#يوميات_زولة_صايمة13
#بقام Nana Slama

الصبح قال الله أك.... قلت ليهو (بر) اصبحنا واصبح الملك لله تلبت من السرير بكل رشاقة لبست سفنجتي وجري على الحمام استحميت تلاته مرات فرحة سااي عاد م الخطيب جايي يوديني 🌚 لبست جلبابي ومشيت اتابق في حوش الديوان لقيتهم نايمين جيت ماشة ب امشاظ رجلي سرقت الجل حق ود عمي جلطت شعري دا لمن قال بس😂 وختيت مكياج ب مزاااج ولبست ليك عباية العيد دي كدا وقعدت ف نص الحوش خالفة رجل على رجل عاد كيف م اخلفا عباية كويتية اها بقيت منتظرة شيفاي سينق دا يجي😍😍😂
اها فجأة حبوبتي بقت تتقلب جاي وجاي فتحت عين وحدة عاينت لي بيها قالت لي (مشحطة ب جبتك الكبيرة دي تقول خاطبك السديس) عاد دا كلام دا🌚شككتني ف روحي بقيت اعاين في العباية، قالت لي قومي جيبي ليكي قشة من المقشاشة ديك انكتي لي بيها اضاني دي خلي بتراعي لجسمك المكلوج 😲 (ايه دا هو في ايه😭😂😂) دايرة اقوم كدا السديس اتصل😂اقصد سيد الريد 😍
قال لي دكتورتي♥️ ياخ بلعت ريقي تمنية مرات قبل م ارد قربت اقول ليهو مريضي كان م الله ستر قلت ليه ها ي قلب وين قال لي قدام باب بيتكم قلت ليهو يلا طالعة قلت ل حبوبة اسمعي الراجل دا جاني وري ناس البيت وقولي ليهم م حبت تصحيكم وعليك الله ي حبوبة اجي القاكي معطي دقنك الابيض دا مع السلامة
قالت لي ي بت معط جدك وانا مااااشة كارة شنطتي زي الكاراها في المطار كان م الردمية كان قلت ياهو زاتو😂
وقفت جنب الباب واستعدلت وقريت الاخلاص ومرقت ي جماعة يلعن ابو الجمال دا ، عربية شنو وقميص ابيض شنو وساعه شنو ودقن محدد شنو وانا شنو وكرعيني دخلن في بعض واتعترت بالظلط وطرت فوق وانبرشت ماخدة وضعية السجود 😂 هي ي اخواني دا كلام دا والشعيرات القبيل لصقتهنن بالجل كل وحدة سافرت بلد والرموش بقن تراب والنخرين اتملن دا كلو وانا لسه قابضة في شنطة السايحة دي 😂😂 الولد جا جاري وانا بعاين ليهو ب نص عين وبقول في سري (جومبجااالييي😂) والله دا الناقص قال لي ياا لطيف ياا لطيف مسكني من يدي ورفعني قال لي حصل ليك شي وشغال يحتت لي في وشي من التراب ويحت في الحصحاص الفي دقني 😂 وبقول لي سلامة سلامة سحروك الما بشبهوك وشال َمني الشنطة قال لي دي خليها ممكن🌚 ي جماعه كلو كوم وشبشبي اتقطع كوم تاني بقيت ساحبة رجلي زي المعاقه😂 عشان م يحس وتاري هو ناقش الحنك طلعت في العربية زهجانه ومحرجة ما عارفة اخجل علي وضعية السجدة الاتبرشت بيها ولا الصويفات اللصقتهن وطارن ولا الشبشب النخرتو اتقطعت واااااااي بس😂
شغال يتونس معاي عشان انسى وانا اصلو المشهد من بالي م داير يروح قال لي عايني راايك شنو اجي اخدك المساء اغير ليك جو لانك بكرة ح تنزلي دراسة؟؟ قلت ليهو خلاص تمام اتفقنا قال لي الساعه 8 بالضبط تكوني جاهزة قلت ليهو تمام
المهم وصلت وكدة استقبلتني ليك المشرفة من الباب : تعالي دكتورة ماسكة قلما وبتكتب، مخالفة اخلاقية وسيارة امام الداخليه قلت ليها هييييي انتي هييي شنو مخالفه اخلاقيه دي انتي م نصيحة ولا شنو اصبحناااا يختي البسي نظارتك دي وعايني للدبلة الفي يدي دي كويس، يعني البرا دا خطيبي ي هانم بااي حبيبة ودخلت خليت عيونها مزغللات 😂 المرة ال م نصيحة دي قال مخالفة قال، يخلف نخرتك ال زي بندقية الصيد دي

جيت خاشة ب زفة من باب الغرفة وزغاريد سلمت ع البنات وحكيت ليهم الفاتهم كلو ف اقل من عشرين دقيقة😂
وحكيت ليهم مأساة الوقعة واااي بس😭
اها قلت ليهم الزول دا انا طالعه معاهو الليله الساعه8 لاازم تظبطوني قالو لي م عليك
من العصر بديت اجهز ديك ي المكوة والاستشوار واللبس والميكب وجيت مارقة
المشرفة قالت لي الليت لحدي 10 يا نانا واكتبي لي رقم ولي امرك هنا
قلت ايوااا المرة دي م ناوية ع خير كتبت ليها رقمي السوداني ومرقت اخدت طلعتي واتبسطت واشترا لي حاجات كتيرة😍😍

الساعه 11 ونص جات🌚 فجاة جاتني مكالمة وانا في الطريق قبل اقول الوو قالت لي السلام عليكم معاك داخليه (....) معاي ولي امر الطالبة نانا!!؟
قلت ليها ايوا اتفضلي
قالت لي بنتك دي طلعت من الساعة 8 وللان م رجعت
قلت ليها بنتي دي كانت مع خالتها هي وخطيبا وحاليا هي في الشارع المفروض تستأذن هي غلطانة المهم تاني م بتتكرر واذا بقت طالعه ح تكلمك وتكلمنا وتطلع وشكرا ل حرصكم على بناتنا قالت خير ان شاء الله وقفلت
العفنة ام سنان دايرة تفتني😂
اها وصلت حوالي الساعه 12 الا تلت جيت داخلة وعيني ف عينا قالت لي تعالي قلت ليها (حمااااام حمااام اخلص واجيك) والمشية الياها😂