك يصير
إنـت  مـوجـة نـوح والنجيته

انـتـه لـلـه داعية حگ او دليل
او لـلـنبي غيرك أبد ميصح مثيل
انـتـه  انـتـه البرَّدت نار الخليل
إيـفـور  گـلـب حسين ما بخيته

إنـت جـنة الله وناره والعذاب
إنـت حـم الـهدى وذاك الكتاب
إنـت  والله الترجم الموسى الجواب
لـيـش  صـاح  حسين ما سمعيته

إنـت ذاك الـبإسمك الباري قسم
قـاف بـالـقرآن مع نون وقلم
إنت عيسى امن الصلب بإسمك سلم
وسـهـم چـبد حسين ما منعيته

إنـت بـيك اتحيرت عشر العقول
يـا مـديـر الفلك يا زوج البتول
إنت  كم شده إكشفت عن الرسول
إشـلـون حـاطوا بإبنك وخليته

إشلون حاطوا بإبنك إبذيچ الصفوف
يـا علي ويهنيك فعله إويه الألوف
إنـت  والله إبكربله حاضر تشوف
إشـفـعـل بإبنك الخيل الدخريته

يـا مـنـيـع  الجار يا عز الدليل
يـا مـطوع الجان يا حامي الدخيل
إشـلون صبرك و إنت تنظر للعليل
إمـگـيـد و مـچـتوف ما فكيته

إنـت حـلال المشاكل من تضيج
إنـت ما يبعد عن إحصانك طريج
إنـت حـكم النار بيدك و الحريج
بـالـمـخـيـم نـار مـا طفيته

والچبيره اللي تشب نار الگلب
ممشه زينب والحرم ويه الغرب
الزلم عاد اله التچتل بالحرب
او شتم زينب للشمر عديته



المرحوم الشاعر مله اسماعیل_الفیصلي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

في حب امير المؤمنين علي عليه السلام

يرسمك زماني ويورد معاني
وتعيش ابكياني علي ياعلي

********************

شوصفك يااميري وتنطق الكلمه
اذا توصل عشر معناك متوهمه
ياظلمه بوجه كل طاغي ونقمه
ويابسمه ابوجه ايتامك اورحمه

بدليلي نبضها يهزني لفظها
ابوريدي ولساني علي ياعلي


***************

انا المفتون والمجنون باوصافك
اقتبس نورك اظن الكمر من شافك
وباسم الله انطبع قران باشفافك
صدقة الليل حاملها على اجتافك

بهواك اليتامه تعيش ابسلامه
يسبع المثاني علي ياعلي

********************

ياجلمات تشرح ياعلي ذاتك
تتيه ابعالمك وابحد مجراتك
بحر وصفي صفه كطره بمحيطاتك
سفر عمري واحس راحه بمحطاتك

شعوري وي ذاتي اوجودي وحياتي
جنوني وجناني علي ياعلي

****************

خل من كال اني امبالغ ابحبك
لان درب الله عندي يبدي من دربك
شبقه عندك علي ومنطيته الربك
لهذا الله يحارب من كصد حربك

يعطر سنيني هواك ويقيني
ويلون الاماني علي ياعلي

******************

انا لجلك احب الدنيا واتجمل
لان بيها عرفتك عالمي الافضل
شمامرني حزنها الهذا اتحمل
لاجل اذكر الهي وبيك اتوسل

يهول القيامه انادي ابغرامه
واناطر واتاني علي ياعلي


الشاعر حسن لعيبي الحريشاوي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ليش دنياه خانت وياه
واعلياً واعلياه
*************
هدّوا اركان الهدى من كل كتر
بلاذريعه ولالكوا عدهم عذر
فجعوا افلاك السمه ابهذا الغدر
دين الله بلاذنب ليش انطبر
الجان بحماه شلون جازاه
واعلياً واعلياه
*************
اجت اقدار الزمن ليلة قدر
رحت يلماكملت صوم الشهر
شغيّرت بالدين من حال وامر
شنهو ذنبه بيش ظالم يعتذر
ابليس وداه يخون مولاه
واعلياً واعلياه
***********
شلون غدّار بضوه الحق يهتدي
العنده مبدء بالغدر مايبتدي
وصاحب الحق مايخون ويعتدي
هذا فعل المو وفّي وطبعه ردي
بسيف خلاه تنزف ادماه
واعلياً واعلياه
************

صوت للحق ياعلي ماينكتم
هازم الاحزاب ومهدم الصنم
امجرب الافعال معروف الاسم
ناصر الاسلام ومثبت القيّم
هاي دنياه خانت وياه
واعلياً واعلياه
******************
يلرفعت الدين ياحيدر طحت
منطبر بالسيف وتنادي فزت
شلون حال ام الخدر تبجي اجت
من بعد عينك اشضملها الوكت
صاحت اباه ويل ويلاه
واعلياً واعلياه

****************
ياوجه ابيض تلّون بالدمه
عيون بيهن فوز ينظر للسمه
بهلوداع ايصير ملكه فاطمه
ويبتدي عمر الصدك بالخاتمه
صاحب الجاه هناك وهناه
واعلياً واعلياه



الشاعر حسن لعيبي الحريشاوي





الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

عالرمح غافي من أمس
حرگت خدوده الشمس
يمه الولد حاچيني عبد الله ياضي عيني
عالرمح غافي من أمس
**
ليلت فراگك مانمت بس الله يدري بحالي
يالنايم بحظن الرمح ظل حظن أمك خالي
لحظه إنتفارگ ماأظن جانت تمر بالي
مشتاگه أشمن رگبتك بس راسك شگد عالي
مديت أديه ومالحت
نحرك أشمنه ردت
يفطرِ الجبال ونيني عبدالله ياضي عيني
عالرمح غافي من أمس
**
جبت المهد تحت الرمح هزيت بيه كل ليلي
گمطت جسمك بالمهد بس راسك الهد حيلي
ناغيت الك نوم الهنه ما أسمع تناغيلي
ميت وگول إبني عدل من العطش يشكيلي
عطشان أبني ماروه
محروم من شم الهوه السهم باگ سنيني عبد الله ياضي عيني
عالرمح غافي من أمس
**
ياكعبت أمك عالرمح بالماي صار طوافك
أشمر الماي إعله الرمح بلكي يبل شفافك
ذبلانه من گد العطش ينكسر گلبه الشافك
السهم لوعنده گلب حرمله صابه وعافك
على شفايفك أنثر ماي
روحك ترد بلكي وياي
يالنايم وناسيني عبد الله ياضي عيني
عالرمح غافي من أمس
**
طلعت الروح إويه الشمس خايفه منهه تلوحك
رمل الصحاري والشمس تلِّچم منِّه جروحك
شلون أصيرنلك ذره يالروحي فدوه الروحك
أفتر عليك بكل كتر حاولت بس ما لوحك
من أشمر عباتي إعله النحر
شلون أروح بلا ستر
أستحي من حسيني عبد الله ياضي عيني
عالرمح غافي من أمس
**
ياوردة أمك عالرمح يالذابل وعطرك راح
من خيمتي يفوح العطر وشتمه بكل مصباح
أمك تشم تحت الرمح ريحت عطش منك فاح
يا هو اللي كل الحرمله بالسهم يرمي القداح
حرمله ما شايف ورد
بالسهم نحر أبني حصد
بموت الورد ياذيني عبدالله ياضي عيني
عالرمح غافي من أمس
**
ياحيرتي يوم السبي من مشت بينه القافله
الراس ويانه مشه و الجسم ظل بكربله
ذباحه ويانه مشه گدامي أشوفن شايله
من شافني أنظر الك يصعد الرمح وينزله
يتعمد يطيحِ الراس
حته بحوافر ينداس
من أنزل يخليني عبد الله ياضي عيني
عالرمح غافي من أمس
**


الشاعر حيدر الشغانبي





الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بـــيـــن الــســمــــه والــكــاع نــادى الـمـنــادي
صَــــوب وَلـــي الــرحـمـن ســيـــف الــمــرادي
********
سـيــف الــمــرادي الــيـــوم صـــاب الـــيـتـامــه
وخــضــب ســـراط الــلــه مـــن دمــه الـهـامــه
ونــاعــي أبــســمـه الـمـعــبــود يــنـعـه الامـامه
صـــاب الــشــرع يــاحــيــف جـــف الاعـــــادي
********
اتـصــوب عــمــود الــديــــن ونــــت أصـــولـــه
وســــال الــجــرح آيــات مـــو دم ســيــولـــــــه
وحـــادي الــيــتــم هــالـيــوم ســار ابـذلــولـــــه
وظـعــن الـحـــزن عــالــبــاب نــوخــه الـحـادي
********
نـــــوخ ظــعـــن الاحــزان يــم بــابــك الـــســاع
ايــتــامـك يــبــوهــه يصيح مـن عـكـبـك اضياع
ونــادى الــمـلــك جــبــريــــل كــومـوا لـلــوداع
وكــلــب الـعـقـيـلــه ارتـــــاع ويـــــه الــيـنــادي
********
صـاحـت يــخــويـه حسـيـن جـتـنـه الـمـصـيـبــه
صــوت الـمـلـك جـبـريــل يـنـعـــه حـــبـيــبــــــه
يـصـيـح الـوصـي هـالـسـاع خـضـبـولـه شـيـبـه
بـمـاضـي وصبــح مـهــــدوم ركـنــك يـــهـــادي
********
ركـنـك يـسـيـد الــكـــــون طـــــاح وتـــــــهــــدم
ومـن طـبـرتـــه الـكـرار مـاظـنــتـي يــــســــلـــم
عـكـبـه الـنـهـار أيـصـيـر كـل ضــيـه أظــــلــــــم
وهـلـت دمــع الجـبــال ويــه الـــبـــــــــــــوادي
********
لخادم خدمة الحسين ع
ابو عمار الدراجي





الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

چنه ملك الموت هالليله حضر
معلنه و دگت نواقيس الخطر
يختلف وجه الصباح
تكبر أصوات الجراح
ياعلي ياعلي
~~~~~~~~~~~~~~~~~~~~~
من أبن ملجم على الهامه هوه
أختنگ حتى الهوه بشم الهوه
الدنيه ظلمه وضاع من عدهه الضوه
وگع القرآن وي حيدر سوه
الكتاب وياك طاح
نزف آيات الجراح
ياعلي ياعلي
~~~~~~~~~~~~~~~~~~~~~
بصوت مفجوع الملك ناده و نزل
أتهدمت اركانها وطاح الفحل
جسمه وي جسمك علي الليله نحل
أنحنه وبين على ظهره الخلل
نزل مكسور الجناح
ينوح وينزف جراح
ياعلي ياعلي

~~~~~~~~~~~~~~~~~~~~~
خيمة الفقره الجبيره تمزقت
رگضت عله هدومها وسود البست
علي فرحتنه الجبيره وهاجرت
وغيمت أرواحها و حزن مطرت
كل يتيم عليك صاح
علي وزعنه الجراح
ياعلي ياعلي
~~~~~~~~~~~~~~~~~~~~

ونة الكعبه وجدار الها أنفطر
آه يابني الما أبدلنه أبشر
أسود أتوشح عليك وللحشر
وما أفك حزني ولا گلبي يسر
و بالأذان الحزن لاح
نهظم حي على الفلاح
ياعلي ياعلي
~~~~~~~~~~~~~~~~~~~~~

بجفن زينب الدمع لاغي البصر
الحسن ينعاك وحسين أحتضر
شيعتك كلها تون ضاع الصبر
ونوح ابو فاضل ألك مايستقر

يفزز الموته النياح
أشعظم هاي الجراح
ياعلي ياعلي
~~_~~~~~~~~~~~~~~~~~~


خادم الزهراء ع/ ابو احمد الطائي





الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هالعيد ألمني وبروحي صوبني
علي فارگني يمه يالزهره
----------------
لاهله بجيتك يعيد وكون ماجيت
ولااشوفن وجه عيد الشهر ياريت
لشوفت ابويه يالزچيه والله حنيت
مگبره خلافه ييمه صاير البيت
وجروحي ملچومه بغيابه مهضومه
دهري يسألني يمه يالزهره
----------------
يمه اكعدي وشوفي حالي يالزچيه
المگبره انترست بچي وحسره عليه
راسي شيب والهضم ماخله بيه
علي فارگني وصفيت اصفك بديه
ماتت احلامي حزني گدامي
گلبي لاچمني يمه يالزهره
----------------
يمه اكسر خاطر الليل بونيني
من المسه لحد الصبح انطر يجيني
دمعي عالوالد دمه يجرحلي عيني
فراگه يايمه اخذ زهرة سنيني
يايمه حزنانه بفراگه حيرانه
هضمي كاتلني يمه يالزهره
---------------
زينب وحيرة زماني شلون حيره
يعني من هسه اعد روحي اسيره
ريت يم الوالد الشهگه الأخيره
اه يافرگه الغالي إشگد چبيره
يافرگة الغالي ياحسرة الوالي
علي وادعني يمه يالزهره
----------------
بين عليه التعب والحسره والأه
والألم ماخذ نصيب الونه وياه
ياسفينه وتاهت بليل المعاناه
ياجرح خضر متاعب يمه ويلاه
يايمه متعوبه بالحسره مصحوبه
يمه مامرني يمه يالزهره
----------------
ابيتي واشعر يمه وحدي يالحبيبه
وابتده بجرحي دمع هاي المصيبه
ياغريبه لحگي يمه عالغريبه
راح حيدري يالزچيه منين اجيبه
يادمعتي الساحت وي خيمتي طاحت
جمره جارحني يمه يالزهره
----------------

تمت ولله الحمد/ المقصر مع الحسين
علي النائلي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

وين اروح حسين خلاني وحيده
واليسر يا عالم دروبه بعيده
*وين اروح وبيه ما يرحم زماني ..
*واليسر دربه طويل وعذباني ......
وين اروح ............ وين اروح
------------------------------------
آنا زينب واشرح هموم العليه
حين بخواني سرى ضعن المنية
وحدي ضليت وتلاوي الدنيه بيه
تعيش مهظومة الي ما عدها خويه

عالهزل وانضر حرمنه بلا محامل
ومن يضربوهن انادي يابو فاضل
*بكل مصيبة يحشمه متعود لساني ....
*واليسر دربه طويل وعذباني ............
وين اروح ............وين اروح
------------------------------------
بجال اخوتي مدللة جنت وأميرة
وهسه يا هو الجان ويكلي اسيرة
انا ما محتاره والله بهيجي حيرة
بين الاجناب واطب كل يوم ديرة

وروس اخوتي اعله الرمح تنظر اليه
جفي ملفوف بحبل وي جف رقية
*ميته كون بهالوكت اني عساني .......
*واليسر دربه طويل وعذباني ............
وين اروح ............وين اروح
------------------------------------
بالخرايب كعدونه وتنشد الناس
شو الوحدج ها يزينب وينه عباس
جلمة الشامت سهم وتصيب الاحساس
كمت احسن روحي تطلع وي الانفاس

كون اموت ولا يكلولي يزينب
وين اخوج البالحرب كال انا متعب
*شرد اكلهم راح عباس ونساني ........
*واليسر دربه طويل وعذباني ..........
وين اروح ............وين اروح
------------------------------------
ومن اشد ذيج الهموم وذيج الالام
بغربة صارت موتتي ياويلي بالشام
عندي جانت امنيه وهالصارت اوهام
موتتي يمك تصير وجفني ينام

حتى من اشتاك اشم عطرك وزورك
وي ابوفاضل تبادلني شعورك
حتى حلمي تبدد بلحظة وثواني....
*واليسر دربه طويل وعذباني ......
وين اروح ............وين اروح
------------------------------------
خلصت عمري هضم انا ومآسي
والزمن ضدي يخويه وحيل قاسي
بس وحقك ما هبط فد يوم راسي
انا تربات الصميدة وعالي باسي

ما سمع صوتي عدوي من اونن
والمصايب تشتعل وبصدري يطفن
يالي تسأل هاي قصتي وزينب آني.....
*واليسر دربه طويل وعذباني ..........
وين اروح ............وين اروح
------------------------------------

الشاعر : محمد الهاشمي





الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

حيرتني........چنهه ليلتنه الاخيره
حيرتني..........عالهجر بويه زغيره
يا بو حسين........يابوحسين ....
********************
عالجرح مابيه حيله بويه ياحيدر
ينجرح وحساسي تدري صعبه يتعذر
جيت اكلك ليش هسه وجهك اتغير
جرحك اشكبره يحيدر فاجئت خيبر

ما حسبته.......يومك بالي عجيبه
ما حسبته....بالهجر أصبح غريبه
يابوحسين.......يابوحسين
********************
بالسمه شفت العلامه جرحك اشكبره
ثوبي الاسود بس قسمتي انكلب حسره
واليتامه تنوح يمك شافت الطبره
واني بيه الباب باقي لوعة الزهره

مانسيته......الباب من كتر السقيفه
مانسيته........يحترك بيت الخليفه
يابو حسين ......يابوحسين
********************
يختنك يمك عتابي والفكر حيره
كلبي يخمشني يحيدر شنهو تفسيره

روحتك چنهه الاخيره تنطي تأشيره
تلتفت بويه عليه وين ابو الغيره

من غيابك.....بين ابوجهي علامه
من غيابك......صارت الدنيا يتامه
يابو حسين.....يابوحسين
*******************
الفركه بعيوني شفتهه تحجي بالامك
خضرت حسره المدامع كربت ايامك
جنت وياك اشحلاتي تروي احلامك
بويه معقوله بغيابك صرنه ايتامك

من جروحي....لو سال عنك طبيبك
من جروحي....ينذبح كلبي بمغيبك
يا بوحسين......يابوحسين
********************
الحمد الله عالسلامه تكتب اعيوني
اسمع تنادي يحيدر هسه اسألوني
خاف عنكم انه اسافر والله تدروني
راح ضمن دمعي عنك وحسب امتوني

عاتبيتك....الليله راح افكد حنانك
عاتبيتك.....منهو اليعوض مكانك
يابو حسين.....يابوحسين
********************
تمت بعون الله
خادمكم..... يوسف الفتلاوي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يارحمة الله الواسعه..وصلت سمانه السابعه
كلبت موازين السمه..يوم النزل منها الدمه
ايتام تصرخ جايعه
&&&
يارحمة الله بالارض..والجنه نعرف بيها
النبي وصه امته..وشكثر كال عليها
اتمسك انت بالنهج..بماي الوفه اسكيها
خله الولايه بحيدره..واولاده من تحييها
انطبر حماي الحمه.. يوم النزل منها الدمه
ايتام تصرخ جايعه
&&&
مايحجب الغيم الشمس..والرحمه من اسراره
واليطعم الاف البشر..مابات جايع جاره
ولاخله امته بالهظم..وظلت بهم محتاره
الفرسان تعرف صارمه..وتعرف شنو فقاره
ياما عمل بالظالمه.. يوم النزل منها الدمه
ايتام تصرخ جايعه
&&&
حكمته وعلمه من النبي..ماكو بشر يحملها
الانس والجن والخرج..من ملته قاتلها
مابات جايع من حكم..ابيوتهم يندلها
يطعم بمحرابه علي..ودموعه سكته يهلها
دمعته علينه مرحمه.. يوم النزل منها الدمه
ايتام تصرخ جايعه
&&&
كظه حياته بالزهد..وماترك ساعه المحراب
الدنيه ماغرت علي..وسموه ربعه ابو تراب
بالحرب من يوكف جبل..يااسد ربي بالغاب
خيبر وصفين اشهدت..ومحد قلعها الابواب
عدوانه تعرف صارمه.. يوم النزل منها الدمه
ايتام تصرخ جايعه
&&&
يبجي لون صله وسجد..وايتام عاش وياها
الحرب سهله لو دخل..يحمل ابيده الواها
مايوم نزلت رايته..وبيده الفحل علاها
اجفوف مدها برحمته..واجفوف من لاواها
باس اليتيم وسالمه.. يوم النزل منها الدمه
ايتام تصرخ جايعه
&&&
خادم اهل البيت
الحاج ابو علي السعيدي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

.
كـلـمــات الـشـاعــر
عـلـــي ابـو سـمــا الـديـوانــــي

(طور جسـام ياضنوتـي)


صـيت فرض العـشگ رايـد يحسين ازورَنـك
گـلــبــي هـــاك اســألـــه
هـــايــــم ابــكـــربــلــــه
رايــــد يـحـســيـن ازورَنــــك
………………………………………………………
چـنــت آنـه مـتـعــود اجــي الـحـظـرتــك
لابـــس ســــواد ونــيــتـــي ازيــارتــــــك
ابگـد لـهـفـتي اعلـيك آنـه احس لـهـفـتك
والـگـه الضـريـح أيـلــم شـمـل شـيعـتـك
واتـبــرك ابـتـربـتـك روحــي اترد من اشمَـنَـك
واسـتــمــــع يــاهـــلــــــه
هـــايـــــم ابــكـــربــلـــــه
رايــــد يــحـسـيــن ازورَنــــك
……………………………………………………
مـحـلــه ابضريـحـك الـگــه ذاك الـجـمـع
تـسـبـيـحـة أمـــك والـبُـكـــاء اسـتـمــع
ابـشـبـاچــك اتـوســل واصــب الـدمـــع
واتـخــايـل اخـيــول وتــدوس الـضـلــع
يتعـالـه ون الگـلـب ونـي يتلاگـه وي ونــك
واذكـــــر الـعــــايـــلـــــه
هـــايـــــم ابــكـــربــلــــه
رايـــــد يــحـسـيــن ازورَنــــك
……………………………………………………
من كـثـر شـوگـي گـمـت انـاغــي الـگـمـر
چــا يـمــتــه ازورَنــك يـراعـــي الـفـخــر
يـامــن ضـريـحـك بـالـجـفــون انـحـفـــر
واعـيـونــي ذَبــلــهــا الــدمـــع والـسـهــر
من كثـر مـاساهرت لـيلـي بالدمعه اشوفَنَـك
دمـعــتـــي ســـايـــلـــــه
هـــايـــــم ابــكـــربــلــــه
رايـــــد يـحـســيــن ازورَنــــك
……………………………………………………
چـا يمــتـه خـطـواتــي تــلــوح الـــدرب
وامشيلـك وكل خـطـوه دمـعــي يصـب
لـهـفـة حـبـيــب انـحــرم مـن الـمـحــب
عــيـد امن ازورك والـضريـحـك اطـــب
اقره الزيارة ابهظم وانعـه. اعله اختك واسمعَنك
وألـعـــــن ابـحــرمــلــــه
هـــايـــــم ابــكـــربــلــــه
رايـــــد يـحـسـيــن ازورَنــــك
……………………………………………………
مـثـل الــغـريــب الـعـايـش ابـدنـيــتـــه
ﮔــلـــب الـيـحــبــك تــنـسـمــع ونـتــــه
بـس شـوفـتـك هــي الـتـرد وحـشــتــه
يحسـيـن بـيـك اتـسولــف احـچـايــتــه
بخيت وصرت خادمك وادعـي ماانحـرم منك
خـدمـتـــي امـسَـجــلـــه
هـــايـــــم ابــكـــربــلــــه
رايـــــد يـحـسـيــن ازورَنــــك


كلمات الـشـاعـر
الميرزا علي ابوسما الديواني


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

شفنه يوم الآخره ونار الحساب
من علينه أحترگت أطراف الثياب
الجنه إلنه وماعصينه أبياذنب محترگه أدينه
شفنه يوم الآخره
******************************
يِعرف التعذيبه حرگ عن ياذنب وسبابه
تشبه أيام الآخره نار الخيم لهابه
يطفَّي بعطشنه حرمله بقوسه وبنشابه
يتوجه القبله العبد الموت لودگ بابه
توجهينه وماعرفنه القبله وين
بين نيران المخيم تايهين
إحترگ حته اللابسينه أبياذنب محترگه أدينه
شفنه يوم الآخره
****************************** ظلُّمت دنيانه بالطف والگلوب بدگهه خوف نور ماشفنه بسمانه والشمس بيهه كسوف الظلمه ماتخنگ الريه وتعمي عيون اليشوف
ثاري دخان المخيم وحنه گدامه نطوف
شلون ركض المحترگ وصط النار
لو عبرهه أيرد ترك بيهه زغار
الرجع مارد علينه إبياذنب محترگه أدينه
شفنه يوم الآخره
******************************
المحترگ يختلف شكله ويختلف صوت النويح
مانعرفه ياهو هذا ساعدوني لو يصيح
وحده لو عثرت عليهه العائله كلهه تطيح
يلچم كل ساعه گلبه الجدمه ينداس وجريح
نركض ومانعرف أحنه بيادرب
من كثر ما شمرو علينه الحطب
گلو لمحمد يجينه أبياذنب محترگه أدينه
شفنه يوم الآخره
******************************
بيش آنه أداوي المنجرح والما گدر عالگومه
شنهي الألبسه المحترگ من أذب منه هدومه
أجروحه متروسه رمل ويابس عليهه دمومه
المحترگ ربطوه بحبل والوجع باك رسومه
كل هذا وچفوفه بحبل مربوطات
من يجرون الحبل يشبع لچمات ماعرفنه حنه شجنينه إبياذنب محترگه أدينه
شفنه يوم الآخره
******************************
ثمانين طفلِ إتفرقوا شلون أگدر آنه أجمعهم
ماعرف ياهو المنذبح وياهوه سالم منهم
أنصبغوا بدخان الخيم ماعندي ماي أغسلهم
وجوهم من التعب متغيره گمت أسئلهم
ياهو الأجيبنَّه أسئله أنته أمنين
طفيت واحد كالي آنه أبن حسين
من عرفته تشابگينه إبياذنب محترگه أدينه
شفنه يوم الآخره
******************************
حالتي يحسين حاله ريتك أنته أتشوفهه
الجانت إمدلله بجالك ما محسبه أتعوفهه
عله الناگه شلون تصعد ماتكض بچفوفه
أجروح البجدمي غميجه ياهو لَيه يروفهه
ياهو اليضمد الجروح البجدم
حافيه وعالكاع من أمشي اللچم
الرمل حار ويچوي بينه إبياذنب محترگه أدينه
شفنه يوم الآخره
*****************************
الشاعر
حيدر الشغانبي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يابويــــه الليـله اويـاك .. آخــــــر ليله
گـلبك يشكيلي اجروح .. وانه اشكيله

گِتلي وجرحك بل راس
أمَّـنـتِــــچ عِــد عـبــاس
( آخـــر ليـله )
______***_____________

گوم شِلْ جرحـــك يـشـيّـال الكـلافه
المسجد امتانيك يســـأل ما تِـشــافه
ياعلي اشگـد شـايل بگـلبــــك تـرافه
اتوصِّي حته بقـاتِـلك حُسْـن الظيافه
*

بويــه ايتامك بالبـاب ..وٱنســــد بابك
سمعت وتريد اتشوف ..جرح اصوابك

وانته اتجـر الأنفاس
أمنتچ عــــــد عباس .. آخر ليله
__________________________

ظمني مِن الدنيا بحضــانك دخـيـلك
تره الموت ايراقب انفاسي برحـيـلك
بالســــــلامه اتگــوم ليليـــه اندعيلك
راح أوَزْع ادموعي للفُـقـره ابســبيلك
*

يل تارس عيني دموع حِن اعليها
نـار اصـوابك بالـروح شــيـطـفيها

يل جرحك جرح احساس
أمنتج عـــــــــــد عــبـاس .. آخر ليله
______________________

أمِس دهـري بفاطمــه أمي فجـعـني
بويه عاتبتـه اشكـثر بس ماســمعني
الليـلـه يابويه بجـرح ثـاني تبـــعـني
مِن فَرِحـتي بهذا عيـــد الله منعــني
*

ماريدن بويـه العــــــيـد شِلّي ابعيدي
رحت انته وراح الخير كِلَّه امن ايدي

واحزن من دون الناس
امنتـــــج عــــد عبـاس .. آخر ليله
__________________________

بويه يل غالي اعله گلبي شلون اعوفك
چنت اعوف افراشي وتوسّـــد چفوفك
راح اودعك وانتظر بالطيف اشـــــوفك
الله لا يحـرمني من شـوفت طِيــــوفك
*

يل رايح مُرلي ابطيـف عيني إتَّـاني؟
عندي اويـاچ بعاشـــــور موعد ثاني!!

نجمه انتي وماتنجاس
أمنتج عـــــــد عـــباس .. آخر ليله
______________________

گـلـنه نفـرح وانتـه ســـــالم ياولـينه
بس تســـــع تـيــام للعــــيد اويجينه
بويه ليش انسلبت الفرحه امن ادينه
وليش من دون البشـــــــر ماعَـيّدينه
*

بنتك مافرحت ليش طفله ازغِيره
منك عِيدِيتي ادموع يترس دِيره

بدموعك خَدِّي انباس
امنتج عـــد عــبـــاس .. آخر ليله
__________________________

والله مـو بيــــدي يزينب من أودعِـج
كافي بويه اعـتاب لا جارِچ يِـسـمـعِج
ظمّي دمعج بويــه للطف ظمّي دمعج
وضعچ البل طف أشد من هذا وضعج
*

يازينب دمعــــچ هاذ لاتجـرينه
يم حســين وعباس تحـتاجِينه

خدرج رايد حُـرّاس
امنتج عـــــد عـباس .. آخر ليله
_____________________

خادم الحسين ع
مرتجى الحسَّاني"

خادم الزهراء مرتجى الحسَّاني
يازينب إنتي أول ( نهر ) تروينه بس عطشانه !!


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#قصائد_استشهاد_الامام_علي _ع


ــــــــــــــــــــــــــــــــــــــــــــــــــــــــ


بدمعة الروح وجمرة النوح
گلوب ناحت يا علي مصابك فِجعهه
عيون لجلك هلّت امن الدم دمعهه
بدمعة الروح وجمرة النوح
-----------------
يا علي گلوب اليتامه * ناحت بلوعة هضمهه
چانت ابجالك عزيزة * وحسّت الليله ابيتمهه
ما تريد بلحظه تنسه * مصابهه وشدّة ألمهه
تنساك يا حامي الحمه * وشلون تنسه الغانمه
فگدت ابفرگاك الحمه * اوعگب عينك زاد همهه
حسّت اليوم ابْلوعه وهموم
گلوبهه المتصدّعه مصابك صدعهه
عيون لجلك هلّت امن الدم دمعهه
بدمعة الروح وجمرة النوح
---------------
يا علي وكل الرعيّه * ايتام محتاجه لحنانك
چانت ابهيبة وجلاله * تستظلّ بعظم شانك
أمست الليلة حزينه * تنظر ابحسره المكانك
وتشوفه خالي وتنتحب * وحشاهه لجلك تلتهب
وشلون عنهه تنحجب * خايفه وفگدت أمانك
الخايفه شلون تفگد العون
وانت بالشدات يا حيدر درعهه
عيون لجلك هلّت امن الدم دمعهه
بدمعة الروح وجمرة النوح
----------------
اوكل محب عاشگ لشخصك * ما حمل حزنك وناره
شلون حال الچان يگضي * ابخدمتك ليله ونهاره
عيون الاصبغ بن نباته * اعليك مدمعهه تجاره
معذور يا رمز الوفه * صوّر وفاءه ابموقفه
بسيل الدموع المذرفه * شرح حالة إنهياره
اوداع ابو حسين ابدمعة العين
فجع كل الناس وتغيّر وضعهه
عيون لجلك هلّت امن الدم دمعهه
بدمعة الروح وجمرة النوح
-----------------
سيدي معذور الاصبغ * لو ثگل لجلك حنينه
يا علي والكون كلّه * حگ عليه تبچيك عينه
حيث كل الكائنات * الحيّة لمصابك حزينه
وهذا الأمر يا حيدره * صوت الإوَزّ ايفسّره
الشخصك يريد يأخّره * يدري وعدك گرب حينه
صاحن بصوت عرفن الموت
راد عايلة النبي ايفرّق جمعهه
عيون لجلك هلّت امن الدم دمعهه
بدمعة الروح وجمرة النوح
-----------------
يا علي وحتى الجماد * اعليك حنّ وهمل دمعه
يا علي وراد ايتكلّم * لچن تكليفه يمنعه
اتمسّك البسمار طارف * محزمك رايد يگطعه
ويأخّرك چان الگصد * خايف تروح وما ترد
عن الحياة وتبتعد * اويختلف هل كون وضعه
يا علي تروح وتترك جروح
يا علي وليك الحياة احنت ضلعهه
عيون لجلك هلّت امن الدم دمعهه
بدمعة الروح وجمرة النوح
-----------------
يا علي هاي الاصوات * الچان سلوتهه ابوجودك
رحت عنهه ويتّمتهه * وراح يا كرار جودك
رحت يا بالحسن ساجد * اتودّع الدنيا ابسجودك
تودّع يحيدر سجدتك
وتتخضّب ابدم هامتك
والجمرة تبقه ابشيعتك
وشلون تنسه امصيبتك
اوبچت هذا اليوم لجلك * يا علي حتى المنية
---------------
#عقيل_الكاظمي بغداد

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#قصائد_استشهاد_الامام_علي_ع



------------_---------------------------------


السلام على امير المومنين
____

ما نعيش بلا هـــواك .. يا علـــي وكلنه فداك
وين مثلك نلگه وين .. يا أميـــــــر المؤمنين
---------------------------------
يا هـَــــوا الجَنـــة ونَسيمـــه المحــــد يقـــدره بثمن
ميت المــــا شم نسيمك يـــا علــــي يــــا بـــالحسن
يا نبض كَــــلب اليحبـــــك وياك عاش بكل زمــن
ذكــرك العــاشر لســـانه حتــه لو باصعـب محــن

يسـكن بروحه غـلاك .. بريته ظل يشتم هواك
انته وين الدنيه ويــــن .. يـــا امير المـــؤمنين
---------------------------------
من عطر حبك عرفنه شنهو معناها الحيــاة
ويه اسمك احنه عشنه انته يشراع النجــــاة
ما نعوفك تدري بينه وما تغرنه المغــريات
منهو غيرك يا ولينه يحمل اجمل هالصفات

هامت الروح بسماك .. كلب كل شيعي هِواك
ايـــــة الحب والحنين .. يا أميـــــــر المؤمنين __
بكل حرف بِسمك لِمّسنه يا علي حُب واعتِقادْ
أسمك من اسم الجَلالــــة ومالِك السَبع الشِدادْ
يا سَفينة نُوح انته الـــــي حِوت كُـــــل العِبادْ
نمُوت والله بلاّيا حُبك وحنه من دونـَـك جَمادْ

إي وحَق مَن اصطفاك .. احنه من دونك هلاك
انت مَرهــم كُلّ عَين .. يا اميـــــر المؤمنين

--------------------------------
شگّد عَظيم أسمَك يَحيدر يلّــي أسمك مُعجزه
الدنيه كلها شما تُوصفَك تُبقــــى يَمك عاجِزه
كُــــل مَعاني الوَصف انته أتجّاوزِتها أبفارزه
وأحنـــــه بس حُبك يَحيدر بيه أخذّنه الجائزه

بكل نفس عايش مَلاك .. ناخذّ الجَنة برِضاك
يــــا مــــلاذُ الخائفين .. يــــا اميـــر المؤمنين
_
انته دستور المَحَبّة يـــا عَلـــــي بحُبك نــذوب
انته باب الله الوِسيعــــــه وبيك غُفران الذنوب
حجة الله اعله البَــــرية وآيـــــة الحُب لليتوب
يا صراط الله وجَنانه وشَمس ما عُرفت غروب

يا علي واسع فضّاك ..ما يخّيب الي نخاك
يا دَليلُ الحائـــــرين .. يـــا أمير المؤمنين
-------------------------------
شلون كُل هذا الجَمال يغيب عن هذا الوجــــودْ
شلون يطفه النور كُلـــه وتِذّبل وجوه الــــورودْ
شلون هامــــك يا ولينه ينطبر وَكت السجــــودْ
شلون سيف ابن الدَعيه يا علي أتعده الحــــدودْ

يا علي بسيفه إِعتِناك .. وسالْ من هامَك دِمّاك
كُل يَتيم أصبح حَزينْ.. يــــا أميــــر المؤمنين
---------------------------------
ابو باقر المالكي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ــــــــــــــــــــــــــــــــــــــــــــــــــــــــ



يا علي

غالي ويودع غالي هاي الليله
ظلت ابلا والي يبويه العيله
خيمتنه طاحت
خيمتنه طاحت
@@@@@@@@@@@@@@@@@@@@
ها يبو الخيمه الجبيره وطاحت اعلينه
بويه احنه ابعازتك لا لا تخلينه
مهظومه انه والهظم يابويه سابينه
وبغيبابك كل اخوتي تصرخ ابوينه

واليفكد الوالد تزيد احموله
ظلت ابلا والي يبويه العيله
خيمتنه طاحت
@@@@@@@@@@@@@@@@@@@@

بويه انه واخوتي متنه بالوداع
غالي انته وارحلت يابويه شبساع
بعد عينك ياعلي ضاع العمر ضاع
ماتلمنه كلهه والله بويه هالگاع

واليمشي عنه والده ياويله
ظلت ابلا والي يبويه العيله
خيمتنه طاحت
@@@@@@@@@@@@@@@@@@@@@

راح البگلبي حنانه لسه ماراح
من مشيت اودعتنه راحت افراح
جن قدر مشئووم الي يالوالي لاح
وجن خيام وغاضريه والاخو طاح

حسينك يظل ابلا اخو ولاحيله
ظلت ابلا والي يبويه العيله
خيمتنه طاحت
@@@@@@@@@@@@@@@@@@@@
كبل الأنفاس الاخيره كتلي زينب
عكب هذا اليوم اخيج ليج يثغب
ابو فاضل على النخوه لا ميتعب
الوعد ماهو بعيد ابنيتي گرب

ايعدل اخوج الهودج أمن الميله
ظلت ابلا والي يبويه العيله
خيمتنه طاحت
@@@@@@@@@@@@@@@@@@@@@

جاني ذاك اليوم بويه وشفت اخوتي
ريت تلفيني المنيه ويلفي موتي
مجزرين اكبالي موته وراح صوتي
منهو يابويه اليرد ليه نخوتي

رحت بيسر وحسيني دم ابجيله
ظلت ابلا والي يبويه العيله
خيمتنه طاحت
@@@@@@@@@@@@@@@@@@@@@

محمد الدلفي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747