#parij2024

👍 Арам Вардаян Париж-2024 ёзги Олимпия ўйинларини медалсиз якунлади

-77 кг вазн тоифасида Ўзбекистон шарафини ҳимоя қилган юнон-рум курашчиси Арам Вардаян бронза медали учун арманистонлик Малхас Амоян билан беллашади ва мағлуб бўлди. Шу тариқа Вардаян Олимпия ўйинларини медалсиз якунлайдиган бўлди.

#parij2024

👍 Рустам Ассакалов бронза медали учун амалдаги жаҳон чемпионига мағлуб бўлди ва 40 ёшида фаолиятини якунлаганини эълон қилди

Юнон-рум кураши бўйича Ўзбекистон терма жамоаси аъзоси Рустам Ассакалов Париж-2024 ёзги Олимпия ўйинларидаги иштирокини тугатди. -97 кг вазн тоифасида гиламга чиққан Ассакалов учинчи ўрин учун кечган беллашувда кубалик амалдаги жаҳон чемпиони Габриел Росиллони билан беллашди. Унда Ассакалов баҳс давомида жароҳат олиб курашни давом эттира олмади ва мазкур олимпиадани бешинчи поғонада тугатди.

#parij2024

👍 Баҳодир Жалолов финалда

+92 кг вазнда жанг ўтказган ўзбекистонлик боксчи Баҳодир Жалолов ярим финалда германиялик Нелвие Тиафак билан жанг қилди ва ғалаба қозонди. Шу тариқа Баҳодир иккинчи марта Олимпия ўйинлари ғолиби бўлишга яна бир катта қадам ташлади.

#parij2024

👍 Нилуфар Зокирова ўз гуруҳида учинчи бўлди

Каноэда эшкак эшиш бўйича Ўзбекистон терма жамоаси аъзоси Нилуфар Зокирова ҳам Париж-2024 ёзги Олимпия ўйинларидаги иштирокини бошлади. 200 метр масофага кечган пойгада ҳамюртимиз ўз гуруҳида 3-бўлиб маррага етиб келди. Энди у куннинг иккинчи ярмида чорак финал орқали ярим ярим финал йўлланмаси учун курашни давом эттирадиган бўлди.

#parij2024

👍Ғуломжон Абдуллаев ярим финалда!

Эркин курашчимиз Ғуломжон Абдуллаевнинг муваффақиятли юриши давом этади. Ҳамюртимиз чорак финалда арманистонлик Арсен Харутюнянни мағлуб этишни уддалади. Энди у кечки дастурда финал йўлланмаси учун америкалик Спенсер Лига қарши беллашади.

#parij2024

👍 Абдумалик Халоков ҳам финалда!

Бугун бокс бўйича Париж-2024 ёзги Олимпия ўйинларининг финал йўлланмаси учун Абдумалик Халоков австралиялик Чарлие Сенъорга қарши жангини ўтказди. Якунда Халоков рақиби устидан ғалаба қозониб, финалга йўл олди. Шу тариқа, 5 нафар ўзбекистонлик боксчи финалда олтин медаль учун курашадиган бўлди.

#parij2024

👍🥇 Ҳасанбой Дўсматов - икки карра Олимпия ўйинлари чемпиони!

Ҳозиргина якунига етган финал жангида Ҳасанбой Дўсматов франциялик Биллал Беннамага қарши рингга кўтарилади ва иккинчи бор Олимпияда ўйинлари ғолиблигини қўлга киритди.

#parij2024

👍 Светлана Осипова ғалаба билан бошлади

Таэквондо бўйича Ўзбекистон терма жамоаси аъзоси Светлана Осипова дастлабки жангини муваффақиятли ўтказди. Кот дЪИвуарлик Астан Батили билан беллашган Светлана 2:1 ҳисобида ғалаба қозониб, чорак финалга йўлланма олди.

#parij2024

👍🥈 Акбар Жўраев — Париж-2024 ёзги Олимпия ўйинлари кумуш медали соҳиби!

Оғир атлетика бўйича Ўзбекистон терма жамоаси аъзоси Акбар Жўраев ўз совринлари орасига Париж-2024 ёзги Олимпия ўйинларининг кумуш медалини ҳам қўшиб қўйди. -102 кг вазн тоифасида иштирок этган юртдошимиз даст кўтаришда 185 кг, силтаб кўтаришда 219 ва умумий ҳисобда 404 кг билан кумуш медалга сазовор бўлди.

#parij2024

👍🥇 Баҳодир Жалолов - бокс бўйича икки карра Олимпия ўйинлари чемпиони!

Ҳозиргина якунига етган финал жангида Баҳодир испаниялик боксчини зарбалари олдида ожиз қолдирди ва Олимпия ўйинларини олтин медаль билан якунлади.

🇺🇿 Шу тариқа, Ўзбекистон спорт делегациясининг 🥇 олтин медаллар сони 8 тага, 🥈 кумуш 2 тага, 🥉 бронза медаллар сони эса 3 тага етди.

#parij2024

👍🥇 Баҳодир Жалолов либосини рингда қолдириб кетди!

2 карра Олимпиада ва жаҳон чемпиони бу билан ҳаваскор боксдаги фаолиятини якунлашини билдирди.

#parij2024

🇺🇿👍Улуғбек Рашитов ёпилиш маросимида делегациямиз байроқдори бўлади

Бир неча соатдан кейин "Stad de France" стадионида Париж-2024 ёзги Олимпия ўйинларининг тантанали ёпилиш маросими бошланади. Мазкур тадбирда делегациямиз байроқдори вазифасини таэквондо WТ бўйича икки карра Олимпия ўйинлари чемпиони Улуғбек Рашитов бажаради.