«Հայաստանի այսօրվա փխրուն անվտանգային միջավայրում հակառուսական թեզերի տարածումը, հատկապես Հանրայինի քարոզչամիջոցներով, անթույլատրելի է և անտրամաբանական»։

Հայաստան է ժամանել ՌԴ ԱԳ նախարար Սերգեյ Լավրովը, սպասվում է ՌԴ Դաշնային ժողովի Դաշնության խորհրդի նախագահ Վալենտինա Մատվիենկոյի այցը․ իսկ այս օրերին Հայաստանի Հանրային հեռուստատեսության եթերում հեռարձակվում է հակառուսական քարոզչություն․ Sputnik Արմենիան թեմայի շուրջ զրուցել է ԵՊՀ Միջազգային հարաբերությունների ֆակուլտետի Քաղաքական ինստիտուտների և գործընթացների ամբիոնի վարիչ Գարիկ Քեռյանի հետ։

«Տպավորություն է, թե աջ ձեռքը չգիտի՝ ձախն ինչ է անում»։

♥️@RadioSputnikArm | LIVE 106.0FM

«Խնդիրը ժողովրդի առաջ թամաշա խաղալն է վաղը ձայներ փախցելու համար»․ Դավիթ Մաթևոսյան

ՀՀ վարչապետի տիկնոջ՝ Աննա Հակոբյանի բառապաշարը նորաձև կրթությունից անցել է վիրավորանքների, և դա բուռն քննարկումների թեմա է դարձել վիրտուալ և ոչ վիրտուալ տիրույթներում։

«Հրանտ Մաթևոսյան» մշակութային բարեգործական հիմնադրամի տնօրեն Դավիթ Մաթևոսյանը Sputnik Արմենիայի հետ զրույցում վերլուծել է «Կրթվելը նորաձև է» լուսավորչական առաքելությունից՝ վիրավորական խոսույթով ստատուսների տրանսֆորմացիան, անդրադարձել «Կրթվելը նորաձև է» հավաքների ընթացքում հայ դասականներից, այդ թվում՝ Հրանտ Մաթևոսյանից մեջբերումներին՝ ուշադրություն հրավիրելով անտեսվող կոնտեքստին։

♥️@RadioSputnikArm | LIVE 106.0FM

«Չինական էլեկտրական ավտոմեքենաները առաջիկա 1-2 տարվա ընթացքում Հայաստանում դոմինանտ կլինեն»․ կանխատեսում է auto.am կայքի համաhիմնադիր Կարեն Անտոնյանը։ Սակայն փորձագետը լուրջ խնդիր է համարում էլեկտրական մեքենաների լիցքավորման կայանների քանակը․

«Եվրոպական նորմերով՝ եթե քաղաքում կա 10 էլեկտրական ավտոմեքենա, պետք է լինի առնվազն 1 լիցքավորիչ, սակայն Հայաստանում 1 լիցքավորիչը 70-80 միավոր մեքենայի համար է նախատեսված։ Այսինքն ինֆրաստրուկտուրայի խնդիր կա։ Ու փաստ է՝ չինական որոշ մեքենաներ Հայաստանում ավելի շատ են վաճառվում, քան օրինակ՝ Ճապոնիայում կամ Գերմանիայում»։

Անտոնյանը պատմել է նաև, թե ինչպես են ընկերներով, ընդամենը 150 դոլարով, այսօր արդեն ամենաայցելվող հայկական կայքերից մեկը՝ auto.am-ը ստեղծել, երբ համացանցը նոր էր տարածվում Հայաստանում։ Նշել է նաև ամենաթանկ մեքենայի գինը, որը իրենց կայքով է վաճառվել։

🎦զրույցն ամբողջությամբ

♥️@RadioSputnikArm | LIVE 106.0FM

«Իշխանափոխության հասնելու ամենաարագ մեխանիզմն այս պահին վարչապետին անվստահություն հայտնելու գործընթացն է: Այն ամենահավանական գործիքն է, սակայն ավելորդ ամբիցիաներով, բարդություններով գործընթացը չդժվարացնելու համար թեկնածու չի առաջադրվել «Պատիվ ունեմ»-ի կողմից»։

«Աբովյան Time» պոդկաստի հեղինակ Արման Աբովյանի զրուցակիցը ՀՀ ԱԺ «Պատիվ ունեմ» խմբակցության ղեկավար Հայկ Մամիջանյանն է։

«Եթե նույնիսկ փողոցում 300 հազար մարդ կանգնած լինի և եթե ՀՀ-ում մոլեկուլյար մակարդակում կյանքը կանգնի, ստեղծվի երկիշխանություն, Փաշինյանն ինքն իրենով գնացողը չէ։ Ուղիղ հրաժարականի գործիքով ինքը հրաժարվողը չի, հետևաբար տակը մնում է մեկ գործիքը, որը վարչապետին անվստահություն հայտնելն է»։

🎦զրույցն ամբողջությամբ

♥️@RadioSputnikArm | LIVE 106.0FM

«Լավրովի այցը Հայաստան երկու երկրների հարաբերություններում առաջացած ռիսկերը կառավարելու փորձ է»։

ՌԴ արտգործնախարարի երկօրյա աշխատանքային այցի, ՀՀ ԱԳ նախարար Արարատ Միրզոյանի հետ համատեղ ասուլիսում հնչած հայտարարությունների մասին Sputnik Արմենիան զրուցել է քաղաքական վերլուծաբան Սուրեն Սուրենյանցի հետ։

📌Միրզոյանն ու Լավրովը ստորագրել են երկու երկրների արտգործնախարարությունների միջև 2025-2026թթ․ համար խորհրդակցությունների ծրագիրը։ Արարատ Միրզոյանը Սերգեյ Լավրովի հետ համատեղ ասուլիսում վստահեցրել է, որ Երևանը չի պատրաստվում վերաֆորմատավորել դաշնակցային հարաբերությունները Մոսկվայի հետ։ ՌԴ ԱԳ նախարարը շեշտել է, որ Մոսկվան պատրաստ է բոլոր հնարավոր տարբերակներով համագործակցել Երևանի հետ` հատկապես Հայաստանի սուվերեն տարածքի պաշտպանության հարցում։ Միրզոյանը նաև նշել է, որ Հայաստանը ԵՄ-ին անդամակցության հայտ չի ներկայացրել, այդ ուղղությամբ բանակցություններ չեն վարվում։

♥️@RadioSputnikArm | LIVE 106.0FM

«Եվրոպացիներին մի բան ես ասում, հետո գնում կոմունիզմի զոհերի հիշատակին ծաղկի մատույցի ես մասնակցում, հետո Մայիսին 9 ես նշում, հետ ես գալիս՝ Արծրուն Հովհաննիսյանն ասում է՝ Հայրենական մեծ պատերազմի ժամանակ եթե չկռվեինք ավելի լավ կլիներ։ Այս ամբողջը փորձում է պահել` Արևմուտքին ինչ–որ բան խոստանա, Թուրքիային ռևերանսներ անի, միաժամանակ հասկանում է, որ ՌԴ–ի հետ հարաբերությունները թե խզի, տնտեսությունն ուղղակի կկործանվի, որովհետև 2024 թվականին մեր արտահանումների ընդամենը 4.5%-ն է գնացել ԵՄ»:

«Աբովյան Time» պոդկաստի հեղինակ Արման Աբովյանի զրուցակիցը ՀՀ ԱԺ «Հայաստան» խմբակցության պատգամավոր Արթուր Խաչատրյանն է:

Այն, ինչ իշխանություններն են ուզում, դա խաղաղություն չէ, դա կատարյալ կապիտուլյացիա է, ոչնչացման քայլ է։ Ժողովուրդ, կո՞ւյր ենք, չենք տեսնո՞ւմ, որ 2020-ից հետո, երբ Նիկոլ Փաշինյանն ասում էր հնարավորություն բացվեց, մենք խաղաղ չենք ապրում։ Մարկո Ռուբիոյի երկու օր առաջվա հայտարարությունը որ պարզ ասում է` ռեալ է Ադրբեջանի ներխուժումը Հայաստան, այս ամբողջը ցույց է տալիս, որ իր վարած քաղաքականությունը ձախող է, տրամբանական է հակառակ քաղաքականություն վարելը»:

🎦զրույցն ամբողջությամբ

♥️@RadioSputnikArm | LIVE 106.0FM

«Մեր կրթական քաղաքականության մեջ պետք է արտացոլվեն մեր ազգային իղձերը և պետական շահերի իրացումը»։

Sputnik Արմենիայի հետ զրույցում ԵՊՀ-ի նախկին դասախոս, հասարակական ակտիվիստ Մենուա Սողոմոնյանը հակադարձել է իշխանական պատգամավերի պնդումներին, թե Արցախի հայկականության մասին հիշատակելը պոպուլիզմ է։

📌Համացանցում այս օրերին տեսանյութ էր տարածվում, որում Արմավիրի մարզի զորավար Անդրանիկ Օզանյանի անվան թիվ 5 հիմնական դպրոցի կրտսեր դասարանների աշակերտները բեմադրել էին ներկայացում, որտեղ ստենդի վրա հատվածաբար հավաքում էին Հայաստանի քարտեզը՝ տեղադրելով մարզերը պատկերող դետալները։ Ներկայացման հեղինակային մտահղացմամբ՝ Արցախի քարտեզը երեխաները վարանում են փակցնել Հայաստանի կողքին, և Արցախը, ինչպես հիմա է, մնում է Հայաստանից կտրված։ Տեսանյութն ուղեկցվել էր հիացական գրառումներով, սակայն Ազգային ժողովի «Քաղպայմանագիր» խմբակցության պատգամավոր Հասմիկ Հակոբյանը, տարածելով այն, որակել էր «պոպուլիզմ ու ռոմանտիզմ». «Ու այ սենց «մի մատ երեխեքի» հոգեբանության ու ապագայի հետ են խաղում: Հույս ու նպատակ են ներշնչում, որ պիտի մեծանան ու հարևան երկրի սուվերեն տարածք գրավեն, բերեն կպցնեն մեր սուվերեն Հայաստանին՝ այսպիսով վտանգելով մեր սուվերեն երկրի ինքնիշխանությունը: Հերի՞ք չէ պոպուլիզմով ու ռոմանտիզմով համեմված կենացներով կերակրեք մարդկանց»։

♥️@RadioSputnikArm | LIVE 106.0FM

«Այսօր գնում են դեպի ժամանցայինը․ համաշխարհային արշավ է մշակույթի դեմ, սպանում են լավը, կարևորը»․ սպասվող ցուցահանդեսի՝ «Սպանված թատրոնի» մասին է Sputnik Արմենիայի եթերում խոսել դերասան, երգիչ, նկարիչ, Հայաստանի վաստակավոր արտիստ Ավո Խալաթյանը։

Հունիսի 6-ին բացվող ցուցադրությունում հիմնականում լինելու են կոլլաժային աշխատանքներ․։ «Վերոնիկան որոշում է մեռնել» ներկայացմանը Ավո Խալաթյանը մասնակցել է ոչ միայն որպես դերասան, այլ նաև ներկայացման դեկորատոր։ Տարիներ անց թատրոնում գտել է այդ աշխատանքները՝ հետնաբեմում անտեսված, լքված, անմխիթար վիճակում ու որոշել է դրանց երկրորդ կյանք տալ՝ «Սպանված թատրոն» խորագրով։

Իրեն «արվեստի եռամարտիկ» բնորոշող Ավո Խալաթյանը պատմել է՝ ինչպես է ընտրել մասնագիտությունները՝ ծնողների օրինակով, բայց ոչ պարտադրանքով, խոսել է ընտանիքից՝ իր նկարչության մասին կնոջ՝ երգչուհի Նունե Եսայանի արձագանքի ու իրենց երեխաների մասնագիտական նախասիրությունների մասին։

Իսկ ինչպիսին կլիներ Սղոմոն Թեհլիրյանի կերպարը, եթե այսօ՛ր կերտեր այն․ դերասանն ասում է՝ «Այսօր այլ կերպ կխաղայի»։

🎦զրույցն ամբողջությամբ

♥️@RadioSputnikArm | LIVE 106.0FM

Гость авторского подкаста политического аналитика Армана Абовяна - военный обозреватель Юрий Котенок. Собеседники обсудили вопрос , почему модернизация армии новейшими система БПЛА и РЭБ меняет всю стратегию ведения современной войны, а также затронули тему почему России приходиться отстаивать свою цивилизацию силовым образом.

♥️@RadioSputnikArm | LIVE 106.0FM

«Ստվերի կտրուկ աճին նպաստել են հենց իրենք՝ իշխանությունները»։

Sputnik Արմենիայի հետ զրույցում «Հայաստանը ես եմ» նախաձեռնության ղեկավար, տնտեսագետ Նաիրի Սարգսյանը մեկնաբանել է Պետեկամուտների կոմիտեի նախագահի հայտարարությունը ստվերային շրջանառության կտրուկ աճի մասին։

📌Ըստ Պետեկամուտների կոմիտեի նախագահ Էդուարդ Հակոբյանի՝ այս տարվա հունվար-ապրիլ ամիսներին, 2024-ի նույն ժամանակահատվածի համեմատ, ստվերային շրջանառությունը Հայաստանում աճել է 84 միլիարդ դրամով կամ 146%-ով։ Դրա հետևանքով ՊԵԿ-ը թերհավաքագրել է 39 միլիարդ դրամ, ինչը 80%-ով շատ է նախորդ տարվա նույն ժամանակահատվածի համեմատ։ Անդրադառնալով կոնկրետ ոլորտներում առկա ստվերայնությանը` ՊԵԿ-ի իրականացրած ստուգումները փաստում են, որ ամենաստվերային ոլորտներն են առևտուրը, շինարարությունը` շինանյութերը ներառյալ։

🎦զրույցն ամբողջությամբ

♥️@RadioSputnikArm | LIVE 106.0FM

«Պատգամավորները պետք է հասկանան՝ ինչին են քվեարկում։ Կրիպտոարժույթի միջոցով անտոկոս և ակնթարթային գործարքներին սովոր մարդը, օրենքի ընդունման դեպքում, ստիպված կլինի բախվել մի շարք խնդիրների․ «սև» կանխիկացումներ առաջ կգան, ինչը խնդրահարույց է, իսկ սպիտակը տոկոսով է։ Սա իջեցնելու է երկրի վարկանիշը, ներդրողներն ու ստարտափերները հեռանալու են»։

Ազգային ժողովում շրջանառվող կրիպտոարժույթների ոլորտը կարգավորող օրենսդրական նախագծի մասին «Ուրիշ նորություններում» խոսել է «Վեբ3 Հայաստան» շահույթ չհետապնդող հիմնադրամի համահիմնադիր Արտյոմ Հարությունյանը։ Նրա խոսքով՝ նախագծի մի շարք դրույթներ լուրջ մտահոգություններ են հարուցում մասնագիտական համայնքում։ Ներկայիս տարբերակով նախագիծը չի խթանում Հայաստանի կրիպտոարդյունաբերության զարգացումը, այլ առավելապես սպասարկում է բանկային համակարգի շահերը՝ վտանգելով նորարարական տեխնոլոգիաների ներդրումն ու զարգացման հնարավորությունները մեր երկրում։

«Դա հերթական նորարարություն չէ, այլև ավելի լուրջ խնդիր, որը էլ ավելի է բերելու թվային ստրկատիրության։ Կրիպտոարժույթները տրվել են սուվերենության համար, և մենք պնդում ենք՝ մի՛ քվեարկեք Եվրոպական բանկային մոդելի օգտին, որի իմաստը մեզ սուվերենությունից զրկելու մեջ է»։

🎦զրույցն ամբողջությամբ

♥️@RadioSputnikArm | LIVE 106.0FM

«Եթե փողով բանակից ազատվում են, նշանակում է՝ կոռուպցիա կա»․ Գեղամ Մանուկյանը՝ գումարի դիմաց կարճ ժամկետով զինծառայություն անցնելուն առնչվող աղմկահարույց նախագծի մասին

«Հայաստան» խմբակցության պատգամավորի խոսքով՝ իշխանության, պետության խնդիրը բացերը լրացնելն է, ոչ թե բացերն օրինականցնելը․

«Հակառակ դեպքում եկեք մարդասպանին ասենք՝ 15 միլիոն կամ 24 միլիոն վճարիր՝ 1 ամիս նստիր»։

♥️@RadioSputnikArm | LIVE 106.0FM

«Պայքարելու ենք թե՛ քաղաքական, թե՛ իրավական դաշտում». Երևանի ավագանու «Մայր Հայաստան» խմբակցության անդամ Սամվել Հակոբյանը՝ «կարմիր գծերի» տուրքը թանկացնելու՝ 2024 թվականի որոշման մասին

📌Վարչական դատարանը մայիսի 23-ին անվավեր է ճանաչել Երևանում «կարմիր գծերի» համար սահմանված տեղական վճարին վերաբերող՝ ավագանու որոշման դրույթները: Երևանի ավագանու «Մայր Հայաստան» խմբակցությունը հունվարի 23-ին դիմում էր ներկայացրել Վարչական դատարան՝ ընդդեմ ավագանու՝ «Երևան համայնքում տեղական վճարների 2025թ․ դրույքաչափերը սահմանելու մասին» 2024 թվականի որոշման հավելվածի որոշ դրույթներ անվավեր ճանաչելու պահանջով։ Դատարանն արձանագրել է, որ քաղաքապետարանը որևէ ձևով չի ապացուցել, որ վճարը կտրուկ թանկացրել է ծառայությունների որակը բարելավելու նպատակով, բացի այդ, դատարանը իրավաչափ չի համարել՝ կարմիր գծերի տուրքը թանկացնելով՝ փողոցները բեռնաթափելու պատճառաբանութունը։

Առաջին անգամ չէ, որ «Մայր Հայաստան» խմբակցությունը «կարմիր գծերի» համար սահմանված տուրքերի հետ կապված հաղթում է դատարանում, սակայն Երևանի քաղաքապետարանը բողոքարկում է դատարանի որոշումները։ Այս անգամ ևս քաղաքապետարանը չի ընդունում իր պարտությունն ու որոշել է բողոքարկել դատարանի որոշումը։

♥️@RadioSputnikArm | LIVE 106.0FM

«Երևանի քաղաքապետարանն ապրում է իր ամենակոռումպացված ժամանակաշրջանը, և իշխանությունների պնդումը, թե համակարգային կոռուպցիա չկա, մերկապարանոց է»։

Երևանի նախկին դատախազ, այժմ փաստաբան Րաֆֆի Ասլանյանը Sputnik Արմենիայի հետ զրույցում պնդում է, որ չնայած իշխանությունների հավաստիացումներին, այդուհանդերձ երկրում կա համակարգային կոռուպցիա։

📌Մայիսի 20-ին տեղեկություն տարածվեց, որ կաշառք ստանալու և տալու դեպքերի առթիվ նախաձեռնված վարույթի շրջանակում ձերբակալվել են երկու անձինք, այդ թվում՝ քաղաքաշինության, տեխնիկական և հրդեհային անվտանգության տեսչական մարմնի Երևանի տարածքային ստորաբաժանման բաժանմունքի պետը: Մինչ այդ իրավապահները խուզարկություններ էին իրականացրել տեսչական մարմնում։ Ավելի վաղ, կոռուպցիոն վարույթի շրջանակում ձերբակալվել էին Երևանի քաղաքապետարանի նախկին աշխատակիցներ։

♥️@RadioSputnikArm | LIVE 106.0FM

«2.5 շաբաթ առաջ Ադրբեջանը Չինաստանի հետ ռազմավարական համագործակցության համաձայնագիր է ստորագրել. հասկանո՞ւմ եք մենք ինչի մասին ենք խոսում... Չինաստանը աղմուկ չի հանում իր ազդեցության գոտիները մեծացնելիս. իրենք դանդաղ, մարմանդ ջրի պես գալիս ու սկսում են պետությունները վերցնել:

«Աբովյան Time» պոդկաստի հեղինակ Արման Աբովյանի զրուցակիցը քաղաքագետ Ալեն Ղևոնդյանն է:

«Ակնհայտ է, որ Ադրբեջանը փորձելու է Չինաստանի կոմունիկացիոն պրոյեկտների մեջ մտցնել «Զանգեզուրի միջանցք» թեզը։ Իսկ հետո Հայաստանը դառնալու է «աութսայդեր» տարածաշրջանում. օրինակ՝ ասելու են, թե Հայաստանը խոչընդոտում է, որ Արևելքի և Եվրոպայի միջև առևտրային կապերը ինտենսիֆիկացվեն, այսինքն՝ լեգիտիմ հիմք է ստեղծելու անեքսիայի համար»

🎦զրույցն ամբողջությամբ

♥️@RadioSputnikArm | LIVE 106.0FM

Ասուլիս. ❓․ «Քաղաքական փակուղուց դուրս գալու համար Հայաստանին հիմնովի քաղաքական ռեբրենդինգ է պետք»,- կարծում է քաղաքագետ, «Դեմոկրատական այլընտրանք» կուսակցության առաջնորդ Սուրեն Սուրենյանցը:

«Փաշինյանի իմպիչմենտի գործընթացի հեռանկարը թաղվում է մշուշում։ Եթե չկա փողոց, եթե չկա քաղաքական այլընտրանքային ծրագիր, Փաշինյանի իմպիչմենտի գործընթաց չենք տեսնի»,- Sputnik Արմենիայի մամուլի կենտրոնում ասաց քաղաքագետ Սուրեն Սուրենյանցը։

Նրա կարծիքով՝ 2026-ին իշխանության վերարտադրության շանսերը շատ փոքր են, բայց եթե արդյունավետ ընդդիմադիր հարթակ չստեղծվի, իշխանությունը կարող է վերարտադրվել․

«Եթե իշխանությունը հաղթի, կնշանակի, որ «Արևմտյան Ադրբեջան» կոնցեպտը հաղթում է, դա կնշանակի ՀՀ պետականության կոլապս»։

Սուրենյանցը խոսել է նաև Հայաստանի անվտանգության մասին՝ պայմանավորված Սյունիքի գործոնով․

«Հայաստանում աշխարհաքաղաքական շահերի բախումը պայմանավորված է Սյունիքի գործոնով»,- ասում է քաղաքագետը և բացատրում՝ ինչպես է դա ձևավորվել և ինչ արդյունքներ կարող են լինել։

🎦 ասուլիսն ամբողջությամբ

♥️@RadioSputnikArm | LIVE 106.0FM

«Մուսան» հորինել են ծույլիկ արվեստագետները, որոնք չեն սիրում աշխատել, ասում են՝ մուսաս չի գալիս։ Սուտ։ Հենց վրձինը վերցրեցիր ձեռքդ իդեան գալիս է, իսկ եթե իդեա չունես՝ ուրեմն արվեստագետ էլ չես»։

«Ուրիշ նորություններում» գեղանկարիչ, լուսանկարիչ, բանաստեղծ, ՀՀ արվեստի վաստակավոր գործիչ Սամվել Սևադան պատմել է, թե ինչու՝ լինելով ծնունդով գյումրեցի՝ իր կյանքում կարևոր դեր է խաղացել Աբովյան քաղաքը, որտեղ էլ մայիսի 17-ից հայ և ռուս ժողովուրդների բարեկամության թանգարանում անցնում է նկարչի՝ վերջին 50 տարվա աշխատանքների հետահայաց ցուցադրությունը։ Այն կգործի մինչև ամսվա վերջ, հնարավոր է երկարացվի։

Գեղանկարիչը խոսել է Կարեն Դեմիրճյանի հետ մտերմության և «պարտադրված» աշխատանքների մասին, պատմել Լենինի այրված նկարի ու ԽՍՀՄ նախարարների խորհրդի նախագահ Կոսիգինի՝ Հայաստան այցից առաջ այն մի գիշերում վերականգնելու մասին։

Սամվել Սևադան ասում է՝ սիրում է աշխատել ուսանողների հետ ու հիշել է նաև իր ուսանողական տարիների պատմություններ՝ ինչպես է սոված ու առանց գումարի օրերին փող նկարել, ծախսել ու դեռ «սդաչի» էլ ստացել։

🎦զրույցն ամբողջությամբ

♥️@RadioSputnikArm | LIVE 106.0FM

«Աբովյան time». Ադրբեջանը խաղաղության պայմանագիրը դիտարկում է որպես մի փաստաթուղթ, որը ավելի բարենպաստ պայմաններ կստեղծի Հայաստանի կազմաքանդման համար: Հետևաբար չձևակերպված ակնարկները, թե «մեր փրկությունը չպայքարելու մեջ է» կամ «մեր ուժը մեր թուլության մեջ է», ոչ միայն չեն կարող խաղաղություն, այլև ամենատարրական գոյության պայմաններ ապահովել Հայաստանի համար:

🎦զրույցն ամբողջությամբ

♥️@RadioSputnikArm | LIVE 106.0FM

Ինչպես մոտիվացնել երեխային, որ կարդա․ «Զանգակ» գրատունը բոլոր երեխաներին ու նրանց ծնողներին հրավիրում է Մանկական գրքի փառատոնին։ Գրատունն այն անցկացնում է արդեն 4-րդ անգամ և ավանդաբար՝ Երեխաների իրավունքների պաշտպանության տոնի առթիվ։ «Ուրիշ նորություններում» մանրամասներ են ներկայացնում «Զանգակ» գրատան մշակութային ծրագրերի ղեկավար Աստղիկ Օհանյանը և «Զանգակի» հասարակայնության հետ կապերի մասնագետ Գայանե Ավդալյանը։

Մայիսի 31-ին և հունիսի 1-ին մանկական գրքի և ժամանցի հասցեն Անգլիական այգին է։ Սպասվում են նոր, նկարազարդ, գունեղ գրքերի, այդ թվում նաև Հարի Փոթերի արդեն 6-րդ գրքի շնորհանդեսը։ Անգլիական այգում երեխաների համար նույնիսկ անվճար զիփլայն է լինելու։ «Զանգակ» գրատունն առաջարկում է նաև ամառային ընթերցանության ծրագիր, գրքերի թեմայով խաղերի։

Իսկ ինչպես մոտիվացնել երեխաներին, որ կարդան. «Երեխան պետք է տեսնի, որ տանը կարդում են»: Հյուրերը ևս մի քանի խորհուրդ են տալիս ծնողներին։

🎦զրույցն ամբողջությամբ

♥️@RadioSputnikArm | LIVE 106.0FM

«Թուրքիան Ադրբեջանի հետ ստեղծելով տանդեմ՝ իրականում հիբրիդային պատերազմ է վարում Հայաստանի դեմ»։

«Աբովյան Time» պոդկաստի հեղինակ Արման Աբովյանի զրուցակիցը քաղաքագետ Արա Պողոսյան է։

«Ինչու հիբրիդային․ որովհետև շահառուն հենց Թուրքիան է, բայց Ադրբեջանի ձեռքով։ Այստեղ հայտնի տեխնոլոգիան է՝ «բարի ու չար ոստիկանի», որտեղ Ադրբեջանը «չար ոստիկանն» է, Թուրքիան` «բարի»։ Ընդ որում` երկուսի նպատակը նույնն է: Նաև հայերին ստիպում են փոխել ինքնությունը, հրաժարվել արմատներից, այն բոլոր արժեքներից, որոնք պապերի ու նախահայրերի համար եղել են արժեքներ։ Հիմա խնդիրն այն է, որ Ադրբեջանն ու Թուրքիան իրենց հասարակությանը չեն պատրաստում, որ քո հետ կենաց ասեն կամ խորոված սարքեն, այլ իրենց հասարակությանը պատրաստում են, որ հայերը ոչնչացման ենթակա են»։

🎦զրույցն ամբողջությամբ

♥️@RadioSputnikArm | LIVE 106.0FM