ዜና፡ በ #ምስራቅ_ሀረርጌ ዞን ኩርፋ ጨሌ ወረዳ ሁለት ወጣቶች “በሚሊሻዎች” መገደላቸውን የቤተሰብ አባላት ተናገሩ

በ #ኦሮሚያ ክልል ምስራቅ ሀረርጌ ዞን ኩርፋ ጨሌ ወረዳ ጥር 5 ቀን 2017 ዓ/ም ከማያ ከተማ ሞተር ሳይክል ገዝተው ወደ ጉራዋ ወረዳ በመመለስ ላይ የነበሩ ሁለት ወጣቶች “በጸጥታ ኃይሎች” በተተኮሰባቸው ጥይት መገደላቸውን ቤተሰቦቻቸው ለአዲስ ስታንዳርድ ተናግረዋል።

ግድያው የተፈጸመባቸው ወጣቶች ከዲሬ ሹኢቤ እና ጃፋር አብዱራዛቅ የተባሉ የጉራዋ ወረዳ ላፍቶ ቀበሌ ነዋሪ እንደሆኑ ቤተሰቦቹ ገልጸዋል።

“ሚሊሻዎቹ በጥይት ካቆሰሏቸው በኋላ እዚያው ተተዋቸው እንደሄዱ” የተናገሩት የቤተሰቡ አባሉ፤ “በኋላም የአካባቢው ማህበረሰብ አምቡላንስ ጠርቶ ወደ ጉራዋ ሆስፒታል ቢወስዳቸውም ሊተርፉ አልቻሉም” ሲሉ ለአዲስ ስታንዳርድ አስረድተዋል።

ያንብቡ፦ https://addisstandard.com/Amharic/?p=6510

መንግስት የኤሌክትሪክ ተሽከርካሪ አስመጪዎች ሥራቸውን ከመጀመራቸው በፊት የኃይል መሙያ ጣቢያዎችን እንዲያዘጋጁ አሳሰበ

የኤሌክትሪክ ተሽከርካሪ አስመጪዎች እና የሚገጣጥሙ ድርጅቶች ሥራ ከመጀመራቸው በፊት ኃይል መሙያ ጣቢያዎችን እንዲያዘጋጁ የትራንስፖርት እና ሎጅስቲክስ ሚኒስቴር መመሪያ አስተላለፈ።

በሚኒስቴሩ መረጃ መሠረት በአሁኑ ሰዓት ከ400 በላይ ኩባንያዎች የኤሌክትሪክ ተሽከርካሪዎችን በማስመጣት እና በማከፋፈል ላይ ይገኛሉ።

የትራንስፖርትና ሎጂስቲክስ ሚኒስትር ዴዔታ በርኦ ሀሰን ከእነዚህ ኩባንያዎች መካከል አብዛኞቹ ቀድሞውኑ የመሙያ ጣቢያዎችን ማዘጋጀታቸውን ገልጸው “ሁሉም አካላት ተገቢ የሆነ የይል መሙያ መሠረተ ልማት እንዳላቸው ማረጋገጥ አለባቸው” ሲሉ አጽንዖት ሰጥተዋል።

የአዲስ አበባ ከተማ ትራንስፖርት ቢሮ ምክትል ኃላፊ የሆኑት አቶ ወርቁ ደስታ በበኩላቸው በሁለተኛው ምዕራፍ እየተከናወነ ባለው የኮሪደር ልማት በመኪና ማቆሚያዎች የኃይል መሙያ እየተሠራ መሆኑን ጠቁመዋል።

አክለውም በመዲናዋ የሚገኙ ማደያዎችን ወደ ኤሌክትሪክ ተሽከርካሪዎች የኃይል መሙያ ጣቢያ ለመቀየር ጥናት እየተደረገ መሆኑን አመልክተዋል።

በቅርቡ ከነዳጅ እና ኢነርጂ ባለሥልጣን ፈቃድ በመውሰድ በተቋም ደረጃ ለኤሌክትሪክ ተሽከርካሪዎች ሃይል መሙያ ማሽን (ቻርጀር) መትከል የሚፈቅድ መመሪያ መጽደቁ ይታወሳል።

መመሪያው በመንገዶች ግራና ቀኝ በየ50 ኪሎሜትር ልዩነት የኤሌክትሪክ ተሽከርካሪዎችን መሙላት የሚችል ፈጣን ቻርጀር ጣቢያ ማቋቋም ይፈቅዳል።

ዜና፡ በ #አፋር ክልል በመሬት መንቀጥቀጥ ምክንያት ተፈናቅለው በተጨናናቀ መጠለያ የሚገኙ ዜጎች በቂ ውሃና ምግብ እየቀረበላቸው አለመሆኑን ገለጹ

በአፋር ክልል አዋሽ ፈንታሌ እና ዱለሳ ወረዳ በተደጋጋሚ የሚስተዋለውን የመሬት መንቀጥቀጥ ክስተት ተከትሎ ከመኖሪያቸው ተፈናቅለው በመጠለያ ጣቢያ የሚገኙ ነዋሪዎች እየቀረበላቸው የሚገኘው እርዳታ በቂ አለመሆኑን ለአዲስ ስታንዳርድ ገለጹ።

“ያለው የሰው ብዛት እና የሚመጣው እርዳታ ተመጣጣኝ አይደለም። የውሃ ችግር በጣም አለ። የሮቶ ውሃ ነበረ የምንጠቀመው እሱ ካለቀ በኋላ ሰው የወንዝ ውሃ ነው እየተጠቀመ ያለው አሁን ላይ። ይህም ለበሽታ ተጋላጭ እንዳያደርገን ስጋት አለን።" ሲሉ አቶ ፈኪር አህመድ የተባሉ ተፈናቃይ ገልጸዋል።

ተፈናቃዮቹ ከመጠጥ ውሃ በተጨማሪ ለመጠለያ የሚውል ሸራ፣ ፍራሽ፣ የምግብ ማብሰያ ግብዓቶች እና ሌሎች የአቅርቦት ችግር መኖሩን ያስረዳሉ።

ሙሉ ይመልከቱ፦ https://addisstandard.com/Amharic/?p=6516

ዜና፡ በ #አክሱም ከተማ የሚገኙ አምስት ትምህርት ቤቶች በቀረቡባቸው ክሶች ላይ ምላሽ ለመስጠት ፍርድ ቤት እንዲቀርቡ ታዘዙ

የአክሱም ከተማ ወረዳ ፍርድ ቤት የትግራይ ክልል እስልምና ጉዳዮች ጠቅላይ ምክር ቤት ቅሬታ ማቅረቡን ተከትሎ ሙስሊም ተማሪዎች ሂጃብ ለብሰው ትምህርት ቤት እንዳይገቡ የከለከሉትን አምስት ትምህርት ቤቶች በቀረቡባቸው ክሶች ላይ ምላሽ እንዲሰጡ አዘዘ።

የትግራይ ክልል እስልምና ጉዳዮች ጠቅላይ ምክር ቤቱ በአክሱም ከተማ 159 ሙስሊም ሴት ተማሪዎች በሃይማኖታዊ ልብሳቸው ምክንያት ትምህርት ቤት እንዳይገቡ መታገዳቸውን ተከትሎ ትምህርት ቤቶቹን ከሷል።

አቤቱታውን የተመለከተው የአክሱም ከተማ ወረዳ ፍርድ ቤት ሙስሊም ሴት ተማሪዎች ሂጃብ ለብሰው ትምህርት ቤት እንዳይገቡ የሚከለክለውን መመሪያ በተማሪዎች ላይ "ሊመለስ የማይችል የመብት ጥሰት" ሊያስከትል እንደሚችል ገልጾ ታግዶ እንዲቆይ ወስኗል።

ያንብቡ፡ https://addisstandard.com/Amharic/?p=6527

በ #ቤኒሻንጉል_ጉሙዝ ክልል በታጣቂዎችና ሚሊሻዎች መካከል በተከፈተ ተኩስ የሰዎች ሕይወት ማለፉ ተገለጸ

በቤኒሻንጉል ጉሙዝ ክልል በመተክል ዞን ቡለን ከተማ፣ በ #ኦሮሞ ነፃነት ሰራዊት ታጣቂዎችና በክልሉ ሚሊሻዎች መካከል በተከፈተ ተኩስ የሰው ሕይወት መጥፋቱን የከተማው ነዋሪዎችና የፖለቲካ ፓርቲዎች ገለፁ፡፡

የክልሉ ነዋሪዎች "የሸኔ ኃይሎች" በማለት ወደ የጠሯቸው የኦነስ ታጣቂዎች በመተከል ዞን በቡልን ከተማ "ባንክ ለመዝረፍ" ባደረጉት ሙከራ በወረዳው የሚታወቁ የአገር ሽማግሌ መገደላቸውን ሪፖርተር ጋዜጣ ዘግቧል፡፡

ከ200 በላይ የሚደርሱ የሸኔ ታጣቂዎች፣ 34 ኪሎ ሜትር ርቀት በማቋረጥ ቡለን ከተማ ላይ የሚገኘውን የ #ኢትዮጵያ ንግድ ባንክ ለመዝረፍ ሙከራ አድርገዋል ሲሉ አንድ ስማቸው እንዳይጠቀስ የጠየቁ የቡለን ከተማ ነዋሪ ተናግረዋል።

የክልሉ ሚሊሻዎች ካምፕና ባንኩ ጎን ለጎን በመሆኑ፣ ከጥበቃዎች ጋር በመሆን ዝርፊያውን ሊከላከሉት ችለዋል ብለዋል።

በነበረው የተኩስ ልውውጥ ከታጣቂ ቡድኑ ቢያንስ ሦስት ሰዎች ሲገደሉ፣ በክልሉ የፀጥታ ኃይሎች ላይ ጉዳት አለመድረሱን ጠቁመዋል፡፡

ታጣቂዎቹ በሚመለሱበት ወቅት "የእጅ ስልኮችንና ሌሎች ንብረቶችን እየቀሙ" መሄዳቸውን ተናግረዋል፡፡

ጉዳዩን ያረጋገጡት የቦሮ ዴሞክራቲክስ ፓርቲ አባልና የሕዝብ ተወካዮች አባል የሆኑት መብራቱ ዓለሙ (ዶ/ር) ታጣቂዎቹ በዞኑ በተለይም ድባጤ ወረዳ አብዛኛዎቹን ቀበሌዎች ተቆጣጥረው እንደሚገኙ ለሪፖርተር ተናግረዋል፡፡

#አሜሪካ በ #ሱዳን የጦር አዛዥ አአል ቡርሃን ላይ ማዕቀብ ጣለች

አሜሪካ የሱዳን የጦር አዛዥ ጄኔራል አብዱል ፈታህ አል ቡርሃንን በአስር ሺዎች የሚቆጠሩ ሰዎች የተገደሉበትንና በሚሊዮኖች የሚቆጠሩ ሰዎች የተፈናቀሉበትን የእርስ በእርስ ጦርነት በማባባስ ከሳለች። የአሜሪካ ግምዣ ቤት፤ የቡርሃን አመራር የሲቪል መሰረተ ልማትን ጨምሮ በትምህርት ቤቶች፣ በገበያዎች እና በሆስፒታሎች ላይ ጥቃቶች መፈጸማቸውን እንዲሁም ያለፍርድ ቤት ትዕዛዝ ግድያ መፈጸማቸውን ገልጿል።

በዚህም ትናልንት በአልቡርሃን ላይ ማዕቀብ የተጣለ ሲሆን ይህም የሱዳኑ ፈጥኖ ደራሽ ኃይል አዛዥ በሆኑት ሞሐመድ ሀምዳን ዳጋሎ ላይ ተመሳሳይ እርምጃ ከተወሰደ ከአንድ ሳምንት በኋላ ነው።

"የቡርሃን አመራር ሰራዊት ከድርድር ይልቅ ጦርነትን መርጧል" ያለው የአሜሪካ ግምጃ ቤት፤ እርምጃው ከቡርሃን ጋር የተያያዙ የአሜሪካን ንብረቶች በሙሉ እንደሚያግድ እና አሜሪካውያን ከእሳቸው ወይም ከተዛመጅ አካላት ጋር እንዳይገናኙ የሚከለክል መሆኑንም አክሎ ገልጿል።

በተጨማሪም ዋሽንግተን የሱዳን-ዩክሬን ዜግነት ያላቸውን እና በሆንግ ኮንግ የሚገኘውን ኩባንያ ጨምሮ የጦር መሳሪያ አቅራቢዎችን ለሱዳን ጦር መሳሪያ በሚያቀርቡ አካላት ላይም ትኩረት አድርጋለች።

የቡርሃን በአልጀዚራ በተላለፈው ንግግራቸው “እቺን ሀገር ለማገልገል ማንኛውንም ማዕቀብ እንቀበላለን" ሲሉ ተደምጠዋል። የሱዳን የውጭ ጉዳይ ሚኒስቴር በበኩሉ የአሜሪካን እርምጃ "ግራ የሚያጋባ እና ደካማ የፍትህ ስሜት" ሲል ተችቷል።

ምርጫ ቦርድ የአሰራር ሂደት ላይ ግልፅኝነት ለማስፈን እንዲያግዝ የምርጫ አዋጅ ረቂቅ ማሻሻያ እንዲጸድቅ መከረ

የኢትዮጵያ ምርጫ ቦርዱ የኢትዮጵያ ምርጫ ቦርድ የፖለቲካ ፓርቲዎች ምዝገባ እና የምርጫ ሥነ-ምግባር አዋጅ ቁጥር 1162/2011 ማሻሻያ ላይ ከፖለቲካ ፓርቲ አመራሮች ጋር ምክክር አድርጓል፡፡

የምርጫ ቦርድ ሰብሳቢ ወ/ሮ ሜላትወርቅ ኃይሉ፤ ቦርዱ አዋጆች ሁሉንም አሳታፊ እና ለመድብለ ፓርቲ ስርዓት አመቺ እንዲሆኑ እየተሠራ መሆኑን ተናግረዋል።


“የአዋጁ ማሻሻያም ቦርዱ ይበልጥ ነፃ፣ ገለልተኛ፣ ፍትሐዊ እና ታማኝ እንዲሆን እንደሚያስችለው” አክለው ገልጸዋል ሲል የኢትዮጵያ ብሮድካስቲንግ ኮርፖሬሽን ዘግቧል።

ቦርዱ “ዓለም ዓቀፍ የአሰራር መለኪያዎችን ያሟሉ በቴክኖሎጂ የታገዙ አሠራሮችን ተግባራዊ ለማድረግ ዘርፈ ብዙ ሥራዎችን እያከናወነ” መሆኑንም ሰብሳቢዋ ገልጸዋል። ይህም የምርጫ ቦርድ የአሰራር ሂደት ላይ ግልፅኝነት ለማስፈን እንደሚያግዝ አመላክተዋል፡፡

በፈረንጆቹ 2019 የተደነገገው የፖለቲካ ፓርቲዎች ምዝገባ እና የምርጫ ሥነ-ምግባር አዋጅ ህወሐትን ጨምሮ የታገዱ ፓርቲዎችን ዳግም ህጋዊ ሆነው እንዲመዘገቡ ለማስቻል ባሳለፍነው አመት ግንቦት ወር መሻሻሉ ይታወቃል።

ዜና፡ #ኢትዮጵያ በጎርጎሮሳውያኑ 2024 “አስከፊ የሰብዓዊ መብት ጥሰት” እንዳጋጠማት ሂማን ራይትስ ዎች አስታወቀ

አለምአቀፉ የሰብአዊ መብቶች ተቆሪቋሪ ድርጅት ሂዩማን ራይትስ ዎች በጎርጎሮሳውያኑ 2024 ኢትዮጵያ “መጠነ ሰፊ ግጭቶች እና የሲቪል ማህበረሰብ ተቋማት እገዳዎች” ማስተናገዷን በመጥቀስ የሰብዓዊ መብት ሁኔታውን “አስከፊ” ሲል ገልጾታል።

ድርጅቱ አዲስ ባወጣው ዓመታዊ ሪፖርት፤ ግጭት ባለበት አካባቢዎች እና በሀገሪቱ ሌሎች ስፍራዎች በመንግስት የጸጥታ አካላት፣ በሚሊሻዎች እና በታጣቂ ቡድኖች ከባድ ጥሰቶችን መፈፀማቸውን አመልክቷል። በተለይም በአማራ ክልል ያለው ግጭት አሳሳቢ መሆኑን ገልጾ በመንግስት የጸጥታ አካላት እና በፋኖ ታጣቂዎች “የጦር ወንጀል” ድርጊቶች መፈጸማቸውን ገልጿል።

ያንብቡ፦ https://addisstandard.com/Amharic/?p=6533

ዜና፡ #ኢትዮጵያ በ #አፍሪካ ጋዜጠኞችን በከፋ ሁኔታ ከሚያስሩ ሀገሮች መካከል መካተቷን ሲፒጄ ገለጸ

ኢትዮጵያ በአፍሪካ ጋዜጠኞችን በከፋ ሁኔታ ከሚያስሩ ሀገሮች መካከል መካተቷንና በእስር ላይ ካሉ ስድስት ጋዜጠኞች መካከል አምስቱ የሞት ቅጣት ሊያስከትል የሚችል የ"ሽብርተኝነት" ክስ ተመስርቶባቸዋል ሲል የጋዜጠኞች ጥበቃ ኮሚቴ (CPJ) ትናንት ሐሙስ ዕለት ይፋ ባደረገው የ2024 የጋዜጠኞች እስር ሪፖርት አስታውቋል።

የእስር እርምጃዎቹ የተወሰዱት በአማራ ክልል በተቀሰቀሰው የትጥቅ ግጭት ጋር የሚገጣጠም መሆኑን የገለጸው ሪፖርቱ፤ ባለሥልጣናቱ "የጦር መሣሪያ የታጠቁ ቡድኖችን እና ደጋፊዎቻቸውን" ለማጥፋት በሚያደርጉት ዘመቻ "ሲቪሎችን፣ የመንግሥት ሠራተኞችን፣ ምሁራንን እና ጋዜጠኞችን" ዒላማ አድርገዋል ብሏል።

ሲፒጄ እንደገለጸው የኢትዮጵያ ባለሥልጣናት ጋዜጠኞችን ለማሰር "ብዙውን ጊዜ ግልጽ ያልሆኑ የሽብርተኝነት ወይም የጽንፈኝነት ክሶችን" ይጠቀማሉ።

ይመልከቱ፦ https://addisstandard.com/Amharic/?p=6538

ዓለም አቀፉ የገንዘብ ድርጅት 250 ሚሊዮን ዶላር ገንዘብ እንዲለቀቅ የሚያስችል ግምገማን አጸደቀ

ዓለም አቀፉ የገንዘብ ድርጅት (አይ ኤም ኤፍ) ሥራ አስፈጻሚ ቦርድ በአራት አመታት የተራዘመ ብድር ለ #ኢትዮጵያ ለመስጠት ከፈቀደው የ3.4 ቢሊየን ዶላር ውስጥ ሁለተኛው ዙር የ250 ሚሊየን ዶላር ብድር እንዲለቀቅ የሚያስችል ግምገማን አጸደቀ።

ቦርዱ የኢትዮጵያን ወቅታዊ የፋይናንስ ፕሮግራም ሁለተኛ ግምገማ ያደረገ ሲሆን ይህም 250 ሚሊዮን ዶላር ገንዘብ እንዲለቀቅ መንገድ ከፋች ነው ተብሏል።

ዓለም አቀፉ የገንዘብ ድርጅት የኢትዮጵያ ኢኮኖሚ በሪፎርም ፕሮግራሙ ከታሰበው የተሻለ ውጤት እንዳስመዘገበ መሆኑን እና የዋጋ ግሽበት ጫና እንደሚጨምር የተገመተው እለመከሰቱን ገልጿል።

በተጨማሪም ጠንካራ የውጭ ምንዛሪ ክምችት ከታቀደው በበለጠ ፍጥነት እያደገ እንደሚገኝ አመልክቷል።

ኢትዮጵያ ባሳለፍነው ሐምሌ ወር ከአለም አቀፉ የገንዘብ ተቋም ጋር 3.4 ቢሊዮን ዶላር ለአራት ዓመታት የሚቆይ የፋይናንስ ድጋፍ ፕሮግራም ስምምነት መፈራረሟ ይታወሳል። የመጀመሪያው 345 ሚሊዮን ዶላር የሚደርስ ገንዘብ መስከረም 18 ቀን 2017 ዓ.ም መለቀቁ ይታወሳል።

ስምምነቱ ላይ የተደረሰው ኢትዮጵያ ገበያ መር የኢኮኖሚ ሥርዓት መከተልን ጨምሮ ሰፋፊ የሆኑ የኢኮኖሚ ማሻሻያዎች ማድረጓን ተከትሎ ሲሆን የብድር ስምምነቱ የሀገሪቱን የዕዳ አወቃቀር ለማሻሻል እንደሚያግዛት ተመላክቷል።

==
የአዲስ ስታንዳርድ አማርኛ የማኅበራዊ ትስስር ገጾችን ይቀላቀሉ፡
ቴሌግራም: https://rb.gy/rekjr
ፌስቡክ: https://rb.gy/xwxb3
ትዊተር (X)፡ https://rb.gy/34uh4
ዩቲዩብ፡ https://rb.gy/bjcbg
ድረገጽ: https://rb.gy/5td6n
ቲክቶክ፡ https://rb.gy/jgdsjm

ተመራጩ ፕሬዚዳንት ትራምፕ ዕውቅና ይሰጡኛል በሚል #ሶማሊላንድ አይኗን ወደ #አሜሪካ መለሰች

ለ #ኢትዮጵያ የባሕር ጠረፍ ለመስጠት እና በምላሹም ዕውቅና ለማግኘት ጋር የመግባቢያ ስምምነት ፈርማ የነበረችው ሶማሊላንድ ወደ አሜሪካ እያማተረች ነው።

በርካታ ሶማሊላንዳውያን ተመራጩ ፕሬዚዳንት ዶናልድ ትራምፕ ለባለፉት 33 ዓመታት ሶማሊላንድ ስትናፍቀው የነበረውን በዓለም አቀፍ ደረጃ እንደ አገር ዕውቅና የማግኘት ህልሟን እውን ያደርጉታል በሚል ተስፋን ሰንቀዋል።

ሶማሊላንድ ከኢትዮጵያ ጋር በተደረሰው የባሕር በር መግባቢያ ስምምነት ለመጀመሪያ ጊዜ ዕውቅና አገኛለሁ የሚል ተስፋ ነበራት። ሆኖም በዚህ የመግባባቢያ ስምምነት ቁርሾ ውስጥ የገቡት ኢትዮጵያና ሶማሊያ በቅርቡ ልዩነታቸውን ለመፍታት በአንካራ ስምምነት ላይ መድረሳቸውን ተከትሎ የመግባቢያ ስምምነቱ ጥያቄ ውስጥ ገብቷል።

ከሶማሊያ ባለሥልጣናት በኩል ይህ የመግባቢያ ስምምነት እንደተሻረ ቢናገሩም ኢትዮጵያ በይፋ ያለችው ነገር የለም።

"ዶናልድ አዳኛችን ነው። ብልህ እና የተግባር ሰው ነው። አምላክ አሜሪካን ይባርክ" ስትል የዩኒቨርስቲ ተማሪ የሆነችው አይሻ ኢስማኤል ዕውቅና እናገኛለን በሚል ተስፋ ድምጿ በደስታ ተሞልቶ ለቢቢሲ ተናግራለች።

በሶማሊላንድ መዲና ሐርጌሳ ነዋሪ ለሆነችው አይሻ ይህ ዕውቅና የማግኘት ተስፋ ደስታን የሚያመጣ ቢሆንም በተቃራኒው ለሞቃዲሾ ተቀባይነት የሌለው ጉዳይ ነው ትላለች።

https://www.bbc.com/amharic/articles/cy4mme0j8jmo