Travel Go🛫
1.4K subscribers
18 photos
286 links
Download Telegram
#شلبـــوني_3
ﻣﺸﻴﺖ ﺑﻴﺘﻨﺎ ﻭﻡ ﻓﻲ ﻛﻠﻤﺎﺕ ﻓﻲ ﺍﻟﺪﻧﻴﺎ ﻣﻤﻜﻦ ﺗﻮﺻﻒ ﺍﻻﻟﻢ ﺍﻟﺠﻮﺍﻱ ﺣﺘﻰ ﻣﺎ ﻛﻠﻒ ﺧﺎﻃﺮﻭ ﻭﺻﻠﻨﻲ
ﻣﻦ ﺩﺧﻠﺘﻪ ﺑﻴﺘﻨﺎ ﺍﻣﻲ ﻗﺎﻟﺖ ﻟﻲ ﻭﺍﻱ ﻱ ﺭﻳﻢ ﺳﺠﻤﻲ ﻓﻲ ﺷﻨﻮ ﺧﻴﺮ ﻣﺎﻟﻚ ﻗﻠﺘﻪ ﻟﻴﻬﺎ ﻡ ﻓﻲ ﺷﻲ ﻱ ﺍﻣﻲ ﻋﻨﺪﻱ ﻣﻼﺭﻳﺎ ﺧﻔﻴﻔﻪ ﻛﺪﻩ ﻭﻗﻠﺘﻪ ﺍﺟﻲ ﺍﻗﻌﺪ ﻟﻲ ﻣﻌﺎﻛﻢ ﻳﻮﻣﻴﻦ ﺍﻓﺮﻕ ﻭﺍﺭﺗﺎﺡ ﻗﺎﻟﺖ ﻟﻲ ﻻﻻ ﺩﻱ ﻣﺎ ﻣﻼﺭﻳﺎ ﺍﻟﻘﻠﺒﺘﻚ ﻛﺪﻩ ﺩﻱ ..
ﺍﺧﺘﻲ ﺍﺳﻤﻬﺎ ﺻﻔﺎﺀ ﻗﺎﻟﺖ ﻟﻴﻬﺎ ﺧﻠﻴﻬﺎ ﻱ ﺍﻣﻲ ﺗﺮﺗﺎﺡ ﻣﻦ ﺍﻟﻤﺸﻮﺍﺭ ﻭﺑﻌﺪﻳﻦ ﻧﻌﺮﻑ ﺍﻟﺤﺎﺻﻞ ﺷﻨﻮ
ﺍﻣﻲ ﻓﻲ ﻧﻔﺲ ﺍﻟﻴﻮﻡ ﺟﺎﻫﺎ ﺍﺗﺼﺎﻝ ﺍﻧﻮ ﺧﺎﻟﺘﻲ ﻭﻗﻌﺖ ﻓﻲ ﺭﺟﻠﻬﺎ ﻭﻃﻮﺍﻟﻲ ﻣﺸﺖ ﺗﺸﻮﻓﻬﺎ ..
ﺑﺎﻟﻠﻴﻞ ﺻﻔﺎﺀ ﺟﺎﺗﻨﻲ ﻗﺎﻟﺖ ﻟﻲ ﺍﺳﻤﻌﻲ ﻫﻨﺎ ﺣﻨﻚ ﻣﻼﺭﻳﺎ ﺩﻩ ﻡ ﺩﺍﺧﻞ ﺩﻣﺎﻏﻲ ﻓﻬﻤﻴﻨﻲ ﺍﻟﺤﺎﺻﻞ
ﻃﻮﺍﻟﻲ ﺩﻣﻮﻋﻲ ﻏﻠﺒﺘﻨﻲ ﺣﻀﻨﺘﻬﺎ ﻭﺑﻜﻴﻴﻴﻴﻴﻴﻴﻴﻴﻴﺖ ﺑﻜﻴﻴﻴﻴﻴﻴﻴﻴﻴﺖ ﻭﺣﻜﻴﺖ ﻟﻴﻬﺎ ﻛﻞ ﺍﻟﺤﺎﺻﻞ ﺑﻜﻞ ﺗﻔﺎﺻﻴﻠﻮ ﻭﺑﻜﺖ ﻣﻌﺎﻱ .. ﻗﺎﻟﺖ ﻟﻲ ﻗﻮﻣﻲ ﺍﺳﺘﻐﻔﺮﻱ ﻭﺍﺗﻮﺿﻲ ﻭﺻﻠﻲ .. ﻭﻓﻌﻼ ﻋﻤﻠﺘﻪ ﻛﺪﻩ .. ﺻﻠﻴﺖ ﺟﺎﺑﺖ ﻟﻲ ﺍﻟﻤﺼﺤﻒ ﻗﺎﻟﺖ ﻟﻲ ﺍﻗﺮﻱ ﺷﻮﻳﻪ ﻭﺍﺩﻋﻴﻴﻴﻴﻴﻴﻲ
ﻭﺍﻧﺎ ﻣﺎﺷﻪ ﺍﻇﺒﻂ ﻟﻲ ﻛﺒﺎﻳﺘﻴﻦ ﺷﺎﻱ ﻟﺒﻦ ﺑﻜﻴﻚ ﻭﺍﺟﻲ ﺍﺣﻞ ﻟﻴﻜﻲ ﻣﺸﻜﻠﺘﻚ ﺩﻱ .. ﻣﺸﺖ ﻋﺸﺖ ﺑﺎﻗﻲ ﺍﺧﻮﺍﻧﻲ ﻭﻛﻞ ﺯﻭﻝ ﻃﻠﻊ ﻓﻲ ﺳﺮﻳﺮﻭ ﻭﺟﺎﺑﺖ ﺷﺎﻳﻬﺎ ﻭﺟﺎﺗﻨﻲ
ﻗﺎﻟﺖ ﻟﻲ ﺍﻫﺎ ﺍﺣﺴﻦ ؟؟ ﻗﻠﺘﻪ ﻟﻴﻬﺎ ﺑﻤﺮﺍﺍﺍﺍﺍﺍﺍﺍﺍﺍﺍﺍﺍﺣﻞ ﻭﺍﻟﻠﻪ ﺍﻟﻒ ﺣﻤﺪ ﻭﺷﻜﺮ
ﻗﺎﻟﺖ ﻟﻲ ﺑﺎﻟﻠﻪ ﺍﻧﺘﻲ ﺭﻳﻢ ؟؟
ﻗﻠﺘﻪ ﻟﻴﻬﺎ ﻛﻴﻴﻒ ؟؟
ﻗﺎﻟﺖ ﻟﻲ ﻡ ﻗﺎﻋﺪﻩ ﺗﺸﻮﻓﻲ ﻧﻔﺴﻚ ﻓﻲ ﺍﻟﻤﺮﺍﻳﻪ ﻡ ﻗﺎﻋﺪﻩ ﺗﺴﺄﻟﻲ ﻧﻔﺴﻚ ﺍﻧﺎ ﺍﻟﺒﻘﺎﻧﻲ ﻛﺪﻩ ﺷﻨﻮ ؟؟
ﻟﻴﻪ ﻱ ﺭﻳﻢ ﺗﻘﺒﻠﻲ ﻉ ﻧﻔﺴﻚ ﺍﻟﺤﻘﺎﺭﻩ ﻭﺍﻟﻈﻠﻢ
ﻣﺘﻴﻦ ﻧﺤﻦ ﺍﺑﻮﻧﺎ ﺭﺑﺎﻧﺎ ﻋﻠﻰ ﻛﺪﻩ ..
ﻗﻠﺘﻪ ﻟﻴﻬﺎ ﺍﻧﺎ ﻱ ﺻﻔﺎﺀ ﺻﺒﺮﺗﻪ ﻋﺸﺎﻥ ﺭﺑﻨﺎ ﻛﺮﻳﻢ ﻭﻋﺸﺎﻥ ﻧﻔﺴﻲ ﻓﻲ ﺑﻴﺒﻲ ﻳﻮﻧﺴﻨﻲ ﻭﻳﻨﻮﺭ ﺣﻴﺎﺗﻲ ﻭﻋﺸﺎﻥ ﻡ ﻋﺎﻳﺰﻩ ﺍﺟﻴﺐ ﻻﻣﻲ ﻭﺍﺑﻮﻱ ﻣﺸﺎﻛﻞ ﻭﻻ ﻛﻼﻡ
ﻗﺎﻟﺖ ﻟﻲ ﺍﻟﺒﺘﻘﺒﻠﻴﻪ ﻋﻠﻰ ﻧﻔﺴﻚ ﺩﻩ ﺣﺘﻰ ﺭﺑﻨﺎ ﻡ ﺑﻴﺮﺿﺎﻩ ﻭﻻ ﺍﻣﻲ ﻭﺍﺑﻮﻱ ﺑﻴﺮﺿﻮﻩ ﻭﺗﺠﻴﺒﻲ ﻣﻨﻮ ﻋﻴﺎﻝ ﻟﻴﻪ ؟؟
ﻭﺯﻧﺒﻬﻢ ﺷﻨﻮ ﻳﺠﻮ ﺍﻟﺪﻧﻴﺎ ﺩﻱ ﻋﺸﺎﻥ ﻳﻌﻴﺸﻮ ﻇﻠﻢ ﺍﻣﻬﻢ
ﻗﻠﺘﻪ ﻟﻴﻬﺎ ﺍﻧﺎ ﻓﻲ ﺑﺎﻟﻲ ﻟﻢ ﺍﻭﻟﺪ ﻟﻴﻬﻢ ﺍﻛﻴﺪ ﻛﻠﻬﻢ ﺡ ﻳﺘﻐﻴﺮﻭ ﻣﻌﺎﻱ ؟؟ ﻗﺎﻟﺖ ﻟﻲ
ﺍﺳﻤﻌﻲ ﻫﻨﺎ ﻱ ﺭﻳﻢ ﻓﺘﺤﻲ ﻋﻴﻮﻧﻚ ﻭﺷﻮﻓﻲ ﺣﻮﻟﻴﻜﻲ ﺭﺍﺟﻠﻚ ﺩﻩ ﻻ ﺑﻴﺤﺒﻚ ﻭﻻ ﻋﺎﻳﺰ ﻣﻨﻚ ﻋﻴﺎﻝ ﻭﻻ ﺍﻣﻮ ﻋﺎﻳﺰﻩ ﻣﻨﻚ ﺍﺣﻔﺎﺩ
ﻓﺘﺤﻲ ﻋﻴﻮﻧﻚ ﻭﺷﻮﻓﻲ ﻧﻔﺴﻚ ﺩﻩ ﺷﺎﻝ ﻗﺮﻭﺷﻚ ﻭﺩﻣﺮﻙ ﻭﺧﺎﻧﻚ ﻭﺷﻐﻠﻚ ﺧﺪﺍﻣﻪ ﻋﻨﺪ ﺍﻣﻮ
ﻭﻟﻮ ﻛﺎﻥ ﺑﺤﺒﻚ ﻡ ﻛﺎﻥ ﻋﻤﻞ ﻓﻴﻜﻲ ﻛﺪﻩ ﻭﻻ ﻗﺒﻞ ﻋﻠﻴﻜﻲ ﺍﻟﺤﺎﺻﻞ ﺩﻩ ..
ﻭﻫﺴﻲ ﻧﻮﻣﻲ ﻭﺍﺭﺗﺎﺣﻲ ﻭﺍﻟﺼﺒﺎﺡ ﻧﻜﻤﻞ ..
ﺑﺼﺮﺍﺣﻪ ﻃﺔﻝ ﺍﻟﻠﻴﻞ ﻡ ﺟﺎﻧﻲ ﻧﻮﻡ ﻓﻜﺮﺗﻪ ﻓﻲ ﻛﻼﻡ ﺻﻔﺎﺀ ﻟﻘﻴﺘﻮ ﻛﻠﻮ ﺣﻘﻴﻘﻪ ﻭﺍﻻﺣﺪﺍﺙ ﺑﻘﺖ ﺑﺘﺴﻠﺴﻞ ﻗﺪﺍﻡ ﻋﻴﻮﻧﻲ .. ﺑﻜﻴﺖ ﻭﺯﻋﻠﺘﻪ ﻟﻜﻴﻦ ﺟﻮﺍﻱ ﺑﺎﻟﺠﺪ ﺍﺭﺗﺤﺘﻪ
ﻭﻗﻤﺘﻪ ﻭﺻﻠﻴﺖ ﻭﻗﺮﻳﺖ ﻭﺩﻋﻴﺖ ﻟﺤﺪﻱ ﻡ ﺍﻟﺸﻤﺲ ﻃﻠﻌﺖ .. ﺍﻟﺼﺒﺎﺡ ﻭﺍﻟﻠﻪ ﻛﺎﻧﻲ ﻡ ﺍﻧﺎ ﺭﻳﻢ ﺍﻟﺠﻴﺖ ﺍﻟﺪﺍﺧﻠﻪ ﺍﻣﺲ ﺣﺴﻴﺖ ﺑﺎﻥ ﻓﻌﻼ ﺭﺑﻨﺎ ﻡ ﺑﻴﻘﺒﻞ ﺍﻟﻈﻠﻢ
ﺣﺴﻴﺖ ﺑﺪﻓﺎ ﺑﻴﺘﻨﺎ ﻭﺭﺍﺣﺔ ﺑﻴﺘﻨﺎ ﻭﺣﻨﺎﻥ ﺍﻫﻠﻲ
ﺍﻭﻝ ﻡ ﺍﻟﺸﻤﺲ ﻃﻠﻌﺖ ﻋﻤﻠﺖ ﺍﻟﺸﺎﻱ ﻭﺍﺗﻠﻤﻴﺖ ﻣﻊ ﺍﺧﻮﺍﻧﻲ ﻭﻧﺴﻪ ﻭﺿﺤﻚ ﻭﺷﺮﺑﻨﺎ ﺍﻟﺸﺎﻱ .. ﺑﻌﺪﻳﻬﺎ ﻇﺒﻄﻪ ﺍﻟﺒﻴﺖ ﻣﻊ ﺍﺧﻮﺍﻧﻲ ﻭﺻﻔﺎﺀ ﻋﻤﻠﺖ ﺍﻟﻔﻄﻮﺭ ﺑﺠﺪ ﺭﺍﺣﻪ ﻧﻔﺴﻴﻪ .. ﻭﺯﻭﻟﻜﻢ ﺩﺍﻙ ﻟﻤﻦ ﺍﻟﻌﺼﺮ ﺣﺘﻦ ﻓﻘﺪﻧﻲ ﺑﺘﻠﻔﻮﻥ
ﻭﺍﻟﻤﻜﺎﻟﻤﻪ ﻛﻠﻬﺎ ﻡ ﻣﻜﻤﻠﻪ ﺩﻗﻴﻘﺘﻴﻦ .. ﻭﻗﻔﻞ
ﺑﺎﻟﻠﻴﻞ ﻗﻌﺪﺗﻪ ﻣﻊ ﺻﻔﺎﺀ ﻗﻠﺘﻪ ﻟﻴﻬﺎ ﺍﻧﺎ ﻓﻌﻼ ﻏﻠﻄﺎﻧﻪ ﺍﻧﺎ ﺍﻟﺴﻤﺤﺘﻪ ﻟﻴﻬﻢ ﻳﻌﻤﻠﻮ ﻓﻴﻨﻲ ﻛﺪﻩ .. ﻭﺍﻧﺎ ﻋﺎﻳﺰﺍﻛﻲ ﺗﻘﻴﻔﻲ ﻣﻌﺎﻱ ﺑﺲ ﺍﺟﻴﺐ ﺣﻘﻲ ﻣﻨﻮ ﻭﺗﺎﻧﻲ ﻡ ﻋﺎﻳﺰﻩ ﻣﻨﻬﻢ ﺷﻲ
ﻗﺎﻟﺖ ﻟﻲ ﻻﺯﻡ ﺗﺒﻘﻲ ﻗﻮﻳﻪ ﻭﺗﺮﺟﻌﻲ ﺭﻳﻢ ﺍﻻﻧﺎ ﺑﻌﺮﻓﻬﺎ
ﻭﺍﺑﺪﻱ ﻣﻦ ﻫﺴﻲ ﻗﻠﺘﻪ ﻟﻴﻬﺎ ﻛﻴﻒ
ﻗﺎﻟﺖ ﻟﻲ ﻭﺩﻋﻤﺘﻚ ﻫﺸﺎﻡ ﺭﺟﻊ ﻣﻦ ﺍﻟﺴﻌﻮﺩﻳﻪ ﻭﻋﻤﻞ ﺻﻴﺪﻟﻴﻪ ﻫﻨﺎ ﻭﺳﺄﻟﻨﻲ ﻣﻨﻚ ‏« ﻃﺒﻌﺎ ﺍﻧﺎ ﻣﻦ ﺻﻐﻴﺮﻩ ﻣﺘﻔﻮﻗﻪ ﻓﻲ ﺍﻟﺪﺭﺍﺳﻪ ﻭﺩﺭﺳﺘﻪ ﺻﻴﺪﻟﻪ ﻭﺑﻌﺪ ﺍﻭﻝ ﺳﻨﻪ ﺍﺗﺰﻭﺟﺘﻪ ﺑﻌﺪ ﺍﺗﺨﺮﺟﺘﻪ ﺯﻭﺟﻲ ﺭﻓﺾ ﺍﻱ ﺷﻔﻞ ‏»
ﻭﺍﻧﺎ ﺍﺩﻳﺘﻮ ﺭﻗﻤﻚ ..
ﻗﻠﺘﻪ ﻟﻴﻬﺎ ﻟﻢ ﻳﺘﺼﻞ ﺑﻲ ﺍﻥ ﺷﺎﺀ ﺍﻟﻠﻪ ﺑﻌﺮﻑ ﻣﻨﻮ ﺍﻟﺘﻔﺎﺻﻴﻞ ﻭﺍﻟﻤﻄﻠﻮﺏ ..
ﻗﺎﻟﺖ ﻟﻲ ﺗﺎﻧﻲ ﺷﻲ ﻡ ﺗﺨﺪﻣﻴﻬﻢ ﻭﺍﺧﺪﻣﻲ ﻧﻔﺴﻚ ﺍﺣﺴﻦ ﻟﻴﻜﻲ ..
ﻭﻻﺯﻡ ﺗﺠﻴﺒﻲ ﺭﻗﻢ ﺍﻟﺸﻼﺑﻪ ﺩﻱ ﻭﻧﺤﺎﻭﻝ ﻧﺠﻤﻊ ﺗﻔﺎﺻﻴﻞ ﻋﻨﻬﺎ ..
ﻭﺍﺧﺮ ﺷﻲ ﺍﻫﺘﻤﻲ ﺑﻨﻔﺴﻚ ﻱ ﺭﻳﻢ ﻭﺍﻟﻠﻪ ﺑﻘﻴﺘﻲ ﺷﺒﻪ ﻋﻢ ﻋﺒﺪﺍﻟﻠﻪ ﺍﻟﻐﻔﻴﺮ -: ‏) -: ‏) -: ‏)
.
.
.
ﻗﻌﺪﺗﻪ ﻋﻨﺪ ﺍﻫﻠﻰ ﺍﺳﺒﻮﻋﻴﻦ ﻣﺮﺗﺎﺍﺍﺍﺍﺍﺍﺍﺣﻪ ﺍﺧﻮﺍﺗﻲ ﻋﺰﻭﻧﻲ ﺧﻠﻄﺎﺕ ﻭﻛﺮﻳﻤﺎﺕ ﺍﺿﺎﻓﻪ ﻟﻜﻌﻜﺎﺗﻲ
ﺍﺳﺘﺠﻤﻌﺘﻪ ﻗﻮﺍﻱ ﻭﻗﺮﺭﺗﻪ ﺍﻧﻲ ﺍﻧﻬﻲ ﺍﻟﻤﻬﺰﻟﻪ ﺍﻻﻧﺎ ﻋﺎﻳﺸﻪ ﻓﻴﻬﺎ ﺩﻱ ..
ﺯﻭﻟﻜﻢ ﺍﺗﺼﻞ ﺑﻲ
ﻭﻗﺎﻝ ﻟﻲ ﺍﻟﺠﻤﻌﻪ ﺑﻌﺪ ﺍﻟﺼﻼﻩ ﺡ ﺍﺟﻲ ﺍﺧﺪﻙ
ﻗﻠﺘﻪ ﻟﻴﻪ ﺗﻤﺎﻡ