#الحب_الحلال♥✨
-1-
بقلمي:meme mohammed

يمه ارتاحي انتي انا بمشي بفتش في شغل تاني م مشكله
الام: يا ولدي لكن انا تعبتك من وانت صغير كفاك لهنا 😢
الولد:امي عليك الله ما تزعليني عني لو ما صرفته عليكم اليصرف منو؟
الام: الله يخليك يا ولدي بمشي اصلاً للمره الفي الشارع التاني والله طيبه هي بتشغلني معاها🙁
الولد:يمه خلاص الموضوع انتهى انا طالع يا امي وما تزعلي يعني
الام:عنيد زي ابوك الله يرحمو
الولد (ونبره صوتو اتغيرت): الله يرحمو ❤ يلا يا امي لبعدين ادعي لي🙁
مشا باس راسها وشال رضا امو وطلع يفتش رزقو♥

#نتعرف_عليهم😴
اسره حالها بسيط وبقت تعاني بعد ابوم اتوفى الله يرحمو مكونه من تلاته اولاد ابوهم الله يرحمو مات قبل سنه وحالياً عايشين في بيت قدر حالهم هو ساترهم واي شي بس م مكفيهم نسبه لوضعهم المادي 💔

وافي:عمرو 23 سنه ترتيبو الاول في الاولاد ♥ هو الشايل البيت بعد ابوهو الله يرحمو مات وافي م عندو شغل ثابت كل مره شغل جديد وكل يوم بيطلع عشان يجيب اكل لاخوانو وامو ♥ خلا التعليم من وهو في تالت ثانوي م قرا الجامعه عشان ابوه. في الفتره الاخيره تعبان 💔
راني:18سنه بيقرا هندسه كهرباء دخل بمجموعو وزول طموح شديد هو كمان بيساعد اخوهو في المصاريف💔
رامي:14 سنه بيقرا في الثانوي زول مرح ومضحك واي شي البيشوفو بيقول انو عايش مبسووط واي شي بس مشكلتو اي شي في طرف لسانو بيقولو شليق شلاقه شديده😂😂😂😂
احلام: الام عمرها 40 سنه عيانه عندها الضغط وكم مره ضغطها بينخفض او يرتفع ف وافي بيخاف عليها ومنعها من الشغل وهي م راضيه بس وافي عنيد😂😂😂

#نواصل🎶
طلع وافي يفتش في شغل وهو ماشي في الطريق للمواصلات سمع صوت زول بناديه قبل عليهو لقاهو راجل عجوز وشايل شنطه بتاعت سفر🙁
الراجل:يا ولدي عايز اسألك من شي لو ممكن
وافي:اتفضل يا حاج ♥
الراجل: بس لو بتعرف زول هنا وريني احنا وين لاني جيت الليله من البلد وم عارف انا وين اعزرني يعني😅
وافي وراهو المكان ووصف ليهو ومشا ركب المواصلات هو في الطريق بيفكر يعمل شنو 🙁 بقا سرحان لحدي ما الكمساري طقطق ليهو حتى انتبه نزل وافي وهو ما عارف يعمل شنو 💔 بيتلفت ساي مشا عند ست الشاي وقعد كان في زول واقف بعاين ليهو وطبعاً وافي تعبان ومهموم وماعارف يعمل شنو الراجل دا لاحظ ليهو قام جا عليهو
الراجل:السلام عليكم
وافي انتبه :وعليكم السلام اتفضل♥
الراجل:انا اسمي سليمان شغال في شركه وعندي بتي في الثانوي وم عندها ترحيل يوصلها المسافه بعيده وعايزك تشتغل معاي يعني توصلها وتجيبها موافق؟
وافي سكت مسافه بعدو قال: طيب بس م عندي اي وسليه عشان اوصلها انا😅
سليمان:انا عندي عربيه خاصه اصلاً كان في سواق قبليك بس ابوه. عيان فسافر وانا للصراحه متابعك من نزلته من المواصلات وارتحته ليك☺
وافي:تسلم يارب خلاص انا موافق ♥
سليمان طلع ليهو كرت وقال ليهو:دا العنوان تعال لي من بكره عشان نتفاهم وتعرف المدرسه وين وطبعاً اهم شي الدقه في المواعيد☺
وافي:اكييد ان شاء الله ♥
سليمان:يلا استأذنك
وافي :شكراً ♥
بعد سليمان مشا وافي بقا يفكر في الموضوع وطبعاً م سألو من المبلغ لانو محتاج للقروش لاخوانو 🙁المهم وافي قال لازم يفتش في شغل تاني في الفتره المسائيه ووقت تكون هي في المدرسه🙁
حاسب ست الشاي ومشا بقا لافي اليوم كلو وم لقا ليهو شغل 💔
رجع البيت ولقا اخوانو منتظرنو للغدا فرح بوجودهم جنبو وحمد ربو في سرو ♥✨ بقو يتونسو وراني يحكي الحصل معاه ورامي كمان نفس الشي😂😂😂 وامهم تعاين ليهم مبسوطه بس زعلانه عشان ولدها وافي بيتعب وهي عارفه شايل همهم بس هو عنيد وم بيظهر الحاصل معاه من يرجع البيت بنسى الفات ويعيش اللحظه♥♥✨
بعد مشو رامي وراني عشان يزاكرو احلام لمت الصانيه ووافي جا غسل العده بعد غسل العده هو وامو قاعدين في الحوش بيتونسو 🙂
احلام :اها يا ولدي م غيرته رأيك
وافي: يا امي انا مقصر منكم في شي؟لو مقصر وريني
احلام:م مقصر يا ولدي ربنا يخليك لكن انت اليوم كلو تعبان من شغل لشغل😢
وافي:م تخافي يا امي تعبكم راحه وبعدين لو عشانكم يبقا ماف تعب♥
احلام:الله يخليك يا ولدي ويبعد عنك كل شر♥
وافي:بس كتري من الدعوات دي وبتتسهل ان شاء الله❤
باس راس امو استأذن منها ومشا ينوم😴


#نتابــــ✍🏻ــــع

#الحب_الحلال♥✨
-3-

بقلمي:meme mohammed

في الصباح🕊♥✨

وافي صحى مشا استحمه وتأكد انو اخوانو مشو مشا باس راس امو وشرب الشاي وطلع طوالي♥ ركب المواصلات عشان يمشي بيت سليمان فضل طول الطريق سرحان وبيفكر كيف يلقا شغل سمع الكمساري بيطقطق اداهو القروش ونزل في المحطه عشا يركب مواصلات تانيه اول م نزل لقا شافع شحاد مادي لولد يدو الولد م شغال بيه💔 الولد فجأه بقا يتزهج ويكورك فيه طوالي وافي مشا عليهو وادا الشحاد خمسه جنيه وقال للولد:انت لو عندك م معناه هو كمان عندو يمكن جعان 💔
الولد عاين ليهو وقبل من ومشا وافي م اشتغل بالموضوع مشا ركب المواصلات ووصل استلم العربيه من البواب وانتظر رفاء وركبت واتحركو رفاء م مركزه معاهو طول الطريق بتزاكر وكانت متوتره وافي لاحظ ليها قام سألها: مالك يا رفاء؟
رفاء:ماف شي والله بس عندي اختبار الليله🙁
وافي: م تتوتري عادي اقري البتقدري عليهو وبعدين اشتغلي وشوفي مشكلتك وين انتي في تالته برضو
رفاء : حااضر ان شاء الله
وافي: بالتوفيق☺♥
سكتو وتاني م اتكلمو لحدي م وصلو رفاء قبل تنزل قالت ليهو: وافي معليش الليله عندنا حصه اضافيه زي نص ساعه كدا يعني م تجي بدري
وافي:خلاص تمام يلا بالتوفيق
رفاء:يلا مع السلامه 👋🏻
وافي بعد اتحرك منها مشا البيت وقف العربيه وسلم على امو وطلع يفتش في شغل بقا ماشي وما عارف يعمل شنو برضو م لقا بقا لافي ساي وم يأس 💔 مشا لصحبو وبقا يتونس معاهو لحدي م زمن رجوع رفاء جا
مشا البيت وساق العربيه ومشا المدرسه🌚💔 وصل ولقا الزمن بدري شويه طلع جوالو وبقا يقرا قرآن 😴♥ لحدي م رفاء جات ركبت وسألها
وافي:اها الامتحان كيف؟
رفاء:حلوو شديد والله😍😍
وافي(ابتسم )وقال:ان شاء الله دايماً😍♥
بقو ساكتين مساافه قامت رفاء قالت ليهو:انت اسمك وافي منو ؟
وافي:وافي ابراهيم😂😂
رفاء:ايوااا حلو عندك كم اخوان واخوات😂😂😂
وافي:عندي رامي وراني وم عندي اخوات🙁💔
رفاء:خلاص انا اختك😌
وافي (ضحك):اتفقنا😂😂😂
رفاء:اها وعمو ابراهيم وخالتو كيف
وافي عاين ليها في المرايه وقال: ابوي الله يرحمو متوفى وامي بخير الحمد لله♥
رفاي حست بالذنب وقالت: البركه فيكم♥
وافي:البركه في امه محمد😊
بقو ساكتين ورفاء اتحسست تقوم تسألو تاني وافي حسى بيها قام قال ليها:اها وانتو كم بت وولد؟😂😂😂
رفاء:احنا بتين وولدين
وافي:ايواا حلوو😂♥ ترتيبك الكم انتي؟
رفاء:اخر العنقود وانت😂😂😂
وافي:انا البكر😌😂
رفاء:حلو اتشرفنا😂
وافي:عظيم الشرف♥
وصلو البيت ونزلو الاتنين ودع رفاء ومشا سلم العربيه للبواب ومشا يركب مواصلات في طريقو مشا المخبز بعد شارعين من بيت سليمان كان في اتنين قدامو انتظرهم ولما جا دورو دفع القروش قام سمع واحد قال للتاني:اسمعني انا والله م هاقدر اشتغل تاني
وافي ركز معاهم التاني قال ليهو:خير خلاص بشتغل انا ومحمد 😊
وافي قال ليهم:معليش لو اتدخلته في الموضوع ممكن اشتغل معاكم؟😅
واحد ردا ليهو:ايوا ممكن طبعاً
وافي (ابتسم )وقال:طيب انا عايز اشتغل من الساعه 8 للساعه 1 وتاني امشي واجي الساعه 3واشتغل للعشاء ممكن لاني شغال مع ناس وكدا؟
الراجل:خلاص م مشكله المهم يكون في مساعده وكدا ☺♥
وافي:خلاص تمام لبكره ان شاء الله
الراجل :تمام وشكراً يا ولدي☺♥
مشا وافي ركب المواصلات ووصل البيت سلم على ناس البيت ومشا طوالي نام 💔💔💔


#نتابــــ✍🏻ــــع

#الحب_الحلال♥✨

-4-

بقلمي:meme mohammed

في الصباح🕊♥✨
صحا وافي من النوم ومشا لقا الزمن بدري مشا صبح على امو ورجع يقرا قرآن قرا سوره الواقعه وطوالي ركب المواصلات واتحرك على بيت سليمان وصل وافي بيت سليمان واستلم العربيه وبقا منتظر رفاء زي ربع ساعه كدا🙁😂 المهم رفاء جات زهجانه ومنزعجه من شي ركبت وخبطت الباب بشده💔 وافي شافها متضايقه وم سألها اتحركو وطول الطريق هي سرحانه ووافي بتابعها بالمرايه 😂😂😂 في طريقهم وقفو في الااشاره وكان الشارع زحمه ورفاء زهجت زياده وبقت تستغفر ♥ وافي عاين بالمرايه وقال ليها: كان تستغفري من قبيل
رفاء :فعلاً ☺
وسكتت منو هو ما زاد تاني من جملتو دي اول م وصلو المدرسه قبل تنزل وافي قال:من تحسي نفسك متضايقه استغفري انا صح م عارفه السبب شنو بس استغفري او اذكري الله او صلي على النبي(صلى الله عليه وسلم) هترتاحي😊
رفاء (ابتسمت):شكراً😴
وافي:العفو♥
نزلت رفاء ووافي اتحرك على طول على البيت اول عشان يوقف العربيه ويمشي المخبز فعلا مشا ووقف العربيه وسلم على امو وكلمها انو لقا شغل وكدا لانو م كلمها امبارح 💔 باس راسها وشال رضاها وطلع ركب مواصلات ووصل الفرن لقا الراجل الكبير سلم عليه وطوالي مشا استلم الشغل هو كان بيبيع العيش بس بقا شغال لحدي الساعه 12 ومتحمس للشغل 😍♥ بعد نص ساعه قال للراجل اسمو الفاضل
وافي:عمي الفاضل انا ماشي اجيب البت وجاي
الفاضل:اتفضل يا ولدي
وافي:عن اذنك
مشا وافي على البيت استحمى ولقا راني جا سلم عليه وطلع طوالي ♥ مشا على المدرسه بس كان الطريق زحمه واتأخر زي ربع ساعه كدا اول م وصل المدرسه لقا رفاء منتظراه ركبت وقال :اسف والله الطريق زحمه بس🙁
رفاء(بابتسامه):ولا يهمك 😂😂
اتحركو ورفاء بقت تحكي ليهو حصل شنو في المدرسه وهو يسمع فيها ويضحك في هبالتها😂😂😂 طول الطريق هم يتونسو رفاء سألتو من ناس البيت وكدا وقالت ليه سلم عليهم 😴♥ المهم وصلو البيت ورفاء ودعتو ونزل وافي سلم العربيه للبواب ومشا على الفرن برجلو لانو المسافه قريبه🙁 وصل وسلم عليهم واستلم الشغل اثناء ماهو شغال لقا راجل كبير واقف منتظر طبعاً الجو حاار والشمس حاجه فظيعه المهم وافي مشا ليهو وقال ليهو :اتفضل يا حاج عايز بكم؟
الحاج:تسلم يا ولدي ربنا يكرمك عايز عيش بعشرين لو ممكن
وافي:طوالي دقايق بس😴♥
وافي عبا ليهو خمسه وعشرين عيشه وكلمو وقال ليهو عايز عشرين بس♥
الحاج فرح من تصرفو وقال:ربنا يعدلها عليك يا ولدي دنيا واخره♥
وافي (ابتسم)وقال:تسلم يا حاج
وافي خلص شغلو ومشا لعم الفاضل وكلمو انو ينقص من مرتبو خمسه جنيه وحكى ليهو الحاصل والفاضل اعجب بتصرفو وقال ليهو م بخصمها بقت من نصيبك♥✨
وافي مشا وهو مبسوط ورجع البيت وبقا يتونس معاهم واتزكرو ابوهم واترحمو عليهو ووافي استأذن منهم ومشا عشان ينوم بقا يتزكر في ابوهو وكيف كان بيعاملهم وكيف كان حنون عليهم طوالي اترحم عليه وحمد الله على نعمه وجود امو بصحتها♥✨ بقا م قادر ينوم طوالي مشا اتوضى وصلى ركعتين وبقا يقرا قرا لحدي ما نعس طوالي قفل المصحف وصلى على الرسول (صلى الله عليه وسلم) ومشا نام ♥✨

#نتابــــ✍🏻ــــع

#الحب_الحلال♥✨
-5-

بقلمي:meme mohammed

في الصباح🕊♥✨
وافي صحا ومشا استحمه وسلم علي امو واخوانو وطلع على طول ركب المواصلات وصل وافي واستلم العربيه زي كل مره وانتظر رفاء 🙁 رفاء جات ومعاها بت وافي م ركز معاها اول م دخلت سلمت هو رد السلام ورفاء بقت تتنوس مع وافي والبت المعاها زي كأنها منزعجه او كدا☹ المهم رفاء اثناء م بتتنوس مع وافي قالت:وافي دي اختي اكبر مني بسنه في اولى جامعه
وافي :اتشرفنا☺
اختها ردت ليهو من طرف لسانها 💔 برضو م ركز معاها طول الطريق هو يتونس مع رفاء وصل رفاء المدرسه رفاء قبل تنزل قالت ليهو: وصلها جامعه السودان لو بتعرفها 😂😂
وافي:ااي بعرفها
رفاء:تمام يلا مع السلامه
مشت رفاء واختها لسه ساكته 🙁 وبتعاين بالشباك هو زاتو م ركز معاها وبقا سايق 😂😂😂 اول م وصلت قالت :تعال لي بعدين بعد رفاء🙂
وافي:ان شاء الله
مشت وهو زاتو اتحرك مشا البيت وعمل زي كل مره سلم على امو ومشا المخبز🌚♥بقا يشتغل زي الساعه 11 مشا للفاضل قال ليهو انا ماشي عشان افطر مع الوالده♥
الفاضل:خلاص امشي وتعال العصر
وافي شكرو ومشا سلم على امو وفطر معاها ومشا ارتاح شويه كدا وبعدو لبس ومشا على المدرسه وصل المدرسه ولقاها م طلعت من بدري انتظرها شويه ♥✨ جات رفاء وبقت تتونس معاه وتحكي ليهو وكدا😂😂😂😂 المهم مشو على الجامعه عشان يسوقو اختها بقوو منتظرنها وهي لسه م طلعت رفاء قالت لي وافي: اتصل ليها من جوالك🙁
وافي طلع جوالو وقال ليها :اها الرقم كم
رفاء ملتو الرقم واتصل عليها اداها تتكلم معاها🙁
رفاء:بت انتي وين ...... خلاص طيب تعالي احنا برا .... لمن تجي بوريك يلا
ادت الجوال لوافي وانتظروها جات وقالت :السلام عليكم
رفاء ووافي:وعليكم السلام☺
اتحركو ورفاء طبعاً بتتونس😂😂😂😂 واختها شغاله بالجوال وم مركزه معاهم المهم وصلو البيت وافي سلم المفاتيح للبواب وسلم عليهم ومشا طوالي على الفرن عدا باقي يومو في الشغل والفاضل معجب بشخصيتو شديد 😴♥ وكل م الاذان ياذن طوالي بيمشي يتوضى ويصلي ونهائي م بأخر صلاتو ♥♥♥ المهم رجع البيت وافي ولقاهم بيتونس كالعاده مشا استحمه وجا قعد ينونس معاهم
راني: وافي انا بكره عندي مشوار كدا ماشي لصحبي في الجامعه
وافي:وين ؟
راني:جامعه السودان
وافي:طيب بكره احتمال امشي هناك بسوقك معاي☺
راني:تسلم
طوالي راني مشا يتكلم بالجوال😂😂وما شغال بيهم رامي كان نايم جنب احلام♥ وافي صحاهو عشان يمشو جوا المهم مشو ووافي طبعاً م بينوم طوالي لازم يقعد يفكر😂😂😂😂😂 شغال بجوالو قال احسن اقرا قرآن مشا اتوضا وصلى وقرا قرآن وبعدو مشا نام😴♥

في جانب تاني🕊♥✨.
رفاء:يا آرام وين المشكله يعني اتأخرتي واتصلنا ليك🤷🏻‍♀
آرام: رفاء مليون مره قلته ليك م تتصرفي من راسك صح ولا لا يعني انا هاطير يعني؟🙁
رفاء:تمام
آرام:وبعدين م تاخدي راحتك معاه في الكلام في النهايه زول غريب وعندو فتره ويمشي مفهوم؟😒
رفاء:حااضر
رفاء م زعلت منها لانو عارفه اختها عايزه مصلحتها وكدا♥
رفاء:بكره ماشه معانا؟
آرام:ااي ان شاء الله
رفاء:تمام يلا تصبحي على خير♥
آرام:وانتي من اهلو😴
نامو على كدا

#نتابــــ✍🏻ــــع

#الحب_الحلال♥✨
-10-

بقلمي:meme mohammed

في الصباح🕊♥✨

وافي صحي وكالعاده عمل حاجاتو وطلع كان السبت طبعاً بقا لافي ويفتش في شغل بعد تعب مشا شارع النيل مشا قعد قدام البحر وهو مسترخي فجأه سمع صوت بكى😢 🙁💔💔 التفت يمينو وم لقى زول التفت شمالو لقا بت مغطيه وشها بيدها وبتبكي وطبعاً ملامحها م باينه😢🥺 شال كرسيهو ومشا جنبها خلاها تبكي على راحتها وهو كانو م قاعد جنبها 💔 بعد خلصت بكاها رفعت راسها ولقت وافي قدامها من غير م تشعر حضنتو وبدت تبكي🥺🥺🥺💔 وافي مستغرب ليه بيسان بتبكي💔 طبطب عليها وبيقول ليها طلعي الجواك يلا 💔💔💔 وافي بقا حاضنها مسافه زي خمسه دقايق كدا وبعدها بيسان بعدت منو🥺💔💔💔
بيسان وهي بتبكي بصوت متقطع: هو كان بحبني💔😢 وانا كممان بس امو م كانت بتحبني وكان جاي يتقدم لي😢😢 بس...
وافي وهو منتبه معاها: كملي
بيسان واصلت وهي بتعاين للبحر: خاني مع بت خالتو😢💔 وبت خالتو نهائي ما فارقه معاها انو مرتبط ولا لا 😢🥺💔 طوالي قصي اتقدم لبت خالتو وسابني انا تحت مسمى ما لينا نصيب مع بعض😢💔
وافي:طيب هو واحد م يتساهلك مزعله نفسك ليه وبعدين اي شي قسمه ونصيب واكيد ربنا كاتب ليك الاحسن منو وربنا م بيظلم زول انتي خليك مؤمنه انو الحاجه لمن تمشي مهما كانت هي شنو اكيد خيرها في غيرها م تزعلي نفسك الدنيا م بتستاهل دمعه من عيونك الحلوه دي☺♥♥♥♥
بيسان وهي مبتسمه مسحت دموعها وقالت:شكراً يا وافي بالجد ارتحته بعد اتكلمته معاك ربنا يخليك لي😍
وافي ابتسم وقال:ويخليك لي☺
وافي وبيسان بقو يتكلمو ويتونسو مع بعض ووافي نسى انو بفتش في شغل زاتو😂😂😂😂💔💔💔 المهم رجعو مع آذان المغرب كل واحد رجع مبسوط بعد رجعو بقو يتونسو مكالمات طبعاً 😂💔 المهم بيسان ووافي بقو يتونسو تاني وبقو اصحاب شديد 🤤♥ وافي بعد انتهى من مكالمتو مع بيسان اتصل على آرام♥✨ اتوونس معاها هي كمان وسألها عن يومها وكدا وسألها عن رفاء وقال ليها هاتصل عليها وكدا يلا وافي اتصل على رفاء وبقا يتونس معاها ويسألها عن القرايه وكدا🌚♥ وافي مشا اتونس مع اهلو بعد اطمن عليهم 😍♥

في جانب تاني😴♥
بيسان مبسوطه وبتفكر في كلام وافي نفس الكلام ونفس النص وبتتزكر لمن كانت مع قصي م كان بيقول ليها الكلام دا وفعلاً قررت تنسى قصي وتركز على مستقبلها وزي م قال وافي انو خيرو في غيرو 😴♥.
آرام جات ناطه :يابت سرحانه وين؟ 😂😂
رفاء:شكلها بتحب وم عايزه تكلمنا😉
بيسان ضربت رفاء بالمخده وقالت ليهم: امشو من وشي كل واحده تشوف كانت بتعمل شنو انا عايزه انوم😒
رفاء:تنومي ولا تفكري فيهو😉
بيسان:هو منو دا ماف حاجه بالشكل دا😂😂😂
آرام:ااي يمكن يكون في كمان😉
بيسان طردتهم من الغرفه وقالت :النقاش معاكم عقيم😂😂😂 وطلعت لليهم لسانها واتغطت عشان تنوم بس بيسان بتفكر في وافي اخدت زي ربع ساعه كدا وبعدو نامت😴♥

في جانب وافي🕊♥✨
بعد اتونس معاهم مشا يصلي عشان ينوم (عادتو المابيسيبها وطبعاً احلى من كدا ماف😫♥) صلى ودعى. فجأه كدا لبيسان وبقا يقول"اللهم احفظها ووفقها وبارك لها وارزقها الطيب وابعدها عن الخطأ ويسر لها امرها وسدد خطاها واحفظ لها كل قريب الى قلبها وابعد عنها الحرام واجلب لها الخير والطيب الحلال وارزقها الزوج الصالح يارب العالمين♥✨" وافي بعد دعى استغرب انو ليه دعى ليها بعاً م لقا طواب لسؤالو دا ابتسم ومشا على طول ينوم نام مرتاح ليهو زمن ما نام كدا😴♥


#نتابــــ✍🏻ـــــع