للمشاية

ومن يُعظّم شعائر الله
فإنها فإنها من حُبِ الحُسين
ــــــــــــــــــــــــــــــــــــــ
عباده خطوتك هاي .. يهنيالك يمشاي
ترعاك الزچيه
اتعبنله يرجلين .. إشحلاته درب الحسين
ماشيته السبيه
هزل ماكو واحبال .. مضايف هايه وادلال
وسفره زينبيه

شايب اجه ايميل بس بي الف حيل
فإنها فإنها من حُبِ الحُسين
ــــــــــــــــــــــــــــــــــــــ
من كل طائفه اولون .. مشي راحو يأدون
برنامج عبادي
صفنت شابحه العين .. كلهه اباب الحسين
مرفوعه الايادي
واتصيح السموات .. اوياك اهديلي خطوات
يالزاير تنادي

أشما تكثر أعداد مايخلص الزاد
فإنها فإنها من حُبِ الحُسين
ــــــــــــــــــــــــــــــــــــــ
يالله امشونه ياناس .. وابحضرة العباس
خل نسجل اسمنه
من جربة الوفاي .. غيره نشرب وماي
وانقوي عزمنه
خل نجعل الخطوات .. تسبيح وصلاوات
مشايه اسمنه

رايتنه متطيح والدمعه تسبيح
فإنها فإنها من حُبِ الحُسين
ــــــــــــــــــــــــــــــــــــــ
شوف اشگد جماهير .. يم صحن السكرتير
حبيب ابن مضاهر
كلهه ازغار واكبار .. اتخاطب شيخ الانصار
سجل اسمي زاير
وحبيب ايگول ممنون .. احطكم بين الاعيون
يحباب الشعائر

والصله فرضين بين الضريحين
فإنها فإنها من حُبِ الحُسين
ــــــــــــــــــــــــــــــــــــــ
يامشاي الحسين .. انفاسك قرابين
وخطواتك عباده
اخذ ادموعك إمتاع .. ابرجلك شرف الگاع
هاي أكبر سعاده
لوشفت المنارات .. نادري يا لثارات
عمتكم يساده

هاي المواساة وهاي الشعارات
فإنها فإنها من حُبِ الحُسين
ــــــــــــــــــــــــــــــــــــــ
للمؤمن علامات .. خمسه بالروايات
گايل عسكرينه
منهه ازيارة احسين .. هنيئا للموالين
الراحو باربعينه
وعدنه اهناكه محبوب .. انشوفه بعين الگلوب
اشگد غالي علينه

كلنه نتانيه ولمن نواسيه
فإنها فإنها من حُبِ الحُسين



#العبدالحسيني_محمدالجماسي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

وذا امـشـي سـبـيه …… اظــل انــه الابيـه
انه بخدري امــيره …… منو الكايل اســـيره
ــــــــــــــــــــــــ ❃ ❃ ❃ ــــــــــــــــــــــ
صح بالغرب امشي رحت بس مارحت مسبيه
مهـيـوبه رحـت بهـيبتـي والهيـبه تـفـخـر بيــه
ما عاينت نـــاس الغـرب عيــن الله تبـره عليه
ولا ما دنــو يـم الخـدر الخــدر هـاذه إوصيــه

وصية الله خدري…… وأهوه اتكـفــل اميري
بنت شيخ العشيره…… منو الگايـل اسيــره
ــــــــــــــــــــــــ ❃ ❃ ❃ ــــــــــــــــــــــ
ياسـوط هاذه الي كدر يظـرب متـن علـويه
جا غيـــر رئســن تنكـــطع ايد التمـس ابنـيه
غـير الله خالق هالفـلك وكـل السـما الكونيه
من أجل بيـت المصطفي وللزهـره الزجـيــه

منو اليكدر يمسنه …… منو البيهم ضربنه
رحت بس بمسيره …… منو الگايل اسـيره
ــــــــــــــــــــــــ ❃ ❃ ❃ ــــــــــــــــــــــ
فاركنه صح اخوه وسند بس هاذه أمر من الله
وحســين ثبــت كـلمـته بالحــرب لــمــن صَــلّه
كَلــم الـــرب ابركعـته خـدر الله مـــن يوصــلّه
يعني أبامان اني رحت بكيفي الجدم لو گـــلّه

بامان احنه مشيــنه…… ولا مـربوطـه اديـنه
ابد لا ماكـــو حيره …… منو الگايل اســــيره
ــــــــــــــــــــــــ ❃ ❃ ❃ ــــــــــــــــــــــ
لا مـو سبايه ولا هـزل ولا بالـحبـل مـربـوطيـن
لاذله ماكو ولا ظرب وحاشه احنه مامشتومين
لاينحجي كل هالحجي يزعل تره عليك حسين
رحنه مشينه وي الغرب من اجل يثبت هالدين

شموخ البينه اجبـال …… منو الشد بينه احبـال
الجبيــره والزغــيره …… منـو الكـايــل اســيره
ــــــــــــــــــــــــ ❃ ❃ ❃ ــــــــــــــــــــــ
رحت انـه مستـوره بستر يـوسـع سمائك مرتين
من كال طگاني الشمر جبتو الحجي هاذه منين
بأمـر الحـُسيـن الكربله خـدر الله هاذه ماشيـن
ومن كربله سـاَر الضعن بأسم الله كلهم محميـن

محمي الخدر بسم الله ... منهو الـذي يـوصـلّه
الضعـن من الله غيره ... منـــو الگايـل اسيره
ــــــــــــــــــــــــ ❃ ❃ ❃ ــــــــــــــــــــــــــ
الخادم الحسيني
(محمد رحيم المشعلاوي)


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

جيت بويه من السبي اشكيلك
انه زينب ياعلـــــي شد حيلك
&&&
جيت ياحيدر علي مفجوعه
شرد اسولف عن هظم يلوعه
على الكفيل وجفه المكطوعه
والحسين وجبدته شحجيلك
&&&
شرد اسولف يالولي هواي جره
الجثث على الكاع كله مطـــشره
والاجســـــاد بكل كثر وموذره
وبالقيود مسنسلينه أ عليلك
&&&
من اسولفلك ينــــــــفت الدليل
على الجره عليه لوهظم العليل
لو او صفلــــك من طاح الكفيل
وهم بعد يابويه ظلم اروليلك
&&&
هم بعد ارويلك الموقف بعد
يوم بسهامه رمانه بن سعد
ريت بويه تشوف عدته وعدد
فرق ياخيل العده من خيلك
&&&
هجمت علينه يــــــبويه الظالمه
وفاضت انهار النحور من الدمه
وفرت اطفـــــــالك ضلت هايمه
وانت حماي الحمه لدخيلك
&&&
فرت الاطفال هاجـــــت بالطفوف
من حزن والالام وجماله الخوف
اصبحت محتاره وابين الصفوف
والنسه بعين العطف تربيلك
&&&
تربي اعيون الاجت من الــــــسبي
تشكي ليك الحال وتـــــــسمع النبي
بويه راح الصوت بس نجبي حبي
ومابعد تلكه اليجي يتجيلك
&&&
من وصلت لكـــــــبرك وبويه صحت
على الضريح بثكل جسمي من طحت
بصوت امي عليك يالوالـــــــي نحت
نوح ام وفاكده وتدعيلك
&&&

خادم اهل البيت
الحاج ابو علي السعيدي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بجفوفك اثار اليسر
وبالدمعة خلصت العمر
تستاهل دموع العين
يا سيد البكائين


بعيونه اثار السهر وبكلبة تلكة الحسره
مايكدر يجر النفس اثار خيل بصدره
دخان من ذيج الخيم خانكتة وية العبره
ودموعة مومثل الخلك دمعاتة تجري وحمره

يالباقي من سيف السبي
محروس بعيون النبي
يومك وجن يوم حسين
يا سيد البكائين


شيبت من شفت الشمر يم الخيم يدنه
اي والله حقك ما شفت نار وتطب للجنه
ياصبر عندك ياصبر من نحره شفته محنه
المفروض ميت ياعلي بٲول صريخ اونه

بس الله ضمك للملٲ
حتى تسولف كربله
بالغربة خلاك البين
ياسيد البكائين


اقرٲ الزيارة الناحيه ولمن اصل للمقطع
اذكر حسين وغربته صوتي ويكلبي تكطع
•اللّـہ̣̥ يعينك جم كلب يرادلك من تسمع
هدمو الخيام اعله النسه خلوهة زينب تطلع

عطلك مولاي المرض
چا وزعتهم عل ٲرض
والحيل اجيبله منين
ياسيد البكائين


مابي بس بي شكثر لْـۆ حان وكت السجده
يتوضة من دمعة لان محروم مي ما عنده
عايش وميت بالغرب يا عظم هاي الشده
كلبه مضيه للكصد وبالحظة ابد ما سده

يلبيك شمرة من الحسن
ما هزتك كل المحن
مطلوب اوفيلك دين
يا سيد البكائين


لو ابجي من دم ودمع ما وفي الك ما وفي
ناذر اجيك الغربتك امدنك ومتحفي
هاي المجالس والعزة ماظنهة كلهة تكفي
المفروض الطملك دهر لحد ما اذبن جفي

شماقدم مقصر الك
سجلني خادم يم هلك
المهم عني راضين
ياسيد البكائين


الشاعر مهند الشمري



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

شسولف والحچي هواي
والطف عايش وياي
رَكضت عمتي من الخيمه للتل
هاي بروحها تريدلها مقتل
...
گالولي الصبر ممدوح واترك دمعتك والآه
اهو الشايف ظهر عاشور يا صبر اليفيد وياه

آنه بدمعتي ما چنت استعرض
والطف سالفه ما تنسّي واتفض
شفت زينب ابين اخيولهم تركض
وعشره من الخيول بصدر ابوي اترض

موقف يهدم الحيل
بزينب تعثر الخيل
اعله مصرع والدي من الگوم تسأل
هاي بروحها تريدلها مقتل
...
احترگت خيمتي فوگاي بذاك الحال شافتني
زينب سحگت اعله النار ومن الخيمه جرتني

علوياتي صاحن ها يبو الشيمه
شنهو الراي ما ظلت بعد خيمه
گلتلهن يعماتي عله الهيمه
يتيمه من الرعب طاحت عله ايتيمه

دريتو بزينب شصار
دنت لثيابها النار

لحظه ولو غيور الها ايتأمل
هاي بروحها تريدلها مقتل
...
اجانه الليل بس يا ليل ليل اهدعش شيبني
إسمعت صوت الرباب اتصيح ودوني لعد إبني

گالت علي يُمه لبني خلنه انروح
دَر اللبن بلچي ألگه برضيعي روح
گلتلها الولد يآم الولد مذبوح
وخفت زينب تموت اعليها من النوح

وقريت بروحها إحساس
تعاتب عمي عباس
تريد اتروح بس اشلون تندل
هاي بروحها تريدلها مقتل
...
صبح يوم اهدعش بيّن وشفنه الضيم بنفاسه
روس وحته عبد الله شفنه اعله الرمح راسه

وزينب شافت النوگ وتناشدني
يعمه منهو عالناگه يصعدني
سجدت وگلت عمه بخدمتچ متني
گالت انته منهو ايصعدّك يبني

اعله زينب مدمعي سال
شمر يجتفها بحبال
بضرب السوط صعدت نوگ هزّل
هاي بروحها تريدلها مقتل
...
مشينه وعمتي زينب مرّوها اعله ابو اليمه
رادت تهوه بس ناديت ارحمي بحالي يا عمه

حده الحادي وضعنه الشامت ايشوفه
اشكثر زينب بچت من طبت الكوفه
الشام الشام جرحي المحد ايروفه
طبت عمتي اعله ايزيد مچتوفه

بيا دستور يا دين
تطب زينب دواوين
بت فاطمه عنها ايزيد يسأل
هاي بروحها تريدلها مقتل
...
خادم الحسين ( عليه السلام)
كرار حسين الكربلائي
( ابو كميل)


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

خلي انتباهـــــك يمي تعرفني راح امن اسمي
فوكَ الطشت انه المتت وي عمتي مسبيه
التسحكَ جمر والتنهطر متفــــكر ابترجيه
\\\\\\\\\\\\\\\\\\\\\\\\\\\\\\
انه بت العل لرمح راسه بجالي
من السبي ماثق كَمت حته ابخيالي
عكَب عين الغالي ماظل كلشي غالي
والخرابه شلــــــــــون ترهم وي دلالي
ذني اخيــــــــر ايامي راس ورمح كَـــــدامي
عقلي اندهش حته العطش كاسر كلب علويه
التسحكَ جمر والتنهطر متفــــكر ابترجيه
\\\\\\\\\\\\\\\\\\\\\\\\\\\\\\
الراس ينظرلي شفت نظرت محنه
لان اهل الشام موش اوجوه اهلنه
بسوط يتولـــــونه شو كلما سألنه
وزينب اتكَلي الصبر عمه وصلنه
درب السبي متعبني واعرف ابوي يحبني
كَمت ارتجي كَلاالي اجي ليهسه مامر بيه
التسحكَ جمر والتنهطر متفــــكر ابترجيه
\\\\\\\\\\\\\\\\\\\\\\\\\\\\\\
انه المخليه ابوهه بنص حظنهه
انه المشيبه قهر من كَد حزنهه
انه اول طفله مجروحه بأذنهه
كَولو للعالم رقيه اسود جفنهه
امن السوط شوفو شلوني يصلن لهسه امتوني
حته الورد هم ينحسد ويذبل عتب تاليه
التسحكَ جمر والتنهطر متفــــكر ابترجيه
\\\\\\\\\\\\\\\\\\\\\\\\\\\\\\
العنده مثلي ابنيه يسمع هالرساله
لخاطري يحسسهه يوميه ابدلاله
ارد اوضحلكم بعـــــد ياناس حاله
انه ابوي الرمح صايرله خياله
من حقه جفني يساهر ابراسي يوم العاشر
اذكر صحت كَمت وطحت عطشانه اريد اميه
التسحكَ جمر والتنهطر متفــــكر ابترجيه
\\\\\\\\\\\\\\\\\\\\\\\\\\\\\\
طشت جابولي وعليه منديل احمر
ليش شمسوين صحت الله واكبر
من الشمس وجه الابو هيجي تغير
هنانه ملج الموت اجه وبموتي بشر
الموت يعرف علتي بس كَلبي ظل يم عمتي
عدهه امل تنده تظل يمي بقت محنيه
التسحكَ جمر والتنهطر متفــــكر ابترجيه
\\\\\\\\\\\\\\\\\\\\\\\\\\\\\\
لمجلسي هذا تضل بعيوني صوره
الجاي متعنيلي شرفني بحظوره
الزارني بالغربه انه هم ازوره
بدون ماينخاني اسهله اموره
اليذكر ابــــــوي بدمعه ** للقمه راح انرفــــــعه
اللطم صدر انه اعتذر ايدي ابخيم مجويه
التسحكَ جمر والتنهطر متفــــكر ابترجيه
\\\\\\\\
تمت علاء الزيدي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بعدك شباب ومكسور يوميه عندك عاشور
يالشايل اجروح هواي
من الشمس سوي فياي
* خايف عليك *

١
خفف يمهدي من البچي لا تعمه عينك
يالشايل بصدرك رمح الله اليعينك
يالمالك اوساده شعجب تغفه عله ادينك
بعدك شباب وشيبت بأجمل سنينك

حقك يمهدي من تنوح يوميه عدك مذبوح
فدوه اعله هونك مولاي
من الشمس سوي فياي
* خايف عليك *
٢
تبجي اعله عمتك منكسر ضهرك بالونين
ينمرد كلبك سيدي لو نذكر احسين
ماشوفك تعوف البچي لو تبجي الاسنين
حكه اليموت من البچي وحبابه ميتين

ادري بدليلك ممرود ** ما عايف ثياب السود
ولهسه ما ضكت الماي
من الشمس سوي فياي
*خايف عليك *
٣
من تمشي وحدك بالدرب عندك الف راي
عطشان مولاي شعجب ما تشرب الماي
مجبور تكعد بالشمس لو عندك افياي
راح انعي لمك سيدي بس ابچي بهداي

راح انعه ضلعچ مكسور* والمحسن هنا مشمور
ونك شبه ون الناي
من الشمس سوي فياي
*خايف عليك *

٤
مشتاك اشوفك سيدي كل ما يمر ليل
تكابلني وقرالك شعر عالداسته الخيل
مو انته ذاك البلوصف شو تختلف حيل
كلولي عطرك يختلف ما يشبه الهيل

بثوبك عطر اجمل ثوب *من دام حبيبي المسلوب
اجمل عطر يالوفاي
من الشمس سوي فياي
* خايف عليك *
٥
مو قصدي اجرحك يالوفي لمن احاجيك
ليش انته كاعد وحدك محد يمر بيك
من الشمس حار الرمل لاً يجوي رجليك
لا تنجرح بس السبي ومصابه يكفيك

وكت الفجر وين تروح * خلصو هلك يالمذبوح
عوف البجي بس شواي
من الشمس سوي فياي
* خايف عليك *


حسين عبد الجليل المالكي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

السيدة زينب ع
تخاطب اخيها ابا الفضل العباس ع
وتقول....



وين اشوفك .. يالخذت وياك بالي .. وين اشوفك
وين اشوفك .. فدوة مر صورة بخيالي .. وين اشوفك

امشي وادورلك اثر
ونبضي ابدرب كلبي عثر
وبعيوني اجمعلك صور .. وين اشوفك

افراكك اصعب من صعب
وبيعني مكطوع الدرب
عباس ياگلب الگلب .. وين اشوفك

وين اشوفك .. وين اشوفك .. وين اشوفك
ـــــــــــــــــــــــــــــــــــــــــــــــــــ
گلبي ذابل .. صحت بسمك من بلوتي .. گلبي ذابل
يابوفاضل .. وسفة غُربة اسمعوا صوتي .. يابوفاضل

وينك يحماي الضعن
بعدك بقيت ابلا وطن
وشل ضوة اعيوني وعمن .. وين اشوفك

عباس اريدن شوفتك
وبجفي ارسم صورتك
عطشانة حيل الخوتك .. وين اشوفك

وين اشوفك .. وين اشوفك .. وين اشوفك
ـــــــــــــــــــــــــــــــــــــــــــــــــــ
خوية اجيتك.. كلت بلكي الماي يندل .. خوية اجيتك
ومالكيتك.. وعنك ابكل كطرة اسأل .. ومالكيتك

من كتلي رايح للنهر
ماردلي من عندك خبر
محتارة بعدك يال الگمر .. وين اشوفك

ابوجهي بانت حيرتي
وجم حسرة تلكة ابصفنتي
شيبت روحي وضحكتي.. وين اشوفك

وين اشوفك .. وين اشوفك .. وين اشوفك
ـــــــــــــــــــــــــــــــــــــــــــــــــــ
بيدي نوحي .. خلصت دنياي ادورك .. بيدي نوحي
وابجي روحي.. كون احط راسي اعلة كبرك ... وابجي روحي

مابقت منك ذكرة ألي
بس كلمة اختي ادللي
يالبيك اشم ريحت علي .. وين اشوفك
تعبانة من ظيم السفر
محتارة بدروب القهرِ
وديلي جفك لنبتر .. وين اشوفك

وين اشوفك .. وين اشوفك .. وين اشوفك
ـــــــــــــــــــــــــــــــــــــــــــــــــــ
ما اجاني ..أبطيفك اتوسلت يامة .. وما اجاني
لوثواني ..گلبك ارد اسمع كلامة.. لوثواني

نبضت اگليبك تنفهم
ياخوية وتقوي العزم
ياهو اليشبهك بالزلم .. وين اشوفك

تارك فراغ ابدنيتي
ميسدة نوحي ودمعتي
خوية ألك تدري ابعازتي .. وين اشوفك

وين اشوفك .. وين اشوفك .. وين اشوفك
ـــــــــــــــــــــــــــــــــــــــــــــــــــ
ونسالكم الدعاء لخادم اهل البيت(ع)
الشاعر مصطفى الطيب



#الشاعر_مصطفى_الطيب



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الى الامام المهدي عجل الله فرجه الشريف
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

وين متكون،، يابو صالح مني الك شوگ وسلام
وين متكون،،، من غريب بدنيا ظلمه بلا أمام
وين متكون ،،،، وين متكون

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

شلون حالك،، نسأل احنه ونعرف متعبينك
يا عملنه ،، ويا وضعنه الخله تدمع عينك
بغربه انته ،، واحنه غربه وهم نگلك وينك
اي نذكرك ، لو دعينه وبالفعل ناسينك

هاي الذنوب ،، تخلي هاي گلوبنه تعيش بضياع
هاي الذنوب ،، مثل اخر دمعه لو صار الوداع
ننتهي ونخسر رضاك
واحنه نهتف اي معاك
وين متكون ،، وين متكون

،،،،،،،،،،،،،،،،،،،،،،،،،

يا هوى الهاب ،، وين اراضيك ومكانك ما درينه
يمك احباب ،، لو وحيد ودمعتك تنزل حزينه
عندك انصار ،، والعجل صوت ويجرحك لو حچينه
تظهر وخاف ،، تلتفت والكوفه ما تحمي المدينه

طفك يعود ،، ضدك يرفعون رايات وسيوف
طفك يعود ،، ويبقى چم واحد حقيقي من ألالوف

والكلام شگد سهل
لو نگلك علفعل
وين متكون ،، وين متكون


،،،،،،،،،،،،،،،،،،،،،،،،،،،،،،،،،

والحچي يطول ،، بس الافعال اصبحت كلش قليله
غيبه بهتان ،، والذنوب هواي چفتهه ثجيله
وانته مجروح ،، من تشوف الناس ظالم تشتكيله
گلبك ينوح ،، وانته آخر رحمه بالدنيه اوسيله

وين ماشين ،، يا ظلام اعمارنه وغطاهه ليل
وين ماشين ،، باقي بس المهدي يا عالم كفيل

لا نخسره بچم ذنب
ويه انفسنه الحرب

وين متكون ،،، وين متكون

،،،،،،،،،،،،،،،،،،،،،،،،،،،،،،،،،،،،،،،
ضاع الانسان ،، وماكو چلمه من الصدگ والله عجيبه
اليحچي بالدين،، هسه يحچي بحصته من دمنه ونصيبه
تغير الحال ،،حتى ديرتنا اصبحت ظلمه وغريبه
نضحك دموع ،، چنهه هاي الدنيه موتتهه قريبه


بينه وهواس ،، ها ربحنه وها خسرنه بهالحياة
بينه وهواس ،، والعمر ياخذنه نوصل للممات

چنهه صوره من الحلم
انته يا اكبر مهم
وين متكون ،، وين متكون

،،،،،،،،،،،،،،،،،،،،،،،،،،،،،،،،،،،

نور العيون ،، انته يا آخر امل ما عدنه ثاني
الله يرعاك ،، وتظهرلنا ويرفع الرايه اليماني
بالسمه الصوت ،، ها هو المنصور صاحب للزماني
تاخذ الثار ،، للضلع للطبره في وقت الاذاني


ونحر الحسين ،، الخله گلبك للابد ينزف جراح
ونحر الحسين ،، وچف كفيل اعله النهر للخوه طاح

وزينب وجرح الخدر
الك متروك الامر
وين متكون ،،، وين متكون


كلمات خادم الحسين / رعد الفريجي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

حره ودروب اليسر ماتعرفلهه*اوتشوف عله الرمح راس الكفلهه
*******************************
1 كفيلي عله النهرخليته مطروح
كطيعه اجفوف اديه اوراسه مذبوح
تعلك عا لرمح جـد امي ويلوح
عليه كل ما اصدن تطلع الروح
و ا و نن والمـدا مع دم اهلهه
*************
2 مشيت اميسـره وابوليت ارجـاس
وشوف عله الرمح راسـك يعباس
انه الطولي كبل ما شا فته الناس
براضي الطف عجيبه احدودي تنداس
الزمن خان اوعليه اسيوفه سلهه
*************
3 اروح اويه الغـرب ياخـويه تـرضون
ود يه امجتفا ت اعليكـم ايهـو ن
انه اختـك يابوفاضل وانسبي اشلون
الشمر ترضه الشمريحديهه الضعون
الهضم والله الهضم زينب كتلهه
**************
4 الهضم زينب كتلهه الحك ياكفـال
سبا هه الطف يضيغم والحمل مال
تعا ل انضر يخويه اوشا هد الحال
سبيه عله الهزل مجتو فه بحبال
دأ جرد صا رمك وجفو في حلهه
***************




5 صحت بسمك يليث الغا ضر يه
دأ جرد صا ر مك والحك عليه
ابعجل خويه ابعجل خلص السبيه
كبل لا طب لعد د يوا ن اميه
تعا ل ا وز لزل ا لشا م ابهلهه
************



6 اذا يو صل خبر عباس اجاني
اويصيح انه الكفل زينب تراني
اذا بيكم زلم بس خل تتا ني
يموت اوتنخطف روحه السباني
الزلم تلزم سره اوتنطر اجلهه
************
خادم الحسين عله السلام @حكيم الفرطوسي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

إستشهاد مولاي زين العابدين عليه السلام


قران مجتوف بحبل صاعد علئ ظهور الهزل
وي عمته رايح للسبي. يتكفل بضعن النبي
*******
مصابي ماجاري عله احد ياهضيمه
الزم بايدي يتيمه اتفر يتيمه
كبالي يحتركن شفتهن خيمه خيمه
صعبه هاذي تنسي واشكد اليمه
مصحف يشدونه بحبل. لاتنعقل لاتنقبل
لمن يطكه الاجنبي. يتكفل بضعن النبي
*******
عالهزل شفت العجب تدروني ياناس
مكيد بكومه حديد اتشيب الراس
عمتي لوطكها الشمر تصرخ يعباس
يثبت الرمح ويعاند جرح الاحساس
زينب اصدلها واون. ياسوره من جرح الحزن
ياعمه لزمن بالعبي. يتكفل بضعن النبي
********
ناحل ومن المرض ماانام ليلي
عمتي زينب ياخلك عذبت دليلي
كلسا تحاجيني بنشد وينه كفيلي
وانا كتلها وعلي هدمتي حيلي
ياناس سابيني الشمر. ياناس عذبني الهجر
ياناس مايحظر علي. يتكفل بضعن النبي
********
الشام اه الشام منها والجرالي
حال من فاكد هله كل هذا حالي
جرعتني هموم مره هالليالي
وزينب بدرب السبي ماعدها والي
بذيج الخرابه المظلمه زمره وعلينا ناقمه
صار البجي من مطلبي. يتكفل بضعن النبي
********
شرد اسولف عن سوالف تشده البال
بالشمس عكب الخيم هامت هالعيال
كل شمر لازمله طفله ولازم حبال
والقصد عندي وضح لضعوني جتال
ميكفي ذبحوا بالمهد. خاف الشمر يذبح بعد.
كل طفله بيه تختبي. يتكفل بضعن النبي
********
تمت ولله الحمد/ المقصر مع الحسين
الشاعر علي النائلي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك بالقناة👆

الامام السجاد ع

غمض ارتاح من الرماح
شافت اعيونك مواقف مؤلمه
وعله كل موقف تصبرك فاطمه

***********************

شافت اعيونك مصاب الغاضريه
انته ساعتهه تمنيت المنيه
ولا تشوف اعله الهزل عمتك سبيه
والشمر كلساعه يضرب خد رقيه

هواي الجروح....شيبقه بالروح
ضعن كلمن جرحه وبعينه دمه
وعله كل موقف تصبرك فاطمه

***********************

تعثر ابشهكه كبل لا جدم تعثر
ويه كل صرخت طفل عمرين تكبر
من تصيحك طفله وجهك كوه يفتر
تحز بيك السنسله واتجرحك اكثر

ترفع العين...لراس الحسين
تكله بعدك بويه عالعين العمه
وعله كل موقف تصبرك فاطمه

***********************

كلبك شيحمل بعد من يا فجيعه
علرمح راس الابو هو ورضيعه
وابو فاضل طوله ظل اعله الشريعه
راسه مسبي وعالنهر جفه الكطيعه

راس عباس...ينزف احساس
ينزف وبشفافه جلمات الضمه
وعله كل موقف تصبرك فاطمه

***********************

بعينك تصد بالسبي خياله عشره
تصيح ذوله والدي الهشمو صدره
ويه كل طكت عظم تنشغ الزهره
كلبته الخيل بحوافرها اعله ظهره

فوك الارمال...صاير اوصال
سالبين ثيابه سلطان السمه
وعله كل موقف تصبرك فاطمه


***********************

ياعلي السجاد هاي الدنيه حيره
تشوف زينب عمتك صارت اسيره
اتعز عليك هواي وانته البيك غيره
بالخرابه تشوف كعدوهه الاميره

مالهه اخوان. تطب ديوان
عله زينب هاي اصعب خاتمه
وعله كل موقف تصبرك فاطمه



نسألكم الدعاء
علي حسين المياحي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

سيدي .. وعيونك
ما اعيش بدونك
تايه آنه وچفك ايدليني

........

گلبي انتَ .. وروحي انتَ
يا يقين ظنوني
شلون اعوفك .. وآنه اشوفك
اغله من اعيوني

منهو مثلك اِنطه كلشي لمثلي
آنه انزّل بيّه وانتَ اتعلّي
الطفل بيدك والسهم من صابه
صحت يا شيعتي .. مو يا طفلي

عاقل ومجنونك
ما اعيش بدونك

........

دللتني .. كبّرتني
من صرتلك خادم
والتحبه .. يحبه ربه
وهم تحبه الوادم

كون ما يتكبّر اعله الفقره
وكون ما يتصنّع اعله الفطره
ما تفرّق گلبه عن لسانه
الگلبه اسود ما تسجله الزهره

يحترم قانونك
ما اعيش بدونك

........

من سنيني .. مشتريني
يالدفعت اوصالك
أبقه يمك .. حتى اخدمك
حتى اعيش بجالك

آنه من زغري اعيش بخيرك
وصار تقديري بسبب تقديرك
لو عفتني الا اطيح عيوني
شنهو غيرك حتى اروح لغيرك

آكل بماعونك
ما اعيش بدونك

..........

عمري دمعه .. يجري وانعه
والطم اعله جروحك
كون يمك .. بيّه اضمّك
روحك فدوه لروحك

عشر خياله خذوا عافيتك
عيوني اذا ما تنعمي .. اشوفّيتك
لا تخاف عليه .. امشي بدربك
آنه ابن المنبر .. وتربيتك

ما أخيب ظنونك
ما اعيش بدونك

.........

سوو كلشي .. الا امشي
بموكب المشايه
شنهو عمري .. وآنه ادري
الزهره تمشي ويايه

گوه تمشي والضلع ماذيهه
المهدي عكّازتهه ويمشيهه
اتگله اشم ريحه وفه عالمشرعه
بابو فاضل رادت ايدليهه

بالاخو يواسونك
ما اعيش بدونك

........

احمد هادي الشمري


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#قصيدة_السيده_رقيه_تخاطب_ابيها_الحسين_عليهم_السلام


مشتاگه اشوفك يالجنت مثل الگمر تضويني
من الله لا ينطي الرمح الحارمني من اسنيني
انـه رقيــــه مدللــه…… اذوني بويــه بكربلـه
ــــــــــــــــــــــــ ❃ ❃ ❃ ــــــــــــــــــــــ
يابويه مشتـاگـه الك وارد اسئلك حاجـيني
ضليت انحـب وانتحب مـن التعب ماذيـنـي
رد ليه لـو لحظه بحـلم گمـت الجم تدريـني
معـقوله ماترجـع الـي ياكــل هلـي ناسيـنـي

ارجع يالمخضر اليبس مشتاگه اشوف اطيوفك
بعــدك بقَـيت ابــلا دفــو فدوه رحت لحــروفك
بُعدك اذيــــه ومعضله …… اذوني بويه بكربـله
ــــــــــــــــــــــــ ❃ ❃ ❃ ــــــــــــــــــــــ
تعـرفـنـي بيــويـه مدللـه و بكــربله سـلـبـوني
حاجيني من فدوه رحت يمك صحت هضموني
جابولي مــاي وماردت ليــك شـردت لاگـــوني
بسيـوفهم منهم خفت بويــه وشفــت رعبـوني

رديـت اركـظ عالجمـر خـوف ورعـب وبـواجـي
يابويه ســـلبو خنصــــرك وردو عـــله التـراجي
فرگـــاك لا مااحمــله…… اذوني بويــه بكربــله
ــــــــــــــــــــــــ ❃ ❃ ❃ ــــــــــــــــــــــ
ويــن الــكـه مثـلك يا ابــو صـايـر دفــو اليــــه
مشتاگه انام واشبكك وأقبلك بكدما تخاف عليه
ها يالجنت اغله حضـن جنت انه اضـن ســويـه
نبقه ابد طول العمر ماكو شمر يربطني من أديه

كــل العـمر مـنـي رحــل بـويـه واجـه عـذابـي
سنيني مشت هسه وبـدت بهاذ العمر مصـابـي
بياوكت انه مبهذله…… اذوني بويــه بكربــله
ــــــــــــــــــــــــ ❃ ❃ ❃ ــــــــــــــــــــــ
وشحجيلك شـباقي حـجي غير البجـي ودمعنه
واليل يابويه صعب يم الغرب عگبك منو اليلمنه
مانستراح اونستجن بس نون صعبه لون سمعنه
نسوان هاشـم بالسبي واجنبي الي حـده بضعنه

صعبه واشد من الصعب نمشي يبويه عله الهزل
الحدايه بضعـونك غـرب صعـبه وابـد ماتنـحمـل
زجر الغرب وشيحمله …… اذوني بويـه بكربـله
ــــــــــــــــــــــــ ❃ ❃ ❃ ــــــــــــــــــــــ
هانت عليه الايام بس بالشام كعدوني بالخرابه
اوسادتي حضنك جنت وتوسـدت هسه بتـرابه
اشتاكيت الك هسه وردت جابو طشـت يابـابه
وغفيت صارت نومتي او موتتي حلمي مصابه

لمن شبـكته انـه متـت يابـويه الك مشـتاگه
تلاكينه بويه ومـو حلـم لا منصـدك المـلاگه
هاذه الوجه مشتاكه اله……اذوني بويــه بكربله
ــــــــــــــــــــــــ ❃ ❃ ❃ ــــــــــــــــــــــ
الخادم الحسيني
(محمد رحيم المشعلاوي)


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

راية العباس مو يم النهـر
ماهوت عالگاع صعدت للگمـر

بالسمه سووها حمـره
بيها دم وبيها طبـره
وبيها شد حسين ظهـره

حيــو عبــاس

هالليـله هالليـله
حيــو عبــاس
_____________________

رايه وتشدها العشاير للأخوه والصلح
والحلف بالرايه كاذب تعمه عينه وينفضح
رايه واليلزمها كون امنگعه اچفوفه ابملح
من تحطها اگبال ميت عينه رأسن تنفتح

اقماشها العباس بيده امفصله
كتب فـوگاهه مدد ياكربله

ازغيره چانت واشتراها . على اچفوفه علماها
لكربله ويـا خذاها
حيو عباس
_____________________

انته تدري ابيا طريقه خيطتها أم البنين
خيط من احجاب زينب خيط من ثوب الحسين
زورتها اشگد مراقد شبعتها من الحنين
يوم كامل بيتتها ابصحن أمير المؤمنين

حته عباس من ايشيلها
ابكربله ايتعب زلمها وخيلها

بيها ريحة أبو طالب . تعلگت فوگ المواكب
بيها دمع المهدي كاتب
حيو عباس
_____________________

راح اسولفلك عليها وانته افهم مطلبي
الرايه عند الله تعادل نص إمام ونص نبي
الرايه علويه وتشور چنها تل الزينبي
گوم ياعباس صاحت خذوا زينب للسبي

وابوفاضل گام يرعد صوته
اترخص من الله ورجع من موته

والانصار ايهوسوله . ياهله بهاي الرجوله
ميت وگام اعله طوله
حيو عباس
_____________________

الرايه من هزاها بيده شخطت وجه السمه
الكسا هيه اليماني البي تغطت فاطمه
چنها بنتك يابوفاضـل بس عليك امعلمه
الرايه لويعگوب شمها ايروح من عينه العمه

من تطب ابيتنه ايطب الأمان
رايه بس تشبه مفاتيح الجنان

للمرض رأسن تعالج . تقضي انواع الحوائج
بالحرب ترسم مناهج
حيو عباس
_____________________

راية العباس كشخه وتنطي للخايف مدد
بيـها من تمسح وجها العاجر اتخلف ولد
الله للقـرآن صدگ آيه لو نزل بعد
قُل هوَ الله ثم نقره قُل أبو فاضل أسد

قوة الله وعلـي بچفوفه
شلع شط العلگمي من اجروفه

للعطاشه سحل جابه . شـربوا الماي ابثوابه
گامـوا ايحنون بابه
حيو عباس
_____________________

راية العباس هيه اتفرح اللطامه
اتصير للمهدي عبايه وهم تصير اعمامه
حسين شداها اعله ظهره يوم طاح احزامه
تكره العامود كلش لإن طر الهامه

راية تنطي الحيل للمشايه
ياحـلاة الشال هاي الرايه

بيها يتحزم الزاير . صارت ابعلو المناير
نصرت الفوگ السواتر
حيو عباس
_____________________

كلمات الشاعر | محمد الجماسي

_____________________
الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

من البحر حد النحر .. مشايه
يطوي الارض موج البشر .. مشايه
بالأربعين معلمّه .. راياتنه بعلو السمه
مشايه مشايه .. مشايه
.............................
ساعه بساعه أحسب والكلب متلهف يطوف ..
من عام المضه لهاي الزياره كلبي ملهوف ..
اليمشي بدرب ابو السجاد أبد مايعرف الخوف ..
يزور حسين يوم الاربعين ودمعه مذروف ..
منعوف دربك للأبد .. مشايه
يحسين أنت المعتقد .. مشايه
ونوقع العهد بدمه .. راياتنه بعلو السمه
مشايه مشايه .. مشايه
............................
متعّني أزور انه وهلي وبصافي نيه ..
وخطوات المشي كلهن وفه وغيره وحميه ..
عهد أبقه على دربك سيدي ليوم المنيه ..
ودمعات الحزن من ناظري تواسي الزجيه ..
مثل الصلاه صارت فرض ..مشايه
تغطي الارض طول وعرض .. مشايه
شما فجّر الباغي ورمه .. راياتنه بعلو السمه
مشايه مشايه .. مشايه
..............................
أطفال ونسه شيوخ وشباب أتعّنت اليوم ..
وبصوت الحزن تبجي وتوّن تصرخ يمظلوم ..
مشايه مثل روج البحر عالكاع مرسوم ..
ندعي الباري نعمة هالزياره كل سنه تدوم ..
هاي الجموع الزاحفه .. مشايه
خطواتهه تنكط وفه .. مشايه
وسطّرت أروع ملحمه .. راياتنه بعلو السمه
مشايه مشايه .. مشايه
..................................
تتشرف بخدمة زاير حسين المواكب ..
لهلال الزياره بكل سنه تبقه تراقب ..
على طول الطريق تهّون علينه المصاعب ..
كلمة ياهله من معزب تزيح المتاعب ..
زوار ماتعرف تعب .. مشايه
شفنه الاجانب والعرب .. مشايه
صبه ومسيح ومسلمه .. راياتنه بعلو السمه
مشايه مشايه .. مشايه
..................................
اوصل كربله بلهفة محب فارك حبيبه ..
جمرة نار تسعر بالكلب شوكي ولهيبه ..
تشعر بالأمان بكربله روحي الغريبه ..
بصحن حسين من عيني يهل دمع المصيبه ..
نوصل لحد صحنك زحف ..مشايه
يهون بضريحك كل كلف .. مشايه
ونريد حسن الخاتمه .. راياتنه بعلو السمه
مشايه مشايه .. مشايه
.............................
نطوف الصحن سبع أشواط حجه وعمره هايه ..
عنوان البدايه حسين وحسين النهايه ..
وعشرين بصفر نوصل ألك بيدينه رايه ..
مثل زينب مشي راحت غريبه ويه السبايه ..
لو باقي لحظه من العمر .. مشايه
بدربك نموت وننتظر .. مشايه
بس نظره منج فاطمه .. راياتنه بعلو السمه
مشايه مشايه .. مشايه
..................................
حيدر مطر العبادي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بجفاك ..هلت دمعتي..بجفاك..انه وعمتي
بجفاك ..عذبني الشمر
&&&
هيبت البنت باابوها من تشوفه
كعبه والدها عليها ومن تطوفه
تعاينه شمحتاج لو حلت ضيوفه
تفهمه بلايه كلام بكل ظروفه
نريد وياك العمر.. بجفاك ..عذبني الشمر
&&&
شمعه كل والد لبنته وهوه خيمه
لحظه من يكعد وياها وي حريمه
تناشده بروح الابوه والها قيمه
ولو رحل والدها عنها يا هظيمه
الكلب يصبح جمر.. بجفاك ..عذبني الشمر
&&&
شلون لو بنت وابوها وبيه محنه
يوم متفارك خياله وهيه جنه
تلهج بااسمه وحجيها كله عنه
شلون لو راح ورحل وافترك منه
بهاي يرحمني الصبر.. بجفاك ..عذبني الشمر
&&&
تعاين السجاده تنطر كل مسيه
يوم تفرشها بااديها الهاشميه
تعودت هالحال وانعرفت رقيه
تالي منه بسرعه فركتها المنيه

شافته ماكو العصر.. بجفاك ..عذبني الشمر
&&&
طلبت وطلبتها يسمعها الحضر
طفله وبعمر الورد بيهم تدك النظر
حست بغيبة ابوها وبيه خطر
صاحت بصوت وتنادي عل البشر
هسه اعرفت الامر.. بجفاك ..عذبني الشمر
&&&
شافته وكعدت تشمه براس ابوها
اشتكت هيه وتكله من العذبوها
سكتت عل الراس هيه وخاطبوها
سكته وبلايه حجي من كلبوها
ماتت بسرعه الطهر.. بجفاك ..عذبني الشمر
&&&
خادم اهل البيت
الحاج ابو علي السعيدي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصائد المشايه
لحن ماجد الفياض فدوه اروحن زوار لجدامكم
*********************************
اليوم زوار حسين مشايه
تعنوا لكربله والله اعنايه
**********************************
ذوله زوار الحسين
لكربله هل كاصدين
طلعوا بزود وعزم

تحدوا اخطار المنيه
وعلى عناد الناصبيه
طلعت بزود الزلم

نمشي ونشيله علمنه
ومابرد والله عزمنه
دومه مرفوع العلم

نمشي ايام وليالي
وبالمشي لا مانبالي
نوصل حسين المهم

زواره احنه وللابد وفايه
*********************************

لكربله والله توجهينه
نزوره احنه هالااجينه
مشي نكصد كربله

نبجي ونهمل العين
لحضرتك هالمعتنين
قافله بصف قافله

وياك مانخلف عهد
مشايه نبقى للابد
هايبن سيد المله

نعم منهم والنعم
مشايه اجتك هالزلم
اهل غيره ومرجله

زوارك انته وهل نطوك حجايه
**********************************

من البصره والله وللعماره
كلها طلعت للزياره
توجهوا صوب الحسين

زغار وكبار الاجتك
والله هاليوم اعتنتلك
اليوم الك هالمعتنين

وبغداد وي الناصريه
توجهوا كلهم سويه
الك والله كاصدين

قسم قسمولك يغالي
نمشي ايام وليالي
وبدربك احنه سائرين

نريدك انته تحقق النه الغايه
**********************************

الخادم عماد محمد الدراجي
الاحد 2019/9/22


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

{ زيارة الاربعين }


يمشاي * جيب الماي * من تزور الغالي
من الحسين * طلع صوت * لا تموت اطفالي
_______________
١-
لمن تمشي لحسين جمع دمعة العين
عطشانه اليتامه
هذا مروي اليتام مطفي بدمعته اخيام
تسمع بالقيامه
زوره وانته تعبان امشي وانته عطشان
ليلك لا تنامه
تاخذ بيدك امراد باچر بالحشر غاد
تعبر بالسلامه

بالحساب * والكتاب * مو سجلك خالي
من الحسين * طلع صوت * لا تموت اطفالي

______________
٢-
عدك ذني خطوات بس مطفي خيمات
من تمشي وتزوره
تعرف لمن تزور بكبرك يشتعل نور
حسين يخلي نوره
امشي وانته مجروح اصبغ وچهك وروح
بصخام الجدوره
كلب كل الاوراق هاي الثوره اخلاق
انقل احلى صوره

يثوار * ينصار * اي وحق العالي
من الحسين * طلع صوت * لا تموت اطفالي

______________
٣-
اوكف وقت الاذان صلي وقرا قران
لعيون الزچيه
هوه وربه بعدين كلمن عكس الحسين
معروفه القضيه
هوه الرايح يزور الله يكله مأجور
مقبوله العزيه
المهدي بهمه ناداك تمشي ويمشي وياك
لارض الغاضريه

وويلاه * حسيناه * منفطر دلالي
من الحسين * طلع صوت * لا تموت اطفالي
_____________
٤-
صارت كربله حسين هيه ام الدواوين
فايض بيها خيره
صاحب اكبر مضيف ينام ويشبع الضيف
يم شيخ العشيره
تزحف كل الاملاك تدخل كربله هناك
بالحضره الچبيره
لمن تشرب الماي اذكر فدوه مولاي
وبنيته الزغيره

فده يروح * يمجروح * والله كل عيالي
من الحسين * طلع صوت * لا تموت اطفالي
______________
٥-
من توصل يمشاي جايك كله مولاي
وتشوف الكرامه
لمن تبچي دمعات تاخذ والله حاجات
من فيض المامه
رحمة الله بالكاع اليخدم حكه ما ضاع
باجر بالقيامه
الصفه النيه سلطان حسين اليطي عنوان
من عرش الخدامه

اناديك * يمولاي * انته ساكن بالي
من الحسين * طلع صوت * لا تموت اطفالي
______________


حسين عبد الجليل المالكي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747