«Մենք պատերազմի և խաղաղության միջև ընտրություն չունենք, մենք ունենք ընտրություն պատերազմի և ցեղասպանության միջև»։

«Աբովյան time» պոդկաստի հեղինակ Արման Աբովյանի զրուցակիցը քաղաքագետ Հրանտ Միքայելյանն է։

«Ելքը հետևյալն է՝ մենք մեր ուժերով չենք կարող դեմն առնել, հատկապես հաշվի առնելով, որ Արցախը տվել ենք, իսկ հիմնական վահանը Հայաստանի եղել է Արցախի առաջնագիծը, և հիմա մենք պաշտպանվելու հնարավորություն զգալիորեն չունենք։ Մենք պետք է ձեռնարկենք զսպման քաղաքականություն՝ ձեռք բերենք գործընկերներ, որոնցից անդադար հրաժարվում են այս իշխանությունները։ Ուրիշ ճանապարհ չկա»։

Քաղաքագետը խոսել է նաև ռուսական ցորենը երկաթուղային ճանապարհով Ադրբեջանի տարածքով, ապա Վրաստանով Հայաստան փոխադրման մասին․

«Եթե դիտարկենք Ադրբեջանի քայլերի նպատակները, ապա այստեղ երկու հիմնական նպատակ է առանձնանում․ առաջինը՝ ցույց տալ ինչ-որ շոշափելի արդյունք խաղաղության գործընթացում։ Ալիևը, կարծես, փորձում է այս կերպ օգնել Փաշինյանին՝ ամրապնդելու ներքաղաքական դիրքերը, քանի որ խաղաղության թեման Հայաստանում մեծ աջակցություն չունի։ Երկրորդ նպատակը՝ արտաքին ցուցադրական քայլն է։ Միևնույն ժամանակ, Ալիևը ևս մեկ անգամ ցույց է տալիս, որ իր վերահսկողության տակ է պահում Հայաստանի ուղղությամբ ցանկացած բեռ։ Այսինքն՝ այսօր թույլ է տալիս, վաղը կարող է արգելել»։

🎦զրույցն ամբողջությամբ

♥️@RadioSputnikArm | LIVE 106.0FM

«Հալեպ–Երևան–Հալեպ ուղիղ չվերթների վերականգնումն անհրաժեշտություն էր»։

Sputnik Արմենիան Հալեպի «Գանձասար» շաբաթաթերթի գլխավոր խմբագիր Զարմիկ Պողիկյանի հետ զրուցել է հետպատերազմական Հալեպում վերականգնվող կյանքի մասին, որի կարևոր բաղկացուցիչն է նաև Հալեպ–Երևան–Հալեպ չվերթի վերականգնումը։

📌Չվերթերը կիրականացվեն շաբաթը մեկ անգամ, յուրաքանչյուր ուրբաթ։ Սիրիայի հայաշատ այդ քաղաքի հետ ուղիղ օդային կապն ընդհատվել էր մոտ մեկ տարի առաջ՝ պատերազմական իրավիճակի պատճառով։ Այս ընթացքում մեր հայրենակիցները ստիպված էին Հալեպից ցամաքային ճանապարհով հասնել Բեյրութ, այնուհետև Բեյրութի օդանավակայանից՝ Երևան։

♥️@RadioSputnikArm | LIVE 106.0FM

«Առաջինից մինչև երկրորդ ընտրություն ըննդիմությունը իշխանության դեմ կոնոսոլիդացվելու հնարավորություն կստանա։ Բայց ինձ համար առաջնային կարևորության հարց է՝ արդյո՞ք փոփոխելու են 2026-ի ընտրություններին ընդառաջ, թե ոչ։ Իմ մտավախությունն այն է, որ սա քարոզչական հնարք է՝ ասելու են, որ մեզ քննադատում էիք՝ մենք համաձայնեցինք և գնում ենք փոփոխության, սակայն կկիրառվի ոչ թե 2026-ին, այլ հաջորդող ընտրություններում»։

Sputnik Արմենիայի հետ զրույցում «Լուսավոր Հայաստան» կուսակցության կառավարման խորհրդի փոխնագահ Դավիթ Խաժակյանը մեկաբանել է ընտրությունների կարգի նախատեսվող փոփոխություները, բացատրել առաջարվող փոփոխությունը ընթացիկ կարգի համեմատությամբ։

♥️@RadioSputnikArm | LIVE 106.0FM

«Մեր ունեցած սպառազինությունը Փաշինյանի օրոք է դարձել մետաղի ջարդոն»․ Սեյրան Օհանյան

Վարչապետ Փաշինյանի խոսքով՝ «Հայաստանի նախկին իշխանության թողած ՀՕՊ համակարգը մետալալոմ» էր։ Նա ֆեյսբուքյան գրառմամբ է պատասխանել 3–րդ նախագահ Սերժ Սարգսյանին, որն ասել էր, թե չի հասկանում՝ ինչպե՞ս էր հնարավոր պատերազմի հենց առաջին ժամերին կորցնել ՀՕՊ միջոցների կեսը։

Փաշինյանն ի պատասխան գրել է, որ ընդհանուր առմամբ ՀՕՊ համակարգը բառի բուն իմաստով մետալալոմ էր։ Հակաօդային պաշտպանության ինչ համակարգ էին նախկինները թողել Նիկոլ Փաշինյանին․ Sputnik Արմենիան այս մասին զրուցել է ՀՀ պաշտպանության նախկին նախարար Սեյրան Օհանյանի հետ։

♥️@RadioSputnikArm | LIVE 106.0FM

«Եկեղեցու սյուն» ու խաչքարի բեկորներ՝ Սևանի հատակին

Ջրասուզորդ Աննա Մարտիկյանը «Ուրիշ նորություններում» ներկայացրել է Սևանա լճի հատակի հետազոտությունների վերջին 10 տարիների արդյունքները։ Այս տարի Բերդկունքի հատվածում հայտնաբերվել է «եկեղեցու սյուն», ինչպես նաև խաչքարի բեկորներ, որոնք կարող են թվագրվել 4-7-րդ դարերով․

«Այս հուշարձանները, որոնք ավելի քան 100 տարի գտնվում են ջրի տակ, ըստ ՅՈւՆԵՍԿՕ-ի չափանիշների, համարվում են ջրասույզ մշակութային ժառանգություն»։

Նա իր 10-ամյա փորձի ընթացքում բացահայտել է նաև լճի մոգական կարողությունը․ ասում է՝ Սևանը խոսում է մեզ հետ ու շատ անգամ ինքն է ուղղորդում։

Ջրասուզորդն անդրադարձել է նաև լճի էկոլոգիական վիճակին, Սևանի հնարավորություններն։ Խոսելով զբոսաշրջային ներուժի մասին՝ Աննա Մարտիկյանն առաջարկում է Սևանը դիտարկել որպես համալիր ստորջրյա զբոսաշրջային հասցե, քանի որ, չնայած դժվար պայմաններին, լիճը շատ հարմար է սուզորդների պատրաստության համար և կարող է լինել աշխարհում առաջավոր դիրք գրավող լճերից մեկը։

🎦զրույցն ամբողջությամբ

♥️@RadioSputnikArm | 🔴🔴 106.0FM

«Աբովյան time»․ Լեգիտիմությունը ձևավորվում է ուժային և տնտեսական բաղադրիչների հաշվին, ոչ թե հակառակը։

Լեգիտիմությունը ընդամենը կարգավիճակ է, որը որևէ երաշխիք չի տալիս։ Լեգիտիմությունը առանց ուղեկցող և ապահովող բաղադրիչների, օրինակ՝ ուժային կամ տնտեսական ռեսուրսի, արժեք չունի։

Երբ ասում են, թե լեգիտիմությունն է անվտանգության երաշխիքը, իրականում ամեն ինչ ճիշտ հակառակն է՝ անվտանգությունն է, որ երաշխավորում է լեգիտիմություն․ չի կարելի պատճառահետևանքային այս կապը շրջել։ Սա վերաբերում է թե՛ պետություններին, թե՛ քաղաքական, թե՛ էթնո-քաղաքական միավորներին և թե՛ միջազգային հարաբերություններին։

Օրինակ՝ Սիրիան․ սահմանները դելիմիտացված էին, դեմարկացված, նրա ինքնիշխանությունը՝ 100%-ով միջազգային իրավունքով ճանաչված և լեգիտիմացված։ Խանգարե՞ց դա Թուրքիային ներխուժել և օկուպացնել Սիրիայի տարածքը։ Ո՛չ։ Նույնը կարելի է ասել Լիբիայի, Կիպրոսի կամ Հյուսիսային Իրաքի մասին։

🎦զրույցն ամբողջությամբ

♥️@RadioSputnikArm | 🔴🔴 106.0FM

«Փաշինյանը ձևավորում է «իրական Հայաստանի հայ առաքելական եկեղեցի»՝ իր պատկերացրած կանոններով, իր պատկերացրած կադրերով, իր պատկերացրած արարողակարգերով»։

Sputnik Արմենիան զրուցել է քաղտեխնոլոգ Վիգեն Հակոբյանի հետ։

«Փաշինյանը բացել է հերթական «Օվերտոնի պատուհանը», հերթական կարմիր գիծն է հատել, փորձում է Հայ առաքելական եկեղեցին պառակտել, բաժանել «օծյալ կաթողիկոսի եկեղեցու» և «իրական Հայաստանի եկեղեցու», և այդ երկու «երկու եկեղեցիների» փաստը, երկու ստատուսները սովորական դարձնել հավատացյալների համար։ Ինձ թվում է՝ տվյալ պարագայում շեշտը դրվում է ոչ թե զանգվածային բնույթի, այլ պարբերականության վրա»։

📌Նիկոլ Փաշինյանն արդեն երրորդ կիրակին պատարագի է մասնակցել․ այս անգամ Թալինի եկեղեցում։ Պատարագը մատուցել է գործող քահանա, որի հարցը ևս Մայր Աթոռի կարգապահական հանձնաժողովի օրակարգում է։ Ու թեև Փաշինյանն ընդլայնում է եկեղեցիների աշխարհագրությունը, չի ընդլայնվում այդ միջոցառումների մասնակիցների թիվը։

♥️@RadioSputnikArm | 🔴🔴 106.0FM

🔴🔴 ՈՒՂԻՂ ԵԹԵՐ

🔊«Եթե «Արևմտյան Ադրբեջան» կառույցը ներքին լսարանի համար է, ինչու՞ է գրասենյակ բացել Թուրքիայում»․ Գառնիկ Դավթյան

📎«Սևան-Գյոյչա» թեմայով Ալիևի վերջին հայտարարություններից մեկը շատ քննարկվեց Հայաստանի քաղաքական դաշտում։ Հարցին, թե որքանով է Ադրբեջանի հռետորաբանությունը նպաստում խաղաղության հաստատմանը, որի մասին թմբկահարում է Հայաստանի իշխանությունը, հայրենի կառավարությունը պատասխանեց, թե Ալիևի հայտարարույթուններն ուղղված են առավելապես ներքին լսարանին։

Որքանո՞վ է «Արևմտյան Ադրբեջան» կոնցեպտը ուղղված ներքին լսարանին․ Sputnik Արմենիան զրուցել է Ադրբեջանի հարցերով փորձագետ Գառնիկ Դավթյանի հետ։

♥️@RadioSputnikArm | 🔴🔴 106.0FM

«Նախկին «КВН-շիկ» չի լինում». Գրիգոր Գասպարյանը՝ հայկական հումորի, դրա էվոլյուցիայի և կինոյի մարտահրավերների մասին է խոսել «Ուրիշ նորություններում»:

Նոյեմբերի 8-ին նշվում է ՈւՀԱ-ի (КВН) միջազգային օրը:

«Նոր հայեր» թիմի անդամ Գրիգոր Գասպարյանը խոստովանում է, որ իր համար КВН-ը ապրելակերպ է. կարոտով է հիշում դասական ՈւՀԱ-ն՝ սատիրայով ու քաղաքական ենթատեքստով։ Ըստ նրա՝ ինտելեկտուալ հումորի պահանջարկը նվազել է, իսկ համացանցը փոխել է ձևաչափերը։

КВН-ում անցած դպրոցը օգնում է նրան կինոյում՝ հումորի կառուցման և ընկալման հարցում։ Ներկայում նա և Արման Սարգսյանը ավարտում են 7 նովելներից բաղկացած նոր ֆիլմը Գարիկ Պապոյանի մասնակցությամբ. պրեմիերան նախատեսված է հաջորդ տարվա փետրվարին։

🎦զրույցն ամբողջությամբ

♥️@RadioSputnikArm | 🔴🔴 106.0FM

🔊Автор фильма «Воля твоя» Екатерина Аркалова находится в Ереване по случаю показа своей картины. Режиссер и журналистка приехала по приглашению Россотрудничества.

Фильм рассказывает о пострадавших храмах Новороссии. Это повествование также о священниках, воинах и обычных людях, пострадавших в ходе конфликта.

♥️@RadioSputnikArm | 🔴🔴 106.0FM

🔊Ինչու են պարտադիր ձմեռային անվադողերը

Շուրջ մեկ շաբաթից Հայաստանի բոլոր մեքենաները պետք է երթևեկեն միայն ձմեռային անվադողերով։ Համաձայն նոր կանոնների` նոյեմբերի 15-ից մարտի 31-ը ներառյալ առանց համապատասխան ձմեռային անվադողերի տրանսպորտային միջոցների շահագործումը կարգելվի, իսկ կարգազանց վարորդները կտուգանվեն 5000 դրամով։

«Ավտոսերվիս» հաղորդաշարի փորձագետ Արման Հակոբյանը նոր կարգը բավականին հիմնավորված է համարում, քանի որ ամառային «կապրոն» անվադողերը ասֆալտի արդեն իսկ +4...+7 ջերմաստիճանի դեպքում կարծրանում են՝ կորցնում են իրենց ճկունությունը, ինչի պատճառով երկարում է արգելակման ուղին` վտանգելով երթևեկության բոլոր մասնակիցներին, նաև հետիոտներին։

🎦զրույցն ամբողջությամբ

♥️@RadioSputnikArm | 🔴🔴 106.0FM

🔊«Տիգրանաշենի նշանակությունը ՀՀ ռազմավարական անվտանգության տեսանկյունից էականորեն տարբերվում է Արծվաշենի ռազմավարական նշանակությունից մի շարք էլեմենտներով՝ Հայաստանի հյուսիսի և հարավի ավտոմայրուղային ճանապարհը, ինչպես ներքին, այնպես էլ «Հյուսիս-Հարավ» հաղորդակցության տեսանկյունից, անցնում է հենց այդ հատվածով․ Տիգրանակերտը փոխանցելով Ադրբեջանին՝ Հայաստանի Հանրապետությունը կտրվում է այդ տարածքում»։

Sputnik Ամենիայի հետ զրույցում քաղաքագետ Ալեն Ղևոնդյանը ենթադրում է՝ Տիգրանաշենի և մյուս անկլավների փոխանակման պրոցեսը տեղի է ունենալու 2026-ից հետո․ ասում է՝ եթե մինչև դա լինի, գործող վարչապետի համար դա կլինի «ընտրական ինքնասպանություն»։ Քաղաքագետը հիշեցնում է նաև՝

«Առնվազն 2019 թվականի մարզային ասֆալտապատման ծրագրերում Տիգրանաշենի հետ կապված տեղի է ունեցել վերապահում՝ ճանապարհները հանվել են ասֆալտապատման պլանավորման բյուջետային ընդհանուր պրոյեկտից։ Այսինքն դեռ մինչև 2020-ի պատերազմը կար որոշակի պայմանավորվածություն, որ Տիգրանաշենի հետ կապված ունենալու ենք իրավիճակի փոփոխություն՝ հանձնվելու է Ադրբեջանին»։

📌Նիկոլ Փաշինյանն օրերս ֆեյսբուքում գրել էր, որ սահմանազատման արդյունքում մենք պետք է վերադարձնենք Արծվաշենը և ՀՀ մյուս օկուպացված ինքնիշխան տարածքները։ Ադրբեջանը ևս պարբերաբար հայտարարում է սահմանազատման և սահմանագծման գործընթացի շրջանակում տարածքների վերադարձի մասին։

♥️@RadioSputnikArm | 🔴🔴 106.0FM

🔊«Արտահոսքերն անխուսափելի են»։

ՀՀ ԱԺ «Պատիվ ունեմ» խմբակցության քարտուղար Տիգրան Աբրահամյանը Փաշինյանի նախաձեռնությունը վտանգավոր է համարում՝ շեշտելով ռազմական օբյեկտներին ու ռազմական տեխնիկային վերաբերող տեղեկությունների գաղտնիության բարձր մակարդակը։

Պատգամավորի համոզմամբ՝ քաղաքացիական մեծաքանակ խմբերի այցելությունների հետևանքով արտահոսքերն անխուսափելի են։

📌Հայաստանի երկրորդ ու երրորդ նախագահների հարցազրույցներից հետո վարչապետ Նիկոլ Փաշինյանը ֆեյսբուքում, ի թիվս այլ թեմաների, արձագանքել էր նաև բանակը կազմաքանդելու, առկա սպառազինությունը, այդ թվում ՀՕՊ համակարգը 44-օրյա պատերազմի առաջին իսկ պահից չկիրառելու և նույնիսկ կորցելու մասին հայտաարություններին։ Փաշինյանը նախ 3 նախագահներին հրավիրել էր ձեռք բերած նոր սպառազինությունը տեսնելու։ Ավելի ուշ վարչապետը նոր գրառում էր արել, որտեղ նաև շարքային քաղաքացիներին էր առաջարկել գնալ վերջին տարիներին ձեռք բերած սպառազինությունը, տեխնիկան և ինժեներական նորարարությունները տեսնելու՝ կոնֆիդենցիալության պայմանները պահպանելու պայմանով։

♥️@RadioSputnikArm | 🔴🔴 106.0FM

«Գենետիկա և ճարպակալում. 2–րդ տիպի շաքարային դիաբետի 90-95% դեպքերի հիմքում հենց այս գործոններն են»։

Դիաբետի դեմ պայքարի միջազգային օրվան նվիրված «Ուրիշ նորություններում» ներզատաբան (էնդոկրինոլոգ) Լուսինե Աղաբաբյանը խոսել է շաքարային դիաբետի 2-րդ տիպի, կաթնամթերքը ճիշտ օգտագործելու, վիտամին D-ի կարևորության, «Օզեմպիկի» վտանգավորության և առողջ ապրելակերպի մասին։

«Հենց այն պահին, երբ մենք ախտորոշում ենք շաքարային դիաբետի 2-րդ տիպը, մեր ենթաստամոքսային գեղձի 50%-ն այլևս աշխատունակ չի լինում։ Սակայն երկրորդ տիպի շաքարային դիաբետը կարելի է նաև կանխարգելել», - վստահեցնում է ներզատաբանը։

Նրա խոսքով` բուժման հիմքում դրված է սննդակարգը, քանի որ անգամ ամենաագրեսիվ թերապիան չի կարող ապահովել կոմպենսացված շաքարախտ, եթե սննդակարգը չպահպանվի։

🎦զրույցն ամբողջությամբ

♥️@RadioSputnikArm | 🔴🔴 106.0FM

🔊«Սա խիստ ցուցիչ է, թե ինչպես են տարվել 44-օրյա պատերազմի քաղաքական-պետական կառավարումը։ Այդ նույն տրամաբանությամբ էլ շարունակվում է՝ կամավորական խմբեր կազմելու, բրոնեժիլետ հագնելու ու ինքնագլուխ առաջնագիշ գնալու իր ծրատգումներս սկսաշ մինչև էս տուրիզմը։ ՊՆ–ն, ՀՀ ԶՈւ դարձրել են «ՔՊ քարոզչական կանտորա»»։

Sputnik Արմենիայի հետ զրույցում ՀՀ ԱԺ «Հայաստան» խմբակցության պատգամավոր Գեղամ Մանուկյանը ևս քննադատել է քաղաքացիներին Փաշինյանի առաջարկը քաղաքացիներին՝ «ՀՀ քաղաքացիների ցանկացած 50 հոգանոց խմբի (խմբերի), որը կհամաձայնի կոնֆիդենցիալության պայմանների պահպանմանը, պատրաստ ենք ցույց տալ վերջին տարիներին մեր ձեռք բերած սպառազինությունը և տեխնիկան, ներկայացնել ինժեներական նորարարությունները»։ Խորհրդարանի ընդդիմադիր պատգամավորների կարծիքով՝ այդ առաջարկը նախընտրական քայլ է։

«Երբ պատգամավորական այցի հարց կար, պարզվեց, որ Սեյրան Օհանյանը գաղտնիության թույլտվություն չունի, խնդիր դարձրեցին Սեյրան Օհանյանի այցը։ Հիմա այդ ո՞վ է թույլ տալիս այդ այցերը, այդ «տուրիզմը», թե՞ էլի փորձում է նախընտրական մթնոլորտում աչքակապության անել մարդկանց։ Պարզ քաղաքացի՞ն պետք է դատողություն անի համազարկային ինչ–որ համակարգերի կամ հակաօդային պաշտպանության X համակարգի մասին»։

♥️@RadioSputnikArm | 🔴🔴 106.0FM

«Երևանի քաղաքային իշխանությունը անում է մի բան, հետո տեսնում են մինչև վերջ չի ստացվել՝ անում են երկրորդ քայլը, հետո երրորդը․․․ Ռազմավարական ծրագիր չկա»։

«Աբովյան Time» պոդկաստի հեղինակ Արման Աբովյանի զրուցակիցը Երևանի ավագանու «Ազգային առաջընթաց» խմբակցության ղեկավար Արամ Թորոսյանն է։

«Մայրաքաղաքում փոփոխությունները կամ սահմանափակումները պետք է ի սկզբանե լավ մտածել, լավ քննարկել նաև ավագանու ընդդիմադիր ներկայացուցիչների հետ, բոլոր մասնագետների հետ, ուսումնասիրել արտերկրի փորձը և ամբողջական ծրագրով հանդես գալ։ Եթե դու մտածում ես, որ, օրինակ, կարմիր գիծը թանկացնենք՝ մարդիկ ավտոյից կհրաժարվեն, կգնան կնստեն տրանսպորտ, բայց չես հաշվարկում, որ շատ մարդիկ կներմուծեն էլեկտրական մեքենաներ (կայանումն անվճար է - խմբ․), ապա կարմիր գծերը հարցը չեն լուծի։ Այսինքն՝ դու պետք է ամբողջական փաթեթով ծրագրային մոտենաս, շատ մանրամասն հաշվարկես արդյունքը և նոր միայն արժեքը կամ գինը բարձրացնես»։

Արամ Թորոսյանի կարծիքով՝ ավագանու ինստիտուտն ունի շատ ավելի մեծ պոտենցիալ, քան այն, ինչ այսօր իրականում կա․ առաջարկում է՝ ավագանու անդամները լինեն պատգամավորների պես՝ ընտրված և մշտական աշխատանքով զբաղված մարդիկ, որոնք կստանան համապատասխան աշխատավարձ և չեն շեղվի այլ գործունեությամբ։

🎦զրույցն ամբողջությամբ

♥️@RadioSputnikArm | 🔴🔴 106.0FM

Երեխաներն ու ծնողները մեկ բեմում. նոր նախաձեռնություն՝ մշակութային սերնդի ձևավորման համար

Երաժիշտ ծնողներն ու նրանց երեխաները միավորվել են եզակի կրթամշակութային նախագծում, որի նպատակն է ձևավորել նոր մշակութային սերունդ, աջակցել երեխաների ստեղծագործական աճին։ «Ուրիշ նորությունների» հյուրերն են «Մշակութային սերունդ» նախաձեռնության հեղինակ Թերեզա Նաչարյանը, Պ․ Չայկովսկու անվան երաժշտական դպրոցի սաներ Մարիամ Սմբատյանը և Լիլիթ Հայրապետյանը։

Նախագծի գաղափարը ծնվել է մի համերգի ընթացքում, որի ժամանակ նվագում էր նաև երաժիշտ ծնողների որդին։ Նաչարյանը պատմում է՝ համերգից հետո հասկացան, որ բեմում ծնողի ու երեխայի միաժամանակյա ներկայությունը ոչ միայն գեղեցիկ է, այլև կրթական խորը իմաստ ունի։

«Կարևոր է, որ երեխաները հաճախ բեմ դուրս գան, որովհետև բեմը նրանց կրթում է։ Նախագծի շրջանակում ելույթ են ունենում երաժիշտ ծնողները՝ իրենց երեխաների հետ միասին։ Նրանք ոչ միայն նվագում կամ երգում են, այլև փոխանցում են իրենց փորձը նոր սերնդին»։

🎦զրույցն ամբողջությամբ

♥️@RadioSputnikArm | 🔴🔴 106.0FM

«Այո՛, հիմա իսկապես կրիտիկական իրավիճակ է․ վիզայի գործընթացն ընթանում է բավական բարդ փուլերով՝ սկսած հենց առաջին քայլից՝ ժամադրություն վերցնելուց, մինչև վերջինը՝ վիզայի տրամադրումը: Վիզա կենտրոններում իրական քաոս է տիրում․ ժամադրությունները բացվում են անհասկանալի ժամերին, և երբեմն նույնիսկ՝ պատահական սկզբունքով»։

«Աբովյան Time» պոդկաստի հեղինակ Արման Աբովյանի զրուցակիցը Հայաստանյան զբոսաշրջային գործակալություններից մեկի սեփականատեր Ալինա Պետրոսյանն է:

«Բոլոր փուլերում էլ խնդիրներ կան։ Այդ խնդիրների մասին բազմիցս բարձրաձայնել ենք․ սկզբում դիմել ենք թե՛ Տուրիզմի կոմիտե, թե՛ Արտաքին գործերի նախարարություն, սակայն երկու կողմից էլ ստացել ենք նույն պատասխանը՝ դեսպանատների աշխատանքին խառնվելու լիազորություն չունեն և, հետևաբար, չեն կարող որևէ կերպ օգնել։ Բողոքներ ենք ներկայացրել նաև դեսպանատներին, բայց արձագանք չի եղել»։

Ալինա Պետրոսյանը նաև նշում է՝ երբ այնուամենայնիվ, հաջողվում է ժամադրություն ստանալ, սկսում են փաստաթղթերի հավաքագրումը։ Թեև ընդհանուր ընթացակարգը բոլոր դեսպանատներում գրեթե նույնն է, բայց կան որոշ նրբություններ:

🎦զրույցն ամբողջությամբ

♥️@RadioSputnikArm | 🔴🔴 106.0FM

🔊«Հուլիսին փոխված օրենքով Հանրային ծառայությունները կարգավորող հանձնաժողովն իրավունք ունի դադարեցնելու ՀԷՑ–ի լիցենզիան»։

Sputnik Արմենիայի հետ զրույցում իրավական հնարավոր գործընթացների մասին է խոսել փաստաբան, իրավաբանական գիտությունների թեկնածու Արսեն Թավադյանը։

♥️@RadioSputnikArm | 🔴🔴 106.0FM

Ասուլիս ❓ «Մեծ Մերձավոր Արևելքը և Հայաստանը»։ Մեծ Մերձավոր Արևելքում ցնցումները չեն նվազում։ Ի՞նչ պետք է անի Հայաստանն այս իրավիճակում։ Նոր աշխարհակարգ է ծնվում, աշխարհի նոր քաղաքական դաշտում որտե՞ղ է մեր երկրի տեղը։

Sputnik Արմենիան մուլտիմեդիոն կենտրոնում էր հատուկ հանձնարարություններով նախկին դեսպան, Արցախի նախկին ԱԳ նախարար Կարեն Միրզոյանը։ Նա խոսել է նաև Հայաստան-Թուրքիա երկխոսության մասին.

«Հայաստանը Թուրքիայի համար վտանգ ներկայացնող երկրների եռյակում է՝ ԱՄՆ-ի և Իսրայելից հետո»։

Կարեն Միրզոյանը, ի թիվս այլ թեմաների, անդրադարձել է նաև Ադրբեջանի տարածքով ցորենի ներկրմանը․

«Ադրբեջանով բեռը թողնելու որոշումը ոչ թե երկկողմ պայմանավորվածության, ստորագրված փաստաթղթի արդյունք է, այլ Ադրբեջանի միահեծան, ավտորիտար ղեկավարի որոշումը։ Նույն հաջողությամբ այս որոշումը վաղը կարող է չեղյալ հայտարարվել»։

🎦 ասուլիսն ամբողջությամբ

♥️@RadioSputnikArm | 🔴🔴 106.0FM