المرأة نهايتها بيت راجلها!
قارية لشنو إنتِ في النهاية مصيرِك المطبخ!

منو القرر القرار دا؟
إنتً؟
ولا المُجتمع؟
ولا السودان ؟

إنتِ ما مصيرك المطبخ ولا نهايتك بيت راجلك ..

إنتِ تنجحي وتقري وتتعلمي وترفعي رأس أمك وأبوك!

أقري عشان نفسك أول شي،
وعشان تكوني الأنثى البتحلمي بيها من زماان،
أقري عشان تثبتي لكل الحوليك إنو ماف مرأة مصيرها مطبخ،
ولا في زول بحدد مستقبلك حيكون وين ومع منو!
إنتِ الوحيدة المفروض تقرري إنتِ عايزة شنو؛
ياتو حياة؟
أي مكان؟
وياتو مستوى؟

إنتِ الوحيدة البتثبتي للمجتمع إنو إنتِ قااادرة،
قادرة تكوني إنتِ في مجتمع بقول للأنثى لا،
وقادرة تدي رأيك في وسط مية راجل حولك،
وإنتِ براكِ القادرة تحددي للمجتمع إنو يعتبرك في ولا لا!

في بناات كتيرة إتخلقوا وسط بيئة بتقول للبت لا في حين إنو ماف أي مبرر لل "لا" دي غير إستمرار لجهل من حياة قديمة..

حاليًا ماف لا!
في "نعم" بس،
نعم لكل حاجة بتحلمي تكونيها ومتمنياها،
نعم لكل حِلم كبر جواكِ ومعاكِ من وإنتِ صغيرة،
نعم لكل حاجة خاتاها في بالك ممكن تفيدك لحياتك ومستقبلك ..

وحاليًا برضو "لا" ؛
لا لكل زول بوقفك من تحقيق حاجة إنتِ مُتمنياها،
لا لكُل زول بيحاول يقتُل موهبة جواكِ؛
لا لكل زول بقول ليك لا ..

|وعلى الحافة، بعد تبقي الإنسانة العابرة والناجحة في حياتها، حتعرفي متين وقت المطبخ ومتين وقتك إنتِ ♥️🌍)).

أمارلِس
#Esraa_Anwar