«Համաշխարհային քաղաքական քարտեզի վրա գոյություն ունի ավելի քան 5000 էթնիկ համայնք, բայց դրանցից միայն մոտ 15%-ն է վերածվել ազգի, իսկ պետություն ունի ընդամենը շուրջ 200-ը։ Մենք այդ ընտրյալների մեջ ենք, և որքան էլ դժվարություններ ունենանք, անկախությունն արդեն մեր ունեցած ամենամեծ արժեքն է»։

Հասարակագետ, ACT քոլեջի դասախոս Վահրամ Թոքմաջյանը պատմական համեմատություններով շեշտում է՝ 1918-ին Հայաստանը պատրաստ չէր անկախության, մինչդեռ 1990-ականներին՝ սոցիալական կայունության, կրթվածության և ազգային հիշողության շնորհիվ, ժողովուրդն արդեն գիտակցված քայլ արեց․

«Չէր կարող երկու միլիոնից ավելի քվեարկող մարդ սխալվել։ Սա հասունացած որոշում էր, ոչ թե պատահականություն։ Այդ պահին գործող բոլոր հասարակական-քաղաքական ուժերը ստորագրել էին հռչակագրի տակ, իսկ քաղաքացիների գրեթե 100 տոկոսը ասել էր «այո» անկախությանը։ Սա բացառիկ երևույթ է մեր պատմության մեջ»:

Խոսելով անկախության անհրաժեշտության մասին՝ պատմաբանը նշում է․ «Համաշխարհային քաղաքականության մեջ լիարժեք անկախ ոչ ոք չկա, պետությունները փոխկապակցված են, բայց անկախությունը մեզ համար ազատ շնչելու, ինքնուրույն որոշումներ ընդունելու հնարավորությունն է»։

🎦զրույցն ամբողջությամբ

♥️@RadioSputnikArm | LIVE 106.0FM

«Աբովյան time»․ Եկեք կրկին ֆիքսենք՝ միջազգային իրավունքը չի աշխատում։ Վե՛րջ։ Սա արդեն աքսիոմատիկ իրականություն է։ Հետևաբար, եթե միջազգային իրավունքը չի գործում, դա մեզ ստիպում է իրատեսական հայացք նետել մեր շուրջը տեղի ունեցող գործընթացներին և անել հետևություններ։

Հետևություն համար մեկ՝ ոչ մի փաստաթուղթ չի գործում։ Ընդհանրապես։ Գործում է միայն ու միայն ուժի և ազդեցության գործոնը։ Վե՛րջ։ Այժմ հարցն այն է, թե մենք ինչպես ենք հասնելու այդ նպատակին՝ ի՛նչ ենք անում դրա համար, ի՛նչ է անում իշխանությունը, ի՛նչ է անում ընդդիմությունը։ Սա արդեն առանձին խոսակցության և քննարկման առարկա է։ Բայց այդ զրույցը պարտադիր պետք է լինի։

Հերիք է իրար ատենք։ Գժվելու բան է․ ինձ էլ շատ բան դուր չի գալիս, բայց մյուս կողմից ես հասկանում եմ՝ ներհայկական, ներպետական, ներազգային ատելությունը աշխատում է միայն ու միայն մեր թշնամիների օգտին։ Այո՛, Թուրքիան ու Ադրբեջանը մեր ժողովրդի թշնամիներն են՝ ամենաշատը հետաքրքրված մեր միջև մաքսիմալ պառակտում մտցնելու հնարավորությունով։

🎦զրույցն ամբողջությամբ

♥️@RadioSputnikArm | LIVE 106.0FM

«Հայաստանի հաջորդ իշխանությանը կարելի է ցավակցել։ Խայտառակ վատ ժառանգություն է թողնում Նիկոլ Փաշինյանը։ Օրը 24 ժամ աշխատելը նույնիսկ բավական չի լինելու քանդածը զրոյական մակարդակի բերլու համար»։

Sputnik Արմենիայի հետ զրույցում տնտեսագետ Նաիրի Սարգսյանը մեկնաբանել է ՀՀ պետական պարտքի նորացված ցուցանիշը։

📌Ֆինանսների նախարար Վահե Հովհաննիսյանը երեկ խորհրդարանում հրապարակեց Հայաստանի պետական պարտքի նոր ցուցանիշը՝ 13.8 մլրդ դոլար, ինչը նախորդ տարվա համեմատ 1 միլիարդ դոլարով ավելի է։ Եթե այս գումարը բաժանենք Հայաստանի քաղաքացիների թվի վրա, կստացվի, որ յուրաքանչյուրս 4 600 դոլարի պարտք ունենք։ Ընդ որում, դա միայն մայր գումարն է, պարտքի տոկոսադրույքները, սպասարկման գումարները մի քանի անգամ ավելի են։

♥️@RadioSputnikArm | LIVE 106.0FM

«Կինս իմ թևերն է․ նա միշտ կողքիս է՝ թե՛ որպես մարզիչ, թե՛ որպես ոգեշնչող»։

Զինհաշմանդամ, գեղանկարիչ և ժող․ վարպետ Գարիկ Միքայելյանը օրեր առաջ անցկացված Պարա լողի 2025 թվականի ՀՀ առաջնությունում դարձավ բացարձակ չեմպիոն՝ ուժերը չափելով ազատ ոճում 50 մ և թիկնալող 50 մ մարզաոճերում՝ S1-S10 մարզական դասակարգման խմբերում։

«Պարասպորտը շատ կարևոր է ներառականության համար․ այն հնարավորություն է տալիս հաշմանդամություն ունեցող մարդկանց լիարժեք ներկայանալ հասարակությանը։ Հասարակության հասունությունը չափվում է հաշմանդամություն ունեցող մարդկանց հանդեպ վերաբերմունքով»,- ընդգծում է լողորդը։

Գարիկ Միքայելյանը նաև նկարիչ է․ նկարում է ոտքերով։ Արվեստաբան Արմինե Մելիք-Իսրայելյանը, որը նաև Գարիկի կյանքի ուղեկիցն է, նրա նկարչությունը բնորոշում եմ որպես էմոցիոնալ ռեալիզմ, որը փոխանցում է նրա ապրումները, պայքարը և հույսը։ Այսօր Գարիկի առջև կանգնած գլխավոր մարտահրավերը միջազգային մրցումներին մասնակցելու հնարավորությունն է։ Չնայած նա լիարժեքորեն համապատասխանում է աշխարհի առաջնություններին մասնակցելու չափանիշներին, ֆինանսական խնդիրների պատճառով, օրինակ, Սինգապուրի մրցումներին հանդես գալ չկարողացավ։ Հաջորդ կարևոր ստուգատեսը նոյեմբերի 27-29-ը Աբու Դաբիում է, որին մասնակցելու համար հարկավոր է ֆինանսական աջակցություն։ «Կարևորը ոչ միայն իմ մասնակցությունն է, այլև Հայաստանի դրոշը՝ միջազգային հարթակներում»,- ընդգծում է նա։

🎦զրույցն ամբողջությամբ

♥️@RadioSputnikArm | LIVE 106.0FM

«Եթե մենք գնում ենք հայ-ադրբեջանական հարաբերությունների կարգավորման արժանապատիվ ուղով, ամենաառաջին քայլը պետք է լիներ Հայաստանի և Ադրբեջանի համաձայնագիրը դիվանագիտական հարաբերությունների հաստատման մասին»։

Sputnik Արմենիան զրուցել է միջազգայնագետ Գարիկ Քեռյանի հետ։

«Առաջին քայլը պետք է լիներ գերիների ազատումը, հրաժարումը թշնամական քարոզչությունից, ապա բանակցություններ մնացած բոլոր հարցերի շուրջ։ Իսկ հիմա ստացվում է թարս. կնքվում է պայմանագիր մի պետության հետ, որը ՀՀ–ի հետ չունի դիվանագիտական հարաբերություններ»։

📌Չնայած Հայաստանի իշխանությունների ազդարարած խախաղությանը, Ադրբեջանը շարունակում է խոսել նախապայմանների ու պահանջների լեզվով․ Երևանում անցկացվող ՆԱՏՕ–ի սեմինարին մասնակցելու նպատակով Հայաստան ժամանած ադրբեջանցի փորձագետ Մուրադ Մուրադովը երեկ լրագրողների հետ զրույցում հայտարարեց, որ պայամանագիրը չի ստորագրվի, մինչև Հայաստանը չփոխի Սահմանադրությունը՝ որպես Ղարաբաղի տարածքների հետ կապված «հնարավոր հավակնությունների մասին հիշատակումների բացառում»։ Հայ գերիների ազատ արձակման մասին հարցին ադրբեջանցին պատասխանեց, թե «նրանք մեղադրվում են պատերազմական հանցագործությունների համար»։

♥️@RadioSputnikArm | LIVE 106.0FM

«Չորրորդ հանրապետությունը» նախընտրական պրոդուկտն է լինելու իշխանությունների համար, որը փորձելու են վաճառել ժողովրդի վրա խաղաղության անվան տակ՝ ««Չորրորդ հանրապետությունը»՝ խաղաղության հանրապետություն»։ Այսպիսին են լինելու իրենց թեզերը։

«Աբովյան Time» պոդկաստի հեղինակ Արման Աբովյանի զրուցակիցը քաղաքագետ Արա Պողոսյանն է։

«Դրա խորքում կա մի քանի խնդիր։ Նախ՝ իշխանությանը հաջողվել է հրաժարվել Արցախից, ինչպես նաև Հայոց ցեղասպանությունից կամ Հայ դատից․ ասում են՝ «այդ հարցը մեզ համար արտաքին քաղաքականության առաջնահերթություն չէ»։ Այս պահին չենք կարող ասել, որ մենք այդ հարցից հրաժարվում ենք, որովհետև Սահմանադրությունը հստակ իմպերատիվը տալիս է, սակայն «4-րդ հանրապետության» մասին խոսելով՝ այս իմպերատիվը կորում է, ընդհանրապես չի լինելու։ Հաջորը՝ խուսափելն է բոլոր ձախողումների համար պատասխանատվությունից։ Մյուսը արտաքին պարտադրանքն է․ Թուրքիան և Ադրբեջանը, ինչքան էլ մեզ ասեն՝ «Թուրքիայից չկա պահանջ, մենք Ադրբեջանի պարտադրանքով չենք անում», միևնույն է՝ Ադրբեջանն ասում է, որ քանի դեռ փոխված չէ ՀՀ Սահմանադրությունը, չեն կնքելու խաղաղության պայմանագիր, ասել է թե՝ սա ուղիղ Ադրբեջանի պահանջով կատարվող գործողություն է, որը համընկնում է նաև սեփական ցանկությունների հետ և առաջնահերթությունների հետ»։

🎦զրույցն ամբողջությամբ

♥️@RadioSputnikArm | LIVE 106.0FM

«Վարչապետ Նիկոլ Փաշինյանը, ըստ էության, ցուցմունք է տվել ՀՀ-ի դեմ՝ այն համարելով օկուպանտ և ագրեսոր երկիր։ Դրանից բխում է, որ Ալիևն այս հայտարարությունն օգտագործելու է Հայաստանի դեմ որպես հաղթաթուղթ»։

Sputnik Արմենիայի հետ զրույցում քաղաքական վերլուծաբան Սուրեն Սուրենյանցը մեկնաբանել է ՀՀ վարչապետի հայտարարությունը․ Անկախության օրվա նախօրեին իր հասցեին Լևոն Տեր-Պետրոսյանի քննադատությանն ի պատասխան վարչապետ Փաշինյանը սոցցանցում գրառմամբ հարց էր ուղղել ՀՀ առաջին նախագահին, թե ո՞վ և ինչ իրավական ակտով էր թույլ տվել նրան Ալմա Աթայի հռչակագրի ընդունումից ու վավերացումից հետո Հայաստանի 18 տարեկան զինվորներին տեղակայել Հայաստանի միջազգայնորեն ճանաչված տարածքից դուրս։ Ի դեպ, նախքան պատերազմը Լեռնային Ղարաբաղում «Արցախը Հայաստան է, և վե՛րջ» բացականչող Փաշինյանի որդին ևս ծառայել է Պաշտպանության բանակում։

Այնուհետև Փաշինյանը Լևոն Տեր-Պետրոսյանին կրկին Արցախի հարցի կարգավորման բանակցությունների թեմայով բանավեճի է հրավիրել․ մեկ այլ նաև Ռոբերտ Քոչարյանին ու Սերժ Սարգսյնաին էր հերթական անգամ հրավիրել բանավեճի։ Փոխարենը նախկին նախագահները բազմիցս պահանջել են Փաշինյանից` հրապարակել բանակցված փաստաթղթերը, ինչը Փաշինյանը մինչ օրս չի արել։

♥️@RadioSputnikArm | LIVE 106.0FM

❗️«Մեղուների անկումը կոլապսի է վերածվում․ տարբեր մարզերից մեղվաբույծներ են ահազանգում՝ մեղուն թողնում է փեթակը, հեռանում է ու անկում՝ սողալով, քարշ գալով, ինչ–որ տարօրինակ պահվածքով։ Մեղվաբույծները սթրեսի մեջ խառնված՝ չեն իմանում իրավիճակը ինչպես կառավարել»։

Մեղվաբույծ, «Բիլայֆ» ԱՁ-ի հիմնադիր Գայանե Սիմոնյանը «Ուրիշ նորություններում» հայտնել է, որ պատճառներից մեկը տիզի անկառավարելի տարածումն է․ ահազանգեր են գալիս տարբեր մարզերից՝ Գեղարքունիքից, Սյունիքից, Լոռիից․ «Վարակվածությունը արդեն հասնում է անկառավարելի մասշտաբների։ Այս խնդիրը ոչ միայն մեղվաբույծների, ոչ միայն մեր, այլև ամբողջ հասարակությանն է։ Սա բնության բողոքն է, աղերսը, որ տեր կանգնեք»։

Սիմոնյանը նաև հայտնել է, որ սեպտեմբերի 27–28-ին Երևանի Երազ այգում կանցկացվի «Մեղվատոն» փառատոնը՝ «Քաղցր օրեր» խորագրով։ Փառատոնը լավ հնարավորություն է, որպեսզի սպառողը դեմ առ դեմ շփվի հենց մեղվաբույծների հետ․

«Այստեղ ներկայացվում է ոչ միայն ցուցահանդես-վաճառք, այլև հետաքրքիր վարպետաց դասեր․ այցելուները կարող են մասնակցել, օրինակ, մեղրամոմից մոմերի պատրաստմանը կամ ծանոթանալ բնական խնամքի միջոցների ստեղծման գործընթացին»։

🎦զրույցն ամբողջությամբ

♥️@RadioSputnikArm | LIVE 106.0FM

«Աբովյան Time»․ Համատարած ատելությունը պետք է դուրս բերել ժողովրդի միջից․ ատելությունը մեզ խժռում է

Մենք պետք է հստակ հասկանանք, որ խաղաղությունը ինքնության հաշվին չի լինում․ այդպես անբնական է։ Իրական խաղաղությունն ու իրական բարեկեցությունը կարող ենք ստանալ միայն և միայն պահպանելով մեր հայկականությունը։ Մենք երբեք ագրեսոր չենք եղել, միշտ պաշտպանվել ենք և պաշտպանել ենք մեր կյանքն ու ինքնությունը։ Իսկ եթե ինքնություն չկա, ապա կյանքի պաշտպանության գործոնը նահանջում է հետին պլան։ Մարդ այլևս իմաստ չի տեսնում։ Սա շատ սարսափելի իրավիճակ է։ Այո՛, պետք է ունենալ քաջություն առնչվելու իրականության հետ և չվախենալ դրանից։

🎦զրույցն ամբողջությամբ

♥️@RadioSputnikArm | LIVE 106.0FM

«Հանցավորության դեմ պայքարը մեր երկրում պատմական մինիմումին է հասել, պատճառը իրավապահ համակարգի գերքաղաքականացված լինելն է։ Իրավապահ մարմիններն այսօր աշխատում են մեկ անձի իշխանության պաշտպանության համար»։

Փարաքարի համայնքապետի սպանությունն ու դրա վերաբերյալ վարչապետ Փաշինյանի ֆեյսբուքյան գրառումը․ Sputnik Արմենիան այս մասին է զրույցել Երևանի նախկին դատախազ, փաստաբան Րաֆֆի Ասլանյանի հետ։

Ինչ վերաբերում է Փաշինյանի արձագանքին՝ Ասլանյանի խոսքով՝ իրավիճակին պետք էր անդրադառնալ ոչ թե ֆեյսբուքյան գրառմամբ, այլ հստակ հրահանգներով, ճիշտ կադրային քաղաքականությամբ, ինչը, ըստ փաստաբանի, ներկա իշխանություններին բնորոշ չէ։

♥️@RadioSputnikArm | LIVE 106.0FM

«Հայաստանի առաջին նախագահ Լևոն Տեր–Պետրոսյանը լուրջ դերակատարություն է ունենալու առաջիկա իրադարձությունների ժամանակ։ Ընտրություններին ՀԱԿ-ը իհարկե մասնակցելու է. բայց դա չէ կարևորագույն խնդիրը, այլ՝ ընտրություններին հասնել հստակ այլընտրանքային առաջարկով, ծրագրով, թիմով, ճանապարհային քարտեզով»։

Sputnik Արմենիայի հետ զրուցում ՀԱԿ փոխնախագահ Լևոն Զուրաբյանը նաև կարևորել է համաժողովրդական շարժման ստեղծումն ու այլ քաղաքական ուժերի հետ համագործակցությունը։

♥️@RadioSputnikArm | LIVE 106.0FM

«Առաջին հերթին սերն է բերում ինձ Հայաստան։ Կապը դեպի իմ երկիրը, հողն ու ջուրը, մարդիկ, սարերը։ Իմ էությունը՝ որպես մարդ և որպես երաժիշտ, չէր կարող կերտվել առանց հայ լինելուս։ Ես չէի ուզենա ուրիշ երկրի ներկայացուցիչ լինել, որովհետև հայ լինելն ու այն գենոֆոնդը, որը կրում եմ, մեծ նվեր է»։

Sputnik Արմենիան զրուցել է աշխարհահռչակ ջութակահար, ՀՀ վաստակավոր արտիստ Սերգեյ Խաչատրյանի հետ։ Այս օրերին նա Հայաստանում է՝ պայմանավորված է մի քանի նշանակալի իրադարձություններով՝ Հայաստանի ֆիլհարմոնիկ նվագախմբի 100-ամյակ, Երևանի միջազգային 17-րդ երաժշտական փառատոն, ինչպես նաև ջութակի դպրոց ստեղծելու գաղափարը․

«Ջութակի դպրոց հիմնելու միտքը նոր չէ, դա տարիներ շարունակ իմ մեջ հասունացած պրոցես է։ Դա ոչ թե պարզապես կառույց ստեղծելն է, այլ հենց այն դպրոցը, այն որակը, այն գիտելիքը բերելը Հայաստան, որը ես ստացել եմ իմ ուսուցչից։ Մենք ունենք մեծ ներուժ, բայց կարիք կա պրոֆեսիոնալիզմի և որակական արմատական փոփոխության։ Ես ուզում եմ, որ երեխաները Հայաստանում ունենան այն հնարավորությունները, որ հիմա փնտրում են միայն արտասահմանում»։

Անվանի ջութակահարը խոսել է նաև երազանքի մասին, որը դեռ սպասում է իր ժամանակին՝ ապրել Հայաստանում։

🎦զրույցն ամբողջությամբ

♥️@RadioSputnikArm | LIVE 106.0FM

«Երբ ուսուցումը սահմանափակվում է միայն դասագրքով, երեխան դժվար է ոգևորվում։ Իսկ երբ նա մասնակցում է փորձի կամ նախագծի իրականացմանը, մոտիվացիան ինքնաբերաբար առաջանում է»։

Հայաստանում սեպտեմբերի 30-ից հոկտեմբերի 5-ը կանցկացվի համապետական «Գիտության շաբաթը», որի շրջանակում կկայանան բազմազան միջոցառումներ ինչպես մայրաքաղաքում, այնպես էլ մարզերում։ Գիտության շաբաթվա բովանդակության պատասխանատու Արման Գասպարյանը վստահեցնում է, որ խնդիրը միայն գիտելիք փոխանցելը չէ, այլ հետաքրքրություն առաջացնելը։ Գիտության շաբաթն արդեն ավանդույթ է դառնում, Գասպարյանը վստահ է` այն պետք է վերածվի ամենամյա հարթակի, որը կդառնա գիտելիքի ու ոգեշնչման տոն ամբողջ հասարակության համար։

Միջոցառման կարևոր բաղադրիչներից է նաև մասնագիտական կողմնորոշումը։ Երիտասարդները հնարավորություն կունենան ծանոթանալու գիտական ինստիտուտներին և երիտասարդ հետազոտողներին․

«Շատերի մոտ դեռ ձևավորված է սխալ պատկերացում գիտնականի կերպարի մասին։ Մենք ուզում ենք ցույց տալ, որ գիտությունը Հայաստանում ունի երիտասարդ դեմք և ապագայի մեծ հնարավորություններ»։

🎦զրույցն ամբողջությամբ

♥️@RadioSputnikArm | LIVE 106.0FM

«Խաղաղությունը սպասարկողը այս «տրիադայի» մեջ մնացել է միայն Փաշինյանը. այդտեղ ո՛չ Թրամփը կա, ո՛չ առավել ևս Ալիևը»։

«Աբովյան Time» պոդկաստի հեղինակ Արման Աբովյանի զրուցակիցը քաղաքագետ Վլադիմիր Մարտիրոսյանն է։

«Եվ այսօրվա այդ խաղաղության կոնցեպտի մեջ ամբողջությամբ տեղավորված են հենց այն թեզերը, այն երևույթները, որոնք շատ հին են, շատ չաշխատող են։ Եվ այս իշխանությունը ևս հասկանում է, որ իր քաղաքական շնչառությունը չի հերիքում. վերջին մի շաբաթվա ընթացքում խաղաղություն բառը ե՞րբ եք լսել։ Դուք զգո՞ւմ եք, որ այդ խաղաղության նարատիվը փոխարինվում է «չորրորդ հանրապետություն» ինչ–որ մի երևույթով։ Ինչո՞ւ, որովհետև էդ խաղաղությունը սպասարկողը, էս տրիադայի մեջ մնացել է մենակ Փաշինյանը։ Այդտեղ ո՛չ Թրամփը կա, ո՛չ առավել ևս Ալիևը: Էնտեղից նույնիսկ հումանիտար սպասարկման թեզերը չի ստացվում, կարծես թե, Վաշինգտոնից այցերը շատ պետք է լինեին պաշտոնական Երևան։ Մենք տեսնո՞ւմ ենք դիվանագիտական շարժ։ Չկա դա։ Դա ինչի՞ մասին է խոսում, որ Հայաստանից պետք էր պոկել էդ ժամանակահատվածում իրենց ուզածը՝ Թրամփի 6 կոնֆլիկտային շարքի մեջ ևս մեկը ավելացնելու համար»:

🎦զրույցն ամբողջությամբ

♥️@RadioSputnikArm | LIVE 106.0FM

«44-օրյա պատերազմից ոչ մի դաս չենք քաղել, ավելին՝ քաղաքական դաշտում նման հարցադրում չի էլ առաջացել»։

44-օրյա պատերազմի դասերի մասին Sputnik Արմենիան զրուցել է քաղաքագետ Ստեփան Դանիելյանի հետ։

♥️@RadioSputnikArm | LIVE 106.0FM

«Պաշտպանական ծախսերը նվազեցնելը թուրք–ադրբեջանական պահանջների բավարարում է կամ հաճոյանալու փորձ»։

Հաջորդ տարվա բյուջեում պաշտպանության ծախսերը կրճատելու իշխանությունների որոշումը Sputnik Արմենիայի հետ զրույցում մեկնաբանել է Ռազմարդյունաբերության կոմիտեի նախկին նախագահ Ավետիք Քերոբյանը։

♥️@RadioSputnikArm | LIVE 106.0FM

«Չեմ կարծում, թե զոհվածների հարազատներն ու նրանց ապրումակցողները կընդունեն իշխանության սահմանած հիշատակի օրը»։

Կհաջողվի՞ արդյոք իշխանությանը ընդունված հիշատակի օրերից ոչ մեկին չհամընկնող հունվարի 27-ը որպես «Հիշատակի և խոնարհումի» նոր ամսաթիվ արմատավորել մեր կյանքում. հարցն ուղղել ենք «Մադաթյան» հոգեբանական կենտրոնի ղեկավար, հոգեբան Միհրդատ Մադաթյանին։

📌44-օրյա պատերազմը սկսելու 5-րդ տարելիցի նախօրեին հայտնի դարձավ, որ ԱԺ երկու պատգամավորներ՝ Ռուբեն Ռուբինյանը և Գեղամ Նազարյանը նախագիծ են շրջանառելու, որով հունվարի 27-ը կսահմանվի որպես «Հիշատակի և խոնարհումի օր»: Սրան նախորդել էր վարչապետ Փաշինյանի հայտարարությունն այն մասին, որ մեր պատմությունը լի է ողբերգական էջերով, բայց ամեն օր սգո օր լինել չի կարող և սահմանվելու է մեկ հատուկ օր` բոլոր ժամանակների ռազմական գործողությունների ընթացքում զոհվածների հիշատակը հարգելու համար․ երեկ պարզվեց՝ այդ օրը հունվարի 27-ն է։ Հունվարի 28-ն էլ Բանակի օրն է, որը կնշվի որպես շարունակվող կյանքի ու կամքի խորհրդանիշ: Բայց հունվարի 27-ը մեր մեջ որևէ հուզական հիշողություն չի արթնացնում. դա արհեստականորեն ներմուծված ամսաթիվ է, որին ոչինչ չի կապվում։

♥️@RadioSputnikArm | LIVE 106.0FM

«Հունվարի 27-ը Հոլոքոստի զոհերի հիշատակի օրն է. արդյո՞ք Իսրայելում ապրիլի 24-ը ներառված է որպես հիշատակի օր: Իհարկե ո՛չ: Արդյոք հիմա Իսրայել պետությունը Գազայում չի իրականացնում ցեղասպանություն։ Արդյոք հիմա, երբ Արցախ չունենք, 1000-ամյակների իր բնօրրանից տնավեր-բնավեր դարձած ժողովրդի՝ այդ վիճակին հասնելու մեջ Իսրայել պետության ռազմական աջակցության, Իսրայել–Ադրբեջան համագործակցության հետքը չկա։ Մենք որպես պետություն որոշումներ ընդունելիս չպե՞տք է առաջնորդվենք նաև քաղաքական, ազգային շահերով, ինչ-որ տրամաբանությամբ»:

«Աբովյան Time» պոդկաստի հեղինակ Արման Աբովյանի հետ զրույցում միջազգայնագետ Մենուա Սողոմոնյանը անդրադարձել է ԱԺ «Քաղաքացիական պայմանագիր» խմբակցության պատգամավորների առաջարկած՝ հունվարի 27-ը «Հիշատակի և խոնարհումի օր» սահմանելու նախագծին, խոսել ՔՊ-ի համագումարում «4-րդ հանրապետություն» հռչակելու մասին.

«Իսկ մենք գործ կունենա՞նք Ադրբեջանի «4-րդ հանրապետության» հետ, նրա նարատիվները փոխվելու՞ են, կամ էրդողանյան ժամանակահատվածի նարատիվները փոխվելու՞ են։ Ադրբեջանը կանգ չի առնելու «խաղաղություն» բառով»:

🎦զրույցն ամբողջությամբ

♥️@RadioSputnikArm | LIVE 106.0FM

Детско-юношеский турнир по футболу на приз Романа Березовского проводится в Армении уже в четвертый раз. Финальный этап в этом году прошёл в Ванадзоре.

Юные футболисты получили возможность побороться на поле, а за его пределами - познакомиться с легендарными футболистами сборных Армении и России - Романом Березовским, Саргисом Оганесяном и Дмитрием Лоськовым, которые в свое время выводили на матчи национальные дружины своих стран с капитанской повязкой.

Известные спортсмены убеждены, что подобные соревнования способствуют развитию большого футбола, и не исключено, что именно из таких турниров смогут начать свой путь футболист, который впоследствии принесет славу Армении.

♥️@RadioSputnikArm | LIVE 106.0FM

Ի՞նչ անել, որ շարժիչի ատամնափոկը չկտրվի․ ունի՞ արդյոք շղթան առավելություն՝ ատամնափոկի հետ համեմատությամբ։

«Ավտոսերվիս» հաղորդաշարի փորձագետ Արման Հակոբյանը բացատրում է, թե ինչպես կարելի է խուսափել շարժիչի խափանումից և հետագա թանկարժեք վերանորոգումից։

🎦զրույցն ամբողջությամբ

♥️@RadioSputnikArm | LIVE 106.0FM