#talaba_fest

"Talaba Fest" doirasida Toshkent viloyati yoshlari TDAUda birlashdi

Toshkent davlat agrar universitetida o‘tkazilgan “Talaba Fest” festivali Toshkent viloyatidagi oliy ta’lim muassasalarining qariyb 2 ming nafar talaba-yoshlarini bir maydonda jamladi.

Festival yoshlarning bo‘sh vaqtini mazmunli tashkil etish, ularning intellektual, ijodiy va sport salohiyatini ro‘yobga chiqarish, shuningdek, oliy ta’lim muassasalari o‘rtasidagi hamkorlik va do‘stlik aloqalarini mustahkamlashga xizmat qildi.

Tadbir dasturi doirasida milliy va zamonaviy san’at namunalari aks etgan madaniy chiqishlar, “Liboslar” va “Eng yaxshi rasmlar” ko‘rgazmalari, “Eng mazali taomlar” tanlovi, sport musobaqalari, “Zakovat” intellektual o‘yini hamda “Munozara” turniri kabi ko‘plab tadbirlar tashkil etildi. Talaba-yoshlar ushbu maydonlarda o‘zlarining bilim va iste’dodlarini namoyon etib, sog‘lom raqobat va hamjihatlik muhitini yaratdilar. Shuningdek, karaoke maydonchasi, quvnoq shou dasturlar va taniqli san’atkorlar ishtirokidagi gala-konsert festivalga yanada ko‘tarinki ruh bag‘ishladi.

Festival yakunida faol ishtirok etgan talabalar va jamoalar taqdirlandi.

Mazkur festival yoshlar o‘rtasidagi do‘stlik va hamkorlik rishtalarini mustahkamlab, ularga o‘z iste’dod va qobiliyatlarini namoyon etish uchun keng imkoniyat yaratdi.

Bizni kuzating

Facebook | Instagram | YouTube | Telegram

#YangiOʻzbekistonTalabalariOlimpiadasi

🏅 “Yangi Oʻzbekiston talabalar Olimpiadasi” sport musobaqalarining Respublika final bosqichi davom etmoqda

Bugun, 6-iyun kuni musobaqalarning ikkinchi kunida respublikamizning barcha hududlaridan saralangan 2 mingga yaqin talaba-sportchi sportning bir qator turlari bo‘yicha g‘oliblik uchun bahs olib bormoqda.

Chirchiq davlat pedagogika universiteti sport majmuasida voleybol (qizlar), Mirzo Ulug‘bek tumani 1-son sport maktabi sport majmuasida voleybol (o‘g‘il bolalar), O‘zbekiston davlat jismoniy tarbiya va sport universitetida gandbol, Olimpiya shaharchasi Markaziy stadionida yengil atletika hamda Milliy futbol markazida futbol musobaqalari o‘tkazilmoqda.

Batafsil: https://gov.uz/edu/news/view/174353

👉 На русском
👉 In English

Bizni kuzating

Facebook | Instagram | YouTube | Telegram