اموركم لحد بكره وبجي اشوف حالكم اوكي 😔😊
المرة : الله يديك العافية ويوفقك يابتي ويين ما رحتي 😭
طيب يلا
رجعت البيت وبفكر كيف لسه في ناس بعانوا بالطريقة دي وماف زول بساعدهم وهم بجوعوا ايااام كده
لا لاااازم اعمل حاجة اساعدهم بيها
قررت اني اول ما انزل جامعة حا اعمل نظام منتدى او جمعية مش خيرية بس تعاونية لعلاج مرضى السرطان ودعمهم ماديا ومعنويا وحا انزل اغاني وحاجات اطرح فيها معاناتهم وياريت بتغير الحال
مشيت فتحت شنطتي ولقيت الحصالة البلم فيها من وانا طفلة يعني من عمري 3 سنين بلم فيها ريال ريالين لحد ما اتملت وجيت الليلة كسرتها ولقيت فيها مبلغ 1500 ريال فيما يعادل هنا عشرة اضعاف المبلغ قلت حلو جظا بساعد ومشيت لماما
انا : ماما ممكن تديني قروش عايزاها ضروووري
امي : كم يابت ؟!
انا : عايزة قروش 😇
امي : شيلي من محفظتي 😊
انا :لالا عايزة اتنين مليون بس دين بس 😐
امي : مليونين عايزة بيها شنو كمان صح انا بشتغل بس ما عشان نبذر القروش كده ياخ انتي ماف شي ناقصك
انا :ماااامااااا
بلييز واوعدك برجع بابا برجعهم😢
امي :بس وريني عايزة بي المبلغ ده شنو 😕
انا حكيت ليها الحاصل كلله
امي :.......

#هي_المرام 🎀
بقلم : ÄmNa Ëzadeen
💞١٠💕

امي : بس لكن دي قضية كبيرة واجتماعية ما بتقدري عليها براك انا بساعدك بس شوفي معاك كم زول من جامعتكم واعملوا نظام جمعية او منظمة وحبة حبة حا تكبروها وحتغيروا كتييير وانا هسه بس معاي مليونين والله لمن يرجع ابوك اساليهو وشوفي رايه في الموضوع ده لو بساعدك 😁
انا : اي صح كلامك انا لازم اشوف ناس اذا بساعدونا لانو الحال كده بمشي اكعب والله وانا كشابة سودانية ما حا اسكت مادام انا بقدر اعمل حاجة لبلدي ليه ما اعملها عشان كده حا الم حق علاجها وزي ماقلتي حبة حبة بنبني كتيير

#كسرة

عمل الخير ما بحتاج وقت محدد اي زول بقدر يساعد ولو بجنيه مفروض يدعم المرضى واي زول محتاج وزي ماشايفين كل الدول اتقدمت فلازم نواكب نحنا كمان وانا ان شاء الله نقدر نحسنها

.......................

امي : طيب هسه انتي اطلعي غرفتك تمام وانا بجيك بعد شوية اوكي يلا عشان شكلك تعبانة 😊
انا :طيب
طلعت وانا كنت زعلانة لسه في ناس بتكون محتاجة كده بس بدون ما احس وقعت مني دمعة بس واترميت في السرير تاني بس خطر على بالي البت الاتشاكلت معاها ما عارفة ليه بس قلت لاازم اعتذر ليها تاني اتراجعت وقلت هي غلطت علي ليه اعتذر انا وفي عز تفكيري غفيت 😪😴
..
صحيت والساعة كانت 6:30 مساء نزلت ليهم تحت وقلت لماما ليه ماصحيتيني
قالت لي كنتي تعبانة وما عايزة اصحيك قلت اخليك تكملي نومك وترتاحي
قلت ليها طيب وين مروة ؟!☺
امي : مروة برة تقريبا بتسقي في الجنينة اطلعي ليها هي زاااتها سالت منك
انا :طيب ماشة ليها
مشيت لقيتها شايلة كمان وبتعزف وخلت الحبشية هي تسقي
انا : الله الله وريتينا لكن العزف 😂🌚✊🏻

مروة : انتي قبيل طرتي مني وين ياحيوانة
حكيت ليها بقصة المراة وكده اتاثرت حبة ورجعت تعزف🐸🤝🏻
انا : يابقرة انتي ياعديمة الاحساس والانسانية انا حكيت ليك قصة وببكي فيها ساعتين جاية تعزفي دمك بقري لكن 😂😂😂😂😂🌚😒🤭

مروة : انتي يعني فرقت معاك ما اصلا كده في ناس بموتوا بالحاجات دي في منهم مرض وناس جوع وناس موية مالاقين 😔
انا : طيب ليه انتوا متحملين كده وساكتين مفروض تعملوا حاجة على الاقل تكونوا حاولتوا ما قعدتوا زيكم زي اي كرسي ولا شي 😭
هم بتعذبوا ونحنا هنا ولااا هامينا 😔😏

مروة : شوفي انتي ما تبقي عاطفية كده الامور دي كللنا مرينا بمرحلتك دي اتاثرنا حبة وتاني نسينا لاننا عارفين ما حانقدر نعمل شي عشان كده انسي وتعالي شوفي انا اتعلمت معزوفة جديدة تعالي اسمعك ليها
انا : طيب هسه ما بناقشك لوقت تاني ارح سمعيني ليها 🤤😐
بدت تعزف وانا بس خطرت في بالي فكرة حللوة
انا : مروة مروة جاتني فكرة حلووووة رايك شنو انتي تعزفي وانا بغني ونحاول نعمل فيديوهات كده ثقافية او ممكن نطرح فيها معاناة الناس ديل في شكل فيديو مع اغنية حلوة وننزلها في حسابي حق الانستا رايك شنو مش فكرة حلوة 😌😎😀
مروة : اااي ممكن والله بس في مشكلة
انا : شنو 😐😦😦
مروة : صوتك زي البقرة منو البتحمله 😂😂😂😂
انا : عايني بطلي هبالة وخلينا نفكر ونالف اغاني حلوة وصحي ميساء كمان بتالف كتيير ةرنا بتعرف بيانو كده خلااص فرقتنا كملت 😊
مروة : ماشاء الله بقينا one Direction وانا ما عارفة 😂😂😂😂
انا : انقلعي من قدامي قبل انتهي منك 🌚🤝🏻
مروة : طيب طيب ورايك شنو كمان نعمل منظمة في الفيس قروب يعني 😀😉
انا : اي ممكن فكرة حلوة بس هسه انا صدعت ارح معاي الصيدليه اجيب اكسترا عشان الصداع ده مابروح الا كده
مروة : انتي مش الدكتور اداك علاج ليهو ولا مامشيتي 😕
انا : لالا بس هسه خلص وهنا ماف جنبكم خليني اخد اكسترا وبروح اصلا ببلعها عادي يلا 🌚

...
مشينا وكانت الساعة 7:30 جبناهو ونحنا في الطريق قلت ليها استني بس عايزة رصيد اتصل لناس رنا
جبت الرصيد ونحنا راجعين طريق البيت كا فيهو كلبين او تلاتة تقريبا 🐕والاتنين خايفين بس جوا اطفال ولدين رموهم بالحجار وانا بس العباية في ركبتي وبجري وبصرخ ومرات اضحك واحاسيس ملخبطة 🌚✊🏻
ووراي مروة تبكي وتضحك لمن خشينا شارع كده زاااتو ما عرفناهو ونضحكك باعلى صوت ومرة نبكي وغايتو مساطيل 😂😂😂😂
مروة :ياعواليق تخليني وتجري بلاء ياخدك 🌚🤝🏻هسه كان عضاني مشكلتك
انا : لو كان بخاطري انا ...🎶لو كان بكيفي كمان🎶💞 ...ماااكنت اسيبك يوم وليك 🎶عندي اغلى مكان..🎶. نسينني ولا اييييه 💞ارتحت للنسياااااااان 🎶
(معليش انفعلت حبة 🌚✊🏻🤝🏻)

بس ركزت لقيت في نسوان بعاينوا لي وسيد الدكان ومروة وكللهم منبهرين 🐸
انا : بصوت وااطي وبهمس.مروة في شنو مالهم ديل 😐
مروة : ....
انا : بت تتكلمي ولا اقرصك انا عملت شنو بعاينوا لي كده 🌚🎶

المرة قالت لي ماشاء الله يابتي صوتك حلو عدييل والله 😮
انا :هه شكرا😅
مروة لسه فاصلة لمن قرصتها 😈
مروة :مالك يازفتة 😐
انا : لي ساعة بردح معاك وماشغالة بي سرحتي ويين
مروة : لالا بس صوتك ابهار بجد يابت ده صوتك ولا فاتحة التلفون انتي صح 🌚🤝🏻🐸
انا : مت

خلفة كيف فاتحة التلفون ده صوتي هو حلو كده بالله 😂😂😀😌
مروة : لالابجد ابداع لكن كانو صوت المغنية نفسها اتعلمتيهو وين وفي مدرسة شنو هااا انطقي 🌚🤝🏻
انا : انتي هبلة ولاشنو لامدرسة ولاغيره موهبة ربانية 😮😌😌
مروة : ههههههه والله كلام طبع عندك مواهب ونحنا ما عارفين ولاشنو 😂😂
انا : خلاص طيري قدامي نحنا اتاخرنا بعد ده
بقت ساكتة مساافة 😐
انا :مالك يابت 😯
مروة : نحنا ضعنا 😐
انا : بطلي عوارة كيف ضعنا 😐
مروة : والله ماعارفة بس ضعنا لمن كننا بنجري من الكلاب 😐😴
انا : اها والحل هسه
مروة : مابعرف مش قلت ليك ماتجري وجريتي اها ضعنا ارتحتي 😑
انا : عندنا حل
شوفي ارح نقعد في الارض زي الشحادات بس ونسال 😐
مروة : هههه يابت برستيجي مابعمل كده
انا : لالا برستيجك ده كان وييين لمن سكانا الكلب مش كان تقولي عشان برسيجي مابجري من كلب وتتمرمطي كده 😬
مروة : عايني خلاص قفلي بوزك ده مني اعمل شنو يعني حا اقعد ماف حل غير كده وزااتتو الوقت اتاخر
انا : طيب يلا
قعدنا بس تاني اتذكرت الرصيد قلت
قلت ليها شوفي الغباء العجيب بس كان ننزل الرصيد ونتصل لبسام او امي يجونا 😐
مروة : وانتي عارفة اصلا نحنا وين عشان توصفي ليهم !!!! 🌚✊🏻
انا : انتي عارفة انك محبطة يلا
بس ماعارفة ليك محل كده معروف كده نمشي ليهو ونوصف ليهم من هناك 😉
مروة :.........

يتبع ...

#هي_المرام 🎀
بقلم : ÄmNa Ëzadeen
💞١١💕

مروة : اي في محطة قريبة يلا نمشيها ونضرب ليهم
انا :طيب يلا بس دقيقة اتصل عليهم 😊
....
وصلنا وكان الشارع شبه فاضي وانا بديت اخاف وقلت لمروة يلا نمشي بعد ده زااتو ما صح نقيف كده بنات😨 برانا والله ما حلوة نقيف كده يلا في مظلة ارح نقعد فيها اوكي 😃
مروة :عايني ما تقعدي تتهابلي لي ما ماشة انا امشي براك ولا اقيفي معاي هسه كان جوا وما لقونا واقفين يلا اقيفي ولسانك عليك
.......
بس تاني جانا بسام واشر لينا بيده 👋
مشينا واول ما ركبنا مروة فتت ليهو الحاصل بالنقطة عارفاها لسانها طويل 🌚🤝🏻 هو شغال يضحك وكلب يسكنا كده وبقول والله نفسي كان اشوفكم بس كان الفيس راس 😂😂😂
انا :خلاص بطل نقة ووصلنا لانو انا بديت اصدع خلاااص 😡
..
وصلنا البيت وطبعا غرفة مروة قريبة من غرفتي طلعت وهي جوالها ضرب وبسرعة طوالي جرت وحتى نست شنطتها او محفظتها لمن استغربت فيها 😦
مشيت وراها عشان اديها ليها سمعتها بتقول 👇👇
...

مروة :ياخ مليون مرة قلت ليك ما تتصل هنا ما بتفهم انت ما ممكن معاك 😤
انا كنت بسمعها بتتنرفز فيهو واصلا ما عارفاهو بقول ليها في شنو هي كانت معصبة وحتى معرقة وخايفة والفهمته انه واحد وبهددها بحاجة وهي خايفة منها شديييد 😢😲

بعد خلصت مكالمة اتلفتت لقتني بعاين ليها ومربعة يدي 😐
..
مروة : ميرو من متين هنا وما ضربتي الباب ليه 😕
انا :مروة عايني من الاخر كده انتي الحاصل معاك شنو وده منو الكان بهددك ده وريني وانا اختك صح وربي بحلها ليك ما تكتمي براك وريني 😣😢
........
مروة عصبت فجاة كده وبقت تصرخ في وشي وبتقول لي انتي بتتدخلي مالك واصلا انتي واحدة ما عندك ذوق قايلة نفسك قاعدة هنا براك ياخي في شي اسمه باب صح ما عملوهو عشان تجي انتي وتخشي كده ساااي وهسه اتفضلي اطلعي برة وما اسمع انك كلمتي زول بالسمعتيه ده كويس والا والله حا تشوفي مني شي وما حيعجبك 😊
وهسه يلا واقفلي بالله معاك الباب ده عشان ما يجي متطفل كده زيك ويخش بدون اذن يلا انقلعي 😒

انا كنت جد مصدومة من البتقوله ودي مروة البعرفها بتقول لي انا كده 😳
مروة :عايني يابت طرشتي انتي بقول ليك اطلعي ما بتسمعي ولا اجي اطلعك براي 😒😤😤

انا طلعت ورحت غرفتي ولسه مصدومة .
مروة في غرفتها بتبكي وبتقول :انا اسفة يامرام والله ما قصدي بس لو كلمتك ما حتتحملي واصلا ده غلطي ولازم احله براي عشان كده بس تاني ما حا اعاملك زي زمان وبلييز سامحيني ونامت وهي بتبكي 😭😭
...............
من الصباح صحيت ونزلت تحت شربت الشاي وفطرت ومشيت فوق لمروة واصلا نسيت الحاصل امس 😐
انا : مروة يلا قومي ما ماشة الجامعة بتتاخري 😅

مروة صحت وعيونها وارمين من البكاء وانا لاحظت ليها ما حبيت اسالها واتذكرت كلامها معاي امس وطلعت بدون اسمع ردها اصلا وقفلت الباب علي من جوة وفتحت المكيف اعلى شي ورقدت فيهو بس ما نمت تاني حسيت بلفة راس وحمى عجيبة وبقيت انادي وصوتي مبحوح 😷🤒
...
انا : ماااما يا مااما 😣
ما كان في رد جاتني مروة واصلا ماكنت طايقاها
......
انا : شنو ياخ لسه امس كنتي بتتكلمي عن الادب والذوق صح وقلتي لي اضرب الباب اول بس شايفاك بتعملي العكس تماااما 😊✋
مروة ما نطقت ولا كلمة هبشت راسي لقته حاار جابت موية وقطعة ختتها لي في راسي وطلعت
...
انا استغربت من تصرفها قلت اه وانا مالي بس بتكون حست بالذنب ولا ما عايزة يشاكلوها عشان ما اهتمت بي وانا عيانة اصلا ماف غير كده 😏
...
بعد مسافة جات راجعة والمرة دي جابت معاها حبوب بندول وخلتني ابلعها بالغصب وقالت لي قومي البسي انا اتصلت لامك عشان نمشي الدكتور حالتك ما تمام يلا

..
انا : ما ماشة انتي مالك .😏👋

بقت تبكي وتتنهد وطبعا انا ما اتحملت بقيت ابكي معاها وبواسيها بعد خلصت قلت ليها يامروة انا بالنسبة ليك شنو مش اختك صح؟! والا كان انتي ما حاسباني كده ده كلام تاني 😟..
مروة :اختي واكتر بس والله يا مرام ما بقدر انا تعبت وربي خلاااص 😭😭😭😭✋
انا كل ما اقول احسن اكلم بابا ونحل المشكلة دي بخاف وبتراجع وحتى ما عايزة اكلمك عشان عارفاك حا تتعبي وانتي من شكلي ليك بتمرضي كده فقلت احسن اسكت زي ما سكتت السنتين الفاتو ديل 😭✋
..
انا : عايني هسه اشربي موية وروقي وكلميني الحاصل شنو وان شاء الله بنحلها لكن بالرواق كويس 😉😊
هسه يلا اشربي دي وامشي اسوي لينا عصير لحد ما ترجع ماما وعمتي ..
مروة : لالا انتي ما كويسة استني اعمله واجي بحكي ليك بس اوعديني يكون بيننا الكلام ده 😭
..
انا : طبعا اكيد كمان حا اكلم مثلا مستحييل اعملها يلا امشي سرعة وتعالي كويس
وقبل انسى ممكن تلفونك عايزة احول منه صورنا في الجامعة ميساء قالت عايزاهم 😀
مروة : طيب هاك ليهو
انا : والله انا غيرت رايي اعملي لينا قهوة بدل العصير ولا شاي ومعاهو كيك ياريت 😊
مروة : مؤفنة بس ماشي لانك عيانه لو ما كده كان شفتي حاجة 😂😂😂

انا :👧🌚🤝🏻يلا هسه انقلعي وتعالي عشان تحكي لي سررعة الشما

ر بكتلني 😂😂😂😂

.......
انا اصلا كذبت عليها ما عايزة الصور عايزة اسجل الرقم في جوالي واتتبعه واعرف مكانه وده جزء من خطتنا 😈
بعد سجلته بقيت افتش في الاستديو والفيديوهات بس احتمال القى اي شي بلمح لينا لمكانه وهو اصلا الحاصل شنو. تاني مروة جات
وقعدت في نص السرير واصلا قفلنا الباب وبدت تحكي وقالت ..

'''' انا قبل سنتين كنت في اولى جامعة واصلا ما كان عندي رخصة فكان في مناسبة واليوم كان سبت وانا اصلا زي ما عارفة عنيدة كنت ومتهورة واصريت اسوق العربية انا 💔
ودي كانت المصيبة الحلت علينا
كان بابا وجدو ماشين من قبلنا عشان يحضروا العقد ونحنا جايين وراهم فلما ماما لقتني مصرة اسوق انا واصلا ما كنت متمرسة يعني مبتدئة 😔
خلتني اسوق وكان في مطر صبت لينا في الطريق وفي هواء كتيير ما كنت بشوف وهي بتقول لي وقفيها على جنب وانا اصلا ما مركزة معاها كان كل همي نصل بدري ونلحق الحفلة 💃 تاني جات مراة كده ما كبيرة شديد بتكون في عمر ناس ماما وضربتها بدون قصد 😭وشفت دمها بتطاير قدامي وطارت بعيييد
وانا من الخلعة اغمي علي و تاني ما حسيت الا ونحنا في المستشفى بس انا وماما ما اتاذينا
بس هي بتذكر الدكتور قال لينا في كسر في الرجل اليمين وعندها مشكلة في المخ وما اظن تاني بتقدر تتذكر وترجع عادية دي كانت صدمة لينا الاتنين بس ماما ما خلت الدكتور يتكلم وقالت ليهو دي اختي واصلا هي مجنونة وحاولت كم مرة تنتحر بس المرة دي رمت نفسها من الطابق التاني والحمدلله لحقناها هسه بس ما تكلم زول بقلقوا عليها وما بتحملوا
طبعا الدكتور صدق وما كلم زول وبعدين ماما مسكتني وبقت تهدي فيني واناببكي وبقول ليها انا قتلت زول انا مجرمة بس ادتني كف لمن وعيت وقالت لي : شوفي هنا الموضوع ده ما حيطلع من بيناتنا وانا بتصرف بس اوعااااااك تكلمي زول بالحصل ده 😠
و الساعة ديك ما كنت عارفة اتصرف كيف تاني سمعت كلام ماما ومشيت معاها ومن اليوم داك لاشفت المراة ولا شي لكن بعد زمن لاحظت لماما بتخش غرفة محمد اخوي كتيير وهو اصلا برة البلد من ست سنين شغال في المانيا دكتور المهم وكنت بسمع منها اصوات لمن يوم اتجرات وفتحتها لقيت فيها مرة كده ما غريبة علي بس اتذكرت انها دي نفس الضربتها وكانت بتبكي حالتها 😭😭 تاني بقيت بزورها بدون زول يشوفني وهي شبه مجنونة بس معاي كلامها عااادي وحتى بتقول لي بتي 😢
تاني قاطعتها وقلت ليها وحتى انا شفتها قبل كده وجاتني في غرفتي وعمتي ااااي اااي صح كلامك كانت بتقول جيبوا لي ولدي وبتبكي 😫😔
دي هي نفسها معناها واخيرا فهمت الحاصل
طيب اها كملي 😐

مروة ''' تاني بقيت بزورها كده وحتى بدت تتجاوب معاي وتتحسن وكلامها معاي بالصباح طبيعية وبجيها بالمساء بتكون مجنونة وحتى يوم ضربتي بقزازة وجرحتني تاني مع الصوت حق الجدعة مانا لقتني معاها وبقت تكورك فيني وطلعتني منها ودخلتني الغرفة وقفلت الباب علينا 😖
......
يابت انتي مالك عايزة تجننيتي ياخي ضربتيها ماسالتك لكن انا اعمل شي لمصلحتك وتجي تخربيهو لا ما بسمح ليك انتي عارفة بطريقتك دي حانمشي الاتنين السجن عارفة يعني شنو نتبهدل ونتعفن في السجون 😡
مروة : ياماما والله حرام البنعمله في المخلوقة دي ياخي ربنا بحاسبنا وانا بتحمل المسؤولية لكن ياماما بس خليها تطلع وتمشي لاهلها والله حرااااام حرااااااام وانا زاااتي كده قرفت من روحي 😭😭
انتي مش عايزة تطلعيها صح يلا امشي لكن اول حاترفعي جثتي وربي تمشي تدخلي ليها تاني انسي عندك ام واصلا حا اموت بس لو عايزاني وعايزة رضاي ما تمشي ليها تاني 😔
...........
وبعدها استسلمت لواقعي وبقيت احاول انسى الحاصل بس وحياتك يامرام متذكرة كل لحظة عشتها من يومها ليومنا ده جحيم 😭😭😭''''''

انا : طيب شوفي انا هسه شبه عرفت الحاصل بس في شي واحد ما فهمته ده منو الكان بهددك وبتقولي ليهو ما تتصل تاني 😕
مروة : ده ........

#هي_المرام 🎀

بقلم :اÄmNa Ëzadeen

💞١٢💕

..
مروة : ده قصته براها كمان وهسه المخوفني هو ..
انا : طيب قولي قولي 😐
مروة
شوفي مش كان قلت ليك ماما سكتت الدكتور واظن رشته 😔
المهم هو اتصل لي وبقى بهددني وكده وحتى حاولت افهم هو عايز شنو لكن ما وراني وكمان سالته اذا عايز قروش او اي شي بدفع ليهو بس كل كلامه انه ما عايز قروش ولا شي بس قال حايديني درس عمري ما شفته
وصح كلامه نحنا غلطانين ياريت لو ما سمعت كلام ماما ومشيت القسم كان هسه ارتحت من عذاب الضمير ده 😭
انا : طيب هسه يعني المرة دي ما عندها اهل ولا اااي شي ولا بسالوا عنها
مروة : والله ما عارفة بس كل البعرفه انها كانت شبه مجنونة وحتى كانت بتجري وبتكورك بطريقة ما طبيعية 😔😭😭
انا : امم الموضوع ده معقد بس انا عايزة اعرف حاجة هو كيف عرف ولو هو كان من اهلها ليه ما جاء ساقها وليه ما ورطكم لسه وووو كان بقدر يسجنكم عاادي لكن لا فضل بس يهدد ده معناهو انه ما بقدر يفضحكم والحكاية دي اكيييد وراها موضوع خطير 😕😑

مروة : هسه خلينا من ده لانو والله كل ما اتذكر ما بعرف البحصل لي عشان كده قومي البسي ونجي نكمل بعدين الموضوع لانو تاني امي وامك بصلوا 😶
انا : يازلي ة ما ضروري انا بقيت كويسة خلاص وحتى الحمى نزلت
مروة : طيب انا بمشي وبرجع ليك بعدين تمام 😊
انا : طبعا اخدي راحتك😇

........................

في جهة اخرى :👇

ياااا اميرة وين جزمتي البيضاء ما لاقيها ولا الساعة وين بتختيهم ياخ😤
اميرة : اصلا انت عميان بس ولا اطرش كمان مش كلمتك قبييل في الدرج التاني على يدك اليسار 😐
سامر : اهاا اي 😅
طيب انا طالع عايزة شي
اميرة :لا سلامتك يا احلى اخ بس بالله وانت راجع جيب لي معاك شوكليت 😆
سامر : اااي عاارفك بتاعت مصالح سااي 😂
اميرة : طير من وشي قبل اضربك بالجزمة يا سجم يا ولادة الندم 😪👋
سامر : طيب طيب ماشي يلا سلام نتلاقى المساء 😊

اميرة :هيي دقيقة قبل انسى قبيل انسام اتصلت لي وقالت عايزاك تلاقيها في التقاطع حق ...
ولا قالت بتجيك هنا 😅
سامر : يااااالله اااي كلمتني نسيت وربي بتسلخ جلدي الليلة متوحشة خلاص 🌚🤝🏻
اميرة : انت كده بصراحة البت دي عايز بيها شنو ياخ لايوووقة😂✊🏻🎶🐸

سامر : اي معاطة بس لااازم اتحملها في النهاية صحبتي يازولة واقطعي وشك انا طاير بتاخريني على الشباب 🐸🤝🏻
اميرة : يلا بالسلامة وما تنسى اهم شي الشوكليت دي اهم من جيتك سامع 😮
سامر : بياعة مؤفنة 🌝

.......
سامر طلع وفي الطريق لاقى انسام 😶😝
انسام : سومي ليه ما جيتني انا تخيل واقفة ربع ساعة كاملة في الشمس حرام عليك يا بيبي 😣
( ركزوا قالتها بكل مياصة الدنيا 🐰)
سامر : لا ياخ معقووولة بس ما قاصد وربي نسيت اعذريني المرة دي 😅
انسام : في زول بنسى نوسته وحبيبته 😌😔
سامر : خلاص ياخ قلنا افرديها وفكيها يلا نمشي ما نتاخر على الشباب 😬
.......

نرجع لينا نحنا 🐸🤝🏻🌚🎶😂

بعد طلعت مني مروة مسكت تلفوني واتصلت على الرقم الشلته منها ''''ااي لمن راحت المطبخ 🌚''''
تفاصيل المكالمة ..
....................
انا :الو السلام عليكم
هو : وعليكم السلام .منو معاي ما عرفتك ؟!

انا : شوف اسمعني للاخر انا بعرف كل شي عنك وانك بتهدد بت ومخوفها بس انا حا اندمك فاهم وغير كده عد ليك 3ايام وبس وحاتلقى نفسك في السجن وما تفتكرني بهدد ساي لا وربي بعملها عشان كده احسن تقول ليه بتهددها وعندك شنو معاها؟!
هو : هههههههه😂 ضحكتيني يعني هي كلمتك صح كويييس بربيها.😏
انا : هي لا كلمتني ولا شي بس رقمك ده مراقب من كم يوم وخليك عارف انت وقعت مع ناس ماهينين 😒

هو :طيب اعملي البريحك بس انا وديني والخلقني ما اسيبكم والله كلكم حا اخليكم تكرهوا اليوم الاتخلقتوا فيه والعملتوه فينا انتوا بس استنوا علي حبة وبتشوفوا يا اسرة ..

انا : وانا ليك بالمرصاد بس خليك عارف انك ما بتخوفنا فاهم ولو راجل تاني اتصل عليها ولا اسمع منها انك هددتها والله افتح فيك بلاغ واجرجرك ولو طلع بيدي بقتلك الا عيلتي ديل ما تقرب عليهم ..
هو :😂😂😂
ننن خوفتيني يلا يا شافعة والايام جاية وبتثبت ليك وبتشوفي البعمله فيكم وبالنسبة للبلاغ حاتقولي ليهم شنو مثلا انكم ضربتوا مرة بسيارة عشان عداوة بينكم وحاولتوا تقتلوها وانه انا هددتكم لا ياستي لو بلغتي اول ناس حاتنسجنوا انتوا 😂😂
عشان كده بطلي غباء انتي والمعاك كويس 😏
انا : انت فهمني عايز شنو بس ......
الخط قطع وتفكيري من يومها ما انقطع بفكر في كيف هي عندنا معاها عداوة شنو دي واصلا الحاصل شنو 😦ونحنا ما عارفينه 😔😫

......................

سامر وانسام بهناك وصلوا البيت الماشين ليه ..
سامر :اوووه ابو الشباب فهد كيفكك يازول ووين مختفي 😂
فهد : هههه الحمدلله بخيير وانت ،اي يادوب جيت من السفر عشان كده وانت عارف الطب ده صعب والغربة حااارة فقلت ارجع اشوف بلدي واهلي 😉
انسام : وانا مابسلموا علي 😀
فهد :معقووووولة ياخ نوسة الحوووب كيفك يابت بقيتي مززز

ة شايفك 😯😉
انسام :تسلم والله تمام انا وانت كيفك طولنا منك ياخ سنتين تقريبا ما شفناك 😗
فهد : لالا خلاص تاني بس راجع شهرين وجاي اعرس عشان الحاجة زنقتني خلاااص 😂🐸💔🌚🔪🔫

سامر :هههه عفيت منها كبرت زااتك تميت 25 سنة ولا حصل جكست ساااي ماعندك 🐸💔
فهد : اي انا انسان مؤمن وطاهر لا اتبع العادات السيئة 😇
سامر :شوفوا شوووفوا منو البتكلم قال عادات سيئة ياخ انت لمن تجي بيتنا امي بتعاين ليك كانك برئ بس مسكينة ما شافتك على حقيقتك ياواطي 🐸🔫
انسام :هي خلاص ياحلوين ما تتشاكلوا لينا هنا في الشارع وانت يافهد ما ناوي تدخلنا البيت ولا شنو 😉😬(هسه ونستكم دي كللها في الشارع دي لو انا بتدفره وتخش وبفتح التلفزيون احضر فلمين وحتى اسلم عليه قلت ليكم جفاف فظييع 🐸🌚✋☝المهم ما علينا نرجع للرواية 😂)
فهد : لالا اتفضلوا ياخ اعذروني شريتكم كتير في الباب 😅😆

سامر :لالا عادي اصلا انا متعود هس وين الشباب ما جوا لسه صح 😂😐
فهد : اي بس جاء احمد لكن رانية ومنى ومحمد وعمار لسه ما جوا وكمان منذر اتصل لي
ومحمد وعمار لسه ما جوا وكمان منذر اتصل لي قال بجي بس هسه مشغول ابوه مسكه شغل في الشركة 😀
سامر :اوووه اوووه الباشا بقى يشتغل يعني ماشاء الله كويس والله 😂😂😂😂😴
فهد : مؤفن انت ☺☝
سامر : من بعدك طبعا 🐸💔🔪
................
في جهة اخرى
محمد : مالك يازول وشك كده مخطووف
عمار : لالا ولاشي 😅
محمد : عاين ما تنكر انا بعرفك اكتر من نفسك يلا قول 😬
عمار : لا والله ماف شي بس تتذكر سامر مسكنا شنو وقال لينا اعملوه 😐
عمار : اااي بتذكر
بس ليه حصل شنو
عمار : اقعد احكي ليك .....

خمنوا عمار حايقوول لمحمد شنو واربطوا الامور ببعضها بتفهموا 😉
يلا اشوفكم على خير

#هي_المرام 🎀

بقلم : ÄmNa Ëzadeen

١٣💕

عمار : اقعد احكي ليك 😔

محمد :اها

(عمار حكى لسامر القصة كللها واللي حاتعرفوها لقدام ان شاء الله )
عمار : انا عملته العلي بس شكله الموضوع ده محتاج تدخل سامر لانه خلاااص كبر بجد وكمان جاء طرف جديد في القصة 😩
محمد : طيب هسه قوم ارح نمشي عليهم في بيت فهد بكونوا وصلوا وبالمرة نكلمه 😐
عمار : خلاص تمام بس استنى امشي اجهز ونطلع 😫
........................

نزلت تحت المطبخ كمت عايزة اشرب موية بس سمعت صوت عمتي بتتشاكل مع راجلها وبتكورك فيهو 😨
قلت انا مالي مشاكل اسرية يمكن ما برضوا اتدخل
بس تاني سمعت عمتي بتقول :الموضوع ده ليهو اكتر من عشرين سنة جايي هسه تفتحه لينا تاااني بعد حليناها انت وبتك كرهتوني والله ياخ ارحمووونا 😫

بعد طلعت غرفتي بديت اربط الامور ببعضها وانه الموضوع ده مامن سنتين شكله موضوع خطير والمشكلة مابس الحادث
بس قطع تفكيري تلفوني بتصل
رديت لقيتها رنا 😇
انا :الو
رنا : هي يا عواليق جايينك نحنا الليلة وجايين نتعشى ونبيت معاك عشان حاجات الجامعة ومجهز امورنا وانا غايتو قاعدة معاك يومين 🌚💅💪

انا : انتي جادة انا ناقصة ياخ 🐸✋💔
رنا :ناقصة ولا زايدة وااااهههاي 😂😂😂
انا : رنا اقطعي وشك وما تجوني 😷
رنا :هو انا ما باخد رايك انا بس بكلمك عشان ما تطردينا وتتخلعي 😀
انا :في الحالتين بطردكم 😷😶
رنا : بررضو جايين وخلاص اقفلي عشان رصيدي يابجم 🌚✋

انا :هيوانة مؤفنة يلا لمن تجي بتصرف معاك 😕😐😲😲

يالله اي نسييت موضوع الفيديوهات الحاننزلها اووف الا اتصل ليها تاني 😓
اتصلت لرنا بديني مشغول مساافة 😐
بعد دقايق اتصلت هي
رنا : هي مالك 🌚💔
اشتقتي لي عااارفة 😎😌
انا :عايني بطلي هبل وجيبي معاك الكمان حقك وقولي لي ميساء تجيب معاها رصيد من اقرب دكان تمام 😆
رنا : اي تمام بس لي شنو 🐸
انا :انتي ماالك بس جيبوهم وتعالوا

''''''كسرة ''''''

بالمناسبة انا حا انزل فيديوهات في صفحتي في الانستغرام وحا انزل رابط كمان فيه مجموعة في الفيس بس بعد اخلص من الرواية 😆

....
بعد جات رنا وميساء
قعدتهم وفهمتهم الحاصل ونحنا عايزين نعمل شنو

رنا : طيب بس نبدا بشنو هسه😕
ميساء : ممكن نعمل فيديو عن مرضى السرطان وانا بالف ليكم الاغنية 😅
جات مروة لقتنا بنتونس قعدت معانا وقالت :انا بتكفل ليكم بالدعاية وبجيب ليكم متابعين غير كده ما بقدر اساعد 😂😂☺
انا :وانتي يارنا قاعدة زي الخشبة قولي حاجة ميساء حا تالف ومروة حاتجيب معجبين وانا حا اغني واصور وانتي ؟!😀
رنا :عايني التصوير ده خليهو علي تمام
انا :خلاص تمام بس في مشكلة كمان😐
ميساء :مشكلة شنو يامرام دي 😕

ولا يازولة خليها لوقتها هسه خلينا ننتهي من شغلنا ده 😀
وبالمناسبة الجامعة باقي ليها اقل من اسبةع يعني بالكتير 5 ايام وننزل 🐸💔

رنا : احح احلى شي والله بس متشوقة عشان اشوف البت ديك واكفتها تااني 😈
ميساء : اي ياخ وانا عايزة اروح السوق عندي كم حاجة كده عاوزة اجيبها 😑😦
مروة :هههه طيب ولا يهمك بجيك بكرة ونمشي 😀
انا :وانا وانا كمان 🌚💅
ميساء :انتي كمان مالك تتحشري في اي شي 🐸
انا : ملة بشوك.يلا طيروا من بيتنا ما اشوفك هنا تاني🌚💅
مروة : هيي ارح نطلع فوق السطوح في قطية كبييرة وعندنا حاجات حفلة عدييل فوق مايك🔊 وساون🕹 واورغن وبيانو وكمان وكللل شي
ارح نجرب تجربة بس 😉
انا :اي ممكن يلا
...
طلعنا فوق ورنا شغلت غنية نانسي عجرم💓 حق''عم بتعلق فيك شوي شوي ،، 💓 وعم حس بحنية💜 ،،ولا مرة حسيتها بعمري اللي عشته انا 💜،،قلي انك حاسس في وشايف شو بيحكوا عيني💓 ،،لما بتمرق حدي وبرجف قدامك انا 💓،،،
حلوة شديد نزلوها وكللها احاسيس

اه ما علينا 😂🌚✊🏻
ميساء :وااااو صوتك روعة يا مرام وين كنتي داساهو يابت 🐸💔
رنا :حلو شنو بس زي الضفدع 😷💪
انا :خمسة وخييسة من شر العوارض والناس الخبييثة ،،،،غيييرة وروح شريرة 😌✋💓
مروة: اي حتى انا انبهرت قبل كده في الشارع كمان
😂😉
انا :اي صحي شغلي لينا غنية حلوة من اغانيك 🌚💅
مروة : ما عندي كللها انجليزية انتي العندك 🐸
انا : اصلا عارفاك ما بتسمعي عربي عشان ما عندك ذوق في الاغاني 😀
شغلت غنية صافي يا صافي بتاعت اسماء المنور
وقعدنا نتهبل ونغني وكان يوم حلو بجد نساني حاجات كتييرة 😂😢

لمن راحوا ناس رنا نزلت تحت الجنينة 😊
وكنت بشرب في قهوة 😋😌
شفت في الشارع مرة عجوز شايلة حاجات تقيلة عليها واكياس كبييرة
مشيت عليها ووصلتهم معاها وقعدت تدعي لي
'''طبعا كلكم عارفين دعاوي الناس الكبار ما بتخلص وبجد احلى شي ياخ بدعوا ليك بصاافي النية ''

لمن رجعت لقيت مروة قاعدة قالت لي : اسمعي يامرام رايك شنو نعمل القروب حق الفيس هسه ونضيف فيه اكبر عدد من الناس عشان لمن تخشي الجامعة تكوني مشهوورة وكده بنوصل فكرتنا اسرع لمن الزول يكون معروف وكده 😉😯
انا :طيب تمام اعمليهو
بس ما هسه خليهو لبكرة عشان نشوف زااتو حانقول ليهم شنو 😑😅
مروة

#هي_المرام 🎀
بقلم : ÄmNa Ëzadeen
💞١٤💕
مروة : ممكن نعملها نظام مسابقة لكن الجوائز تكون قيمة عشان يتشجعوا وبعدين حبة حبة نقلبه مساعدات ومنظمة فهمتي 🌚
انا :اهااا اي ممكن حلوة فكرتك
يلا هسه ارح معاي غرفتي عايزة اوريك حاجة 😉😆

مروة : يلا 😕

.......................

بهناك محمد وعمار وصلوا لي ناس سامر
سامر :شنو يامان مالكم اتاخرتوا كده😑
عمار :والله زحمة الطريق
سامر :هه غريبة هسه جيت وما كان في زحمة 😏
محمد :خلاص افصلوها وانت يا سامر عايزنك في موضوع بعدين ما تطلع بس وصل انسام وارجع لينا تمام 😉😈
سامر :طيب
انسام :منى دي اتاخرت ياخ خليني اتصل عليها 😅
فهد :اي شوفيها عليك الله 😃
انسام : الخط مشغول 😬
سامر :خلاص اكسروا الحنك بجوا هسه اصبروا حبة بس ☺
فهد :هسه تلقاها بتتمكيج وتلبس غايتو البنات ديل غريبات خلاص الواحدة ساعتين عشان تجهز وبعد ده تجي تخوفنا 🌚✊🏻
انسام :دي امور بنات يابيبي ما حتفهموها 😌
فهد : غايتو يا سامر اتدبست مع انسام دي 😀😂

سامر :ليه ؟!😐
عمار :هه اي بعدين بتكرهه 😂😯
محمد :هههههه اي 😷😶
سامر : هي انتوا بطلوا تفاهة انسام دي صحبتي بس
انسام زااتي ما قاعدة معاكم وين فادية يا فهد
فهد : فوق في غرفتها كانت والليلة شكله تاني شلبوها بتقتلك كان مشيتي ليها 🌚🤝🏻🐸🔪👋
انسام :هههه لالا عادي يلا برضو احسن من اقعد مع ناس زيكم 😝😌
عمار :هي حييلك حييلك يلا شتتي زااتناما ناقصين حنكشة 😑😐
انسام :حرام عليك انا ما حنكوشة عموما حا اطنشك يلا 😐☺

انسام طلعت لي فادية فوق
انسام :فووودي كيفك يابت مشتاقين 😍😙😙😗
فادية :نووووسة يا بياعة نسيتيني بالسرعة دي.بقيتي مابتجي 🐸👋

( عاد النصيييحة والكلمة الفصيحة دي بتنساك وتنكرك حطب🌚✊🏻 )
انسام :لا ما كده بس الهندسة متعبة جدا والله 😥يادوووبالقى فرقة انوم حتى 😅(ههههه ياااخي يادبة انتي في نص المحاضرة بتنومي 😑👋 )
فادية :ما مشكلة حبيبة تعالي احكي ليك الحصل شنو بس استني اول اجيب حاجة نشربها واعمل للاولاد ديل شاي تمام 🌚
انسام :اكيد طبعا خدي راحتك 😘

............
عمار :شوف مادام انسام مشت تعالوا نتكلم في موضوعنا وبالمناسبة حصلت حاجة جديدية كمان 🐸😲👋
سامر : احكي احكي حصل شنو
عمار : في طرف جديد دخل الموضوع
سامر :منو ده
عمار :بت هي وحاولت تهددني عشان نخليهم في حالهم ونبطل تهديدات 😮
سامر :هه 😏نخليهم قال كدي اديني الرقم بس دي موضوعها محلول اكييد ساهلة بتكون شافعة ساي 😴
عمار :شوفي يا سامر ياخ احسن نبطل ونمشي نفتح بلاغ عدييل ونرتاح بس لانه خلاص ما بنقدر نواصل كده لمتين 😐
سامر :زي ما صابرين اكتر من 15 سنة بالحالة دي وانا ما تفتكروا كيف تعبت لكن عايز اعذبهم زي ما عذبونا
'''كسرة '''
وما بخلي تعب امي وابوي يروح ساااي 😏

عمار :طيب انت حر بس الموضوع ده حايكبر والبت دي انا حسيتها ما طبيعية وما حتسكت 😐
سامر :ما عليك بس جيب الرقم
.........
انسام كانت جاية لي فادية في المطبخ وسمعت كلمة جيب الرقم دي طوالي قالت في نفسها ''''رقم شنو كمان العايزه سامر كويس بخونني سامر ده حقي براااي وما بخلي واحدة تشيله بلا رقم بلا كلام فارغ ''''😈

عمار :طيب سجل عندك ☺😅
سامر :.اها قول

بس سمعوا صرخة من المطبخ الاتنين رموا تلفوناتهم في التربيزة وجروا كللهم يشوفوا الحاصل لقوا فادية واقعة في الارض ومغمى عليها
.....
انسام :اوووه الحمدلله ما لاحظوا لي مسكت تلفون عمار مسحت الرقم لانه هو بسجل اي رقم بس الما مسجل ده بكون اخر مكالمة وبجد مسحته 😐😴

فهد : فادية يابت اصحي وبقى بكفتها براحة عشان تفوق 😧
عمار :دقيقة اجيب ليها موية ترشها بيها 😕😣

عمار وهو طالع شاف انسام طالعة من الصالون وبتتبسم سااي
عمار : كنتي فين حضرتك لما فادية وقعت 😐
انسام :هو م م م مشيت الحمام فادية مالا
عمار :ماشاء الله اول مرة اعرف انه الحمام بمشوا ليه بالصالون😒
انسام :ههه ظريف لا ما كده بس قبيل لمن كنت قاعدة معاكم نسيت كرت رصيد اظن وقع مني 😅
عمار :تمام

ما صدقها بس مشاها

عمار ودى الموية لفهد رشاها بيها وصحيت 😬
فادية :انا الجابني هنا شنو 😵
فهد : وقعتي وانتي في المطبخ

بس بعدين انسام دخلت الغرفة وغمزت لفادية 😉
انسام :طيب ممكن تخلوها ترتاح حبة شكلها تعبت من الشغل الكتير الفي البيت
فهد :اي ماما الليلة طلعت وهي من الصباح شغالة ارتاحي هسه تمام يلا 😊
بعد طلعوا منها جاتها انسام وحضنتها
انسام : انتي احلى مخلوقة وربي دائما بتساعديني في الاوقات الحرجة دي 😍
فادية :ولو معقولة اخلي صحبتي وعمري وفردتي تنشلب 😉😂😂

انسام :لالا ياخ ما بتعمليها ثقة انتي 😄😍😍😍😗😙

.............
في جهتنا 👇👇

انا :شوفي كل الموضوع اني عايزة اقول ليك حاجة بس بدون تزعلي مني تمام واعرفي اني عملتها لمصلحتك واسمعيني للاخر 😊
مروة :عايني انا ما بحب حرق الاعصاب ده قولي 😤
انا :طيب طيب روقي😅
مروة :رااايقة اها 😑
انا حكيت لمروة اني سرقت الرقم من جوال

ها واتصلت عليه وكل شي
مروة :ليه عملتي كده 😕😇
انا :مش قلتي ما بتزعلي 😐
مروة :ومنو القال زعلت بالعكس بسطتيني طلعتي قوية وما هينة وانا اقول ماااله ما اتصل لي تاني 😯
اتاري دي انتي 😂
انا :اعي يلا افتكرتك حا تزعلي عشان كده ما كلمتك 🌝🤝🏻🌚
مروة :انتي هبلة ازعل من شنو بالعكس حاجة حلو كونه خاف دي براها معجزة 😂😀
انا :طيب بس انا شاكة الموضوع ده ما بس حادث في شي اكبر من كده وما عارفينه نحنا 😐
مروة :شنو مثلا وحانعرف كيف 😕😑😇
انا :انا عندي.خطة لو ظبطت بنحلها
مروة :قولي اها سامعاك 👂
انا :....

#هي_المرام 🎀
بقلم : ÄmNa Ëzadeen
💞١٥ 💕
مروة :لكن ما حتنجح ابدا 😕
انا : كيف وليه ؟!؟!😑
لانه اصلا ما حيرضوا 🐸💔
انا :لالا بقنعهم بس انتي اتصلي هسه واتفقي معاه على المكان والزمان وكده 😉
مروة :طيب تمام
.....
مروة اتصلت وطبعا عارفين اتصلت بمنو 😆😂😃😉
..............
مروة :الو
عمار : هه اهلين
مروة :اسمعني. كووويس وبالرواق
شوف يا اخوي خليني احكي ليك القصة من اولها بس لازم نتقابل تمام 😅
عمار : قصة ؟!وليه تحكيها لي وسلفا عارفها انا ...😏👐
مروة :لا انت كده بتظلمني مادام انت بتعمل كده معناها ما فاهم ولا شي والله القصة ما كده بس نتقابل وبنحكي تمام عندك زمن فاضي ورجاااء تعال لوحدك ماتجيب معاك زول تمام ؟!😔😫😭
عمار :طيب بقابلك بكرة الساعة 5:30 المساء في مطعم .......**
مروة :تمام بكرة ان شاء الله 😊

**** يلا وبكده خطة مرام ومروة ماشة تنجح لكن في نفس الوقت فشلت خطة انسام وفادية ومن هنا قصتنا ابتدت ****

عمار : سامر شوف قبل شوية اتصلت لي وقالت عايزة تقابلني في مكان عشان تشرح لي وانا شاكي البت دي ما عندها دخل في الجريمة او كانه كانت بس سلاح او ستر للجاني والله اعلم 😐
سامر :امم تمام بمشي معاك ونشوف البحصل 😶
عمار :لالا هي قالت ما اجيب معاي زول 😅
سامر :يا عيني عليك وانت شغال بكلامها دي شافعة ساي بس لكن ما مشكلة بمشي وما بخليها تشوفني تمام كده ارتحت 😒
عمار :اي كده كويس 😊😀

.....................
مروة :اوووف اخييرا رضى 😥😤
انا :ههه لاازم يرضى عشان نفهم الحاصل نحنا كمان 😖
....
في اليوم التاني

..
مروة :انتي لسه ما لبستي امشي ياخ عشان ما نتاخر 😐
انا :وانا ماشة وين اصلا ملابسي دي مالا هسه
مروة:لالا عباية وسوداء وطرحة ما مدبساها وكمان ماشة بشبشب البيت 👡
انا :عايني الموضوع ما خطير يلا بس انتي الحاتاخرينا كده 😏
مروة :خلاص خلاص ما تتنرفزي 😑
انا :انتي هو شفتي نرفزة يعني ارح ارح هسه 😑🐸💔👐

........
وصلنا المحل وطبعا انا ما دخلت معاها بس كنت بوراهم يعني عشان مايشك فيني وبسمع كل كلامهم 🐸👋👡

.......
عماروسامر وصلوا
..
عمار :شوف انت بس حدك هنا وما تجي داخل 😕
سامر :لالا بخش لازم لكن ما بخش معاك وبقعد في طاولة تانية تمام 😆😊
عمار :اي كويس بس ما تلاحظ ليك
سامر :حسستني اني في الجيش شنو تلاحظ او لا انا مالي بملاحظتها بطريقتها يلا 😧
عمار :خلاص اها اخش انا اول
....
عمار دخل ومروة اشرت ليهو بيده جاء قعد وسلم عليها
وسامر ..بعد خلاص اتطمن خش لقى مرام قاعدة براها واصلا ماف مكان وماف طريقة غير يقعد معاها 😐😴بس شاف وشها اتذكر انه لاقاها قبل كده وكتيير مع مروة معناها حتى مروة ما التزمت بالشرط لكن واحتمال دي هي زاااتها الكلمني عنها عمار لانه اصلا ماف اطول من لسانها 😲😒
بس قال ما حيفضحهم عشان سبب معين واللي هو ما عايزها تعرف او تتدخل هو نفسه ما عارف ليه عايز يبعدها وقال في نفسه البت دي بريئة وهبلة احسن ما تتدخل لانها ما بتطلع منها سالمة ابدا 😏
تتني قال وانا مالي خليها مش هي رضت تتدخل 😒😷
المهم بعد نقاش طوييل مع نفسه جاء عاين ليها في وشها مسافة وهي مافهمت ماله وعايز شنو بعدين جرا كرسي وقعد جنبها 😦
مرام :هوي يا اخ قاعد جنبي مالك 😐
سامر :المطعم ده حقك وانا ما عارف 😕🐸👋
مرام :خلاص طير اقعد في اي مكان تاني 😅
......
عمار :اها مش عايزة تحكي اتفضلي سامعك انا 😊
مروة :طيب اسمعني للاخر وبعدين احكم
وحكت ليهو القصة من الاول لحد اليوم وهي منهااارة بكاء
عمار طلع ليها منديل وقال ليها 🐸💔:اسمعي انا فهمت قصتك لكن ليه وقفتي مع امك كان ممكن تصلحي كل ده بس لا فضلتوا تعملوا كده وانا انتقامي ما بسيبه ابدا كان منك ولا من امك ولا من البت البتتفاصح دي 😐
""طبعا قصده مرام 😂""🌚🤝🏻
......
سامر :لا عاجبني المكان ده 😐 وما ماشي عجبك كان بها ما عجبك اتشايلي برااحة واطلعي اوكي 😊
مرام : انت قايلاني المايعة حقتك بسكت ليك انت واحد متكبر ومغرور وعاجباك روحك في الفاضي 😤ومريض والله يشفيك 🐸👋
سامر وبكل برود :اهاا
مرام :يااربي انت عايز مني شنو ياود.الناس 😒
سامر :رقمك.😄
مرام :اهااا قول كده من الاول بتتافه عشان ده لا رقمي ما بديه زول 😐😴
سامر :هه طيب اسمعي كويس وبدا يتكلم بلهجة مخيفة وقال : انا وانتي الاتنين عارفين جايين هنا لشنو واشر ليها بيده على طاولة عمار ومروة 😮وعاارفك دي انتي الاتصلتي عليه وهددتيهو عشان كده احسن تروقي وبالهداوة كده تديني الرقم وتبقي شاطرة تمام عشان ما اتصرف تصرف ما يعجبك "ورفع حاجبه وعاين لناس مروة " وانتي وهي وكل عائلتكم حا تتعفنوا بالسجن 😊
مرام : ط ط ط ط طيييب بدييك ليهو 😭
سامر :ايواااه من البداية كان كده عشان ما اضطر للتصرفات دي 😐😇😀
مرام ادته الرقم وطلعت برة وبقت بتبكي و**زي ما عارفين الانفعال والتوترما بنفعوا معاها وفي سبب كمان حاتعرفوه لقدام **
بس تاني نفسي بقى تقيل وبقطع مني ودايخة وعيوني بس شايفة طشاش واسو

ود ومتكلة على باب عربية وما عارفة
دي عربية سامر 😤😱
سامر بعد طلعت طلع وراها بمسافة 😮
بس قام جاء لقاها مسندة على الباب قال ليها :يدك لو سمحتى ما ممكن اول مرة تشوفي عربية ؟!😕
ما كنت سامعاهو بقول في شنو اصلا بس جاء زحا لي يدي وما حسيت بشي
سامر : دي مالا كمان هسه عملت ليها شنو اصلا دي حركات البنات بقعوا بدون سبب عشان يلفتوا انتباه 😏
مرام كانت غمرانة وفاقدة الوعي تماااما
بعدها مروة وعمار طلعوا لقوها واقعة وسامر واقق بعاين ده انسان ده بالله 😭
مروة جرت عليها وجات تضرب سامر وبتقول :انت حيوان ما بني ادم انت البت دي عارف عندها شنو ياخي هسه كان ماتت بسببك
سامر انصدم بجد لانه قايلها بتمثل 😑😢
ورفعوها عمار ومروة في عربية عمار وبقوا يرشوها بموية عشان تصحى وهي شبه ميتة 😨
مروة:حسبي الله ونعم الوكيل فيك قلت ليها شنو ياخي 😣
البت دي ما بتتحمل ما عندها اعصاب ياخي هسه لو حصلت ليها شي ماف زول بتحمل فيكم المسؤولية 😐😷😰😭😭
سامر :هيي نحنا سمعناك كتيير من قبيل بترغي مش دي انتي القلتي ما تجيب معاك زول طيب لييه جبتيها يبقى الغلط فيك انتي 😫
ويا عمار احسن حل تودوها المستشفى بس 😦
مروة: هه 😏😭👋
تف عليكم الاتنين يا حيوانات
انا شوية بديك افوق وبسمع عادي لكن ما قادرة اتحرك
بس تاني شبه صحيت وقلت لمروة : عايزة موية 😷
مروة ما صدقت صحيت جابتها لي شربت ورشتني بباقيها عشان اصحصح 🙆
مروة: مرام انا كلمتك ما كان تجي معاي عارفة ده بحصل 😢
انا :لا عادي بس الصداع المرة دي زاد شوية وتاني ما حسيت الا هسه 😥
سامر :كان بتفرج وبعدين ضحك ضحكة كبييرة وباستهتار 😏
عمار :سامر بتبالغ لكن البت كانت حاتموت 😲
سامر :لا يامان دي حركات منها ساااي عشان نستعطف معاها 😏👋
انا بس سامعاهو و راجية يخلص كلامه
انا :خلصت ؟!😐😒
سامر :..
انا : جيت ضربته كف ركزوا كف للمرة التانية
سامر :يا حيوانة ميف تتجراي وربي لو ما بت كان ربيتك 😡
انا :اها ويعني انت عاملاها رجالة ابشرك انت ما راجل فاهم يعني شنو ماااراجل اسمعاها لمن ترجل 😐😏👋
سامر : مروة ولا اسمك لمي البت دي عليك قبل ارتكب فيها جريمة 😤
مروة ساقتني وانا بعدي وبكرر وباعلى صوت بنبزه ما راحل يا باطل ارجل بعدين اتكلم 😮
سامر :ياااربي اعمل ليها شنو وريني اعمل ليها شنو بس 😬
عمار :دي خليها هسه صغيرة وشافعة ساي وما بتعرف شي انساها 😷
سامر :اصلا ما شغال بيها ارح نرجع يلا ما نتاخر 😇
وصحي نسيت قالت ليك شنو مروة المتخلفة دي طووول الوقت بتردح ما خلتني اسمعكم اصلا 😏👋
عمار :طيب بس نرجع البيت اول 😅
...............
نحنا هناك رجعنا ولسه صداع قاتل بس بتفاصح سااي قبيل 😷 وطبعا اهم شي عندي ما اسكت ابكي واردح بس ما اخلي حقي ابدا *واااضح يلا 🌚🤝🏻*
بس وصلنا اقرب سرير انجدعت فيهو ونمت تاني صحيت زي الساعة 10 مساء ونزلت اتغدى وجوعانة كنت 😬
بس فتحت التلاجة لقيت حاجات كتييرة بحبها شخنت وختيت في السفرة وباكل😋 وبغني 🎶""مجنونة كلمتكم ""🌚✊🏻
بس تاني تلفوني ضرب وفتحت لقيته رقم غريب 😐
انا :الو
هو مابرد بس الخط فاتح
انا :الووو طرشان انت 😐
هو :.....
انا :ياعالم ما عايزين تتكلموا بتتصلوا لييه 😑
هو :طيب طيب بس.كنت عايز اسالك من حالك وكيف بقيتي
انا :وبصفتك شنو وانت منو اصلا 😣
هو :انا سامر يا بهيمة 😏👋
انا : سوري الرقم اللذي طلبته لا يمكن الوصلوا اليه تيييت تيييت 🐸✌
سامر بهناك مات ضحك في هبالتي 😕😂😂😂😂
سامر :طيب طيب ما تردي بس احب اقول ليك خففي ردح تمام ويلا تصبحي على خير وما دام بتتهابلي معناها كويسة يلا وما تفتكري روحك مهمة عندي لا بس عشان حسيت بالذنب ما اكتر 😏😪
انا : ده مااله ده مريض بجد انت تتصل وتتفاصح كمان 😤
تيييت تيييت
انا :كوييس تقفله في وشي بربيك يا حيوان 😈
..
يتبع.......

#هي_المرام 🎀
بقلم :ÄmNa Ëzadeen
💞١٦💕
مسكت تلفوني واتصلت على لميس لي مدة منها واشتقت ليها 😢
انا :الو لميس حبيبتي كيفك وكيف مع العلاج😊 لميس :تمام الحمدلله بخير وانتي 😅
انا :والله الحمدلله بس كنت عايزة اسالك بتخلصي علاج متين او ما حددوا ليك عملية ولا شي 😐
لميس : لالا والله انا خلاااص فقدت الامل في العلاج ده والبكتبه ربنا انا برضى بيه 😌😔
انا : يلا شوفي ماف زول بموت ناقص عمر يعني قدرنا كللنا نموت بس كمان من حقك تدافعي عن حياتك وتحاااولي قدر الامكان ورحمة ربنا سبقت تقديره فهمتي 😘
لميس :اي والله صح كلامك ،، وصحي حاتنزلوا جامعة متين 😃
انا :قولي حاننزل جامعة متين انتي حاتقري معانا ولا بنجمد السنة لحد ما تتعافي ولا تقاومي مرضك وترجعي لينا 😢
لميس : اي ان شاء الله هسه جاوبي 🌚🤝🏻

انا :مؤفنة خلاص 😂
لميس :زيك بس 🐸✌
انا : ما متاكدة لكن تقريبا يومين تلاتة اربعة كده في الحدود دي 😅
لميس : اهااا تمام كان كده 😇
انا :طيب برجع ليك بعدين 😙
لميس : لا دقيقة عايزة اسالك من شي تاني 😐
انا : اتفضلي اسالي😕
لميس :انتوا عايزين تعملوا جمعية وما كلمتوني 😑
انا :والله نسيت اصلا
لكن ما مشكلة حاترجعي وبنتفاهم في التفاصيل هسه ماشة اتحشي 🐸👋
لميس :خلاص انقلعي يلا 😒
بعد خلصت منها مشيت لمروة واتونسنا حبة
مروة : في فيلم رهييب في عفراء رايك شنو نمشي ومنها نمشي نتزلج 😯😉
انا : لكن متين نمشي هسه ما بقدر ولا بكرة ولا بعده 🌚🤝🏻
مروة : فقرخلاص انتي طيب بعد تبدا الجامعة نمشي وبعد تخلصي اصلا اول يوم بدوكم الجدول حق المحاضرات وبنطلع بدري وحانمشي نتفسح 😜
انا : ظابط ،،بس تتذكري كان مرة قلنا ماشين رحلة مزرعة جدو الله يرحمه ونسيناها مع البكاء وكده 😷😶
مروة : اي ممكن فكرة حلوة والله لكن خليها بعد اسبوعين كده لحد ما افسحك واوريك البلد تمام 😉
انا : كويس 🐸✌
.............
في جهة اخرى

..
انسام اتصلت لفادية
انسام : فدوية كيفك 😍
فادية :نوسة حبقلبي تمام والله وانتي
انسام :انا كويسة بس عايزة اسالك فاضية الليلة عايزة اجيك 😓
فادية :اي تعالي لو ما فاضية بفضى ليك 😗
انسام :تسلمي لي كتيير والله
انسام وفادية بقروا الاتنين في جامعة مرام ومروة يعني دفعة وكده لكن انسام عندها مصلحة من فادية ونشوفها

انسام : اها جنب الباب افتحي لي سررعة 😲
فادية :طيب جيتك 😮
بعد سلمت عليها
فادية :شنو سر الزيارة المفاجاة دي 😉
انسام :هو بجد في شي وضروووري كمان 😊
فادية :وانا في الخدمة 😍
انسام :طيب عايزاك تديني رقم منى لو عندك تلفوني اتفرمت وعايزاها لموضوع ضررروري 😱
فادية :طيب شيلي جوالي وسجليه 😇
انسام بعد سجلت رقم منى طوالي اتصلت ..
انسام :منى بدون نقاش او سلام تعالي في بيت فادية وسررعة بالله 😫
منى :طيب مسافة الطريق بس واكون عندكم
بعد وصلت منى
انسام :عايزة منكم خدمة انتوا الاتنين وعمري ما بنساها ليكم 😅
منى :قولي ولو 😍
انسام :انتي يا منى عايزة منك تجيبي لي اي معلومة وكلل شي عن البت الاتشاكل معاها اخر مرة تتذكري لمن العميد كان حيفصلني بس عايزة كل صغيرة وكبيرة عنها بالتفصيل ،،،طبعا قصدها مرام😉 ،، واسمها مرام احمد بتقدري ولا اشوف زول تاني 😈
منى : ساااهلة بس اديني 24 ساعو بفته ليك كللل شي عنها 😐😇
انسام : طيب معتمدة عليك تمام

...............
سامر في غرفته كان شغال بالابتوب💻 جاء عمار وضرب الباب
وسامر سرحاان
عمار فتح ودخل جاء طقطق ليهو 😐

سامر :ها عمار جيت متين 😆
عمار :انا جيت لي قريب ربع ساعة وانت سرحان في شنو يازول الشاغل قلبك يتهنى بيهو 😯😉
سامر : لالا ماف زول شايله اصلا 😅
عمار :انا في شي محيرني وجاييك عشانه 😐
سامر : شنو قول
عمار : انا مروة قالت لي بس عن الحادث يعني هي ما عارفة باقي الموضوع شكلها 😳
سامر : ااي لكن برضو تتعاقب😐
عمار : لا انا ما قصدي حانخليهم لكن هي وبت خالها دي ماليهم دخل باين كده والله اعلم 😕
سامر : اها وان واميرة كان عندنا دخل بالعملوه فيكم ؟!
جاوبني يا عمار اوعى تضعف عشان اي زول فاهم
انت بديت انتقام معاي وحاتتمه ولو ما تميته بتمه براي بس حقي وحق اختي ما بخليه 😔
عمار :سامر ليه ما عايز تفهمني انا ما حا اوقف لكن نطلعهم برة الموضوع خااالص والغلط من اهلهم ما منهم 😑😕
سامر : اعمل البتشوفه مناسب بس ما تنسى انه انا ما حا اوقف وبندمهم كلللهم فاهم 😎
عمار :طيب ياسيدي وانا معاك
.....
سامر بعد طلع منه عمار بقى بفكر بجدية في كلامه وانه بجد ما عندهم دخل تاني اتذكر الحصل معاهم وبقى بكورك وبكسر وبقول بس ما حا اسيبهم ابدا ما حا اخليكم والله بندمكم يا كلااااب 😭😫
.........

مروة بهناك ماسكة تلفونها وبين عايزة تتصل ولا
انا :مروة يابت جنيتي انتي يا اتصلي عليهو ولا اهبطي بس 🐸👐🙅🔫
مروة : عايني ما تزهجيني بفنك باقرب شبشب اتلهي مني 😑
انا مارديت عليها ونزلت مشيت البقالة برااي طبعا بقيت اتعلم حبة حبة وحفظت الطريق وجبت بارد🍻 وشي

بس وكيك🍰 وحاجات كتييرة وشوكليت🍫 وانا راجعة
شفت نفس البت الصغيرة اللي شفتها من قبل واتشاكلت مع ابوها
لكن المرة دي في عجلة حقت المشلولين 😢😨
طبعا صدمت لانه قبل فترة قلييلة كانت باحسن صحة
وانا مشيت ليها
انا : هي كيفك ياحلوة😇😗😙
هي : اهلين خالتو
انا """في نفسي خالتو في عينك انا اصغر منك 🌚💔""" اخبارك وصحتك 😀
هي : انا كويسة وانتي
انا :تماام وشوفي جبت ليك معاي شنو 😊اديتها الحاجات الجبتها وما تفتكروا كيف فرحت
بس جاء ابوها طالع وشافني باكلها شوكلاتة 🍫
جاء وبكل قوته خطفها مني وبقى يكورك وبقول
انتي منو ومنو السمح ليك تاكليها حاجات زي دي ها 😲😤
انا : انت المنو دي هسه بنتك ليه بتعاملها كده دي طفلة والله حرام عليك 😑
هو : وانتي مااالك دي بنتي وانا بعرف اتصرف معاها فاهمة ولو شفتك تاني بالغلط قريبة منها وربي ما بريحك 😠
انا : طيب اسفة ومديت ليها الشوكلاتة وقلت ليها عادي ما تخافي حا ارجع اشوفك تمام وطبعا في اضانها عشان ما يسمع 😴
وبعدها عاينت ليهو كده ومشيت 😊
وفي طريقي جاء
جات عربية ماشة بسرعة خيالية وشوية وتضربني وحتى رشتني بالموية حقت الشارع وهدومي كلللها اتوسخت 😭
.....
عمار : سامر هدي وسوق براحة
سامر : لالا خالي اتصل لي هسه وقال اجي بسرعة ..
بس تاني سامر انتبه لمرام من المراية ورجع ليها بس وقف بعيد منها وما نزل
سامر : عمار مش دي نفسها البت البتبقى لمروة ولا انا جنيت
عمار : لالا ياها
سامر : اوووف بس الله ما يرميني الا مع دي مصيييبة البت دي 😐
عمار :هي انت نسيت خالك ولو مشيت ليها هسه بتردحك عشان كده يلا ما نتاخر 🐸
سامر : اي صح كلامك نقناقة ولسانها مترين 🌚👐🏻لكت الجابها مكان سكن ناس خالي شنو
عمار : سامر وربي انت محموم بتكون ساكنة قريب بس 😐

انا رجعت البيت ومنظري بييش
بس لاقاني بسام في الباب 😑
ولسوء حظي كان شايل الكاميرا وحايم 😦
صورني الحيوان وجرى مني وقفل غرفته عليه 🌚🎶

انا بدون ما اغير حتى بقيت بكورك ليهو
بسام ياحيوان افتح البااااااب عايزة اتفاهم معاك والنبي تفتحه
بسام :طيب بس دقيقة انزل الصورة في انستا 😆😅
انا : لااا ياحيواان 😯😢
بسام :تدفعي كم .؟!☺
انا : ولافلس يا استغلالي 🌚💔
بسام : طييب مشاركة عبر فيسبوك كمان 😆
انا:......

#هي_المرام 🎀
بقلم:ÄmNa Ëzadeen
💞١٧💕

آسفة قطعتها ليكم وشحتفتكم لكن المدرسة والله ومنتحرة دعواتكم يابشر 😢💔

يلا نكمل..

بسام : طيب يلا مشاركة عبر فيسبوك كمان 😆

انا :لالا خلاص بمنفذ ليك طلباتك اوكي بس رجاء ما تنشرها 😭
بسام : طيب ..وضحك بخباثة😈
انا : قول اها أول طلب 😒
بسام :براك قلتي استحملي بس😂
انا :اها خلصني طايرة انوم 😪
بسام :نوم ويبين الليلة أصحاب جايين أمشي اشتغلي مع ماما ولا أقول ليك اشتغلي براك 😐
انا :😳😲
وين منيرة طيب
بسام :ما عندك بيها شغلة ده طلبي الأول يلا 😁
انا : استغلالي عواليق جزمة رمة كريه متخلف 😏
بسام :قلتي شي حضرتك 😎
انا :لالا بس سلامتك قلت 😇
بسام :يلا انقلعي سرعة 🐸✋
انا :**في سري يقلعك الله من أرضه يا سخيف** طيب يلا ماشة 😊😏

مشيت عملت ليهم الأكل وخلصت بس باقي لي البسبوسة 😋
بعد عملتها ختيتها تبرد وطلعت أرتاح لحد ما يجوا 😅😥

وأنا طالعة سمعت مروة تناديني مشيت ليها

انا : ها مالك ناديتيني الزول نهائي ما يرتاح معاكم ديل شنو ديل 😒
مروة : خلاص اتلهي وتعالي شوفي ده
ورتني فيديوهات كتيرة مضحكة وبقينا نضحك بأعلى صوت لمن جات عمتي 😝
عمتي : يا بنات ده شنو صوتكم ونص ل آخر الشارع 😠
مروة :بجد ما لاحظنا 😲😯
انا :خلاص بنخفضه 😒 وانا كنت مشمئزة منها اصلا وحركاتها العملتها دي وخصوصا حسبتها للمجنونة دي المهم بعد مشت قلت لمروة انا طالعة فوق يلا
وأنا كنت ماشة وراها اشوفها رايحة وين 😼
مشيت وهي ما حاسة بي بس دخلت الغرفة بتاعت المرة واخدت قريب ساعة ماف صوت ولا حركة ملحوظة ابدا لمن خفت 😵😨
قلت احسن اخش أشوف في شنو ولما دخلت كانت الكارثة ......

في جهة تانية

سامر :اها يا خالي اخبارك شنو و جلنار كيف 😊
خال سامر واسمه أمين : والله تمام في نعمة 😅
سامر : اها الدكتور ما طمنكم 😐
أمين : اي قال ما عندها مشكلة لكن لسه الصدمة معاها وادانا علاج مؤقت لمدة شهر ونرجع له 😔
سامر: طيب وين هي هسه عايز أسلم عليها إذا ممكن 😃
أمين : والله هسه ما بتقدر زعلانة مني شديد ولو قابلتها ما حاتتكلم معاك 😫
سامر : ليه خير مالا 😦
أمين : القصة انه قبل كم يوم جات شابة كده وبقت تلعب معاها وجلنار حبتها شدييد لكن ما كنت عايزها تتعلق بيها وتفقدها زي ما فقدت أمها 😔 والليلة كمان جات نفس البت وادتها حلويات وبتتونس معاها وما كنت ملاحظ ليها لكن لمن جيت حذرتها تقرب منها وتاني لو جات بتصل للشرطة بس😤 ومن ساعتها وهي زعلانة مني وحتى ما أكلت ولا شي 😔
سامر : طيب ولا يهمك اديني الأكل وأنا بحلها 😇
سامر مشى لجلنار وفتح الباب
جلنار : في حاجة اسمها آداب استئذان أرجع اضرب الباب 😒
سامر : هي يا ام لسان مالك الليلة زعلانة كده وريني منو الزعلك وبكسر رأسه قدامك 💪
جلنار : لا ياشيخ😏
سامر : جربي وما بتندمي بس وريني اسمه وشوفي كيف ببهدله ليك 😌
جلنار : بابا
سامر شهق بصوت عالي 😦وقال :لالا معليش انا انسحب وارفع الراية البيضاء 🏳
جلنار : مش قلت بتكسر رأسه
وعامل لي فيها رومان رينز 😂
سامر : ههه يابت ده ضابط في الجيش عايزاه يجيب أجلي ولسه ما عرست 😂😂
جلنار : اي انت ولا بتعرس فالح لي في الجكس بس 😐واللصقة الحايمة معاك دي ما شبهك لكن 😒
سامر : أنسام قصدك 😂😂😂
جلنار : وفي غيرها لصقة 😏
سامر : اي في انتي أكبر لصقة 😂
جلنار رمته بالمسندة 😇😲
وخبطته في وشه 😂
سامر : هيي يا جزمة ده شنو 😡😂😡
جلنار : خلاص آسفة آسفة 😂😂😂😂😂
سامر : والله ما اسيبك
وجاء بقى يضربها بالمسند وبضحكوا لمن جلنار فجاة بقت تبكي 😭
سامر: اوووه اوووه في شنو ياخ الدموع لزومها شنو مش كننا كويسين هسه 😟😦
جلنار : سامر انا عايزة ماما الله يرضى عليك جيبها لي والله تاني ما بزعلها بس جيبها لي وبصالح بابا كمان وببقى كويسة وباخد الدواء عليك الله تجيبها عايزاها انا بس ثواني اسألها ليه خلتني 😭😭😭😭
سامر : جوجو انتي أخت منو ؟!😑
جلنار : اختك 😭
سامر : طيب مالك بتبكي تسكتي ولا أبكي انا كمان😕
جلنار : لكن هي ليه تسيبني انا محتاجاها والله ما بقدر اعيش كده بموت ما طلبت شي كتير ده اول طلب لي في حياتي بس ياريت تجيبها لي 😭
سامر بنهرة :جلنااار
واداها كف لمن سكتت وبقت تبكي بصوت واطي وتتنهد ضماها وبقى يقول ليها : جو جو أمك ماتت يعني حا تشوفيها لكن في الاخرة وانتي عارفة لو حصلت ليك شي بموت انا صح ليه بتعملي كده وبتعذبينا معاك 😔
جلنار نامت وما كانت بتسمعه
سامر انتبه انها نامت بدون ما تأكل وطلع منها بعد غطاها 😴
أمين :اها يا ولدي كيف بقت واكلت شي ؟! اتكلم
سامر : لا ما اكلت وانا استاذنك يلا
سامر طلع واتنهد تنهيدة طويلة وبدون يحس نزلت دمعة منه
بس فجأة تلفونه اتصل وكان عمار
عمار :الو
سامر:........
عمار : الوووووو
سامر : ...ماف رد
عمار :سامر انت سامعني 😤😦
سامر : عمار تعال لي سرعة بالله
عمار : اي طيب انا خلصت عشرة دقائق وبكون عندك 😔
سامر قفل منه وبقى يبكي بطريقة هستيرية ويصرخ ووقع على ا

لأرض
عماربعد وصل : سامر في شنو خير مالك كده وحالتك دي كده اتكلم 😣
سامر ما كان برد بس ببكي 😭
عمار : طيب فهمتك يلا نمشي 😊
عمار ساق سامر ووصله البيت وكبا ليه منوم عشان عارفه ما حاينوم 😔😫
سامر : هي ذنبها شنو لييه بس 😭ااااااااه
يا ربي والله كفاية خلاص تعبت انا تعبت 😔✋
عمار مشى جاب ليه مصحف وقال ليه : سامر قوم ده ما سامر البعرفه الما بنكسر انا اخر مرة شفتك بتبكي يوم وفاة فاطمة خالتك تاني ما شفتك في الحالة دي رجاء هسه بطل بكاء انت ما عندك اي ذنب في الحصل فاهم وهسه قوم اتوضا وصلي ركعتين وادعي واقرا قران بتلقى روحك اتحسنت كتير يلا اسمع الكلام بطل قوة رأس 😐✋
سامر صلى وبقى يدعي وحس براحة عجيبة وحاول ينوم اول شي خطر بباله وش مرام وكلامها وتصرفاتها وقال : هسه البت دي طبيعية مجنونة بس وكريهة ولسانها طوييل لكن حلوة وطيبة و
بس استوعب كلامه وبقى بضحك😂✋😐🐸
بس تاني نام وما صحى الا بعد ساعات
سامر : ااخ يا راسي انا نمت من متين 😣عاين للساعة لقاها6 ونص لالا انا نمت كتير ده شنو ده مفروض أمشي لفهد اووف هسه بزعل 😲😖

في جهة تانية
.........
مرام دخلت الغرفة وما لقت زول عاوزة ترجع الباب اتقفل
سمعت صوت ضحكة مرأة وصوت بنات بتهامسوا وكلام وخافت وغطت إذنيها وبقت تصرخ
طلعوني منو هنااااا زول يساعدني 😱😭
بس سمعت صوت بقول :ويبين يا جميل الليلة موت موت 😈
مرام: ......

#هي_المرام 🎀
بقلم : ÄmNa Ëzadeen
💞١٨ 💕

مرام :منو في منو هنا 😱
الصوت : هههه مرام الجابك هنا شنو 😂ولا كنتي لاحقاني يا بتي 😂خفتي صح 😂😂😂😂😂😂
مرام : اي خوفتيني مووت
أأأنا ممما كنت بلحقك ببس يعني كنت عايزة اناديك تعملي لي الخلية بتعرفي تظبطيها وبسام جايينه ضيوف الليلة عرفتي بس ده كل شي 😇
علياء : اهااا طيب ماشي يلا اطلعي خليني اقفل المخزن ده مليان حشرات ارح 😯
مرام وهي طالعة سمعوا صوت انين
مرام : عمتي في زول هنا 😵
علياء :لالا ماف زول ارح بتكوني بتتخيلي 😊
مرام : لا والله سمعتها مرة بتبكي 😐
علياء :يابت قلت ليك ماف شي اطلعي *قالتهاوهي بتضغط على الحروف ضغط *😬
علياء مسكت مرام من يدها وجرتها برة
مرام : فكيني ياخ انا سمعتها راجعة ليها انتي ليه بتعملي في المخلوقة كده 😢
علياء : اسكتي ولااا كلمة وتاني اوعاااك تدخلي هنا سامعة عشان ما نختلف تمام وبعدين انا ما شافعة تغشيني عارفاك كنتي لاحقاني 😊وعيديها بس وما بحصل خير صدقيني ☺
مرام : طيب ماااشي انا حا اكلم امي وبابا وبسام والكل اي شي بكلمهم بيه ما حا اسكت يا مجرمة 😭
علياء جات على مرام وضربتها كف وبقت تقول : انا لحد الان بتعامل معاك حلو لكن والله تتعدي حدودك ما بريحك ما كفاية مستضيفنكم في بيتنا وكمان جايين تعملوا لينا وجع راس 😒
مرام : كانت ساكتة وبتبكي😭💔
بس تاني علياء خنقتها لمن رقبتها حمرت وقالت : شايفة الحصل هنا ده لو جنس مخلوق عرف وييييلك مني سامعة 😇
بعدين علياء فكتها ومشت
مرام : اااخ دي شنو المصائب دي لكن اصله ما بسيبك 😈
مستعدة اعمل اي شي لكن يعرفوك يا كريهة 😐
مرام طلعت غرفتها وبقت تفكر في خطة تطلع بيها المرة من البيت
مرام : صح انا نسيت نحنا كننا طالعين رحلة بعدين اتعكست وما مشينا احسن حل اقنعهم ونطلع وبرجع براي وببلغ الشرطة بس ماف حل غير كده والا بتقتلها المجنونة دي 😳
مرام نزلت تحت لقت امها وعمتها علياء بتونسوا

علياء : مروووم تعالي يا بتي اشربي معانا الشاي ظااابط من يدين امك 😆
امي : اي يا مرام تعالي اسمعي كلام عمتك
ومرام لسه مصدومة وكانت ما بتتحرك من مكانها بس استوعبت
مرام : اي اي جاية يلا 😔
علياء بقت تتونس ولاا كانها عاملة شي ومرام بتعاين ليها باستفزاز بعدين قالت :امي انا تعبانة شوية طالعة فوق انوم 😊
ام مرام : طيب يلا وما تنسي بعدين تنزلي للعشاء تمام ما تنومي 😊😀
علياء بعد طلعت مرام : عايني يا اختي رايك شنو نعرس لمرام دي مع منيرة وحتى مازن عنده اخوه قمر بس اسكتي ساااي ومقرش وزول مغترب اهم شي 😉😇😈
ام مرام : لالا يا علياء بتي لسه صغيرة ما تمت 17 سنة وزاااتو حرام وما صح نعمل كده
علياء :لالا يا اختي نحنا عرسنا اصغر منها ومسكنا بيوت 😅وماشاء الله هسه غايتو كان دايرة رائي عرسي ليها بس مع اختها ولا خطوبة ساي والعرس بعد شوية زمن 😐😁
ام مرام : لالا وهي زاتها ما بترضى ياخ ناس الجيل ده بس عايزين يكونوا متحررين 😂
علياء : شوفي اوريك تتذكري يوم خطبة منيرة مش نحنا ما جينا وكانت هناك 😈
ام مرام :اي اها
علياء : بسس في اليوم التاني ضربت لي ام العريس وقالت عايزاها لولدها التاني احمد 😊والله ما بتخسري بس جربي اساليها يمكن توافق خطوبة وبس 😉
ام مرام : طيب يا علياء يا اختي بسالها 😊

ام مرام ما اشتغلت بكلام علياء بس كانت مقتنعة انه مرام صغيرة وما قدر مسؤولية وعرس ولا حتى ارتباط 😂😐

في جهة تانية .....

امين : جوجو حبيبتي كيفك بقيتي كويسة صح 😍
جلنار : .....
امين : ما تزعلي من بابا وريني عايزة شنو وانا بنفذه ليك 😗😌😎
جلنار : متأكد 😊
امين : وبشدة 😌
جلنار : طيب بوريك بس ما هسه انا جوعاانة بليز عايزة اكل 😋
امين : اصلا عارفك لكن راسك قوي يعملوا ليك شنو بس 😂
جلنار : بابا اتصل لسامر خليه يجي 😃
امين : حاااضر من عيوني
امين اتصل بسامر
امين : الو سامر
سامر : اهليين خالي هسه كنت بفكر اجيك والله لكن اتذكرت فهد عازمني الليلة 😅
امين : لا فهد ولا شي جلنار قالت عايزاك تعال لو بتقدر
جلنار : بابا خليه يجيب معاه بيتزا وشوكليت وايسكريم كمان 😋
امين : سمعت طبعا 😂😂
سامر : اي حاضر قول ليها جاي طيارة بس 😂
امين : والله الدلع ما كويس لكن ما بقدر ارفض ليها طلب 😐
سامر : وانا بقدر يعني 😂😀😊جاييك بس وبعدين المرت بيه هي ما ساهل يا خالي اياك تشاكلها بس 😔
امين : هسه بالله في نظرك منو البشاكل التاني اسكت ساااي نهر بس 😂👊✋💔
سامر : اي خلاص لمن اصلكم 🐸✋💔
سامر قفل من امين
واتصل لفهد
سامر : فهد اسمعني والله الليلة انشغلت عدييل ما بقدر اجيك خليها بكرة تمام 😇
فهد :ليه خير ؟!
سامر :لالا خير لمن اصلك بحكي ليك طيب 😆😅
فهد : اوكي براحتك يلا لمن تصل طمنني وما تسوق سريع عمار كلمني با نفعالاتك ونفسياتك دي 🐸💔✋
سامر : اي عارف عمار ما بتتبل في خشمة فولة 😂🙆

في جهة ناس مرام
مرام طلعت نامت
بسام دخل البيت وبقى بسال عنها
علياء : ما عارفة لكن اظنها في غرفتها نايمة اطلع شوفها 😊
بسا

م : اي باندا هي ليل ونهار نايمة لكن بوريها النوم على اصوله😈
بسام شال جك موية وطلع بيه فوق لمرام وموية تلج كانت 😖
بسام كب فيها الموية مرة واحدة 😂😈
مرام :ياااا زفت يااا جزء من النص مفقود مالك ياخ 😭
بسام : انا قلت شنو مش قلت تجهزي العشاء ؟!ها 😐
مرام :عملته ياخي 😴
بسام : خلاص طيري ختيه في السفرة شوية ويصلوا
مرام وهي طالعة ما لقت شي غير توب هزاز لبسته ونزلت وبقت ماشة يااالله 😂
نزلت رتبتها وقبل تتحرك دخلوا اصحاب بسام وهي منظرها بيييش #اوصفها ليكم كانت عاملة اربع كعكات والتوب طبعا كلنا عارفين كيف عامل ووشها فيه باقي كحل مسيل وشبشب حمام وحاالة 😂😂😂.
بسام لمن اتحرج وبعد شوية كلهم بقوا بضحكوا وبقوا بسلموا على ناس البيت ولما جوا عند مرام فطوها الا واحد
الولد سلم وضغط على يدها شدييد لمن كلهم لاحظوا ليه
بسام : انور يلا تعال سلم على عمتي وراجلها😊
انور : اي بس اول مرة اشوف حبشية حلوة كده
بسام ما قدر يتحمل وضربه :كيف تقول لي اختي حبشية لا وتمسكها كده كمان 😤😠

انور : روق يا مان خلاص انا اسف اسف 😉😯
بسام عاين ليه باستحقار وقال :امم ما تعيدها كويس عشان ما اكسر راسك وابتسم ليه بالجنبة ومشى 😐
انور بقى بصفر وقال مع نفسه : اح انا العسل دي يا بعرسها يا ما بخلي زول غيري ياخدها مستحييل عمري كله ماشفت مزة صاروخ زي دي 😍..
مرام مسكتها رجفة وبقت تعرق بدون سب وطلعت بدون تتعشى ولا تتكلم مع زول
وبقت ترجف بس 😭
وبدون تحس اتصلت على اخر رقم وكان حق سامر

سامر :الو
مرام بس كانت ساكتة
سامر :الووو يا عالم ما عايزين تتكلموا ما تتصلوا 😒
مرام ما قدرت تتحمل وبقت تبكي وتتنهد والعبرة خانقاها 😭😭😭😭
سامر كان مستغرب ده رقم منو وليه بتبكي البت بعدين عاين للشاشة لقى المجنونةوهي مرام
سامر اعصابه تلفت وبقى يسالها :مرام مالك يابت خير منو الزعلك 😐
مرام : هو هو لييه يعمل كده 😭😭😭
سامر :يابت الناس اهدي واحكي لي الحاصل
ووقف العربية وبقى يسمعها 💔
مرام : هو مسك يدي بعدين بعدين 😭😭😭💔
سامر :كده ما حا نخلص اتكلمي زي الناس 😤
مرام :خلاص انسى اسفة شغلتك 😊
وقفلت الخط
سامر رجع ليها وبقت تفصل في وشه
في الاخر ردت
سامر : اهدي واحكي لي ولو عايزة خليك بتبكي كده ما تحبسي في قلبك تمام 💔
مرام : حكت ليه وبتبكي مع كل كلمة 😭
سامر : طيب انا بتصرف
وقفل منها
سامر حس بضيق عجيب وزعل وغضب وقال :هو منو عشان يتجرا اصلا انا بربيه 😤😡
بعدين قال :وانت طيب مالك زعلان كده يمكن حبيبها او بقربها احسن ما اتدخل لكن ما بقدر اسكت وانا اصلا احاسبه بصفتي شنو 😣😢

بس دور العربية وبقى سايق بطريقة جنونية
سامر لقى العربية ما بتلف معاه وخشى في شجرة 😖
الناس اتلموا وبقوا يقولوا ده مات وما بعيش تاني والحادث خطير ووووو........

#هي_المرام 🎀
بقلم : ÄmNa Ëzadeen
💞١٩💕

اسفة اليومين الفاتو ما كتبت كنت مشغولة العيد وكده المهم هسه بعوضكم ديل جزئين وبعدين جزئين 😍
نكمل....

الناس اتلموا وبقوا يقولوا ده مات وما بعيش تاني والحادث خطير وووو......

في جهة مرام ..
مرام مع نفسها : انتي غبية هسه كان في داعي تكلميه ده متكبر ساي وهسه يقول عني شنو بس ياالله 😧 انا ما عارفة لساني ده اعمل بيه شنو احسن شي اتصل عليه واعتذر من الهبل العملته ده 😷ولا احسن ما اتصل يارب ده شنو ده ياخ ما ممكن
بعد تفكير طوييل قررت ما تتصل واحسن تتقل لكن تقلتها دي هل حا تنفعها نشوف ...😊

سامر اغمي عليه ومن شدة الحادث اتضرب في راسه وكان عنده نزيف شديد 💔
بس واحد من الناس المتلمة قال : يا عالم ده شنو ياخ ما ممكن وين رجولتكم زول يرفعه معاي بجد البلد انتهت 😔
الراجل رفعه ووصله المستشفى ولما دخل ..
الدكتور : يا ممرضة سرررعة دي حالة خطيرة دخليه غرفة العمليات وقال للراجل : انت امشي عبي لي الاستمارة وادفع الرسوم لانه ما بقدر اعمل شي لحد ما تدفع وتبلغ الشرطة وحالته دي مستعجلة جدا وممكن نفقد المريض سريع بالله ما عندنا زمن 😖
الراجل واسمه '''محمد '''
محمد : وين الاستمارة حضرتك خليني اعبيها 😊
الموظفة : قرابتك او صلتك بيه شنو 😐
محمد : والله انا ما بعرفه ولقيته عامل حادث وكان حالته منتهية بجد لكن الرسوم بدفعها وموضوع القرابة ده بتصل لاهله يجوه ينفع ؟!
الموظفة : اي طيب اتفضل😇
محمد دفع الرسوم وهو طالع اتذكر انه رفع تلفون سامر من الارض وقال احسن حاجة اتصل باي زول من اهله بكونوا خايفين عليه ✋
مسك التلفون وكان عليه نمط ما قدر يفتحه ودخله في جيبه 😶

في جهة مرام ..
مرام : لالا كده كتير احسن اتصل اشوف ماله وبعدين شكله كان معصب لازم اتصل اتطمن بس 😢
مرام مسكت تلفونها واتصلت وبقت تقول : ان شاء الله ما يرد بس 😣
محمد لقى الجوال بهتز وفتحه لقى مكتوب المجنونة وفتح
مرام : الو سامر كيفك
محمد : انا ما سامر صاحب التلفون ده عمل حادث وهسه في المستشفى فلو بتقربيه ممكن تجي في مستشفى ....
مرام : ششششنو ححادث طيب جاية بس ربع ساعة واكون عندك 😳
مرام نزلت ولاقت علياء
علياء : طالعة وين كمان 😒
مرام ولااا اتكلمت معاها اصلا بس بقت ماشة مسكتها من يدها وقالت : انا بتكلم معاك طايرة وين 😠
مرام : فكي يدي دي ما شغلتك اصلا
بس تاني جات ام مرام
علياء :تعالي شوفي بتك يا اختي طالعة اخر الليل وبتشاكلني لو سالتها والله ده اخر الزمن 😢وبقت تبكي وتشكي ليها 😭😭
ام مرام : مرام اعتذري سريع واطلعي غرفتك ماف طلعة هسه سامعة 😡
مرام : بس يا ماما
ام مرام :ولا كلمة يلا اعملي القلته ليك
مرام عشان ما تكتر كلام مع امها اعتذرت وطلعت غرفتها وبقت مقلقة بس 😖😫😭
مسكت تلفونها واتصلت على مروة وقالت ليها : اسمعي بدون مقدمات عندك رقم صاحب سامر ولا اي حد بقربه
مروة :اي عندي رقم عمار
مرام : طيب سرعة اديني ليه ماف زمن اسرعي بالله
وقفلت منها رسلته ليها في رسالة ومرام اتصلت وكان نايم
بس مارد ليها 😷
مرام زهجت من الاتصال الكتير وما كان برد عليها
بس رجعت لمروة : يا بت الرقم ده ما شغال 😐
مروة : كيف ما شغال قبل كم يوم كلمني عادي شغال يابت 😕
مرام : ما تكتري كلامك قلت ليك ما شغال ياخ 😠
مروة : طيب مالك معصبة كده الحاصل شنو ؟!
مرام : والله ماف زمن احكي ليك بس اديني رقم زول بقربه ولا بعرفه
مروة : عندي رقم البهيمة انسام بس اديك ليه 😏😪
مرام : اي بالله 😐
مروة :طيب يلا 😎
مرام اتصلت بانسام وبقت تدعي انها ترد
اما انسام كانت بتضرب منكير وعاملة ماسك لوشها وسمعت الرنة قالت للحبشية اديني التلفون ده وافتحي الاسبيكر واطلعي برة 😊
وفعلا عملت كده
انسام : الو سموري حبيبي كيفك اشتقت لي ولا شنو 😍
مرام : شوفي ما عندي زمن لهبلك ده وبدون مقدمات او اسئلة سامر عمل حادث وهسه هو في مستشفى ... وانا ما بقدر امشي فبالله امشي سريع عايزين حد من عيلته
انسام :هههه مرووم خدعك دي ما بتنطلي علي ما عارفاك عايزة شنو بالضبط بس انا هسه ما فايقة لعبط الشفع انقلعي 😒😏
مرام بعد قفلت منها بقت ما عارفة تقول شنو وبس بتبكي لمن حست بشي بارد في راسها وكان لمن لمسته دم 😳
مرام : اااخ ده شنو ياربي بس ما وقته ياخ 😷
مشت غسلته ولسه بتنزف وما عارفة من وين هو بس جابت شاش ولفته وشعرها اصلا طويل شديد فكان بحرقها ومع صداعها ده عمار صحى ولقى مكالمات منها ورجع ليها
عمار : الو
مرام ببحة :الو عمار سامر عمل حادث الحقه بالله اتصلت ليك قبيل وما رديت وهسه ما بقدر امشي بس لمن تصله طمنني تمام وفي مستشفى .....
عمار اتخلع ونط من سريره ومشى وصل وما عارف كيف ومتين وصل المستشفى ودخل لقى محمد نايم وهو في الكرسي والممرضة بس
سال الموظفة عن اسم المريض سامر وما لقته بس كان عايز يمشي قاات ليه في واحد قبل نص ساعة كده جابوه عامل حادث واهله ما عرفناهم وهسه في غرفة العمليات لسه لكن بتقدر تسال الزول الوصله واشرت

ليه على محمد
عمار : سلام
محمد وهو نعسان : ايوه
عمار : انت الجبت سامر صح😐وهو عامل حادث رقم السيارة 568***
محمد : اي انت بتقربه 😀
عمار : طيب كيف حالته كويس ولا الحادث كان خطير 😳
محمد : والله ما بكذب عليك هو خطير لكن اسعفناه بسرعة وهسه في العملية لسه ما طلع
بس قطع كلامهم الدكتور وهو طالع 😎
عمار : طمننا يا دكتور كيف المريض وحالته هسه مستقرة في خطر على حياته قول 😭
الدكتور : طيب اديني فرصة اجاوبك هو هسه كويس لكن ممنوع تدخلوا ليه الا بعد ساعتين ممكن وشخص واحد بس 😶
عمار : طيب يلا اسدد الرسوم
محمد : لالا دفعتها انا 😊
عمار : كتر خيرك يازول ما قصرت ربنا يجزيك خير وبرجعهم ليك
محمد : لا ياخ ماف داعي ده واجبي وبعدين ترجع شنو يازول ما بيناتنا 😊

في جهة مرام
بعد لفت راسها بس بقت تعمل مساج وتتقلب وبرضو ما خلاها وقالت ياربي هسه سامر كيف وحي ولا لا 😔
ده كله بسببي ما كان اكلمه
تاني قالت لكن انا ما عندي ذنب لكن بررضو اكبر ملامة 😐😢واتصلت بعمار
وقالت ليه طمنني كيف بقى 😐
عمار قال ليها كويس حد الان الحمدلله في زول ساعده وحتى الرسوم دفعها ما تخافي 😊
مرام حست نفسها عملتها واضحة وكترتها وخجلت تساله اكتر فسكتت 😅وقفلت بس كان كل همها تشوفه واخدتها غفوة بصداعها 😂

عمار بعد تم ساعتين قال هو حا يدخل ولما دخل سمع سامر بقول : ما بخليه ليه يعمل كده هو منو دي حقتي انا بس ما مسموح لغيري يلمسها 😷
عمار : سامر اصحى
سامر يادوب استوعب وبقى بفتح حبة حبة
وقال : عمار انا الجابني هنا شنو ياخ مش كنت سايق وده شنو الفي راسي ده حصل شنو
وحاول يقوم بس راسه المه ومسكه وقاال :ااه ده شنو الدم ده اتكلم 😣
عمار : سامر اهدى عملت حادث انت والحمدلله هسه بقيت كويس ماف شي ما تخاف 😓
سامر بدا يتذكر وقال لي عمار جيب ليه تلفونه
عمار طلع يجيبه من محمد وبالمرة يعرفه عليه بس ما لقاه لقى الجزلان حق سامر وتلفونه وسال الموظفة : وين الزول الكان هنا هسه 😦
الموظفة : والله جاه اتصال وطلع وختى الحاجات دي هنا وقال اديكم ليها 😊
عمار : اهااا طيب تمام
وشال التلفون لسامر لقاه قام على حيله عايز ينزل
عمار : ماشي وين
سامر : نازل تحت اتكلم بالجوال 😐
عمار : لا خليك انا بطلع اصلا نازل اجيب رصيد 😇
سامر : طيب يلا هات
اتصل بمرام وكانت ما بترد ونايمة
قال في نفسه : دي شنو الجدادة دي بتنوم من هسه عاين للساعة لقاها 1:30 قال ده شنو الزمن اتاخر شديد ياخ اخليها للصباح 😅 بلاش ازعاج وتقالة دم
عمار جاء راجع وهو اصلا كان بتصنت بالباب ما نول تحت
سامر : اي عااارفك وحافظك كنت واقف وراء الباب صح حركات الجواسيس ده ما بتنفع يا زول هوي 😂🐸
عمار :🌚💔
سامر : من الاخر قول عايز تعرف شنو 😐
عمار : والله الموضوع ما خطير شديد بس مهم بالنسبة لي اعرف منو الشغلت بالك دي 😉😯
سامر : اللهم سترك ياود انت جنيت ولا شارب شي
لالا اكيد شربت شي ماطبيعي انا وحب وقلب وهبل زي ده انت يازول ما جادي في حياتك ولا شنو 😅
عمار : ههههه طييب انكر ما عندك مشكلة بعرف بعرف عاجلا ام اجلا وبالمناسبة انا ما بتكلم ساي شكلك ما واعي بالبتقوله صح ها 😂😈
وسمعه تسجيل فيه كل القاله
سامر : ده ما انا 🌚💔
عمار : لا ياشيخ 🐸
سامر : اااخ راسي وبطني ااخ يا دكتور 😫😭
عمار :😒بطل تمثيلك فاشل احكي في شنو
سامر : ماف شي والله احكيه وحتى كلامك ده ما منطقي وما كلام زول بعرفني 🌚🐸💔
عمار : براحتك ما تحكي يا مان ما بجبرك لكن لمن اعرف براي بوريك بعمل شنو فيك يا جزمة 😈
سامر : طيب انلقع خليني انوم يا ممرضة الزول ده زاعجني 😐
عمار :طالع طالع بكرامتي 😂
في جهة مرام صحت نص الليل براها وكانت حاسة بقبضة قوية في قلبها وبقت تشوف طشاش طشاش وهي نازلة من السلم وقعت 😷
كلهم سمعوا صوت الوقعة وجوا طالعين
ام مرام : الليلة يابتي ماتت يا احمد الحق بتك 😭😭واااي يا ضناي وووب علي مالك 😭
احمد جاء نازل وبسام وكل العيلة اتلمت
بسام وبتمتم :امي مرام مالا الحاصل شنو
امها : ما بعرف الحقوني ارفعوها معاي ما تتفرجوا
كلهم من الخلعة ما قدروا يتحركوا الا بسام رفعها واتصل للدكتور ابى يرد ومشى اقرب صيدلية جاب مسكنات ورجع واداها حقنة وهو اصلا كان قرا كورس بتاع اسعافات اولية
بسام : امي اسمعي دي حبوب لمن تصحى اديها ليها اظن ده هبوط ولا تعب يلا انا طالع لمن تصحى كلموني وطلع بقى ببكي وبتشهد عليها وعلى حالتها 😢
علياء : يا اختي قومي اشربي ليك موية وارتاحي انا بقعد معاها سمح
امها : لالا ما بقدر بس خليني هنا دي بتي قربت تموت ياخ كان ما لحقناها 😭
علياء :دي بتي برضو قومي ارتاحي شوية وتعالي وبعدين هي هسه كويسة ما تخافي لمن يصل الدكتور مشى يجيبه بسام يلا امشي
امها : طيب خلي بالك منها
وطلعت
اما علياء قالت وهي جنب سرير مرام : مالك ما متتي ولا قاعدة لي وجعة قلب بس هسه الزول لو قتلك وارتاح منك ماله 😊
ام مرام نزلت لابوها تحت وقالت ليه
اسمع يا احمد بتي دي ما اظن تتحمل اك