«Հունվարից մենք 127 մլրդ դրամ գումարը տալու ենք տնօրինելու հոգաբարձուների մի խորհրդի, որը դեռ ձևավորված էլ չէ, որը չգիտենք ով է նախագահելու, որը որևէ մեխանիզմով նախատեսված չէ, որ 2026թ–ին ԱԺ–ին պետք է հաշվետվություն ներկայացնի»:

Sputnik Արմենիայի հետ զրույցում ԱԺ առողջապահական հարցերի մշտական հանձնաժողովի անդամ, «Հայաստան» խմբակցության պատգամավոր Արմենուհի Կյուրեղյանը մանրամասնել է առողջության պարտադիր ապահովագրության խնդրահարույց այլ հարցեր ևս։

🎦զրույցն ամբողջությամբ

📌 Հունվարի 1–ից առողջության ապահովագրությունը Հայաստանում կլինի պարտադիր։ Համակարգը կներդրվի աստիճանաբար։ Քաղաքացիների հավելյալ ծախսային բեռը թեթևացնելու համար կառավարությունը որոշել է «Զինապարտ» հիմնադրամին ուղղվող գումարի մեծ մասը հունվարից ուղղել ապահովագրության հիմնադրամին։ Այս կարգավորումը քաղաքացիների մոտ բազմաթիվ հարցեր է առաջացրել։ Որոշ հարցերի պատասխաններ իշխանություններից չեն կարողացել հստակ ստանալ անգամ խորհրդարանական քննարկումներին մասնակցած ընդդիմադիր պատգամավորները։

♥️@RadioSputnikArm | 🔴🔴 106.0FM

Диетлог: Не всё, что вкусно бывает полезно.

Почему майонез не рекомендуется мужчинам, а свинину лучше исключить из рациона питания - об этом в программе "Другие Новости" радио Sputnik Армения рассказала известный армянский диетолог Лилит Басян.

♥️@RadioSputnikArm | 🔴🔴 106.0FM

«Աբովյան time». Փորձում են ներկայացնել, թե հայ–ադրբեջանական նոր ձևավորվող առևտրատնտեսական հարաբերությունները խաղաղության ինչ-որ երաշխիքներ են, այն տրամաբանությամբ, թե որքան խորանան տնտեսական կապերը, այնքան ավելի ամրապնդված կլինի խաղաղությունը. «գետնի վրա» քաղաքականության մեջ այսպիսի պատճառահետևանքային շղթա գոյություն չունի։

Պատճառը շատ պարզ է․ երբեք տնտեսական կամ առևտրային հարաբերությունները աշխարհաքաղաքական միավորների միջև չեն հանդիսացել երաշխիք, որ հնարավոր կլինի խուսափել պատերազմից։ Սա ապացուցող օրինակներն աշխարհում բազմաթիվ են։

Ղազախական հացահատիկի մատակարարումը Ադրբեջանի տարածքով (և ապա Վրաստանով), թեկուզ ադրբեջանական բենզինի մատակարարումը (էլի Վրաստանով) սխալ է ներկայացնել որպես գործընթացներ, որոնք կարող են խաղաղության երաշխիք լինել։ Կունենանք «պատանդառված խաղաղություն», «գրավադրված խաղաղություն», բայց ոչ մի երաշխիք:

🎦զրույցն ամբողջությամբ

♥️@RadioSputnikArm | 🔴🔴 106.0FM

«Ինչքա՛ն կարելի է խաղալ երկրպագուների նյարդերի ու հույզերի հետ»։

«Մեդիամաքս» գործակալության գլխավոր խմբաքիր Դավիթ Ալավերդյանը կարծում է, որ հայկական ֆուտբոլը գտնվում է անդունդի հատակում․ այսպես է նա որակել մեր հավաքական թիմերի արդյունքները Sputnik Արմենիայի մարզական մեկնաբան Խաչիկ Չախոյանի հետ զրույցում։

«Հայաստանի ֆուտբոլային ղեկավարությունը պետք է հեռանա, ու հնարավորություն տա այլ մարդկանց փորձելու մեր ֆուտբոլը զարգացման նոր ու հաջողակ ճանապարհով տանել։ Պետք է նոր ծրագիր, պետք են նոր մարդիկ։ Ինչքա՞ն կարելի է խաղալ երկրպագուների նյարդերի ու հույզերի հետ։ Անհաջողակ ղեկավարությունը չի հասկանում, որ լոկալ հաղթանակները միայն սփոփանք են այն անհաջողությունների երկար շարքում, որը պարզապես արդեն ցավ է պատճառում հայ ֆուտբոլասերին»։

🎦զրույցն ամբողջությամբ

♥️@RadioSputnikArm | 🔴🔴 106.0FM

«Ադրբեջանից բեզնին բերելն իրականում մեր ուղեղների վրա ազդելու փորձ է։ Անընդհատ փորձում են ներկայացնել, թե Ադրբեջանը օգնում է, որպեսզի Հայաստանը, այսպես ասած, դուրս գա շրջափակումից։ Դա սին պատրանք է»։

«Աբովյան Time» պոդկաստի հեղինակ Արման Աբովյանի զրուցակիցը ԱԺ «Հայաստան» խմբակցության պատգամավոր Գառնիկ Դանիելյանն է:

«Մի կողմից հայտարարում են «Արևմտյան Ադրբեջան», մյուս կողմից ասում են՝ բենզին կբերենք։ Ես էլ կարող եմ ենթադրություն անել, որ վաղը կամ մյուս օրը կարող են ասել՝ բենզինը եկել է, հիմա էլ եկեք Socar-ի բենզալցակայանները Հայաստանում բացենք։ Սա արդեն խայտառակություն է»։

🎦զրույցն ամբողջությամբ

♥️@RadioSputnikArm | 🔴🔴 106.0FM

«Ադրբեջանից ներկրված բենզինի դիմաց Հայաստանը չունի որևէ արտադրանք, որ կկարողանա վաճառել Ադրբեջանին ու ստանալ տնտեսական օգուտներ»։

Sputnik Արմենիայի հետ զրույցում տնտեսագետ Հայկ Ֆարմանյանը պարզաբանում է՝ բացի այն, որ տնտեսական հարաբերությունների մեկնարկը կառուցված չէ փոխադարձության սկզբունքի վրա, Ադրբեջանից բենզին գնել՝ նշանակում է անուղղակի ֆինանսավորել ադրբեջանական բանակին․

«Այսինքն` միակողմանի եկել է բենզին, հասարակության ինչ–որ մի շերտ դրանից ոգևորվել է, մինչդեռ սա նշանակում է՝ անուղղակի ֆինանսավորել Ադրբեջանին, ադրբեջանական բանակին, այն դեպքում, երբ մենք չունենք վերջնական խաղաղություն»։

Ֆարմանյանը արդարացի է համարում այն քաղաքացիների ցասումը, ովքեր բոյկոտում են ադրբեջանական բենզին վաճառող լցակայանները։

📌Ադրբեջանից Հայաստան ներկրված 1300 տոննա պրեմիում տեսակի բենզինը Հայաստանում լուրջ կրքեր է բորբոքել։ Քաղաքացիները սոցիալական հարթակներում հայտարարում են, որ բոյկոտելու են Սուքիասյանի ընտանիքին պատկանող ոչ միայն RanOil, այլև Gulf բենզալցակայանները, մյուսներին էլ կոչ են անում միանալ բոյկոտին ու չնպաստել ադրբեջանական բանակի ֆինանսավորմանը։

♥️@RadioSputnikArm | 🔴🔴 106.0FM

🔊«Նիկոլ Փաշինյանի միակ իրական դաշնակիցն ապատիկ, հուսահատված, հավատը կորցրած հասարակությունն է»։

Sputnik Արմենիայի մամուլի կենտրոնում կայացած ասուլիսում քաղաքագետ Սուրեն Սուրենյանցը հենց դրանով է բացատրել Հայ առաքելական եկեղեցու դեմ արշավը․

«Եկեղեցու դեմ այս արշավը, որը նա փորձում է այսպես արագացնել, հենց այդ նպատակին է ծառայում։ Իշխանությունը ընտրություններին ընդառաջ ցանկանում է ստանալ ապատիկ, ոչնչի և ոչ մեկի չհավատացող հասարակություն։ Փաշինյանի վերընտրման դեմ միակ հակամիջոցը հետևյալն է՝ ընդդիմությանը պետք է հաջողի ընտրատեղամասեր տանել ընտրողների 50%+ ընտրող»։

Քաղաքագետն անդրադարձել է նաև ադրբեջանական ներկրումներին ու TRIPP-ին․

«Երբ ցնծում էին, թե ադրբեջանական բենզին է գալիս Հայաստան, Ադրբեջանում դատախազը ցմահ ազատազրկում էր պահանջում Ռուբեն Վարդանյանի համար։ ․․․․ Ադրբեջանում արդեն հայտարարում են, որ Մեղրիի երկաթուղին պիտի ադրբեջանական լինի։ Իմ ինսայդերական ինֆորմացիայով՝ Ադրբեջանն արդեն 6 ամիս է` այդ պահանջը դնում է Հայաստանի առաջ ու անգամ ներդրում են պատրաստ անել»։

Ասուլիս ❓․ թեման՝ Ինչպե՞ս է զարգացել քաղաքական իրավիճակը Հայաստանում վերջին մեկ տարվա ընթացքում, ի՞նչ է սպասվում 2026-ին կայանալիք խորհրդարանական ընտրությունների ֆոնին։

🎦 ասուլիսն ամբողջությամբ

♥️@RadioSputnikArm | 🔴🔴 106.0FM

«Աբովյան time»․ Հայաստանին ներքաշում են էներգետիկ ծուղակ, որի հիմնական նպատակն է Հայաստանը էժան, ձեռնտու, ավանդական էներգետիկ շուկայից դուրս մղելն ու զրկելը էներգետիկ սուվերենությունից և անկախությունից։

Արվում է դա համաձայն ուկրաինական և մոլդովական մոդելի, և վերջնական նպատակն է՝ Հարավային Կովկասում ձևավորել մի իրավիճակ, որտեղ եվրասիական, ավելի կոնկրետ՝ ռուսական էներգետիկ հետաքրքրությունները դուրս կմղվեն։

Դա անշուշտ բերելու է լուրջ ցնցումների, բերելու է գների թանկացման, պարզ ասած՝ «կոմունալների» թանկացման և այլն։ Սա է հենց այն հիբրիդային պատերազմը, որը այսօր Արևմուտքը վարում է Ռուսաստանի դեմ, բայց չգիտես ինչու՝ այդ հիբրիդային պատերազմի ընթացքում պետք է տուժենք մենք։ Եվ հանուն ինչի՞․․․

Նախ պետք է շատ ուշադիր ծանրութեթև անել ամբողջ ստեղծված իրավիճակը և ճիշտ հետևություններ անել և ոչ թե դառնալ խամաճիկ արտաքին այն ուժերի ձեռքում, որոնք փորձում են մեզ, ըստ էության, հասցնել տոտալ էներգետիկ կախվածության Թուրքիայից և Ադրբեջանից։

🎦զրույցն ամբողջությամբ

♥️@RadioSputnikArm | 🔴🔴 106.0FM

«Ցավոք, եղել են դատավորներ, որոնք ընդունել են խաղի կանոնները, կոպիտ ասած՝ հպատակվել են և վերածվել խամաճիկների։ Օբյեկտիվ քննությունը մի կողմ դնելով՝ ստիպված եմ անդրադառնալ նաև կալանքի որոշումներին, որոնք Հայաստանի Հանրապետությունում այսօր արդեն դիտարկվում են որպես պատժի տեսակ»։

Փաստաբան Սոսե Չանդոյանը առաջարկում է համեմատություն անցկացնել եվրոպական երկրների հետ․ ասում ՝ կտեսնենք, որ մեզ մոտ իրավական ոլորտը գտնվում է ողբալի վիճակում։

«Իշխանություններն իրականում հեռացնում են ՀՀ–ն իրավական պետության գաղափարից։ Օրինակ՝ «վեթինգի» և առհասարակ այդ փոփոխությունների նպատակը մեկն է՝ դատական իշխանությունը դարձնել գործադիր իշխանության կցորդ»։

🎦զրույցն ամբողջությամբ

♥️@RadioSputnikArm | 🔴🔴 106.0FM

«Ձիեր, արջեր, որոնք, ասենք, ակորդեոն են նվագում հետևի թաթերի վրա կանգնած, մեր ֆորմատը չէ։ Առհասարակ, վայրի կենդանիների ներգրավումը կրկեսում ՀՀ օրենքով արգելված է։ Սա օրենքի ուժ ունի և վերաբերում է հենց վայրի կենդանիներին։ Այսինքն՝ օրենքը չի բացառում ընտանի կենդանիների օգտագործումը, սակայն մենք որոշել ենք այդ ֆորմատից ևս որոշ չափով հեռանալ»։

Sputnik Արմենիայի «Ուրիշ նորություններում» «Տաշիր Արենայի» գլխավոր տնօրեն Հրաչյա Արշակյանը խոսել է ընթացող շոու մասին, թեև չի բացահայտել բոլոր «գաղտնիքները», որ ներկայացումը դեռ չտեսած ունկնդիրների համար անակնկալներով լինի։

««Տաշիր Արենայում» ցանկացած մեծ շոուի բեմադրումը շատ մեծ ծախսերի հետ է կապված։ Մենք որոշել էինք, որ եթե անում ենք, անում ենք լավը, և, իրոք, ներգրավեցինք լավագույն մասնագետներին թե՛ որպես բեմադրող, թե՛ որպես պրոդյուսերական թիմ, թե՛ որպես արտիստական կազմ, և, բնականաբար, հասկանում ենք, որ այդ թիմը, քանի որ համարվում է իր ոլորտներում լավագույններից, նույնպես ունի համապատասխան արժեք։ Բայց մենք պատրաստ էինք այդ քայլին, որովհետև որոշեցինք, որ մեր հանդիսատեսը արժանի է այդ որակի շոու տեսնել»։

Վստահ կարելի է ասել՝ տարածաշրջանում նման շոու չկա, և դա նույնպես կարող է ինչ-որ տուրիստական փոքրիկ հետաքրքրություն առաջացնել։ Նշեց, որ այդ առումով աշխատում են Վրաստանի, Իրանի, Ռուսաստանի հետ։

🎦զրույցն ամբողջությամբ

♥️@RadioSputnikArm | 🔴🔴 106.0FM

«Առանց Ռուսաստանի TRIPP-ը չի աշխատի։ ԵԱՏՄ-ի անտեսումը կփլուզի Հայաստանի տնտեսությունը․ Հայաստանը գտնվում է Եվրասիական մաքսային տարածքում՝ ԵԱՏՄ-ում։ Իսկ եթե հատուկ ռեժիմ է գործելու TRIPP ճանապարհին, ստացվում է, որ ԵԱՏՄ-ի օրենքներն ու կանոնները պետք է անտեսվեն, որպեսզի ինչ-որ բեռներ մտնեն ԵԱՏՄ տարածք և դուրս գան դրանից։ Բայց դա արդեն հակասում է ԵԱՏՄ կանոններին»։

«Աբովյան Time» պոդկաստի հեղինակ Արման Աբովյանի զրուցակիցը քաղաքական վերլուծաբան Սուրեն Սուրենյանցն է։ Ըստ նրա՝ թեպետ հռչակագրային մակարդակում TRIPP-ը ո՛չ հակառուսական, ո՛չ էլ հակաիրանական փաստաթուղթ Է, այդուհանդերձ իր կառուցվածքով այն կարճաժամկետ հեռանկարում հարվածում է Ռուսաստանի և Իրանի կենսական շահերին, իսկ երկարաժամկետ կտրվածքով՝ Չինաստանի և Հնդկաստանի շահերին։

«Այն պարագայում, երբ Ռուսաստանի շահերը անտեսվում են, Հայաստանը կա՛մ պետք է դուրս գա ԵԱՏՄ-ից, կա՛մ դուրս հանվի։ Երկու դեպքում էլ այլևս ոչ մի TRIPP Հայաստանին չի փրկի․ հաշված շաբաթներում մեր տնտեսությունը կփլուզվի»։

Սուրենյանցն ընդգծում է նաև՝ Ռուսաստանի անվտանգային վակուումը տարածաշրջանում ուղղակիորեն սպառնում է հայկական պետականությանը։

🎦զրույցն ամբողջությամբ

♥️@RadioSputnikArm | 🔴🔴 106.0FM

«Ձմռան ամիսներին խիստ թերագնահատված են մնում Վայոց Ձորը և Սյունիքը։ Հայաստանի ձմեռային քարտեզը չի սահմանափակվում միայն Ծաղկաձորով։ Այսօր ակտիվորեն զարգանում են նոր ուղղություններ, օրինակ՝ Ապարանի մոտակայքում գտնվող Եղիպատրուշը, որն արդեն լուրջ մրցակցություն է ստեղծում սպասարկման ոլորտում»։

«Հայաստանի ամենահամեստ զբոսավար» Արտակ Խաչատրյանը «Ուրիշ նորություններում» խոսել է զբոսաշրջության վերափոխման մասին։ Նրա խոսքով՝ տեղեկություններն այսօր հասանելի են բոլորին, բայց զբոսավարի խնդիրն է մատուցել այնպիսի պատմություններ և տանել այնպիսի վայրեր, որոնք դուրս են ստանդարտ երթուղիներից և մեծ ավտոբուսների հնարավորություններից։

«Հայաստան այցելող զբոսաշրջիկների համար ամենամեծ բացահայտումը հաճախ լինում է Սևանա լճի մասշտաբն ու բարձրադիր լինելը, ինչպես նա այն փաստը, որ Մասիս լեռը ֆիզիկապես Հայաստանի Հանրապետության տարածքում չէ։ Իսկ ահա հեղինակային և «խորքային» տուրերի սիրահարների համար բացառիկ վայր է Պարիս Հերունու ռադիոօպտիկական դիտակը, որն իր մեջ ամփոփում է հայկական գիտական մտքի հզորությունն ու տիեզերքի գաղտնիքները»։

🎦զրույցն ամբողջությամբ

♥️@RadioSputnikArm | 🔴🔴 106.0FM

🔊«2026-ին ականատես ենք լինելու ամերիկյան ակտիվության». Սուրեն Սարգսյան

📎ԱՄՆ նախագահ Թրամփը սկզբունքային որոշում է կայացրել փոխել Բայդենի նշանակած բոլոր դեսպաններին․ Հայաստանում ևս ԱՄՆ դեսպանը կփոխվի ժամկետից շուտ, թեև խոսքն ընդամենը մեկ-երկու ամսվա տարբերության մասին է։ Միացյալ Նահանգները դիվանագիտական ներկայացվածության խնդիր ունի ամբողջ աշխարում` կան երկրներ, որտեղ դեսպանի պաշտոնը թափուր է, այդուհանդերձ, Թրամփի վարչակազմը հետ է կանչում աշխարհի շուրջ 30 երկրում դիվանագիտական առաքելություն իրականացնող դեսպանների ու բարձրաստիճան դիվանագետների։

Ինչ կփոխի ԱՄՆ դեսպանի փոփոխությունը Հայաստանում. Sputnik Արմենիան զրուցել է քաղաքագետ, Ամերիկյան հետազոտությունների հայկական կենտրոնի ղեկավար Սուրեն Սարգսյանի հետ։

♥️@RadioSputnikArm | 🔴🔴 106.0FM

🔊«Անձնագրերով չենք առաջնորդվում». ինչպես «Նոան» ընտրում ֆուտբոլիստներին

Sputnik Արմենիայի մարզական մեկնաբան Խաչիկ Չախոյանի հետ զրույցում «Նոա» ֆուտբոլային ակումբի զարգացման տնօրեն Աննա Օհանյանը վստահեցնում է՝ արվում է ամեն ինչ, որպեսզի մոտ ապագայում հայկական ակումբը հենց սեփական ակադեմիայում նախապատրաստված կադրեր ունենա։

«Իհարկե ակումբի հաջողությունները գնահատվում են գլխավոր թիմի արդյունքներով, բայց մեծ ծավալի ենթակառուցվածքներ են ստեղծվում սեփական կադրերի զարգացման ու բարձր մակարդակի հասցնելու համար։ Մենք կանգ չենք առնելու ու ունենք մեծածավալ աշխատանքներ, որոնք ներկայում կատարվում են ու շարունակական են լինելու։ «Նոայի» հաջողություններն իհարկե տպավորիչ են և ուրախացնող, բայց մենք շարունակում ենք սովորել ու դեռևս շատ անելիքներ ունենք»,- ասում է «Նոա» ֆուտբոլային ակումբի զարգացման տնօրենը։

🎦զրույցն ամբողջությամբ

♥️@RadioSputnikArm | 🔴🔴 106.0FM

🔊«Ադրբեջանն ու Թուրքիան ոչ միայն ձեռք են բերել ՀՀ իշխանությունների վրա ազդեցության լծակներ, այլև այդ լծակներն ուղղորդվում են երկրի ներսում օրակարգեր գեներացնելու համար»։

Ասուլիս ❓․Sputnik Արմենիա մուլտիմեդիոն մամուլի կենտրոնում այսօր քաղաքագետ Արա Պողոսյանի ասուլիսն էր․ ինչպե՞ս է զարգացել քաղաքական իրավիճակը Հայաստանում վերջին մեկ տարվա ընթացքում, ի՞նչ է սպասում երկրին 2026 թվականի խորհրդարանական ընտրությունների ֆոնին։

«Ես չեմ հիշում մի դեպք, երբ նախկինում որևէ արտաքին դերակատար ՀՀ–ին ստիպեր փոխել Սահմանադրությունը։ Սահմանադրությունը պետության և ժողովրդի միջև պայմանագիր է, որը չի կարող ունենալ արտաքին պարտադրվածություն։ Եթե իշխանությունները լոյալ են այդ պարտադրանքի նկատմամբ, սա խոսում է այն մասին, որ լեգիտիմացվում են երկրի ներքին գործերին խառնվելու արտաքին մղումները։ Սա խոսում է այն մասին, որ երկրի ներսում մենք գործ ունենք ինքնիշխանության էական նվազման հետ»։

🎦 ասուլիսն ամբողջությամբ

♥️@RadioSputnikArm | 🔴🔴 106.0FM

«Այսօր մարզիչ լինելը թրենդային է, բայց լավ մասնագետը պետք է տիրապետի ամեն ինչին՝ էնդոկրին համակարգից մինչև հոգեբանություն»:

Պրոֆեսիոնալ մարզիկ Լևոն Հովհաննիսյանը «Ուրիշ նորություններում» խոսել է ֆիտնես կենտրոնների և մարզասրահների համար նախատեսվող նոր չափորոշիչների, ոլորտում մասնագիտական որակի բարձրացման անհրաժեշտության ու առողջ ապրելակերպի իրական նշանակության մասին։

«Ֆիտնեսը պետք է դիտարկել ոչ թե որպես կարճաժամկետ նպատակ, այլ որպես կենսակերպի բաղկացուցիչ մաս։ Եթե մարդն ընկնում է ճիշտ մասնագետի մոտ, արդեն մեկ-երկու ամիս անց, երբ տեսնում է առաջին փոքր արդյունքները, այլևս չի ուզում հետ կանգնել։ Դա փոխում է ոչ միայն մարմինը, այլ նաև հորմոնալ ֆոնը, էներգիան և կյանքի որակը»։

Անդրադառնալով ոլորտում գործող մարզիչների և կենտրոնների որակական խնդրին՝ մարզիկն ընդգծել է, որ նոր չափորոշիչների ներդրումը անխուսափելի է։

զրույցն ամբողջությամբ

♥️@RadioSputnikArm | 🔴🔴 106.0FM

Абовян TIME: Посол России в Армении – о событиях в стране и мире

Чрезвычайный и Полномочный посол России в Армении Сергей Копыркин в беседе с политическим аналитиком Арманом Абовяном поделился впечатлениями о событиях уходящего года и рассказал о том, чего стоит ожидать в ближайшей перспективе.

♥️@RadioSputnikArm | 🔴🔴 106.0FM

«Խնդիրը Վեհափառ Հայրապետի անձը չէ, մենք հասկանում ենք։ Խնդիրը աշխարհաքաղաքական գործընթացների մեջ ամուր կանգնած Հայ եկեղեցին է․ այն միայն Հայաստանի եկեղեցին չէ, այլ Հայ եկեղեցին է։ Այդ եկեղեցին միավորում է ամենատարբեր հասարակարգերի, մշակութային հարթությունների, աշխարհակարգերի և մայրցամաքների վրա ապրող հայերին։ Մենք միավորվում ենք Հայ եկեղեցով և Ամենայն հայոց կաթողիկոսի անձով։ Այդ անձը 1999 թվականից չի պատկանում Գարեգին Երկրորդին։ Այդ անձը, այդ ֆիգուրը պատկանում է Հայ եկեղեցուն և բոլորիս»։

Sputnik Արմենիան զրուցել է դիրիժոր Վահե Բեգոյանի հետ։

«Ենթադրենք մտան Մայր Աթոռ, պատարագ մատուցեցին, հետո՞ ինչ։ Ենթադրենք՝ Ամենայն Հայոց Կաթողիկոսին ձերբակալեցին, տարան բանտ․ նա այնտեղ էլ մնում է Ամենայն հայոց կաթողիկոս։ Իսկ նրանք Մայր Աթոռում պատարագ մատուցելիս էլ մնում են տիրադավ, ապստամբ և անվավեր, որովհետև մտնել ուրիշի տարածք, ուրիշ եպիսկոպոսի տարածք, իսկ տվյալ դեպքում՝ ուղիղ Վեհափառ Հայրապետի տարածք, դա ճիշտ այնպես է, ինչպես եկեղեցական անեքսիայի ակտ։ Հերթական նույն արարքը՝ ասենք գնացին Գառնիում խաղացին․ հետո՞։ Այս հարցի լուծումը միայն մեկն է՝ իրենց ապաշխարությունը»։

🎦զրույցն ամբողջությամբ

♥️@RadioSputnikArm | 🔴🔴 106.0FM

🔊"Патмадаран": Рекорды и тайны армянской железной дороги

Генеральный директор ЮКЖД Алексей Мельников в беседе с ведущим подкаста «Патмадаран» Вадимом Фефиловым, возглавляющим представительство Россотрудничества в Армении, рассказал, как в конце ХIХ века железная дорога от Тифлиса до Карса была проложена за рекордные 4 года после подписания указа о начале строительства Николаем II. Причём, рельсовые пути прокладывались не по равнинной местности, а по сложным участкам горно-рельефной местности. В Армении до сих пор эксплуатируется сеть тоннелей, проложенных в те годы.

Мельников также отметил, что в 2026 году ереванскому ж/д вокзалу исполнится 70 лет. В его стенах действует музей, который входит в программу «Ночь музеев».

«Патмадаран» - это совместный проект исторического клуба, действующего под эгидой представительства Россотрудничества в Армении, и информационного агентства и радио Sputnik Армения.

♥️@RadioSputnikArm | 🔴🔴 106.0FM

««Թուրանը» բրիտանական նախագիծ է, այն թուրքական նախագիծ չէ միայն։ Այո՛, այն ուղղված է նաև Հայաստանի դեմ, բայց գլոբալ իմաստով, ինչպես և պանթուրքիզմը, հակառուսական նախագիծ է»։

«Աբովյան Time» պոդկաստի հեղինակ Արման Աբովյանի զրուցակիցը ՀՀԿ ԳՄ ադնամ Էդուարդ Շարմազանովն է։ Նա խոսել է Հայաստանին և Ռուսաստանին միավորող ռազմավարական դաշինքի կարևորությանը մասին՝ որպես Հայաստանի ինքնիշխանության պահպանման երաշխիքի։ Շարմազանովն այս հարցը դիտարկել է իշխանությունների ու ընդդիմության որոշ շրջանակների կոնցեպտուալ տարբերության տեսանկյունից՝ նրանք այս տարածաշրջանում սպառնալիք են համարում բոլորին՝ բացի Թուրքիայից ու Ադրբեջանից, ընդդիմությունը Հայաստանի համար սպառնալիք է համարում միայն Թուրքիային և Ադրբեջանին․

«Մեր նպատակը ազգային պետություն ունենալն է։ Իսկ մեր ազգային պետությանը ո՞վ է սպառնացել պատմության ընթացքում․ կարդացե՛ք Քեմալ Աթաթուրքին, Էնվերի նամակը Աթաթուրքին, Վեհիբ փաշայի խոսքը՝ ուղղված Ալեքսանդր Խատիսյանին։ Խատիսյանը բառացիորեն գրում է, որ 1918 թվականին Վեհիբ փաշան իրեն ասում է․ «Դուք կանգնած եք մեր ճանապարհին դեպի Բաքու, դեպի Մերձավոր Արևելք, դեպի Թիֆլիս։ Դուք պիտի չլինեք։ Դուք պիտի գործոն չլինեք»։ Եվ այսօր այն հատվածը, որը հիմա կոչում են «TRIPP», երեկ կոչվում էր Զանգեզուր, վաղը չգիտենք ինչ անուն կտան, եթե Հայաստանը չունենա ինքնիշխան իրավունք այդ տարածքը տնօրինելու, ապա Հայաստանի ինքնիշխանությունը դառնում է զրո»։

🎦զրույցն ամբողջությամբ

♥️@RadioSputnikArm | 🔴🔴 106.0FM