{ محرم }

امسي بخيمه وصبح شابع ونين
انه شعندي يعالم غير الحسين

١-
الكاع ابسمه صارت عالترب من طاح
وانه ابكاعه يعالم اشتغل فلاح
تعوفوني بشغلتي هواي احس مرتاح

فلاليح شكثر بالخدمه ماشين
انه شعندي يعالم غير الحسين

******
٢-
صرت مجنونه مو عن غايه وهداف
انه العاشك رغم محبوبي ما ينشاف
هوه العنده مثل حسيني هم ينعاف

تره شغلت كلب مو شغلت العين
انه شعندي يعالم غير الحسين

******
٣-
اذا اعوف المجالس واللطم شسوه
محرم نعمه ويامه شكثر حلوه
قفل كلبي عليك وما بعد يهوه

نذر ناذر حياتي وهاي السنين
انه شعندي يعالم غير الحسين

*****
٤-
احسن كلشي الاملكه من المجالس هاي
وحس ماعندي دنيا حسيني دنياي
ولا مره طلبته وردني احس مولاي

تره اخلافه اضيع مثل المضيعين
انه شعندي يعالم غير الحسين

******
٥-
خيري وخير ابوي وكلشي من عنده
ولا واحد كصدله وخايب يرده
الخادم يبقى خيره لحد ولد ولده

شكبرها انه انحسب ويه المعزين
انه شعندي يعالم غير الحسين

*****
٦-
بصحاب الكساء الباري من وصه
مضمون الكتاب اتفهمه من نصه
وعلي هاي المجالس واللطم فرصه

تجي مره الفرص ماكو فرصتين
انه شعندي يعالم غير الحسين

*****

الخادم
حسين عبد الجليل المالكي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بالكوفه بالخرابه كلهم اجو طلابه
نسوانهم يردوها بالاسر ويطلعوها
شو بس بنات الزهره محد اجاهن


**************************
ضلينا مابين العرب ننظر بالعيون
كلمن اجى يدور هله والهم يشفعون
ولكل قبيله جم مره الهم يريدون
بس احنه اهلنا ما اجو عنه يسئلون

بالغربه شو صفينا محد سئل علينا
زينب ولا اجوها بالاسر ويطلعوها
شو بس بنات الزهره محد اجاهن
**************************

شده يزينب شدتج شو كلها عدوان
لاغيره عدها هالعرب لاعدها وجدان
كلمن كفل اهله ومشى ماخله نسوان
بس زينب بقيد الاسر ماجوها وليان

بيد الظلم ضلينا نتنطر اليجينا
زينب ولاحضروها بالاسر ويطلعوها
شو بس بنات الزهره محد اجاهن
**************************
نسمع يكولون العرب شيمتها شيمه
ونسمعها مايرضون للحرمه بظليمه
العرب شو كلمن اخذ اهله و حريمه
وضلن بنات الزهره شو شبعن هظيمه

أهل الفواطم عالكاع مدميه حيف السباع
والحره ماكفلوها بالاسر ويطلعوها
شو بس بنات الزهره محد اجاهن
**************************
صديت صوبك ياعلي وانه برزيه
بعيالي وانه لوحدي ومحد اليه
ترضون يهل المرجله زينب سبيه
والناس مابيها رحم لا من حميه

زينب صفت اسيره بالناس ماكو غيره
بلا أهل ويدركوها بالاسر ويطلعوها
شو بس بنات الزهره محد اجاهن
**************************
جانت بجالك ياعلي زينب اميره
ياعلي والله تحيرت بحسين حيره
طاح أعلى رمضة كربلا شيخ العشيره
متكفله باطفال وحرم والنوب اسيره

والطاغيه بعصاته المها بالشماته
واخوان مالحكوها بالاسر ويطلعوها
شو بس بنات الزهره محد اجاهن
**************************

الشاعر محمد دعبل النوري



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

للسبي
.


هاي زينب .. هاي زينب ..
صــاح حـادي الـنوگ ويـأشـر علــيه
هاي زينب .. هاي زينب ..
هــاي اخــت عــباس جـبناها سبـيه
وصرت سالوفة الناس
يبــو فاضــل يعــباس
يــاوســافــه
_________

گال الهم .. وحچـــايتـــه ماتنــــحمل
گال الهم .. مــن ســامع ابــزينب قبل
گال الهم .. ذيــچ النخــت يابالفــضل
گال الهم .. جبــناهـا مگــيوده بحــبل

اتدنه يمي .. اتدنه يمي ..
وگال هاي الچانت ايسموها اميره
اتدنه يمي .. اتدنه يمي ..
ابــلا اخــوها اليوم جـبناها اسيره
حچاها وشيب الراس
يبــو فاضــل يعــباس
ياوسافه
_________

متشمت .. وبالــناگه چــتالــك يــجر
متشمت .. وعـالنــاس متعــمـد يــمر
متشمت .. بالسـوگ ويصــيح الـشمر
متشمت .. مسبـيه جــبنـه ام الـخدر

وشاهدوني..وشاهدوني ..
وانه فوگ الناگه يابو الغيـره انحب
وشاهدوني..وشاهدوني ..
وكلها صاحت هاي زينب هاي زينب
سبـيه ابـلايه حراس
يبــو فاضــل يعــباس
يــاوســافــه

_________

اتمنيتك .. يالشـايل اشگـد عاطـفه
اتمنيتك .. نـورك يخـويه مــاطــفه
اتمنيتك .. مـوجـود ياراعــي الوفه
اتمنيتك .. وتشـوف اديـه امچتـفه

يابوفاضل .. يابوفاضل..
گمت كل ماگول اسمك خويه اشهگ
يابوفاضل .. يابوفاضل..
اي وحـق مـتن اخـتك الي صار ازرگ
اعـرف بيـــك حساس
يبــو فاضــل يعــباس
يــاوســافــه

_________

مذبوحه .. وراسي بعــمودك منهشم
مذبوحه .. ويــاك عمــري مـــنخــتم
مذبوحه .. الـوادم تـصدلي وتبـتسم
مذبوحه .. الـذبحـتني نظـرات الزلم

والمصيبه .. والمصيبه ..
ويــنه كــفال الخــدر مــن ناشـدوني
والمصيبه .. والمصيبه ..
الله يشهد مدري چم ذبحه اذبحوني
انخطفت مني الانفاس
يــبــو فاضــل يعــباس
يــاوســافــه
_________

أذوني .. سائـــل لـمــن عـــني ســئل
أذوني .. گــالولــه هــذي ابــلا اهـــل
اذوني .. وبكــربـــلــه ضلـــو وصـــل
أذوني .. وظربوني مـن دمـعي نــزل

مايردون .. مايردون ..
انزعج حادي النوگ مني يالاخو وصاح
مايردون .. مايردون ..
أيسي هـذي روس اخوتچ فوگ الرماح
وعَيش اختك ابياس
يبــو فاضــل يعــباس
يــاوســافــه
_________
حيدر تركي الكربلائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الكوفه ليش اتطالب ابنسوانهه
وزينب اتنشف الدمع بردانهه
ــــــــــــــــــــــــــــــــــــــ
كل عشيره البالضعن عدهم مره
فزعو الهه ورجعوهه إمخدره
وبقت تتلفت عقيلة حيدره

مثل ورده وضيعت سندانهه
ــــــــــــــــــــــــــــــــــــــ
نزلوهن حرمه حرمه إمن الهزل
وفوگ كل هذا خذو منهم فصل
وخلو العلويه تنجر بالحبل

امده الدنيه وخرس بلسانهه
ــــــــــــــــــــــــــــــــــــــ
عود شالتهم حميتهم لان
مارضو نسوان منهم ينسبن
بس رضو زينب يبجيهه الزمن

بت رسول الله وزعيم اكوانهه
ــــــــــــــــــــــــــــــــــــــ
ليش عافوهه وحيده ابنص زلم
يازمن معقوله زينب تنشتم
وهوه من الله نزل هذا الاسم

شجره طيبه وماتموت اغصانهه
ــــــــــــــــــــــــــــــــــــــ
تنتظر واحد يگللهه الگوه
بالرمش دمعتهه وإيطگهه الهوه
عدله لاكن هيه والميت سوه

إمن الشمر لاذت بروس اخوانهه
ــــــــــــــــــــــــــــــــــــــ
وهيه زينب تبقه شيالة ثگل
بت ابوهه البالكلايف ينگل
مرأه بس تسوه المضايف والعگل

وماگدر واحد يزغر شانهه
ــــــــــــــــــــــــــــــــــــــ
أخ يا أم الحزن يالسلبوچ
للأسف ماطالبو بيچ وخذوچ
فضلو نسوانهم مافضلوچ

اتحرشو بالله إو غضب سبحانه



#العبدالحسيني_محمدالجماسي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يالبنيت ابموقفك اعظم حضارة
حضرتك لهل المجد صارت سفارة
تسقط اعروش آل اميّه… ياسفير الغاضرية
--------------------
غصباً اعله اهل الظلم واهل العداء
حضرتك صارت سفارة الكربلاء
واليريد يوالي ابو اليمّه ابنقاء
لازم ابأيدك توقّعله الولاء

للحوائج خصّصك رب الجلاله
تنقضي الحاجه ابضريحك لا محاله
والعطايا هاشمية… ياسفير الغاضرية
--------------------
چنت تعلم سيدي ابغدر الطغاة
والرسايل بالسيوف اموقّعات
ما رجف گلبك ولا خفت الممات
رحت تسحگ عالمنايه ابكل ثبات

گابلت عدوانك ابهمّه و ارادة
انته اول من فتح باب الشهادة
منك تخاف المنية… ياسفير الغاضرية
--------------------
علّمتهم بالحرب معنى الصمود
والرگب چانت على افعالك شهود
اشما تزود اعدادهم عزمك يزود
ما تحسّب للعدد طبع الأسود

توأم الفقّار سيفك لو رفعته
ماكو فارس يرجع وعنده رگبته
كل صفاتك حيدرية… ياسفير الغاضرية
--------------------
اتوهّموا ويّاك ما حسبوا صحيح
انته مثل حسين تعله من تطيح
چان ظنهم من يدفنونك ذبيح
تندثر بس خضّرت گبّه وضريح

وجهك ابسابع سمه مشرق نشوفه
واسمك الاجيال تتناقل حروفه
كرّمك رب البريه… ياسفير الغاضرية
--------------------
حارت العدوان بمرك يالسفير
امس بالكوفه چنت عدهم اسير
هدّمت قصر الامارة ابلا نصير
وغصباً اعليهم صرت انته الامير

كل ملوك الظلم غطّتها المنايه
وانته خالد والفخر فصّلته رايه
كلها تاخذلك تحية… ياسفير الغاضرية
--------------------
وليد العگيلي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

& (24) دنيه دنيه ▪︎▪︎ ▪︎ أبغير أخوتي ما اظلن بيها
دنيه دنيه ▪︎▪︎▪︎اوخيمتي ارماد اوجمر تاليها
وحدي بالغربه أبات -- بين دمعه اوذكريات
دنيه دنيه
-----------------------------------------


1) الدنيه ماسمعت حسرتي اولا ونيني
اوتدري ماضلي اخو عايش يجيني
تدري مثل النوك بالغربه حنيني
أوباجر اتشوف الشماته أمجتفيني

& هذا حالي ▪︎▪︎▪︎ اوبعد اخوتي بالغرب شتموني
هذا حالي ▪︎▪︎▪︎ اوبالسياط اعله المتن ضربوني
وانه بين العاديات --- بين دمعه اوذكريات
دنيه دنيه
--------------------------------------



2) عالجمر أركض وادور عن رقيه
أومن شرار الخيمه محتركه اديه
ذكريات ابالي من جنه سويه
أو مادريت اتسوي هيج الغاضريه

& أه يجرحي ▪︎▪︎▪︎ الجانو اوياي ابغرب خلوني
أه يجرحي ▪︎▪︎▪︎ ابدنيه بس هم اوقهر عافوني
والحرم متحيرات -- بين دمعه اوذكريات
دنيه دنيه
---------------------------------------


3) الدنيه متشوف الحرم يهمل دمعهن
اوماتشوف الشمر بجفوفه دفعهن
من بجن حتى الصخر بالطف سمعهن
أوجرحه مثل الغار من شاهد وضعهن

& امن البواجي ▪︎▪︎▪︎ شمعه صارن بالغرب تاليهن
امن البواجي ▪︎▪︎▪︎دمعة الفركه ابغرب تجويهن
اوبالطفوف أمعذبات -- بين دمعه اوذكريات
دنيه دنيه


---------------------------------------


4) روحي ترفه او أدري بالغربه الرماها
الفركه والدنيه سوه ركضن وراها
بعد اخوتي الهاجرو محد أجاها
فقط بس كلبي على الشاطي لكاها

& ابحركه اسولف ▪︎▪︎▪︎ عالكمر واحجي الجره ابأيتامه
أبحركه أسولف ▪︎▪︎▪︎ أو أرد أكله الليل وين اتنامه
اوكمت أتمنه الممات ---- بين دمعه اوذكريات
دنيه دنيه
----------------------------------------






5) يم ابو اليمه رحت انثر حسرتي
الغالي يستاهل اودعنه ابدمعتي
جمره بالروح اوصعب تطفه جمرتي
شلون أرد أبغيرهم وادري ابرجعتي

& وحشه وحشه ▪︎▪︎▪︎ اوليل صارت والحرم تبرالي
وحشه وحشه ▪︎▪︎▪︎ اوكلبي فارك بالغرب جم غالي
اوبعد ماتسوه الحياة --- بين دمعه اوذكريات
دنيه دنيه
-----------------------------------------


6) جلجل الليل او اصد عالفاركتهم
وأنه مجتوفه او أجيت او ودعتهم
روحي مثل الطيره فرت من شفتهم
وأنه مو بيدي اذا بالطف عفتهم

& راح أسافر ▪︎▪︎▪︎ سفر مسبيه ابرحيل اخواني
راح أسافر ▪︎▪︎▪︎ والايتام أمن السياط اتعاني
وانه مابين الطغات -- بين دمعه اوذكريات
دنيه دنيه

-----------------------------------------

لخادم أهل البيت ع/ أبو أحمد المجراوي

اسالكم الفاتحه والدعاء لوالدي

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

587-الام السيدة في السبي...جديد ٢٠١٩
"""""""""""""""""""""""""""""""""""""""""""""""""""""""
شما اسولف عالقضيّة..لو قصائد واقعية
ماكو كلمة التنكتب..تشرح الصار برُقية
قصة اشواكَ و نحر
مو تراجي و لا نهر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لا تكَول ارقية طفلة تريد تلعب..و لا كَلب ضامي و تريد الماي تشرب
تشرب الماي و عطاشه اتهدّم الحيل
تلعب شلون اعله صدرك لعبت الخيل
دمعي وي دمك يغالي السايل ايسيل
شوكَ الموادع تمنّي و يقره ترتيل
سالت الفكَدك دموعي..و انطفت يمّك شموعي
و ادري بفراكَك صعب..جمرة تتلاهب ضلوعي
و الجمر بيّه استعَر....1
*****************************
ما تنام اعيون بنتك سالت اشواكَ
لا طيوف اتعود منك شالت افراكَ
بيني ما بينك رقية اتسولف اهموم
و انه بعيوني المدامع تصبح ادموم
من شفت جسمك يغالي بعازة اهدوم
و المنايه اتسير سكتة بخاطري ارسوم
بلا مسافات و تواني..تطحن بروحي الثواني
ناري من فكَدك تشِب..و الجمر لاهب جواني
لاحت اعلوم الخطر.....2
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ما تهيد الروح و ادري بفكرك افكار
من تشب نار بخيامك بالنِفَس نار
ناري من فكَدك جمرهه اليسري بسكوت
يرسم بعين انتظارك خارطة موت
صرخة اموادع تجيني و تخنكَ الصوت
قافلة نوح بخيالي اعليهه تابوت
شالت اهموم بنعشهه..دمعة ايتامك ترِشهه
تنحب بطول الدرب..حوفة و المدمع فرشهه
كَطعت ادروب السفر....3
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛::
امساهرات اعيون زينب تبره الضعون
بلا طريق اضعون زينب رادت اعيون
اسكينه تسألني بغيابك وين الحسين
ارقية محتارة بصلاتك سبحِتك وين
ما تسولف عالتراجي و زاد الونين
فدوة لحسين التراجي و أذني و العين
فدوة لحسين التراجي..لاجله كل هاي البواجي
بويه يا نبض الكَلب..غالي يا حلو المحاجي
بعيني من رسمك صور...4
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
آني مو قصدي التراجي و روحي تفداك
آني احبهن جي هدية و بيهه ذكراك
روحي من هضمة وداعك تنحب اعليك
شوكَ المنازع تريدك سكتة تلفيك
راسي باحساس اليتامه امناطر ايديك
روحي من ليل الخرابة و عاوِدت ليك
يا حزن روحي ومراري..شكَد حزن مكنون اداري
حلمي بعدك ينسلِب..و الألم ماخذ قراري
مرحبه بموتي الحضَر...5
&&&&&&&&&&&&&&&&&&&&&&
سيد حيدر العوادي
بابل الشوملي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصائد السبي
(فزاعيه)

هايـم عــون ماضلولج اخوان
************************
بدروب الخطر تمشين هاليوم
وكلبج يالعقيله حيل مــــالوم
زركه متونج ومتغيره الرسوم
والعسكر يزينب يمــــج تحوم
ماعدهم وفـه ماعدهم احسان
********************
وحيده ولا اخو هاليوم عندج
والعباس وسفه مــــــاكو يمج
تبجين وعليه هالـــــــزاد ونج
وبنات حسين گامن هاليسالنج
يگولن وينـــــــه عــمنــه مابان
********************
اجــــــــرن بالنفس ياناس گوه
من اتذكر اخـوي وراعي المروه
خلصــت وانتهت ابمـوته الخوه
ماتسوه حياتي بـــدونه ماتسوه
بغياب الاخـــــو تلفيني الاحزان
********************
اون عليك ياعباس ياغــــــــالي
واصيح بصوت وينك هايكفالي
الناس بغيبتـك هالشافوا خيالي
بعـــــدك هالشمر ياوسفه يبرالي
الشمــــــر بعــدك يباري الاضعان
********************
ماترجع الي ياخـــــــويه ياحيــد
گلبي بغيبـــــتك عباس ميـــهـيد
ونتـي بغيــبتك كل لحظه تزيـــد
دخليت بغيـابك مجلــــس أيـزيد
وبموتك يخــــويه الطاغي فرحان
********************
الخادم عماد محمد الدراجي
الاثنين 2019/9/16

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

جن الليل يازينب
ماضل حيل يازينب

ظلمه ورگض بالهيمه
وچفي احترگ بالخيمه
يازينب يازينب

يالليل فدوه اتوسلك وي زينب بهيده
باچر النوگ من الصبح ودروبي بعيده
حسين اغطيّ واجي عريان بالبيده
يطلبني شمه من النحر ياشمت وريده

ياشمت وريدك
ويتامك تريدك غربه وحياره

استعجلي بالگومه
ياشمعت الحومه خويه سهاره

بلوه الخيل يازينب
ماظل حيل يازينب
ظيم وهظم ويتيمه
وچفي احترگ بالخيمه
يازينب يازينب
*
يالليل عطشان انذبح حتى النحر ضامي
بس اصبر عليك الگمر بس تغفه ايتامي
بلچن ألوليله ويفز ويگعدلي ويحامي
والحرس يضحك لو طحت لو تعثر اجدامي

تذبحني ضحكاته
وتسبني چلماته يگلي الغريبه

ويتهدد عليه
ويدريني علويه وأركض عجيبه

متن الهيل يازينب
ماظل حيل يازينب
هجمت علي چم جيمه
وچفي احترگ بالخيمه
يازينب يازينب
****
ارد اگعد بصف الجسد وانزف دمع عيني
مشتاگه اسمع چلمته هلبت يحاچيني
من چنه بيام الصبه من چانت سنيني
من ينضر دموع الجفن يگعد يواسيني

امنيتي محروگه
وانفاسي مخنوگه وبعيوني ونه

هسه انته چا وينك
يالزايد ونينك يابعد أهلنه

خويه الويل يازينب
ماظل حيل يازينب
بنغمت عشگ ترنيمه
وچفي احترگ بالخيمه
يازينب يازينب
*
يالليل كونك ماتمل عاد امشي ويايه
عندي على جروف النهر چف وحچي ورايه
بس ارد اشوف العلگمي يجري نشف مايه...؟؟
لو هم نشف مثل الگمر من صاحو سبايه

عاد امشي ياليلي
تدري انهدم حيلي مابيه امشي

خاف اعثر بخنصر
گل للصبح ليطر ضايعلي كلشي

نوگ تميل يازينب
ماظل حيل يازينب
فراگ الأخو ياضيمه
وچفي احترگ بالخيمه
يازينب يازينب
***
يالليل انه امخدره صعبه الزلم يمي
مريه چبيره وبالعمر ونار بطرف هدمي
حتى رقيه من الحزن صارت بگد امي
يالليل سوده حچايتك كافي وخلص دمي

باچر مسافاتي
تفسرهه وناتي عالناگه انحب

انذبح كل مره
لو صاحو الحره مسبيه زينب

دموعي تسيل يازينب
ماظل حيل يازينب
هم الگلب جن غيمه
وچفي احترگ بالخيمه
يازينب يازينب



عبد زينب
محمد الإبراهيمي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

تجرحني كل يوم هاي الرزية
چم غالي مذبوح و إشچم سبية

آ يا زماني . آ يا زماني . آ يا زماني

؛؛؛؛؛؛؛؛؛؛؛؛؛؛؛؛؛؛؛؛؛؛؛؛

يا زمن من لوعتك هون عليه
آنا إبن الداسته خيول آل أميه
بالحبال مربطيها إثنين أديه
مرة أنظر عمتي مرة أنظر رقيه

وكل لحظة الأيتام تنده عليه
تجرحني كل يوم هاي الرزية

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

من مشيت بحيرتي إبين السبايه
إشكثر قلبي شايل آهات و رزايه
طفلة مرعوبة و إجت تختل ورايه
تگول نار الخيمة حرگتلي العبايه

تنظرلي و تنوح و تجر بديه
تجرحني كل يوم هاي الرزيه

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

قلبي ما يبرد ولا يسكن نحيبه
عيني بالطف شاهدت أعظم مصيبه
حنة القاسم ترب بالدم خضيبه
شفت أخوي مكطع إبحاله عجيبه

و عبد الله مفطوم بسهم المنيه
تجرحني كل يوم هاي الرزيه

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ماكو غير المدمع و صوت الفجيعة
ضلت السبعين بالحومة صريعة
ريت أموت و أندفن يم الشريعة
بيها طايح عمي و چفوفه گطيعة

ريت أوصل هناك و أنصب عزيه
تجرحني كل يوم هاي الرزية

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

آنا ودعت الحسين و عفته ضامي
بس المفارگ أبو يفهم كلامي
عالترب محزوز راسه و جسمه دامي
وحده ضل بلا نصير و لا محامي

يا بويه مذبوح بالغاضريه
تجرحني كل يوم هاي الرزيه

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

أسمع الميمون و ينادي الظليمة
بالبراري هناك فرت چم يتيمة
شعري شاب من المصيبة إشگد عظيمة
جثث أنظر بس ولا جثة سليمة

سحگتها بالدووس خيل آل أمية
تجرحني كل يوم هاي الرزية

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


الشاعر علي حسن الكناني



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الى رقيه عزيزة الحسين عليه السلام




راس ابوي يمي جابوه بالطشت
راس ابوي كطع انفاسي ومتت
راس ابوي اتصوره
طفله هزني منظره
يمي مكطوع

توني شفته بالمنام يصيح ليه
بويه بويه اغفي أعلى صدري يارقيه
ياحنانه بغربتي ويمر عليه
بدونه عمري شلي بيه وبالدنيه

مرني طيف وانه لاجله فرفحت
راس ابوي كطع انفاسي ومتت
راس ابوي اتصوره
طفله هزني منظره
يمي مكطوع
******************************

هذا يا عالم وبيه اطفال أسرى
طفل يهدوه راس ابوه منكطع نحره
طفل ماواعي أعلى دنيا زغير عمره
راس ابوه يشوفه ينزف دما حمره

بطيفي جان يحاجي بيه ويلتفت
راس ابوي كطع انفاسي ومتت
راس ابوي اتصوره
طفله هزني منظره
يمي مكطوع
******************************

جان شعره بيني وبينه والاكيه
ياضواي اعليه كرب وانه احاجيه
مرحبا براسك يبويه وياهلا بيه
مو وهم صارت حقيقه المس ايديه

شو تعاي انه باحضانه رحت
راس ابوي كطع انفاسي ومتت
راس ابوي اتصوره
طفله هزني منظره
يمي مكطوع
******************************

ياحنانك بويه صار بعيد عني
دنيا واللجمات بيها عذبني
تدري بالخيمات بجدامي جوني
انه طفله وعلى راسك راسي محني

ياهواي انه توني تنفست
راس ابوي كطع انفاسي ومتت
راس ابوي اتصوره
طفله هزني منظره
يمي مكطوع
*****************************

الرعب والخوف بويه حاصرني
والشمر بالسوط مرعوبه خذاني
طفله ليش الزمن هيجي مرمراني
بويه صدرك وينه خل احظن حناني

يالحنين ليش هيجي طولت
راس ابوي كطع انفاسي ومتت
راس ابوي اتصوره
طفله هزني منظره
يمي مكطوع
******************************

الشاعر محمد دعبل النوري



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

عمه ياجاسم تعال اويانه
بچي امك بالسبي اذانه
اتكول ماتغفالي عين ابهالرزيه
وانه من الحزن ماضل حيل بيه
انه زينب انه زينب
..................
بجدمي من الخيمه نار وفركت الشبان حسره
اخلافكم ضليت وحدي ياكسر گلبي شيجبره
گوم ياعريس لامك عمه گوم اترك الغبره
اليل عثراته ثجیله وما تصح بالليل گمره

عمه زينب انه حاجيني انتظر
امك اتريدك بعد ماضل صبر
منين اجيبنك يجاسم موبديه
وانه من الحزن ماضل حيل بيه
.......................
عمه نص اليل فزت والعده ايضربونها
تگلي ياقصه السدت مثل ابني خل يروونها
خيمة امه بيوم عرسه الوادم ايحرگونها
وياچفوف البالعرس وابدمها اليحنونها

عمه لامك رد ينور عيوني
صعبه ابچي والعده ايشوفوني
الدرب وحشه ومو بعيده الغاضريه
وانه من الحزن ماضل حيل بيه
................
عمه من ينزل دمعنه اعله الوجن ماينمسح
امکيدين اجفوفنه واحبالنه بنص الجرح
غرگت العين ابدمعها وليلنه ما بيه صبح
واعله هل حاله يعمه وبعد كلشي مايصح

انخلط دم جفوفنه اعله عيونه
ولو ذكرناكم تره ايضربونه
يلي رحتو وعفتو عيلتكم سبيه
وانه من الحزن ماضل حيل بيه
.....................
عمه مامتقصده الجملك جرح لوعاتبت
لاكن اعذرني يعمه ماشفت مثل الشفت
من يمر اليل حزني يزود يلمني غبت
عمه بلعباس من گد مانعت امك شبت

روح وكصد عمه درب المشرعه
تلگه جفين الگمر متگطعه
بس جفوفه تمسح الضيم العليه
وانه من الحزن ماضل حيل بيه
.........................
اخلافكم زاد الحزن والاكثر الاذاني
الموقف الهد حيلي عمه وبيه محد جاني
احنه مچتوفين كلنه اليوكع يجر ثاني
ونرجع ايصعدونه بالسوط وتزيد احزاني

بياوكت بت حيدر تحاجي الزلم
چان ابوفاضل ابوكته ما اهم
ريت بخلافه تمر ليه المنيه
وانه من الحزن ماضل حيل بيه

الشاعر حيدر الرويمي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة للعلوية المضلومة
خولة بنت الأمام الحسين(ع)
-------------------------------------

هذي خــــــولة واليسر هد حيلها
مثل ما تبجي لرقيـــــــة ابچیلها
====================
طفله من ابنات ابو اليمه انسبت
شصار بيها اخلاف ابوها اتعذبت
ويه زينـــــب و الحرم عنه مشت
نهارها تبجي اعله بـــــوها وليلها
====================
بعمر ثلث اسنين شافت كربـــــله
طفله شافت ذبح الحسيــن وهله
تالي راحت بالسبي وي العايلــــه
شالت اهموم الجبـــــل ميشيلهــا
====================
طبت الكوفه بلا والي و كفيـــــل
 مچتفه بحبال عالنوگ الهزيـــــل
و الحـــــــرم وياها بنياح و عويل
والشمــــــر ناده اللي تبچي ويلها
====================
شصار بيهامن السبي ومن الضرب
طفلـــــــة هيه والسبي الها صعب
الشــــــام يشهد عن حزنها بالغرب
حشمـــت عبــاس  حتى يجيلهـــا
=====================
من العطش و الجوع وآلام الحزن
خولــــــة ليل انهار عالناگه تــــون
لحظة وحدة ماغمض منها الجفن
الناگــــــه ملت من شدید عویلهــا
====================
من بعد ما شافت انواع العـــــــلل
ماتت الطفلـــــــة الغريبة ابلا اهل
بارض لـبــنـــــان اعتنه ليها الأجل
و صار بدمــــــوع الحزن تغسيلها
====================
اندفنت بأرض الغرب بنت الذبيح
شاء رب الكون و اتشيد ضريــــح
تعتني الـــــزوار للمرقــــــد تصيح
تــربـتــچ نـتــشــرف بـتـقـبـيـلـهـا
=====================
يالتروح اتزورهـــــــا بلوعة و أنين
تشوف شجرة خالدة بطول السنين
والغرسها اهناك زيــن الـعـابـــديــن
راح ينظـــــــرها الذي يمشيلهـــــــا
=====================
خادم اهل البيت (عليهم السلام)
     حسن بشير السوداني


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

دافن سمة بالكاع وعيوني تحجي وداع
حكة الصبر لو ضاع
عمة عمة
____
ساكت ودمعات عيني تختصر كل المصايب
يرجع مترب ومحني اليدفن ابجفة الحبايب
عمة دم حسين ابوية شفتة يابس عالترايب
حرت احفر كبرة بيدي لو اضل يم جسمة اعاتب

حيرة ادفنة شلون من كل كتر مطعون
يمة بجيت عيون
عمة عمة

حسين عندي الدنيا كلها وجسمة لميتة ابحصيرة
واحس حتة الكبر يسأل وين اهلة والعشيرة
المصيبة انكطع راسة شلون اوسد خدة حيرة
عمة بالتلقين كتلة اختك انوخذت اسيرة

شفت الصدر مسحوك كتلة اختك اعلة النوك
ترضة تطب للسوك
عمة عمة
___
رحت يم انصارة ابجي والهضم بين علية
امشي وعيوني تدور عن تراجي اختي رقية
اجسومهم جان ثكيلة لأن متروسة حمية
وسدتهم غالي غالي لحد ماماتت ادية

وجاسم زفافة جروح حنتة النحر مذبوح
دفنتة ودليلي ينوح
عمة عمة
___
جرحي ضل ينزف محنة لمن الاكبر وصلتة
عمة والله ناسي ميت رحت ملهوف وشبكتة
تخيلي شلون بجفوفي كبر الحنّين حفرتة
كون ميت الف موتة اعلية اهون من دفنتة

اليدفن اخية يموت يدفعة الهوة امن يفوت
كوة يطلع الصوت
عمة عمة
_
عمة نحر حسين اسمعة ينادي وبصوت الفجيعة
طلب من عندي اوسد عالصدر جثة رضيعة
كملت والهم اخذني يم ابو جفوف الكطيعة
حفرت كبرة ابدمع عيني وضلت تنوح الشريعة

راجع الج مكسور حافرلي كوم كبور
واعلة الصبر مجبور
_
سيد معتز الحسيني


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بعــــدني اسمع بواچيها .وكلبي الآلــم يّنْتابه
بكل لحظه رقيه اتصيح ..آيحسيـــن ومصابه

سّبِونه وجانت ابعمري..مانــــدري مشينه لوين
وهي كل لحظه تتنشد.. محد شاف ابوي احسين
وذكـر صارت ابلاشوف.. مـن كثر الضرب عالعين
وعين الشمــــرِ اذكرها
تصيح احسيـن يخزرها
ورقيــــه اتضل تكررها
ظل يضربها ذاك السّوط.ونظرها من الضرب عابه
بكل لحظه رقيه اتصيح .آيحسيـــن ومصابه
ــــــــــــــــــــــــ

لصــرختها الضعن كله..تضل دمعـاته مذروفه
اجت ملهوفه يـم زينب..يــوم ادخلنـه للكوفه
تگلها امشينه يم جدي…ما مَـــر والدي يشوفه
زينب والگلـــب يسعر
شتگلها وعـافته امـوذر
وتصــد للراس تتحير
تگلها والـــــــدچ سافر ..بعيـد وتصد لخضابه
بكل لحظه رقيه اتصيح .آيحسيـــن ومصابه ـــــــــــــــــــــــ

انه الباقر صــرت انحب.. لرقيه دمعتي اتلالي
بويه ارجعلي لسّه اسمع.. اخذني وياك يالغالي
بعمر اربع سِنّين هنـاك.. لحــد يومي اتراوالي
ودمها اعله المتن هيه
واذنها اذكُرها مــدميه
سّلبو منهــــا ترجيه
وابــــد ماصاحتلهم اخ … صـــاحت مارجع بابه
بكل لحظه رقيه اتصيح …آيحسيـــن ومصابه
ــــــــــــــــــــــــ

على الهِزَل چنت اسمع... گلبها تِحّرِگه الحسّره
ومر من يمها راس احسين..وشمّـت للابو عطره
ورقيه اعله الارض طاحت..تگله اشّكثر منتظره
اتصورته اجــه اعليها
وضمّت دم تـــراجيها
وفتحت بـالهلا ايديها
وراس احسيــــن شافاها… ومثل الصّابها صابه
بكل لحظه رقيه اتصيح ..آيحسيـــن ومصابه
ــــــــــــــــــــــــ

إنّه ويـــــاها والاطفال… بخرابه كلها مجتمعه
گعدنه اعله الترب كلنه...ودمعتــها إبأثر دمعه
فجعها كل طفل بالشام.. بـابا يصيح وتسمعه
وهيه ركضت وطـاحت
وينه والــــدي صاحت
وزينب بـــالالم ناحت
وسَّمــع هالسفر يحسين..إبد ما حاسبه احسابه
بكل لحظه رقيه اتصيح .. آيحسيـــن ومصابه
ــــــــــــــــــــــــ

جفني اتجرح اعليهـا…وگلبي اتجـرح احساسه
رقيـه بالحلم شـافت… لگلبها احسين اعز ناسه
صِرخّت رادته وجابوه..شجـــابو بالطشت راسه
شفتها اتقبله وتشمه
وتمســح للنحر دمه
وطاحت مَيّتــهَ يمه
والاخِـــر نَفّــــس بيـه.. تضل ذكـــــــراها لهابه
بكل لحظه رقيه اتصيح… .آيحسيـــن ومصابه



ــــــــــــــــــــــــ


✍️ميثـــاق المــالكي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

حصريا الناشر عباس التميمي

يسروني./ راح اسولف سطر من قصة سبي
چتفوني / وانه ابوي المرتضى وجدي النبي
الهزله بيه من مشت
نضرت الحالي وبچت
ياهظيمه. ياهظيمه
--------------------------------
ساعة الگشره الطحت بيها سبيه
من عگب عباس تحديني اميه
على امتوني صياطهم واشگف بديه
وانضر الشمات تتفرج عليه
شتموني / واني فوگ الناگه وعيوني تهلي
وضربوني /. واني حرمه بكربله ضلوا هلي
الناگه والله استهضمت.
نضرت الحالي وبچت
يا هظيمه ياهظيمه
------------------------------------
چنت اعيش ابدار راعيها الخليفه
وچانت الايتام تاكل من رغيفه
دار حاكم عادل وساكن صريفه
مرروني اعليها اتباع السقيفه
راس اخويه / عالرمح ينضر الي ويوميلي
بيت ابويه. / چنه گلي وشفته ونهد حيلي
دار ابوي اتالمت
نضرت الحالي وبچت
ياهظيمه. ياهظيمه
----------------------------------
ابمسجد الكوفه بعدها مرروني
بذيچ الايام وببويه ذكروني
چان من يخطب اسمعه بكل شجوني
كل قصدهم چان اليه يعذبوني
چنت اسمعه / يخطب ويوصل خطابه البيتنه
هسه دمعه / اباب مسجد والخوارج صيتنه
باب مسجد ونحنت
نضرت الحالي وبچت
ياهظيمه. ياهظيمه
-------------------------------------
البيت طوعه هم حده الحادي وخذاني
قصه قصة البيت من شفته وعماني
بمسلم وذيچ المصيبه ذكراني
بگلبي بسهام النوايب صوباني
باب طوعه/ شاف مسلم يا الف،هنياله
من ظلوعه/ طبع صار اعله الخشب يبراله
باب طوعه اتنهدت
نضرت الحالي وبچت
ياهظيمه ياهظيمه
----------------------------------------
كلها هانت والاشد قصر الاماره
شلون ادخله وبيه چتال الغياره
يا اللهي شلون متسويلي چاره
ترضه اطب المجلسه وياي اليساره
مجلس احقاد / واني ويني اوين ابن مرجانه
بيدي الاصفاد/ وگلبي فوگ الرمح مو بمچانه
السمه دم امطرت
نضرت الحالي وبچت
ياهظيمه ياهظيمه
----------------------------------
آه يبن ازياد يجرحني بكلامه
وگف جدامي وتشمت بالامامه
الخيزرانه بايده ما يملك شهامه
ضرب ثغر حسين جدام اليتامه
لني تالي / بمجلس ابن ازياد يقضه لو حلم
هذا حالي/. بس عليل وياي باقي امن الزلم
خيزرانه وستحت
نضرت الحالي وبچت
ياهظيمه ياهظيمه
----------------------------------
الشاعر
كريم دانه الاعرجي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هينه يجروح التراجي….. موعليهن هل بواجي
نايمه وشفت بمنامي……. حسين كاعد وي عمامي
………………… .
عمه غفله النوم غافلني وغفيت
شفت ابوي من العده يمه شتكيت
كتله شوف اثارهم بذني وبجيت
وكتله هيج تعوفني بوحدي ورضيت
بويه شتمونه وسوبونه
وحنه ننشد وين ابونه
وكتله بعدك بويه ظامي
حسين كاعد وي عمامي……
.،…………………
عمه كتله الخيمه حركوهه علينه
انام وحبال السبي بجفوف ادينه
كوه نمشي احنه الرظينه وما مرظينه
ومن بعد عباس زجر اليحدي بينه
من بعد عين الكفلنه
وشمر يحدي بظعنه
ومابقه ويانه اليحامي
حسين كاعد وي عمامي …………………
كال عمتج وين كتله وعمتي هايه
يامتنهه وصار وبلون العبايه
مارحمه السوط من كالو سبايه
حرمه بين الاف ماصحت حمايه
دورت عباس اخوهه
علئ الهزل رجبوهه
تكلهم وياهو بمقامي
حسين كاعد وي عمامي …………………
كلي هسه وين نومتكم يبابه
كتله زينه ونايمه بنص الخرابه
من عصر حطيت خدي عله الترابه
صفك بيده وطلعن دموعه بجوابه
سولفتله وكلشي عنه
وظل ابوي بكلبه ونه
وكال زادت عن سهامي
حسين كاعد وي عمامي …………………
جيبوي راس حسين لطفله رقيه
هيج صاحت زينب بهاي المسيه
من وصلهه وحظنته هاي الرزيه
شهكت عله الراس بس شهكت منيه
هيج ماتت هل غريبه
بلخرابه اعظم مصيبه
تكول خلصته كلامي
حسين كاعد وي عمامي
¯---------------
الشاعر ابو سلام الجابري



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

للسجاد ع

عليل وشايل احزاني // عليل ودهري اذاني
انا السجاد // انا السجاد
/////////////////////////////////////////
خذاني الضــــيم مع الاعداء
صرت مجبور اشوف ارزاء
اشوف الناس تصيح اليـــوم
بظلم واحقاد على الزهــــراء
اشوف خيام توجها النـــــــار
واشوف ابليس وكف بالـــداء
بخطى اولهان // وكف فرحان // وانا الحزنان
اشوف مذبـّحة اخواني // عليل وشايل احزاني
انا السجاد
/////////////////////////////////////
اجيت امشي بطرك روحي
وعلى زينب كــــــــثر نوحي
اهد دموع واجي بأهــــات
الشمر واكف على جروحــــي
اشوف الروس على رماحة
تصيح بصوت على صروحي
يهل السجاد // ألك ميعاد // مع الاوغــــاد
تلكاها بـــــحزن ثاني // عليل وشايل احزاني
انا السجاد
//////////////////////////////////
يهل غادر يـــــــــــهل كافر
انا الصابر عـــــــــلى الصاير
لحزن طبعي وانه بزغري
شفت عمي الحـــــــــسن حاير
يكل لحسين يخوية حسيـــن
الك جولة بحزن باجـــــــــــر
يعطشونك // يظلمونك // يذبحونك
العدى بداري وتولاني // عليل وشايل احزاني
انا السجاد
//////////////////////////////////
بجمر حزني اكف دمـــوع
وشوف اليوم طفل ويلــــــوع
وانه بوحدي عليل الــــحال
الدمه بجتفي ألم مطـــــــبوع
العمر كله لضل ابـــــــجي
على زينب واضل مفـــجوع
يعطشونج // يأسرونج // يعذبونــــج
ابظلم هل يوم عدواني // عليل اوشايل احزاني
انا السجاد
////////////////////////////////////
البدر منهم بني مـــــــية
مشي الكافر وبدرب غـــــية
البدر عالدين ظلم واحقاد
وبوي حسين وفى الجـــــــية
نذر عمرة هدى نــــحرة
لجل طه العـــــــــــــمر ديه
على الصوبين // وفى للدين // ابوي حسين
واصيح الضيم ايتحداني // عليل اوشايل احزاني
انا السجاد
//////////////////////////////////////
خلص عمرة على اوســـادة
طريح فراش بصبر نادى
تمنى ابسيف يروح وضيف
على موته كما العـــــــادة
لجن سمهم مشى ابغــــدرة
وترك ميراث من اجدادة
صحف سجاد // الى العباد // دعاء اوزاد
وفى الشيعة ابطبع فاني // عليل اوشايل اجزاني
انا السجاد
////////////////////////////////////
الخادم ابو علاء العزاوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

القصيده تقرا ( نعي او لطميه )


ما طاب جرح الشام ماطاب
زينب غريبه أبين الأجناب


من طاحو أهل الغيره والشان
وزينب صفت مابين عدوان
حشمت حيهم بني عدنان
طحنا بسبي والدمع سجاب

زينب غريبه بلايه اهلها
وجنه الدهر رايد يذلها
دكعد يعباس انظرلها
عالمشرعه تربي أعلى المصاب

حرمه ومشت تحمل هظمها
ولا من حمى ولا أهل يمها
خلوها مبتليه بحرمها
ضلت وحدها والكفل غاب

ليش الدهر قاسي أعلى الكلوب
كل يوم ياخذ منه محبوب
يادوب كلبي دكته يادوب
والدهر ياخذ مني الاحباب

يادهر شو شليت حالي
ومابيك بس سود الليالي
ماحسبت لن الغوالي
يرحون وانه انطر على الباب



الشاعر محمد دعبل النوري



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747