Мæ фыд атеист уыдис, æз та уыдтæн æмæ дæн динылхæст адæймаг. Иу хатт фæззыгон уазал, хъуынтъыз боны мæ фыд фæрсы, зæгъгæ, уынгæ дæр Кæй никуы фæкодтай, ууыл куыд æууæндыс? Хуыцау кæй ис, уымæн цавæр æвдисæйнаг æрхæссын дæ бон у? Фыд æнхъæлмæ каст дзуаппмæ, æз та хъуыдыты аныгъуылдтæн.

Æмæ йæ уæд бафарстон: «Æддейы уыныс æбуалгъ боныгъæд, уыныс тарæрфыг, мæстыгæр адæм куыд ныссалдысты, сæргуыбырæй куыд цæуынц æмæ дæуæн дæр дæ зæрдæ нырхæндæг, дæхи хорз нæ хатыс». Сразы ис мемæ мæ фыд!

«Æрымыс ма, Папæ, куы бауарзтай, гъеуæд ахæм митдзагъд æмæ уазал уарын æваст куыд фæивтой æмæ дæм афтæ кæсын куыд райдыдта, цыма тæмæссаг хъарм у боныгъæд, адæм та - диссаджы зæрдæхæлар æмæ рæсугъд! Иу уысммæ дыл дæ дуне ныррухс ис, афтæмæй та уынджы ницы фæивта!»

Ды мæ бафарстай, кæм сты Хуыцау кæй ис, уымæн æвдисæнтæ? Уæдæ уæд, байхъус, папа. Уарзондзинад йæхæдæг у Стыр тæмæс. Æмæ нын уыцы Стыр диссаг Хуыцау радты, цæмæй адæймаг бамбара æрмæстдæр иу хъуыддаг: йæ зæрдæйы уарзондзинад кæмæн æрбынат кодта, уый ракæсы йæ цæстæй æмæ бамбары царды стырдæр хæзна цард йæхæдæг кæй у. Æмæ æхсæвы, нæ уаты нæхи æруадзыны размæ афтæ зæрдиагæй дæр уымæн скувæм: «О, Хуыцау, куыд тынг мæ фæнды, цæмæй мæ уарзой æмæ мæхæдæг дæр уарзон…»

Мæ фыды цæстытæ доны разылдысты, æрбакастис мæм æмæ загъта: «Сæттын, абон рамбылдтай. Дæ аргументтæ дын исын, сæттын, уарзондзинад у Стыр тæмæссаг лæвар!»

✍️ Яна Поплавская


@XurZaerin

«Рæстдзинад». 1-аг тур. (1-аг хай). Бестауты Юлия ӕмӕ Мамиты Грийы проект. 14.02.2026.

Иунæг бæлас халæтты бадæн.

Иунæг чындзæхсæвы дæр мæгуыр у.

Иунæгæй хъæды маргъ дæр нæ цæры.

@XurZaerin

Абон Цхинвалы мысынц Афганистаны хӕсты фӕмардуӕвджыты рухс нӕмттӕ.

Микрорайон БАМ-ы хӕстон-интернационалисттӕн цы мемориалон комплекс ис, уым уагъд ӕрцыд цытджын мадзал.

Хӕстон- интернационалисттӕн сæ цырты раз сæвæрдтой дидинджытæ æмӕ веноктæ. Ардæм ӕрбацыдысты РХИ-йы Президент Гаглойты Алан ӕмӕ Хицауады уӕнгтӕ, Хуссар Ирыстоны Уæрæсейы Федерацийы Æххæстбарджын минæвар Марат Кулахметов, 4 -ӕм ӕфсӕддон базӕйы службӕгӕнджытӕ ӕмӕ Афганистаны хӕсты ветерантӕ.

@XurZaerin

Уæ райсомтæ хорз, Ирыстоны адæм!

Абон нæ республикæйы уыдзæнис хъарм боныгъæд æмæ-иу тезгъо кæнынæн дæр ссарут рæстæг.

@XurZaerin

Куыроймæ дон дæлейæ уæлæмæ ничи уадзы.

Куырды хæдзар - æнæ кард.

Куыдз къуылыхæй нæ мæлы.☝️

@XurZaerin

Стыр мархомӕ цӕттӕгӕнӕн къуыри. Ирон адӕм ма йӕ хонынц царвкьахӕнтӕ дӕр. Ацы къуыри хӕрӕн уыдзӕн урсаг ӕмӕ фыдызгъӕлӕн. Уый фӕстӕ райдайдзӕн комдарӕн ӕмӕ дзидза хӕрӕн нал уыдзӕн, суанг Куадзӕнмӕ.

@XurZaerin

Национ проект «Фæсивæд æмæ сывæллæттæ»


Цæгат Ирыстоны дарддæр архайд цæуы ахуырады кусæндæтты рацарæзтыл. Бындурон цалцæджы программæмæ хаст объекттæй иу уыд Дзæуджы-
хъæуы 36-æм скъола дæр (æрбынæттон Мæскуыйаг уынджы).

Ныр дæргъвæтин бындурон цалцæджы куыстытæ ацы объектыл ахицæн сты, подрядон организацийы бригадтæ ахадгæ архайд бакодтой. Аразджытæ раивтой агъуысты сæр, стæй донуадзæн, хъармдæттæн æмæ иннæ коммуникацитæ, базылдысты ахуырадон æмæ административон кабинеттæм, æмбырдтæаразæн æмæ спортивон залтæм, æппæт иннæ бæстыхæйттæм…

Уый тыххæй фехъусын кодта Дзæуджыхъæуы бынæттон хиуынаффæйады администрацийы пресс-службæ.

бæлвырддæр кæсут:https://rastdzinad.ru/2026/02/16/natsion-proekt-faesivaed-aemae-syvaellaettae.html

🏦 Президент Гаглойты Алан, Республикӕ Хуссар Ирыстоны «Акционерон Ӕфснайӕн банг»-ыл 20 азы сӕххӕсты сӕраппонд, раарфӕ кодта бангы кусджытӕн ӕмӕ ветерантӕн.

Арфӕйы дзырдӕуы:

«Сымах канд ӕфснайӕн хъуыддаджы хуыздӕр традицитӕ нӕ бахъахъхъӕдтат, фӕлӕ ма ныфсджынӕй модернизаци кӕнут техникон базӕ, ахуыр кӕнут нырыккон банчы технологитӕ. Уый уын фадат дӕтты алы клиентӕн дӕр ӕнцонӕмбарӕн уӕвынӕн, рӕстӕджы сидтытӕн ӕвӕстиатӕй дзуапп дӕттынӕн ӕмӕ Республикӕ Хуссар Ирыстоны социалон-экономикон рӕзтмӕ егъау ӕвӕрӕн хӕссынӕн.

Уӕлдай арфӕйы ныхӕстӕ мӕ фӕнды зӕгъын банчы системӕйы ветерантӕн. Уӕ фӕлтӕрддзинад ӕмӕ ӕнувыддзинад фӕзминаг сты ныры кусджыты фӕлтӕрӕн.

Уырны мӕ, дарддӕр дӕр Ӕфснайӕн банк кӕй уыдзӕн бӕрнондзинады, финансон фидардзинады ӕмӕ йӕ иузӕрдиондзинады хуызӕг Хуссар Ирыстоны адӕмы раз».

@XurZaerin

Президент Гаглойты Алан, РХИ-йы «Акционерон Ӕфснайӕн банг»-ыл 20 азы сӕххӕсты сӕраппонд, Паддзахадон хӕрзӕхтӕй схорзӕхджын кодта Национ бангы кусджыты.

Президент банысан кодта финансон уагдоны куысты ахадындзинад ӕмӕ фехъусын кодта бангы кусджыты схорзӕхджын кӕныны тыххӕй.
Йӕ зӕрдӕ сын загъта ног профессионалон ӕнтыстытӕ ӕмӕ дидинӕфтыд нӕ бӕстӕйы цӕрджыты пайдайӕн.

@XurZaerin

"Ирон ӕвзаг Елхоттӕй дӕлӕмӕ никӕй хъӕуы". Ацы ныхӕстӕ бӕттынц иу кадджын ӕмӕ бӕрнон лӕгыл. Нал ис немӕ, рухсаг уӕд.
Мӕнмӕ афтӕ кӕсы, чидӕртӕ куыд ӕнхьӕл сты, уыцы хуызы сӕ нӕ загьта. Кӕд, мыййаг, фӕрӕдыдис, уӕд дӕр ын ӕгӕр тызмӕгӕй ма тӕрхон кӕнӕм. Рӕстӕг ахӕм уыдис. Уарзта нӕ адӕмы, бирӕ хӕрзты бацыдис, адӕм ӕй хорзӕй мысынц.
Ӕвӕццӕгӕн, йӕ зӕрды уыдис бахахх кӕнын, не'взаг нӕхи йедтӕмӕ кӕй никӕйы хьӕуы, уый. Ома, нӕхӕдӕг ыл хъуамӕ тыхсӕм, дзурӕм ыл, хьахьхьӕнӕм ӕй.

Кӕд афтӕ у, уӕд ма нӕ алчи йӕхи бафӕрсӕд, Елхоттӕй уӕлӕмӕ фаг уарзӕм ӕмӕ хьахьхьӕнӕм нӕ мадӕлон ӕвзаг? Фаг домӕм нӕхицӕй, нӕ кӕстӕртӕй, нӕ хиуӕттӕй, цӕмӕй уыдон дӕр уой ӕнувыд уыцы хӕзнайыл?
Хъӕуы рӕстӕмбис кар адӕмы ӕмӕ ӕрыгон ныййарджыты сӕ фыдӕлты ӕвзаг?
Кӕд хьӕуы, уӕд нӕм Дзӕуджыхьӕуы дӕс сывӕллонӕй иу йедтӕмӕ иронау (дигоронау) цӕуылнӕ дзуры?
Сӕ сывӕллӕттӕ рӕвдауӕндонтӕм кӕмӕн цӕуынц, уыцы мадӕлтӕ цӕуылнӕ домынц карзӕй, цӕмӕй уыцы рӕвдауӕндӕтты саразой ирон кьордтӕ? Цӕуылнӕ домӕм, цӕмӕй скьолаты мадӕлон ӕвзаг мӕгуыр сидзӕры уавӕры ма уа, фӕлӕ иннӕ предметты ӕмвӕз?

Ӕнӕмӕнг бирӕ цыдӕртӕ хицауадӕй аразгӕ сты. Фӕлӕ, дам, сывӕллон куы нӕ кӕуа, уӕд ын мад хӕринаг нӕ дӕтты. Кӕуынӕй нӕ Хуыцау бахизӕд, фӕлӕ нӕ домӕнтӕ ӕргомӕй куы нӕ ӕвӕрӕм хицауад ӕмӕ депутатты раз, уӕд уыдон кӕцӕй бамбардзысты, цы нӕ фӕнды, уый?

Куы афӕлгӕсын мӕнӕ ахӕм мессенжертыл, куы байхьусын адӕммӕ, уӕд мӕм афтӕ фӕкӕсы, цыма нӕ фылдӕр искӕмӕ ӕнхьӕлмӕ кӕсынц исты саразынмӕ: чиновниктӕм, Аланты Ныхасмӕ, скьолатӕм, ахуыргӕндтӕм, ... Айдагь ӕнхьӕлмӕгӕсгӕйӕ ӕмӕ сидгӕйӕ та хьуыддаг размӕ нӕ цӕуы. Таурӕгьы Уастырджи доны ныгьуылӕгӕн куыд загьта: "Ӕз дын баххуыс кӕндзынӕн, фӕлӕ дӕхӕдӕг дӕр дӕ кьухтӕ ӕмӕ дӕ кьӕхтӕ базмӕлын кӕн"...

Нӕ фидӕн нӕхи кьухты ис. Елхоттӕй дӕлӕмӕ нын, зынтӕй, исчи батыхсдзӕн не'взаг ӕмӕ не'гьдауыл. Ӕнӕ уыдонӕй та нын фидӕн нӕй. Уыцы фидӕн нӕ алкӕмӕй дӕр у аразгӕ. Алчи фыццаджыдӕр йӕхимӕ агурӕд, иннӕтӕй цы домы, уыдон. Уӕд Елхоттӕй уӕлӕмӕ алцыдӕр хорз уыдзӕн. Уымӕй дӕлӕмӕ та кӕй куыд фӕнды, афтӕ.

Абон нæ республикæмæ кусæгон балцы æрцыдысты Республикӕ Абхазы Фæсарæйнаг хъуыддæгты министрады делегаци сæ министр Олег Барцицы сæргълæудæй.

Делегацийы сконды сты: Республикӕ Абхазы Фæсарæйнаг хъуыддæгты министры хæдивæг Одиссей Бигвава, министры æххуысгæнæг Дмитрий Амичба, Стратегион æмгуыстады департаменты хистæр Джемал Баба, Финансон пъланон департаменты хистæр Владимир Хашиг, Паддзахадон протоколы департаменты референт Саид Тарба.

Абхазы делегацийæн фембæлдтытæ уыдзæн нæ республикæйы разамынадимæ, афтæ ма нæ республикæйы Фæсарæйнаг хъуыддæгты министрад æмæ Абхазы Фæсарæйнаг хъуыддæгты министрады минювæрттæ сæ къухтæ бафысдзысты 2026-2027 азтæн Консультациты пъланыл.
Æфсымæрон Абхазы делегацийæн йæ кусæгон балц аххæсдзæн 19-æм февралмæ.

@XurZaerin