تر لازم نعمل ليها العملية والله ما بقدر اشوفها كده ياخ تتالم وبتموت قدامي 😭💔
احمد : اسكتي مالك عليها وانتي براك عارفة نسبة نجاحها 6 % يعني حا تموت حاتموت لو عملتها وماف زول بموت ناقص عمر بس اتوكلي على الله وخليها تعيش طبيعي واياك هي تعرف سامعة 😬
امها : .....

#هي_المرام 🎀

بقلم :ÄmNa Ëzadeen

💞٢٠ 💕

امها : خلاص سمح ما بكلمها لكن والله تحصل ليها شي تاني انت المسؤول وعمري كله ما بسامحك😭💔
احمد : طيب هدي هسه وامشي ارح نشوفها 😊
مشوا لمرام في الغرفة ولقوا معاها علياء وبتتكلم براها ولمن دخلوا هي اتخلعت وبقت تتمتم وتقول : كويسة هسه هي ما عندها شي خطير شوفوها انا استأذنكم 😇
احمد :اذنك معاك
ابوها وامها جوا قعدوا جنبها وامها بتبكي وابوها بدمع
ابوها : اعفي لي يابتي ظلمتك معاي انا ما كان اعمل كده من زمان مفروض تتعالجي لكن كنت خايف ولي هسه خايف اخسرك خليك قوية وكملي معانا باقي عمرنا ده 😢
امها : احمد اطلع برة خليها ترتاح وانت امشي ارتاح رجعت متاخر ومانمت كتير يلا انا بسهر معاها 💔
احمد : طيب بس خلي بالك منها وانا بعد شوية كده بجي 😊

اما عمار كانت بايت مع سامر في المستشفى وما كانوا نايمين سامر طوول وقته بفكر في مرام وقصة الولد وبزيد غيظ 😠
عمار : مالك ما نمت للان😂
سامر : ماف شي ما جايني نوم
عمار : ولا انا يلا ننزل تحت رايك شنو ونطلع ناكل في محل شاورما تمام 😋
سامر : اي اكل المستشفى ده ما بحبه يلا
عمار : بس في مشكلة 😦
سامر : شنو 😧
عمار : كيف نطلع بدون ما يشوفونا
سامر : محلولة عندي فكرة بلبس لي حجاب وبطلع🐸
عمار : لالا فكرة ما ظابطة بكشفونا 🌚💔
عندي فكرة احلى ...
وبالفعل نفذوها ونزلوا
الممرضة : وين يا استاذ مطلع المريض
وسامر كان في كرسي متحرك ومطلع لسانه ورافع يده فوق ومحوص عيونه وبتكلم كلام ما مفهوم '''طلاسم '''😂😂
عمار : اخوي ده زهج من جو الغرفة وهو زي ماشايفة كيف حالته عنده عقدة نفسية وحبيبته ماتت يوم خطوبته وجن هسه وعنده جلسات علاج وكهرباء شوفيه وبقى يتظاهر بالتاثر وبحاول يبكي😱😨😳😵😢😢😢😢😢 وسامر مشروط ضحك من جوة 😂
الممرضة اتاثرت بجد وبقت تدمع وقالت : مسكين زول بشكله وجماله وعمره ده يبقى كده لكن ما مشكلة انا بعوضه 😭
سامر قال في نفسه هي البايرة دي😂😂😂🌚💔🐸
عمار : لالا بس خلينا نطلع عليك الله لانه شوية وتقوم عليه الحالة وبقى بكررها الحالة وبضغط الحروف وسامر ما منتبه لمن قرصه في ظهره وقال :ااخ ياخ ااممم مممم ما تهبب تهب تهبشني وبعمل حركات بعيونه زي الناس المعاقين 😔
الممرضة سمحت ليهم يطلعوا وهم طالعين سامر ما قدر يتحمل وانفقع ضحك وكذلك عمار بضحكوا لمن دمعوا 😂😭😂😭😂
عمار : طلعت ممثل بارع حتى انا اقنعتني 😂😂
سامر : احححم تر تر تربيتك وبقى يتمتم 🌚💔🐸
عمار : هي خلاص استغفر الله نحنا رمم والله بننسخط 😂
سامر : ما علينا يلا نطلع ناكل انا جعت خلااص 😐
طلعوا محل وبقوا ياطلوا بس سامر حس بضيق في صدره ما يطاق وزهج وكتمة نفس كمان وحس في شي ما تمام حاصل واول زول خطر على باله مرام واتصل ليها بس برضو تلفونها مغلق 😔
هنا قلق اكتر وبقى بهز رجله من الزهج والقلق
عمار : خييير ياطيير النفسيات قامت عليك 🐸💔
سامر ما كان برد بس في افكار تمشي وتجي في راسه لمن طقطق ليه عمار
عمار : وبتقول لي ما بحب وما عندي شي للبنات 🌚💔
سامر :عندك رصيد ورقم مروة صح 😐
عمار : اي خير عايز تتصل ليه وفي الوقت ده كمان 😦
سامر : اي انت مالك بس جيبه يلا 😠 واتصل لمروة
مروة : الو
سامر : اهلا مروة كيفك
مروة : خير عايز شنو كمان انت 😒
سامر : ولا شي بس عايز اسالك من مرام كيفها وهي جنبك هسه ولا لا ولو جنبك خليها تفتح التلفون 😊بس ما اكتر
مروة : يعني انت السبب
سامر : السبب انا في شنو مرام مالا والحاصل ليها شنو قولي 😲
مروة حكت لسامر كل شي
وقبل تكمل كلامها قفل منها ورمى لعمار التلفون وشال مفتاح العربية وطلع
عمار : سامر يازول مالك خير ان شاء الله ما تمشي استناني
سامر : لالا ما بقدر بكلمك بعدين
عمار : طيب هسه انا اقول للدكتور شنو هربت مثلا 🐸💔
سامر : ما عارف ياخ البريحك يلا 😐
سامر طلع وصل بيت ناس مرام وما قدر يدخل بس نط بالحيطة وكان الزمن متاخر كلهم ناموا
سامر : اوووف هسه اشوفها كيف دي ماف طريقه اصلا بس لمح شباك فاتح وكان في الطايق الارضي وفي الغرفة الفيها مرام 😯😃
سامر : اخيرا لقيتها بس المشكلة اخش كيف هسه
بس شاف امها راقدة جنبها وهي نايمة 😪
سامر : غايتو بس كوكب مغامرات 😂
مرام صحت والمخدر فك منها شافت امها جنبهاوحاولت تتذكر ما قدرت وشافت ظل زول في الجنينة خافت وما قدرت تصرخ لان صوتها كان مبحوح وقالت احسن اروح اشوف ده منو لكن لو طلع مسلح
لالا ما بقدر اتفرج عليه بس بدون امشي ونزلت من سريرها ببطء وهدوء شديد عشان ما تصحي امها 😴😐
سامر شافها وهي طالعة مسكها وغطى ليها خشمها عشان ما تصرخ وكراها بعيد من الباب وهي بتحاول تتفك منه وما شايفاه في الظلام 🌚💔
مرام : اامغغوومووو '''ما تحاولوا تقلدوه منظركم ببقى بييش ما تخربوا لي روايتي 🐸''' سامر فكاها قربت تقع ومسكها وبقت تكورك بس صوتها واطي كان وما بتسمع 🌚💔
سامر : اتلهي خلاص ده انا يا غبية
مرام ولسه بتصرخ ما سامعاه او بالاصح ما منتبهة 😂😐
سامر :

يابت تسكتي ولا اقتلك وطلع ليه مشرط 🔪
مرام من شافته خافت وسكتت وبقت تبكي بدون صوت 😢
سامر : مالك هسه هبشتك انا ولا انتي اصلا هبلة كده 🐸
مرام : هبلة في عينك طيرمن هنا والله بلم فيك الناس بصرخة واحدة 😭
سامر بقى بضحك وقال :قلتي لي شنو عيديها تاني بالله 😂
مرام : بصرخ 🌚💔
سامر : لا عليك الله تصرخي بشنو ووينه صوتك اساسا 😂
مرام : صوتي راح من البكى عليك وانت بتستهتر بجد متخلف 😡
سامر : بس تبكي علي ليه اصلا 😊😉؟!
مرام : لالا بس قلت يمكن انا السبب في حادثك ده لاني اتصلت ليك و ..قلت احتمال عصبك كلامي
سامر : هههه طيب ليه تكوني السبب وليه يعصبني اصلا دي حياتك وانتي حرة يمكن كان برضاك وبعدين عشان شافك اخوك بقيتي تبكي 😊
مرام استفزاها كلامه ورفعت يدها عايزة تديه كف مسكها ليها بقوة وقال : لالالالاعايزة تضربيني تاني طيب وليه قلت شي غلط
وبقى ماسكها لمن يدها حمرت وورمت وبقت تدمع هي وهو ولا هاميه مكمل كلامه : ده شي حقيقة يعني وبعدين ما لقيتي غيري تكلميه 😊
مرام : وال مرام : والله بس ما عارفة ليه اصلا كلمتك واحد متوحش زيك ياخ انت ما بشر وريني حيوان انت ما بتحس 😭
سامر :لا ما بحس 😊
مرام : طيب سبب الحادث شنو سامر : والله ما مضطر اقول واوريك لكن يلا عشان ما تاخدي وش ساي في الفاضي 😊هو حبيبتي وزوجتي المستقبلية نسوم زعلت مني عشان ما جبت ليها هدية واتشاكلنا وانتي لمن اتصلتي لي اصلا ما كنت فايق ليك لكن مشيتك لاني شايفك هبلة وصغيرة لسه يعني شافعة بس ما اكتر وده كل الحصل 😊
مرام الخنقة عبرتها وكرهت نفسها وكرهته اكتر 😢
وده كله وهو ضاغط على يدها وهي ما كانت حاسة بيها من الالم وبعد خلص عاينت ليه جوة عيونه لمن سرح فيها 😍وقالت : فك لي يدي لو سمحت وبتحاول تمسك دموعها بالعاافية وبتقول في نفسها '''ما تضعفي تاني عشان ما تطلعي ما عندك موضوع وهبلة وزولة لصقة على قوله '''
سامر انتبه ليدها وفكاها ومشى وهي جرت غرفتها وبقت تبكي تاني قالت ''انا ببكي ليه هو اصلا منو بالنسبة لي خليه حريقة فيه زاتو😭💔 ''
مشت المطبخ جابت شيبس وبقت تاكل فيه 🐸🔪
خربت اقتصاد البيت
عندكم الوحش الزي ده في البيت يقضي على الاخضر واليابس وهو زعلان ودي انا طبعا وبعد ده ما بسمن 😂
اما سامر بعد طلع اتكل على العربية وقال : خلاصمادام كويسة دي براها نعمة ما مهم شايفاني شنو بس خليك كده مبسوطة ومرتاحة😊💔

اما عمار بقى متحير متين يصل سامر عشان المستشفى خلاص حا يقفل ولو ما رجع مشكلة بس شافه وصل 😟
عمار :يازول مشيت وين ياخ 😣
سامر :عندي شغل بسيط خلصته بس ماف شي انا تعبان يلا 😔
عمار :طيب يلا وهسه البشوفك بقول عامل حادث وطالع من موقت محقق غايتو الله يهديك 🐸💔
وطلعوا فوق في طابقهم ومتسللين لاقاهم الدكتور 😮
الدكتور وهو مربع يديه : وين مشيتوا مختفين من بدري 😒وموعد الحقنة فات قبييل وانا همجية زي دي ما بتنفع معاي انا طبيب بعمل العلي بس انت كمان تعمل العليك وتبطل استهتار وانت قايل المريت بيه ده ساهل تدخل وتطلع على كيفك ودي مستشفى ما مقهى ليلي بكيفكم تطلعوا وتجوا وقت ما تحبوا وهسه انا بس انسانيتي ما بتسمح لي اطلعكم والا والله ما بخليك تقعد دقيقة واحدة فاهم وتاني اياك تعيدها والا بدل المستشفى حاتشرف القبر فاهم 😏
عمار بس الكان منتبه لكلامه وقال ليه حاضر يا دكتور ما بتتعاد 😊
الدكتور : يبقى كويس يلا الحقنة
سامر ما بحب الحقن بس الغريبة اخدها على طول بدون يرمش حتى وده خلا عمار يشك لانه ما من عوايده الهدوء حتى لو مت حرقته ما برضى بيها فيبقى اكييد في شي 😳
عمار بعد طلع الدكتور بقى قاعد وبعاين لسامر وهو سرحان 😓
عمار :شوف يا سامر لو ما وريتني الحاصل معاك ولا بتعرفني ولا بعرفك
سامر :اووه اووه قلت ليك ماف شي ما بتصدق انت اصلك ياخ 😤
عمار :طيب شكرا يلا سلام وبرسل ليك فهد
سامر :عماار ياخ بطل 😣
عمار : المفروض يبطل فينا منو هسه 😊وكويس عرفت مكانتي عندك طلعت حشرة بجد 😐
سامر : خلاص اقعد وصلي على النبي وبحكي لك
حكى ليه كل شي
عمار :سامر ما تكون حبيتها بس دي مصييبة 😳
سامر : لاابدا اعوذ بالله
عمار : سامر فتح عينك دي كويس اياك وتقع وتضعف عشان امك وخالتك وجلنار وخال امين كلهم املهم فيك كبير ترجع ليهم حقهم ما تنسى سامعني انت 😊
سامر : اكيد طبعا ما ناسي وعشان كده بحاول ابعد منها عشان ما تتعلق بي ساي وانا ما عندي ليها شي اساسا وانت عارف البنات لصقات عشان كده اتفكفكت منها بس 💔
وبعدين زي ماقلت ده بعرقل لينا خطتنا التفاهات دي ماعندي ليها زمن 😊✋
عمار : ما عايز اظلمك لكن مجبور تنسى نفسك حاليا وتفكر في هدفنا الاصلا جينا عشانه تمام سامعني انت !؟😐
سامر : ما توصي حريص 😅

في جهة مرام ...
علياء صحت بتلفون وطلعت بره وما كانت عارفة مرام صاحية وانتبهت ليها وبقت وراها 🙊
علياء ما انتبهت وبقت تتكلم عادي
علياء :اي طيب بس ما هسه ما بقدر 😔
المتصل :لالا لاااازم الليلة ولا بكرة بتلقى العاملاه منشور في الجريدة انتي والمعاك

😈
علياء : خلاص ططططيب اديني مهلة لحد بكرة وبوفرهم ليك
المتصل :طيب يلا بكرة ما تجيني من دونهم ..
مرام سمعت كل ده وهي ماشة رمت مزهرية واتكسرت وجرت لغرفتها بسرعة قبل تشوفها 👀
وقفلت الباب براحة 🙀
علياء :منو ده ،في منو هنا انطق 😠
تاني قالت احتمال كديسة ولا شي
وطلعت غرفتها ونامت عادي 😌
مرام خافت زيادة منها واحتقرتها اكتر من اول بكتير وقرفت منها وقالت :لالالالا بكرة لازم افتح موضوع الرحلة عشان اطلعها 😐

اما سامر فكان بتذكر عيونها وشعرها وكلامها وجنونها وبتبسم براه تاني قال :لا يا سامر لا ما تستسلم حقك ما يضيع في الف غيرها ليه بس الا دي وتاني ندم على القاله ليها ومسكته ليدها وبدون يحس اتصل ليها
سامر : الو عمار 😐عامل نفسه متصل بالغلط
مرام :الرقم غلط وقفلت منه 😂🐸💔✋
سامر :الله يشفيها بس 😂

اما مرام كانت ماسكة يدها ومورمة ليها شدييد ومحمرة وطبعا هي مجنونة اول شي سوته صورتها ونزلتها في الفيس وقالت مسكة مجنون في الشارع 😂😂
وسامر كان خاشي ولاقاه المنشور فطوالي رسل ليها رسالة كتب فيها..

'''''''اسمعي يا انتي ما عارف اسمك منو المهم ماكنت قاصد تمام عشان ما تفرحي اني مسكت يدك والف واحدة بتتمناني فعشان كده انتي منو بس عشان اعاين ليك عموما بالسلامة ليدك وما تفتكريني بعتذر لا بس ديننا اوصانا الرفق بالحيوان😊'''''''
مرام قرتها وماردت وهو كان مستنيها بفارغ الصبر ترد في الاخر ردت ليه ب '''مريض انت امشي اتعالج 😒😷'''
رد ليها ب''' ه ه ه ه غلطان البكسب حسنة في الزيك ''

قالت ليه انقلع يا معاق 😒
قراها وابتسم ونام 😴
مرام عرفته نام قالت تنوم فيه حيطة دمه بقري خلاص ....

يتبع...

#هي_المرام 🎀
بقلم : ÄmNa Ëzadeen
💞٢١💕

مرام عرفت انه نام قالت في نفسها تنوم فيه حيطة دمه بقري خلاص ..انا زاااتي ماشة انوم واصلا باقي ساعتين وشوية والصبح ياذن 😪
مرام مشت نامت
وفي الصباح صحت متاخرة ومشت لامها في المطبخ
مرام : ماااما حبيبتي صباح الخير طابخة لينا شنو الليلة بالله 😍
امها : بتي السمحة اشربي الشاي اول وبعدين اسالي 😘
مرام : ماما نفسي في تقلية وقراصة 🐸💔✋
امها : اي حااااضر من عيوني الاتنين 😗
مرام : تسلمي لي يا عثل انتي 😚يلا بساعدك بعدين اوكي
امها : لالا انتي ارتاحي براك تعبانة يا بتي امشي اخدي راحتك وانا علياء في ومروة بتها بساعدوني يلا امشي بدون كلام كتير 😌
مرام بعد طلعت من امها اتذكرت موضوع الرحلة وقالت في الفطور بفتح الموضوع
ووقت اتلموا في السفرة علياء بس بتحمر لمرام وما طايقاها وهي نفس الشي 😒
مرام : بابا وماما وعمتي وكلكم اسمعوني 😶
كلهم سكتوا عشان يسمعوها
مرام : شوفوا يا جماعة نحنا من جينا هنا ما طلعنا رحلة حلوة كده وصح خططنا ليها بس البكى خرب لينا كل شي تمام فوالله قعدة البيت بايخة انا عايزة بكرة نطلع نقيل برة البيت وبالمرة نفرق من الضغوطات النفسية دي ويمكن انا اكتر زول محتاج يطلع فرايكم شنو😐😊
احمد : فكرة حلوة
بسام : جدا ما عندك مشكلة
مروة : انا زاتي زهجت من جو البيت 😐
علياء : لالا انا ما بقدر امشي امشوا انتوا وارتاحوا
مرام فكرت بسرعة وقالت ليها :لالاللالااالا يا عمتي انتي اهم زول مالك حارمانا منك ياخ ارح معانا كلها كم ساعة وبنرجع الا يكون عندك شغل في البيت هنا وما عارفين وغمزت ليها وابتسمت نظام بتهظر 😉😏
ام مرام : اي يا علياء ارح معانا وبالمرة تونسينا وانا هسه ماشة اسوي شنو بدونك امشي معاي ونسيني وخليهم ديل اصلهم ما بقعدوا في مكان واحد 😂
علياء لقت نفسها اتعصرت وما عرفت تقول شنو وفي الاخر قبلت 😏
مرام فرحت لمن كانت عايزة تنطط وهي كل همها تطلع المحبوسة دي 😐😢

مرام : حلو كلكم موافقين يعني بكرة تمام 😇
مرام طلعت غرفتها واتصلت للميس وقالت لي زمن منها اسالها كيف العلاج ماشي معاها 😅
مرام : الووووووو مموس كيفك ومشتاقييين 😘
لميس : بالاكتر حبيبتي كيف انتي 😍
مرام : اها كيف العلاج معاك 😊
لميس : بمناسبة العلاج عندي ليك خبرين حا يفرحوك شدييد😅
مرام : قولي قولي 😝😶
لميس : الدكتور قال لي دي اول مرحلة للمرض وممكن بسهولة يتعالج 😎
مرام : والتاني 😳
لميس : باقي لي جلستين بس كيماوي وبكون اتعافيت تماااما وجاية انزل في السودان معاكم انتي وميساء 😌
مرام من فرحتها بس بقت تصرخ وتنطط وتقول احلى بت في الكون ياخي ربنا يفرحك زي ما فرحتيني اها وريني حا تجي متين بالضبط 😍
لميس : ما متاكدة لكن احتمال بعد اربعة ايام يعني قبل الجامعة بيوم بالضبط 😊
مرام : حلوووو طيب ييييييي ياخ احلى خبر اسمعه في حياتي 😢
لميس : خلينا مني انا انتي كيفك وكيف السودان معاك ومبسوطة ولا لا
مرام : والله بس اقول شنو الحمدلله ما كعب بس فيه مشاكل كتتيرة 😫
لميس : مشاكل زي شنو طيب 😐
مرام : ما ينفع اقول ليك في التلفون لمن تصلي السودان بكلمك بكل شي من طقطق للسلام عليكم قصرت معاك 😒😂
لميس : لالا ما بتقصري يلا هسه بستاذنك اشوف بابا وبرجع ليك 😊
مرام : لالا اذنك معاك وراحتك ما تتصلي انا برجع ليك 😅
لميس : طيب يلا سلام
مرام بس قفلت حست ده احلى يوم بجد صاحب عمرك يكون شوية وتفقده وربنا يكتب ليه عمر جديد دي حاجة بتكون بالدنيا والفراق بتاع الاصدقاء احر ما يكون ☺
عند سامر ...
بعد صحى لقى عمار نايم وكان نازل من السرير جاته الممرضة وقالت ليه : لو سمحت ما تقوم لسه ما تستعجل والليلة بخرجوك اذا كنت كويس بعد الفحص فرجاء بدون حركة 😐
سمع كلامها ورجع قعد في السرير بس حس بملل وبقى بنادي الممرضة
الممرضة : نعم
سامر : جيبي لي موية باردة بالله 😈وكان عنده خطة شيطانية وطلب منها كم حاجة 😂
الممرضة : انت مريض ولا كهربجي ولا سباك لالا شكله الحادث اثر فيك شديد 😐
سامر : هوي اسكتي بلا كتر كلام امشي اعملي القلته ليك بس بسكات 😒✋
الممرضة : صعب والله
سامر رمى ليها رزمة قروش وقال ليها امشي جيبيهم بديل ولا بمشي براي ولو سالوني بقول سمحتي لي بس 😌
الممرضة : طيب حاضر
مشت جابتها وجات وكان حاجات كده مامفهومة منها مشبك بتاع ملابس 📌🖇وسلك كهرباء وبوالين وموية💦 وامواس وشطة🌶 وحاجات غيرها
سامر : يلا يا عمار استحمل براك تاني منو القال ليك صاحب اهبل 😈
عمار نايم ومتجدع بس سامر قال للمرضة تساعده وربط الاسلاك بتاعت الكهرباء بالستائر وملى البوالين موية باردة وعلبة شطة معلقها فوق ليه والمشابك مثبت بيها البوالين 😈
قام همس ليه في اذنه : وجااااء سكرة الموت بالحق فاهرب 😂
عمار : خليني اكمل نوم وشيل روحي وكان ما واعي ونعسان 😪
سامر تاني كررها ومسكة من قميصه نظام روحه عايزة تطلع عمار قام مخلوع وسامر كان عامل في وشه بقلم الممرضة بتاع الكحل وملونه بخوف
بس عمار صرخ : ده شنو يا

سجم انت 😐
سامر : خلاااص موتك قرب👻
والممرضة طبعا متفقة معاه وقالت ليه في شنو يا استاذ مالك خير ان شاء الله
عمار : شوفي الاهبل ده زحيه مني قبل اعوقه 😤
الممرضة : منو ماف حد غيرنا هنا شكلك بتتوهم 😐
عمار : بطلي انتي وهو وخلوني اقوم وسامر بس بتكلم معاه نظام هو ملك الموت 👻✋
عمار : يازول زح خليني اقوم
الممرضة : لالا انت جنيت رسسمي ماف زول هنا غيرنا
عمار : هه ده سامر عامل نفسه ملك الموت قايلني عبيط وما بعرفه 😏
الممرضة : الاستاذ سامر نزل تحت وقال طالع لكن بس ما يكون بجد قول وراي احتمال ملك الموت بجي بشكل انسان
وعمار صدق وخاف بجد😳😨
الممرضة : قول وراي اشهد ان لا اله الا الله
عمار : اشهد ان لا اله الا الله
سامر :محمدا رسول الله وفك الضحكة وضرب كف الممرضة 😂😂😂😂
عمار : كويييس وربي ما بريحك 😤😠
سامر : لو مسكتني بنتفاهم 😂😂😂
عمار حاول يقوم بس لقى البوالين اتكبت في وشه وعايز يمسك سامر اتكبت الشطة كمان وبقى يكورك : عيوني يا بجم 😫
سامر : ارجل شوية يازول بطل حركات النسوان دي
عمار : ياممرضة انتي جيبي موية
سامر :عايز شنو موية قال سرعة جيبيها 😂وتاني كب ليه باقي البوالين وغسل عيونه منها
عمار : كوييس يلا
سامر : هههه خلاص بطل بهظر معاك ما بتتحمل هظار انت 😂
عمار حد ليه وطلع من الغرفة وهو ماشي على السلم وعايز ينزل مسكه سامر وبقى خاتي يده على كتفه وبحاول يضحكه وبكلكله 😂😂عشان يضحك بس لاحياة لمن تنادي 😒✋
عمار نزل وقعد في كرسي
اما سامر جرا ليه كرسي وبقى بعاين ليه وقال : قبل 13 سنة او اكتر ما عارف مر كم كنت انسان وحيد بعد وفاة امي 😔 ماف حد وقف معاي اصلا كنت دايما بشوف الامهات كيف بعاملوا اولادهم وبدلعوهم وكلهم عايشين حياة طبيعية الا انا كنت متمني امي تمسكني من يدي وتلعبني ونمشي المول نشتري الالعاب والحلويات بس مالقيت غير اختي واقفة معاي وكانت اصغر مني 😔محتاجة اربيها بتعبي ماهي اختي في الاخر مالي غيرها ،، مسكت مسؤوليتها وانا صغير وبقيت بشتغل براي وحتى كنت جمدت سنة وخليت المدرسة عشان اشتغل وحتى خالي كان وضعه ما بسمح يساعدنا 😢
تعبت وربيت واحدة اصغر مني ب5 سنة كنت بلم قطع العيش الباقية في المطاعم واشتغلت ليل ونهار ويوم ما حاولت احوجها شي ابدا ،،ماعشت زي الاطفال كان علي هموم زول عمره 65 سنة و
سامر ما قدر يكمل وانهار بكاء 😭
بعدين عمار خت يده على كتفه وكمل : تاني لاقيت اعز زول لي في محل مع امه وكان شايل لعبة عربية وطيارة وبلعب بيهم جيت وقعدت جنبه وشلت لعبته
عمار : ومسكتها مني وامي ضربتك على يدك وقالت ليك بتوسخها ونهرتك قعدت ابكي😢 بس عشان تلعب معاي وفعلا خلتك تلعب معاي 😬✋
سامر : بعدين خالي امين اموره اتصلحت ودخلت المدرسة وما قريت السنة الفطيتها مريت عادي لاني كنت ذكي شديد وخلوني امر و😔
عمار : لاقيتني في الصف وكان لما الاستاذ يسال بتجاوب انت وبس غيرك ما بشوف يد وحتى كنت مرات برفع يدي وما بكون عارف الاجابة بس عشان غيران منك 😔
وعدينا اول ايام بنتشاكل
سامر: تاني مرة اتشاكلنا في قلم وضربتني وانا ما خليت حقي ضربتك لمن نزفت واستدعوا اولياء امورنا 😂
عمار : امي بقت تشاكلك وكانت عايزة تضربك لكن ما عارف شنو خلاني امنعها ووقفت قدامك عشان ما تضربك 😐
سامر : ومن يومها وانت اعز زول لي مرينا الابتدائي سوا ولمن دخلنا الثانوي انا جبت 267
عمار : وانت جبت 240 وما شالونا نفس المدرسة بقيت ببكي وهربت من البيت بس عشان يسجلوني معاك وفعلا بالقروش دخلوني 💸
سامر : كان رغبتنا هندسية ومعمار تحديدا 😊ودخلناها بنسبة واحدة 93 وماشاء الله
دخلنا رغبتنا وكننا طير ؤوكانوا حا يبرلمونا لولاك 😂😂😂
عمار : اصلا من يوم يومي تفتيحة ما عارف كيف صاحبتك 😌✋
سامر : هههه حتى كل الجامعة استغربت مننا 😂
وبعدين لاقينا الشلة منى وزينب والباقين ..
عمار وسامر الاتنين دمعوا وبضحكوا
عمار : صح انت قدري في العمر لكن بحسك اخوي الصغير والله ولازلت كده 😐😂
ضماه وبقى بضحك
سامر : صافية لبن 😉
عمار : اي اصلا ما زعلت بس كنت ماخد موقف عشان تحس يا جزمة 🐸
سامر :متاكد 😐
عمار خبطه في بطنه وجرا 😂
سامر :اااخ بطني مكان العملية يادكتور عايز اموت😂😭😂😭😫
عمار : كم مرة كلمتك تمثيلك فاشل ما تحاول وبعدين العملية في الراس ما البطن يا كذاب 😉
سامر : طيب استناني ياخ
عمار : يلا اسرع عشان ماشي انا وبرجع ليك
سامر :اسمع الممرضة قالت يمكن الليلة يخرجوني عشان كده ما بفرق بعدين ولا هسه يلا نطلع والله زهجت واتخنقت من جو المستشفى ده 😷
عمار : لا يا شيخ عايز يذلونا زي امس ماف لحد ما يخلوك تطلع
يلا زاتي خليت الروحة قاعد معاك اها ارتحت 😇
سامر : احسن يلا 😊
عمار وسامر طلعوا وبقوا بتونسوا
تلفون سامر اتصل وكان امين
سامر قال : يااااالله نسيت ما كلمته بزعل ياخ 😣
عمار : لا ما تشغله ساي
سامر : اي احسن ما اكلمه بنشغل ساي
ورد :سامر : اهلا يا خال 😊
امين :كيفك مالك مختفي وما طليت علينا 😅
سامر : وال

له تقول شنو بس عندنا امتحانات وبقرا مع عمار هسه 😐
امين : اها انت عند عمار طيب انا جايي عليكم يلا
وقفل .. سامر : الو الو سامعني انت 😶
سامر : عمار انا عملت كارثة 🐸✋
عمار : انت براك مصيبة قول عملت شنو
وحكى ليه
عمار : ما عارف اخنقك ولا اسوي شنو احسن شي ارجع ليه وقول ليه طلعنا 🌞
سامر : جربت وما برد 🌚
عمار : دي عوارض عدييل
سامر : شوف ارح نطلع بس ماف حل تاني غير كده 😊
عمار : طيب يلا
وطلعوا بالشباك 🌇
في جهة مرام ..
مرام مشت لمروة في غرفتها وقالت ليها خطتها الحاتعملها
مروة : لكن صعب نعمل كده وكيف نتخارج منهم 🤔
مرام : عندي خطة مناسبة لموضوع الهروب منهم ده ما عليك 😊
مروة :في مشكلة تانية كمان 😕
مرام :شنو قولي 😑
مروة :......

#هي_المرام 🎀
بقلم :ÄmNa Ëzadeen
💞٢٢💕

مرام : شنو قولي 😐
مروة : ما حا نقدر نرجع الاتنين الا واحدة وانتي محتاجة مساعدة صح 😅
مرام : ياخ دي ما مشكلة انسي بس بحلها 😏😌
مروة : خلاص تمام
مرام : وبالمناسبة ما وريتك لميس جاية تقرا معانا هنا وشلتنا كملت 😍
مروة : حاتبيعيني صح 😜
مرام : لا ياخ حرام عليك ما ببيعك اصلا 😎😙
مروة : خلاص ارح نسوي قهوة ونطلع فوق السطوح 😆
مرام : اوكي يلا
سوينااها وطلعنا ونحنا قاعدين مروة طول الوقت سرحانة 😶
مرام : هيي وين سرحانة الشاغل بالك يتهنى بيه 😉😯
مروة : لا ما كده
مرام : اها كيف 😕😊
مروة : انا لسه ما مستوعبة ماما ممكن تعمل حاجات زي دي ولي شنو وفي شنو ما عارفينه نحنا 😖
مرام : ما تشغلي بالك كتير انسي هسه خلينا من ده 😪
...........
انسام : الو سمور كيفك
سمر : الحمدلله وانتي
انسام : تماام الحمدلله بس ناقصة شوفتك يا عثل 😗
سمر : ههه طيب نتلاقى الليلة رايك شنو 😚
انسام : خير يازولة الساعة كم ؟!😅
سمر : والله ممكن زي 6 ونص مساء بقدر نتلاقى في كافييه .. 😀
انسام : طيب 😇
سمر : بس المناسبة شنو عندك لي شي 😐
انسام : اي لما نتلاقى يلا باي 😃
انسام مع نفسها : هانت يا سامر طالع ونازل لي على كيفك وما عارفة دي منو البتتجارى وراها دي لكن انا انسام وما بخلي حاجة حقتي ابدا ولو اضطريت اقتلها ما بخليك تعرس غيري فاهم 😊

اما سامر ..وعمار بعد طلعوا من المستشفى لاقاهم الدكتور نفسه الشاكلهم
الدكتور : اهاا اصلوا انتا ما بتثبتوا ياخ لو صبرتوا شوية كنت جايي اخرجكم 😏
عمار : اسفين يا دكتور لكن والله مستعجلين شدييد خلينا نمشي
الدكتور : لكن بشرط بعد تخلصوا ترجعوا اعمل ليكم اخر فحص وتتخارجوا 😒
سامر : حاضر بنرجع يلا عن اذنك
الدكتور : والله مهملين جنس اهمال شباب الزمن ده
سامر وعمار مشوا منه
الدكتور دخل المستشفى وقال للممرضة : انا ماشي المسجد ارتاح خلي التلفون والمفتاح ده معاك 😷
ومشى
واثناء ماهو في المسجد جواله اتصل والممرضة ودته ليه
الدكتور : الو يا مدام احمد
المتصلة : اهلا يا دكتوور كيفك
الدكتور : انا تماام والله كيف بتك ان شاء الله حالتها بس ما اتدهورت 😦
المتصلة : والله متصلة ليك عشان اكلمك هي حالتها كل يوم اسوا وما عارفة اسوي شنو ابوها ماراضي نجازف وفي الحالة دي خايفة نفقدها وكل يوم انا بندم اني سمعت كلامه زمان اول مرة 😭
الدكتور : والله ما بنقدر نعمل شي الا بموافقتكم او موافقة الاهل لكن نصيحة مني ليك لازم تتعمل ليها العملية مادام حالتها كده والا بحصل الخايفين منه 😐
هي : اي بحاول معاه بس هو خايف تفشل قال احسن مما ضميره يأنبه ما عايز هي تموت ولا عايز يعالجها 😓
الدكتور: بس ربك يعين
هي : اي بس نقول شنو غير يارب
الدكتور : انا مضطر اقفل بعدين بتصل ليك واكلمه برااي لانه شكله ما حايقتنع الا يسمع مني وبجرب ان شاء الله بس يقتنع 😊
هي : ما بتقصر تعبناك معانا
الدكتور : لا العفو ولو ده شغلي

''طبعا كلكم عرفتوها اي دي ام مرام ''😀

علياء سمعتها وقالت احسن تستغل ده لصالحها وبفيدها كتييير 😏
علياء : مرة اخوي السمحة الليلة لااازم نكمل موضوعنا 😐
امها : موضوع شنو 😕
علياء : موضوع عرس مرام 😅
امها : لا انا كلمتك رأيي صح وهي صغيرة لسه
علياء : طيب ممكن تطلعي معاي غرفتي واوعدك حاتغيري رايك 😊
امها : طيب لكن ما تحلمي اغيره
علياء : بنشوف
ومشت معاها ولمن خلصوا كلام علياء بتتبسم وفرحانة

ام مرام : ميمي يابت
مرام : نعم يا ماما
امها : تعالي عايزاك في موضوع مهم وهسه الحقيني
مشوا الجنينة برة وبقت امها تقول ليها .: اسمعي كلامي ده كويس للاخر يابتي وما تقاطعيني سمح 😐
مرام : حاضر يا ماما احكي خوفتيني 😓
امها : انا عايزاك تعرسي مع منيرة اختك
مرام والدهشة مالية ملامح وشها : ككيف يا ماما اعرس وانا 😕
امها : اي انا كبرت واحتمال بكرة اموت ما معروف الدنيا دي فيها شنو بس كان عايزة رضاي ان شاء الله بس خطوبة لو ما جاهزة وانا ابوك بقنعه 😭
مرام : اكيد لا انتي بتهظري انا شايفة نفسي لسه صغيرة على العرس وما بقدر امسك بيت وانتي ناسية انا ال18 ما تميتها ده حرام اصلا زواج قاصرات يعتبر 😢
امها : ما زواج قلت ليك بس خطوبة وتاني على كيفك المهم لازم اتطمن عليك في ذمة راجل قبل اموت
مرام : لالا مستحيل 😔
وقامت منها

فتحت تلفونها ولقت رسايل كتييرة من لميس وفي واحدة من رقم غريب
مكتوب فيها : هاي مرام كيفك انا انور السلمت عليك لو بتتذكريني 😉
مرام ردت ليه : اسفة الرقم غلط
وكان متصل على طول رسل ليها : غلط كيف ياخ مش مرام احمد 😯
مرام : خير يا ود الناس عايز مني شنو 😤
انور : لالا في واحدة بتكلم خطيبها كده بالشكل ده 😐
احترمي رجولتي ياخ 😊
مرام : بالله هو انت راجل انطق عايز مني شنو قبل احظرك 😒
انور : طيب ولا تزعلي انا والله ما بكذب عليك امك وعمتك علياء كلموني وطلبوا مني اخطبك وزواجنا يكون قريب واتعرفي علي ما بتندمي صدقيني 😍
مرام : ح

اسي بشنو ياود الناس امي ما بتعمل كده واساسا ما بتقرر عني شي فانلقع من وشي احسن 😏
انور : طييب ما بتعمل كده صح
ورسل ليها مقطع صوتي وطلع حقيقة طلبوا منه كده 😐
انور : اها يا حلوة اتاكدتي ولا عايزة اثبات تاني 😘
مرام ما ردت ليه ونزلت لامها وبقت تصرخ وتكورك باعلى صوت وتقول : انتوا ليه بتقرروا عني ولا كمان بتعرسوا لي وتجبروا واحد يخطبني انا لو باقية ليكم مشكلة بطلع بخلي ليكم البيت ده بس لو ما عايزني اقعد معاكم 😭
امها : ولا كلمة يلا انا امك وبعرف مصلحتك اكتر 😊
مرام : طيب شوفي منو البقبل يعرس ولا كمان عايزين ترموني دده بالبساطة دي لواحد زي ده
علياء : اسكتي يابت ولمي لسانك 😤
مرام : انتي التسكتي ده نقاش عائلي ما تتحشري 🤐
مرام حست بس بكف حار على خدها من امها وبتقول ليها اعتذري من عمتك 😠
مرام : ما بعتذر اصلا كل المشاكل دي منها هي 😒
علياء : لا ياشيخة عايزة اتفرج عليك وانتي بتشتمي ولد اختي 😊
مرام : اهااااااا وانا اقول العينة دي تبعك اصلا ما بطلع من اسرتك يا عمتي 😏
وطلعت السلم وامها بتصرخ ليها عشان تعتذر وهي لا مصرة 😼
مرام اتجدعت في السرير وبقت تبكي وتتنهد وكيف امها تعمل كده وتكلمها بالطريقة دي مع انه عمرها ما جبرتها على شي عشان تجي تجبرها على زواج وشي مصيري زي ده وقالت اكيد في شي عاملاه الحية دي 😒
ونزلت ليهم تحت وقالت لامها
مرام : ماما انا اسفة عليت صوتي عليك لكن انا ما عايزة اعرس ده ولا عايزة عرس من الاساس ..افهميني رجااء 😭
امها خافت تتعب زي كل مرة وقالت ليها : انا الاسفة يابتي ما تخافيماف زول بجبرك على شي 😊
وجات رقدت جنب امها وختت راسها على رجولها وبقوا بتونسوا ومرام بتضحك بعدين فجاة قامت وقالت لامها : ماما منو الاقنعك تعملي كده او بالاصح منو الجبرك دي الشفتها قبيل ما امي 😩😶
امها : لالا ولا زول بس انا خفت تحصل لي حاجة وتتشتوا من بعدي
مرام ما اقتنعت بكلام امها وقالت : بعيد الشر لو متتي انتي انا بموت وراك بس 😭ما تقولي كده تاني حاضر 😘
امها : طيب عايزة اسالك انا كمان ليه ما عايزاه 😐
مرام : مااامااا مش قفلنا الموضوع خلاص انسي 😌
امها ما حبت تضغط عليها وسكتت 🤐🏳

في جهة تانية ...
انسام : توتة يا عسل ليه اتاخرتي علي ياخ 😣
سمر : المواصلات وبراك شايفة كيف حالها 😂
انسام : خلينا في المهم هسه انا جايباك عشان عايزة منك شغل ضرووري ومهم 😐
سمر : من عيوني الاتنين اطلبي بس 😃
انسام طلعت صورة لمرام وقالت ليها عايزاك تعملي ليها عمل تخلي اي زول بكرهها 😉
سمر : بس كده الموضوع ساهل جدا اعتبريها خلصت 😊
انسام : يخليك لي 😍😘

اما ناس سامر فكانوا وصلوا قبل امين بدقائق بس واصلا المستشفى كان قريب للبيت 😂
لكن لقوه واقف في الباب وما قدروا يخشوا فتحوا الباب الخلفي ودخلوا بيه 🐸
سامر : حاسي نفسي جاسوس بس 😂
عمار : ما براك والله 😂💔
سامر مشى يفتح الباب وعمار كركب حاجات في البيت عشان يظهر كانه كان فيه زول 👅
امين : ما بتسمعوا انتوا طرش لي ساعة بضرب في الباب 😑
سامر : كننا نايمين اعفي لينا 😅
امين : خلاص زح لي اخش 😐
سامر : اي اتفضل اتفضل 😄
امين :....

#هي_المرام
-٢٣-
سامر: اتفضل اتفضل 😅
امين : بس كنت جاي زهجان ياخي وفي كم شغلة عايز اناقشها معاك إذا فاضي وما عندك مانع 🙂
عمار : اتفضل يا خال 😊
امين : تمام يلا
ودخلوا
أنا عند مرام فهي مشت لمروة وقالت ليها ارح نشوف ناس امي جهزوا عشان تطلع طوالي وانا بتصل لبسام يجي عشان يوصلنا 😊
مروة : تمام لكن انا خايفة امي تعرف والله ما بترحمنا 😢
مرام : خلاص ياخي انتي لو حاسانا بنغلط كلميني عشان نوقف ✋
مروة : لا طبعا ما غلطانين لكن هي امي في النهاية بس برضو ما مشكلة احسن نتعاقب هنا قبل عقاب ربنا 💔
مرام : يلا غسلي وشك عشان ماف زول يلاحظ لينا
مروة : يلا ننزل
نزلوا ومرام دقت لبسام وفعلا وصلهم ولما وصلوا كانت مزرعة جميلة جدا وواسعة المهم قعدوا يتونسوا حبة ومرام بدت تنفذ خطتها وقامت عايزة تمشي مسكت في امها وقالت ليها : ماما انا حاسة نفسي ما كويسة راجعة البيت ارتاح بستناكم هناك طيب 😢
امها : لا طبعا ماشة معاك انا 😧
مرام : بمشي اجيب الدواء بس وبجي وانتي معاك ناس ما تسيبيهم وتمشي استنيني هنا بس بسوق معاي بسام تمام ما تخافي يلا 😘
ولا استنتها ترد ومشت لبسام قالت ليه أديني مفتاح العربية وهو ما كان منتبه كان بتكلم بالتلفون وبدون يحس قال ليها في التربيزة شيليه
وهي شالته وطلعت ورجعت البيت.. 💪
نرجع لسامر
سامر : اها يا خال خير ان شاء الله
امين : اي خير بس انا قررت اتزوج عشان جلنار محتاجة ام حاليا قبل كل شي وعايزك تشوف لي عروس حلللوة مع اني لقيت واحدة وجلنار بتحبها بس ما اظن توافق. 💔ممكن تقنعها لي
سامر استغرب من كلامه وأنه ليه هو بالذات يقنعها بس ما خت شي في باله وقال لي امين : اكيد طبعا بس لازم اقابلها اول 😂✋اديني رقمها امين قال ليه ما عندي حاليا لكن قريب بجيبه ليك تمام 😊
سامر : خير
وعمار كان ساكت سااااي وبسمع فيهم
سامر لبعه في ظهره لمن شهق 👊🏻👀
عمار : اااخ ما عافي ليك يا حيوان
سامر : شفتك سرحااان يا استاذ مالك
امين : ده كمان سؤال ليك يعني حايكون ماله 😂💔
عمار : هيي خلوا الحركات دي ماف شي
سامر : متأكد
عمار : اي اكييد 😌
نرجع لمرام
اول ما دخلت البيت بقت تفتش في مفتاح الغرفة الفيها المرة وفعلا لقته في درج علياء
فتحت الباب ولقت المرا مافيشة بقت تناديها وبرضو ماف صوت
تاني جاها اتصال ردت : مش قلت ليك لعب العيال ده ما بنفع معاي مصرة انتي صح 😬
مرام: دي انتي اصلا ده شغلك باين 😏
علياء : اتلمي ولا بجي اقتلك انتي كمان
مرام اتصدمت وقالت ليها : يعني قتلتيها 😵😖
علياء : لا لكن على وشك
مرام : عمتي الله يخليك سيبيها مسكينه هي عملت ليك شنو
علياء : طيب بس بشرط تنفذيه ولا بقتلها بس 😌
مرام : طيب انا موافقة سيبيها ارجوووكي 😭😭😭
وتاني ما بعيدها والله
علياء : والضمانة شنو
مرام : بعمل ليك اي شي بس خليها 💔
علياء : عايزاكي تتزوجي أنور
مرام الكلام بقى ليها طشاش طشاش وكأنها ما سامعة وقالت لعمتها : لا ما بقدر اسفة ✋😢
علياء : طيب انتي المسؤولة من موتها
مرام : خلاص خلاص موافقة والله موافقة بس سيبيها
علياء : حاضر من عيوني يا مطيعة ( عيونك بالخفس شاحدة ربي 🌚🚬)
نرجع لإنسان وسمر وخطتهم الجهنمية
سمر : بس اسمعيني هنا يا انسام عشان تكوني عارفة انه لو مرام دي طلع منها العمل ده من. أول يوم بتبدي تتعذبي نفس عذابعا عرفتي عشان كده متأكده عايزة تعمليه؟ ✋
انسام الحقد عمى على قلبها بس خافت على نفسها وتراجعت ولغت الفكرة
نمشي لسامر
امين : يلا يا شباب انا ماشي الوقت اتخار وجلنار بتخاف براها 😊✋
سامر : خير يلا عيدها علينا وماتنسى سلم لي عليها 😂💔
امين : بيوصل
عمار : استنى نقدمك ياخال ✋
يلا شوفوا امين ده هو صح خال سامر بس ما ظاهر عليهم الظاهر انه عمرهم نفسه بس امين 34 وسامر 22 بس ظاهر اخوان المهم نرجع للقصة

مرام بعد مكالمة عمتها انهارت خلااص وبقت تبكي بحرقة انه بتدمر حياتها بيدها وأنه هي ماكان تدخل بس تاني قالت انا ماضعيفة عشان انهزم ليها حقي وحق المرة يرجعه بس بطريقتي الخاصة
المهم أهلها رجعوا البيت عادي
والغريب عمتها ولااا فتحت خشمها معاها 🤐
يوم عمار مان طالع هن وسامر وجلنار وأمين مشوار وكانوا ماشين بمركب النيل المهم مشوا يحجزوا لقوه محجوز لناس تانين
سامر : اووف الحل شنو
جلنار : انا ما ماشة الا نركب فيه ونقعد لحد المساء
سامر مشىى للراجل وساله منو الأجر قبلهم وأنه هو مستعد يدفع نص المبلغ
وانتوا ما محتاجين اوريكم حركات الكتاب المهم دي مرام ومروة الحاجزينه عشان ده اليوم الجاية فيه لميس وحابين يفاجئوها بمناسبة انها اتعافت 💔
المهم سامر مصر انه ما عايزين غير ده والراجل شغال. يحنس فيه
سامر قال ليه انا مستني زول هنا ما ماشي مضايقك بشي؟ ✋
الراجل قال ليه براحتك لكن حبيت اوريك انه الحاجزينه بنتين وأهم وصلوا
أتلفت وراه شاف مرام ومروة
تاني قبل على الراجل : قلت ليك وينهم البنات
الراجل : ياولدي انت عبيط ما هم ديل قدامك
سامر وبدون يخجل قالا بصوت عااالي. : هسه ديل بنات ياخي يا عمار ما بشب

هونا محمد ومنير بتاعين الدكان 😂💔 مستفز طبعا
مرام انفرست شدييد وما ردت ليه
مروة اها ياعم كل شي جاهز؟
الراجل.: اي بس البالونات ما ولعتهم
ومروة ومرام مشوا خلوهم.
جاء امين لمرام وقال ليها : يل أستاذة بتاسف من تصرفه اعذريه لو سمحتي وانا والله بنتي ذي عيانة وكانت نفسها تركب في المعدية دي بالذات فإذا بتسمحي ليها؟ ومستعد ادفع حقه 😢💔
مرام ما كانت شايفاه رفعت رأسها لقته نفسه الشاكلها في البت لمن ادتها شوكلاته وبدت تجمع
وهو زاتو انصدم
وبصوت واحد امين : انتي😟
مرام : انت 😑
مروة : بتعرفوا بعض؟
مرام ولا خلت امين ينطق وقالت ليها لا
تاني عاينت لأمين وقالت ليه مت مشكله جيبها 😊
امين: شكرا بجد ما عارف اجازيك مشكورة
مرام : العفو ولو 😊✋
امين مشي ناداهم وفعلا طلعوا اما ميساء جات فكانوا قاسمينه بينهم
فجأة ميساء قالت ليهم : عاينو القرضة ديل بالله معانا الليلة بنغرق عايني ليهم انضف من سمعتي ديل بتمسحوا بي لبن نيدو
تعالوا اوصف ليكم سامر كسار عدييل اسمر لكن السمار الفاتح وعيونه ناعسة مفتري عارفين طبعا طويل ومعضل
وعمار عنده غمازة باليمين افتح من سامر حبة وبرضو طويل ومعضل من الجيم طبعا 😂✋
المهم امين قال لي مرام ممكن تشيلوا الحاجز ده وتشاركونا فرحتنا ياخي ونشارككم كمان ولا خايفين ناكل منكم التورته ومعناها غمزة 😉
مرام : ههه لا طبعا ما عندنا مانع
امين مشى لي سامر وقال ليه : شوفها
سامر : منو دي
امين : عروستي وكان مؤشر على مرام
سامر انصدموبقى ساكت
امين : دي هي الحكيت ليك عنها وأنها أنسب واحدة لجلنار
ولا عندك كلام تاني 😉✋
سامر حس بشي تقييل في صدره زي السندان وبدون يحس كسر الكبابة في يده والدم بق ى بتقط
امين : خير يازول مالك. 😳
سامر........

#هي_المرام
-٢٤-
سامر : ااا لا ولا شي بس اتذكرت حاجة
امين : اهااا لالا تمام وغمز لعمار 😉
عمار كمان بقى بتبسم ساااي
سامر : هي هي مالكم خير
عمار :اااا لا ولاشي بس اتذكرت حاجة؛😉👊🏻
وفي نفس اللحظة عمار وأمين ضحكوا
سامر : لا كده كتير بجد في شنو
تاني سمعوا صوت مرام وهي بتقول لو سمحت يا استاذ امين ممكن كلمتين بس 😊✋
امين : اااي اكيد
ومشوا منهم وسامر وصلهم بعيونه👀
عمار كان بحكي لسامر عن حاجة. وسامر اصلا ما سامعه باله معاهم زي ما بيقولوا رامي طعميته معاهم 😂💔
مرام : لو سمحت إذا خلصتوا ممكن تتفضلوا عشان عندنا مفاجأة لصحبتنا ومحتاجين باقي المساحة 😊
امين : ههه ده طلبك
مرام : ايوة إذا ما فيها ازعاج
امين : طيب شوفي البت البريئة دي بتزعل ولا شوفي الولد داك وكان قصده سامر بقعد يبكي هسه لو مشينا 😂💔
مرام اتفقعت ضحك وقالت ليه اصلا هو شافع ساي
سامر كان مراقب كللل ده وما سامع شي لمن سمعها بتضحك ركبه عفريت ومشى عايز يدخن بعيد منهم وهو عادته لو زهج بدخن🚬
عمار : خير يازول ماشي وين😳
سامر : ماشي هنا وجايي بس ثواني وبرجع
مشى منهم بعيييد وبقى بدخن وهو طبعا عشان ما متعود يعني بعد فترة طويلة قعد يكح وعطس كمان
سمع صوت بقول ليه : بالمناسبة السيجارة مضرة بالصحةانت ما شايف مكتوب عليها شنو
سامر ما رد ليها
وهي اتغاظت من حركته وأنه سفهها
مرام طيييب بوريك يا جزمة تسفهني انا 😈
مشت جابت حبل وربطته في الشارع وهو رفيع ما بتشاف وسامر جا ماري وقع منه واتلف فيه
سامر : ااااخ رجلي انكسرت امييين عمااااار
مرام : هي الكذاب ده قال انكسرت قال انت هو عندك عظام اساسا كلها حجر من برودك ده( اججججي يا مرام😂💔)
مرام جات عايزة ترفعه مدت له يدها عايز.يمسكها ويقوم سحبتها تاني (رررررمة يلا) 😂💔
مرام : عشان تاني تتعلم تسفهني
سامر برضو ما رد ليها ومشى
بعدين هي زادت غيظ ومشت وراه وبتتشاكل معاه بس تاني وقف ومسك يدها لواها شديييد وقال ليها : انا عارفك بتحاولي تلفتي انتباهي لكن والله ما شالك من أرضك وتاني لو مرة حاولي تلعبي معاي عشان اوريك نجوم الضهر فاهمة؛😉
مرام : بس انت البتغلط
عصر ليها يدها اكتر لمن صرخت وقال ليها المهم تاني ما تلعبي مع الأكبر منك
مرام : وانا ذنبي شنو إذا أنت بتحب تلعب مع الصغار
سامر : يلا انقلعي من وشي بسرعة عشان ما انفصم فيك
مرام كانت شايلة عصير في يدها رشته بيه وقالت ليه تحترمني بحترمك غير كده ما عندي ليك شي غير كده بتلقى العصير ده المرة الجاية في نخريك فاهم
وبسرعة لفت يدها منه ولوت ليه يده وقالت ليه : انت فاكرني ضعيفه ها لكن بوريك وبتشوف 😉👊🏻
يدها الكان ماسكها منها هي نفسها اللوت ليه يده بيها وبدت توجعها لمن ملامح وشها اتغيرت لمن شافها كده خلاها وفات
مرام : يا عديم الإنسانية يا رمة يا حيوان متخلف وبقت تبكي 😭👊🏻💔
سامر رجع ليهم وقال لي عمار انا تعبان يلا نرجع البيت ✋
عمار قال ليه هسه مش كنت كويس
سامر ضرب التربيزة لمن اتخلعوا وقال وهو بضغط على الحروف : قلت ليك تعبان ماشي ولا اطير براي
عمار : طيب ماشي يلا يا امين مرة تانية نت...
ما خلاه يكمل كلامه ونهره : يلا قلت ليك
امين : خير يا سامر مالك الجرح مؤلمك نمشي الدكتور؟ 😥
سامر ما رد ليه
امين : طيب ثواني انادي جلنار
مشى يناديها ولاقته مرام راجعة ليهم قال ليها يلا فرصة سعيدة اتشرفت بيك وبالمناسبة ما اتعرفنا اسمك منو؟
مرام : اسمي مرام😊
امين: ممكن لو ما فيها ازعاج يعني تديني رقمك؟
مرام فكرت وتاني ادته ليه
سامر لمن شافها بتمليه الرقم ولااا اتفاهم مع زول شال المفتاح وطلع ونسى تلفونه
ساق العربية وعمار كان بكورك ليه تاني مشى لقى امين جايب جلنار وسأله من سامر
عمار : والله هسه طلع ساق العربية بدون بتفاهم معاي حتى ما عارفه ماله
امين : طيب اتصل عليه
عمار : المشكلة نسى تلفونه ودي ما حصل عملها
امين : الزول ده متهور ممكن يعمل اي شي لكن هو كان طبيعي لمن جينا شكله اتضايق من القعدة دي او في زول زعجه
عمار : خلاص يا خال رجع جلنار شكلها تعبت يلا وانا بشوفه ما تشيل هم 😊✋
امين : لو لقيته اتصل طمنني عليه تمام !
عمار : اكيد يلا
بعد امين فات عمار مشى مكان كده زي يافطة مكسورة في شارع....... هي على النيل وهو وسامر متعودين يجوا هنا لمن يكونوا زعلانين وفعلا لقى فيها سامر
عمار: قلت لي كبرت وبقيت واعي تتصرف من راسك خوفتنا عليك 😤👊🏻
سامر : بس انا ما شافع ✋
عمار : عارفك ما شافع لكن برضو ما كان تمشي كده ياخي
سامر : انتوا ليه مصرين تكتموا على نفسي كده عايز اعيش حر ياخي انا ما بحق لي اقعد براي زهجتوني ياخي ديل شنو ديل
عمار أداه كف وقال ليه. ايااااك وتقول كده
سامر : انا عارفك جيت تستلم العربية حقتك صح ويلا اتفضل ده المفتاح واسف لاني سقتها بدون اذنك ويلا ممكن تتفضل لو سمحت وما تتصل علي ابدا فاهم ✋
عمار بس كان عامل كده 😳
بس فجأة عم صمت غريبب بينهم وعمار زعل شديييد وكان ماشي بس سمع صوت سامر قال ليه : عماار 😭💔
عمار رجع ليه وحضنه وبقى

بضرب فيه عشان ما يقول كده تاني وسامر بس ببكي لمن قميص عمار اتملى دموع وهو زااته ما كان عارف ببكي ليه بس كان زعلان ومغبون وعايز يتفش
بعد. خلص بكى عمار فكاه وقال ليه : اها كده ارتحت
سامر هز راسه بمعنى اي
عمار : شوف انا ما عايز اعرف ليه كنت بتبكي كده لكن عايز اقول ليك شي واااااحد خليك قوي بس ✋
سامر ساكت بس
عمار : اها نرجع البيت! ؟
ولا لسه عندك باقي زعل
سامر : نرجع
عمار : طبعا خوفت خالك عليك وقال لي اتصل واطمنه بس لازم تتصل ليه انت وتبرر موقفك✋
سامر : لا خليه ما عايز اتصل انا😏✋
عمار : براحتك انا بتصل
سامر ما رد وبس رجع البيت

نمشي لمرام...
مرام بعد عملوا الحفلة وخلصت ساقوا لميس ورجعوا البيت وقعدوا يتونسوا كتييير شوق وكده 😂💔✋
بعد خلصوا مرام كانت عايزة تنوم بس بقت تفكر انه ما كان تدي امين رقمها وما كان تعمل مقلب زي ده في سامر بس تاني قالت يستاهل هو اصلا شايف نفسه على شنو ما عارفة 😏👊🏻

اما في جهة عمار كان جاه اتصل من مرام ورد ليها
مرام : الو عمار!
عمار : ايوه خير منو معاي
مرام : دي انا مرام بت خال مروة
عمار: عايزة شنو 😏(قطيم ده 😏👊🏻)
مرام : عايزة الاقيك بكرة في الجامعة بكرة اول يوم لي وعندي معلومات عايزة اقولها ليك وهي كانت ناوية تكشف عمتها... اها رأيك شنوو!
عمار : طيب خلاص يلا
مرام : الحمدلله الوافق لكن مروة ما لازم تعرف ابدا ✋
ونامت على كده

وده اول يوم ليها في الجامعة صحت بدررري قبل الغفير 😂😂💔(خلعة البرالمة يا جماعة)
مرام كانت مستعجلة وصحت بسام سرعة يوديها وقالت ليه اغشى لميس ماشه معاي
بسام بقى بتبسم ساااي
مرام : هوي ها ماسكاك ام فريحانة ولا شنو 😏👊🏻
بسام : لالا ماف شي
ووصلها بيت لميس بس الغريبة انها ما وصفته ليها
مرام : كيف عرفت بيتها
بسام : اااا أمس لمن وصلتها البيت 😉👊🏻
مرام ما اقتنعت بس قالت ليه اهااا تمام خير وجات لميس ركبت قدام وبسام كل مرة يعزين ليها ويتبسم وهي كمان
مرام : هي انتوا الاتنين في شنو من الصباخ المقعد القدامى ده فيه شيطان ولا شنو ( يا غشيمة😏👊🏻)
ما.ردوا ليها بس سألت دبوس وطعنت بيه لميس
وقالت ليها : انا ركبت ورا عشان ما اعقدك واتونس معاك تجي تركبي قدام محسسني كأني طفلة معاكم
لميس : لا ياخ العفو 😂✋
وصلوا الجامعة وبسام قال ليها بتطلعوا كم عشان اجيكم!
مرام : لالا بنجي برانا 😉
بسام بنهرة : براكم كيف انتوا ده اول يوم ليكم ما بتعرفوا الطريق.
لميس : لا ياخي بنتعلم لمتين حاتقعد توصلنا! بعدين نحنا كبار مش كده يامرام ( بالمناسبة سلموا لي على وداد قالوا بشة طلقها😂👊🏻)
مرام : ااي ياخ
بسام : أمري لله بس لو ما قدرتوا ترجعوا دقوا لي تمام واوعى تتبرلموا😉✋
يلا سلام وفات منهم
مرام : شوفي دقي لرنا وميساء شوفيهم حا يتأخروا
لميس دقت ليهم وقالوا يادووب صحوا
مرام: خلاص ارح نقلب ونحوم عشان ما نتبرلم
طبعا الجامعة كبيييرة شدييد وضاعوا ووقت المحاضرة قررب ما لقوا حل غير يمشوا يسألوا
لقوا ليهم شلة كده من هندسة برضو بس سناير وسألوهم
مرام جاتها رسالة بس ما انتبه للاولاد السألوهم وواحد كده وصف ليهم ومرام قالت صوته ده ما غريب علي رفعت رأسها لقتهم مشوا 👀
مرام مشت مع لميس والمصيبة برلموهم وودوهم حمام الرجال وخدودهم دي بس بقت طماطم لكن في واحد عرفهم برالمة وسألوهم تخصصهم شنو قالوا ليه هندسة معمار اول سنه 😊
الولد واسمه أحمد : اي عشان كده برلموكم 😂👊🏻💔
لميس : اي اي للأسف عاملين فيها ما بنتبرلم لكن فشنق 😂💔
الولد قال ليهم وانا احمد بقرا معمار برضو في سنة رابع يلا يعني سنيركم بوصف ليكم لميس طوالي مشت وراه
مرام قالت للميس بعد قرصتها : هيي ما بنتبرلم تاني والله كفاية كده 💔😂
أحمد سمعهم وقال ليها : لا والله ما عندي نية بالشكل ده ولو ما مصدقاني ممكن تقعدي تسألي بنفسك والمخاضرة بتفوتك 😅
لميس : خلاص ما عندنا حل غيره ما ممكن من اول يوم تأخير 😤👊🏻مرام قالت ليها خلاص تمام يلا
بس كانت وراهم حبة نظام لميس الفدية لو اتبرلموا تاني 😂💔ماقلت ليكم رمة
تاني حست في زول قفل ليها خشمها وموقفها مع الحيطة وقال ليها: اها كيف لقيتي اولاد جامعتنا حلوين صح!
مرام : اصلا عارفة دي حركاتك يا جزمة فكني😤✋
سامر : لا ياشيخة عرفتي كيف! 🤔😲
مرام : فكني قلت ليك
سامر : ياستي ماني سايبك ها عايزة تعملي شنو
وبالمناسبة ده رد بسيط على العملتيه لي اليوم داك انا شفتك لمن ربطتي الحبل
مرام : اااي صح ما انت عبيط تشوفني بربطه وتجي عادي تعدي 😂😂😂😂👊🏻
بس سامر ضغطها في يدها اكتر لمن صرخت وهي اصلا ما اتعافت من أمس 😥
سامر حس على روحه وفكاها لقاها لمن مخدرة والدم حابس فيها بقى يفرك فيها لحد ما رجعت عادية ومرام بتعاين ليه بحيرة
سامر : واجعاك!؟ 😟
مرام فكني يامتوحش
سامر : هه غلطان انا البشفق على واحدة زيك يلا من هنا بلا لمه
مرام مشت وهي اصلا دمعتها قريبة بقت تبكي وصلت القاعة لقت الدكتور دخل وبدون جرح كرامة عايزة ترجع الدكتور ناداها وقال ليها لأنه اول يوم بس ات

فضلي 😊✋
دخلت وقعدت في بينش كان فيه ولدين ما عاينت ليهم بس تاني شافت أحمد قالت ليه مش انت في رابع الجابك هنا شنو
أحمد : ااي صح لكن محاضرتنا اتلغت الليلة عشان الدكتور عيان حبة
تاني الدكتور سمعهم وطردهم الاتنين بس احمد بقى بحنس فيه
مرام : بخليه اصلا ما بهمَك بسي انت دي ما. محاضرتك 😂👊🏻وكان لي انا فأنا كمان ما طايقة الوضع 💔😂
أحمد عاين ليها وضحكوا سوا تاني عزمها قهوة في الكفتريا
وكان سامر قاعد لأنه نفس دفعة أحمد
أحمد شافه جاء سامر سلم عليهم وقال ليه دي منو المزة المرة وقبل يكمل كلامه لقاها مرام
قبل على أحمد قال ليه : ما تختار الا دي مالك قنعان من روحك 😁
مرام حذرت ليه شديييد 😏
احمد : ليه مالا حرام عليك انت ظالمها ياخ ظريفة 😂💔
مرام مسكت يد أحمد بدون تحس وقالت ليه انساه ماف داعي تبرر لحد وتشرح ليه انا منو تمام
سامر ما سمعها اصلا بس كان مركز مع مسكتها ليد أحمد هنا سمار عصب لمن عيونه حكرت جمر بس وعروقه نطت وبق يعرق وقال ليهم عن اذنكم ✋
أحمد : اذنك معك😊
أحمد : انتوا اتلاقيتوا قبل كده
مرام : ااا لالا بس موقف شكلك بسيط 😅
أحمد تمام تحبي تشربي شنو قهوة ولا شاي
مرام :قهوة سادة 😊✋
خلصت المحاضرة ومرام كانت بتتونس مع احمد وشال رقمها يعني اتصاحبوا
البنات ميساء وآنا ولميس طلعوا لقوها قاعدة معاه بس جات رنا شربت القهوة بدون تتفاهم مع زول وكملتها وهي سخنة شربة واحد وما لاحظت لأحمد وكان القهوة عاملك حول فمها خريطة 😂💔
كرام بقت تقرص فيها عشان تحس على نفسها
آنا : مالك ياخرة قهوة وشربتها ومدت ليها لسانها 😝
مرام من الخجل لمن خشت في ضفورها
لميس : اهلين مين حضرتك
ميساء لمرام : من اول يوم خلط وتخلينا بايرات يا خاينة 😂✋(بالمناسبة ديل خونة ولا عملاء لالا ديل مرتزقة 😂💃) هنا يادووب رنا حست انه في مخلوق قاعد 😂✋
وقالت ليه : هيي انت دي صاحبتنا نحنا وبس ما تخطفها مننا
أحمد بقى من الضحك ما قادر يتكلم (وأحمد نوع الاولاد المزز البجيبوا السكري بس روحه حلوة بتاع هظار بس ما عنده شي لزول)✋

#هي_المرام
-٢٥-
مرام : هيي يابت استهدي بالله خليني أعرفكم.عليه
أحمد ديل صاحباتي ويابنات ده أحمد بقرا نفس تخصصنا في رابع 😊✋
أحمد سلم على لميس وميساء جاء لي رنا وقالت ليه مابصافح عفوا ✋
هنا أحمد قال : واااي هرشوني جبهتي وينها يا اخواننا
مرام وميساء ولميس بصوت واحد : طاااارت روحت 😂😂😂💃✋
أحمد اتونس معاهم حبة واستأذن انه عنده محاضرة
لمن فات كلكم عارفين البنات عملوا لرنا شنو عشان كده ما حا احكيها مراعاة لمشاعركم وذوي القلوب الضعيفة ✋😂👊🏻

في نهاية اليوم ميساء ورنا شافوا بتاع تسالي جايي ورنا زي الهبلة جرت عليه بس شافت في زول جاء بعدها وشال قبلها ويلا انفصمت فيه وده كان أحمد
رنا شالته من يده رجعته للبياع واشترت هي أول بعدين رجعت ليه التسالي وقالت ليه : عشان تتعلم تحترم القبلك
أحمد ضحك وقال ليها : لكن انا كنت واقف من قبيل مشيت اخت تلفوني في العربية 😂✋
رنا : السيدات اولا وهن دوما على حق ومشت منه لمن وصلت للبنات كللهم عاينوا ليها كده 😍😋😋رنا فهمتهم وقالت ليهم ما تحااولوا ابدا بديكم براي عارفاكم وحوش
ميساء : يلعن ابو دي دنيا تخلينا ننذل لي رنا؛😂👊🏻
آنا : يلا انتي مافي ليك😏✋وانتوا ما عايزين تقولوا زيها مرام ولميس هزوا راسهم بمعنى لأ
بس تاني أدت كل واحدة 4 حبات
مرام كانت بتعاين ليها بخبث وهجمت عليها وبقت جارية منها واغلبه اتدفق لكن ماف وقت للحسرة لازم تنقذ البقية 😂👊🏻 مرام مسكتها من شعرها وبقت تكلكل فيها وده كله قدام البوابة والشارع كله بضحك فيهم
مرام : دي شنو القوية دي جيبي احسن ليك بكرامتك
رنا : علي بالطلاق ما بديك ✋
أحمد : يا مرام مالك عايزة تخربي بيتي من هسه 😂👊🏻
مرام ورنا بقوا عاملين كده 😲😟
أحمد حس على نفسه وقال بهظر بهظر 😅👊🏻 قومي يا مرام انا عازمك تسالي تاكلي فيه لحد بكره
ومشت معاه عشان يعزمها ورنا وراهم وقالت لمرام : اصل انا ما بحبه كنت بغيظك بس لكن ممكن تاخديه هاااك (دي حركات منها عشان عايزة أحمد يعزمها هي 😂👊🏻)
مرام : لا ما عايزة اتهني بيه 😏✋
رنا : خلاص خليك عارفة اني حا اتقاسمه معاك 😂💔
مرام : يسمك😏👊🏻
أحمد استرى لمرام بعشرين وقبل. تمسكه مرام رنا خطفت الكيس وجرت ومرام وراها وبقت تكورك يارمة استني
آنا جارية اتعترت ووقعت على خشمها تفت شلوفتها الفوق وبقت ما بتتقابل مرام خطفت منها الكيس وبقت شمتانه فيها وهي خشمها بنزف
ساقتها ومشت أحمد شافهم وبقى يضحك بعدين من شاف الدم جاهم جاري غسل ليهم خشمها ورنا رفعت قدومها هنا أحمد ضحك لمن حيله برررد 😂💔
رنا كشرت ليه بعدين قال ليها مادة بوزك ده كده مالك
رنا بتحاول تتكلم لكن بقت ملجنة وهو بضحك بس
مرام ادتها منديل وطلعت
ميساء ولميس كانوا بس متفرجين ما مجنونات زي ديل 💔😂👊🏻
مرام قالت لميساء ورنا يمشوا لأنهم مافي نفس الاتجاه تاني جاهم أحمد بعربيته صفر ليهم بالبوري ووقفوا
أحمد : ماشين وين
رنا: الشماء اللحمي (السماء الأحمر) 😂💔
مؤلمة يلا
أحمد تاني قعد يضحك وياجمال يوسف عليه
آنا : انت ماشكاك ام فيحانة(انت ماسكاك ام فريحانة 😏👊🏻)
أحمد سكت وقال لمرام ممكن اوصلكم لو عايزين طبعا 😊
آنا : يا (لا)
أحمد : والنبي تسكتي ما قادر تاني خلاص بطني وجعتني من الضحك 😂💔
رنا سكتت
مرام : اي ممكن توصل ميساء ورنا معاك بيوتهم بعيدة شوية وانا ولميس بنركب مواصلات 😊✋
أحمد : جدا اتفضلوا
ميساء ركبت ورنا واقفة بتفكر
احمد : ما تخافي ما باكل الأطفال انا 😂
رنا : يي زييف (ايي ظريف)
أحمد كتم الضحكة بالعافية تاني رنا ركبت ورا وميساء بدت تخلط أحمد عدل المراية وبقى بعاين ليها
وقال ليهم. اها منو فيكم اول؟
ميساء انا بيتنا أقرب
ووصلها رنا عايزة تنزل ميساء قالت ليها ويين ماشة انتي ما كلمتيني انك بايتة معاي
✋
هنا أحمد اتحسس من حركتها وقال ليها ما تخافي انا ما مجرم والله وممكن أنزلك عادي وبديك حق المواصلات كمان لو عايزة بوصلك حد البيت بالمواصلات.
رنا حست نفسها كترتها وقفلت الباب وقالت ليه سوق
ووصلها ولمن عايزة تنزل الباب كان مؤمن قرب منها شديييد وبقت تبكي
أحمد : هسه مالك يابت الناس 😳
رنا : عامل فيها الشريف الرضي ده شنو البتعمل فيه ده
أحمد ما اتكلم بس أشر ليها بيده بمعنى الباب مقفول وانا فتحته ليك
رنا بعد فهمت خجلت من تصرفها ونزلت بدون. تتكلم بس احمد ناداها وحات راجعة وآدابها كيس كبييير وقال ليها افتحيه جوا يلا
رنا عايزة تمشي قال ليها عفوا عاينت ليه بافتراء ومشت فتحت لقته كلله تسالي وشوكليت و رده حلوة طبيعية كانت توليب سوداء عملتها في رأسها وبقت تتهابل بيها وكانت مبسوووطة جدا
أما أحمد بعد نزلت : مجنونة 😂💔
نرجع لمرام
ولميس ما لقوا مواصلات
جاتهم سيارة مظللة وقال ليهم اركبوا يا حلوات والله حرام تكون حايمنين براكم يامزز 😉
مرام مسكت لميس من يدها تأهبا للجري بس تاني مرام حسته مسكها من يدها وبقى بجرها عشان تركب في العربية وهي بتصرخ وبتدمع لمن جاهم ولد وقال لي مرام : وينك حبيبتي من قبيييل بفتش فيك ياخي

قام الراجل قال ليه : لو سمحت دي بضاعتي الولد واللي هو سامر طلع ليه مسدس وضرب الراجل بيديه ساي لمن قرب يقتله وهدده بالمسدس وفات الراجل ومرام من الخوف حضنت سامر وبقت تبكي بعد شوية سكتت سامر قال لي لميس ارح معاي انا بوصلكم بس تاني حس بشي بااارد في كتفه عاين لمرام ورفع رأسها لقاه دم نازل من انفها لمن بقى برجف 😳
لميس : مممرام مالها يا سامر وبقت تصرخ
سامر لمن دمع وقال ليها ماعارف ياخي
وشالها و اها المستشفى ولما وصلت سألوه بقربها شنو
قال ليهم انا خطيبها لمن لميس انخلعت
وهو زاااته ما عارف ليه قال كده
بس الممرضة طلبت منه يدفع الرشوم دفعا ورجع للميس وبقى بهدي فيها وهو لي روحه قلبه طاير 💔
الدكتور بعد طلع كان بتنرفز بشكل ما عادي وبقول الجيل ده ماله راكب رأس كده (نحنا الجيل الراكب رأس ما بحكمنا رئيس رقاص 💃😂💔) بستهتروا بطريقة خيالية هسه كان ممكن تروح فيها ياخي
سامر جرى عليه وكله عرق وبرجف قال ليه : هي حاليا كويسة لكن محتاجة تفحص وتعمل فحص شامل ورسم قلب بأقصى سرعة كمان وربنا يقومها بالسلامه ان شاء الله ولازم تخلي اهمالها ده لو عايزة تعيش
سامر : طيب ممكن نشوفها.؟ 😥
الدكتور : لا الا بعد ساعتين
تمت الساعتين وما صحت سامر جرى كلم الدكتور وقال ليه لو ما صحت الان بتخش في غيبوبه مدى الحياة سامر زي الضربوه كهرباء مصدوم
والدكتور نادى الممرضة قال ليها جيبي جهاز الصدمات بسرعة لازم نعمل ليها إنعاش للنبض ده ااخر امل ✋
لميس ما كانت عارفة كل ده مشت تحت تجيب لسامر اكل وليها
الدكتور بعد طلع منها قال لي سامر للأسف ما نفع معاها نديها تاني نص ساعة ونراقب احتمال اصحى
سامر : ممكن افوت اشوفها
الدكتور شافه متأثر جدا وسمح ليه ودخل لقاها مرمية زي الجثة ومسك يدها بس وبعاين ليها ما نطق ولااا كلمة بس نزلت من عينه دمعه حااارة في يدها (نزلت مني دمعة والأمة مجتمعة واليوم ده كان جمعة 💃بالمناسبة دمعة جداد ولا لحمة)
مرام بدت تفتح عيونها شوية شوية وسامر مااااصدق طوااالي حضنها وهي مستغربة بعدين حس على روحه وفكاها قال ليها سلامتك 😥💔
مرام : الله يسلمك وعايزك تقوم مسكت راسها وقالت اااخ ده شنو والجابني هنا منو
سامر : خلاص هسه ما ترهقي نفسك ارتاحي وطلع منها مشى المسجد صلى ركعتين شكر
بعدين لميس جات وقلبتها دراما
وبكاء ومخاخيط 😂😂😂💔ارفة ارفة نفسي مقرفة 😂💔👀
بعدين دقت لأهلها جوا واهو بكاء الاهل المعروف
بعدين ابوها مشى يدفع الرسوم الممرضة قالت ليه خطيبها دفع واستغرب من كلامها تاني جاته امها وقالت ليه
شفت يا احمد كلمتك انا البت دي بتروح مننا انا خلاص قررت تاني ما بصبر يوم والبخاف عمره ما بنجح على الأقل بالعملية بكون عندنا امل ولو بسيط لكن كده نحنا بنوجعها وبنعذبها ساي والله ✋
أحمد : لكن انتي عارفاني ما بقدر اجازف وبعدين امل شنو ده 4% ده امل ليك هسه 💔
امها : لكن ما بقدر اشوف بتي كده كل يوم ياخي ما بقدر وانهارت بالبكاء ابوها جاء ضماها وبقوا يبكوا سوا
والكلام ده كله سامر كان سامعه
وطلع مستعجل وسايق بسرعة خيالية بس ربنا ستر عليها من موتة ومشى مكانهم داك عرفتوه لقى عمار قاعد فيه اول ما وصل عمار مسكه وقال ليه عايز اقول ليك حاجة لكن ما تزعل مني تمام
سامر قال ليه قول تاني ما عندي طريقة زعل انا سامعك
عمار : بصراحة انا عايز اقول ليك اني ملاحظك متغير جدا الايامات دي صح قلت ما عايز اعرف لكن برضو لو ما عرفت ما بقدر اساعدك وما بقدر اشوفك كده وأفضل ساكت فياريت توريني مش انا بئر اسرارك وصحبك
سامر : والله شوف القصة معقده شوية وهي اني........

يتبع......

#هي_المرام
-٢٦-
سامر بعد ما كان عايز يكلمه بالحضل سكت والف قصة من راسه بس عمار ما صدقه لكن ما حب يضغط عليه اكتر
عمار : سامر ده شنو الدم ألفي قميصك ده 😱😳
سامر اتذكر ده دم مرام وقال ما عنده حل غير يحكي ليه وفعلا كلمه
عمار : شوف انا كلمتك تبعد منهم البنات ديل عارف بجي يوم زي ده
سامر : هسه في شنو مالك انفعلت 😳💔
عمار : انت بتحبها وتقول لي منفعل مالك 😤
سامر بقى بضحك باستهتار وقال ليه خلي الوهمنة يا مان حب شنو ياخي وبعدين انا حاليا مرتبط بانسام تمام والبت دي ولاااضفر اصبع رجلي تمام فما تخاف 😊✋
عمار : طيب ممكن تفسر لي ليه كده معرق وخايف وليه اتعاملت معاها بالصورة دي ✋
سامر : شوف رجولتي ما بقدر اخليها تعاين لي في مواقف زي دي هي كانت محتاجة لي تمام عشان كده ساعدتها
عمار : شوف انا والله ما مانعك تحب لكن ما تحب الزول الغلط وفي الوقت الغلط ده كل الغلط انت فاهمني
سامر : يازول انت بتفكر في شي ماله صحة أبدا انسى وما توصي حريص تمام
عمار : طيب ربنا يقويك 😊

اما مرام بعد اتعافت وتمت يومين في المستشفى قالت لأهلها انه زهجت من جو المستشفى وعايزة ترجع
امها مشت كلمت الدكتور وقال ليها كويس لكن لاتعب ولا توتر ولا خوف ما بنفع معاها لو حصلت ليها حاجة بالشكل ده ولا زعلتوها تاني انا ما مسؤول كلمتكم وحنستكم تعملوا ليها العملية لكن براحتكم ✋
امها : تمام بنهتم بيها

رجعوا البيت ومرام طلعت ترتاح نامت ما صحت الا نص الليل سمعت عمتها بتتكلم بالتلفون
علياء :شوف يا أنور انا عملت العلي تاني دي شطارتك ورينا ليها
أمور : طيب يا خالتي لكن هي ما راضية تشوفني حتى اقنعيها ياخي
علياء : أمري لله بس خير بحاول اخليك تشوفها لو ما رضت بالقوة بجيبها اتفاهم معاها براك تاني بس بدون تقفل الخط مرام جات شالت منها التلفون ورمته وبقت تصرخ يا مااااا ما بااااابا بسام ومنيرة تعالوا سرعة شوفوا في شنو هنا 😤
علياء ادتها كف وقالت ليها انطمي يا عواليق احسن مااقتلك
مرام : هه عايزاني اعرس ها اصلا عارفه ماما ما منها براها اكيد لعبتي ليها بمخها يا حية 😏👊🏻
علياء :حية ولا زفت انتي حا تعرسي وأنور ما غيره فاهمة ولو حاولت تقلي أدبك ما برحمك لا انتي لا امك فاهمة
مرام : لالا دقيقة انتي بتهدديني وعلى أي أساس انتي المجرمة ما ماما 😤👊🏻
علياء : هههه شكلك ما عارفة امشي اسأليها لو ما مصدقة 😂✋
مرام ولا ردت ليها مشت لأمها تحت وهي نازلة اتعترت ووقعت من السلم اتجرحت في رأسها وبقى بنزف وامها جات جارية مع صوت الرقعة بقت تبكي وشغالة ليها سامحيني يابتي
مرام قالت : يا ماما دي مجرد جرحة بسيطة مافيها شي ما تخافي😶
امها ساقتها وطلعت ضمدتها ليها وعايزة تطلع من الغرفة مرام مسكتها من يدها
مرام : اقعدي عايزة اتكلم معاك ولو بتحبيني تجاوبيني. بكل صدق تمام حلفتك بحياتي يا ماما،😭
امها قعدت وبقت تسألها من الحصل وحكت. ليها القالته ليها مروة
امها : مرام انتي فاهمة غلط القصة ما كده
القصة انه قبل قريب 20 سنة كننا انا وعمتك علياء ومرة اسمها فاطمة ونور صاحبات شديييد وما بنتفارق لكن عمتك دي كانت ما. كويسة يعني كانت بتسكر عرفتي ونحنا ما عارفين وتاني اتفرقنا من. الجامعة وكنت انا ساعتها مخطوبة لابوك وكانت علياء دي صاحبتي الانتيم المهم انا اتزوجت ابوك وجبت بسام
وعمتك دي كانت بتحب واحد معانا في الجامعةوفجأة اتصدمت انه نور بتحبه برضو وهو بحب نور دي واتزوجوا ونور كان عندها ولد منه عمره 4 سنوات وهي حامل كانت بعدين ما اتقبلت الفكرة دي واتصلت لنور وفاطمة نظام عازماهم جبنة وانا عرفت بالصدفة بالموضوع لكن مشيتها ليهم انهم ما عزموني بعدين عمتك قالت لي تعالي انتي ما محتاجة عزيمة اصلا كل يوم معاي وياريت ما رحنا وبقت تبكي 😭💔
مرام : ماما كملي 😳
وبقت تحكي
بعدين انا وفاطمة اتلاقينا في المحطة ومشينا عليهم ولما وصلنا لقيناها قاعدة بتسجر وبتتونس مع نور سلمنا عليهم وقعدنا
بعدين هي مشت عملت القهوة
وكبت لي كل واحدة مشروب في فنجانها لكن نور ما شربت لأنها كانت حامل أبت
اما فاطمة شربت حبة يعني ما كترت وانا الوحيدة الكترت منها وكنت بحبها جدا المهم هي كانت كل ما اطلب تكب لي جرعة لحد ما سكرت خلااااص
وفاطمة بين بين
بعدين نور استأذنت تمشي الحمام وهي طالعه منه علياء كبت ليها زيت في السلم وجات طالعة وقعت وكانت في الشهر الخامس
بس ما حصل ليها شي بقت تمشي بالعافية وصلتنا اناكنت شبه ما واعية
لكن فاطمة شافت علياء جات على نور بالسكين وطعنتها في كتفها كم مرة وجرت فاطمة انصدمت لكن ما سكتت اسعفتها والدكتور قال ليها ممكن نفقد الطفل محتاجين رحم بديل عشان الطفل ده ما يروح مننا لكن فاطمة كانت متزوجة امين وما تموا 4 شهور من. زواجهم لكن قالت حتى لو اتخرب بيتي ما مشكلة المهم الطفل وفعلا زرعوه ليها في رحمها والحمدلله عاش وكانت بنوتة
بعدين نور اتوفت وفاطمة لمن جاتها نفسيات وانا كنت مهتمه بيها جدا وما كنت عارفة الحصل شنو يومها لاني كنت ما واعية
المهم عدت الشهور و

فاطمة ولدت وقالت حا اسميها أميرة مع انه ما من حقي بس يلا عجبني الاسم وحتى هي انفصلت عن امين بسبب الحادثة دي
وأمين انا شاكلته وكلمته بكل شي انه نور ماتت وده طفلها في الأول ما صدق بعدين سأل الدكتور وأكد ليه كده
اما علياء فاختفت بعد عملتها ديك
تاني راجل نور الله يرحمها ساق بته وولده ومشى
مرام : بس دقيقة يا أمي ولده كان اسمه منه!؟
كان اسمه سامر لأنه انا ونور اتفقنا البتلد اول تسميه بسام وهي ولدت بعدي بشهرين
َمرام هنا يادوووب القصة وقعت ليها وقالت لأمها وبخصوص زواجي هي الجبرتك صح! ؟
امها قالت ليها اي خليني اكمل ليك القصة
بعد فاطمة اتعافت وبدت تتذكر الحصل ليها
علياء ظهرت وقالت لي انه انا القتل نور وحتى قالت لي انا شفتك بعيوني كنتي سكرانة وعندي ليك كم صورة إثبات كمان
أنا صديقتها للأسف وبقيت ساكتة
بس فاطمة لمن عرفت بالموضوع ده كان بعد كم سنة من الحادثة زي بعد 7 سنوات وهي كانت عندها بت صغيرة اسمها جلنار عمرها كان ما بتعدى ال4 شهور
ونسيت اكلمك نور دي كانت أصغر مننا بكتير لكن ذكيه ونحنا مربتين قريب اربع مرات،
بعد داك فاطمة كانت جالياني في البيت والكلام ده بليل وكان عندنا عرس قبل سنتين الكلام ده المهم جات تكلمنيربس لقا علياء براها
وبقت تهدد فيها أنه لو ما سابتني في حالي بتبلغ الشرطة
علياء طبعا داهية مسكتها من يديها ربطتها في الكرسي وساقت مروة وكانوا ماشين علينا وهي قاصدة خلت مروة تسوق ✋😟
واتصلت لراجل عشان يفك فاطمة وسكها يوصلها الزلط وبعداك صدمتها مروة وانتي عارفة الباقي
مرام : لكن يا أمي بغض النظر عن وحشيتها دي انتي ليه رضيتي تحبسوها كده وتعذبوها
امها قالت ليها وهي مخلوعة نحبس منو 😳💔
مرام : فاطمة يا أمي انتي ما عارفة انها خاتاها في المخزن وجاتها حالة نفسية من الحاصل ولو شفتي حالتها بتبكي😟
امها بس بقت مصدومة لأنها ما عارفة ده 😳💔💔
مرام ساقتها وقالت ليها تعالى معاي فتحت ليها الباب ولحسن الحظ كانت الطبلة ما مقفولة علياء كانت فاكرة نفسها قفلتها وأم مرام اول ما شافت فاطمة حضنتها وبقت تبكي
تاني فاطمة لمن شافتها انصدمت واغمي عليها ولمن صحت رجعت طبيعة الصدمة رجعتها وبقت تقول ليها وين انا والجابني هنا شنو
مرام حكت ليها
فاطمة : كويس يا علياءحسابك عندي
مرام : ماما لازم نكشفها ونرفع دعوى قال ضدها
فاطمة : هه هي غنية ممكن تطلع منها بكم رشوة احسن نعاقبها بطريقتنا وبقت تهمس ليهم يعملوا شنو

ورجعت عملت نفسها مجنونة جاتها علياء ادتها اكل بواقي وطلعت
وفي المسافة دي مرام وامها جابوا صابونة وطبعوا فيها المفتاح،
ومشوا طلعوا واحد بنفس الحجم....
نمشي لسامر بعد خلص من ونسته مع عمار رحع وحاول ينوم بقى بفكر في كلام عمار وتاني قال : لالا مستحيل اكيد هو غلطان ورجع نام
لمن. صحى الصباح بدري على غير عادته
أميرة 😳
سامر : مالك مخلوعة كده سوى لي فطور انا جعان ما عاوز شاي تمام
أميرة : تاني عليك الله ما تخلعني وتصحى بدري قلبي لايتحمل ✋😂
سامر شداها من شعرها وبقت تصرخ وتقول ليه يا حاسد عشان ما عندك زيه
المشكلة انه شعر سامر احلى من. شعرها
سامر: ابو سن بضحك على اب سنين 😂💔
أميرة : نن ظريف
سامر : عارف...
وطلع غرفته بقى. بخلط مع انساك وهو اساسا ماسك بيها زمن ساي وهي لصقة أظن ما محتاجة اوصف ليكم قدر شنو 🌚💭

اما في جهة تانية في غرفتها قاعدة وبتدندن وتغني مع انه صوتها زي القعونجه
سمعت صوت خالتها : يازفته رنا تعالى ساعديني جايننا ضيوف الليلة وإياك ثم إياك تطلعي بكعكاتك ديل وبجامتك دي زي حقت الحبش فاهمة 🌚👊🏻
رنا :سمح
سمعت صوت الباب وقالت ليها امشي افتحيه
رنا : ابيييت😛
خالتها واسمها سلمى :يابت طيري ما تخليني أديك بالمفراك ده
رنا : عايني انا لابسة شنو 🌚🚬
سلمى : طيب نادي رامي يفتحه وزي ماقلت ليك ما تجي نازلة تحت فاهمة بتفضحينا
رنا : ذنبي شنو ياخي اذا حكايتي زي سندريلا🐸
خالتها رمتها بالشبشب وطااخ في ظهرها
رنا : شفت الليلة أصله ما بناديه خلي الشبشب يناديه ليك 🌚👊🏻
ورامي كان فتح الباب وهم بتناقشوا وده كل قدام الضيف وهو صاحب رامي وود عمه وكان كاتم الضحكة بالعافية
رامي : يارمة ده شنو ده مالك مع امي من الصباح 🐅
رناسفهته ما ردت
رامي : طيب تعالي سلمي على أحمد ( ااااي شاطرين ياهو زااااته أحمد صاحبهم في الجامعه 🐸💔)
رنا قالت لو احرجته رامي بديتي كف يغير خارطة وشي
مدت ليه يدها وقالت ليه انا رنا
أحمد :. معليش ما بصافح واصلة ✋🌚
رنا عرفته عايز ينتقم منها عشان احرجته والدينا دواااارة 😂🚬
بس قالت انا بوريه
مشوا قعدوا في الصالون وسلمى مشت تسلم عليه
وهنا.هي انتهت الفرصة وكبت في العصير بتاعه ملح وشطة كتييييرة
واصرت تقدمه ليهم ومشت أدتهم
أحمد اول ما شرب شرب كبيرة حبة (عشان كده دااائما استهدوا. بالله حبة حبة😂💔)
وبقى وشه احمممر وبقى بكح ورنا كانت جنبه بقت تخبط فيه بكل قوة لمن حس بقلبه في حلقه👊🏻
وقال ليهم ماشي الحمام ومشى لقى الحمام كله. صابون مدفق واتزلق وقع
وده كله تخطيط.ر

نا طبعا
بقى على العليه مكسر
آنا جات طبعا الشماته وصورته
أحمد : انا عملت ليك شنو ياخي عشان تسوي لي كده حرام عليك 😟✋
رنا مدت يدها عايزة ترفعه جراها معاه وانتوا عارفين كيف الوضع محرج وقلبها عمل شحححح💓💓ومن الخوف لمن بدت تعرق وبقى ماسك يدها وقال ليها: اعتذري عشان افكك
رنا بقت بتحاول تتفك بس ما قدرت وبدت بسلاحنا المفضل الا وهم الدموع🐸✋
أحمد شافها بتبكي فكاها وقامت قال ليها ما عايزة ترفعيني 💔
رنا قالت ليه لا طبعا وتفوو عليك🌚🚬
أحمد بعد مشت ضحك لمن حيله برد وقام مشى بره وضهره معسم من الوقعه لمن سألوه ولااااكضب قال ليهم دي رنا كبت الصابون واتزحلت في الحمام 😥
قامت سلمى قلعت فردة سفنجتها ودخلت ليها وسمعوها بتبردب وبتجري من خالتها وهي شغالة ليها الليلة بطهرك يا رمة اقيفي هنا 🤬😠
رنا : بس وريني انا هسه مالي
عاينت لرامي وأحمد بضحكوا فيها وأحمد نسى ظهره من الضحك
سلمى : اقيفي ما تخليني احصلك 😠👊🏻
رنا : حصلي ساااي ارح زاته لي زمن الرياضة دي 🌚🚬
استفزتها وبقت جارية وراها
ولمن بقت روحها محاصرة وقفت ورا أحمد ومسكت فيه قوووي
وخالتها ما لاحظت لأحمد وزعطته لمن دمع 😂💔
سلمى : معليش ياولدي ما قاصدة والله
أحمد : اااخ ظهري هو اساسا اتكسر ما حرام عليك انتي ما بتخافي الله وغمز لرنا نظام اهربي يلارنا ولااااكضبت جرت وقعدت في الغرفة وقفلت الباب عليها✋🐸
رامي : بالضحك قلبه انقطع وقال لأحمد معليش سلمان الليلة انجلدت 😂💔
احمد : لا ولا يهمك
رنا اول ما طلعت نامت وصحت بعد ساعة ونزلت تحت ولااكأنه في شي حاصل بس لقت سلمى وبتحدر ليها
جات مسكتها وباستها في رأسها وقالت ليها : لمتين حا تفصلي كده زعلانة ما انتي خالتي الحلوة وبالمناسبة الليلة مالك كده نحفانه
سمعت صوت أحمد بقول ليها : حنكك بييييييييش
أنا المفروض تعتذري ليه ماا خالتك انا اتضرب وهم يعتذروا ليهم
سلمى بقت تضحك ورنا بس مكشرة
المهم فطروا وقيل معاهم لحد بعد الغداء رنا كانت بتعمل في الشاي
جاها أحمد وقال ليها انا حا اراقبك يلا ما ناقص تاني مقلب جديد 🐸💔
رنا لأول مرة تضحك وهو بس بعاين ليها وسرحان فيها
تاني طقطقت ليه نظام صحصح
انتبه قال ليها اها خلصتي
قالت لي اي يلا خده
شاله ومشى شرب معاهم واتونس حبه بعدين رامي قال ليهم ارح نطلع رايكم شنو!
رنا قالت ليه ما ماشة عندي قراية✋
رامي : اصلا ما طلبنا رأيك ماشين انا واحمد نحضر فيلم ونجي 🌚🚬
رنا : يلا عشان كلامك ده طايرة استنوني البس
مشت لبست شحاطة بتاعت حمام وعباية مفتوحة وبنطلون جينز وتونيكة بيضاء وطحة لونها كده غريب بين بنفسجي لكن ما بنفسج المهم وطلع
رامى : وين وين بالشحاط ده ما بتمشي خطوة معانا بتضيعي لينا المزز كده وغمز لي أحمد. وضحكوا 😂👊🏻
رنا : خلاص خليتها وعايزة ترجع رامي مسكها وقال ليها بهظر بهظر والله ارح 🌚✋
رنا : وانا زاااتي بهظر تخيل اني حا اخلي ليك الطلعة ما حزرت
رامي : الحسنة في الملعون 😂💔
وطلعوا آنا قعدت في الطرف وكان فيلم رعب وأحمد في النص ورامي طرف برضو
أحمد : ههي انتي احسن ما تحضريه ما ناقصين صريخ نحنا فاهمة👊🏻🌚
رامي : منو دي البتخاف يا اخوي دي تخوف وتاكلنا بدون ملح انساها بس الخوف انت تترعب
هنا رنا ضحكت وما عرفوا البسكتها شنو 😂💔✋صعبة كان قامت
بس الفيلم. بدأ وكان مخيف شدييد وكل مرة أحمد بسرق نظرة لرنا بلقاها ولاااابترمش. ولا بتخاف بس تاني قال فعلا متوحشة دي 😂💔💔
تاني جات لقطة مخيفة شدييد في الفيلم انه راجل بقطع في التاني بالمنشار وهنا خلاص رنا غمضت عيونها شديييد ومسكت في قميص أحمد وبترجف تاني أحمد حس بيه ما نفع معاها
وطلعوا ما كملوه
أحمد : مش قلنا ما بنخاف 🌚💔
رنا : ماردت ليه
بس رامي جاه اتصال انه صحبه عمل حادث وجرى قال لي أحمد يوصلها
فعلا وصلها وقالت ليه وقف لي هنا عند الدكان
نزلت وهي اصلا مصاحبة سيد الدكان وهو كمان دمه خفيف بقت تقول ليه اديني رصيد ولبانة عبيطة
هو : في اعبط منك بالله
رنا : اتلم ما فايقة اديني بسرعة وقالت ليه مبروك عرس اختك سلم لي عليها الشافع تعرس قبلي 🌚مششششم محن يازمان
سيد الدكان واسمه عمر: صحي متين حاتفكي بورتك؟
رنا : ما تفكها لي انت 🐸💔
عمر :. بري مالي جنيت انا يلا يابايرة من هنا 🌚✋
رنا: اديني ال.........
جاء أحمد مسك يدها وبكل قوة قفل الباب وقال ليها وبالنسبة للحمار الواقف مستني ده 😤✋
رنا زعلت راتحمقت وبقت تبكي
أحمد : اووووف هسه مالك الببكي شنو انتي تغلطي وتبكي
ورنا طبعا ما بتخلي حقها وهي بتبكي بتشاكل وبتردح المهم ما تسكت قالت ليه : انت جريتني وما خليتني اشيل الرصيد يا معاق تف عليك نزلني هنا يلا وبقت تصرخ 😭💔
حاولت تفتح الباب ابى يفتح معاها بس بقا تضرب في الباب وهي قاعدة قدام طبعا
بس تاني أحمد مسك يدها وقرب منها شديييد وباستها في خدها وهي خلاص فصلت لا ارادياََ وبقت ساكته ساااي لحد ما وصلت ونزلت
لمن دخلت البيت كانت عايزة تنوم اتذكرت الحصل وبقت تتبسم براااها زي المجنونة جاتها سلمى رمها بالشبط
وقالت

ليها البايرة الموهومة وين رامي ماله ما جاء
رنا.قالت ليه صحبه عمل حادث ومشى ليه ✋💔
سلمى : ياساااترربنا يعافيه بس
طلعت منها وفتحت تلفونها بقت مشغلة اغاني طيور الجنة وبتجعر شافعه اصلاتاني جاتها رسالة من رقم غريب مكتوب فيها اااسف 💔
قرتها ونامت صحت الصباح لقت مكالمات من نفس الرقم. ولا رجعت ليه وفتحت الرسائل لقت واحدة من ناس زين انه رصيدها اتعبى ب500 جنيه لمن شرقت من الخلعة 😂😂💔
ما متعودة يا اخواننا دي بقت زولة يومي اللامحدود البي خمس جنيه داك🌚🚬
تاني اتصل نفس الرقم والمرة دي ردت
المتصل :الوو
رنا عرفته من بحة صوته ده أحمد
رنا :.....

يتبع.... ياجماعة آنا دي رنا الكييورد عواليق معذبني والله 😭💔👊🏻