«Հայաստանում այլևս չեն լինի պրոֆեսորներ և դոցենտներ, որովհետև այդ կոչումների համար օրինական հիմք այլևս չկա»։

Կրթության հարցերի փորձագետ Ատոմ Միթարյանը Sputnik Արմենիայի հետ զրույցում ներկայարել է «Բարձրագույն կրթության և գիտության մասին» նոր օրենքի պոտենցիալ վտանգները ՀՀ գիտության ու անձամբ հայ գիտնականների համար։

«Չգիտեմ, պատահաբար, թե առանց հասկանալու, գուցե և միտումնավոր, գիտական կոչումներին վերաբերող հոդվածները ընդհանրապես դուրս են թողել։ Եվ հիմա Հայաստանի օրենսդրության մեջ որևէ փաստաթուղթ չկա, որ սահմանի օրինակ, թե ինչ է նշանակում պրոֆեսոր և ինչ է նշանակում դոցենտ։ Միաժամանակ առանձին հոդվածով գրված է, որ այն պահից, երբ օրենքը կմտնի ուժի մեջ, բոլոր այն մարդիկ, որոնք ունեն գիտությունների թեկնածուի և գիտությունների դոկտորի գիտական աստիճան, հավասարեցվում են դոկտորի աստիճանին։ Այսինքն՝ Հայաստանում լինելու է, գործելու է ընդամենը 1 գիտական աստիճան՝ դոկտորի աստիճան, «գիտություններ» բառը այլևս չկա․ դոկտորի աստիճանն է, և վերջ»։

♥️@RadioSputnikArm | LIVE 106.0FM

Հոկտեմբերի 1-ին մեկնարկում է 23-րդ «Հայֆեստը»․ փառատոնի հիմնադիր-տնօրեն Արթուր Ղուկասյանը վստահեցնում է, որ այս տարի ևս «Հայֆեստը» կառանձնանա իր անկրկնելի ներկայացումներով։ Փառատոնը կբացվի հոկտեմբերի 1-ին Սունդուկյանի թատրոնում՝ Պեկինից ժամանած ժամանակակից պարային համույթի ելույթով։ Ծրագրում ընդգրկված են Չինաստանի, Հունգարիայի, Ֆրանսիայի, Բելգիայի, Իրանի, ԱՄՆ-ի և այլ երկրների թատերախմբերի թատրոնի, ժամանակակից պարի, տիկնիկային և երաժշտական ներկայացումների լավագույն ներկայացումներ։

Ըստ Ղուկասյանի` հատուկ ուշադրության է արժանի բելգիական «Shadow Dance»-ը՝ եզակի ջրային բեմադրություն, որտեղ լազերային և պրոեկցիոն տեխնոլոգիաները հոլոգրաֆիկ պատկերներ են ստեղծում ջրի վրա։ Այն տեղի կունենա բացօթյա` Կարապի Լճում` հոկտեմբերի 5-8-ը։ Փառատոնի հիմնադիր-տնօրենը, այս ամենին զուգահեռ, շեշտում է նաև մշտապես առաջ եկող ֆինանսական դժվարությունները․

«Մի չինական ներկայացման արժեքը համարժեք է Հայաստանում մշակույթին ուղղված տարեկան ողջ բյուջեին։ Բայց մենք շարունակ աշխատում ենք միջազգային գործընկերների հետ, որպեսզի Հայաստանը տեսանելի լինի մշակութային քարտեզի վրա»։

🎦զրույցն ամբողջությամբ

♥️@RadioSputnikArm | LIVE 106.0FM

«Աբովյան time»․ 44-օրյա պատերազմը մեզ համար պետք է խորը վերլուծելու ու հասկանալու առարկա դառնա։ Այն բացեց մեր հասարակության խորը ճեղքերը։

Այն թեզը, որ բաժանում էր հայերին «հայաստանցիների» և «ղարաբաղցիների», տարիներ շարունակ սնուցվում էր և օգտագործվեց մեզ թուլացնելու համար։ Սակայն հենց պատերազմը ցույց տվեց՝ դա ոչ թե իրական հակասություն էր, այլ արհեստական բաժանարար, որով թշնամին փորձեց քանդել մեր միասնականությունը։

Այսօր արդեն ակնհայտ է․ Արցախից հետո «երախներ բացվեցին» դեպի Հայաստան։ Պետք է վերջնականապես բոլորիս համար պարզ դառնա, որ բաժանումը կործանարար է։

🎦զրույցն ամբողջությամբ

♥️@RadioSputnikArm | LIVE 106.0FM

««Սիրելի քաղաքացիները» պետք է հասկանան, որ պետական պարտքի բեռն իրենց ուսերին է: Հայաստանում տեղի է ունենում վարկային բեռի բաշխում ամբողջ ժողովրդի վրա»:

«Աբովյան Time» պոդկաստի հեղինակ Արման Աբովյանի զրուցակիցը «Հայաստանը ես եմ» նախաձեռնության ղեկավար, տնտեսագետ Նաիրի Սարգսյանն է:

«Հարձակում են գործում մարդկանց վրա, որպեսզի ավել հարկեր հավաքագրեն։ Ոմանց՝ ղեկավար, սեփականատեր, գլխավոր հաշվապահ, ֆինանսիստ, ծրագրավորող և այլն, ձերբակալում են։ Որպեսզի չվտանգեն հետագա գործունեությունը, մարդիկ համաձայնության են գալիս, որ ավելի շատ հարկ վճարեն: Միջին բիզնեսի դեպքում՝ բարձրացնում են հարկային դրույքաչափերը։ Անընդհատ դամոկլյան սուրը կախված է իրենց գլխին, անընդհատ ստեղծվում է իրավական իրավիճակ, որ նրանք միշտ տուգանքի վտանգի առաջ կանգնած լինեն։ Հասարակ քաղաքացիների դեպքում ներդնում են եկամուտների հայտարարագրման համակարգ։ Այս եռաստիճանը նաև պատասխանում է հարցին, թե բյուջեն ինչի հաշվին է ավելանում։ Ահա այս հաշվին է ավելանում, որովհետև այլ հավելյալ արժեք Հայաստանում չի ստեղծվում»։

🎦զրույցն ամբողջությամբ

♥️@RadioSputnikArm | LIVE 106.0FM

«ChatGPT-ն որոշ դեպքերում ռիսկային է դարձնում երեխաների անվտանգությունը»․ հոգեբան

📌Վերջին տարիներին արհեստական բանականությունը դարձել է շատերի առօրյայի անբաժանելի մասը։ chatgpt-ի միջոցով մարդիկ փորձում են ստանալ իրենց հուզող հարցերի պատասխանները, գտնում ծրագրային լուծումներ, կատարում դիզայներական աշխատանքներ, ստանում տարբեր պատկերներ, կազմում հոդվածներ, ռեֆերատներ, կուրսային աշխատանքներ։ Մասնագետներն ասում են, որ կարևոր է ճիշտ կիրառել այդ գործիքները, քանի որ դրանք կարող են, այսպես ասած, ճակատագրական հետևանքներ ունենալ։ Այդ առումով հատկապես խոցելի են դեռահասները։

Sputnik Արմենիան զրուցել է թեմայի շուրջ հոգեբան-խորհրդատու Քրիստինա Հարությունյանի հետ։

♥️@RadioSputnikArm | LIVE 106.0FM

«Պրոֆայլինգը Հայաստանում դեռ զարգացած չէ, բայց հաճախ կիրառվում է տարբեր ոլորտներում, ներառյալ հատուկ ծառայություններում։ Քաղաքական դաշտում էլ մասնագետները կարող են վերլուծել գործիչների վարքագիծը և կանխատեսել որոշակի քայլեր»։

«Ուրիշ նորություններում» հոգեբան և պրոֆայլեր Գրիգորի Բադալյանն այսպես է պարզաբանում է իրենց մասնագիտության առանձնահատկությունները։

«Մարդու խոսքի, ժեստերի, շարժուձևի, ձայնի առանձնահատկությունների, անգամ հագուստի և վարքի մանրուքների ամբողջական հոգեբանական պատկերը կոդավորված է, մասնագետը պարզապես կարողանում է ապակոդավորել ու կազմել մարդու պրոֆիլը։ Շատերին զարմացնում է, երբ պարզվում է, որ ժամանակին արված վերլուծությունը համապատասխանում էր իրականությանը»:

Հոգեբանն անդրադառնում է նաև սոցիալական ցանցերին՝ որպես մարդու «իդեալական ես»-ը ցուցադրող հարթակի․ ասում է՝ եթե բլոգերը միշտ իդեալական կյանք է ցուցադրում, ամենայն հավանականությամբ, հենց դա էլ իր կյանքում բացակայում է։ Պրոֆայլերը շեշտում է, որ հոգեբանական ազդեցությունն ու մանիպուլյացիան երբեմն անբաժանելի են․ նա նաև բացատրում է, թե ինչպես են հույզերը ազդում վարքի վրա․ օրինակ՝ տխրության պահին մարդն ավելի հեշտ է համաձայնում։ Այս տեխնիկան երբեմն օգտագործվում է հարցաքննությունների ժամանակ։

🎦զրույցն ամբողջությամբ

♥️@RadioSputnikArm | LIVE 106.0FM

Каринэ Геворгян: Сверхзадача Запада на Южном Кавказе – заставить воевать

На днях “европейская тройка” – Британия, Франция, Германия – возобновила санкционное давление на Иран. Чем на сей раз это грозит стране и региону Южного Кавказа в целом? В эфире проекта Армана Ванескегяна "На самом деле" на радио Sputnik Армения ситуацию комментирует известный российский политолог-иранист Каринэ Геворгян.

Следует понимать, отмечает она, что безопасность Армении всегда будет зависеть от того крупного игрока-претендента на регион, который располагает серьезной военной логистикой. Не Франция — у нее нет военной логистики от слова совсем. У США эта логистика вроде бы есть, однако с очень небольшим ресурсом, потому что база на Арарате — это всего лишь база слежения. Так что более-менее остаются Иран и Россия, уверен эксперт.

Если говорить о причинах нынешнего геополитического кризиса, сотрясающего мир, то одной из них политолог называет глобальную межконтинентальную логистику.
“Веками вся международная торговля была завязана на морских коммуникациях, а это было выгодно компаниям лондонского Сити, которые все это дело страховали. А сухопутные межконтинентальные коммуникации были заброшены. Сейчас же маятник качнулся в обратную сторону. Вот у той же Армении нет выхода к морю, зато в плане континентальной логистики страна занимает очень серьезное положение”, — отмечает политолог.

Этот фактор дает стране хорошие шансы для сохранения ее суверенитета в нынешней непростой ситуации, утверждает Геворгян. И это может быть весьма выгодно некоторым крупным геополитическим игрокам.

🎦интервью полностью

♥️@RadioSputnikArm | LIVE 106.0FM

«Աբովյան Time». ՀՀ իշխանությունները երկու հարցի պատասխանը պետք է տան։ Առաջինը՝ հայաստանցի մաքսավորը ունենալո՞ւ է ուղիղ, ֆիզիկական հասանելիություն ՀՀ մտնող բեռներին, որպեսզի բացի մեքենայի դուռը, նայի՝ ներսում թուրք զինվոր ու զենք կա՞, թե պայմանական՝ պոմիդոր է, թե՞ դա լինելու է միջնորդավորված՝ երրորդ կողմի միջոցով, օրինակ՝ ամերիկացիների։

Թրամփը, որը չի հիշում՝ Հայաստանի՞ հետ է պայմանագիր կնքել, թե Ալբանիայի, Ադրբեջանի՞, թե Կամբոջայի, նա՞ է լինելու երաշխավորը այդ պայմանավորվածությունների իրականացման։

Այո, կան շատ հարցեր, որոնք պետք է պարզաբանվեն։ Եվ մենք պետք է ի վերջո հասկանանք՝ որքանով է համապատասխանում իրականությանը մեր խաղաղության տեսլականը։ Միայն դրանից հետո կարող ենք ասել, թե խաղաղությունը եկել է։

🎦զրույցն ամբողջությամբ

♥️@RadioSputnikArm | LIVE 106.0FM

«Դպրոցներում հեռախոսներով զբաղվելը, այո, ազդում է ուսման որակի վրա»։

Դպրոցներում բջջային հեռախոսների և էլեկտրոնային այլ սարքերի օգտագործումը արգելելու կամ սահմանափակելու՝ Երևանի քաղաքապետարանի առաջարկի մասին Sputnik Արմենիան զրուցել է «Հանուն պետականաշինության և կրթադաստիարակչական» հասարակական կազմակերպության ղեկավար Մեսրոպ Հովհաննիսյանի հետ։

📌1-ից 6-րդ դասարանցիներին արգելվելու է դասաժամերին, միջոցառումների և նույնիսկ դասամիջոցների ընթացքում ունենալ միացված հեռախոս։ Անհրաժեշտության դեպքում աշակերտը կարող է բերել այն դպրոց, սակայն դասի սկզբում պետք է հանձնի դասղեկին և վերցնի միայն դասերի ավարտին։ 7-ից 12-րդ դասարանների համար նախատեսվում է սահմանափակված օգտագործման կարգ։ Սահմանափակումները վերաբերում են ոչ միայն հեռախոսներին, այլև պլանշետներին, խելացի ժամացույցներին և այլ թվային այլ սարքավորումներին։ Քաղաքապետարանի հանրակրթության վարչության պետ Մարգարիտ Խաչատրյանի խոսքով՝ ծրագիրը նախնական փուլում կգործարկվի թվով 15 դպրոցներում։

♥️@RadioSputnikArm | LIVE 106.0FM

«Հոկտեմբերը կլինի տաք և սակավատեղում, Երևանում ջերմաստիճանը կհասնի +29-ի»։

Եղանակի մասին Sputnik Արմենիան զրուցել է Հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանի հետ։

♥️@RadioSputnikArm | LIVE 106.0FM

Դասականից մինչև ջազ. Աննա Բակունցը բացահայտում է երգեհոնի անսահման հնարավորությունները

Երևանի Կոմիտասի անվան պետական կոնսերվատորիայի դոցենտ, միջազգային մրցույթների դափնեկիր, երգեհոնահար Աննա Բակունցը Sputnik Արմենիայի եթերում խոսել է երգեհոնի առանձնահատկությունների, իր ստեղծագործական ուղու և հայկական երգեհոնային արվեստի զարգացման մասին։

«Երգեհոնը ոչ միայն հոգևոր երաժշտության, այլև ունիվերսալ գործիք է՝ «մեկ մարդու նվագախումբ», որը կարող է կատարել ցանկացած ժանրի ստեղծագործություն՝ դասականից մինչև ջազ», - ասում է երաժիշտը, որը, ծնված լինելով մի ընտանիքում, որտեղ գերիշխում էր ջազը, միայն մեկ անգամ լսելով Յոհան Սեբաստիան Բախի երգեհոնային երաժշտության ձայնապնակը՝ ընտրել է երգեհոնը։ Խոսելով Հայաստանում այս ժանրի ներկա վիճակի մասին՝ Աննա Բակունցը նշում է, որ չնայած գործիքների սակավությանը, հետաքրքրությունը երգեհոնային երաժշտության հանդեպ աճում է, ինչին նպաստում են տարբեր համերգներն ու փառատոները։

Երգեհոնահարը Sputnik Արմենիային պատմել է նաև իր նախասիրությունների մասին` կատուներ, սարսափ ֆիլմեր և խաղեր, որոնք ադրենալին են տալիս` անհրաժեշտ յուրաքանչյուր արվեստագետին, և երգեհոնի նման պարունակում են միստիկ տարր։

🎦զրույցն ամբողջությամբ

♥️@RadioSputnikArm | LIVE 106.0FM

«Չեմ կարծում, թե Փաշինյան-Ալիև հանդիպումը մեծ առաջընթաց է գրանցելու»։

Sputnik Արմենիան զրուցել է քաղաքական վերլուծաբան Սուրեն Սուրենյանցի հետ։

📌Ազգային ժողովը 64 կողմ 2 ձեռնպահ ձայներով երեկ ընդունեց «Քաղպայմանագիր» խմբակցության հեղինակած` «Հայաստանի և Ադրբեջանի միջև խաղաղության հաստատման» վերաբերյալ հայտարարության նախագիծը։ Ընդդիմադիր «Հայաստան» և «Պատիվ ունեմ» խմբակցությունները չմասնակցեցին հայտարարության ընդունման գործընթացին, համարելով որ իշխող ուժի հաստատած խաղաղությունը կեղծ օրակարգ է։ Նկատենք, որ ՔՊ-ի հեղինակած հայտարարությունն ընդունվեց այն ժամանակ, երբ վարչապետ Նիկոլ Փաշինյանը Դանիայում Եվրոպական քաղաքական համայնքի 7-րդ գագաթնաժողովի շրջանակում հանդիպում էր Ադրբեջանի նախագահ Իլհամ Ալիևի հետ։ Հանդիպման ավարտին հայկական կողմի հրապարակած հաղորդագրությունից տեղեկանում ենք, որ Փաշինյանն ու Ալիևը քննարկել են Ադրբեջանի տարածքում ենթակառուցվածքների զարգացման և Հայաստանի տարածքում «TRIPP» նախագծի իրականացման առաջընթացը, մարնամասնել են ՀՀ կառավարությունից, վերահաստատել են պատրաստակամությունը շարունակելու աշխատանքը Հայաստանի և Ադրբեջանի միջև խաղաղության հետագա ամրապնդման ուղղությամբ։

♥️@RadioSputnikArm | LIVE 106.0FM

«Կա նպատակ՝ որոշակի ճնշում գործադրել ընդդիմադիր կուսակցությունների վրա, պարզապես այդ պահին հարվածի տակ ընկավ ՀՅԴ-ն»։

Sputnik Արմենիան զրուցել է քաղտեխնոլոգ Վիգեն Հակոբյանի հետ։

📌Հոկտեմբերի 1-ին ԱԺ-կառավարություն հարցուպատասխանի ժամանակ վարչապետ Փաշինյանը հայտարարեց, թե` կուսակցությունները, որոնց կառավարումը թափանցիկ չէ, կարող են զրկվել ընտրություններին մասնակցելու իրավունքից։ «Մենք ժողովրդավար երկիր ենք, պետք է գտնենք մեխանիզմներ, որ մեր երկրում գործող կուսակցությունները համապատասխանեն ժողովրդավարության և թափանցիկության կանոններին։ Եվ դա կարող է ընդհուպ ընտրություններին մասնակցել-չմասնակցելու հնարավորություն տալ-չտալու հարց առաջացնել։ Որովհետև կոնսպիրատիվ կառույցները ինչո՞ւ են ընտրություններին մասնակցում, թող գնան, զբաղվեն կոնսպիրացիայով, մենք էլ իրենց բացահայտենք»,- հայտարարեց Փաշինյանը՝ նկատի ունենալով նաև Հայ հեղափոխական դաշնակցությանը։ Բացի սա, ՔՊ-ական պատգամավորները մեկ անգամ չէ, որ խոսել են ՀՅԴ-ն փակելու մասին։ Երեկ էլ այդօրինակ թեմայով բանավեճ եղավ «Հայաստան» խմբակցության պատգամավոր, դաշնակցական Գեղամ Մանուկյանի և վարչապետ Նիկոլ Փաշինյանի միջև։

♥️@RadioSputnikArm | LIVE 106.0FM

Путь кофейного зернышка от плантации до кофе в нашем стакане — 48 рук: Михаил Зимин

4–5 октября в Ереване в парке «Seasons» во второй раз пройдет фестиваль Specialty Coffee Days —бесплатное мероприятие для всех любителей кофе и профессионалов. Директор кофейного культурного центра компании Cafe Du Brazil, Q-грейдер и тренер Михаил Зимин в «Других новостях» на радио Sputnik Армения рассказал о программе фестиваля: гостей ждут каппинги — профессиональные дегустации с участием армянских обжарщиков, а также кофе из Бразилии, России и других стран. Помимо этого, будут организованы образовательные мастер-классы и семинары от экспертов индустрии.

«Фестиваль нацелен на то, чтобы объединить людей, которые производят кофе, интересуются кофе, кофейных энтузиастов и профессионалов. Это площадка, которая позволяет приобщиться к культуре качественного кофе», — отметил сертифицированный специалист Q-Grader, подчеркнув, что все бесплатно, все делается для того, чтобы культура росла и чтобы как можно большему числу людей это было доступно.

Тренер по кофе также рассказал о сортах, географии и различных методах приготовления кофе, развеял кофейные мифы о кофе и о тех, кто его готовит — бариста.

♥️@RadioSputnikArm | LIVE 106.0FM

«Ֆրանսիան դռնեդուռ է ընկել, որ «Զանգեզուրի միջանցք» կոչվածը բացվի, որ Կենտրոնական Ասիայի ուրանը՝ Ղազախստանի ուրանը, կարողանա Հայաստանով, Թուրքիայով տանել Եվրոպա, որ իր ատոմակայանները կարողանան աշխատել։ Այն միջուկային տերություն էր ապրիորի, բայց իրականությունում, գետնի վրա այդ միջուկային տերությունից բան չի մնացել։ Վերջին անգամ Ֆրանսիան ե՞րբ է թարմացրել իրա միջուկային արսենալը. ֆրանսիացի փորձագետները այդ հարցն են բարձրացնում անընդհատ։ Ֆրանսիան ե՞րբ է վերջին անգամ գումար հատկացրել իր զինված ուժերը բարեկարգելու համար, նորացնելու համար, սպառազինությունները թարմացնելու համար։ ֆրանսիական հրետանային համակարգը վերջին ստեղծած Ցեզար համակարգն է մի 20 տարի առաջ ստեղծած»։

«Աբովյան Time» պոդկաստի հեղինակ Արման Աբովյանի զրուցակիցը միջազգայանգետ Գրիգոր Բալասանյանն է։

«Գրքային ճշմարտությունով՝ Ֆրանսիան ու Մեծ Բրիտանիան միջուկային տերություններ են, բայց ոչ իրական կյանքում։ Ռուսաստանը շարունակում է մնալ ԱՄՆ-ին ամենաշատ ուրան մատակարարող պետությունը՝ 20%, իսկ Ֆրանսիայի համար փակել է աֆրիկյան ուրանի դռները։ Այսօր Ֆրանսիան ուրանի բավականին լուրջ պահանջարկ ունի»։

🎦զրույցն ամբողջությամբ

♥️@RadioSputnikArm | LIVE 106.0FM

«Ընդդիմությունը դեմ է «վաշինգտոնյան փաստաթղթի» բովանդակությանը, ոչ թե խաղաղությանը: Այդ փաստաթղթում գրվածը, եթե իրականություն դառնա դա կհակասի ՀՀ ազգային շահերին»:

«Աբովյան Time» պոդկաստի հեղինակ Արման Աբովյանի զրուցակիցը «Հայաստան» խմբակցության պատգամավոր Արթուր Խաչատրյանն է:

«Այդ թուղթը ոչ թե խաղաղության թուղթ է, այլ ժամանակավոր հրադադարի մասին է, որը կարող է խախտվել ցանկացած պահի, եթե Ադրբեջանի որևէ հրաման չկատարես։ Ասում են՝ ութ ամիս է սահմաններին մարդ չի զոհվել։ Աստված տա՝ տասնութ տարի, հարյուր ութսուն տարի, բայց այդ քաղաքականությունը դրան չի բերելու։ Հիշեցնեմ՝ ընդամենը ութ ամիս առաջ, Ադրբեջանը պարբերաբար հրետակոծում էր հայկական սահմանամերձ բնակավայրերը, հատկապես Սյունիքի մարզում։ Ե՞րբ դա դադարեց։ Երբ Հայաստանը ընդունեց վերջին երկու վիճահարույց կետերի վերաբերյալ ադրբեջանական առաջարկը՝ այսպես կոչված խաղաղության համաձայնագրի շրջանակում։ Այսքան պարտադրում էին՝ ասում էին՝ «չանես՝ կխփեմ»։

🎦զրույցն ամբողջությամբ

♥️@RadioSputnikArm | LIVE 106.0FM

«Դավադրություն է միմյանց հակադրել մեր երկու սրբազան լեռները։ Այս պահին ես մի ընկերոջ հետ կազմում եմ Երևանին նվիրված մի մեծ հատոր, առավելապես երաժշտական ուղղվածությամբ։ Ամիսների մեր պրպտումների արդյունքում 300–ից ավելի երգ ենք առանձնացրել, որոնցից առնվազն 250-ի մեջ «Արարատ» կա։ Երբ բանաստեղծը ներբողում է Երևանը, պարտադիր նշում է Մասիսի փեշերին փռված լինելու մասին»։

Sputnik Արմենիան զրուցել է Գրականության և արվեստի թանգարանի նախկին տնօրեն, գրող, գրականագետ Կարո Վարդանյանի հետ։

📌Վերջին շրջանում վարչապետ Փաշինյանը տարբեր առիթներով խոսել է խորհրդային շրջանի գրականության մասին՝ հայտարարելով, թե հայ ժողովրդի հայրենասիրությունը հիմնված է 1940-80-ական թվականների Խորհրդային միության ղեկավարների թելադրանքով գրված գաղափարների վրա։ Միաժամանակ վարչապետը կոչ է անում ավելի մեծ տեղ հատկացնել ժամանակակից գրողներին, անդրադառնալ այսօրվա թեմաներին, օրինակ՝ խաղաղությանը, վիշտն ու ողբը թողել անցյալում և խոսել խաղաղության ու ապագայի մասին։ Նույն այս գաղափարաբանությունն արտացոլված է նաև ԿԳՄՍՆ հեղինակած «Իրական Հայաստանի գեղագիտության տեղորոշման և աջակցության հայեցակարգում»։ Փաստաթղթում բացահայտ ակնարկվում է, թե ինչ պիտի գրի ժամանակակից գրողը կամ ինչ պետք է բեմադրվի թատերական ու նույնիսկ դպրոցական բեմերում։

♥️@RadioSputnikArm | LIVE 106.0FM

«Մեր ցանկությունն է, որ քաղաքական որոշում կայացնողները լինեն կրթված։ Բայց կրթության, դիպլոմի առկայությունը կրթվածության հետ նույնական չեն։ Մենք շատ ենք հանիպում մարդկանց, որոնք դիպլոմավորված են, բայց իրապես կիրթ չեն»։

Sputnik Արմենիան հանրային կառավարման հարցերով փորձագետ Սերոբ Անտինյանի հետ։

📌ԱԺ առողջապահության հարցերի մշտական հանձնաժողովի նախագահի ընտրությունն անցած շաբաթ բուռն հանրային քննարկան առիթ դարձավ․ «Քաղաքացիական պայմանագրի» թեկնածու Հռիփսիմե Հունանյանը, որն ընտրվեց այդ պաշտոնում, բարձրագույն կրթություն չունի, մասնագիտական փորձն էլ սահմանափակվում է հիվանդանոցում բուժքրոջ և ավագ բուժքրոջ հաստիքներով։ Խորհրդարանում իր թեկնածության քննարկման ժամանակ Հռիփսիմե Հունանյանը հայտարարել էր, որ ղեկավար պաշտոն զբաղեցնելու համար բարձրագույն կրթությունը պարտադիր չէ, ու թեև ինքը բարձրագույն կրթություն չունի, բայց իր փոքրիկ կենսագրության մեջ հոգատարություն, սեր և հարգանք է թաքնված։

♥️@RadioSputnikArm | LIVE 106.0FM

«Մեկ անձի հաշվով կյանքը թանկացել է շուրջ 10 000 դրամով». Sputnik Արմենիայի եթերում «Հայաստան» խմբակցության պատգամավոր, տնտեսագետ Թադևոս Ավետիսյանը խոսել է գնաճի պաշտոնական և իրական ցուցանիշների տարբերության մասին․

«2024թ–ի ավարտից մինչև 2025թ–ի երկրորդ եռամսյակ ՀՀ նվազագույն սպառողական զամբյուղի արժեքը 7-8 հազար դրամով ավելացել է` 75 000 դրամից հասնելով շուրջ 82 000–ի։ Եթե դրան գումարենք նաև հուլիս–սեպտեմբեր ամիսների գնաճը, կստացվի, որ մեկ անձի հաշվով կյանքը թանկացել է շուրջ 10 000 դրամով»։

📌Հայաստանի սպառողական շուկայում 12-ամսյա գնաճը 2025 թ. սեպտեմբերին՝ 2024 թ. սեպտեմբերի նկատմամբ կազմել է 3.7%: Վիճակագրական կոմիտեի հրապարակած պաշտոնական տվյալներով` 5,8%-ով թանկացել է սննդամթերքը, 6,8%-ով՝ ալկոհոլն ու ծխախոտը, 4,1%-ով տրանսպորտը, 3,5%-ով առողջապահությունը, 8,3%-ով՝ կրթությունը։ Առաջին ահրաժեշտության պարենային ապրանքներից հացի գինն աճել է 5%-ով, ալյուրինը` 7.2%-ով։ Միսը մեկ տարում թանկացել է շուրջ 5%-ով, կարագը` 12.5, շաքարավազը` 8.9%-ով, մակարոնեղենը` 7%-ով։ Իսկ, օրինակ, իշխան ձկան գինը 1 տարում 19.4 տոկոսով է թանկացել։ Պարենային նվազագույն զամբյուղի միակ ապրանքը, որ էժանացել է, ձուն է։ Ձվի գինը 1 տարում նվազել է 3%-ով։ Կառավարությունը վստահեցնում է, որ գնաճը կառավարելի է և կանխատեսվածի սահմաններում, ԿԲ–ն էլ ներկա պահին գնաճի զսպման ֆինանսական գործիքների կիրառման կարիք չի տեսնում։

♥️@RadioSputnikArm | LIVE 106.0FM