❗️Երբ սկսվել են որոնողափրկարարական աշխատանքները, հայրը երեխայի մարմնի տեղափոխություն է իրականացրել․ ՆԳ նախարար

«Երեխայի հայրը նշել է, որ ներընտանեկան որոշակի հարցադրման ընթացքում է վրա հասել դեպքը։ Պետք է պատշաճ կերպով գնահատենք դեպքը, այս պահի դրությամբ այլ տվյալ չեմ կարող ասել»,– լրագրողներին հայտնել է ՆԳ նախարար Արփինե Սարգսյանը։

«Երբ սկսվել են որոնողափրկարարական աշխատանքները, ամբողջ հարակից հատվածում իրականացվել է տարածքի «սանրում», յուրաքանչյուր հաջորդ տարածքի անցնելու պայմաններում հայրը, ըստ նրա նախնական ցուցմունքի, երեխայի մարմնի տեղափոխություն է իրականացրել»։

♥️@RadioSputnikArm | LIVE 106.0FM

«Արցախի ռազմաքաղաքական ղեկավարների դատավճիռերն արդեն իսկ կանխորոշված էին նախքան իրավական քրեական գործընթացների մեկնարկը»։

Sputnik Արմենիան զրուցել է Միջազգային և համեմատական իրավունքի կենտրոնի նախագահ Սիրանուշ Սահակյանի հետ։

«Մենք կանխատեսում ենք ամենախիստ պատժատեսակների կիրառում, անգամ ցմահ ազատազրկման տեսքով»։

📌Հոկտեմբերի 31-ին Բաքվի դատարանում ավարտվել է Արցախի ռազմաքաղաքական ղեկավարների նկատմամբ կեղծ դատավարության դատական լսումների փուլը։ Նոյեմբերի 3-ից կողմերը պետք է սկսեն ներկայացնել իրենց ավարտական ճառերը։

♥️@RadioSputnikArm | LIVE 106.0FM

«Տեր Թադեի հարցը Մայր աթոռի կարգապահական հարցերի հանձնախմբի օրակարգում է»։

Sputnik Արմենիան զրուցել է Մայր աթոռի տեղեկատվական համակարգի տնօրեն Տեր Եսայի քահանա Արթենյանի հետ։

«Ինչպես Հաղարծինի քահանան Տեր Տարոն Հունանյանի հարցը, ով նախորդ կիրակի օրը մասնակցում էր Ստեփան Ասատրյանի հրավիրած ապօրինի պատարագին, այնպես էլ Տեր Թադե քահանա Թախմազյանի վերաբերյալ կարգապահական հարցերն ընդգրկված են Մայռ աթոռ Սուրբ Էջմիածնի պարգևների շնորհման ու կարգապահական հարցերի հանձնախմբի օրակարգում ու սահմանված ընթացակարգով այդ հարցերը քննության կառնվեն»։

♥️@RadioSputnikArm | LIVE 106.0FM

«Զեղծարարները կարող են գրել ցանկացած մարդու Telegram-ին և ասել «Ես պատրաստ եմ քո պրոֆիլը գնել, պատրաստ եմ վճարել 5000 կամ 10 000 դրամ».

Sputnik Արմենիայի հետ զրույցում կիբերանվտանգության մասնագետ Սամվել Հայրապետյանը բացատրել է Հայաստանում տարածում ստացած կիբերհանցագործության նոր սխեման, որի մասին վերջերս հայտարարեց ոստիկանությունը։

«Մարդը ոչ թե բջջային հեռախոսահամարն է վաճառում, այլ այդ համարով բացված մեսենջերը։ Համարը շարունակում է օգտագործել ինքը, իսկ այդ համարով բացված Telegram–ը, Viber–ը կամ WhatsApp–ը` զեղծարարը։ Նա հնավարություն է ստանում այդ իրական մարդու պրոֆիլից գրել նրա ընկերներին»։

📌Պարզվում է Հայաստանում ևս կան մարդիկ, ովքեր պարտարստ են ընդամենը 5000 դրամով վաճառել իրենց անձնական տվյալներով բացված Telegram, Wiber կամ WhatsApp հավելվածները` կիբերհանցագործներին։ Ոստիկանությունը զգուշացրել է՝ նման գործարքների բացահայտվելու դեպքում քրեական պատասխանատվության են ենթարկվելու ոչ միայն զեղծարարները, այլև իրենց էջերը նրանց վաճառած քաղաքացիները։

♥️@RadioSputnikArm | LIVE 106.0FM

«Աբովյան time»․ Համատարած անհանդուրժողականությունն է հանգեցրել այն իրավիճակին, երբ մարդիկ աստիճանաբար կորցրել են իրար լսելու ունակությունը։

Հանրային լարվածությունն իր հերթին հանգեցրել է նյարդայնության, հասարակական լարվածության խորացման ու հանցագործությունների աճի։ Այն սարսափելի դեպքերը, որոնք այսօր տեսնում ենք, հստակ ազդարարում են, որ եթե հանրային համերաշխությունը չվերականգնվի, դա կարող է ունենալ ամենածանր հետևանքները հասարակության, ընդհուպ պետության համար։

Եվ երբ ներքին հասարակական լարվածությանը գումարվում են նաև արտաքին սպառնալիքները, իրավիճակը առավել վտանգավոր է դառնում։

Ադրբեջանի հետևողական քաղաքականության՝ պատմությունը խեղաթյուրելու, տարածքային պահանջների և կեղծ «պատմական հիմնավորումների» ամենաթարմ օրինակը Ալիևի այսօրվա հայտարարությունն է, թե «քարտեզի վրա չկա Սևանա լիճ, կա Գոյչա»՝ իրենց՝ քոչվորների հորինած անվանումով, թե «մենք պետք է վերադառնանք մեր պատմական հողեր»։ Սա ոչ թե պատմության աղավաղում է, այլև Հայաստանի տարածքային ամբողջականության նկատմամբ հայտարարված ոտնձգություն։

🎦զրույցն ամբողջությամբ

♥️@RadioSputnikArm | LIVE 106.0FM

С 1 по 8 ноября по всей России и за её пределами проходит юбилейная X Всероссийская просветительская акция «Большой этнографический диктант». Традиционно одним из организаторов и координаторов проекта в Армении выступает Русский дом в Ереване — представительство Россотрудничества, которое на протяжении многих лет объединяет всех, кто интересуется историей, культурой и традициями народов России.

Ведущий специалист Русского дома Сона Сараджян представила подробности: «Акция проводится в виде теста из 30 вопросов и приурочена к Дню Народного Единства. В первую очередь эти акции просветительские, это своеобразный праздник и нужно относиться к этому легко».

Заместитель руководителя представительства Россотрудничества в Армении Екатерина Андреева рассказала о расширенной географии проведения диктанта в Армении: «В Армении в этом году диктант проходит в очном формате на шести площадках — в Ереване, Гюмри, Ванадзоре, Иджеване, Капане и Фиолетово».

Сона Сараджян подчеркнула, что участников в Армении всегда особенно радуют вопросы в тесте, связанные с армянами. 

Принять участие в этнографическом диктанте можно до 8 ноября — онлайн на сайте www.miretno.ru или на одной из офлайн-площадок в Армении.

♥️@RadioSputnikArm | LIVE 106.0FM

«Վրաստանը մեր դարպասն է դեպի աշխարհ, դրանով Հայաստանը կարողանում է շնչել, առևտուր անել, իսկ նման բանաձևով հարաբերությունների վատթարացումը պարզապես խայտառակ բան է: Կարելի էր ձեռնպահ քվեարկել, կարելի էր դեմ քվեարկել։ Ինչո՞ւ այդպես վարվեցիք»։

«Աբովյան Time» պոդկաստի հեղինակ Արման Աբովյանի զրուցակից ԱԺ «Հայաստան» խմբակցության պատգամավոր Գառնիկ Դանիելյանը անդրադարձել է նաև Եվրանեսթի զեկույցին Հայաստանի կողմ քվեարկելուն. դրանում Վրաստանի ներկայիս իշխանություններին անվանել են «ինքնահռչակ»՝ հղում անելով իշխող կուսակցության «հակաժողովրդական քաղաքականությանը, բռնությանը և քաղաքացիական ազատությունների սահմանափակումներին»:

«Ես մի վարկած ունեմ․ կարծում եմ՝ եվրոպացիները պահանջ էին դրել, և իրենց կաշին փրկելու համար՝ որպեսզի հանկարծ Եվրոպան որևէ հայտարարություն չանի Հայաստանում տիրող ժողովրդավարության խայտառակ վիճակի մասին, Հայաստանը կողմ է քվեարկել։ Բայց եվրոպացին եկել է այստեղ, գնացել է, իսկ դուք՝ ձեր հարևանի հետ չեք կարողանում հարաբերությունները կարգավորել։ Այդ հարաբերությունները տարիների քրտնաջան աշխատանքի արդյունք են՝ քարը քարի վրա դնելով կառուցված, փոխվստահելի հարաբերություններ։ Իսկ դուք մեկ քայլով ջուրն եք գցում այդ ամբողջը։ Էսօր մեր տնտեսվարողները բավական լուրջ խնդիրներ ունեն․ դուք չեք կարողանում նրանց հետ նորմալ բանակցել, չեք կարողանում լուծել վրացական կողմի հետ առաջացած հարցերը»:

🎦զրույցն ամբողջությամբ

♥️@RadioSputnikArm | LIVE 106.0FM

«Կինոարդտադրության մեջ փոքր դետալների պատճառով է փչանում շատ բան, և հենց փոքր դետալների պատճառով է աճում շատ բան։ Հիմա փորձում ենք հասկանալ այդ փոքր դետալները՝ էդ լեգոյի կառուցվածքի մեջ, ճիշտ տեղում դնենք, որ բարձրանանք վերև»։

«Կինոդարանի» գլխավոր պրոդյուսեր Ռաֆայել Թադևոսյանը «Ուրիշ նորություններում» խոստովանում է՝ իրատեսորեն գնահատած՝ իրենց պրոդուկտը դեռ այն բարձրը չէ, որին ձգտում են. «Հենց մարդու «աստղը տանում է» չի ուզում աճել. մենք կայացած չենք, ուզում ենք աճել, ու շատ ենք ուզում աճել»։

«Հիմա պայմանավորվածություններ ենք ձեռք բերում, որ մեր կոնտենտը հայտնվի արտասահմանյան սթրիմինգային հարթակներում։ Դա մեզ կտանի նոր մակարդակի՝ դրսի պրոդաքշնների հետ աշխատանքի։ Կինոդարանը գումար է աշխատում այն մարդկանցից, ովքեր հավատում են հայկական կինոյին ու վճարում են իրենց 2000 դրամը։ Մենք էլ այդ գումարով ամեն նոր պրոյեկտն ավելի լավ ենք անում՝ ավելի թանկ, ավելի ուշադիր, ավելի մանրակրկիտ»:

🎦զրույցն ամբողջությամբ

♥️@RadioSputnikArm | LIVE 106.0FM

«Պետությունները և հարկային համակարգերը հաճախ ձախողվում են, որովհետև քաղաքացիները չեն ստանում այն ծառայությունների որակը, որը սպասում են իրենց վճարած հարկերի դիմաց։ Հենց սա է պատճառը, որ մարդիկ չեն ցանկանում հարկ վճարել «սիրով»»։

«Աբովյան time» պոդկաստի հեղինակ Արման Աբովյանի զրուցակիցը «Հայաստանը ես եմ» նախաձեռնության ղեկավար, տնտեսագետ Նաիրի Սարգսյանն է:

«Հատկապես վտանգավոր է արտագնա աշխատողների հարկման գաղափարը․ եթե պետությունը սկսի հարկել նրանց ուղարկած գումարները, դա կարող է ոչ միայն սոցիալական լարվածություն առաջացնել, այլ նաև խթանել արտագաղթը։ Այս համակարգը չի կարելի դիտարկել միայն որպես տնտեսական կամ ֆինանսական գործիք․ այն նաև ազգային անվտանգության հարց է։ Եթե քաղաքացին կորցնում է վստահությունը պետության հանդեպ, դրա հետևանքն է դառնում ոչ միայն հարկերից խուսափելը, այլ նաև երկրի ներսում ապագայի հանդեպ հուսահատությունը»։

🎦զրույցն ամբողջությամբ

♥️@RadioSputnikArm | LIVE 106.0FM

«Մարդկանց համար ես մնացել եմ «Գիքոր»: Շատ ժամանակ մոռանում եմ իսկական անունս, շատերը Գիքոր են ասում, բայց չեմ նեղանամ։ Նորմալ է»։

«Գիքոր» ֆիլմի գլխավոր հերոս Ալբերտ Ղուլինյանը 43 տարի անց վերադարձել է կինո. նա Sputnik Արմենիայի եթերում խոսել է 11 տարեկանում կինոյում հայտնվելու և 43 տարի անց կինո վերադառնալու մասին։

Ղուլինյանը, որն այսօր Դսեղ գյուղում զբաղվում է գյուղատնտեսական գործերով, խոստովանում է՝ Գիքորի կերպարը մինչ օրս անբաժան է իրենից: Դերասանը հիշում է, թե ինչպես է նկարահանումների ժամանակ համոզել Արմեն Ջիգարխանյանին (Բազազ Արտեմ), որ հարվածի իրեն. «Գնացի, ասեցի` մի սիլլա տուր, գյուղի տղա եմ, կդիմանամ, էլի»։ Դրվագը ստացվեց առաջին փորձից, իսկ Ջիգարխանյանը ապտակի դիմաց նրան ֆուտբոլի գնդակ նվիրեց։

Չնայած լավ մեկնարկին՝ Ղուլինյանը չշարունակեց դերասանական կարիերան։ 43 տարի անց նրա կյանքում նոր էջ է բացվել` Ղուլինյանը նկարահանվել է ժամանակակից գրող Ռուբեն Եսայանի գրքի հիման վրա էկրանավորված ֆիլմում։

🎦զրույցն ամբողջությամբ

♥️@RadioSputnikArm | LIVE 106.0FM

«Մեզ համար գիրքը տարածելը բիզնես չէ: Գիրքը գիտելիք է. մենք գիրք ենք տարածում, որ մեր ժողովուրդը լինի ավելի ինֆորմացված, ավելի գրագետ»։

«Գրքի գիշերվա» նախօրեին «Բուկինիստ» ընկերության հիմնադիր տնօրեն Խաչատուր Վարդանյանը և PR մենեջեր Անի Ավանեսովան «Ուրիշ նորություններում» ազդարարեցին տարվա ամենամեծ գրքային իրադարձության վերադարձի մասին. նոյեմբերի 7-ին ժամը 17:00-ից մինչև կեսգիշեր ընկերության բոլոր գրախանութներում գրքերը կզեղչվեն 30-40%-ով։

«Հայ ընթերցողը, այսօրվա համեմատ, երբեք չի ունեցել այսքան մեծ հնարավորություն լավ գրքերի, ինչպես հիմա է, ինչը պայմանավորված է պրոֆեսիոնալ հրատարակիչների աշխատանքով և տեխնոլոգիական զարգացմամբ: Եթե նախկինում ռուսերեն գրականությունը կազմում էր շուկայի 70%-ը, ապա վերջին տվյալներով` վաճառքի ծավալներով հայերեն գրքերի մասնաբաժինը հավասարվել է՝ 50/50»։

«Գրքի գիշերվա» ընթացքում գնորդները սովորաբան գալիս են ցուցակներով և նախապատվությունը տալիս գեղարվեստական գրականությանը, իսկ մանկական գրականությանը ծնողները գումար չեն խնայում նաև այլ օրերին։

«Գրքի գիշեր» ակցիան կշարունակվի նաև օնլայն հարթակում նոյեմբերի 8-ի կեսգիշերից մինչև առավոտյան ժամը 10:00-ն։

🎦զրույցն ամբողջությամբ

♥️@RadioSputnikArm | LIVE 106.0FM

«Կտրուկ սրացում հայ–վրացական հարաբերություններում չի լինի, բայց Թբիլիսիի մտահոգությունն ակնհայտ է»։

Sputnik Արմենիան քաղաքագետ Հրանտ Միքայելյանի հետ է զրուցել։

«Եթե կենացները մի կողմ դնենք, Հայաստանի և Վրաստանի հարաբերությունների միջև միշտ բազմաթիվ խնդիրներ եղել են, որոնք հիմա ուղղակի ավելի ու ավելի շատ են ի հայտ գալու, քանի որ Վրաստանում ազգային քաղաքականությունը ավելի ու ավելի է դառնում արտաքին քաղաքականության հիմնական սյունը»։

Քաղաքագետի կարծիքով՝ Թբիլիսին մտահոգություններ ունի «Թրամփի ուղու» հետ կապված, քանի որ իրենց երկիրը կարող է տնտեսական կորուստներ ունենալ, և չի բացառվում, որ ի նշան դժգոհության՝ Վրաստանը գործի դնի իր լծակները, ինչպես այս տարի մի քանի անգամ տեսել ենք, երբ սահմանափակել է իր տարածքով այս կամ այն ապրանքի տեղափոխումը։

Քաղաքագետը հավելում է՝ տնտեսական մտահոգությունից բացի քաղաքական գործոն էլ կա․ հիշեցնում է՝ Երևանում անցկացված «Եվրանեսթ»-ի խորհրդարանական վեհաժողովը հոկտեմբերի 31-ին հրապարակել է բանաձև, որում անդրադարձ է արվում Վրաստանում ստեղծված իրավիճակին և նշվում՝ Վրաստանում վերջին իրադարձությունները ցույց են տվել ժողովրդավարության անկումը։ ՀՀ իշխող խմբակցության պատգամավորները կողմ էին քվեարկել այդ բանաձևին, որում Վրաստանի իշխանությունները «ինքնակոչ» են հայտարարվում։

♥️@RadioSputnikArm | LIVE 106.0FM

«Առ այսօր որևէ ինֆորմացիա չկա, որ ՀԷՑ-ը լիզենզիայի պայմանների խախտում է կատարել, որը թույլ կտա Հանրային ծառայությունները կարգավորող հանձնաժողովին «ՀԷՑ» ՓԲԸ-ին զրկել լիցենզիայից»։

ՀԷՑ-ի շուրջ զարգացումների մասին Sputnik Արմենիան զրուցել է էներգետիկ հարցերի փորձագետ Հայկ Բադալյանի հետ։

📌«Եթե Հանրային ծառայությունները կարգավորող հանձնաժողովը որոշում կայացնի լիցենզիայից զրկել ՀԷՑ-ի սեփականատերերին, ապա պետությունը կա՛մ կգնի ընկերությունը, կա՛մ կներգրավի օտարերկրյա խոշոր ներդրողի՝ պահպանելով մասնակցությունը կառավարման մեջ»,- գործադիրի նիստից հետո երեկվա ճեպազրույցում ասել է վարչապետ Նիկոլ Փաշինյանը։ Նրա խոսքով` եթե դա կլինի տրամաբանական գին, կառավարությունը շատ լրջորեն կքննարկի։ Եթե գինը կլինի շատ մեծ, և ակնհայտ կլինի, որ պետական բյուջեի միջոցներով մենք չենք կարողանա այդ ձեռքբերումն իրականացնել, ապա կգնանք երկրորդ սցենարով, ըստ որի՝ ՀԷՑ-ը մասնավորեցվում է միջազգային հեղինակություն ունեցող մասնագիտացած ընկերությանը, բայց, իհարկե, կառավարությունը որոշակի ներկայություն կունենա այնտեղ թե՛ օրենսդրական կարգավորումով, թե՛ բաժնետոմսերով, թե՛ «ոսկե բաժնետոմսով»։

♥️@RadioSputnikArm | LIVE 106.0FM

Любовь без заискивания: Андрей Рубанов о розовом свете Еревана, красках Сарьяна, уроках Армении, смысле жизни и уважении к прошлому

Известный российский писатель, сценарист лауреат премий «Ясная Поляна» и «Национальный бестселлер» Андрей Рубанов в «Других новостях» поделился своими размышлениями о счастье, Армении, людях и ценности исторической памяти. Первое посещение Еревана стало для писателя настоящим открытием.

«Я выглянул утром в окно и понял, что нахожусь внутри картины Мартироса Сарьяна. Весь город розовый. Такого нет нигде, кроме Еревана. Можно не бывать в Италии и писать картины, но лучше там побывать. А для думающего культурного человека надо побывать хоть раз в таком месте, как Ереван».

Несмотря на то, что книги Рубанова переведены более чем на 10 языков, писатель с гордостью отмечает, что после 10-летнего перерыва, его книги переведены и на армянский.

Писатель отметил, что изучал советский период истории Армении и высоко оценил вклад выдающихся сынов армянского народа — от Хачатуряна до Бабаджаняна: «Все знают «Танец с саблями» Хачатуряна, даже те, кто не знают где Москва». Говоря об истории, Рубанов отмечет: «Если мы не будем уважать прошлое, мы не можем считаться культурными людьми».

♥️@RadioSputnikArm | LIVE 106.0FM

«Մենք պատերազմի և խաղաղության միջև ընտրություն չունենք, մենք ունենք ընտրություն պատերազմի և ցեղասպանության միջև»։

«Աբովյան time» պոդկաստի հեղինակ Արման Աբովյանի զրուցակիցը քաղաքագետ Հրանտ Միքայելյանն է։

«Ելքը հետևյալն է՝ մենք մեր ուժերով չենք կարող դեմն առնել, հատկապես հաշվի առնելով, որ Արցախը տվել ենք, իսկ հիմնական վահանը Հայաստանի եղել է Արցախի առաջնագիծը, և հիմա մենք պաշտպանվելու հնարավորություն զգալիորեն չունենք։ Մենք պետք է ձեռնարկենք զսպման քաղաքականություն՝ ձեռք բերենք գործընկերներ, որոնցից անդադար հրաժարվում են այս իշխանությունները։ Ուրիշ ճանապարհ չկա»։

Քաղաքագետը խոսել է նաև ռուսական ցորենը երկաթուղային ճանապարհով Ադրբեջանի տարածքով, ապա Վրաստանով Հայաստան փոխադրման մասին․

«Եթե դիտարկենք Ադրբեջանի քայլերի նպատակները, ապա այստեղ երկու հիմնական նպատակ է առանձնանում․ առաջինը՝ ցույց տալ ինչ-որ շոշափելի արդյունք խաղաղության գործընթացում։ Ալիևը, կարծես, փորձում է այս կերպ օգնել Փաշինյանին՝ ամրապնդելու ներքաղաքական դիրքերը, քանի որ խաղաղության թեման Հայաստանում մեծ աջակցություն չունի։ Երկրորդ նպատակը՝ արտաքին ցուցադրական քայլն է։ Միևնույն ժամանակ, Ալիևը ևս մեկ անգամ ցույց է տալիս, որ իր վերահսկողության տակ է պահում Հայաստանի ուղղությամբ ցանկացած բեռ։ Այսինքն՝ այսօր թույլ է տալիս, վաղը կարող է արգելել»։

🎦զրույցն ամբողջությամբ

♥️@RadioSputnikArm | LIVE 106.0FM

«Հալեպ–Երևան–Հալեպ ուղիղ չվերթների վերականգնումն անհրաժեշտություն էր»։

Sputnik Արմենիան Հալեպի «Գանձասար» շաբաթաթերթի գլխավոր խմբագիր Զարմիկ Պողիկյանի հետ զրուցել է հետպատերազմական Հալեպում վերականգնվող կյանքի մասին, որի կարևոր բաղկացուցիչն է նաև Հալեպ–Երևան–Հալեպ չվերթի վերականգնումը։

📌Չվերթերը կիրականացվեն շաբաթը մեկ անգամ, յուրաքանչյուր ուրբաթ։ Սիրիայի հայաշատ այդ քաղաքի հետ ուղիղ օդային կապն ընդհատվել էր մոտ մեկ տարի առաջ՝ պատերազմական իրավիճակի պատճառով։ Այս ընթացքում մեր հայրենակիցները ստիպված էին Հալեպից ցամաքային ճանապարհով հասնել Բեյրութ, այնուհետև Բեյրութի օդանավակայանից՝ Երևան։

♥️@RadioSputnikArm | LIVE 106.0FM

«Առաջինից մինչև երկրորդ ընտրություն ըննդիմությունը իշխանության դեմ կոնոսոլիդացվելու հնարավորություն կստանա։ Բայց ինձ համար առաջնային կարևորության հարց է՝ արդյո՞ք փոփոխելու են 2026-ի ընտրություններին ընդառաջ, թե ոչ։ Իմ մտավախությունն այն է, որ սա քարոզչական հնարք է՝ ասելու են, որ մեզ քննադատում էիք՝ մենք համաձայնեցինք և գնում ենք փոփոխության, սակայն կկիրառվի ոչ թե 2026-ին, այլ հաջորդող ընտրություններում»։

Sputnik Արմենիայի հետ զրույցում «Լուսավոր Հայաստան» կուսակցության կառավարման խորհրդի փոխնագահ Դավիթ Խաժակյանը մեկաբանել է ընտրությունների կարգի նախատեսվող փոփոխություները, բացատրել առաջարվող փոփոխությունը ընթացիկ կարգի համեմատությամբ։

♥️@RadioSputnikArm | LIVE 106.0FM