Այսօր՝ հունվարի 14-ին նշվում է ցեղակրոնության օրը, երբ Բուլղարիայում Գարեգին Նժդեհի, Հայկ Ասատրյանի և ցեղակրոն շարժման այլ անդամների կողմից հիմնվեցին առաջին ցեղակրոն ուխտերը։

Ստորև ներկայացնում եմ ցեղակրոնի երդումը, որ տվել է Ամենայն հայոց Սպարապետը։

Հա՛յ եմ:
Ես ավանդապահն եմ Հայոց ազնիվ արյունի:
Ես ժառանգորդն եմ ու տերը Հայաստանի:
Ես պահակն եմ Ցեղիս հոգևոր հարստության ու դրոշակակիրը նրա պատմական կոչումի:
Ես կդավանեմ ու կպաշտեմ Ցեղիս ստեղծագործ Աստվածը:
Ցեղս մեծ է ու արժեքավոր:
Ուժի անսպառ աղբյուր է նա, գիտակցության ջահ, առաջնորդ և ապավեն:
Ցեղս արյունի սրբազան միությունն է, որը ճակատ կհարդարի թշնամու դիմաց և կվերացնի ներքին պառակտումները:
Ցեղս ընկերային արդարության անշեղ դատավորն է, որ կմերժի դասակարգային ամեն հասկացողություն:
Հայաստանը հարազատ մայրն է ամեն Հայի՝ պարգևաբաշխ ու լիառատ:

Ցեղակրո՛ն եմ:
Ես նվիրված եմ Ցեղիս պայքարին ու հաղթանակին:
Իմ կյանքը, կարողությունները ու նվաճումները - դիրք, փառք և հարստություն - կպատկանեն ու կծառայեն ո՛չ թե ինձ, այլ՝ Ցեղիս:
Իմ գոյությունը մեկ նպատակ ունի միայն - անաղարտ պահել երակներիս արյունը և Ցեղս տևականացնել:
Իմ կյանքը մեկ արդարացում ունի միայն - տիրանալ հայրենի հողին և կառչել նրան:
Իմ մեծագործ նախահայրերի պատմությունը, մշակույթը և լեզուն ինձնով չեն վերջանա, այլ՝ կշարունակվեն ու կծաղկեն ինձնով:

Ես կլսեմ կանչը իմ վտանգված Ցեղի:
Արյունիս մեջ կզգամ պայքարի կրակը և հոգուս մեջ՝ արևը հավատքի:
Ցեղիս ու Հայրենիքիս համար պատրաստ եմ գործելու և մեռնելու:
Որոշումս անդարձ է, կամքս՝ անընկճելի:

Ահա՛ կուխտեմ Մամիկոնյան զորավարների մեռնելու ուխտով. «Քաջությամբ մեռցուք ի վերայ աշխարհիս մեր և ի վերայ ազգիս մեր և մի՛ տեսցեն աչք մեր կոխան ոտից պղծալից լեալ զսրբարանս մեր»:

Ուխտեցի՛:
Հետևեցե՛ք ինձ:

Գարեգին Նժդեհ.

Շնորհավորում եմ բոլոր Ցեղակրոն եղբայրներին ու քույրերին մեր։

©️ Գարեգին Նժդեհ 🇦🇲

❗Հայրենիքը՝ ամենից առաջ 🇦🇲

«Ցեղակրոն շարժումը ոչ մի ընդհանուր բան չունի եւ չէր էլ կարող ունենալ օտար վարդապետությունների հետ, քանզի այն, նախ եւ առաջ , բարեփոխիչ շարժում վերածնունդ է, որը հնարավոր է միայն սեփական, այլ ոչ փոխառնված արժեքներով:

Միայն թուրքամետ, պարտվողական ու պատմագիտության ասպարեզում տգետ հայը կարող է պարսավել Ցեղակրոն շարժումը:

Ցեղակրոն շարժումը ոչ թե կուսակցություն է, այլ Ուխտ: Նրա կազմակերպություններն այդպես էլ կոչվում են՝ Ուխտեր: Ով այս կամ այն չափ ծանոթ է Հայոց պատմությանը, անմիջապես կհասկանա, որ Ցեղակրոն շարժումը, որպես ուխտ, նման է Մամիկոնեից ասպետների Ուխտին:

Մամիկոնյանների պես՝ ցեղակրոնը դավանում է ազգին անշահախնդիր նվիրվածություն եւ հանուն Հայրենիքի մահը քաջաբար ընդունելու վճռականություն»:

©️ Գարեգին Նժդեհ 🇦🇲

❗Հայրենիքը՝ ամենից առաջ 🇦🇲

Այսօր Հայոց բանակի տոնն է՝ մեր անպարտելի զինվորի տոնը, Նժդեհյան ոգով սնված, հայրենիքի համար անմնացորդ նվիրված հայ զինվորի օրը։

Շնորհավորում եմ մեր քաջարի բանակին, բոլոր զինվորներին ու սպաներին, ովքեր ամուր կանգնած են հայրենիքի պաշտպանության դիրքերում՝ անսասան կամքով ու հայրենասիրությամբ։ Ձեր հերոսությունը սերունդների համար հավերժ օրինակ է։

Թող Հայոց բանակի հաղթական ոգին երբեք չխամրի, իսկ խաղաղությունն ու ուժը մշտապես ուղեկցեն մեր հայրենիքն ու զինվորներին։

Կեցցե՛ հայ զինվորը, կեցցե՛ Հայոց բանակը՝ մեր ազգի հպարտությունն ու փառքը։

©️ Գարեգին Նժդեհ 🇦🇲

❗Հայրենիքը՝ ամենից առաջ 🇦🇲