🏓 TENNIS BO‘YICHA TALABALAR LIGASI DAVOM ETMOQDA

Toshkent davlat iqtisodiyot universiteti Samarqand filialida talabalar o‘rtasida tennis bo‘yicha talabalar ligasi yuqori saviyada tashkil etilib, qizg‘in bahslar ostida davom etmoqda.

Mazkur musobaqada filialning turli fakultetlari talabalari qatorida Iqtisodiyot fakulteti talabalari ham faol ishtirok etib, sport mahorati, intizom va g‘alabaga bo‘lgan intilishlarini namoyon etmoqdalar.

Talabalar ligasi yoshlar o‘rtasida sog‘lom turmush tarzini targ‘ib qilish, sport madaniyatini rivojlantirish hamda jamoaviylik ruhini mustahkamlashga xizmat qilmoqda.

Barcha talabalarni musobaqalarni kuzatish va ishtirokchilarni qo‘llab-quvvatlashga chorlaymiz.


TDIU Samarqand filiali matbuot xizmati   
  
✅ Ijtimoiy tarmoqlardagi sahifalarimiz:  
🔗 Telegram |  Instagram |  Facebook |  YouTube

🏠Talabalar turar joyida monitoring ishlari amalga oshirildi.

Iqtisodiyot fakulteti ta’lim-tarbiya maslahatchilari Otabek Norboyev hamda Shokir Bektemirov tomonidan talabalar turar joyida monitoring ishlari amalga oshirildi. Jarayon davomida talabalarning yashash sharoitlari, xonalar holati hamda ichki tartib-qoidalarga rioya etilishi holati yaqindan o‘rganildi.

Shuningdek, talabalar bilan suhbat o‘tkazilib, xonalarni ozoda va tartibli saqlash, jamoada yashash madaniyati, o‘zaro hurmat va mas’uliyat, shuningdek xona tutish odobi bo‘yicha tushuntirish va tavsiyalar berildi. Mazkur tadbir talabalar turar joyida tartib-intizomni mustahkamlash hamda yashash madaniyatini yuksaltirishga xizmat qildi.

TDIU Samarqand filiali matbuot xizmati   
  
✅ Ijtimoiy tarmoqlardagi sahifalarimiz:  
🔗 Telegram |  Instagram |  Facebook |  YouTube

Odob – inson ziynati!

2026-yil 4-fevral kuni Toshkent davlat iqtisodiyot universiteti Samarqand filialining Buxgalteriya va moliya fakultetida BH-324-guruh talabalari ishtirokida navbatdagi ma’naviy-ma’rifiy uchrashuv tashkil etildi.

Mazkur tadbirda filial ta’lim-tarbiya maslahatchisi G. Sulaymonov tomonidan talabalarga “Odob-axloq” mavzusida tushuntirish ishlari olib borilib, mazkur yo‘nalishda suhbat o‘tkazildi.

Uchrashuv davomida odob-axloq me’yorlari, o‘zini tutish madaniyati, talabalarning ijtimoiy hayotdagi faolligi hamda jamoada munosib muomala yuritish masalalari yuzasidan atroflicha fikr almashildi. Shuningdek, ishtirokchilar tomonidan mavzu doirasida taklif va mulohazalar bildirilib, yoshlarning ma’naviy-axloqiy madaniyatini yanada yuksaltirish bo‘yicha fikrlar muhokama qilindi.

TDIU Samarqand filiali matbuot xizmati   
  
✅ Ijtimoiy tarmoqlardagi sahifalarimiz:  
🔗 Telegram |  Instagram |  Facebook |  YouTube

Toshkent davlat iqtisodiyot universiteti Samarqand filialining Iqtisodiyot fakultetida 2026-yil 4-fevral kuni talaba-qizlar ishtirokida “Pazandachilik sirlari” mavzusida amaliy tadbir bo‘lib o‘tdi.

Mazkur tadbir Yoshlar ittifoqi boshlang‘ich tashkiloti Iqtisodiyot fakulteti koordinatori N. Jamoliddinova hamda Iqtisodiyot fakulteti ta’lim-tarbiya maslahatchisi Z. Mamadxonova rahbarligida tashkil etildi.

Tadbir davomida talabalar mazali va foydali salatlar tayyorlash orqali pazandachilik bo‘yicha amaliy ko‘nikmalarini oshirdilar hamda ijodiy yondashuvlarini namoyon etdilar.

Tadbir yakunida ishtirokchilarning faol qatnashuvi e’tirof etilib, rag‘batlantirildi. Ushbu amaliy mashg‘ulot talaba-qizlarning bo‘sh vaqtini mazmunli tashkil etish, ijtimoiy faolligini oshirish hamda ijodiy salohiyatini rivojlantirishga xizmat qildi.

TDIU Samarqand filiali matbuot xizmati   
  
✅ Ijtimoiy tarmoqlardagi sahifalarimiz:  
🔗 Telegram |  Instagram |  Facebook |  YouTube