İranın Zahedan şəhərinin cümə imamı "dərhal referendum" keçirilməsinə çağırış edib🔥✌️

Zahedanın əhli-sünnə imamı Mövləvi Əbdül Həmid cümə namazı xütbələrində “xalqın istəyi ilə siyasəti dəyişdirmək” məqsədilə beynəlxalq müşahidəçilərin iştirakı ilə təcili referendum keçirilməsinə çağırış edib.

مولوی عبدالحمید امام جمعه مردمی زاهدان خواستار برگزاری «رفراندوم فوری» شد

İranlı ekspert yenə həyasızcasına Azərbaycana qarşı qarayaxma kampaniyası aparır

İran hakimiyyəti ölkə daxilindəki xalq qiyamını ört-basdır etmək üçün işlətdiyi metodlardan biri kimi son vaxtlar Azərbaycana və onun Prezidentinə qarşı qarayaxma kompaniyasını davam etdirir.

Belə ki, İran hökumətinə bağlı siyasi təhlilçi Ehsan Movəhhediyan "Tvitter" hesabında növbəti dəfə qərəzli post paylaşıb: İran hökumətinə bağlı siyasi təhlilçi Ehsan Movəhhediyan "Tvitter" hesabında yazır:
"Bakı quldurları ilə əməkdaşlığı və təhriki nəticəsində Türkiyə xoruzunun quyruğu göründü. Bir tərəfdən Təbrizdə üzərində Əliyevin Cənubi Azərbaycan Prezidenti kimi şəkli olan kağız qırıntıları paylayırlar və rəsmi olaraq İranın ərazi bütövlüyünə hücum edirlər, biz sakit dayanmışıq.

Digər tərəfdən də Türkiyə və Bakının bayraqları ilə Xudafərin sərhədinin kənarında separatçılığa rəvac verirlər, biz isə yenə də sakit dayanmışıq".

İranın Xaş şəhərində etirazçılar xalqa divan tutan radikal və yarımhərbi "Bəsic" qüvvələrinin qərargahını daşa basıblar✌️🔥

Bu gün İranın Xaş şəhərini "Xamaneyiyə ölüm olsun" sədaları bürüyüb✌️🔥

خاش: تظاهرات مردم بلوچ علیه رژیم جنایتکار

İranın Zahedan şəhərində əhali ayağa qalxdı✊🔥

Ölkədə kütləvi etirazların 49-cu günündə narazı kütlə "Xameneyiyə ölüm olsun, diktatora ölüm olsun!" şüarları ilə İran rejiminə nifrətləri nümayiş etdirir.

زاهدان، امروز در ۴۹ مین روز اعتراضات

SEPAH komandanı öz mövqeyindən geri çəkildi

İran İnqilabının Keşikçikəri Korpusunun (SEPAH) baş komandanı Hüseyn Səlami bir neçə gün öncə Səudiyyə Ərəbistanını hədələyərək, "sizin yanınıza gələcəyik!" deyə xəbərdarlıq etmişdi.

O, bir həftədən də qısa müddət sonra bu gün açıq aşkar geri çəkilərək deyib: “İndi biz onların müdaxilə və pis əməllərinə harada və necə cavab verəcəyimizi deyə bilmərik”.

Xatırladaq ki, SEPAH-ın komandanı Səudiyyə Ərəbistanını İranın Şiraz şəhərindəki Şahçıraq ziyarətgahında baş verən terror hadisəsində əli olmaqda günahlandıraraq iddia etmişdi: "Biz Səudiyə hakimiyyəti və onun nəzarətində olan media və fitnə dairələrinə deyirik ki, diqqətli olun. Sizin yanınıza gələcəyik. Siz İran xalqına narahatlıq yaradıb, özünüz isə rahat ola bilməzsiniz”.

İranın dövlət mediası generalın çıxışını “General Səlaminin Amerika və Səudiyyə Ərəbistanına sərt xəbərdarlığı” kimi başlıqlarla işıqlandırmışdı, lakin SEPAH komandirinin son bəyanatı onun hədələyici mövqedən geri çəkildiyini göstərir.

SON DƏQİQƏ:
Bu gün İranın Kərəc şəhərində repressiv hökumət qüvvələri etirazçıları güllələyərək qanına qəltan edib😡

شهادت یک معترض در خرمدشت کرج توسط رژیم جنایکار جمهوری اسلامی

İranın Xaş şəhərində bu gün keçirilən etiraz nümayşlərində onlarla insan öldürülüb və yaralanıb😢🤬🔥

G7 ölkələrinin xarici işlər nazirləri İranda etirazçılara qarşı amansız repressiyaları pisləyiblər

G7 qrupuna (dünyanın yeddi sənayeləşmiş ölkəsi) üzv ölkələrin xarici işlər nazirləri öz iclaslarının yekun bəyanatında İslam Respublikasının təhlükəsizlik qüvvələrinin “dinc nümayişçilərə və uşaqlara qarşı qəddar və qeyri-mütənasib güc tətbiqini” pisləyib və İran hökumətindən xalqın qanuni azadlıqlarına hörmət etməyi tələb ediblər.

Noyabrın 4-də dərc olunan bəyanatda Amerika, Böyük Britaniya, Almaniya, Fransa, İtaliya, Kanada və Yaponiyanın xarici işlər nazirləri İran xalqının gələcək üçün əsas istəklərini dəstəklədiklərini bildiriblər.

Xarici işlər nazirləri habelə “Əxlaq” polisi qüvvələri tərəfindən həbs edildikdən sonra Məhsa Əmininin zorakılıqla öldürülməsini pisləyiblər.

“Biz İran hakimiyyətindən beynəlxalq qanunlar, o cümlədən Mülki və Siyasi Hüquqlar üzrə Beynəlxalq Pakt üzrə beynəlxalq öhdəliklərinə əməl etməyi tələb edirik",- deyə, bəyanatda vurğulanıb.

İranda etirazlar zamanı daha bir SEPAH zabiti öldürüldü😡🔥

İranın Kərəc şəhərində hökumət əleyhinə nümayişlər zamanı İran İnqilabı Keşikçiləri Korpusunun silahlı qüvvələrinin üzvü ölüb, 5 polis də yaralanıb.

Sosial şəbəkələrdə yayılan videolara görə, etirazçılar İranın ümumxalq etirazlarında qətlə yetirilən gənc qız Hədis Nəcəfinin ölümünün 40-cı günündə Kərəc şəhərinin “Beheşt Səkinə” qəbiristanlığında toplaşaraq “Ölüm olsun diktatora!” şüarları səsləndiriblər.

Nümayişlərin davam etməsi ilə, Kərəc şəhərinin küçələrində etirazçılarla təhlükəsizlik qüvvələri arasında toqquşmalar baş verib. Kərəcdə baş tutan etirazları nəzarətdə saxlamaq üçün bu şəhərə qonşu əyalətlərdən əlavə qüvvələr yeridilib.

یک عضو دیگر سپاه در جریان تظاهرات در ایران کشته شد

İranın Şahinşəhr bölgəsində məcburi hicaba etiraz edən gənc qız yola çıxaraq yaylığını açdı✌️🔥

İran mediasında Azərbaycanı təhdid edən məqalə dərc olunub🇮🇷🇦🇲

İranın "yjc.news" saytı Azərbaycanın öz ərazisini erməni işğalında azad etməsini təhrif edərək, "yiyələnmək" və "ekspansiya" kimi ifadələr işlədib və SEPAH-ın hərbi təlim keçirməsi ilə Azərbaycanın Zəngəzur dəhlizindən qorxub daşındığını iddia edərək təxribat xarakterli başlıq yazıb:

"Tehran və İrəvanın birgə mesajı: Qafqaza yadların müdaxiləsi qadağandır!”.

Yazıda cəfəng fikirlər ortaya qoyulur: “Ermənistanın baş nazirinin Tehrana son səfəri regiondankənar ünsürlərə açıq mesaj verdi və onlara xəbərdarlıq etdi ki, onların qonşuların işlərinə qarışmağa haqqı yoxdur.

Ermənistanın baş nazirinin hazırkı regional vəziyyətdə İrana səfərinin önəmli mesajı və konkret məqsədi var. Azərbaycan Qarabağ bölgəsini “ələ keçirdikdən” sonra Bakı yersiz ərazi genişləndirməyə, daha dəqiq desək, regionun geosiyasi vəziyyətini dəyişməyə cəhd göstərən bəyanatlar verdi.👇👇👇

İlham Əliyev son aylar müxtəlif bəhanələrlə Zəngəzur dəhlizi məsələsini dilə gətirir və bildirir ki, Azərbaycan bu bölgəni ələ keçirməklə öz əsas ərazisini Naxçıvanla birləşdirmək niyyətindədir. Təbii ki, İran hakimiyyətinin və müxtəlif rəsmilərin kəskin reaksiyası ilə müşayiət olunan qərar İranın regionda geosiyasi dəyişikliklərə heç vaxt imkan verməyəcəyini bildirir.

Zəngəzur bölgəsi Ermənistanın ən cənub hissəsində və İranla qonşuluqda yerləşir. Azərbaycanın tələbi yerinə yetirilərsə, İranın Avropaya çıxışı praktiki olaraq Azərbaycan ərazisindən keçməklə məhdudlaşacaq və Ermənistan İranla qonşuluğunu itirəcək. Bu dəhlizin salınması İranın vəziyyəti üçün təhlükəli olduğu halda Qərb Bloku ölkələri üçün olduqca əlverişli olaraq qiymətləndirilir və Türkiyə və müvafiq olaraq NATO Xəzər dənizinə asan çıxış əldə edəcək, digər tərəfdən Azərbaycanın iqtisadi maraqlarından, eyni zamanda Qərb və NATO-nun hərbi və təhlükəsizlik çətirini Xəzərin qərbinə qədər genişləndirmək imkanından daha asan faydalanacaq.

İran son aylarda Azərbaycanı fikrindən daşındırmaq üçün mühüm və əhəmiyyətli tədbirlər görüb. Birincisi, Ermənistan tərəfi ilə ikitərəfli münasibətlərə daha çox diqqət yetirmək və digər əlaqələri genişləndirmək məqsədilə Tehran Azərbaycanın dəhliz yaratmaq istədiyi bölgə olan Sünik (Zəngəzur) bölgəsinin Qafan şəhərində yeni baş konsulluq açdı. Bu diplomatik korpusun əhəmiyyətini bəyan etmək üçün İran xarici işlər naziri açılışda şəxsən iştirak etdi.

Növbəti addımda Tehran Azərbaycanın Naxçıvanla tez və asan əlaqə yaratmaqla bağlı narahatlığını həmişə aradan qaldırmağa çalışıb. 2021-ci ilin sonunda İran və Azərbaycan arasında anlaşmanın əldə olunmasına dair pıçıltılar əvvəlkindən daha çox eşidildi.

Qarabağla Naxçıvanın İran ərazisindən keçməklə əlaqəsini nəzərdə tutan anlaşma reallaşarsa, Zəngilanın Ağbənd kəndi 4 aşırımlı körpü vasitəsilə İran ərazisindən keçərək Naxçıvana birləşdiriləcək. Bu 55 km-lik marşrutun təkcə avtomobil yolları ilə məhdudlaşmayacağı və iki region arasında dəmir yolu xətləri, enerji ötürücü infrastruktur və telekommunikasiya xətlərini əhatə edəcəyi gözlənilir.

Digər tərəfdən, İran şimal-qərb bölgəsində güclü hərbi təlim keçirməklə öz çəkindirici gücünü nümayiş etdirib və xəbərdarlıq edib ki, Tehran regionun geosiyasi vəziyyətinin dəyişdirilməsi məsələsində heç vaxt heç bir ölkəyə güzəştə getməyəcək. Eyni zamanda prezident İbrahim Rəisi Ermənistanın baş naziri Paşinyanla birgə mətbuat konfransında Qafqaz regionunun “İranın tarixi, sivilizasiyası və mədəniyyətinin bir parçası olduğunu” və İranın bu bölgədə baş verən proseslərə həssaslıqla yanaşdığını bildirərək, Qafqazda təhlükəsizlik və sülhün bərqərar edilməsinin İran üçün çox vacib olduğunu bildirmişdi. Rəisi və Paşinyan bildirmişdilər ki, regional məsələlərin həlli region dövlətlərinin əlində olmalıdır və yad qüvvələrin bura hər hansı müdaxiləsi problemi həll etmək əvəzinə əlavə problemlər yaradacaq”.

مقاله تحریک آمیز "باشگاه خبرنگاران جوان": "پیام مشترک تهران و ایروان؛ دخالت خارجی‌ها در قفقاز ممنوع!"

Təbrizli fəal həbs edildi🤘

Təbrizdə yaşayan milli fəal Rəhman Azərmirad İranın Təhlükəsizlik (ETTELAAT) Nazirliyi tərəfindən həbs olunub.

Milli fəalın həbs səbəbi və hara aparıldığı barədə heç bir məlumat yoxdur.