قصيدة بحق السيدة #رقية ع


طفله مو مالت سبي * چنهه قدسية نبي

وردة چانت بالمخيم
بـيـهـه والـدهه متيم

*-----------------*-------------------*

عوداهه حسين من يطلع يشمهه
بكل صباح تعودت يهتف بسمهه
فجئة خلاهه بدمع وسهام ألمهه
تركض ونار الخيم چوت جدمهه

والمتن ما ظنه يسلم * بـيـهـه والـدهه متيم

*-----------------*-------------------*

اربـع سـنـيـن الـعـمـر اكـثر روايـه
يعني مو مالت سبي وتنظر سبايـه
ربي هالطفلة نسبت شنهي الجنايه
هايه مــا صارت كـبـل بـيـن البرايه

مدري واقع مدري تحلم * بـيـهـه والدهه متيم

*-----------------*-------------------*

يحبهه ابوهه حنينة و صغيرة بناته
بـهـالعلاقه لـزيـنـب تـرد ذكـريـاته
وچـانـت تـحـس بمحبته وسـر غلاته
تـحـضـر بـكـل يـوم سـجـادة صـلاتـه

خدهه ياسه ويحله بالشم * بـيـهـه والدهه متيم

*-----------------*-------------------*

فارگاهه و ما رجع و الحاله صعبـه
نحرمت بلحظه لحنانه وتتني دربـه
تـنـظـر الخياله يمهه و كلهه غـربه
خافت وينزف جفنهه و دمعه صبه

وبوضعهه الباري يعلم * بـيـهـه والدهه متيم

*-----------------*-------------------*

حـرگـوا الخيمه و تصد بالنار اجوهه
ركضت و تصرخ يـبـابـه و ما رعوهه
تصورت بعده ويجيهه يحامي ابوهه
والله صـعـبـه بـجـر اذنـهـه يـعذبوهه

تدري ما يرضى اتألم * بـيـهـه والدهه متيم

*-----------------*-------------------*

شـافـت الخـيـل الاعادي مــن اجنهه
مثل شذرة الدمعه نزلت عالوجنهـه
ويله ويله العــذبـاهـه وجــر اذنـهـه
تـذبـل الـورده و تـمـوت بـلا غصنهه

حبهه غالي وميتقيم *** بـيـهـه والدهه متيم

*-----------------*-------------------*

✍ بقلم خادم الحسين ع
الشاعر رعد الچريخي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

من بعد اخوتي وحـرك الخيام
صوت اسمعت نسـاني الايتام
اخـت الكمر طــبـــوهـا الشام
~~~~~~~~~~~~~~~
انه زيـنـب انه الحنــيــنـه الجبيره
عشت بين اخـوتي اميـره بعشيره
حرت من بعـدهم ولا مـنـها حيره
لكطع نحر الحسين خذاني اسيره

يخزرني وي كل جرت انفاس
يضربني كل ما حاجي عباس
كل خطوه امشيها بالف عام
اخـت الكمر طبــوهـا الشام
~~~~~~~~~~~~~~~
كطعت الصحاري على ناكه هزلـه
وصـراخ اليتــامـه اخــذ حيـلي كله
مشـيت بدرب بي شمــاته ومـذلـه
اليفاركها اخـــوهــا تـرافـكـها علـه

تمنـيـتـه جـف الكـافـل ويـاي
وتبــوشـه من الرايــح وجــاي
نضراتــهم اقسى من السـهام
اخـت الكمر اخـذوها الشـام
~~~~~~~~~~~~~~~
الهضمني والجمني وحنه ضهري ليه
شفـتــهـم يــأشـــرون بـأديـــهم عليه
يســألــون اضــن ذيجـــه زينب سبيه
ويجــــاوبـهم الحـــادي واصفك بديه

جبنـاهـا كلهم اخت الحـسـين
مجـتـوفه من بـين الصـواوين
وعليه تتمرجل هــل الاقـــزام
اخـت الكمر طــبــوهـا الشام
~~~~~~~~~~~~~~~
دخلنـه على الشــام والحـبــال بدينه
بوسط سوك مشينه ويضحكون عليه
اذا ردنــه نســرعــه يبـطـون مشــينه
خزونـه بكثر مـــا يصـيـحون عـلــينه

تخيلها بس نسوه بوسط سوك
والسـوك كلــها عيــون وحلوك
والكل تنــــادي بذيــج الايــــام
اخـت الكمر طــبــــوهـا الشام
~~~~~~~~~~~~~~~
دخلت القصر والرأس تـنزف ادماه
شفت موقف كبالي ما اكــدر انساه
تمنيت بالطفوف انـــه ميـتـه ويـاه
ولا شوفه عصه يزيد تضربه بثناياه

صـدلي يزيــد وكـلي تدرين
كل ما اشتمج يغمض العين
وبيقضه انــه مــدري بوهام
اخـت الكمر طبـوهـا الشام



حيدر نوري الاسدي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

اقرالك دعاء كميل بكل مساء
بمفاتيح الجنان صور من كربلاء
---
ياللي وسعت رحمتك گلبي وعزائه
بوجهك الباقي بعد كلشي بفنائه
اليندعيلك يختلف ادري دعائه
ربي ارحم من رأس ماله بكائه
ايا رب الحسين إنه ام البنين
بحق دم الحسين احفظه امن البلاء
----
إنه اشتدت فاقتي وعفوك انطره
اعتذر ولدي اربعه اتمنيت عشره
اجعل السانه يرب ما ينسه ذكره
واجعل اعيوني يرب ما تنسه نحره
اعتنق حبه الضمير الامير ابن الامير
الهي يا قدير اعوذُ امن القضاء
---
ربي اجعل كلبي بحسينك متيم
حسين تربيتك تضيعه صعبه افهم
اتسلط نار باجر بالمخيم ؟
عله اوجوه الكبل تسجد حتى بالدم
هيهات واكول شيسكت الرسول
اذا طاح الحسين وتخضب بالدماء
---
سيدي كيف احتمالي غيبة حسين
وانه ادري بغيبته لا سنه وسنتين
كل فجر روحي تضج ضجت الميتين
كبكاء الفاقدين اتهل دمه العين
ولي المؤمنين حبيب الصادقين
اتراكّا تشوف عله الهزل نساء
---
والله لو ما كربلاء وصاير الصار
جان ما خالق يربي بالحشر نار
افمن كانَ مثل ولدي والانصار
كمن كانٓ بسوطه يضرب متن الازغار
يرب كلشي بديك ولا يخفى عليك
شيصير وما يصير تضل انته الرجاء
---
قوي يارب بدني حتى اوفي وعده
للحسين انصب مجالس ابقه بعده
من اراده بسوء يارب انته رده
واليريد الخير عنه لا تبعده
يصايغ كل جميل تقبّل هالقليل
عله اتراب الطفوف قرابين السماء
---

الشاعر حمزه السماوي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

من ردن سبايا الغاضريه➖بيهن ماشفت أختي رقيه
يمكن فارگوها أبغير ديره➖يمكن ماترد أختي الزغيره
✡✡✡✡✡✡✡✡✡✡✡✡
زينب گبلت أوياها نسوان أذاهن يسرهن
وصلن للمدينه جروح بجروح مسبيات جنهن
ياوسفه التراب أمغطي الهدوم ومغير رسمهن
حادي ضعونهن ماجنه عباس جاوينه الكفلهن
شوحادي الرجايب ماأعرفه➖موعباس هذا الزلمه وسفه
يمكن عمتي ردت أسيره
يمكن ماترد أختي الزغيره
✡✡✡✡✡✡✡✡✡✡✡
أنضر للنياگ وگلبي مكسور أبجي وتهل العين
ماشوف الهواشم تحدي بالنوگ
شو بس النساوين
وين حسين أبوي وعمي عباس جا باجي الزلم وين
زينب عمتي ليش أمدنكه الراس ليش أبهيده تبجين
لتسألين ياعمه عليه ➖ذبحت كل أخوتي الغاضريه
حيره أتحيرت ياعمه حيره
يمكن ماترد أختي الزغيره
✡✡✡✡✡✡✡✡✡✡✡✡
حسين أدري بقه ميت تگولين برض الغاضريه
وآنه أدري بعد يم جسم الحسين خليتي رقيه
بس أختي الزغيره أمن الهوه تخاف تستوحش خطيه
زين أوياها من عبدالله عفتيه بي تتسله هيه
تستانس إذا هزت أخوها-- ومن يبجي يذكرها أبأبوها
يافگد الأبو ماصح نضيره
يمكن ماترد أختي الزغيره
✡✡✡✡✡✡✡✡✡✡✡✡
عمه شلون بس لو جلجل الليل خافن مايگدرون
هيمه ولو بجو ما ينسمع صوت جاعدمن يدخلون
بلكت بالگبر لو مسهم الخوف ياعمه يلوذوون
وي عبدالله كون امشابگ أتنام بلكن ساعه يغفون
من تنام ترتاح اليتيمه➖تغفه أمن البجي وتنسه الهضيمه
ليل أووين نأضرها تديره
يمكن ماترد أختي الزغيره
✡✡✡✡✡✡✡✡✡✡✡✡
عبدالله يعمه يبجي كلساع خوفي أمن البجي عليه
أنكول اتهزه مره ولوبجه أنوب أتلوليله وتشاغيه
علمتيهه زين أتشد الگماط خافن يرخن إيديه
وصيتيهه خافن يفز عطشان شربت ماي تنطيه
خلينه يعمه نرجعلهه➖ترجع هيه وآنه أبقى أبمحلهه
واجب آنه أضل أنه الجبيره
يمكن ماترد أختي الزغيره
✡✡✡✡✡✡✡✡✡✡✡
هم عدهم غطه ياعمه وفراش لو بس الترابه
آنه أدري ابرقيه أبكل مسه أتصيح غطيني يبابا
زينب حنت وصاحت وويلاه يالشام وعذابه
عبدالله إنذبح وختج عله الراس ماتت بالخرابه
شبگت راس أبوها وماتت أعليه➖الصخرحال أختج إيهده ويبجيه
ماتت ما بعد جانت أسيره
يمكن ماترد أختي الزغيره
✡✡✡✡✡✡✡✡✡✡✡
الشاعر حسين باهض الحلفي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

https://m.youtube.com/channel/UCGd-VEzomHmEmcn4jnSjpeA
قناتنا على اليوتيوب ارجو الاشتراك
قصائد حصريا مكتوبه

باالاربعينية وعد تعتلي الراية
بالاربعينية تجي الشيعة مشاية
ابدربك نمشي زوار نسحك كل الاخطار

_
عهد ابد مانعوف المشي وتبقة انتة غايتنة
قسم همم بينة تزرع من ترفرف الك رايتنة
خَدم نعم الف مدري الفين كيلو طول سفرتنة
خبر صدر بربعينيتك يغالي نحجي كلمتة

بالاربعينية حجي ابابك نكولة
بالاربعينية مشة الرجلة مشلولة
الدنية حكها تحتار نسحك كل الاخطار


وطن حزن فتح بابة لكل موالي ابيوم الزيارة
دول اهل كمنة نحسبها وكلبنة دار خطارة
اجت مشت ناس بيها العزم واحد ثابت اصرارة
زحف الف نشوف كل شيعي تعنة تهمل انضارة

بالاربعينة دمع كلة حنية
بالاربعينة تجي الحرة مسبية
ترجع والكلب نار نسحك كل الاخطار



صعب كلب عن حبيبة لون يكدر لحضة يتخلة صفر صور تبقة تحجي عن روافض رفضت الذلة طفل كهل شفت ناسك كلها تصرخ زحف نوصلة هلة عِلة صوت موكب واليجينة اتفضل انكلة

بالاربعينية شرف خدمة الزاير
بالاربعينية عدد يجبر الخاطر
نمشي وننسة الاعمار نسحك كل الاخطار
ياحسين مدد

نحت شفت والدة وصورة بأديها رايحة ابهمة تحن تون استشهد وليدي اووصيتة المشي والخدمة
سنة وانة للمشي احسب وكلبي كال بس كلمة
فدة انهدة ابني يحسين لخدمتك وانوهب دمة

بالاربعينية ابو ضحة بوليدة
بالاربعينية اجة والعلم بيدة
ضحة يابو الاحرار نسحك كل الاخطار

_
امس درس الجان يمشي يموت نذكر لكن امشينة
سوة هَوة صار صحنك مثل رية واحنة طبينة
مدد خلد المشي هذا وصاح كلشي الحاربك وينة
هلك والك اي نعم تبقة السيادة وتبقة والينة

بالاربيعية وعد نوصل الحضرة
بالاربعينية حذر نشتعل ثورة
يفتح بابة كل دار نسحك كل الاخطار


سيد معتز الحسيني


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

للسيد رقيه عليها السلام
يعباس. نريد. اليوم نقرالك مصيبه
يعباس نذكر. حالة. الماتت. غريبه
يعباس يعباس
-----------------------------------------------------
رقيه باليسر شافت مصايب
مشدوده ابحبل. بنت الأطايب
تنام اشلون بتكم بالخرايب
تصيح احسين بويه گلبي ذايب
.رقيه حسافه اتموت بالغربه الحبيبه
يعباس نذكر حالة الماتت غريبه
يعباس يعباس
---------------------------------------------------------
ياعباس تدري ابهل قضيه
ماتت بالغرب بتكم رقيه
واثر بمتونها باقي خطيه
وتنادي يالكفيل ألحگ عليه
گلبها. لحد الموت ما بطل نحيبه
يعباس نذكر. حالة الماتت غريبه
يعباس يعباس
--------------------------------------------------------
يضربها. العدو . ويشتم وليها
ودم . اتسيل من الگيد ايديها
اتمنتك. يبو فاظل تجيها
تبچي وشامتك يسمع بچيها
هضيمه عگب عيناك يسموها السليبه
يعباس نذكر حالة الماتت غريبه
يعباس. يعباس
لعند يزيد. يوم الدخلوها
تمنتك تجي انته. وأبوها
وتشوف اشلون ابالسوط اضربوها
وجابو. راسك. وبيه. عيروها
تنادي عمي منين ابوفاظل اجيبه
يعباس نذكر حالة الماتت غريبه
يعباس يعباس
--------------------------------------------------------
من بعدك. تره شبعت بواچي
وخبرك سلبو. حتى التراچي
تنادي بويه ياحلو المحاجي
اشعجب هيچ اگطعت بيه يزاچي
يهل ناس قصته صدك قصه رهيبه
يعباس. نذكر. حالة الماتت غريبه
يعباس. يعباس
------------------------------------------------
خادم اهل البيت حسين هوير الاسدي
ونسالكم الدعاء


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

# ريحانة رسول الله المسموم. 1441


أباب الحسينية وكـفت أم الاحــزان
تصيح أدور عزة ولدي وين ما چان

تــلـطــم وجـنـهة * وتبچي اعلة أبنهة
ون وي ونهة * آه يالحسن آه

***********

الــــــكـــاع هـلـيـلـة بـــدمع فـــرشــــوهـة

الأضــــويـــة بــداعـت عـلـي طـــفــوهــة

بــــاب الـــحـســيــنــيــة لـــتـــنــضـروهـة

الــزهـرة يــــمـهـة وخـايـف تـشـــوفـوهـة

هـــاي أم الـسادة عـيـنـك لا تصــدهــة
أيـة الـتـطـهـيـر مكـتـوبـة على خدهه

الــحـمـدُ بـديـهـة * تـبـچـي عـلـيهة
تـنـوح البـنيهة * وتــنادي ويلاه

***********

خـيال شفــت الـــفـــاطــمـة واشـعر مـتـت

دخــلـــت الـــمــجـلس حـزينة وتــلــتـفـت

تدري بــيـد الـــزهــرة يـا شــيـعـي أشـفـت

چـبـد أبـنهـة جــابـتة مــغـطــه بـطـــشــت

يـبـچي يـانـاس وعـلي حـال الـزجية
چـبـد أبـنهة مغـطه بعـــباية رقــيـــة

مــن گـــد ألـمـهـة * حـافـي جـدمهة
ومتچوي دمـهة * أشلون تنساه

**********

بـلا عـلـي الـــزهـــرة أجـتـي أوحـــيـدهـــــا

عـمـامـة بــنــيــهــة الــحـسـن چن بـــيدهـا

ســـمــعـت أقـرايــتــنــة تــنـعــى أولـيـدهـا

الخـاطــر أبـني هـــالــقـصـيدة أنـــعــيـدهـا

من البداية أوياكم أرد ألطم على أبـنـي
مصاب أبو محمد حنى ضهري وفجعني

مـــن قـــوة الــســم * حـــيلـه تـــهـــدم
چــبــدة تـــألـــم * مگــــدر عـلى أدواه

**********

الـــفــاطمـة أكــراماً تــشـيــعـــون الـنـعـش

چبـد أبـــنـهـه بـالـطــشت كـلـه أنــــفـــرش

آه هـــلـــيلـه الـحسن حــــس بـــعــطـــــش

أكـبالــه شاف حـسـين وبــدمـعـة نـجـهـش

لا يــومً كــيـــومـك خــــويــــة بـــاچــــر
ضامي تـبـقـى وصـدرك أدوسـة الـحوافـر

وشــمـر الـيـذبـحـك * بـسـيـفـه يـعـذبـك
وغـيـره يـسـلـبـك * يا بو علي وياه


***********


لـيش يـــاجــعــده الحــســن مـات بـعـذاب

ليـش خـده الــيلـه يـصـبح عـلـى الـتـــراب

أمــة كـل مـــأتـــم تـجـي بــهـاذا الـمـصاب

عـلـيـنـة دمـــعــتـــة تـــوزعــــــه ثــــــواب

ســورة الـكـوثـر تـون وتـبـچــي أيــات
ياحـسافـه أوليـدهـا بـسم زوجتة مات

مـفــجـع مـصـابــة * آه يــا عــذابــة
الـيــوم عـلـى بــابــة * أيـتـامـة تـنعاه

***********

أويــاي شـــيـل أيــــدك وسـلــم بـنـحـنـاء

عــــظــــم الله لـكـي مــــولاتــــــي الـعــزاء

أنـريدهـة عــلى كـــبـــرونــه تــخـلــي رداء

وينـقـرة عـلـيـنــه حــديـث أهــل الـكـســاء

صيح يــم الحسن عنه لاتــقــصريـــن
بـداعـت دموع العقيله وخنصر حسين

بـالــوحـشـة حـضـري * نـوريـلـي كـبـري
وعـلـيـه أقــري * الـچـنـه نقراه


خادم أهل البيت (ع)
أمير السعيدي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

رقيه ع
وداعة الله عمه عنج رايحه
وعلكبرج راح اقره الفاتحه
وداعة الله يارقية * راح ارد للغاضريه
ــــــــــــــــــــــــــــــــــــ
نادت بصوت العقيله آه يا شام المصايب
جروحي بيهه جروح كثره وشفت بيك آنه العجايب
آنه ام الخدر وسفه اكعد بهاي الخرايب
وآه من دمعة رقيه الخلت الدلال ذايب
تكلي عمه شلون اضلن بالخرابه
شلون اوسد خدي عمه اعله الترابه
صحت وبونه شجيه * راح ارد للغاضريه
ــــــــــــــــــــــــــــــــــ
الطفله شافت راس ابوهه وشبكت الراس وشفتهه
تغسل الدم بدمعهه وتشم بالمنحر عفتهه
ومن عرفت الطفله ماتت كوه بجفوفي شلتهه
آه وبذيج المسيه ابذني اديه وسدتهه
شفت لسعة سوط مطبوعه علخدهه
ثيابهه بيدي لوبهه ارد اردهه
الفركه سوتهه المنيه * راح ارد للغاضريه
ــــــــــــــــــــــــــــ
وهسه انوه الضعن يرجع وبيّه كل جمره شكبرهه
راح اساهر ليلي وحدي وأرد اونن يم كبرهه
ارد اكلهه راح نمشي العيله خلصت من يسرهه
ريت ويانه رقيه ترد ما فكدت عمرهه
عمه كومي ويانه ردي يالحزينه
حسين لو شافج ينادي يالحنينه
وياي يل جيتي سبيه * راح ارد للغاضريه
ـــــــــــــــــــــــــــــ
عمه ردي ويانه فدوه هاي اخر مره يمج
تهمل عيوني وجمرتي تشب لو ناديت بسمج
شرد اكل لحسين اخيي عمه من ينشدني عنج
شرد اسولفله علخدج شرد اخبرنه علمتنج
شرد اكلله التراجي سلبوهه
لو اخبره جفوف ادينج ورموهه
يلي غسلتج بديه * راح ارد للغاضريه
ــــــــــــــــــــ
عمه كون بأيدي اطبن للكبر واكعد اكبالج
والله نساني مصابي يار قيه عظم حالج
لون متردين بلجن يرجع ويانه خيالج
محملج خالي واشوفن اثيابج اتصير ابدالج
ثياب كلهه مشككه ومصبوغه بالدم
عمه جم سوط اللي لاحج الله يعلم
يلي اذوج ا ل اميه * راح ارد للغاضريه
ـــــــــــــــ
الشاعر /// محمد حسن ضيغم ّ


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لشجاعة السيده زينب

بت الشرف انا وموش مسبيه
ماسلبونه انا انطيت ترجيه
ــــــــــــــــــــــــــــــــــــــ
انا الطاح اخوها وراسي ضل عالي
بت حيدر انا الماشافو خيالي
الشرف لمن تبده لاذ بذيالي
بت الزهره انا وموش عاديه
ــــــــــــــــــــــــــــــــــــــ
انا المن حجابي صارت الرايه
انا الماكلت مرتين الحجايه
جابولي النهر يتراجف بمايه
كالولي بخدمتج امري علويه
ــــــــــــــــــــــــــــــــــــــ
انا الفاتحه وعباس قرأني
فتر بيه الوكت بس حاشه ذلاني
انا المن مشيتي اتهاب عدواني
على متونه ابوي ايحطني خاجيه
ــــــــــــــــــــــــــــــــــــــ
ابوي الحاجه الله ورد شمس بيده
علي حبل الوصل بس انا تمديده
لجل عيني اخوتي شكو البيده
لبست اليل بس عباس كمريه
ــــــــــــــــــــــــــــــــــــــ
القصر لمن دخلته بهيبه مهيوبه
احس الكاع صاحت بت علي اتوبه
دعائي لو ارفعه الدنيا مكلوبه
بت الرحمه انا وموش مرجيه

 علي غسان


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

رقية ع


وية كل رمشة صحت بوية تعال
ماتت البسمة ابدرب مابي دلال
-----------
طير جنة بنيتك وجلمة حنان
اني اول رقة عذبها الزمان
من اخاف اذكر جنت تمطر امان
مااجيت وجتفوا ايدي بحبال
____
كل زغيرة مدللة الوادم تكول
بينها وبين الابو سوالف تطول
يارقية التركض ابين الخيول
وهية طفلة تخاف لوشافت خَيال
--------------
غربة ماكو والجرح ينعد قريب
راح اسولفلك حجي ينكط نحيب
سلبوا مني التراجي يالحبيب
وعالعباية دم اذاني بوية سال
------
كلها سهلة وشوفك ينسي العذاب
جرحي يلجمني واضمدة بالتراب
وداعتك يايبوية وخيوط الحجاب
كل مسية يغفة راسي اعلة الرمال
-------------
ماي ارجع خل اسولفلك زرع
وهوة كل مجروح سالفتة الدمع
عاد رمشة عين خلي ننجمع
ابلا جواب تموت احلام السؤال
--------
مايلوك لطفلتك هذا الونين
حكها تبجي الفاكدة والد حنين
من عفتني عمري جان تلث سنين
شيبت هسة يمن شوفك محال
--------
بالخرابة ينتهي كل الكلام
وهيبتة بجناحة يابوية الحمام
علة راسك عفت جلمات الختام
راح اموت وموت المفارك حلال
-----------
سيد معتز الحسيني



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نـــوحي يالغريبـــة ليلــــة المصيبـــة
عمــه عمــه زينب مـــاتت الحبيبــــة


1
الليلــة ليلــة نايبــة وليلــــــــة أدمـــوع
والحرايـــر والنســــــه ونهــــا مسموع
قلبي وي قلبــج صبــــح عمــه مفجـوع
والخبـر مــــاتت رقيــــه وظلت أتلــوع

والله يـــاهضيمـــة راحـــت اليتيمــــة
وليلــــــة الأليمــة أصبحــت رهيبـــة


2
ذكريـات الطف حـزن وحسـرة ونيــن
وعالهوو فوق الثــــرى ساجبة العين
عفنه رايـة أعلـه النهـر عفنـــه جفين
وهسـه ودعنــه اليتيمــة بنت الحسين

مـــن تعالــه ونهـا غمضــت جفنهـــــا
والنحــــر حضنها وارتحــل مغيبـــــة


3
لطفلــة حسيــن اشكثـــر نهمـــل اعبـــــار
والقلــب حقــه القلـــــب بــي تشــــب نــار
بيهـــــــــا عملــت كــربلــــــه طبعــت اثـار
شافت أسيـــاط الشمــــــر وخيــل الأشـرار

مـن حـرق خيمهـا هـالـوضـع هضمهـا
ونـــاحــت اليتمها والشمــــــس كئيبة


4
تحملت درب السبـــي وفقــد الأحبـــــــاب
طفلة وبعمـــر الــورد شافـــت أمصــــاب
مــاتت أكبــــــال النحـــر والقلـــــــب ذاب
آه يـــــادمعــة رقيـــة وليــــل الغيــــــــاب

فــركــه الحبــايب نـايبــه ومصـــايب
وآنـه قلبــي ذايب ومـاطفى لهيبــــــة

5
من أجه بطشت الـذهـب حـــامــل الــرأس
قالــت بهــذا الطشت منهـــو يــــــــانــاس
أتصورت مو رأس أبوها اجفـوف عبــاس
كشفت الســدره وعليــه انخمــــدت أنفاس

شبكتــــه بدمعهـــا ونحنـــــه ضـلعــهـا
والابـــــو سمعهــا وارتفــع نحيبـــــــه


6
خاطــري وقلبـــي انكســر من الجـــراح
مــن شفت رأس الابـــو فـــوك الـــرماح
عمــة يــازينب عجـــب يمتــه نـــرتــاح
وأحنــا خلصنــه العمـــــر دمعــة ونيـاح

أشفنه من عمرنــه والحــزن هضمنــــه
عفنــه كـــل أهلنــه نــومــه عالتريبـــــه

بغداد
امـــجـــــد ألشطــــــــري


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

زينب للحرم وصّت وصيه
عبيچن بالدرب شدّنهه بيه
اسمعن ياخواتي .. ترهبهم عباتي
عبيچن بالدرب شدنهه بيه
*********
باچر لو مشينه بحضرة الناس
غيمتچن اصيرن وامطر احساس
باچر لاتدنگن شيلن الراس
لو سار الضعن شوفني عباس
..................
شمّات الخلگ لتهملن العين
باچر بالدرب زينبچن حسين
من تشبههم صفاتي .. ترهبهم عباتي
عبيچن بالدرب شدنهه بيه
*********
لو جابو ضعنه على المچاتيل
لتخافن ابد لو شفتن الخيل
اذا همّه ابرهه وخيولهم فيل
ابابيل وصبرنه يصير سجّيل
...................
كعبه نصير وشحدهم يمرون
عبينه استارنه ويعميهه العيون
اراويهم ثباتي .. ترهبهم عباتي
عبيچن بالدرب شدنهه بيه
*********
حتماً عالفرات نمر عالبدور
لتسمعن اخوتي عتاب عاشور
من ظهر الهزل للكافل نزور
ماقصّرت ابد ونگله مشكور
.................
لو گادو ضعنه يم عضيدي
امشي بهيبتي والرايه بيدي
لاتهتم يغاتي .. ترهبهم عباتي
عبيچن بالدرب شدنهه بيه
*********
لو حمّل ضعنّه وسارت النوگ
عبينه بس شرف مابيهن شگوگ
ولو عمداً خذونه لزحمة السوگ
من نمشي بكرامه نسكت الحلوگ
..................
باچر ياخواتي هواي شمات
من تمشن سويه رتلن آيات
قسم بالذارياتِ .. ترهبهم عباتي
عبيچن بالدرب شدنهه بيه
*********
اصبرن لو تدور علينه الايام
رحلتنه طويله ونوصل الشام
لو صاحو علينه وين الازلام
گدام آل اميه رفعن الهام
.................
شيلن روسجن غصباً عالجراح
مثل شيلة الروس بعالي الرماح
من شافو صلاتي .. ترهبهم عباتي
عبيچن بالدرب شدنهه بيه
*********
باچر لو نطب قصر الملاعين
مجبوره صرت ادخل دواوين
احبسنهه خواتي دمعة العين
باچر كون انصر ثورة حسين
..................
كون يزيد اذله وما اهابه
من حيدر خذت فن الخطابه
ياقصة حياتي .. ترهبهم عباتي
عبيچن بالدرب شدنهه بيه
*********
سيد علي المدني


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بسمه تعالى
قصيدة ـ شايل علم ـ للمشاية


شايل علم وامشيلك
هاك العمر أفديلك
ومشية أجدامي يهالضامي اويه دمعاتي
بكل مسافاتي وعذاباتي اعله خطواتي
شايل علم
....1....
موعدي بكل عام امشي ومدري من عمري شبعد
المهم أوفي وعودي مثل وفاي الوعد
باربعينك اخدم اخدم واطمع واطلب بعد
أمشي گايد ابني بيدي لو عله أچتافي گعد
شايل علم من الزغر
خاطر يظل كل العمر
خادم احسيني بعد بيتي يباباتي
عفيه يوليدي تظل تمشي اعله خطواتي
شايل علم



....2....
تتعب أجدامي وأريّح بالمواكب للصباح
وهلا بالزاير اسمعه الصوت كل اشويه صاح
عيني تنظر للموائد بيهه خير الله مباح
خدمة من كل نوع ألگه گول واطلب واستراح
بيّه أثر من رحمتك
تراب المشو لزيارتك
ما تمس النار جسمي بأعتقاداتي
من امر اعله الصراط بهاي خطواتي
شايل علم
.....3.....
بالحزن تعطش اعيوني أعليك وأسكيهه بدمع
أمشي أعاين عله أجدامي ومنحني مني الضلع
من أغض البصر لجلك اي نعم حته السمع
آنه جاي بأربعينك مثل زينب منفجع
كل الأجو خوّاني
يالمجلسك ربّاني
والمشن يمّي مثل أمي وأخياتي
أقره آياتي وتظل عيني اعله خطواتي
شايل علم
..................
الشاعر الحسيني أبومحمد اللامي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة للمشاية

لبيك لبيك ابا عبدالله
------------------------------------
ثابت عهدنا وللحشر كَلناها
لجلك رخيصة ارواحنا بعناها
فوكَ الثُريا الراية عليــــــــــــــناها
مثل الجسد والروح حبك شلناه
---------------------------------------
ياخذ كَلبنا الشوكَ ياوليــــــــــــــنة
نطوف ونلبي وانحج اتعنينة
نعزيك ونعزي بحزن مهديــنة
مصابك يعيش وللحشر ماننساه
--------------------------------------------
هاي الملاين اعتنت وتنــــــــــــادي
شوكة بعيون البغضتك وتعادي
اتباها خادم وافتخر باســــــيادي
احنا عبيدة ونفتخر بايعــــــــــــناه
-------------------------------------------
مثلك نصيح بصوت لا مانخظع
نوصل نزورك لو جسمنة اتكطع
حبك يغالي بالكَلوب اتربــــــــــــــــع
نفديلك انحور ودمة لوجه الله
-----------------------------------------
حبك جمعنة وجينة الك مشاية
مرفوعة بالعالي ترف الرايــــــــــة
والحشد واكَف عالحدود حماية
لجلك يبو اليمة العمر ما هماه
-------------------------------------+--
بسمك حـــــــــشدنا صول وطباها
روس النواصب بالجدم داساها
ظلمة اعلى كل العادتك سواها
راية نصر بالحومة رفت يمناه
-----------------------------------------
بحزامة شدالة علكَ واتعــــــنة
فرحان مو رايح حرب للجنة
ابيا حسين ايصول ما يتونة
عالساتر ايرفرف نصر عالي لواه

أسالكم الدعاء رائد الاسدي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

أبقى أنا دنيا و آخـــره .. خادم للحسين
خل يدري بيه الما دره .. خادم للحسين

يا مولاي حسين يا مولاي
...................................

لو تصاحب هيچ صاب لو بعد لتصاحب
لو رحت مجروح يمه تلگه جرحك طايب
الله ويگلك حبيبي يعني أحبك واجــــب
حسين يا أكبر سفينة ينجه بيها الراكــب

شكبر صيته الي يضـــل .. خادم للحسين
عن خدمتك هيهات أمل .. خادم للحسين

يا مولاي حسين يا مولاي
..................................

هوه بس حسين وحده غيره ماكوا غالــــي
من الطفولة براسي عايش حبه شاغل بالي
انا لو ما هل مجالس ميت أحسب حالــــي
ابد غير الخدمة والله كلشي ما يحلالـــــي

ناذر حياتي من المهد .. خادم للحسين
يا ريت اضلن للأبد .. خادم للحسين

يا مولاي حسين يا مولاي
...................................

كون ما ابچي المصابه شتسوه هاي عيوني
ماكوا مثل حسين طيب لو اكوا دلونــــــــي
حسين ضحه بروحه لجلي وما أون يردوني
الما مجننهم غرامك حگهم يلومونــــــــــــي

سودني عشگه وهل صرت .. خادم للحسين
اعذرونــــــــي انا اتجننت .. خادم للحسين

يا مولاي حسين يا مولاي
...................................

عيوني لو ما صب دمعها المن مخليهـــــــــا
الما بچت لحسين واجب عيني كون اعميها
شتسوه هاي ايام كلها لو لطم ما بيهــــــــــا
الدنيا كل الدنيا هاي بدمعة ما اساويهـــــــا

هنياله يا ناس الصبـــــح .. خادم للحسين
يحزن على الضامي انذبح .. خادم للحسين

يا مولاي حسين يا مولاي
...................................

حسين يا خيمة محنه رحمة ربك جابه
الغرب عاشگته كلها مو فقط أحبابـــــه
معزب وكل وكته يكرم مره ما سد بابه
المثله گلي شلون امله دوه يصير ترابه

هيعونه كلمن ينقبــل .. خادم للحسين
شكبر حضه وينجعل .. خادم للحسين

يا مولاي حسين يا مولاي
...................................


✍#حسين_الفيصلي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

للحسين خل نشيل الرايه
للحسين نعتني مشايه
***********
نكصده .. مرقده .. نعتني للحضره
وبعزم ... نعتني ... ويه امه الزهره
بلدمع ... والطم ... بالحزن والعَبره
يل محب .. نستعد .. نلكه اخته الحره

للحسين يله انوو ويايه
للحسين نعتني مشايه
،،،،،،،،،،،،
زينبك ... يلمحب ... جتي وي عيلتها
زايره .. هالأجت ... بربعين أخوتها
تنتحب .. وبألم .. عالوجن دمعتها
اعتني ... الكربله ... شارك بمحنتها

للحسين نصبوا يمه اقرايه
للحسين نعتني مشايه

******
لو ردت ... تنكظي .. حاجتك يالزاير
أعتني ... للسبط ..... يمه متظل حاير
التعب .... ينجلي .. لو وصلت الحائر
من تطب ... للصحن .... يزول كل هم صاير


للحسين افدي روحك هايه
للحسين نعتني مشايه

**************
ما خسر ... للكصد .... كربله واتعنه
الدرُب ... يلمحب .... أحلى من الجنه
هل خدم .. تخدمك ... واطلب اشتتمنه
سُفرته ... تنصب ... زاده ما بي مِنه

للحسين هبو هو الغايه
للحسين نعتني مشايه
*************
لو رحت .. اوصلت .. كله يا رجوانه
كل سنه ... أكصدك ... يبن حيدر آنه
نظرتك ... يا سبط ... نريد يا مولانه
بالقبر .. يالولي ... أهناك لا تنسانه

للحسين عالعهد وفايه
للحسين نعتني مشايه
************
نندعي ... بلصحن ... بالفرج للمهدي
الأمل ... ولسند ... بس أمامي عندي
لو ظهر .. ينصلح .. الوضع ويعدي
قائدي .. لمُنتظَر .. ابوطنه يحدي


للحسين حلفه بمه اهوايه
للحسين نعتني مشايه
*******
تمت بعون الله تعالى
يوسف هاني الاسدي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لـلاربـعـيـن

اليوم زيـنـب بت عـلـي   مـحزمه بصـبـر الـحسـيـن
تصـيـح والمـدمع يـهـل    جـيـت يــوم الاربـعـــيـن

◾◾◾◾◾◾◾◾◾◾◾◾◾◾
1
الـيـوم اجـيـت الكـربـلـه   من بـعـد ذيـج الـمـحـن
بــعــد لاتـنـده يـزيـنــب   انـي اسـمـي ام الـحـزن
مـن بـعـد ذيـج الـمـأسي   الـبـيـهـا انـواع الـفـتـن

قـدر الـرب الـمــعــيـن    جــيـت يــوم الاربـعــيـن

➖➖➖➖➖➖➖➖➖➖➖➖➖➖
2
شـحجي عن ذيـج المأسي   وعل مصايب شردگول
بـيـتـونــــه بـالــخـــرابــه    بـهـاي عباس اشـتـگول
ومجلس الـطـاغـي دخلنه   بحيـدر يـسـب والبتول

يـصـيـح ذولـه خـارجـين   جــيـت يـوم الاربـعـيـن

➖➖➖➖➖➖➖➖➖➖➖➖➖➖
3
خـلـه راس حـسين يمه   وگـام يـضـرب بالـعـصـه
گـتـلـه شـنـهوالعذر منه   لــورســــول الله اجــــه
والله مـاعـنـدك رجـوله   لاوحـگ رب الـــســـمــه

كـون عـد عـبـاس اديـن   جــيـت يـوم الاربـعـيـن

➖➖➖➖➖➖➖➖➖➖➖➖➖➖
4
يـضرب بـراس ابو الـيـمـه   بـيـنـه يـتـشـمـت يزيد
يـگول ثاري الـيـوم اخذته   ثــار عــتـبـه والـولـيـد
لـشـانـهـم قـدمـتـه قـربـه   ذبـح اخـوج مـن الوريد

جـان انـي بـذمـتـي ديـن   جــيـت يـوم الاربـعـيـن

➖➖➖➖➖➖➖➖➖➖➖➖➖➖
5
جـيـتـك وبگـليبي حسره   من مـصـايـب هـالـدهـر
ومن بـعـد عـبـاس اخـويه  هـسـه يـحـديـنـي شمر
شـلون تقـبـل يبو الغـيره   مـخـدرتـكـم وانـسـطـر

ادري بـي گـلـبـك حـنين   جــيـت يـوم الاربـعـيـن

➖➖➖➖➖➖➖➖➖➖➖➖➖➖
6
والله يـاعـبـاس صـعـبه   ويـالـغـرب رحت واجيت
عـفـتـك اعلـنـهـر مرمي   وبـربـعــيـنـك هـالـفـيـت
جيـتـك اني وكلي لهفه   مـوتي يم گبرك نـخـيـت

اشـكـي جـور الضـالمين   جــيـت يـوم الاربـعـيـن

➖➖➖➖بيت الدعـاء➖➖➖➖➖➖
7
واني مـن شفت المواكب   كـلهـاتـضـرب بالسـيوف
تـعـزي بـالـحـوراء زينب   تـمـشـي الاف الـصـفـوف
تصورت ضعن العقيله   طب على الحضره ويطوف

وي زحــام الـزائـريـن    جــيـت يـوم الاربـعــيـن

◾◾◾◾◾◾◾◾◾◾◾◾◾◾
                   تـمـت بـعـون الله
                         2014  م
        كـلمـات الشاعر و الرادود الحسيني
             عـقـيـل حـسـيـن الـگـرعـاوي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

جينه مشايه نرفع الرايه
بربعينك ياحسين
******
بينه كل مشاي واحد هــو ينعد خـــــادم
قبـــلة العشـــاك انت و اوجننت هالوادم
اربعينك عــدنه ثوره هز عروش الضالم
مانعوف الهالشعيــره حــد ضهـور القـائم
لو يكطعــونه مايمنعــونه
بربعينك ياحسين
********
امن الزغر علمونه اهلنه كل سنه نمشيلك
لو شربنه المــاي نـــذكر العطش هد حيلك
لـــو نطينه الروح لجلك كَـــطره مانوفيلك
ليتنا بالــطف حظــــرنه سيدي انظحيــلك
صيحة المنحر يا ابو الاكبر
بربعينك ياحسين
*********
حسين من نمشي ابطريقك ثـارك ايمشيـــــنه
مـــــــايهمـــــنه واليهمــــنه انت يابو اسكينه
كلشـــي مــاردنه ابعمـــرنه بس رضاك اعلينه امـــروتك لـــومتنه باجــر بالكـــبر مـــر بينه
لو سأل منكر ياحسين احضر
بربعينك ياحسين
******
عجب العــــالم مشيـــنه مثــله ابــــد ماصاير
منهــــــم الجن ابجنونه اومنهم الضــل حاير
سفرتك من عدها ماكل حـتى طير الطـــاير
خيرك امفيض المواكب مــــايحير الـــــزاير
خــدمتك نعمه اوللبشر رحـــمه
بربعينك ياحسين
*******
حسين سر الباري اسمك مـــاعرفنه اسراره
انياليه يوم الحشر هذا انت تصبح جــاره
جنه فوك الكاع كبــرك تزهي بيه انــواره
ماتلـــوحه النار كلـــمن طاف صله اوزاره
نــوكف ابابك نطلــب امرادك
بربعينك ياحسين
********
شوكه بعيون النواصب هالمسيره الكبره
صوت واحد كلنه صحنه فدوه لبن الزهره
مـــل صبرنه اومل كلبنه والفـــرج ننتضره
ندعي ربنه المهدي يمته ايعجلنه ابامــره
المهدي من يضهر عــالضـــلم يثأر
بربعينك ياحسين
********
١٤٤١هـــ ١٠مـــ الحرام
الشاعر محمد الحلي النداوي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

كوم زيد النوح عشرين بصفر
روس اهل البيت ردت للحفر

ردوا بهلروس كصدوا كربله
بالشماته الكوم اجت متجحفله
هذا راس حسين ياهو استقبله
ماكو من هاشم ولاواحد حظر

كوم ونحب نوح علصار وجره
على الروس البلتراب امعفره
يبستها الشمس حيل امسومره
ذبل وجه الدين وي نور الكمر

جابر استقبل الروس ابلوعته
كام يتعثر تدمت جبهته
شاف راس حسين هاذي حالته
مطبر ومهشوم مرضوض بحجر

لطم وجهه وصاح ياحامي الحمه
هاي روس اعزازك المتهشمه
شلون ماتنطبك علكاع السمه
شلون روح المصطفى مكطع وذر

هاي زينب صدك دمعتها تهل
الابد مابين خيال الها وشكل
تنسبي وتركب على عجوف الهزل
وين اهلها احيود عدنان ومضر

لطم صدره وصاح يازين العباد
طحن روحي الهظم سواها رماد
ابيضن اعيونك ولابيهن سواد
كلب يعكوب على محبوبه انكسر

صاح جابر يابواليمه ياغريب
ياحبيب المايرد على الحبيب
علتي حد الموت بعدك ماتطيب
شلي بروحي بعدك ونور البصر

الشاعر حسن لعيبي الحريشاوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747